O Yahuwe Na Dau Veivosoti Vakadede (YHWH Is Longsuffering)

Thought: But For Moshe; Avraham, Yitz’chak and Ya’akov; Yisra’yl Would Have Perished

........................ 

Serving For Yom HaShishi, Nisan 21, 5772 (Last Day - Festival of Matzah)

(NB. In Counting Days Toward Shavu’ot (Gr:Pentecost), Today Is Day 6 out of 50)

MAI NA TORAA (FROM THE TORAH

Au qai taura na vaturaraba ruarua, au qai viritaka yani mai ligaqu ruarua, kau vorolaka kina e matamuni. 18 Au qai cuva sobu meu masu e na mata i Yahuwe (YHWH), ia me vaka ga na imatai ni vasagavulu na siga kei na  vasagavulu bogi; au a sega ni kana madrai se gunu wai; baleta na nomuni ivalavala ca oni sa vakayacora, e na nomuni vakayacora na itovo vakasisila  e na mata i Yahuwe (YHWH), moni  vakacudrui koya; 19 Baleta o au, au sa rivarivabitaka na leva cecekia kei na cudru katakata sa tau tu vei kemuni mai vei Yahuwe (YHWH), e na rawa kina vua me vakarusai kemuni vakadua. Ia o Yahuwe (YHWH) a qai rogoci au, e na gauna talega oya. 20 Na nona levaci Aharoni o Yahuwe (YHWH) e a rawa sara ga ni vakamatei koya kina; ia au a masulaki Aharoni talega e na gauna oya.  21 Au a qai taura na luve ni bulumakau  e vu ni nomuni ivalavala ca, oni sa bulia tu, au qai vakama e na bukawaqa, ka qaqia vakamatailalai sa, me yacova ni sa vurumemea me vaka na kuvu ni soso; au qai kolo laivi na kena kuvu i loma ni uciwai lailai e drodro sobu tiko mai na ulunivanua,  22 Mai Tave'ra talega, Mashaa kei Kiviroti-HaTa'avaa, na tamata era a kusimataka na lewenimanumanu, oni qai vakacudrui Yahuwe (YHWH) kina. 23 Ka vakakina e na gauna a talai kemuni kina o Yahuwe (YHWH) mai Kadesha-Bania ni a kaya vei kemuni, Moni lako cake moni lai taukena na vanua au sa solia vei kemuni; ia oni a qai talaidredre ga i na ivakaro i Yahuwe (YHWH) na nomuni Kalou (Mighty One), oni qai sega ni vakabauti koya se vakarorogo i na nona vosa. 24 O kemuni oni se dau talatalaidredre tu vei Yahuwe (YHWH), mai na siga sara au se qai kilai kemuni kina. 25 Qori na vuna au masumasu tiko kina e na mata i Yahuwe (YHWH) me  vasagavulu na siga ka vasagavulu na bogi, baleta o Yahuwe (YHWH) a sa kaya oti ni na vakarusai kemuni. 26 Qori a qai masu kina vei Yahuwe (YHWH), niu kaya, I Yahuwe (YHWH), na Kalou (Mighty One) ni kakua ni vakarusai ira na nomuni tamata o ira era nomuni ivotavota, oni sa dau vueti ira tiko mai e na nomuni vakaitamera, o ira oni a kauti ira tani mai Ijipita e na ligamuni kaukaua. 27 Moni nanumi iratou na nomuni dauniveiqaravi o Avarahama, o Aisake, kei Ya'akove; ni kakua ni raica na nodra yalokaukaua na tamata oqo, se na nodra vakasisila, se na nodra ivalavala ca. 28 De lakolako era qai kakase o ira na lewe ni vanua oni a kauti ira laivi mai kina e na nodra kaya, Baleta ni a sega ni rawa ni kauti ira sara i na vanua  e a bubuluitka vei ira o Yahuwe (YHWH), Baleta talega ni cati ira, o koya e a kauti ira laivi ga, me lai vaqeavutaki ira e na vanua liwa. 29 Ia o ira qo era era nomuni tamata  ka nomuni ivotavota; o ira oni a kauta ira tani mai, e na nomuni kaukaua levu kei na gauniligamuni a dodo tu yani vei ira.

Na iVakarua (D’varim) 9:1-16

NA IVAQA NI BULA (FOOD FOR THE SOUL)

Na tamata vinaka e na vakacegui koya na vua ni gusuna; ia na nodra bula (soul) na vakasisila e na vakarusai. 3 ¶ O koya e qarauna na gusuna e maroroya na nona bula; ia o koya dau karakivosa e na kauta ga mai vei koya vakataki koya na leqa.

Vosa Vakaibalebale (Mishlei) 13:2-3

LOMANI YAHUWE NA NOMU KALOU (LOVE YHWH YOUR MIGHTY ONE)

NA Same i Asafa. O YAHUWE (YHWH) e liutaka na nodra isoqosoqo na kaukaua; e tiko e na kedra maliwa na dau ni vakatulewa, e dau lewai ira. 2 E vakaevei na kena dede oni na vakatulewa vakatawadodonu tiko kina, moni tovaki ira tiko kina era dau valavala ca? 3 Taqomaki ira na dravudravua kei ira sa yali na tamadra; Vakayacora vakadodonu vei ira era vakararawataki tu kei ira era gadreva na veivuke. 4 Vueti ira na vakaloloma kei ira na dravudravua mai ligadra na dau ni valavala ca. 5 Era sega ni kila, ka ra sega ni yalomatua; era lako tu e na butobuto; Na yavu kece kei vuravura era yavalati.

6 ¶ Au a kaya, O kemuni na kaulaua; o kemuni kece oni luve i Koya e cecere. 7 Ia veitalia ga, oni na mate vakataki ira na tamata, ka bale vaka e dua vei ira na ravouvou. 8 Tu mai kemuni na kaukaua, vakatulewa e vuravura; baleta oni na taukena vakaivotavota na veimatanitu kecekece.

Same (Tehellim) 82:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 103 o/o 1563	April 13, 2012
Reading	Hebrew Date
Sh’mu’yl Alef (1 Samuela) 13-14	Nisan 21, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yisira’yili: Na Kawatamata Domoqa. (Yisra’yl A Stiff-Necked People.

Thought: YHWH Displaced The People Of Kena’an Because Of Their Own Sins

......................... 

Serving For Yom Chamishi, Nisan 20, 5772 (Day Six - Festival of Matzah)

(NB. In Counting Days Toward Shavu’ot (Gr:Pentecost), Today Is Day 5 out of 50)

MAI NA TORAA (FROM THE TORAH

ROGOCA i Yisira'yili: Ni oni sa takosova na Yaradani edaidal, moni lai vakarusai ira na veimatanitu era lelevu ka kaukaua cake sara mai vei kemuni, na veikorolevu vakavakaitamera vakabai me yaco i lomalagi. 2 O ira era kawa tamata lelevu ka babalavu, na luve ni tuwawa (Anaki) o ira oni  kilai ira, o ira oni sa na rogoca ni kainaki, E sega ni dua e rawa ni tu me saqati ira na tuwawa! 3 Ia moni kilakasamataka e na siga edai, ni o Yahuwe (YHWH) ga na nomuni Kalou (Mighty One), e na takoso taumada e na vukumuni. Me vaka na bukawaqa dau veitilomi, o koya e na vakarusai ira, o koya e na vakagogotaki ira e matamuni;  me rawa vei kemuni moni na kuitataki ira ka vakarusai ira vakatotolo, me vaka sa tukuna oti vei kemuni o Yahuwe (YHWH). 4 Kakua ni kaya vaka oqo e lomamu, ni vakagogotaki ira e matamuni o Yahuwe (YHWH) na nomuni Kalou (Mighty One), e na vuku ni noqu ivalavala dodonu e kauti au mai kina i ke o Yahuwe (YHWH), meu mai taukena na vanua oqo; (e sega), o Yahuwe (YHWH) e vakarusai ira tiko na veimatanitu oqo e matamuni, baleta sara ga na nodra ivalavala vakasisila. 5 E sega ni baleta na nomuni yalododonu se vinaka ni vuniyalomuni, oni sa na mai taukena kina na nodra vanua; ia baleta ga na nodra ivalavala ca na veimatanitu oqo, sa nakita kina qo o Yahuwe (YHWH) na nomuni Kalou (Mighty One) me vakarusai ira e matamuni, me qai vakayacora kina na vosa a bubuluitaka vei ira na tamamuni, o Avarahama, o Yi'sake kei Ya'akove. 6 Moni kila vinaka sara tiko, ni sega ni baleta na nomuni yalododonu e solia kina vei kemuni na vanua vivinaka oqo o Yahuwe (YHWH) na nomuni Kalou (Mighty One) mo ni taukena; o kemuni oni dua na kawatamata domoqa. 7 Moni nanuma vinaka tiko, moni kakua ni guilecava, ni o kemuni oni a dau vakacudrui Yahuwe (YHWH) na nomuni Kalou (Mighty One) me levaci kemuni mai na vanua liwa; mai na siga sara oni a biubiu kina mai na vanua o Ijipita, me yacova na nomuni yaco mai e na vanua oqo, oni sa dau talatalaidredre tu ga vei Yahuwe (YHWH). 8 Mai Horeva mada ga oni a vakacudrui Yahuwe (YHWH), e na waromisa ni nona leva, e a rawa sara ga vua me vakarusai kemuni vakadua. 9 E na gauna au sa cabe cake kina i na ulunivanua meu lai ciqoma mai na vatu raba, oya na vaturaraba ni veiyalayalati  a vakaduria vata kei kemuni o Yahuwe (YHWH), au a qai tiko voli e na ulunivanua me siga vasagavulu ka bogi vasagavulu; au a sega sara ga ni kana madrai, se gunu wai; 10 O Yahuwe (YHWH) a qai solia vei au e rua na vaturaraba, sa volai tu e na  iqaqalo ni Kalou (Mighty One); e a toqai tu kina na veivosa  a cavuta o Yahuwe (YHWH) vei kemuni mai na lomaloma ni bukawaqa e na siga a yaco kina na soqoni tabu. 11  Ia ni sa oti na siga vasagavulu kei na bogi vasagavulu, sa qai solia vei au o Yahuwe (YHWH) na vaturaraba ruarua oya, na vaturaraba ni veiyalayalati.12 Kaya vei au o Yahuwe (YHWH), Tu mo lako sobu vakatotolo mai ke; baleta o ira na nomu tamata o a kauti ira mai Ijipita era sa vakadukadukalitaki ira tiko vakataki ira;  sa totolo wale na nodra sa vuki laivi mai na sala au a vakarota vei ira; era sa bulia me ra sokaloutaka e dua na ivakatakarakara buliwaicala.13 Kuria o Yahuwe (YHWH), ni kaya tale vei au, Au sa raici ira tiko na kawatamata oqo, au qai raica, ni ra dua na kawa tamata domoqa. 14 Ia qo, biuti au taudua tu mada, meu rawa ni vakarusai ira, meu bokoca laivi vakadua na yacadra mai na ruku ni lomalagi; au na qisi iko mo dua na matanitu kaukaua ka levu cake sara vei ira. 15 Au sa mani vuki meu siro sobu mai na ulunivanua; na ulunivanua a sa caudre tu e na bukawaqa; ia na vaturaraba ni veiyalayalati au sa taura tiko mai e na ligaqu ruarua. 16 Au rai yani, au qai raica, ni oni sa valavala ca saqati  Yahuwe (YHWH) tiko, na nomuni Kalou (Mighty One) ni oni sa bulia tu moni qarava e dua na luve ni bulumakau buliwaicala; oni sa riba tani vakatotolo sara mai na sala a vakarota vei kemuni o Yahuwe (YHWH) na nomuni Kalou (Mighty One).

Na iVakarua (D’varim) 9:1-16

NA IVAQA NI BULA (FOOD FOR THE SOUL)

NA gonetagane vuku e na rogoca na ivakavuvuli i tamana: ia e dua na gonetagane dau itovo ca e sega ni via rogoca na veivakadodonutaki.

Vosa Vakaibalebale (Mishlei) 13:1

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Mai na iqaqi ni waini (Gittit). Maivei Asafa. 2(1) Lagasere e na domolevu vua na Kalou (Mighty One) na noda kaukaua: cakava na rorogo ni reki vua na Kalou (Mighty One) i Ya'akove. 3(2) Taura e dua na same, kauta mai na tibereli, na hapi rogo totoka vata kei na soliteri. 4(3) Uvuca na davui e na vula vou (Rosh Hodesh), e na kena gauna lokuci, e na siga ni noda solevu tabu 5(4) Baleta qo e dua na lawa vei Isira’yili ka nona lewa na Kalou i Ya'akove. 6(5) Qo a lesia vei Yosefa, me nona ivakadinadina ni sa biubiu mai na vanua o Ijipita, na vanua a rogoca kina e dua na matuavosa a sega ni bau kila. 7(6) Au a kauta laivi na icolacola mai tabana; au sereka na ligana mai na ivesu. 8(7) E a kacivi au mai o koya mai na dela ni nona leqaleqa, Au qai vakarurugi koya e na ruku ni noqu sau vakatui; au a vakatovolei koya mai na wai ni veileti.

9(8) ¶ Rogoca, kemuni na noqu tamata,  meu vosa; i Isira’yili au na vakadinadina baleti iko, kevaka mo vakarorogo mai vei au; 10(9) Me kakua ni dua na kalou (el) tani me tiko kei iko; se mo sokalou vei ira na kalou (elohim) tawamacala. 11(10) O au o Yahuwe (YHWH) au nomu Kalou (Mighty One), o koya e a kauti kemuni laivi mai na vanua o Ijipita; dalaga mai vakalevu na gusumuni meu tawana. 12(11) Ia o ira na noqu tamata, era a sega ni via rogoca na domoqu; o Isira’yili a sega ni vinakata e dua na ka vei au. 13(12) Era mani lako ga me ra muria na gagadre ni lomadra kei na veivakasala e nodra o ira vakataki ira. 14(13) Isa, ke ra a bau vakarorogo vei au o ira na noqu tamata, o Isira’yili ke a bulamuria tiko na noqu ivalavala; 15(14) Keu a vakamalumalumutaki ira vaqunaquna o ira na kedra meca, ka vukica na ligaqu meu valuti ira era veisaqasaqa vata kei ira. 16(15) O ira era dau cati Yahuwe (YHWH), era lasutaki koya; ia era na qai tini sautaninini me tawamudu. 17(16) Au vakani ira talega e na witi daumaka duadua kei na hani mai na uluvatu, au a veivakamamautaki.

Same (Tehellim) 81:1(0)-17(16)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 102 o/o 1562	April 12, 2012
Reading	Hebrew Date
Sh’mu’yl Alef (1 Samuela) 10-12	Nisan 20, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakatabui O Moshe (Moshe Was Prohibited)

Thought: When YHWH Says No, It Means No; Moshe Tried But To No Avail

................ 

Serving For Yom R’vi’i, Nisan 12, 5772

MAI NA TORAA (FROM THE TORAH)

Au a vakaroti Yo'hoshua e na gauna oya, niu kaya, Na matamu a raica na ka kece a cakava o Yahuwe (YHWH) na nomu Kalou (Mighty One) vei rau na tui oqo; qori e na cakava vakakina o Yahuwe (YHWH) vei ira na veimatanitu oqo oni na lako tiko vei ira. 22 Moni kakua ni nuiqawaqawataki ira; baleta o Yahuwe (YHWH) na nomuni Kalou (Mighty One) e na valuti ira e na vukumuni. 23 Au a vakamasuti Yahuwe (YHWH) e na gauna oya niu kaya, 24 Au vakatakekere yani vei kemuni Yahuwe (YHWH) na Kalou (Mighty One), o kemuni oni sa tekivu vakatakila vei au, na nomuni dauniveiqaravi, na nomuni vakaitamera, kei na gauniligamuni qaqa; (na kaukaua cava e tiko mai lomalagi se e vuravura e rawa ni cakava na cakacaka kei na ivalavala me vaka oni sa vakayacora tiko? 25 Au masuti kemuni, moni vakadonuya vei au, meu takoso meu lai raica na vanua vinaka, era toka oqori e na tai kadua ni Yaradani, na ulunivanua vinaka oya vata kei Le’vanoni. 26 Ia qai cudruvi au o Yahuwe (YHWH) baleti kemuni, qai sega ni via rogoci au; Kaya o Yahuwe (YHWH), Laiva me sa rauti iko; mo kakua tale ni mai vosa vei au e na vukuni ka oqo. 27 Cabe cake i na dela ni veitokaitua mai Pisiqaa, qai laveta na matamu mo rai vaka i na vuaicake, i na vuaira, i na vualiku kei na ceva, mo raica e matamu; baleta o iko o na sega ni takosova na Yaradani.

Na iVakarua (D’varim) 3:21-27

NA IVAQA NI BULA (FOOD FOR THE SOUL)

Na nona ivalavala na lialia e na rairai donu e matana o koya vakataki koya; ia o koya e rogoca na ivakasala e vuku. 16 Na leva ni lialia e na kilai totolo; ia na tamata vakasama e na vunitaka na nona madua. 17 ¶ Na tamata yalododonu e na cavuta na dina me vaka sa matata tu; ia na ivakadinadina lasu e veivakacalai.

Vosa Vakaibalebale (Mishlei) 12:15-17

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu, laga vata kei na ivakatagi wa. E dua na Same i Asafa, e dua na sere. 2(1) Vei ira na kawa Ya'huda na Kalou (Mighty One) e kilai; na yacana e rogo e Isira’yili. 3(2) Mai Shalema talega e tiko kina na nona vale, kei na nona itikotiko mai Zaiyoni. 4(3) E keya a musuka kina o koya na dia ni dakaititi, na isasabai kei na seleiwau e na gauna ni vala. 5(4) O kemuni na sau kei na lagilagi oni daumaka vakaoti mai na ulunivanua cecekia. 6(5) O ira kece era lialia mai vuniyalodra era na yalolailai; o ira na tamata lelevu ka qaqa era na moce e na iotioti ni nodra moce.  7(6) Na ligadra a sega ni rawata e dua na ka, baleta na nomuni veivunauci,  kemuni na Kalou i Ya’akove. O ira na dau vodo ose era caka me ra moce lutu.

8(7) ¶ O kemuni io, o kemuni ga, e dodonu moni rerevaki: o cei e na tu rawa e matamuni ni oni cudru mai? 9(8) Oni vakavuna me rogo na nomuni lewa mai lomalagi; o vuravura, a raica qai sautaninnini, 10(9) Ni sa tucake o Yahuwe (YHWH) e na vakatulewa, me ra vakabulai o ira kece era yalomalumu e vuravura. 11(10) Baleta na vuku ni tamata era na dokai kemuni kina; na vo ni nona leva cecekia oni na vakadaroya. 12(11) Bubului ia vakayacora na nomuni bubului vei Yahuwe (YHWH) na nomuni Kalou (Mighty One); laivi ira era tiko vakavolivoliti koya, me ra kauta mai vua na iloloma, o koya e vinakati me rerevaki. 13(12) O Koya e na vakamalumalutaki ira na qaciqacia vei ira era dau ni vakavulewa; era na rivarivabi e na vukuna o ira na tui e vuravura.

Same (Tehellim) 76:1(0)-13(12)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 094 o/o 1554	April 4, 2012
Reading	Hebrew Date
Shof’tim (Dauniveilewai) 12-14	Nisan 12, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakawabokotaki Na Tuwawa (The Giants Were Wiped Out)

Thought: YHWH Favoured Yisra’yl Due To His Relationship With The Patriach

 .......................

Serving For Yom Shlishi, Nisan 11, 5772

MAI NA TORAA (FROM THE TORAH)

Oti eda a qai biubiu meda lako cake e na sala i Bashani; ia o 'Oqa na tui Bashani, a qai ucu mai me mai valuti keda, oya o koya vata kei ira na nona tamata, mai Edre'i. 2 Kaya o Yahuwe (YHWH) vei au, Kakua ni domobulataki koya; baleta au sa  soli i koya oti kei ira kece na nona tamata kei na nona vanua i ligamu; o iko o na cakava vua me vaka o a cakava vei Sikona na nodra tui na Emori, o koya a dau vakaitikotiko voli mai Hezaboni. 3 O Yahuwe (YHWH) na noda Kalou (Mighty One) a qai soli i 'Oqa talega, na tui Bashani, i ligada kei ira kece na nona tamata; eda qai valuti koya me yacova ni sega tale ni dua vei ira me vo bula tiko. 4 Eda taura na nona veikoro kecekece e na gauna oya, e sega tale ni dua na nodra koro eda a sega ni taura mai vei ira, e onosagavulu na koro, na yasayasa kece o Araqova, oya na matanitu kece i 'Oqa mai Bashani. 5 Na veikoro kece oqo era viribaiti e na bailalagavatu cere, vakamatamata, ka vakasamugakagaka; kei na kedra vei korolalai e vuqa. 6 Eda a vakawabokotaki ira vakaoti, me vaka eda a cakava vei Sikona na tui Hezaboni, ni da a vakarusai ira vakadua kei na nodra veikorolevu, ka vakakina na nodra yalewa kei na nodra lalai. 7 Ia na nodra manumanu kece, kei na iyau kece mai na veikoro, eda a tokitaka me noda. 8 Eda a taura e na gauna oya, mai  ligadrau na nodra tui na Emori, na vanua e koto no e na tai oqo ni Yaradani, mai na uciwai o 'Aranoni me yaco i na ulunivanua o Heramoni; 9 (O ira na Zaidonimi era dau vakatokai Heramoni o Siriyoni; ia o ira na Emori era dau vakatoka o Si'niri). 10 Bau kina na veikorolevu kece mai na buca mai Qili'ade taucoko kei Bashani taucoko, me yaco vakadua i Salakaa kei Edre'i, na veikorolevu kece  ni matanitu i 'Oqa mai Bashani. 11 O 'Oqa duadua ga, na tui Bashani a vo mai vei ira na kawa ni tuwawa; raica  ga ni nona idavodavo e kaukamea; ka rawa ni laurai qori mai Rabaa era taukena na luve i 'Amoni, ni ciwa na kiubiti na kena balavu, ka va na kiubiti na kena raba, e na ivakarau ni kiubiti vei ira na tuwawa.

Na iVakarua (D’varim) 3:1-11

NA IVAQA NI BULA (FOOD FOR THE SOUL)

O ira na vakasisila era gadreva me ra caka ca; ia na waka ni yalododonu e na tubu. 13 ¶ Na vakasisila e na toboki koya na vakasisila ni tebenigusuna; ia na yalododonu e na sere laivi mai na leqaleqa. 14 ¶ Na tamata vinaka e na vakacegui e na vua ni gusuna; ia na icovi me veiraurau kei na cakacaka ni dua na liga ni tamata, e na soli vua.

Vosa Vakaibalebale (Mishlei) 12:12-14

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Laga e na ilagalaga ni Kakua ni Veivakarusai. E dua na Same i Asafa, e dua na sere 2(1) Vei keimuni i Yahuwe (YHWH) keimami vakavinavinaka; vei kemuni, keimami solia na neimami vakamuduo ka kaciva na yacamuni; 3(2) Keimami na tusanaka na nomuni  cakacaka veivakurabuitaki; e na yaco mai na gauna au na vakataulewa kina vakadodonu. 4(3) O vuravura kei ira kece era vakaitikotiko kina era na qai vakagogotaki; oni sa lesi i ira na kena tamata. 5(4) Oni kaya vei ira na lialia, Ni kakua ni vakayacora na ivalavala lialia, vata kei ira na ca, Kakua ni laveta i cake na nomuni  ileu;  6(5) Kakua ni laveta na ileu i cake, kakua ni vosa e na domoqa.

7(6) ¶ Na isasabai e sega ni lako mai na vuaira se na vuaicake se mai na veiulunivanua dravuisiga 8(7) Baleta o Yahuwe (YHWH) ga e kena daunilewa; e na biuta sobu e dua, ka vakaduria cake e dua tale. 9(8) Baleta e na liga i Yahuwe (YHWH) e toka kina e dua na bilo, e sinai tu e na  waini e waki tu kei na kena kosa; e na qai veisoliyaka mai vua e dua, i vua e dua tale; e ka dina ni o ira kece na dukadukali kei vuravura era na gunu mai na kosa oya. 10(9) Ia au na bula tiko me tawamudu; au na seretaka na vakavinavinaka vua na Kalou (Mighty One) i Ya’akove.11(10) Na nodra ileu kece na dukadukali era na musu laivi; ia na nodra ileu na yalododonu, era na vakacerecerei.

Same (Tehellim) 75:1(0)-11(10)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 093 o/o 1553	April 3, 2012
Reading	Hebrew Date
Shof’tim (Dauniveilewai) 10-11	Nisan 11, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Mate Laivi Na Tamata Domoqa (The Stiffneck People All Died)

Thought: When YHWH Was Against Them, Their Chances Faded

....................... 

Serving For Yom Sheini, Nisan 10, 5772

MAI NA TORAA (FROM THE TORAH)

Mai na gauna keimami biubiu kina mai Kadesha-Bania, me yacova ni keimami sa lai kosova na uciwai o Zereda, e tolusagavulukawalu na yabaki; e na gauna oqori, o ira kece na itabatamata dau ni vala, era a kawaboko kina me vaka a bubuluitaka vei ira o Yahuwe (YHWH), 15 Baleta ni ka dina ga ni a saqati ira tiko na liga i Yahuwe (YHWH), ka vakarusai ira tiko mai na loma ni nodra keba, me yacova ni ra sa qeavu vakadua. 16 A qai yaco, ni ra sa tilomi oti ka ra sa mate kece o ira na tamata ni vala, mai na kedra maliwa na tamata, 17 Ni a qai vosa vei au o Yahuwe (YHWH), ni kaya, 18 O kemuni moni sa na takosova na iyalayala ni vanua o  Mo'ave kei 'Ara e na siga oqo;  19 Ni oni sa toro volekata yani na nodra iyalava na luve i 'Amoni, moni kakua sara ni vakacudrui ira se vakasagai ira; baleta au na sega ni solia vei kemuni na kedra qele na luve i 'Amoni moni taukena; au a solia oqori vei ira na kawa i Loti me ra taukena. 20 (Na vanua oqori e kilai tu ni vanua ni tuwawa; o ira na tuwawa era a dau tawana tu e liu; o ira na Emori era a dau vakatokai ira e na yaca na Zamazumimi). 21 O ira qo era kaukaua, ka lewe levu, ka balabalavu me vakataki ira na luve i Anaki; ia a vakarusai ira o Yahuwe (YHWH) mai matadra; era qai taura na vanua mai vei ira, me ra sa vakaitikotiko e na nodra vanua, 22 Me vaka ga a cakava na Kalou (Mighty One) e na vukudra na luve i 'Esava, era vakaitikotiko mai Se'ira, ni a vakarusai ira na Horimi mai matadra; taura na nodra vanua, qai vakacokataki ira e na nodra vanua me ra vakatikotiko kina me yacova mai na siga oqo. 23 O ira na Avimi era a vakaitkotiko mai Hazerimi, me yaco sara i  'Azaa, o ira na Kafotorimi, era lako taumada mai Kafotori, era a vakarusai ira, era qai mai tiko e na nodra vanua)  24 Cavutu; biubiu e na nomuni ilakolako moni takosova na uciwai o Aranoni; raica, au sa soli i Sikona na tui Hezaboni, na Emori, kei na nona vanua, i ligamu;  tekivu mo vaqeavutaki ira ka vakatalatalataki ira i na ivalu. 25 Nikua, au sa na tekivu vakatubura vei ira na veimatanitu kece e ruku ni lomalagi, na nodra nuiqawaqawataki kemuni ka domobulataki kemuni; ni ra rogoca na kemuni itukutuku era na sautanini ka vutugu baleta ga na kemuni irogorogo.

Na iVakarua (D’varim) 2:14-25

NA IVAQA NI BULA (FOOD FOR THE SOUL)

O koya e cakacakataka na kena vanua e na vakamamautaki e na madrai; ia o koya vakasegata na sasaga tawayaga e lailai vua na yalomatua.

Vosa Vakaibalebale (Mishlei) 12:11

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na vucu ni veivakatavulici i Asafa. Kemuni na Kalou (Mighty One), na cava oni sa biuti keimami laivi kina vakadua? Na cava sa waqawaqa kina na nomuni cudruvi ira na sipi mai na nomuni qelenimanumanu? 2 Vakasamataki ira na nomuni lewe ni isoqosoqo, oni a taukeni ira mai na gauna e liu; o ira na lewe ni  mataqali ni nomuni ivotavota, o ira oni a voli i ira; na ulunivanua qo o Zaiyoni oni vakaitikotiko kina. 3 Vakacerecerei ira na nomuni dauniveiqaravi vei ira era sa lako sese baleta e na vuku ni lewa (power); o ira kece era dau ivakarau kaukaua era meca ni nomuni valetabu. 4 O ira era kemuni meca era vakalevulevui ira vakataki ira e na nomuni solevu; era birika na nodra drotini me nodra ivakatakilakila. 5 Oni kila oqo me vaka era kila o ira era vakalevulevui era dabe toka mai cake; era sa taya sobu na katuba e na imatau me vaka era musu kau tiko mai veikau. 6 Era sa vakacacana na veika kece e na imatau kei na ituki ka sa vakamai na nomuni vale tabu. e na bukawaqa, 7 Era sa utura na bukawaqa me ra vakama na nomuni valetabu; era vakadukadukalitaka na itikotiko ni yacamuni e vuravura. 8 Era a kaya e vuniyalodra, Laiva meda vakarusai ira vata: laiva meda vakawabokotaka na nona veisiga ni solevu kecekece na Kalou (Mighty One) mai loma ni vanua.9 Era a sega ni raica na kena veivakurabuitaki; baleta sa sega tale vakadua ni dua na  parofita, ka sa sega ni dua na tamata vuku e na keda maliwa. 10 Kemuni na Kalou (Mighty One) e na vakacava na kena dede na nona na veivakacacani tiko na dauniveisaqa? Na meca beka sa na vakacacana vakadua na yacamuni? 11 Na càva oni vakasuka tale kina na ligamuni, oya na nomuni kaukaua mai na kedra maliwa na lewe ni isoqosoqo?

12 ¶ Baleta na Kalou (Mighty One) e neimami tui, o koya ga, mai liu sara, a vakarota na vakabulai nei Ya’akove. 13 Oni a wasea na wasawasa e na nomuni lewa (strength); oni a bola na uludra na drakoni lelevu ni loma ni wai. 14 Oni a bola vakalalai na ulu i Livayatani, ka solia me kedra kakana o ira era tiko mai na vanua liwa dravuisiga. 15 Oni a dolava na mataniwai e na veibucabuca; ka vakamamacataka na veiuciwai lelevu: 16 Na siga e nomuni, na bogi talega e nomuni; oni qai vakarautaka na rarama kéi na matanisiga. 17 Oni a lesia na iyalayala kecekece kei vuravura: oni tekia na vula ikatakata kei na vula iliiwa.

18 ¶ Nanuma oqo, ni ra sa toso mai na meca; i Yahuwe (YHWH) o ira na sesewa era vosa beca na yacamuni. 19 Kakua ni solia laiva na bula (soul) era vakatutusa vei kemuni; kakua ni guilecava na nodra bula (soul) o ira na dravudravua, me tawamudu. 20 Doka na nomuni veiyalayalati, i Yahuwe (YHWH); baleta o ira era tawana tu na vuravura era sinai vutuvutu e na lecaika kei na veivakararawataki. 21 Kakua ni laivi ira na vakararawataki me ra lesu e na madua; laivi ira na dravudravua kei ira era gadreva na veivuke me ra dui vakavinavinakataka na yacamuni. 22 Matacake, kemuni na Kalou (Mighty One), veiletitaka na nomuni inaki; nanuma tiko na ivalavala ni tamata lialia e na nodra dau beci kemuni e na veiveisiga. 23 Kakua ni guilecava na domodra na kemuni meca; na nodra vakacaca o ira era matacake me ra saqati kemuni e tubu tikoga e veiveigauna kecekece.

Same (Tehellim) 74:1-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 092 o/o 1552	April 2, 2012
Reading	Hebrew Date
Shof’tim (Dauniveilewai) 8-9	Nisan 10, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Toso Mai Se’ira I Zereda (Move From Se’ir To Zered)

Thought: Yisra’yl Was To Leave The Descendants Of ‘Esav and Lot Alone

 ...................

Serving For Yom Rishon, Nisan 9, 5772

MAI NA TORAA (FROM THE TORAH)

Oti eda sa qai biubiu meda toso i na vanua liwa, e na sala vaka i na Wasa Sufa, me vaka a vakarota vei au o Yahuwe (YHWH); eda qai lako vakavolivolita tiko na ulunivanua o Se'ira me vica vata na siga. 2 Vosa tale vei au o Yahuwe (YHWH), ni kaya, 3 Sa dede vinaka na nomuni lako  vakavolivolita tiko na ulunivanua oqo; sa kena gauna moni gole vaka i na vuaicake. 4 Vakaroti ira na tamata, mo kaya, Oni sa vakarau lako sivita qo na nodra iyalava o ira na tacimuni na luve i 'Esava, o ira era vakaitikotiko mai Se'ira; o ira era na nuiqawaqawataki kemuni, ia moni nanuma vinaka tiko o kemuni vakataki kemuni; 5 Moni kakua ni vakasagai ira; baleta au na sega ni solia vei kemuni e dua na tiki ni nodra vanua, e sega, e sega mada ga ni dua na tikina me tau kina na yavamuni; baleta o au, au a solia vei 'Esava na ulunivanua o Se'ira me taukena. 6 E rawa ni oni volia na kakana vei ira e na ilavo, me rawa ni oni kania; e tara talega moni voli wai mai vei ira e na ilavo, me rawa ni oni gunu. 7 Baleta o Yahuwe (YHWH) na nomuni Kalou (Mighty One) sa vakalougatataki kemuni oti e na cakacaka kece ni ligamuni; o koya talega e kila na iwalewale ni nomuni liutaki e na vanua liwa vakaitamera oqo;  raica ga, e na loma ni vasagavulu na yabaki sa sivi o Yahuwe (YHWH) na nomuni Kalou e a tiko vata voli kei kemuni; ka sega kina ni bau dua na ka me sega vei kemuni. 8 E na gauna eda lako siviti ira mai kina na wekada o ira na luve i 'Esava, era tiko mai Se'ira,  meda muri mai na sala e na vanua veibuca mai 'Ailati, kei Ezioni-Qeva; eda qai gole meda lako yani e na sala vaka i na vanua liwa ni Mo'ave. 9 Kaya vei au o Yahuwe (YHWH), Kakua ni vakalomaocaocataki ira na Mo'avimi, se vakatalatalataki ira i na ivalu; baleta au na sega ni solia vei kemuni na nodra vanua moni taukena; baleta au sa solia oti vei ira na luve i  Loti me ra taukena. 10  O ira na luve i Emimi era a dau tawana tu eliu, era tamata lelevu, era lewe levu ka babalavu, me vakataki ira na luve ni tuwawa (luve i Anaki); 11 Baleta o ira era a kawa ni tuwawa, ka ra kilai talega ni ra tuwawa; ia o ira na Mo'ave era dauvakatokai ira, na Emimi.12 O ira na luve i Horimi, era a dau vakaitikotiko mal Se'ira eliu; ia o ira na luve i 'Esava, era a tauri ira, vakarusai ira e matadra, era qai toki yani kina me ra lai vakacokotaki e na nodra vanua, me vaka sara ga era cakava tiko qo o ira na Yisira'yili i na vanua era taukena, e solia vei ira o Yahuwe (YHWH)  13 Ni cavu tu, takosova na uciwai o Zereda. Keimami sa mani takosova na  uciwai o Zereda,

Na iVakarua (D’varim) 2:1-13

NA IVAQA NI BULA (FOOD FOR THE SOUL)

Na tamata yalododonu e na dau kauwaitaka na nodra bula na nona manumanu; ia na nodra yalololoma na vakasisila e dau vakataotaki.

Vosa Vakaibalebale (Mishlei) 12:10

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same i Asafa. E ka dina, o Yahuwe (YHWH) e dau vinaka vei Isira’yili, vata kei ira e savasava vakaoti na vuniyalodra. 2 Ia o au mada, a voleka ni takali na yavaqu, na noqu ikalawa e a voleka ni sikidara. 3 Baleta au a vuvutaki ira na dau caka ca niu raica na nodra vutuniyau o ira na dau caka ca. 4 Baleta e sega na vutu e na nodra mate, ia na nodra ilawaki e levu cake ga. 5 Era sega ni wasea na nodra cakacaka na tamata; ka ra sega ni bau dau kuita me vakataki ira na vo ni tamata; 6 Vei ira na dokadoka e vaka na itaube, kei na ivakarau kaukaua e vunitaki ira me vaka na kote tiyara. 7 Na nodra ivalavala lawaki ca e sisi ga mai me vaka na qirisi, era sa dau cakava tu ga na gagano ca ni vuniyalodra. 8 Era dau vakasamataka ka kaya na veika vakasisila; era vosa vakalialia me baleti Koya sa Cecere sara. 9 Era tekia na gusudra mai lomalagi; ia na yamedra e yarataki tiko e na duka 10 O koya era na lesu mai kina i ke o ira na noqu tamata, era na taukena na veika kece, e na vakaitamera. 11 Era na kaya, E kila vakacava na Kalou (Mighty One)? Na vuku vakacava beka e tiko vei Koya sa Cecere sara?  12 Raica, o ira oqo na tamata ivalavala ca, era vutuniyau e vuravura; e vakaitamera na nodra lewa (power). 13 Ia o au, au sa vakasavasavataka na vuniyaloqu, ka savuya na ligaqu e na noqu tabucala. 14 E na loma ni siga taucoko au dau vakalolomataki, ia e na veimataka au dau vosataki.15 Kevaka meu kaya, Au na cakava me vaka era dau cakava, qori e na ivalavala ca levu vei au; 16 Niu vakasamataka niu kila oqo, qori e mosimosi vakalevu vei au; 17 Me yacova niu sa curu i na nona vale tabu na Kalou (Mighty One); au qai kilakasamataka na kena itinitini. 18 Oni lesia na nodra tikina me veiraurau kei na nodra ilawaki; oni kolotaki ira sobu e na gauna era vakacerecerei ira kina; 19 E totolo wale na nodra kau i na rusa, e na dua wale ga na gauna lekaleka. 20 Me vaka ni dua e yadra mai na dua na tadra, i Yahuwe (YHWH) oni na sevaka na nodra sokaloutaki matakau.

21 ¶ O koya oya a luluvu kina na vuniyaloqu, na noqu vakasama a vakaleqai au. 22 Au sa rui lialia dina ka lecaika, au a vaka na manumanu kila e matamuni. 23 Oni na vakacegui i au e na nomuni ivakasala, ka liutaki au e na nomuni dokai. 24 O cei tale au kila mai lomalagi, o kemuni duadua ga?  O cei tale au gadreva e vuravura me kemuni ikarua? 25 Ia veitalia, au sa dau tiko tudei voli ga vata kei kemuni; oni sa tuberi au tiko e na ligamuni imatau. 26 Na lewequ kei na utoqu rau malumalumu wale, ia o Yahuwe (YHWH) e kaukaua ni utoqu ka noqu ivotavota me tawamudu. 27 Baleta raica, o ira era yawa kalia mai vei kemuni era na rusa; oni na vakarusai ira kece era lako sese tu mai vei kemuni. 28 Au a marau niu toso voleka vei Yahuwe (YHWH), Au qai biuta na noqu inuinui vei Yahuwe (YHWH) na Kalou (Mighty One), meu rawa ni vakatusa na nomuni cakacaka kece sara.

Same (Tehellim) 73:1-28

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 091 o/o 1551	April 1, 2012
Reading	Hebrew Date
Shof’tim (Dauniveilewai) 6-7	Nisan 9, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Leqa Ni Wai Mai Lekutu (Water Problem In The Wilderness).

Thought: The Turning Point For Moshe Because He Disrespected YHWH.

 .......................

Serving For Shabbat Nisan 1, 5772

MAI NA TORAA (FROM THE TORAH)

ERA qai lako mai na Yisira'yili, oya o ira kece na lewe ni isoqosoqo, i na vanua liwa mai Sini, e na imatai ni vula; era qai lai keba toka mai Kadesha na tamata; o Miriyama a mate mai keya ka bulu tiko kina. 2 E keya e a sega kina na wai me ra gunuva na tamata; era qai sosoqoni vata me ra saqati rau o Moshe vata kei Aharoni. 3 O ira na tamata era qai veileti kei Moshe ni ra kaya, E vinaka cake beka ga ke keimami a mate vata kei ira na taci i keimami e na mata i Yahuwe (YHWH).  4 Na cava mada drau a kauti ira mai kina na lewe ni isoqosoqo i Yahuwe (YHWH) i na vanua liwa qo, me keimami mai mate kina vata kei ira na neimami manumanu? 5 Na cava drau a cakava kina me keimami biuti Ijipita tu yani kina, mo drau qai kauti keimami tu mai i na vanua vakasisila qo? Qo e sega ni vanua me bula kina na witi se na waini se na vuanilolo se na pomeqaraneti;    e sega tu mada ga na wai me laugunu. 6 Oti qori rau sa qai lako o Moshe kei Aharoni maivei ira na lewe ni isoqosoqo i na katuba ni valelaca ni veitavaki, rau qai lai lutu sobu e matadrau; na iserau i Yahuwe (YHWH) a qai rairai vei rau. 7 Vosa o Yahuwe (YHWH) vei Moshe ni kaya; 8 Kauta na ititoko, qai vakasoqoni ira vata na lewe ni isoqosoqo, o iko vata kei Aharoni na tuakamu, qai lai vosa baleta na uluvatu e matadra; e na qai solia mai na kena wai; O kemudrau, drau na kauta mai vei ira na wai mai na uluvatu; mo drau vagunuvi ira na lewe ni isoqosoqo kei ira na nodra bulumakau. 9 Taura na ititoko o Moshe mai na mata i Yahuwe (YHWH), me vaka e vakarota vua. 10 Rau qai vakasoqoni ira vata na lewe ni isoqosoqo o Moshe kei Aharoni me ra mai tu donuya na uluvatu, sa qai kaya vei ira o koya, Ni rogoca sara qo ni yavu (tamata) babamatua; mai na uluvatu qo keirau na vakavurea mai kina na wai me memuni? 11 Sa qai laveta cake na ligana o Moshe, qai samuta vakarua na vatu  e na nona ititoko; a qai dave mai kina vakayauyau na wai; era qai gunu mai kina na tamata kei ira talega na nodra bulumakau. 12 Kaya o Yahuwe (YHWH) vei Moshe kei Aharoni, Baleta ni drau sega ni vakabauti au, mo drau dokai au e na matadra na luve i Yisira'yili, drau sa na sega ni kauti ira na lewe ni isoqosoqo qo vakadua i na vanua au a solia vei ira. 13 Oqo na wai o Me'rivaa (veileti); baleta era a veileti kei Yahuwe (YHWH) eke na luvei Yisira'yili, qai vakatabui (sanctify) koya kina o koya vakataki e na kedra maliwa.

Mai Lekutu (B’midbar) 20:1-13

NA IVAQA NI BULA (FOOD FOR THE SOUL)

O koya e vaqara vakavuku na vinaka e na kunea na loloma; io koya e vaqara na vakacaca, qori e na yaco dina mai vua.

Vosa Vakaibalebale (Mishlei) 11:27

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. Laga kei na ivakatagi wa. E dua na sere, e dua na Same. 2(1) Kemuni na Kalou (Mighty One) ni yalololoma mai vei keimami, ká vakalougatataki keimami; ka cakava na matamuni me serau mai vei keimami, 3(2) Me rawa ni kilai e vuravura na nomuni ivalavala, kei na nomuni dau veivueti vei ira na veimatanitu kecega. 4(3) Laivi ira na tamata me ra vakamuduo vei kemuni, kemuni na Kalou (Mighty One) laivi ira na tamata me ra vakamuduo vei kemuni. 5(4) Laivi ira na veimatanitu me ra mamarau ka lagalaga sere ni reki, baleta o kemuni oni na vakatulewa vakadodonu, ka vakavulewa e na veimatanitu e vuravura. 6(5) Laivi ira na tamata me ra vakamuduo vei kemuni, kemuni na Kalou (Mighty One), laivi ira na tamata me ra vakamuduotaki kemuni, 7(6) Qori ga e na qai vuataka kina na kena tubu na vanua; ia o Yahuwe (YHWH) na noda Kalou (Mighty One) e na qai vakalougatataki keda 8(7) O Yahuwe (YHWH) e na vakalougatataki keda;  na (tamata mai na) iyalayala kei vuravura era na rerevaki koya.

Same (Tehellim) 67:1(0)-8(7)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 083 o/o 1543	March 24, 2012
Reading	Hebrew Date
Joshua (Y’hoshua) 11-13	Nisan 1, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.