Dro O Tui Dawide (King Dawid Fled).

Thought: By Fleeing, Dawid Prevented Using His Army Within Yerushalayim

 ...............

Serving For Yom Shlishi, Elul 17, 5772

MAI NA NEVI’IMI RISHONIMI (FROM THE NEVI’IM RESHONIM)

A qai lako mai e dua na daukauitukutuku vei Dawide, qai kaya vua, Na yalodra na tamata i Yisira'yili sa golevi Avishalome. 14 Kaya o Dawide vei ira kece na nona dauniveiqaravi era a tiko vata kei koya mai Yerushalayimi, Cavutu mai meda dro; baleta ni da na sega ni dro rawa tale mai vei Avishalome; vaqunaquna meda biubiu; de qai toboki keda vakasauri, qai kauta mai vei keda na leqa, ka samuta na korolevu e na seleiwau. 15 Era kaya na dauniveiqaravi ni tui vua na tui, Raica, o keimami na nomuni dauniveiqaravi keimami sa vakarau tu me keimami cakava na ka cava ga e vinakata o kemuni na neimami turaga na tui. 16 Sa qai toso na tui kei ira kece na lewe ni nona matavuvale vata kei koya. Na tui a biuta tu ga mai e tini na yalewa era nona itoto (concubine) me ra vakatawaa tiko mai na nona vale. 17 Ni sa lako yani na tui, ka ra muri i koya yani o ira na tamata, era a qai lai wawa toka e na iotioti ni vale (mai Beiti Meraka);  18 Me rawa ni ra tayabe sivi i koya o ira na nona veituraga bale, na lewe ni nona mataivalu, vata kei ira na Ki'reti, na  Pi'leti kei ira na Qitimi (oya o ira na tamata e ononadrau na tagane, era  a muri i koya mai e na nona lako mai Qata) me rawa ni ra mai tayabe tiko e liu, vua na tui. 19 Oti qai kaya na tui vei Aitai na Qitimi, Na cava na vuna mo lako kina vata kei keimami? Biubiu mai vua na tui; baleta o iko o vulagi, o iko talega o a kau mai vakavesu mai na nomu vanua. 20 O iko o a qai yaco ga mai e nanoa, na cava na vuna meu vakaleqai iko kina nikua e na nomu mai lako vata kei keimami, ni matata tu niu na lako ga e na vanua cava ga au rawa yani kina. Lesu, lai vakacavaa me ra vakadeitaki o ira na wekamu; qori e na vinaka vei iko. 21 Ia o Aitai, a qai sauma vua na tui ni kaya, Me vaka ni bula tiko o Yahuwe (YHWH), ka bula tiko na tui; na vanua cava ga e yaco kina na noqu turaga na tui, se mate se bula, na vanua tale ga oya, e na tiko talega kina na nomuni dauniveiqaravi. 22 Kaya o Dawide vei Aitai, Ia tayabe sara yani. Sa mani tayabe yani o Aitai na Qitimi, o koya o ira kece na nona tamata kei ira kece na lalai era lako mai vata kei koya. 23 Na vanua taucoko era a tagitagi e na domo levu, era qai tayabe sivia yani na tui) oti sa qai takosova na soniwai o Kidroni na tui, kei ira kece na tamata ka ra sa toso tiko vaka i na gaunisala i na vanua liwa. 24 Raica tiko ni o Zadoka na kohena e a lako tale tiko vata kei ira, ka vaka kina o ira na Li'vi'imi era dau tiko vata kei koya, ka ra colata tiko yani na kato ni veiyalayalati ni Kalou (Mighty One); ia o Eviyataa a lako cake me lai raici ira tu mai na tamata me yacova ni ra sa biubiu kece mai na korolevu. 25 Oti a qai kaya na tui vei Zadoka, colata lesu na kato ni veiyalayalati ni Kalou (Mighty One) i na loma ni korolevu; de dua au na kune loloma kina e na mata i Yahuwe (YHWH), qai kauti au lesu tale mai, me vakaraitaka tale vei au (na kato) kei na tikina sa na maroroi tiko kina. 26 Ia kevaka e mani kaya o koya, Au sa sega ni taleitaki iko, ia raica, o au ga qo, laivi koya me cakava vei au na ka ga e rairai donu e matana. 27 Kaya tale na tui vei Zadoka na kohena, Lesu tale i na korolevu e na vakacegu, o iko kei rau na luvemu tagane, (me rau lesu) vata kei iko, o Akima'aza na luvemu tagane, kei Yo'honatani na luvetagane i Eviyataa. 28 Raica, au sa na lai wawa tiko ga mai na veibucabuca ni vanua liwa, me yacova ni talai yani mai vei iko e dua na tagane, me lai tukutuku vei au. 29 Qori rau qai kauta lesu kina o Zadoka kei Eviyataa na kato ni Kalou (Mighty One) i Yerushalayimi; oti rau qai tiko voli ga mai keya. 30 O Dawide a qai cabe cake e na icabecabe i na ulunivanua ni Veiolive, qai lako tagitagi cake yani, ka ubiu tu yani na uluna, o ira talega na tamata era a tiko vata kei koya era a ubia tale tu ga yani na uludra, ka taubale tagitagi cake tiko ga yani

Samuela (Sh’mu’yl Bet) 15:13-30

NA IVAQA NI BULA (FOOD FOR THE SOUL)

Vakala na daligamu mo rogoca na nodra vosa na vuku, mo qai vakayagataka e vuniyalomu na noqu ivakavuvuli 18 Baleta ni rau vinaka ruarua, maroroya vinaka e vuniyalomu; laivi rau ruarua me rau dau toka vakarau e tebenigusumu. 19 Me rawa ni dei toka vei Yahuwe (YHWH) na nomu inuinui, au sa vakaraitaka na veika oqo vei iko e na siga oqo, io vei iko.

Vosa Vakaibalebale (Mishlei) 22:17-19

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na sere. Na nodra Same na kawa i Kora’aka. 2(1) E vakaitamera o Yahuwe (YHWH), e dau vakacerecerei vakalevu e na nona korolevu, na Kalou (Mighty One) ka vaka kina e na nona ulunivanua tabu. 3(2) E totaka vakaoti na kena cecere, ka idivi e vuravura taucoko, na ulunivanua o Saiyoni e na baba mai na vualiku; na nona korolevu na Tui cecekia. 4(3) O Yahuwe (YHWH) e vakaraitaka na nona qaqa e na nona korolelevu bailalaga ni sasabai. 5(4) Baleta raica, o ira na tui era a vakarau era qai tosovata kece. 6(5) Era raica era qai mani qoroqoro; era a qai nuiqawaqawa ka dro laivi  vaqunaquna, 7(6) Na domobula a tuburi ira, vata kei na vutu, me vaka e dua na yalewa bukete ni taratara. 8(7) E na dua na cagilaba waromisa, na waqa ni Tasisi era kakavorovoro.

9(8) ¶ Me vaka eda sa rogoca, eda sa raica talega e na korolevu nei Yahuwe ni lewevuqa (YHWH Tzva’ot) na korolevu ni noda Kalou (Mighty One); na Kalou (Mighty One) e na vakataudeitaka me tawamudu, 10(9) Keimami vakanuinui e na nomuni yalololoma i Yahuwe (YHWH) mai loma ni nomuni valenisoro. 11(10) Me vaka na yacamuni, kemuni na Kalou (Mighty One), e vaka kina na nomuni vakavinavinakataki me yaco i na iyalayala kei vuravura; na ligamuni imatau e sinai vutuvutu e na nomuni yalododonu. 12(11) Laiva na ulunivanua o Zaiyoni me malaude, laivi ira na luveyalewa i Ya’huda me ra mamarau, baleta na nomuni lewa i Yahuwe (YHWH).13(12) Wavokiti Zaiyoni, lako vakavolivolita; wilika na ilevu ni kena veivalecere. 14(13) Vakadeuca matua na kena kaukaua kei na vavaku ni kena bailalaga, me rawa ni oni na talanoataka vei ira e na dua tale na itabatamata. 15(14) Baleta na Kalou (Mighty One) oqo e noda Kalou (Mighty One) me tawamudu ka sega ni mudu; e na dau veituberi tiko vei keda me yacova na mate.

Same (Tehellim) 48:1(0)-15(14)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 247 o/o 1707	September 4, 2012
Reading	Hebrew Date
Tehellim (Same) 58-60	Elul 17, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Mate O Ebasalome Baleta Na Uluna (Absalom Died Because Of His Hair)

Thought: Your Personal Strength Could Be Your Downfall – Be Careful

.......................................

Serving For The 3^rd May, 2010

A qai yaco ni sota kei ira e vica na dauniveiqaravi nei Davide o Ebasalome Ia o Ebasalome a vodoka tiko yani e dua na miula (asa), ia na miula qai curuma na ruku ni taba tolotolo lelevu ni dua na vunioki levu, qai tacori vakaukaua na ulu i Ebasalome e navunioki levu, qai lili tu kina o koya, e na maliwa ni lomalagi kei na vuravura; ia na asa a vodoka tiko a sa toso tikoga. 10 Qori a raica e dua na tamata, qai lai tukuna vei Joabe, ni kaya, Raica, au raici Ebasalome ni lili tu mai na dua na vunioki. 11 Kaya sara o Joabe vua na tamata a tukutuku vua, Ni o sa raici koya ga, na cava tale o a sega kina ni mokuti koya sara e keya, mo qai kolotaki koya sobu i na dela ni qele? Keu a solia sara ga vei iko e tini na shekeli na siliva, vata kei na dua na nomu isulu. 12 Kaya na tamata oya vei Joabe, Kevaka mada ga mo a wilika mai vei au e duanaudolu na shekeli na siliva, au na sega ga ni dodoka na ligaqu meu tara na luveni tui; baleta keimami a rogo sara tu ga ni kaya na tui vei iko kei Apisai kei Itai, E na vukuqu, dou qarauna vinaka me kakua ni mavoa na cauravou o Ebasalome. 13 Ia kevaka meu a tara, keu a cakacala; oti e na qai sega ni vunitaki mai vua na tui e dua na ka; o iko mada ga ke o a tu saqati au. 14 Kaya vua o Joabe, Qori e sega ni dina. Laiva meu lai cakava ga o yau vakataki au. A qai kauta e ligana e tolu na moto leleka, qai lai suaka tolutolu e na uto i Ebasalome, ni se bula tiko ka se lili tu mai na taba ni vuni oki. 15 O iratou na cauravou le tini eratou dau icolacola ni yaragi nei Joape, eratou qai tu wavokiti Ebasalome, ratou qai vakamatei koya.

2 Samuela 18:9-15

Qori au sa dau vosota tu ga kina, niu gogo, niu vakasewasewani, niu sotava na veika dredre, niu vakaucacataki, se meu kauvakavesu e na vukuna na Mesaia; baleta niu malumalumu vakayago, qori au dau kaukaua kina vakayalo.

2 Korinica 12:10

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
123	May 3	1 King 5-7	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.