Veisau E Na Siga I Yahuwe (Changes On The Day Of YHWH)

Thought: Only In Pain And Shame Will Many People Eventually Learn Who YHWH is!

 ......................

Serving For Yom Rishon, [Seventh Month] Tishri 11, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia ke so vei ira e mani drobula rawa, o ira era na dro sara i na veiulunivanua me vaka na ruve mai na vei veibucabuca, o ira kece era na vutugu tiko yani, e na vuku ni nodra dui ivalavala ca. 17 Na liga kecekece era na wadamele kei na duru kece era na waicala. 18 Era na daramaka na isulutaga; na   na domobula e na kovuti ira; na madua e na kune votu e matadra, na ulu kece era na tasipori. 19 Era na kolo laivi na nodra siliva i gaunisala, na nodra koula era na vaka na ka e tawasavasava. E na siga ni leva i Yahuwe ( YHWH), na nodra siliva kei na koula era na sega ni vueti ira rawa.  Na veika oqo e na sega ni vakamamautaka rawa na nodra viakana, na veika oqo e na sega ni tawana na ketedra, baleta oqo na veika a vakavuna na nodra ivalavala ca. 20 Mai na nodra iyaya ni sasauni totoka, era dau dokadokataka vakalevu, era a bulia kina na nodra kaloumataka vakasisila kei na veika tale eso e dau vakasevaki; o koya oya, vei ira, au a vakavuna me ka dukadukali. 21 Au na soli i ira laivi i ligadra na kaitani, me ra butakoca; vei ira na tamata ca kei vuravura me nodra itoki ni ivalu, era na qai vakadukadukalitaka.  22 Oti au qai vagolea tani na mataqu mai vei ira: o [Bavela] e na vakadukara na noqu tikina vuni, o ira na daubutako era na curuma era qai vakadukara.

23 ¶  Bulia e dua na sinucodo, baleta na vanua as sinai kina na caka ca lelevu kei na veikorolevu sa sinai kina na ivalavala kaukaua. 24 Qori au na kauti ira mai kina na veivanua cacalaivi me ra mai taukena na nodra veivale; au na tinia na nodra qaciqacia na qaqa; na nodra veitikina tabu era na qai vakadukadukalitaki. 25 E na gauna sa yaco mai kina na veika vakadomobula, era na qai vaqara na sautu (peace); ia sa na sega tu. 26 Na leqa vakaloloma e na veitavatavai mai; na itukutuku ciri e na veitataqavi mai; era na vaqara na raivotu mai vua na parofita, ia na Toraa sa na rusa mai vei ira na kohena, kei na veivakasalataki mai vei ira na iliuliu. 27 Na tui sa na dabe sobu me vakaloloku, na ravouvou e na vakaisulu e na domobula; kei na ligadra talega na lewenivanua e na sautaninini mai na nodra taqaya. Au na  vakarautaka ga vei ira [na veika] e veiraurau kei na nodra dui bula, ka vakatulewataki ira me vaka na nodra a dau vakatulewataki ira na tani.  Qori era na qai kila kina ni o au o Yahuwe (YHWH).

Yekezeki’yili (Isikeli) 7:16-27

NA IVAQA NI BULA (FOOD FOR THE SOUL)

Kakua ni tarova na veivakavulici mai vua e dua na  gone lailai; [baleta] kevaka o kuitataki koya, o koya e na sega ni mate.14 Kevaka o kuitataki koya e na dua na kau, o iko o vueti koya tiko ga mai na ibulubulu (Sh'ol).

Mishlei (Vosa Vakaibalebale) 23:13-14

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na dela ni tauvimate (machalat). Na vucu ni vakavuvuli (maskil) i Dawide; 2(1) Na lialia e kaya e lomana, E sega ni dua na Kalou (Mighty One); O ira na tamata vaka oqo e sa ca [na uludra], na ka kece era cakava e vakasisila, e sega sara ga ni dua vei ira e cakava e dua na ka vinaka. 3(2) Na Kalou (Mighty One) e rai sobu mai lomalagi me dikevi ira na kawa tamata me raica se dua mada ga vei ira e vuku; se dua mada ga e vakasaqara tiko na Kalou (Mighty One). 4(3) O ira yadudua era dukadukali, o ira vata kece era dau veidabui; e sega sara ga ni dua vei ira e cakava na ka vinaka, e sega sara ga ni dua vei ira. 5(4) Era na sega beka ni vuli o ira na dau caka ca oqo? Era tilomi ira na noqu tamata me vaka era kana madrai tiko, era qai sega vakadua ni bau kacivi Yahuwe (YHWH)! 6(5) E na qai tarai ira na domobula, e dina ga ni ra sega ni bau taqaya [tiko e na gauna oqo]; baleta na Kalou (Mighty One) e na yanaraka na nodra sui o ira era vakasaurarataki kemuni tiko. Oni sa vakamaduataki ira tiko, baleta na Kalou (Mighty One) e cati ira. 7(6) O cei e tiko e na taudaku kei Zaiyoni e na solia na veivueti vei Yisira'yili?  E na gauna e na vakasuka kina vei ira na nodra iyau o Yahuwe (YHWH), sa na dua mada ga na ka na reki i  Ya'akove!  E na wacava na mamarau i Yisira'yili!

Tehillim (Same) 53:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 11 in 5774 (Total 2086)	September 15, 2013
Reading	Hebrew Date
Yechezk’yl (Ezekiel) 23-24	M #7: Tishri 11, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vosa I Yahuwe (YHWH’s Words).

Thought: YHWH Emphasized To Yechezk’yl That He Carried His Words!

.................... 

Serving For Yom Sheini, [Seventh Month] Tishri 5, 5774

MAI NA NEVI’IMI AKARONIMI (FROM THE NEVI’IM ACHRONIM)

E kaya vei au o koya, Tamata, kania na na cava ga e tu oqori e matamu; kania na ivola vivigi oqo. Oti qai lako mo lai vosa vei ira e na vale i Yisira'yili. 2 Au mani dolava na gusuqu, qai solia vei au o koya na ivola vivigi meu kania, 3 Ni kaya mai vei au o koya, Tamata, kania na ivola vivigi oqo, au solia tiko yani vei iko; vakasinaita kina na lomamu. E na gauna au sa kania kina, na kena ikanakana e kamikamica me vaka na hani.4 Tamata, e kaya vei au o koya, lako i na nodra vale na Yisira'yili, mo lai tukuna vei ira na noqu vosa vei ira. 5 Baleta o sega ni talai tiko vei ira e dua na kawa tamata e dredre na nodra vosa ka kilakilai dredre na icavucavuti ni nodra vosa, ia vei ira sara ga e na vale i Yisira'yili; 6 Sega [ni] vei ira e levu na tamata e dredre na nodra matuavosa ka sega ni matata nodra ivosavosa, me na dredre kina vei iko mo kila se cava era kaya tiko ni o rogoci ira. E sega ni vakataraitutu kevaka au talai iko vei ira, ni ra na vakarorogo vei iko. 7 Ia na vale i Yisira'yili e na sega ni via  vakarorogo vei iko; baleta o ira era sega  [mada ga] ni via vakarorogo vei au: baleta o ira kece e na loma ni  vale  i Yisira'yili era viavialevu ka yalodredre. 8 Ia, au sa na cakavi iko mo babamatua ka yalodredre talega me vakataki ira ga. 9 Io, o au, au na cakava na yalomu me kaukaua cake mai na vatuqiwa, ka wakakau cake me vaka na daimani. O koya oya mo kakua kina ni taqayataki ira  se yalolailai ni o raica na kedra irairai ni vakaraici iko tu mai, baleta ni o ira era dua na vale dauvakabebe. 10 Oti qai kaya vei au o koya, Tamata, Ciqoma e vuniyalomu, ka rogoca e na daligamu, na vosa kece au kaya tiko vei iko oqo. 11 Oti qai lako vei ira era sa cemuri (exiles), vei ira na kai nomu; mo lai vosa vei ira. Tukuna vei ira, Oqo na veika e kaya na Sau o Yahuwe (YHWH); veitalia ke ra vakarorogo se sega. 12 E dua na icegu (spirit) a qai laveti au cake, au qai rogoca mai dakuqu e dua na rorogo rogo levu, me vakavinavinakataki na lagilagi i Yahuwe e na nona tikotiko. 13 Qori na rorogo [ga] ni tabadratou na ibulibuli bula, ni carocaroba tiko ni ra veitaratarai tiko, kei na rorogo ni qiqi e toka e yasadratou, qo e dua na rorogo sa bau rogo levu sara ga. 14 A mani laveti au cake e dua na icegu (spirit), qai  kauti au laivi.  Au qai lako e na kaukaua ni yaloqu, kei na liga I Yahuwe (YHWH) a toka vakaukaua vei au. 15 Au lako vei ira na cemuri (exiles) mai Teli-Avivi, e na bati ni Uciwai o Ki'va, au qai tiko vata kei ira e keya e na kedra maliwa, e na kidroa levu me vitu na siga.

Yekezeki’yili (Isikeli) 3:1-15

NA IVAQA NI BULA (FOOD FOR THE SOUL)

Kakua ni tosoya na iyalayala ni vanua era a biutu tu o ira na nomuni itubutubu. 29 ¶ O raica tiko beka e dua na tamata e dau ni nona cakacaka? O koya e na veiqaravi vei ira na tui, e na sega ni tabonaki ira na tamata.

Mishlei (Vosa Vakaibalebale) 22:28-29

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Asafa. Na Kalou (Mighty One) na noda Kalou (Yl), o Yahuwe (YHWH), e vosa tiko ka samanitaka tiko  na vuravura, mai na tokalau [vakadua sara] i na vuaira. 2 Mai Zaiyoni, e na lagilagi e totoka vakaoti, o Yahuwe (YHWH) e serau tu mai. 3 Na noda Kalou (Mighty One) sa lako tiko mai, ka sa na sega ni tu vagagalu. E dua na bukawaqa e na kama tiko yani me liu tiko vua, kei na dua na cava vakaitamera e liwa vakavolivoliti koya tiko mai, 4 E kaci cake i lomalagi ka vaka kina i vuravura, me rawa ni mai vakatulewataki ira na nona tamata. 5 Soqoni ira vata mai o ira na noqu yalodina, o ira era a cakava e dua na veiyalayalati vata kei koya, e na nodra isoro. 6 Na lomalagi e na tusanaka na nona  yalododonu; baleta o Yahuwe (YHWH) vakataki koya na daunilewa.

Tehillim (Same) 50:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 5 in 5774 (Total 2079)	September 9, 2013
Reading	Hebrew Date
Yechezk’yl (Ezekiel) 11-12	M #7: Tishri 5, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakabebe Nei Tui Zidikiyahu. (King Tzidkiyahu’s Rebelliousness)

Thought: Rebelliousness Against YWHW Does Not Pay!

 .......................

Serving For Yom R’vi’ii, [Sixth Month] Elul 29, 5773

[Rosh Chodesh: Last Day of the Year 5773]

 MAI NA NEVI’IMI AKARONIMI (FROM THE NEVI’IM ACHRONIM)

O Zidikiyahu e a yabaki ruasagavulu ka dua tiko e na gauna a tekivu kina na nona veiliutaki vakatui, a qai veiliutaki tiko vakatui me tinikadua na yabaki mai  Yerushalayimi. Na yaca i tinana o Hamutali, na luveyalewa i Yiremeyahu mai Livinaa. 2 O koya e a cakava na veika ca mai na rai i Yahuwe (YHWH), me muria ga na veika kece a dau cakava o Yo'hoyakimi.  3 Ia e baleta na leva i Yahuwe (YHWH) e a yaco kina na veika kece oqo, vei Yerushalayimi kei Ye'huda me yacova ni sa kolotaki ira laivi mai matana. Ia o Zidikiyahu e a vakabebe vua na tui Bavela; 4 A qai yaco kina e na ikaciwa ni yabaki ni nona veiliutaki vakatui, e na ikatini ni vula, e na ikatini ni siga ni vula, ni a tayabe mai o Ne'vukadreza na tui Bavela, vata kei na nona mataivalu, me mai valuti Yerushalayimi. E a viria na nona keba, qai tara na valecere ni ivalu vakavolivolita.  5 A mani tuvaivalutaki tu na korolevu  me yacova na ikatinikadua ni yabaki [ni veiliutaki vakatui]  i Zidikiyahu. 6 E na ikaciwa ni siga ni ikava ni vula, ni sa waromisa sara ga vakalevu na lauqa e na korolevu, ka sa lai sega kina na kakana me kedra o ira na tamata e na loma ni vanua, 7 Era qai basubasu me ra curuma na korolevu. Ia o ira kece na sotia era a qai dro, ni ra biuta mai na korolevu e na bogi, e na tadrua ni bailalaga e rua volekata na nona iteitei na tui. Baleta ni ra sa tu vakavolivolita na korolevu o ira na Kasidimi, era mani lai muria na sala vaka i loma ni 'Aravaa. 8 Ia na nodra mataivalu na Kasidimi era qai cicimuria na tui, era qai lai toboki Zidikiyahu e na veibucabuca volekati Yeriko; o ira kece na nona matasotia era a sa dui drovaki koya. 9 Era qai vesuka mai na tui, era qai  kauti koya sara vua na tui Bavela mai Rivilaa, e na vanua o Hamata; e keya a qai lai vakatulewataki koya kina o koya. 10 Na tui Bavela, a qai vakamatei iratou na luvena tagane e mata [i Zidikiyahu]; o koya e a qai vakamatei ira kece talega na tagane era iliuliu vei ira na Ya'hudi, mai Rivila. 11 Oti qai leuta tani na yaloka ni mata i Zidikiyahu, [o koya] na tui Bavela, qai vesuki koya e na sinucodo, qai colati koya laivi i Bavela, qai lai balati koya tu e valeniveivesu me yacova na siga ni nona mate.

Yiremeyahu (Jeremaia) 51:51-64

NA IVAQA NI BULA (FOOD FOR THE SOUL)

Vakatudaliga, ka vakarorogo vei ira na vuku; qai vakayagataka vinaka e vuniyalomu na noqu ivakavuvuli; 18 Baleta ni ka talei ni maroroi tu e ruku ni  vuniyalomu; ia me dau toka vakarau toka ga e tebenigusumu. 19 Au vinakata na nomu inuinui me toka dei toka vei Yahuwe (YHWH), qori na vuna au vakatavulica tiko kina [oqo] vei iko edaidai.

Mishlei (Vosa Vakaibalebale) 22:17-19

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na ilagalaga ni “Lilies”. Maivei ira na kawa i Ko ra'aka. E dua na vucu ni veivakatavulici (maskil) E dua na sere ni wede. 2(1) Na utoqu e vakauqeti tiko e na dua na vakasama vinaka; Au vakauta tiko na noqu serekali vua na tui; na yamequ, e vaka na peni e ligana e dua na dau volavola. 3(2) O kemuni oni rairai totoka vakaoti  e kedra maliwa na tagane; na vosa ni loloma e drodro tiko mai na  tebenigusumuni. Baleta o Yahuwe (YHWH) sa vakalougatataki kemuni oti tu me tawamudu. 4(3) Kemuni na bati, ni vauca na nomuni seleiwau e na dibimuni, (daramaka mai) na nomuni lagilagi kei na nomuni Sau. 5(4) E na nomuni Sau ni rawaka; vodo tiko ga yani e na vosa ni dina, yalomalumu kei na yalododonu. Me qai vakatavulici kemuni e na veika cecere na ligamuni imatau. 6(5) Na nomuni gasau [ni dakaititi] e gagata. O ira na tamata era bale e rukumuni, ni lobo [basikata] na utodra o ira era kena meca na tui.

7(6) ¶ Na nomuni idabedabe vakatui, kemuni na Kalou (Mighty One) e tawamudu ka sega ni mudu; oni liutaka vakatui na nomu matanitu e na ititoko ni lewa vakatautauvata. 8(7) Oni a dau taleitaka na yalododonu, ka  sevaka na ivalavala ca. O koya oya, sa lumuti kemuni kina o Yahuwe (YHWH) na nomuni Kalou (Mighty One) e na waiwai ni reki, moni liu cake mai vei ira na nomu itokani. 9(8) Na nomuni isulu e kuvuraki mai kina na iboi ni mura, yasi kei na kasia; mai na valetabua vakatui, na ivakatagi wa era kauta mai vei kemuni na reki. 10(9) Na luvena yalewa na tui, era wili kei ira na nomuni era vakamareqeti, e na ligamuni imatau, e duri tu na ranadi [e daramaka tu na isulu] koula ni Ofiri. 11(10) Rogoca, luveyalewa! Vakasama, vakatudaliga! Guilecavi ira na nomu tamata vata kei na vale i tamamu. 12(11) Na tui e na gadreva vakalevu na kemu totoka; baleta o koya e nomu sau; e dodonu mo vakarokoroko vua. 13(12) Na luveyalewa i Zora, o ira era vutuniyau taudua e na kedra maliwa na tamata, era na vaqara na nomuni veitokoni e na nodra iloloma soliwale. 14(13) E loma [ni valevakatui] na luveyalewa ni tui e rairai totoka, ni dramaka tu mai na nona  isulu era tali vata mai kei na wa koula matailalai. 15(14) E na isulu tali matai lelevu, o koya e na kau mai vua na tui, mai vei iko, era qai muri i koya tiko mai, na nona dauniveiqaravi tabutagane.  16(15) Era na kau mai e na mamarau kei na reki, me ra curu e loma ni nona itikotiko vakaturaga na tui. 17(16) O iko, era na tu na luvemutagane  me ra na veisosomitaki vei ira na nomu itubutubu; o iko o na lesi ira me ra ravouvou e loma ni vanua.18(17) Au na cakava na yacamuni me rogo e na veitabatamata kecekece, oqori e na qai dau vakavinavinaka kina vei kemuni o ira na tamata, me tawamudu ka sega ni mudu.

Tehillim (Same) 45:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.347 in 5773 (Total 2074)	September 4, 2013
Reading	Hebrew Date
Yechezk’yl (Ezekiel) 1-2	M #6: Elul 29, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bolei Yahuwe O Bavela (Bavel Challenged YHWH)

Thought: YHWH Is The Creator and Ruler Of All, Challenging Him Is Foolhardy

 ........................

Serving For Yom R’vi’ii, [Sixth Month] Elul 22, 5773

 MAI NA NEVI’IMI AKARONIMI (FROM THE NEVI’IM ACHRONIM)

Saqata na vanua i Meratayimi; kabaa vata kei ira era vakaitikotiko mai Pe'koda. Vakaoti ira, vakawabokotaki ira vakadua; cakava na veika kece au sa vakarota vei kemuni, e kaya o Yahuwe (YHWH). 22 Na rorogo ni ivalu sa rogo e loma ni vanua; [e dua] na veivakarusai levu! 23 E a rawai vakacava na ituki kei vuravura raraba ka sa davo kakaseresere no ka  kamusu tu?  Sa na yaco me ivakaraitaki ni domobula vakaitamera vei ira na veimatanitu o Bavela! 24 Au a viria e dua na tudai ka toboki iko i Bavela, ni o sebera ni kila. O a kune o qai tobo, baleta o a bolei   Yahuwe (YHWH). 25 O Yahuwe (YHWH) sa dolava na nona vale ni iyaragi; qai talaucaka mai na iyaragi ni nona leva cecekia;  baleta na Sau o Yahuwe ni lewevuqa (Sovereign YHWH-Tzva'ot), e tiko na cakacaka me na cakava e na loma ni nodra vanua na Kasidimi. 26 Valuti koya mai na veiyasana! Dolava na nona lololo ni witi! Bini i koya cake me vaka e dua na ibinibini witi; vakarusai koya vakadua; kakua ni vakavotaka e dua na ka! 27 Vakamatei ira kece na nona bulumakau tagane! Laivi ira me ra kau sobu me ra lai mokumate! Na leqalevu e na yaco vei ira! Baleta na nodra siga sa yaco mai, na gauna e dodonu me ra na totogitaki kina.

28 Rogoca na domodra o ira era dro tiko, o ira era veidroyaki tiko mai na vanua o Bavela, era lako tiko mai, me ra mai tusanaka vakamatata i Zaiyoni na veisausaumi i Yahuwe (YHWH) na noda Kalou (Mighty One), na veisausaumi e na vukuni nona vale tabu! 29 Kacivi ira vata na dau ni vanataki dakaititi me ra mai saqati Bavela, o ira kece sa love tu na nodra dakaititi. Tuvaivalutaki koya mai na veiyasana, laiva me kakua ni dua e drobula. Sauma lesu vua, me veiraurau kei na nona ivalavala me vaka a cakava o koya, cakava tale yani vua. Baleta o koya  a vakalialiai Yahuwe (YHWH) na Yalosavasava Ledua i Yisira'yili. 30 O koya oqo era na bale kina o ira na  nona cauravou e na nona veirara lelevu,   na vuna talega era na vagalui kina o ira na nodra bati e na siga oya, e kaya o   Yahuwe (YHWH). 31 Raica, o au, daru sa veimecaki, kei  iko o dau qaciqacia, e kaya na Sau o Yahuwe ni lewevuqa (Sovereign YHWH -Tzva'ot). Na nomu siga sa yaco mai, na gauna mo sa na totogitaki kina. 32 Na [vanua] qaciqacia e na tacaqe  qai bale, ia e sega ni dua me na tabei koya cake tale. Au na vakama na nona veikoro lelevu,  e na qai tiloma na veika kece era tu wavolivoliti koya.

Yiremeyahu (Jeremaia) 50:21-32

NA IVAQA NI BULA (FOOD FOR THE SOUL)

Na vutuniyau e na lewai ira na dravudravua; ia na dau dinau e na bobula vua e dausoli dinau.

Mishlei (Vosa Vakaibalebale) 22:7

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Buli e na kena ivalavala vei Ye'dutuni. E dua na same i Dawide. 2(1) Au kaya, au sa na qarauna na noqu ivalavala, meu kakua ni valavala ca e na yamequ; au na tabonaka na gusuqu, e na gauna kece e duri mai kina e mataqu o ira na ca. 3(2) Au a galu [tu ga], au qai sega ni kaya e dua na ka, sega mada ga na ka vinaka; ia [qori] e vakatubura cake tiko ga na noqu rarawa. 4(3) Na utoqu a qai tubu na kena katakata e lomaqu; e na veigauna kece au vakasamataka kina, na bukawaqa a caudre tiko. 5(4) Cakava meu kila, i Yahuwe (YHWH), na cava e na dodonu me kequ itinitini, na cava na ibalebale [ni tukuni] ni vakaiwiliwili na nomu veisiga;  laiva meu kila se mataqali ibulibuli vakacava sara mada o au, e na toso ni gauna. 6(5) O kemuni oni sa yalana toka na noqu veisiga me vaka na ibalavu ni qeteqete ni ligaqu (hand breath); vei kemuni, na ibalavu ni noqu bula e sega ni dua na ka. Io, [na kabula] kecekece, veitalia ke tudei sara tu vakacava, e vaka tikoga na cagi ni liwa. Selaa. 7(6) Na tamata bula e veitosoyaki tu ga vaka na iyaloyalo (shadow), na nodra sasaga [kaukaua] e na tini ga me sega ni dua na ka. E kumuna vata tiko na nodra iyau, ia era sega tiko mada ga ni kila se o cei e na qai marautaka na kena yaga.

8(7) ¶ Ia qo, i Yahuwe (YHWH) na cava tale beka au waraka tiko? O kemuni ga na noqu inuinui. 9(8) Vueti au mai na noqu talatalaidredre taucoko sara; kakua ni vakatara meu vakasewasewani mai vei ira era lialia. 10(9) Au galu tu ga, au sogota tiko ga na gusuqu, baleta o kemuni ga oni a cakava. 11(10) Tarova na nomuni tauca tiko vei au na kequ kuita; Na bibi ni nomuni ivacu sa vakagogotaki au sobu tiko. 12(11) E na veitotogitaki oni vakatavulici ira tiko na tamata e na vukuni nodra cala; me vaka e dua na bebe, oni vakarusa na veika e cakava me ra totoka kina; io [na tamata] kecekece era vaka tu ga ni liwa na cagi. 13(12) Rogoca na noqu masu, i Yahuwe (YHWH), vakatudaliga i na noqu tagi; kakua ni vakadidi e na wainimataqu; baleta vata kei kemuni, o au, au dua ga na vulagi e tavali tiko, me vakataki ira ga na noqu itubutubu [kece]. 14(13) Rai tani mai vei au, meu rawa ni dredre tale, ni se bera niu biubiu, meu sa oti vakadua.

Tehillim (Same) 39:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.340 in 5773 (Total 2065)	August 28, 2013
Reading	Hebrew Date
Yirmeyahu (Jeremiah) 39-40	M #6: Elul 22, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Oti O Bavela. (After Bavel)

Thought: United Yisra’yl/Y’hudah Will Be Forgiven By YHWH And Returned!

..................... 

Serving For Yom Shlishi, [Sixth Month] Elul 21, 5773

 MAI NA NEVI’IMI AKARONIMI (FROM THE NEVI’IM ACHRONIM)

Baleta o kemuni oni a marau,  baleta oni a reki vakalevu, oni qai kovea na noqu ivotavota, oni ladelade me vaka na luve ni bulumakau e loga veico, ka tagi vaka na ose tagane; 12 O ira na tinamuni era na madua sara vakalevu, o koya e a vakasucumi kemuni e na vakarogocataki. Qo o koya! Na otioti vei ira na veimatanitu, e dua na vanua dravuisiga, mamaca ka  laladidi. 13 Baleta na leva waromisa i Yahuwe (YHWH), e sega ni dua e na bula tale   e keya. [Na vanua] kece sara vakadua sa na laladidi. O ira kece era lako siviti Bavela era na vakalukalu e na nodra kidroataka, na [waromisa] ni leqa kece sa sotava tu. 14 Tuvaivalu wavoliti Bavela mai; o kemuni kece sa love tu na nomuni dakaititi, vanalaki koya, kua ni vakamaninitaka na gasau [ni dakaititi]; baleta o koya e a vakayacora na ivalavala ca vei Yahuwe (YHWH). 15 Mai na veiysana kecekece, kailavaka mai na tagi ni ivalu moni saqati koya! Qo, o koya e sa na soro! Na nona yavu sa na caqera, kei na nona lalaga sa na basuraki sobu, baleta qori na veisausaumi mai vei Yahuwe (YHWH).  Sausaumi lesu vua e na vukumu! Me vaka a cakava o koya; cakava tale yani vua. 16 Muduki ira laivi na daukabukaburaki mai Bavela, kei ira na dautatamusuki vata kei na nodra iseletakelo (sickle) e na gauna ni tatamusuki. Baleta na taqayataki ni seleiwau ni veivakarusai, o ira yadua era na gole lesu vei ira na nodra dui tamata e na nodra dui vanua.  17 O Yisira'yili e dua na luvenisipi lako sese; e a cemuri laivi vei ira na laione. Na imatai me a tilomi ira o koya na tui Ashuru; qai iotioti me musuka na nona sui o Ne'vukadreza oqo, na tui Bavela. 18 O koya oqori e kaya kina vakaoqo O Yahuwe ni lewevuqa (YHWH-Tzva'ot)  na Kalou (Mighty One) i Yisira'yili, Au na totogitaka na tui Bavela vata kei na nona vanua, me vaka au a totogitaka na tui Ashuru. 19 Au na kauti Yisira'yili lesu mai i na nona ikanakana, me na mai kana tale e Karameli kei Bashana e na veidelana i Ifirayimi vata kei Qili'adi, me yacova ni sa mamau vinaka. 20 E na veisiga oya, e na gauna oya, e kaya o Yahuwe (YHWH), na cala i Yisira'yili e na qaqai, e na qai sega ni kune [e dua]; ka vaka kina na cala i Ye'huda, ia era na sega talega ni kune; baleta au na vosoti ira, na vo vo au vakavotaki ira tu.

Yiremeyahu (Jeremaia) 50:11-20

NA IVAQA NI BULA (FOOD FOR THE SOUL)

Na kauvakavotona kei na tudai e na vakadredretaka na [nodra] sala na qaciqacia; o koya e vakamareqeta na nona bula e na tu vakayawa sara mai kina. 6 ¶ Vakatavulica cake na gone e na sala [e dodonu] me na bula muria; baleta e na gauna e qase cake kina, o koya e na sega ni gole tani mai kina.

Mishlei (Vosa Vakaibalebale) 22:5-6

LOMANI YAHUWE NA NOMU KALOU (LOVE YHWH YOUR MIGHTY ONE

O ira era vaqara tiko mai na noqu bula, era viria na kequ tudai, o ira era vaqara tiko mai me ra vakamavoataki au, era kaya tiko ni na yaco na leqa, ka vakasamataka tiko na veivakacalai e na loma ni siga taucoko. 14(13) Ia o au, au sa vaka e dua na tamata didivara, au sega ni rogoca; ka vaka na galu, au sega ni kaya e dua na vosa. 15(14) Io, au sa vaka e dua na tamata  e sega ni vakatudaliga rawa, ka sega ni kune e gusuna na isasabai. 16(15) Baleta e tikoga vei kemuni i Yahuwe (YHWH), na noqu inuinui. Oni na tama mai i  Yahuwe (YHWH) na noqu Kalou (Mighty One). 17(16) Au kaya, Kakua ni vakalaivi ira me ra dredrevaki au se qaciqacia me ra saqati au ke sikidara [e dua] na yavaqu. 18(17) Baleta au sa voleka ni lutu,  na vuvutu e tu vei au era tu ga qo e yagoqu. 19(18) Au vakadinadinataka na noqu caka ca, au rui nuiqawaqawa e na vuku ni noqu ivalavala ca. 20(19) Ia o ira na kequ meca era bula vinaka tiko, o ira era sevaki au vakatawadodonu e toso cake tiko ga na kedra iwiliwili. 21(20) Ia baleta ni ra dau veisosomitaka na vinaka e na ca, o ira era qai saqati au, baleta niu dau vakasaqara na vinaka. 22(21) Kakua ni vakanadakui au, i Yahuwe (YHWH)!  Isa, noqu Kalou (Mighty One) kakua ni tu vakayawa mai vei au. 23(22) Lako mai vakatotolo moni mai vukei au, i Yahuwe (YHWH) na noqu ivakabula!

Tehillim (Same) 38:13-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.339 in 5773 (Total 2064)	August 27, 2013
Reading	Hebrew Date
Yirmeyahu (Jeremiah) 37-38	M #6: Elul 21, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.  May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Leqa O Kedaa (Kedah In Trouble)

Thought: YHWH Is The Ruler Of Every Nation He Decrees Their End And Existenance!

 .........................

Serving For Yom Rishon, [Sixth Month] Elul 19, 5773

 MAI NA NEVI’IMI AKARONIMI (FROM THE NEVI’IM ACHRONIM)

E na vuku i Kedaa, kei na veimatanitu ni Hazoa, e a samuta o Ne'vukadreza na tui Bavela, e kaya o Yahuwe (YHWH): Cavu tu! Tayabe lai saqati Kedaa!  Kovea [na veika e nodra] na tamata mai na tokalau!  29  Era na kovea na nodra valelaca kei na nodra qelenisipi, na ilati ni valelaca  kei na veika kece e nodra; na nodra kameli talega era na kovea me nodra, qai kailavaka vei ira, Na vakadomobula e na veiyasana kece sara. 30 Dro! Biuta na nomuni veivale! Lai vunitaki kemuni sara vakavinaka, o kemuni o ni vakaitikotiko e Hazori, e kaya o Yahuwe (YHWH); baleta o Ne'vukadreza na tui Bavela sa navuca tiko e dua na inakinaki me saqati kemuni kina; o koya e sa bulia e dua na kena ivalavala me saqati kemuni  kina. 31 Matacake! Tayabe yani moni saqata e dua na matanitu e vakawelewele tiko, ka bula tiko e na vakacegu, e kaya o Yahuwe (YHWH). E sega ruarua vei ira na matamata kei na kena ivakadei; era bula duadua sara tu ga vakataki ira. 32 Na nodra kameli, era na yaco me ra  itoki ni ivalu; na vakataimera ni nodra manumanu yavaiva (cattle) era na  tokitaki. Au na ceburaki ira laivi i na matanicagi o ira kecekece e sa toro tu na yasa ni uludra; mai na veiyasana kecekece, au na kauta mai vei ira na nodra leqa, e kaya o Yahuwe (YHWH).  33 O Hazori, sa na yaco me vanua era vakaitikotiko kina na jakele, ka sa na laladidi tu me sega ni mudu; e na sega vakadua ni dua e na lai vakaitikotiko e keya; e sega ni dua na tamata e na lai bula tale kina.

Yiremeyahu (Jeremaia) 49:28-33

NA IVAQA NI BULA (FOOD FOR THE SOUL)

Digitaka cake na rogo vinaka mai na vutuniyau, kei na dokai mai na siliva kei na koula.

Mishlei (Vosa Vakaibalebale) 22:1

LOMANI YAHUWE NA NOMU KALOU (LOVE YHWH YOUR MIGHTY ONE

Na tamata ca e na dinau ia qai sega ni sauma lesu, ia na yalododonu e dau yalosolisoli ka dausolisoli. 22 Baleta o ira era vakalougatataki maivei Yahuwe (YHWH) era na taukena na vanua; ia o ira era vatonaki mai vua, era na muduki laivi. 23 O Yahuwe (YHWH) e na vakasalataka na tamata e na nona ikalawa, ka na marautaka na nona itosotoso. 24 O koya e na rawa ni bale, ia e na sega ni dokoulu i liu, baleta o Yahuwe (YHWH) e na tauri koya tiko e ligana. 25 Au a gone, ia qo au sa qase; ia au se bera vakadua ni raica e dua na tamata yalododonu me biuvakaloloma, se me ra dau kere kakana o ira na nodra kawa. 26 E na loma ni siga taucoko o koya e na dau yalosoli, ka dau soli dinau; o ira na nona kawa era na vakalougatataki. 27 Kevaka mo vuki laivi mai na ca; qai daucakavinaka; o iko o na bula vakacegu (safely) tu me tawamudu, 28 Baleta o Yahuwe (YHWH) e taleitaka na lewavakatautauvata, ka na sega ni vakanadakui ira era nona yalododonu;  era na taqomaki me tawamudu; ia o ira na nodra kawa na daucaka ca, era na muduki laivi. 29 O ira na yalododonu era na taukena vakaiwasewase na vanua, era na qai dau tawana tu me tawamudu. 30 Na gusudra na yalododonu e na dau cavuta na vosa vuku, na yamena e na vosa e na lewa vakatautauvata. 31 Na Toraa ni Kalou (Mighty One) e tiko e vuniyalona; e sega ni dua na nona ikalawa e na butu cala; 32 Na daucakaca e na wanonova tiko ga na yalododonu, me vaqara tiko e dua na gauna e rawa ni vakamatei koya kina. 33 O Yahuwe (YHWH) e na sega ni biuti koya i na nona kaukaua se vakatara me vakacacani ke veilewaitaki.

34 ¶ Biuta na nomu inuinui vei Yahuwe (YHWH), bula muria tiko ga na nona sala, o koya e na qai vakaturi iko mo taukena vakaitaukei na vanua. E na gauna era sa muduki laivi kina o ira na  daucakaca, o iko o na raica. 35 Au sa raici ira oti na daucakaca ni ra vakayagataka na kaukaua vakaitamera, me ra vakatetaba tu me vaka na vunikau e loma ni vanua e taukena. 36 Ia niu lai tavali lesu mai, o koya sa sega tale ni laurai e keya; au vaqarai koya, ia o koya sa sega ni kune rawa tale. 37 Vakadikeva na tamata savasava, vakasamataki ira na tu dodonu; baleta na tamata daubula sautu e na [levu] na nona kawa. 38 Ia o ira era dau talatalaidredre era na  vakarusai; o ira na nona kawa na ca era na muduki laivi. 39 O Yahuwe (YHWH) sara ga, o koya e na vueti ira na yalododonu; o koya e nodra valecere kaukaua (stronghold) e na gauna ni tiko leqaleqa. 40 O Yahuwe (YHWH) e na vukei ira ka vueti ira; e na vueti ira mai vei ira era daucakaca ka vakabulai ira; baleta ni ra dau vakararavi tu yani vua.

Tehillim (Same) 37:21-40

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.337 in 5773 (Total 2062)	August 25, 2013
Reading	Hebrew Date
Yirmeyahu (Jeremiah) 33-34	M #6: Elul 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Ijipita E Na Rusa. (Egypt Will Be Destroyed)

Thought: Physical Weapons Will Not Help To Defend Or Protect People!

...................... 

Serving For Shabbat, [Sixth Month] Elul 11, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqo na vosa i Yahuwe (YHWH) e a lako mai vei Yiremeyahu na parofita me baleta na veimatanitu; 2 Me baleti Ijipita, ni saqati kina na mataivalu i Fero Ni'ko, na tui Ijipita era keba tiko e na bati ni uciwai na Iuferetisi mai Kaki'misha, o koya e a kaba o Ne'vukadreza na tui Bavela e na ikava ni yabaki i Yo'hoyakimi na luvetagane i Yoshaiyahu, na tui Ye'huda:  3 Vakarautaka na isasabai ni saresare, kei na itataqomaki! Toso i na ivalu!  4 Vakabaradailetaka na ose! Kemuni na dauvodo ose, vodoka sara! Tokara  mai na isala ni tataqomaki!  Masi me caliva na moto! Daramaki mai na isulu ni tataqomaki! 5 Na cava na vuna au raici ira tiko kina ni ra sa toso vakasukasuka tiko e na domobula, o ira na nodra qaqa era sa vakadrukai, ka ra sa dro vakadodonu eliu, ka sega tale ni ra bau railesu, na domobula e veiyasana kece ga, e taroga o Yahuwe (YHWH). 6 O ira na [yava] totolo era sega ni veidroyaki rawa; kei ira na tamata qaqa era sega ni drobula [rawa]. E na vualiku, e na yasa ni Uciwai na Iuferetisi, era sa tatacaqe ka veibaleyaki. 7 O cei qo e vura cake tiko mai me vaka na Naile, ka vaka na uciwai e coka tiko na kena dobui? 8 Qo o Ijipita, e vura cake tiko me vaka na Naile, me vaka na uciwai, e coka tiko e na dobui, qai kaya tiko, Au na tacoka meu robota na vuravura, ka vakarusa na veikorolelevu kei ira na kena tamata. 9 Toso [kemuni na] ose! Toso totolo i liu kemuni na qiqi ni ivalu! Laivi ira na bati me ra kabavanua! O ira na Kusha kei na Puta, era vakaisasabai; kei na Ludimu sa toka e ligadra na dakaititi sa love [rawa] tu. 10 Baleta e na siga oya, na Sau o Yahuwe ni lewevuqa (Sovereign YHWH-Tzva'ot) e na dua na nona siga ni sausaumilesu, me veisausaumi lesu vei ira era kena meca. Na seleiwau e na  veivakarusai, me qai vakasinaiti, me vakamatenitaki e na nodra dra. Io, na Sau o Yahuwe ni lewevuqa (Sovereign YHWH-Tzva'ot) sa vakatulewa me yaco na veivakamatei e loma ni vanua, i na vualiku, e na bati ni Uciwai na Iuferetisi. 11 Lako cake i Qili'adi, lakova e keya na wai  ni veivakabulai (balm) o iko na luveyalewa tabutagane i Ijipita! Oni dau tovolea e levu na veimataqali wainimate, ia e maumau wale; baleta vei iko, sa sega ni dua na kemu iwali.

12 ¶ Na veimatanitu era sa rogoca na kemu irogorogo ca; na nomu qolou sa robota na vuravura, ni ra tacaqe na sotia vei ira na sotia, era qai bale vata kece. 13 Na vosa oqo a tukuna o Yahuwe (YHWH) vei Yiremeyahu na parofita me baleta na nona na lako mai o Ne'vukadreza na tui Bavela, me mai samuta na vanua o Ijipita. 14 Vakasavuya mai Ijipita, tabaka mai   Miqidola, kacivaka mai Nofa kei Takapanakese; kaya: Tu vakarau! Vakavakarau! Baleta na seleiwau sa veivakarusai tiko vakavolivoliti kemuni

Yiremeyahu (Jeremaia) 46:1-14

NA IVAQA NI BULA (FOOD FOR THE SOUL)

O koya e dau manamana lasa, e na tini me rarawa ni sega ni rawata na nona gagadre; o koya e domona na waini kei na [bula maleka], e na sega ni vutuniyau. 18 ¶ Na vakasisila e sauma na kena ivoli o koya e yalododonu; ia o koya e dau lawaki ca e na sauma na kena ivoli o koya e dau tudodonu.

Mishlei (Vosa Vakaibalebale) 21:17-18

LOMANI YAHUWE NA NOMU KALOU (LOVE YHWH YOUR MIGHTY ONE

E wacava na nodra kalougata na veimatanitu e nodra Kalou (Mighty One) o Yahuwe (YHWH); o ira na tamata a digitaki ira o koya me ra nona ivotavota! 13 O Yahuwe (YHWH) ni rai mai lomalagi; e raici ira kece na tamata; 14 Mai na vanua e vakaitikotiko kina, e vakaraici ira kecekece, era bula tiko e  vuravura, 15 O koya a bulia na vuniyalodra kecekece ka kila vinaka tu na veika era dui cakava [tiko]. 16 Na tui e sega ni vakabulai mai na iwiliwili ni nona mataivalu, e dua na tamata qaqa e sega ni vueti mai na nona kaukaua. 17 Na vakanuinui i na ose me veitaqomaki e maumau wale, na nona kaukaua vakaitamera talega e sega ni vakadeitaka ni na rawa na veidroyaki. 18 Ia na mata i Yahuwe (YHWH) e na dau vakaraici ira matua o ira era rerevaki koya, o ira era waraka na nona yalololoma, 19 Me vueti ira mai na mate, ka vakabulai ira tiko e na gauna ni dausiga. 20 O keda eda waraki Yahuwe (YHWH) tiko; o koya e noda dauniveivukei ka noda isasabai! 21 Baleta vua, na vuniyaloda e na reki, baleta ni da vakabauta na yacana tabu. 22 Laiva na nomuni yalololoma, i Yahuwe (YHWH), me mai ubi i keimami, baleta keimami biuta tiko na neimami inuinui vei kemuni.

Tehillim (Same) 33:12-22

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.329 in 5773 (Total 2056)	August 17, 2013
Reading	Hebrew Date
Yirmeyahu (Jeremiah) 17-18	M #6: Elul 11, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.