Nuitaki Yahuwe Tiko (Always Rely On YHWH)

Thought: Who Can Defy You, If The Sovereign YHWH Is For You?

....................... 

Serving For Yom Shlishi, Iyar 13, 5773

(Count The Days Towards Shavu’ot: Today Is Day 24 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Kaya o Yahuwe (YHWH), Evei beka na nona ivolasui ni veibiu o tinamu, na kena au a solia vua e na gauna au a biuti koya tani kina? Se o cei vei ira au dau dinau tu vei ira, au a volitaki iko laivi vua? Raica, o iko o a volitaki laivi baleta na nomu ivalavala ca; baleta na nomu dau caka ca, e a biu laivi kina o tinamu. 2 Na cava na vuna, e sega kina ni dua a tiko eke e na gauna au lako mai kina? Na cava na vuna a sega kina ni dua e tama mai e na gauna au kaci mai kina? O au beka e rui lailai na noqu kaukaua meu veivakabulai [kina]? E na noqu veivosataki e a mamaca kina vakadua na waitui; au vukica na uciwai me vanua dravuisiga, na kena ika era a vuca baleta ni sa lailai  na wai, era qai mate e na karamaca; 3 Au vakaisulutaka na lomalagi e na butobuto, me vakaloloku, au qai ubia e na isulutaga;

4 ¶ O Yahuwe (YHWH) na Kalou (Mighty One) sa solia vei au meu rawa ni vosa vaka na tamata vuli vinaka, meu qai rawa kina, e na noqu vosa, meu kila na iwalewale ni nodra tokoni na wawale. E na veimataka o koya e vakayadrata na daligaqu meu vakarorogo me vakataki ira era dau vakatavulici. 5 O Yahuwe (YHWH) na Kalou (Mighty One), sa dolava na daligaqu, au qai sega tale kina ni vakabebe se vuki tani. 6 Au solia na dakuqu vei ira era dau samuti au; na baluqu vei ira era a vutia laivi na kumiqu, au a sega ni vunitaka na mataqu mai na veivakacacani kei na veikasiviti. 7 Baleta o Yahuwe na Kalou (YHWH Mighty One) e na vukei au. O koya oya sa dei toka kina na mataqu me vaka na  qiwa (flint), e na noqu kila niu na sega ni vakamaduataki. 8 Na noqu vakadonui e toka voleka; laivi koya e bolea me beitaki au, me mai saqati au e vale ni veilewai!  Laivi koya e tiko na nona kudru me baleti au me kalawa cake mai. 9 Raica, ke sa vukei au tiko na Sau o Yahuwe (Sovereign YHWH); o cei sara mada e na doudou me mai beitaki au? Qo era sa tataseresere tiko mada ga me vaka na isulu makawa era sa  kanikanilaka na ulo.

Yeshayahu (Aisea) 49:21-26

NA IVAQA NI BULA (FOOD FOR THE SOUL)

O koya e sega ni vakayagataka na kuita, e cati luvenatagane; ia o koya e lomani luvena tagane e na vakatavulici koya [vakavuku]. 25 Na tamata yalododonu e na kana me mamau; ia na ketedra na tamata ca e na lala tu ga.

Mishlei (Vosa Vakaibalebale) 13:24-25

LOMANI YAHUWE NA NOMU KALOU (LOVE YHWH YOUR MIGHTY ONE

E dua na masu i Moshe, na tamata ni Kalou (Mighty One): (1) I Yahuwe (YHWH), o kemuni oni sa neimami itikotiko voli e na veitabagauna kece sara. 2 Ni se bera ni buli na veiulunivanua, ka se bera ni oni bulia na vanua kei na vuravura, mai na tawamudu ka na sivia yani na tawamudu e na veitabagauna mai muri, o kemuni ga na Kalou (Mighty One). 3 Oni kauti ira mai na tamata malumalumu i na tikinigauna me ra sa na lauqaqi kina, oni qai kaya, Kemuni na tamata, [ni] veivutuni! 4 Baleta mai na nomuni rai, na duanaudolu na yabaki e vaka wale na siga e nanoa se na matayadra ni dua na bogi. 5 E na gauna oni taviraki ira laivi kina [e na dua na dobui], era sa na yaco me ra vaka na moce; e na mataka era na vaka na veico era tutubu e na bogi, 6 [Era] tubu ka se e na mataka lailai, e na yakavi era sa na musu sobu ka malai tale yani.

7 ¶ Baleta keimami dau vakarusai e na nomuni cudru, ka luvuci e na nomuni   leva waqawaqa. 8 Oni sa tuvana na neimami ivalavala ca e matamuni, kei na neimami ivalavala ca vunitaki e na todra ni rarama ni kemuni iserau. 9 Na neimami veisiga kece era takali laivi e na nomuni leva waromisa, o keimami, na neimami veiyabaki era mate laivi ga yani me vaka e dua vutugu (sigh).10 Na ibalavu ni neimami bula, e vitusagavulu na yabaki; ia kevaka keimami kaukaua e na walusagavulu; ia e na levu ga kina na cakacaka kei na vutugu (sorrow); sa na tini tale e na dua ga na tikinigauna, me keimami sa  takali tani yani. 11 O cei beka e kila na waromisa ni nomuni cudru, kei na leva cecekia, e kune votu kina na vakarokoroko e dodonu me vagolei yani vei kemuni?

12 ¶ O koya oya moni vakatavulici keimami kina, me keimami wilika tiko na neimami veisiga, me rawa ni keimami yaco me keimami vuku. 13 Lesu mai i Yahuwe (YHWH)! E na vakacava na dede ni kena toso tiko? Bau lomana na nomuni dauniveiqaravi. 14 Vakasinaiti keimami ni kida na mataka, e na nomuni loloma, me rawa ni keimami [dau] lagalaga sere e na mamarau, e na veigauna kece ni neimami bula. 15 Laiva na neimami reki me tautauvata na kena ibalavu kei na gauna oni a vakararawataki keimami tu mai kina, me tautauvata kei na ilevu ni yabaki keimami a sotava tu mai kina na leqaleqa.

16 Vakatakila na nomuni cakacaka me  ra [raica] na nomuni cakacaka o ira na nomuni dauniveiqaravi, kei na nomuni dokai vei ira na luvedra. 17 Me kovuti keda mada ga na veitokoni i Yahuwe (YHWH) na noda Kalou (Mighty One), me vakakalougataka e na vukuda kecekece na cakacaka  eda dau cakava, io, me ivurevure ni iyau na cakacaka era dui cakava.

Tehillim (Same) 90:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 214 in 5773 (Total 1941)	April 23, 2013
Reading	Hebrew Date
D’varim (Na iVakarua) 31-32	M #2: Iyar 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Na Kilai (YHWH Will Be Known)

Thought: By The Severity Of YHWH’s Punishment They Will Get To Know Him

...................... 

Serving For Yom Sheini, Iyar 12, 5773

(Count The Days Towards Shavu’ot: Today Is Day 23 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O iko o na qai vakataroga e lomamu, O cei a vakatuburi ira oqo vei au? O au, au a vakalolokutaki ira voli na noqu lalai, taudua, e na gauna au a bobula tu kina,  ka dau lako sese tu; [qori au taroga kina se] o cei a susugi ira cake mai o ira oqo? Au a biu taudua tu, [qori au taroga kina] o ira qo era a lako beka mai vei? 22 Sauma mai o Yahuwe (YHWH) na Kalou (Mighty One); Au yalova tiko na ligaqu vei ira na veimatanitu, ka vakarewataka tiko na noqu drotini e na vukudra na tamata. O ira era na qai keveta mai na luvedra tagane e na gauniligadra kei na luvedra yalewa era na colata mai e na usouso ni tabadra. 23 O ira na tui era na tamamuni vakacabecabe, kei ira na ranadi era na nomuni dau ni veisusu. Era na cuva [e na vakarokoroko]  vei kemuni, me tara na delaniqele na matadra, ka dramica na kuvunisoso mai na yavamuni. oni sa na qai kila ni o au o  Yahuwe (YHWH), o ira era waraki au, era na sega ni rarawa.

24 ¶ E rawa beka ni kaliraki na itoki ni ivalu mai vei ira na bati?  E rawa beka ni vueti, o ira era vesu vakabobula vei ira era veirawai? 25 Oqo na kena isau mai vei Yahuwe (YHWH); O ira mada ga na nodra bobula na bati era yatovi laivi, kei na nodra itoki ni ivalu o ira na vakadomobula e na vagalalataki. Au na valuti ira era valuti kemuni, au na vueti ira na loga luvemuni. 26 Au na vakani ira era vakasaurarataki kemuni tiko e na lewedra ga o ira vakataki ira; era na mateni e na nodra dra ga o ira vakataki ira, me vaka mai na waini. Qori era na kila kina o ira kecekece, ni o au o Yahuwe (YHWH) na nomuni ivakabula, ka nomuni dau ni veivukei na Kalou (Mighty One) i Ya'akove.

Yeshayahu (Aisea) 49:21-26

NA IVAQA NI BULA (FOOD FOR THE SOUL)

O koya e lako vata kei ira na vuku, e na yaco me vuku; ia na nodra itokani na lialia era na sota rarawa. 21 ¶ Na ca e muri i ira na tamata ca; ia na vutuniyau e kedra icocovi na yalododonu. 22 ¶ Na tamata vinaka e na biuta tu mai e dua na nodra ivotavota o ira na makubuna; ia na nona iyau e dua e dau ivalavala ca e na maroroi tu me nodra na yalododonu. 23 ¶ Na nodra vanua na dravudravua e rawa ni kune mai kina e levu na kakana, ia eso era na kuitaki laivi baleta ni sega na lewa dodonu.

Mishlei (Vosa Vakaibalebale) 13:20-23

LOMANI YAHUWE NA NOMU KALOU (LOVE YHWH YOUR MIGHTY ONE

Ia o kemuni oni sa vakanadakuya na nomuni lumuti, oni sevaki koya, ka vakatakila na nomuni yalokatakata vei koya. 40(39) Oni sa vakanadakuya na veidinadinati vata kei ira na nomuni dauniveiqaravi, oni qai vakadukara na nona isalavakatui e na dela ni qele. 41(40) Oni sa basuraka sobu na nona isasabai, ka biuta me ra rusa tu mai, na nona itataqomaki vakaivalu. 42(41) O ira kece era tavali mai era butakoci koya, o koya e sa yaco me dua e dau sevaki vei ira na wekana vakaitikotiko. 43(42) Oni sa vakaukauataka na ligadra imatau o ira na kena meca; oni qai cakava me ra mamarau o ira era kena meca. 44(43) Oni vakatawayagataka na bati ni nona seleiwau, ka sega ni vukei koya e na ivalu. 45(44) Oni cakava me tinidole na nona dokai, ka kolo sobu i na dela ni qele na nona idabedabe vakatui. 46(45) Oni vakalekalekataka na nona veitabagauna; oni kovuti koya e na madua. (Selaa) 47(46) E na vakaevei na kena dede i Yahuwe (YHWH)?  O kemuni beka oni na vunitaki kemuni tiko me tawamudu? E na vakaevei na dede ni kena caudre tiko me vaka na yame ni bukawaqa na nomuni leva cecekia? 48(47) Nanuma tiko na kena lekaleka wale na gauna e tiko vei au! E a sega beka ni dua na betena na nomuni a buli i ira na kawa tamata? 49(48) O cei e rawa ni bula qai sega ni raica na mate? O cei e rawa ni vueti koya vakataki koya mai na kaukaua ni  ibulubulu? (Selaa) 50(49) Evei beka, i Yahuwe (YHWH) na cakacaka ni loloma oni a cakava e na dua na gauna, na kena, e na nomuni yalodina, oni a bubuluitaka vei Dawide e na nomuni dina? 51(50) Nanuma i Yahuwe (YHWH) na veivakalialiai e kolotaki tiko vei ira na  nomuni dauniveiqaravi; baleta au sa colata tiko [mai], e na noqu bula taucoko, mai vei ira e levu na tamata! 52(51) O ira na kemuni meca, i Yahuwe (YHWH) era kolo tiko na nodra veivakalialiai, era kolo tiko e na nona itosotoso na nomuni lumuti. 53(52) Me vakarokorokotaki o Yahuwe (YHWH) me sega vakadua ni mudu, Omaini ka Omaini.

Tehillim (Same) 89:39-52

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 213 in 5773 (Total 1940)	April 22, 2013
Reading	Hebrew Date
D’varim (Na iVakarua) 29-30	M #2: Iyar 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTukutuku Maivei YHWH (Message From YHWH).

Thought: YHWH Pronounced The Penalty And For Sure It Will Be Executed!

……………………….

Serving For Yom Shlishi, Nisan 8, 5773

MAI NA NEVI’IMI AKARONIMI (FROM THE NEVI’IM ACHARONIM)

Oti a qai talatala o Yesha'yahu na parofita, na luvetagane i Amozi me qai vakadewataki na itukutuku oqo vei Hizikiyahu; O Yahuwe ni lewevuqa (YHWH Tzva'ot) na Kalou (Might One) i  Yisira'yili e kaya, O a masu mai vei au mo saqati Sanikeriva na tui Ashuru; 22 Oqo na kena isau mai vei Yahuwe (YHWH) me baleti koya; Na luveyalewa tabutagane i Zaiyoni, e  beci iko; ka dredrevaki iko me vakasewasewani iko. Na luveyalewa i Yerushalayimi e kurea tiko na uludra me baleti iko. 23 O cei so o sa vosavakacacataka mo vakalialia? O iko o laveta tiko na matamu kei na domomu mo saqati cei?  Vua sara ga na Yalosavasava Ledua i Yisira'yili! 24 Mai gusudra o ira na nomu dauveiqaravi, o iko o vosavakacacataki Yahuwe (YHWH). O a kaya, E na ilevu ni noqu qiqi ni  ivalu; au sa cabeta mai kina na doka ni ulunivanua cecere; i na na loma donu i Li'vanoni. Au taya sobu na kena veisitari babalavu, kei na kena veivunisaipurusi digitaki. Au yacova sara na kena iyalayala cecere, kei na kena veikau bulabula [vakaoti]; 25 Au kelia (na toevu) ka gunuva na kena wai. Na qeteqete ni yavadra na noqu [sotia] era a vakamacara kece vakadua na veiuciwai ni Ijipita.

26 ¶ O se bera beka ni rogoca?  Mai liu sara au a vakayacora; au se vakavakarau makawa sara mai na veigauna se sivi makawa; ia qo au sa qai cakava me yaco; o iko o sa vukica tiko na veikorolevu vakabai me ra biu laladidi tu, oya mera bukebuke vakarusai, 27 Ia o ira na kena itaukei, ni sa kau laivi na nodra kaukaua, era sa yalolailai ka madua, era malumalumu me vaka na co; ka gogo me vaka kau draudrau, ka vaka na veico e na delavuvu ni vale se na witi, era raqosa baleta [ni liwava]na cagi mai na vuaicake. 28 Ia o au, au kila vinaka ni o tiko sobu, ni o biubiu se lesu mai, ka vaka kina na nomu levaci au tiko vakaukaua.29 Na nomu levaci au tiko vakaukau kei na nomu vosavosa saqati au tiko vakadokadoka sa rogo sara mai qo i daligaqu, o koya oqori au na qilata kina na ucumu e na noqu iqila, ka vakaciqira na noqu baradaile e gusumu, au na qai cakava mo muria lesu tale na sala o a lakova mai.

Yeshayahu (Aisea) 37:21-29

NA IVAQA NI BULA (FOOD FOR THE SOUL)

Na nona tubu (profit) na daucaka ca e tiko ga e na vakasama; ia o ira era tea (sow) na yalododonu era na rawata na icovi dina.19 ¶ Na yalododonu dina e veituberi i na bula, ia o koya e vakasaqara na ca, e lako tikoga i na nona mate o koya vakataki koya.

Mishlei (Vosa Vakaibalebale) 11:18-19

LOMANI YAHUWE NA NOMU KALOU (LOVE YHWH YOUR MIGHTY ONE

E NA vukuna na iliuliu. Buli e na kena ivalavala vei Ye'dutuni. E dua na same i Dawide. 2(1) Na noqu bula (soul) e waraki Yahuwe (YHWH) toka ga e na vakanomodi; na noqu vueti e na lako [ga] mai vua. 3(2) O koya duadua na noqu vatu ka noqu ivakabula, na noqu itataqomaki; au na sega ni yavalati vakalevu. 4(3) E na vakacava na kena dede na nomuni vakarerea tiko e dua na tamata me rawa ni oni qai labati koya, o kemuni kece, me vakabeka ni o koya e dua na lalaga sa kasura tiko se na bai sa tu tataivatia? 5(4) Baleta oni nanuma ga moni dreti koya sobu mai na [nona itutu] cecere; era taleitaka na lasulasu, mai gusudra era na  vosa veivakalougatataki, ia mai loma era veiru. 6(5) Na noqu bula e waraki Yahuwe (YHWH) duadua ga e na vakanomodi baleta na noqu inuinui e lako mai vua. 7(6) O koya duadua ga na noqu vatu kei na ivakabula, na noqu itataqomaki;   au na sega ni via yavalati. 8(7) Na noqu tiko vinaka kei na noqu dokai e cegu toka ga vei Yahuwe (YHWH). Na noqu vatu kaukaua kei na noqu ivunivuni era toka ga vei Yahuwe (YHWH).

9(8) ¶ Vakanuinui vua; kemuni na tamata, e veigauna kece;  talaucaka yani vua na vuniyalomuni e matana: o Yahuwe (YHWH) e itataqomaki vei keda kece. Selaa.10(9) O ira na tamata tawavanua era vaka e dua na icegu; ia o ira na tamata rogo era ka wale ga ni vakarairai;  kevaka o biuti rau vata e na dua na ivakarau ni bibi, rau na talave cake ruarua ni rau mamada [cake] mai na ka e sega. 11(10) Kakua ni vakanuinui i na veivakasaurarataki, kakua ni biuta na nuinui lasutaki e na butabutako; kevaka mada ga ke tubu cake na iyau, kakua ni laiva na vuniyalomu [me marautaka].12(11) O Yahuwe (YHWH) sa kaya oti oqo vakadua; o au, au sa rogoca oti vakarua; na kaukaua e taukena o Yahuwe (YHWH).13(12) O kemuni talega, i Yahuwe (YHWH), oni itaukei ni yalololoma; baleta oni na vakaicovitaka [na tamata kece] me veiraurau ga kei na nodra dui cakacaka.

Tehillim (Same) 62:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 178 in 5773 (Total 1907)	March 19, 2013
Reading	Hebrew Date
Vwayikra (Vunau Ni Soro) 27	M #1: Nisan 8, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakamatei Na Tui Ashuru (The Ashur King Assassinated)

Thought: YHWH Brought To Pass His Promise To Defeat An Arrogant King

.................... 

Serving For Yom R’vi’i Tevet 6, 5773

MAI NA NEVI’IMI RISHONIMI (FROM THE NEVI’IM RESHONIM)

A qai yaco e na bogi oya, ni a lako yani na mala'aka i Yahuwe (YHWH), qai samuta e na nodra keba vakaivalu na Ashuru e duanadrau walusagavulu ka lima na udolu; ni ra qai yadra cake e na mataka o ira na tamata, era qai raica ni ra sa tu ga na yago ni mate. 36 Sa mani biubiu o Sanikerive na tui Ashuru, qai lako me lesu tale sa qai lai vakaitikotiko voli ga mai Ninive. 37 A qai yaco e na gauna e sokalou tiko kina e na burekalou (elohim) i Nisiroki na nona kalou (elohim), ni rau a vakamatei koya e na iseleiwau, o rau na luvenatagane o Adrameleki kei Sareza; oti rau qai dro sara i na vanua vaka Ararata. O Esa-Hadoni na luvenatagane a qai veiliutaki vakatui me sosomitaki koya.

M’lakhim Bet (2 Tui) 19:35-37

NA IVAQA NI BULA (FOOD FOR THE SOUL)

E tiko e dua na itabatamata era a vatonaki ira na tamadra, ka sega ni vosa vakalougatataki tinadra. 12 E tiko e dua na itabatamata era yalosavasava vakaoti e matadra ga o ira vakataki ira, ia era se bera ga ni savui mai na nodra dukadukali.13 E tiko e dua na itabatamata, iye, e cecere vakaoti na nodra rai,  ia na bekabeka ni matadra e laveti tu ga e cake. 14 E tiko e dua na itabatamata e gagata vaka na seleiwau na batidra, ka vaka na isele na batidra e galegaledra, me ra covuti ira laivi kina na dravudravua mai dela i vuravura kei ira era gadreva na veivuke e kedra maliwa na tamata.

Mishlei (Vosa Vakaibalebale) 30:11-14

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Davide. Au na vakavinavinaka vei kemuni Yahuwe (YHWH) e vuniyaloqu taucoko; e matadra na tui au na lagasere ni vakavinavinaka vei kemuni. 2 Au na sokalou e na loma ni nomuni valenisoro tabu, au vakacerecerea na yacamuni e na vuku ni nomuni yalololoma kei na nomuni dina; baleta oni sa vakamatataka vakalevu na nomuni vosa, me uasivia cake na yacamuni mai na veiyaca kece tale eso. 3 E na siga au a tagici kemuni kina oni a rogoci au, vakalevutaka na kaukaua ni noqu bula (soul). 4 O ira kece na tui e vuravura era na vakamuduo vei kemuni i Yahuwe (YHWH), baleta era sa rogoca na vosa ni gusumuni. 5 Io, era na vakacerecerea na ivalavala i Yahuwe (YHWH); baleta ni ka levu na dokai nei Yahuwe (YHWH).

6 ¶ E dina ga ni cecere o Yahuwe (YHWH), ia e rawa ga vua me raici ira era a vakalolovirataki; o ira era qaciqacia e kilai ira tu yani vakayawa. 7 E dina ga niu taubale tiko e na maliwa ni leqaleqa, o kemuni oni na vueti au, oni na dodoka yani na ligamuni moni saqata na nodra leva na kequ meca, na ligamuni imatau e na vueti au. 8 I Yahuwe (YHWH), vakotora na ligamuni imatau vei au; na nomuni yalololoma i Yahuwe (YHWH) e na tudei tu me tawamudu; kakua ni vakanadakuya na cakacaka ni ligamuni.

Tehellim (Same) 138:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 353 o/o 1813	December 19, 2012
Reading	Hebrew Date
Divrei HaYamim Alef ( I Chronicles) 1-2	M #9: Tevet 6, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iVakarau E Soli Mai Vei O Yahuwe (Measurements Given By YHWH)

Thought: YHWH Demarcates What Is Qodesh And What Is Public

................ 

Serving For Yom Shaynee, Chesvan 24 5772

Oti qai kauti au yani o koya i na lomanibai e taudaku, e na sala vaka i na vualiku; qai kauti au mai o koya e na loqi e toka veibasai kei na vanua galala, ka veibasai talega kei na vale e toka mai na vualiku; 2 Me yaco mai na vanua oya e vakarautaka o koya ni duanadrau na kiubiti na kena balavu, me kala e na matamata e na vualiku, ia na kena raba e limasagavulu na kiubiti. 3 Veibasai kei na matamata ni lomanibai e loma, me veitikivi kei na sala i na lomanibai e taudaku, e toka kina na varada e dela ni varada, me tolu na itabavale. 4 E na mata ni veiloqi e toka kina e dua  na sala ni veitosoyaki (passage) e tini na kiubiti na kena raba ia na kena balavu e duanadrau na kiubiti; na katuba ni sala ni veitosoyaki oya e toka mai na yasana i na vualiku. 5 Na loqi e na itabavale e cake era lalai sobu baleta na ikabakaba e curu maliwai ira. 6 Baleta ni ra toka e na tolu na itabavale ia era qai sega ni vakaduru, me vaka na duru e loma ni bai; o koya oya era lalai sobu kina na veiloqi e na itabavale sara e cake ni vakatauvatani kei na veiloqi e ra sara kei na kena e loma. 7 Na lalaga mai tuba, veibasai kei na veiloqi e limasagavulu na kiubiti na kena balavu. 8 Baleta na ibalavu ni loqi era tiko e loma ni lomanibai (court) e taudaku, era limasavulu na kiubiti; na kena e mata ni vale tabu (temple) e duanadrau na kiubiti. 9 Na katuba levu ni veiloqi e na icurucuru e gole i lomanibai e taudaku e no e na yasana vaka i na vuaicake, 10 Na loqi era tuva yani e na raba ni lalaga ni lomanibai e na matamata mai na vuaicake, veibasai kei na yasana galala ia e na mata ni vale era toka kina na veiloqi. 11 Na sala ni veitosoyaki e mata ni vei loqi e tautavata na kena irairai vata kei na kena e toka e na mata ni veiloqi e toka qori e na vualiku; na loqi e tautauvata na kedra balavu kei na kedra raba; na icurucuru kece ituba kei na icurucuru mai iloma;  na kedra irairai kei na kedra katuba era tautauvata kece. 12 Veitikivi kei na katuba ni veiloqi e na ceva, e toka kina na katuba i na sala ni veitosoyaki (passage), qori e toka donuya na lalaga e cici tiko i na vanua e tekivu yani kina na bucabuca mai na vuaicake. 13 Oti qai kaya vei au o koya, Na loqi e na vualiku kei na loqi e na ceva, ka toka e na mata ni yasana galala, qori na loqi era dau kania kina na veika tabu dredre o ira na kohanimi, e nodra itavi me ra vakacabora na isoro vei Yahuwe (YHWH), e keya talega era dau biu tu kina na veika tabu dredre, na isoro ni lewe ni manumanu, na isoro ni ivalavala ca, kei na isoro ni tu vakailowa; baleta na vanua qo e tikina tabu dredre.14 Ni sa curu mai o ira na kohanimi, e tabu vei ira me ra lai curu sara i na tikina tabu dredre vakaoti, me ra qai lai curu sara yani i na lomanibai e taudaku; o ira me ra na luvata tu eke na isulu era dau dara e na gauna era veiqaravi tiko kina, baleta ni tabu dredre, me ra qai dara e dua tale na isulu, oti sa qai rawa vei ira me ra curu i na lomanibai e vakatarai me ra curuma na tamata.

15 ¶ Ni sa vakarautaka (measure) oti na vale e loma o koya, sa qai kauti vaka i na matamata e vakanamata tu vaka i na vuaicake, sa qai lai vakavakarau e keya. 16 E vakarautaka o koya na yasana e na vuaicake, qori e limanadrau na gasau, e na gasau ni vakavakarau. 17 E vakarautaka o koya na yasana vaka i na vualiku, qori e limanadrau na gasau (875 na fiti), e na gasau ni vakavakarau. 18 E vakarautaka o koya na yasana vaka e na ceva, qori e limanadrau na gasau e na gasau ni vakavakarau.19 E vakarautaka o koya na yasana vaka i na vuaira, qori e limanadrau na gasau e na gasau ni vakavakarau. 20 E vakarautaka o koya na yasana va va; kei na lalaga e wavolivolita, e limanadrau na kena balavu ka limanadrau na kena raba, me tawasei rau vinaka na tikina tabu mai na buturara e sega ni taburaki.

Isikeli (Yechezk’yl) 42:1-20

E vinaka cake sara vakaoti na dravudravua e muria tiko na sala dodonu, mai vua na vutuniyau e dau veidabui na nona ivalavala.  7 ¶ O koya e bula muria na lawa e luvetagane vuku; ia o koya e dau cakava na ka vakarairai e vakamaduataki tamana.

Vosa Vakaibalebale (Mishlei) 28:6-7

ALEF

Era kalougata o ira e sega ni vakadukadukalitaki na nodra ivalavala, o koya e bulamuria na ivunau i Yahuwe (YHWH). 2 Era kalougata o ira era vakayacora na nona lewa, era qai vaqarai koya e vuniyalodra taucoko. 3 O ira era na sega ni cakava na ivalavala cala: Era qai bulamuria na nona ivalavala. 4 Oni sa vakaroti ira oti me ra bulamuria vakayalomatua na nona ivakaro. 5 Isa na noqu itovo me vakayarayarataki me vakamuria na nomuni ivakaro. 6 Au na qai sega ni madua, niu sa qarava vakaoti na nomuni ivakaro kece sara.

7 ¶ Au na vakavinavinakataki kemuni e na yalododonu, niu sa vulica oti na nomuni lewadodonu. 8 Au na vakayacora na nomuni ilesilesi: Isa kakua ni vakanadakui au vakadua.

BET/VET

9 ¶ E na vakasavasavataka vakaevei na nona ivalavala e dua na cauravou, me rawa kina vua me bulamuria na nomuni ivakaro.

10 ¶ E na vuniyaloqu taucoko au a vaqarai kemuni kina; Laiva meu kakua ni lako sese mai na nomuni ivakaro.

11 ¶ Na nomuni vosa au sa katona tu qo e vuniyaloqu, me kakua kina niu valavala ca saqati kemuni.

12 ¶ Moni vakavinavinakataki i Yahuwe (YHWH): vakatavulica vei au na nomuni lesilesi.

13 ¶ E na tebenigusuqu au sa cavuqaqataka na veimala ni nomuni lewa dodonu. 14 Au sa dau vakamarautaki e na ivalavala ni nomuni itukutuku, vakalevu cake sara mai na iyau kecekece. 15 Au sa dau vakananuya na nomuni ivakaro, kau sa kila matua na nomuni ivalavala. 16 Au na kunea na noqu marau e na nomuni lawa, meu kakua kina ni guilecava na nomuni vosa.

Same (Tehellim) 119:1-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
325 Blog No. 1465	November 21, 2011.
Reading	Hebrew Date
Isikeli (Yechezk’yi) 24-26	Cheshvan 24, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofisai Baleti Se’ira (Prophesy About Se’ir)

Thought: YHWH Is Your Enemy, If Isra’yl And Y’hudah Are Your Enemies

 ...............

Serving For Yom Khah Mee-shee, Chesvan 20, 5772.

Kena ikuri, na vosa i Yahuwe (YHWH) a lako mai vei au, ni kaya, 2 Luve ni tamata, cobara toka na matamu mo saqata na ulunivanua o Se'ira, ka parofisai saqati koya, 3 Kaya kina, E kaya vakaoqo o Yahuwe na Sau (Sovereign YHWH); raica daru sa veimecaki o iko na ulunivanua o Se'ira, au na dodoka yani na ligaqu me saqati iko, au na qai cakava mo laladidi ka dravuisiga.  4 Au na vakotora na nomu veikoro lelevu me ra tu wale, ia o iko o sa na laladidi, o na qai kila ni o au o Yahuwe (YHWH). 5 Baleta ni drau sa dau veimecaki tu ga vata kei Isira'yili, o qai soli i ira na luvena i na seleiwau e na nodra gauna ni leqaleqa; e sa na mai tini tiko kina na nodra ivalavala ca, 6 O koya oqo, me vaka niu bula tiko, e kaya o Yahuwe na Sau (Sovereign YHWH), au na soli i iko laivi mo vakamatei, na dra e na vakamuri i iko;  na dra o a dau sesevaka, na dra sara ga oqori e na vakamuri i iko. 7 Au na cakava me dravuisiga ka laladidi na ulunivanua o Se'ira, au na qai vakarusa mai vua o koya e curu mai i tuba kei koya e curu yani i loma. 8 Au na vakasinaita na nona ulunivanua, vei ira na noma mate; e na loma ni nomu qara kei na nomu veidelana, ia e na loma ni nomu veibucabuca, era na bale kina o ira era vakamatei e na seleiwau. 9 Au na cakava mo laladidi tu vakadua, o ira na nomu korolelevu era sa na sega tale ni tawani; o sa na qai kila ni o au o Yahuwe (YHWH).

10 ¶ Baleta ni o a kaya, O rau ruarua na matanitu oqo kei na vanua ruarua oqo,  rau na noqu, keimami na vakatawana e dina ga ni a tiko kina o  Yahuwe (YHWH); 11 O koya oqo, me vaka niu bula tiko, e kaya o Yahuwe na Sau (Sovereign YHWH), Au na vakayacora vei iko me veiraurau kei na nomu cudru, vata kei na nomu veimecaki o dau vakaraitaka vei ira kei na nomu dau sevaki ira; ia au na cakava meu kilai e na kedra maliwa, niu sa vakatulewataki iko  oti. 12 O kemuni oni na qai kila kina ni o au o Yahuwe (YHWH); au sa rogoca oti talega na nomuni vosa ni veivakacacani, oni a kaya vei ira na veiulunivanua Isira'yili, oni a kaya kina, Era sa koto laladidi no, era soli vei keda meda kani i ira. 13 Oqori oni a qai bolei au kina e na nomuni vosavosataki au, oni qai vakalevutaka na ilevu ni vosa oni kaya me baleti au; au a rogoca vinaka kece. 14 O koya oqo e kaya kina o Yahuwe na Sau (Sovereign YHWH) vua na ulunivanua o Se'ira; e toka e na vanua dau mamarau duadua e vuravura; au na cakava mo laladidi. 15 Me vaka ni o marautaka tiko na ivotavota ni mataqali i Isira'yili, baleta ni sa koto laladidi no, o au, au na cakava talega vakakina vei iko; o iko o sa na laladidi i Se'ira na ulunivanua, vata kei 'Idomi taucoko sara; ia o ira era na qai kila ni o au o Yahuwe (YHWH).

Isikeli (Yechezk’yl) 35:1-15

 Ni o sa vakani ira tiko na sipi, kila vinaka sara na dui matadra, ka vakadeitaka na nomu vakasama vei ira na qele ni manumanu. 24 Na iyau taukeni e sega ni tawa mudu, e sega talega ni rawa ni veisolitaki sobu na iyau mai na dua na itabatamata i na dua tale na itabatamata. 25 Na co era na tubu cake, na kena buroro e na laurai votu, na kau draudrau mai na veiulunivanua era na soqoni vata 26 Na luve ni sipi era rawa kina na nomuni isulu, ia na luve ni me era rawa kina na nomuni bula. 27 Ia na sucu mai na me e ka ni kemu kakana, kei na kedra kakana na lewe ni nomu vale.

Vosa Vakaibalebale 27:23-27

AU taleitaki Yahuwe (YHWH), baleta ni na rogoca o koya na domo ni noqu vakatamamasu. 2 E na vakala mai vei au o koya na daligana e na siga au kaci yani kina vua. 3 Na vutugu ni mate sa waviviraki au kei na mosimosi ni ibulubulu sa kunei i au; Au sotava na leqa kei na rarawa. 4 Au masumasu e na yaca i Yahuwe (YHWH); I Yahuwe (YHWH) vueta na noqu bula (soul). 5 O kemuni oni vuable e na yalololoma, i Yahuwe (YHWH) ka yalododonu; 6 I Yahuwe (YHWH) taqomaki ira na lalai, qai vakayalomalumutaki au ka vueti au. 7 Lesu i na nomu ivakavakacegu, o iko noqu bula (soul), baleta o Yahuwe (YHWH) sa caka vinaka vakayauyau vei iko. 8 Baleta o koya e sa vueta na noqu bula mai na mate, kei na yavaqu meu kakua ni tacaqe. 9 Au sa na vakadonui vei kemuni i Yahuwe (YHWH) e na nodra vanua na bula.

10 ¶ Au a vakabauta, qori au qai vosa kina; au sa vakamalumutaki vakalevu dina; 11 Au kaya e na noqu lecaika, Na tamata kecekece era dau lasulasu.

12 Na cava meu solia vei Yahuwe (YHWH) me idole ni veika yaga mai vua e vakarautaki mai e na vukuqu? 13 Au na taura na bilo ni veivakabulai au na qai dau masumasu e na yaca i Yahuwe (YHWH). 14 Au na vakayacora e na gauna qo na noqu bubului vei Yahuwe (YHWH), e na kedra maliwa na tamata kecekece. 15 E vakamareqeti e na mata i Yahuwe (YHWH) na nodra ciba o ira na nona digitaki. 16 I Yahuwe (YHWH), e ka dina ni o au, au nomuni dauniveiqaravi; au nomuni tamata, na luvetagane (son) ni nomuni vada: oni sa sereka na kequ ivesu.17 Au na  vakacabora vei kemuni, na  imadrali ni vakavinavinaka, au na qai masumasu e na yaca i Yahuwe (YHWH).18 Au na vakayacora qo na noqu bubului vei Yahuwe (YHWH) e na kedra maliwa na tamata kecekece,19 E na lomanibai ni vale i Yahuwe (YHWH) e na loma i Yerushalayimi. Vakavinavinaka vei Yahuwe (YHWH).

Same (Tehellim) 116:1-19

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
321 Blog No. 1461	November 17, 2011.
Reading	Hebrew Date
Isikeli (Yechezk’yl) 16	Cheshvan 20, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kau Vakavesu O Isira’yili (Isra’yl Taken Captive)

Thought: Yahweh Will Admonish Us If He Loves Us

 .......................

Serving For Yom Shlee-shee, Av 30, 5771

A qai yaco, ni o ira na luvei Isira'yili era a valavala ca vei Yahuwe (YHWH) na nodra Kalou (Mighty One), o koya e a  kauti ira cake mai na vanua o Ijipita, mai na liga i Fero na tui Ijipita, baleta  era sa sokalou tiko vei ira na kalou (elohim) mai liu, 8 Era qai bula muria tiko na nodra ivalavala na veimatanitu e a vakarusai ira taumada o Yahuwe (YHWH) e matadra na luvei  Isira'yili, 9 O ira na luvei Isira'yili era a kaya na veivosa e sega ni kilikili, me ra saqati Yahuwe (YHWH) kina na nodra Kalou (Mighty One); ruarua o ira kei na nodra tui; era qai tara na nodra veivalenisoro ni matakau e na nodra dui koro lelevu,  mai na nodra valecere na matayadra, i na veikorolelevu vakabai lalaga. 10 Era qai vakaduria vakataki ira na nodra ivakatakarakara kei na matakau e na dela ni vanuacere kei na ruku ni veikau drokadroka kece. 11 E keya era qai vakama kina na veika boi, e na veitikina cecere, me vaka era a dau cakava o ira na veimatanitu e a vakarusai ira o Yahuwe (YHWH) e matadra; era qai cakava tiko na veika vakasisila, me ra vakacudrui Yahuwe (YHWH) kina me leva: 12 Baleta ni ra sa qarava tiko na vei matakau, e a vakaroti ira kina o Yahuwe (YHWH), Moni kakua vakadua ni cakava na veika oqo.

2 Tui (M’lakhim Bet) 17:7-12

Kakua ni viavia vuku e matamu o iko vakataki iko, rerevaki Yahuwe (YHWH) ka saumaki tani mai na ivalavala vakasisila. 8 E na ka ni bula i na lewemu, ka waibula (marrow) i  na suimu. 9 Dokai Yahuwe (YHWH) e na nomu iyau kei na isevu ni nomu vuata kece sara. 10 Qori e na qai tawa vinaka kina na nomu lololo, kei na nomu iqaqi ni waini e na vuable e na wainivou. I luvequ tagane, kakua ni cata na  veikuitataki nei Yahuwe (YHWH); kakua ni cauocataka na nona veivakatavulici. 12 Baleta o koya e lomana o Yahuwe (YHWH) e na vakadodonutaka, me vaka e dua na tama, e vakadodonutaki luvena tagane.

Vakaibalebale (Mishlei) 3:7-12

Read The Tanakh in a Year (Wilika Na iVola Tabu E Na Dua na Yabaki).

Siga (Day)/Blog	Tikinisiga (Date)
241/Blog No. 1381	August 30, 2011.
Reading	Hebrew Date
Same (Tehellim) 142-144	Av 30, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.