Vakacudrui Yahuwe (Angering YHWH)

Thought: Idol-Worship And Disobedience, Serve To Anger YHWH!

.................... 

Serving For Yom R’vi’ii, [Fifth Month] Av 17, 5773

 MAI NA NEVI’IMI AKARONIMI (FROM THE NEVI’IM ACHRONIM)

Era curuma, era qai taura me ra  taukena;  ia era sega ga ni galeleta na domomuni, era sega ni bulamuria na nomuni Toraa, era qai sega sara ga ni cakava e dua na ka oni a vakarota vei ira me ra cakava. Qori oni qai cakava kina na leqa levu vakaoti oqo me lutuki ira, 24 Na cakacaka ni tuvaivalu sa tu kece kina qo, era sa lako mai oqo i na korolevu me ra mai taura vakavesu;  ia na korolevu, sa soli laivi tiko qo vei ira na Kasidimi era valuti ira tiko, e na seleiwau, na dausiga kei na mate dewa dauveitauvi. Na veika kece sara ga oni a parofisaitaka, era sa yaco tiko; qo oni sa raica sara tikoga o kemuni vakataki kemuni. 25 Ia o kemuni, i Yahuwe na Kalou (YHWH Mighty One) oni a kaya vei au, Volia na qele e na ilavo, ka kacivi ira [me ra tu] na kena ivakadinadina; e na gauna mada ga sa soli tiko kina vei ira na Kasidimi! 26 Oti oya, na vosa qo i Yahuwe (YHWH) a qai yaco mai vei Yiremeyahu,  27 Raica, o au o Yahuwe (YHWH), na nodra Kalou (Mighty One) na veika bula kecekece; e tiko beka e dua na dredre vei au? 28 O koya qori, oqo na vosa a kaya o  Yahuwe (YHWH); Au na solia laiva na korolevu oqo vei ira na Kasidimi vata kei Ne'vukadreza na tui Bavela; o koya e na qai taura vakavesu. 29 O ira na Kasidimi era valuta tiko na korolevu oqo, era na curuma, era qai vakama na korolevu e na bukawaqa; era na vakama vakaoti, bau kina na kena veivale era dau sokaloutaki Ba'ala kina e deladra, ka sovara na isoro laugunuvi vei ira na veikalou (elohim) tale eso, me rawa kina ni ra vakacudrui i au. 30 Baleta mai na gauna era se gone kina, o ira na tamata mai Yisira'yili kei ira na Ya'huda era sa dau cakava tu ga na veika e ca e na noqu rai; ia o ira na   Yisira'yili, era sega ni cakava e dua tale na ka, era sa dau vakacurdrui au tu ga e na veika e bulia na ligadra, e kaya o Yahuwe (YHWH). 31 Na korolevu oqo sa dau vakavurea tu ga na veika me dau vakacudrui au ka vakayalokatakatataki au, mai na gauna sara era a tara kina, me yacova mai na siga oqo, ka sa dodonu ga meu kauta laivi mai mataqu, 32 Baleta na veika ca kece, era dau vakayacora na tamata mai Yisira'yili kei na tamata mai Ya'huda, me ra vakacudrui i au kina; oya o ira, o ira na nodra tui, na nodra iliuliu, na nodra kohanimi, na nodra parofita, na tagane ni Ya'huda kei ira era vakaitikotiko mai Yerushalami.  33 Era vuki vanadaku mai vei au, era sega ni vakanamata mai vei au; e dina ga niu a vakatavulici ira, [meu] vakatavulici ira vakawasoma, era sega ga ni vakatudaliga, me ra ciqoma na ivakavuvuli. 34 Ia na ka ga era cakava, oya me ra biuta na nodra kaloumatakau sevaki e loma ni vale e vakatokai e na yacaqu, me ra vakadukara;

Yiremeyahu (Jeremaia) 32:23-34

NA IVAQA NI BULA (FOOD FOR THE SOUL)

I luvequtagane, kevaka o tinia na nomu galeleta na lewa matau, o na tini lako sese mai na ivakavuvuli ni kilaka. 28 ¶ Na ivakadinadina tawayaga e beca na lewadodonu; ia na gusuna na vakasisila e tiloma na caka ca. 29 ¶ Na lewa dodonu e vakarautaki vei ira era dau veibeci, kei na kuita i dakuna na lialia.

Mishlei (Vosa Vakaibalebale) 19:27-29

LOMANI YAHUWE NA NOMU KALOU (LOVE YHWH YOUR MIGHTY ONE

NA mikitami. Maivei Dawide. Taqomaki au, noqu Kalou (Mighty One) baleta o kemuni oni noqu itataqomaki. 2 Au kaya vei Yahuwe (YHWH), O kemuni na noqu Sau (Sovereign); e sega ni tu vei au e dua na ka vinaka, vakavo ga mai vei kemuni; 3 O ira na tamata vinaka (qodesh) e lomanivanua, oya o ira e dodonu me ra dokai; o ira oqori au dau taleitaki ira. 4 O ira era cicimuri ira na kalou (elohim) mai na gauna sa sivi, era vakalevutaka tikoga na nodra rarawa: Vei ira na kalou (elohim) vakaoqori au na sega ni cabora na isoro gunuvi mai na dra, se ciqoma na yacadra e na tebenigusuqu. 5 O Yahuwe (YHWH) na noqu ivotavota ka noqu bilo; o kemuni oni taqomaka na noqu iwasewase. 6 Na vanua talei a vakarautaki mai me noqu; io e a cegu na yaloqu e na vuku ni kequ iwasewase. 7 Au vakamolimolitaki Yahuwe (YHWH) na noqu daunivakasala; e na bogi na  yavu ni noqu vakasama e vakatavulici au.

8 ¶ Au dau vakadeitaki i Yahuwe (YHWH) me toka e mataqu; ni toka e veigauna kece; baleta ni toka  o koya e na ligaqu imatau, au na sega vakadua ni yavalati; 9 Qori e mamarau kina na vuniyaloqu, na noqu dokai na reki; na  lewequ talega e na vakacegu e na inuinui;  10 Baleta ni oni a sega ni biuta tu na noqu bula mai She'ola; oni sega talega ni vakadonuya na nomuni yalosavasava tabu me raica na qara titobu. 11 Oni cakava vei au meu kila na sala ni bula, e matamuni e kune kina na reki e sega ni vakaiyalayala, e na ligamuni imatau na mamarau tawamudu.

Tehillim (Same) 15:1-5

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 305 in 5773 (Total 2032)	July 24, 2013
Reading	Hebrew Date
Yesha’yahu (Isaiah) 35-36	M #5: Av 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Nona Tamata, Noda Kalou (His People, Our Mighty One)

Thought: Key To Understanding Prophesies Fulfillment, Is YHWH’s Name.

 .....................

Serving For Yom R’vi’ii, [Fifth Month] Av 10, 5773

 MAI NA NEVI’IMI AKARONIMI (FROM THE NEVI’IM ACHRONIM)

E sega ni dua e nanuma ni na rawa ni vadretitaki na nomuni mavoa; o iko e sega ni dua na wainimate e na rawa ni vakabulai iko. 14 O ira kece na nomuni icaba era sa  guilecavi kemuni; era sa sega ni vaqarai kemuni tale. Au a samuti kemuni sobu, me vaka era dau cakava o ira na kemuni meca, totogitaki me vaka e cakava tiko e dua na tamata voravora, baleta na vakaitamera ni nomuni ivalavala vakasisila, baleta na ilevu ni nomuni ivalavala ca. 15 Na cava moni tagi tiko kina baleta  na nomuni mavoa kei na kena mosimosi sa sivi na gauna me na mavo kina? Au a cakava vei kemuni na veika oqo, baleta na vakaitamera ni nomuni ivalavala vakasisila kei na ilevu ni nomuni ivalavala ca. 16 Ia o ira kece era a tilomi kemuni era na tilomi; o ira kece na kemuni meca era na kau laivi vakabobula; o ira kece era a buturaki kemuni era na buturaki  kei ira kece era a butakoci kemuni, era na butakoci. 17 Baleta au na vakasuka mai vei kemuni na nomuni bula (health), au na cakava me mavo (heal) na nomuni mavoa, e kaya o Yahuwe (YHWH); baleta era vakatokai kemuni ni oni  luveniyali, i Zaiyoni, e sega ni dua galeleti kemuni. 18 Oqo na veika a kaya o Yahuwe (YHWH); Au na vakalesui ira na kaivesu i Ya'akove i na nodra valelaca; au na  lomana na nodra itikotiko. Na veikorolelevu era na taravou tale, e na kena veiyavu, vata kei na valevakatui e na vanua e dodonu me ra toka kina.

19 Mai vei ira, e na rogo mai na vakavinavinaka kei na domodra na tamata era solevu tiko. Au na  vakalewelevutaki ira; e na sega ni lutu na kedra iwiliwili; au na vakacerecerei ira; era sa na sega tale ni sevaki. 20 Na luvedra talega era na tautauvata ga mai liu; kei na nodra veimataqali e na vakataudeitaki e mataqu; au na qai totogitaki ira kece era vakasaurarataki ira. 21 Na nodra iliuliu e na dua ga vei ira, na nodra kovana e na lako ga mai na kedra maliwa. Au na vakauqeti koya me toro voleka mai, au na qai laivi koya me toro voleka mai vei au; baleta ke sega, o cei e na rawa ni vakauqeta na vuniyalona me toro voleka mai vei au, e taroga o  Yahuwe (YHWH). 22 O kemuni oni na noqu tamata, ia o  au, au na nomuni Kalou (Mighty One). 23 Raica, na covulaca i Yahuwe (YHWH), sa kacabote mai vakawaromisa, na cava ni veivakasavasavataki, e sowiri sobu tiko i uludra na tamata ca! 24 Na yalokatakata vakadomobula  i Yahuwe (YHWH), e na sega ni tarovi, me yacova ni sa vakayacora vinaka na inakinaki ni vuniyalona. E na gauna sara mai muri (acharit-hayamim), oni na qai kilakasamataka na veika oqo. 25(31:1) Ni sa yaco mai na gauna oya, e kaya o Yahuwe (YHWH), o au, au sa na qai nodra Kalou (Mighty One) na veimatavuvale kece i Yisira’yili; ia o ira era sa na noqu tamata.

Yiremeyahu (Jeremaia) 30:13-25

NA IVAQA NI BULA (FOOD FOR THE SOUL)

Na vucesa e na vakavuna me moce lutu na tamata; ia na tamata e dauvakasavuliga e na tini walokai. 16 ¶ O koya e bula muria na lawa e  maroroya na nona bula o koya vakataki koya; ia o koya e sega ni qarauna na itovo  ni nona bula, e na mate.

Mishlei (Vosa Vakaibalebale) 19:15-16

LOMANI YAHUWE NA NOMU KALOU (LOVE YHWH YOUR MIGHTY ONE

NA cava beka, i Yahuwe (YHWH), moni tu ga mai kina vakayawa? Na cava na vuna oni dau vunitaki kemuni kina e na veigauna ni tu leqaleqa? 2 O ira na ca, e na nodra qaciqacia era dau vakasasataki ira na dravudravua, ia era qai tacori tale e na veika era navuca cake. 3 Baleta na ca e dau dokadokataka na gagano ni yalona; e dau vakacerecerea na kocokoco ka sevaki Yahuwe (YHWH). 4 Na nodra inakinaki kece e navuca e dua na ca e na nona qaciqacia (e kaya) E sega ni dua na Kalou (Mighty One), o koya oya e na sega kina ni beitaki kina o koya. 5 Na nona sala e dau katoa e veigauna kece. Na nomuni lewa e yawa kalia sara e cake mai na nona rai; qori e sega kina ni via kila o koya. O ira na kena meca? O koya e beci ira kece. 6 E vuniyalona o koya e vakasamataka, Au na sega ni yavalati; Au na sega ni sotava na leqa, sega [e na gauna] oqo se tawamudu. 7 Na gusuna e sinai vutuvutu e na vosavosa ca, na veivakacalai kei na veivakasaurarataki; e na ruku ni yamena e vuqa kina na veivakaisini kei na lewa tawadodonu; 8 E wawa toka e na ivunivuni volekata e dua na itikotiko qai vakamatea vakavuni e dua na tamata tawacala; na matana e na dau vakasasataki ira tiko ga na malumalumu. 9 E dau koto vunivuni me vaka e dua na laione e loma ni nona qara, e wawa toka kina me ladevi ira na dravudravua, e tudaitaki ira na dravudravu; qai yarataki koya laivi mai na nona lawalawa. 10 Io, o koya e na roso sobu, ka qasi vakalolovirataki; o ira na malumalumu era na qai tobo e na nona ququ vakaitamera.11 E kaya e vuniyalona, o Yahuwe (YHWH) e guilecava, o koya e tabonaka tu na matana; o koya e na sega ni raica.

Tehillim (Same) 10:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 298 in 5773 (Total 2025)	July 17, 2013
Reading	Hebrew Date
Yesha’yahu (Isaiah) 21-22	M #5: Av 10, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Leqa Lelevu E Vuravura (Big Problems In The World)

Thought: Turning Our Backs On YHWH's Torah Brings Problems

......................... 

Serving For Shabbat, Sivan 30, 5773

 MAI NA NEVI’IMI AKARONIMI FROM THE NEVI’IM ACHARONIM)

Au nuitaka niu tu oqo e na vanua dravuisiga, e na dua na nodra icili na dauveilakoyaki, meu rawa kina ni toso laivi mai vei ira na noqu tamata, meu qai yawaki au kina mai vei ira! E ka dina ni o ira kece era dauveidauci, e dua na ilala dauliumuri, qori sara ga o ira. 2(3) Era loveca na yamedra, na nodra dakaititi ni veivakacalai, era qai lewa tu na vanua, ia sega ga e na dina. Baleta era toso tu ga mai na dua na ca i na dua tale na ca, ia o au, era sega ni kilai au, e  kaya o Yahuwe (YHWH). 3(4) [Na tamata] kecekece, me ra qaqarauni mai vei ira na wekadra vakaitikotiko, kakua ni vakabauta mada ga e dua vei ira na mataveitacini;  baleta o ira kece na mataveitacini era na segata me ra lawakitaki iko, kei ira kece na wekada vakaitikotiko era na veikaseti. 4(5) [Na tamata] kecekece era na lawakitaka na wekadra vakaitikotiko, e sega ni dua e na kaya na dina, era sa vakatavulica tu na yamedra me dau  lasu, era na vakaoca i ira vakataki ira e na caka ca. 5(6) O kemuni oni vakaitikotiko e na dua na vuravura ni veivakacalai, e na nodra vakacalai, era sega kina ni via kilai au, e kaya o Yahuwe (YHWH). 6(7) O koya oqo, e kaya kina o Yahuwe ni lewevuqa (YHWH-Tzva'ot), Au na vakasavasavataki ira kina, oti au na qai vakatovolei ira. Na cava tale au rawa ni cakava vei ira na luvedra yalewa na noqu tamata? 7(8) Na yamedra na gasau [ni dakaititi] vagatai; e na gusudra e cavuti mai kina  na vosa ni veivakacalai, era na dau kaya na vosa kamikamica vei ira na wekadra vakaitikotiko, ia e lomadra era nakita  lo me ra saqati ira. 8(9) E sega beka ni dodonu meu totogitaki ira e na vukuni veika oqo, e taroga o Yahuwe (YHWH)? E sega beka ni dodonu meu sausaumilesu vei ira na mataqali matanitu vakaoqo? 9(10) Au tagitagi ka qoqolou e na vuku ni veiulunivanua, au na lelevaka na vanua ni vakanamanumanu e na vanua liwa baleta era sa vakamai yavu; era sega ni curuma, era sega ni rogoca na domo ni bulumakau; na manumanu vakatabana kei na manumanu kila era sa dui dro, ka ra sa lako oti. 10(11) Au na cakavi Yerushalaymi me dua na bukebuke ni rusa, vukica me me dua na nodra qara na koli kila (jackal), ka cakava na veikorolelevu i Ya'huda me ra laladidi, sa na sega ni dua me na vakaitkotiko kina. 11(12) O cei e vuku vakarauta me kila  mada ga na veika oqo? O cei sa vosa vua na gusu i Yahuwe (YHWH), me rawa vua me kacivaka? Na cava na vuna sa rusa kina na vanua me sa davo laladidi tu me vaka na vanua dravuisiga, me sa sega kina ni dua e rawa ni lako takosova? 12(13) E sauma o Yahuwe (YHWH), Baleta era a vakanadakuya na noqu Toraa, au a vakarautaka tu e matadra, ka sega talega ni vakarogoca na veika au a kaya vei ira me ra bula muria.

Yiremeyahu (Jeremaia) 9:1-12

NA IVAQA NI BULA (FOOD FOR THE SOUL)

Na nona dau viakana na tamata cakacaka, e na cakacaka tiko e na vukuna, baleta na nona dau viakana e na vakauqeti koya me toso tikoga. 27 ¶ E dua na tamata tawayaga e na vakavurea na ca [kakase], e vaka na  yame ni bukawaqa e tacoka tiko mai gusuna.

Mishlei (Vosa Vakaibalebale) 16:26-27

LOMANI YAHUWE NA NOMU KALOU (LOVE YHWH YOUR MIGHTY ONE

(Qof) E na vuniyaloqu taucoko au kacivi kemuni tiko kina; rogoci au i Yahuwe (YHWH); au na bulamuria na nomuni lawa. 146 Au kaci tiko yani vei kemuni; vueti au, au na dau dikeva na nomuni vosa. 147 ¶ Au matacake ni se bera ni kida na mataka, au qai tagica na veivuke;  au biuta na noqu inuinui e na nomuni vosa. 148 Na mataqu sa tadola ni se bera na gauna ni matayadra e na bogi, meu rawa ni vakananuya na nomuni yalayala. 149 ¶ E na nomuni yalololoma, rogoca na domoqu; i Yahuwe (YHWH), e na nomuni vakayacora tiko na nomuni lewa dodonu, vakabulai au. 150 ¶ O ira era vaqara tiko mai na veika vakavuravura era sa toso voleka sara mai; o ira [qori] era yawaki ira tiko vakataki ira mai na nomuni Toraa. 151 O kemuni oni toka voleka ga, i Yahuwe (YHWH); na nomuni lawa (mitzvot) kecekece era dina. 152 ¶ Mai liu sara au vulica mai na  nomuni ivakavuvuli ni o kemuni oni a vakataudeitaka me ra tawamudu.

153 ¶ (Resh) Raica mada na noqu leqaleqa, ka vueti au; baleta au sega ni guilecava na nomuni Toraa. 154 Tokona na noqu ile, ka vueti au; e na nomuni taqomaka tiko na nomuni yalayala, vakabulabulataki au tale. 155 ¶ Na veivakabulai e yawa [kalia] sara mai vei ira na vakasisila: baleta era sega ni vaqara na nomuni lawa. 156 ¶ E vakaitamera na nomuni yalovinaka tau malumu, i Yahuwe (YHWH), e na nomuni taqomaka tiko na nomuni yalayala, vakabulabulataki au tale.157 ¶ E dina ga ni ra lewe levu o ira era dau vakacacani au, ka ra kequ meca; au na sega ga ni gole tani mai na nomuni ivakavuvuli. 158 ¶ Au a raici ira era dau liumuri ni ra vakasisila, baleta era sega ni dau bula muria na nomuni vosa. 159 ¶ Vakasamataka na noqu dau taleitaka na nomuni ivakavuvuli, i Yahuwe (YHWH), e na nomuni taqomaka tiko na nomuni loloma, vakabulabulataki au tale. 160 ¶ Na ka levu [duadua] me baleta na nomuni vosa oya ni ra dina; kei na nomuni lewa dodonu kecekece era tudei tu me tawamudu.

Tehillim (Same) 119:145-160

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 259 in 5773 (Total 1986)	June 8, 2013
Reading	Hebrew Date
Sh’mu’yl Bet (2 Samuel) 15-16	M #3:Sivan 30, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Kei Ira Na Kalou (YHWH And The Gods/Elohim)

Thought: Careful That You Do Not Serve At The Table Of Gad And Meni!

........................ 

Serving For Yom HaShishi, Sivan 8, 5773

(Count The Days Towards Shavu’ot: Today Is Day 48 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Au vakarawarawataka vei ira era sega ni vakatarogi au, me ra toro maivei au; au laiva me rawarawa na noqu kune, vei ira era sega ni vaqarai au; au kaya, O au qo! O au qo! Vei ira e dua na matanitu e sega ni kilai e na yacaqu. 2 Au a dodoka tu yani na ligaqu e  na loma ni veisiga taucoko vei ira e dua na kawatamata vakabebe, era bula tiko e na dua na kena ivalavala e sega ni vinaka, baleta ni ra bula muria tiko na nodra nanuma ga o ira vakataki ira; 3 E dua na kawa tamata era dau vakacudrui i au sara ga e mataqu e veigauna kecekece, e na nodra vakacabo isoro e na veiwere, ka vakama ka boi kamica e na vatubuli. 4 Era dabe e na maliwa ni ibulubulu, ka tiko e na bogi taucoko e na loma ni qaravatu; era kania na lewe ni vuaka, ia na nodra kuro e kune kina na waibuta (soup) e saqa kina na veika vakasisila. 5 Era kaya, Duri tu ga mai vakayawa, kakua ni toso voleka mai, baleta o au, au yalosavasava cake vei iko. Qo na kubou e toka e ucuqu, e dua na bukawaqa e caudre tiko e na loma ni siga taucoko. 6 Raica, e volai tu oqo e mataqu, Au na sega ni toka vakanomodi me yacova niu sa sausaumilesu vei ira, au na sausaumi lesu vakaoti; 7 Na nomuni caka cala o kemuni, vata kei na nodra cakacala o ira na tamamuni; e  kaya o Yahuwe (YHWH). O ira era a vakacabo isoro ni ka boi kamica e na veiulunivanua, era qai vakalialiai i au e na veidelana. Taumada au na veivotayaka yani na kedra isau, oti au qai sausaumi lesu vakaoti vei ira. 8 Oqo na veika e kaya o Yahuwe (YHWH); Me vaka ni kune na waini e na dua na isoso vua ni vaini; era qai kaya na tamata, Kakua ni vakacacana baleta ni se tu kina na veika vinaka; qori au na cakava vakakina e na vukudra na noqu dauniveiqaravi, meu kakua ni vakarusai ira kece vakadua. 9 Au na kauta cake mai na kawa I Ya'akove, o ira era vakaivotavota e na noqu ulunivanua mai Ya'huda; o ira na noqu digitaki era  na taukeni ira; o ira na noqu dauniveiqaravi era na qai vakaitikotiko mai keya. 10 Na Sharoni e na lomanibai ni vakana manumanu vei ira na qelenisipi; na buca o Akori e na nodra vanua ni vakacegu na bulumakau (cattle), me nodra na noqu tamata, o ira era a vaqarai i au. 11 Ia o kemuni oni vakanadakui i Yahuwe (YHWH) o kemuni oni guilecava na noqu ulunivanua tabu, o kemuni oni vakarautaka e dua na teveli vei Qoda (Gad) e dua na kalou (el) ni kune vinaka (luck) ka tawana na veibilo  ni waini waki vei Meni na kalou (el) ni itinitini (destiny); 12 Ia o au, au na tini i kemuni i na seleiwau, oni na tekicuva sobu kece moni mokumate; baleta e na gauna au kaci yani kina; oni qai sega ni tama mai, e na gauna au vosa kina, oni sega ni rogoca; ia oni cakava ga na veika e vakasisila e na noqu rai,  moni digitaka na veika e sega vakamarautaki au.

Yeshayahu (Aisea) 65:1-11

NA IVAQA NI BULA (FOOD FOR THE SOUL)

Vua na dravudravua, na veisiga kece e vakasinaiti e na bula dredre, ia [o ira era] dau yaloyalo vinaka era na solevu tiko [ni mamarau] me tawacegu. 16 ¶ E vinaka cake na lailai vata kei na rokovi nei Yahuwe (YHWH), mai na nodra  iyau vakaitamera e kena itoma tiko na nuiqawaqawa.17 ¶ E vinaka cake na vakayakavi kakana draudrau e laukana e na mamarau, mai na okisi uro [ni susu] mai loma ni bai, [e laukana] vata kei  na veisevaki.

Mishlei (Vosa Vakaibalebale) 15:15-17

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere. E dua na same i Dawide. 2(1) Na vuniyaloqu sa no dei, kemuni na Kalou (Mighty One). Au na laga sere meu soli vakamuduo e na noqu vakarokoroko. 3(2) Yadra noqu hapi. Yadra noqu  soliteri kei na hapi! O au vakataki au, au na vakayadrata na mataka lailai. 4(3) Au na vakavinavinakataki kemuni i Yahuwe (YHWH), e na kedra maliwa na tamata; au na qiria na ivakatagi vei kemuni e na kedra maliwa na veimatanitu: 5(4) Baleta na nomuni yalololoma e vakaitamera ka ni yaco sara i lomalagi (heaven) kei na nomuni dina, e yaco sara i na veilomalagi (skies). 6(5) Moni vakacerecerei, kemuni na Kalou (Mighty One) me sivia na lomalagi (heaven)! Me qai roboti vuravura vakadua mada ga na nomuni lagilagi,

7(6) ¶ Me rawa ni ra vakabulai o ira oni dau lomani ira; o koya oya moni vakabulai au kina e na ligamuni imatau, qai rogoci au. 8(7) Na Kalou (Mighty One) e na yalosavasava a qai vosa, au qai marautaka [na nona vosa ni yalayala];  O au, au na votai She'kehemi, ka lewa na iwasewase e na buca mai Sakota. 9(8) O Qili'ade e noqu, o Ma'nashe e noqu, o Ifira'yimi na [isala sasabai ni uluqu], o Ya'huda e noqu tui (sceptre); 10(9) O Mo'ave e noqu dari ni vuivui; Vei Idomi au na kolo na noqu ivava;   e na dela i Pe'leseta au na kailavaka na noqu qaqa. 11(10) O cei e na kauti au mai i loma ni koro taqomaki? O cei e na liutaki au i Idomi? 12(11) Kemuni na Kalou (Mighty One) o kemuni beka oni sa cemuri keimami laivi? O kemuni oni sa sega beka ni lako vata tale kei na nomuni mataivalu, kemuni na Kalou (Mighty One). 13(12) Vukei keimami mai vei ira na keimami meca, baleta na veivuke vakatamata e tawayaga. 14(13) Ia e na veivuke ni Kalou (Mighty One) o keda eda na vala vakayaloqaqa, baleta o koya e na buturaki ira sobu na keda meca.

Tehillim (Same) 108:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 238 in 5773 (Total 1965)	May 17, 2013
Reading	Hebrew Date
Sh’mu’yl Alef (1 Samuel) 1-2	M #3:Sivan 8, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Tete Kei Na DauTuli Kuro (The Porter’s Clay And The Porter)

Thought: We Are The Handiwork Of YHWH The Creator!

 ..........................

Serving For Yom Chamishi, Sivan 7, 5773

(Count The Days Towards Shavu’ot: Today Is Day 47 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

E na tautauvata ni vakamai e dua na veikau ni tutuvaki e na yame ni bukawaqa, ia na yame ni bukawaqa e na  vakavuna na wai me buebue. O ira na kemu meca era na qai kila na yacamuni, era na qai sautaninini na veimatanitu e matamuni. 2(3) E na gauna oni cakava kina na veika lelevu keimami sega ni namaka, keimami qai nuitaka ni oni na siro mai, me rawa ni ra na sautaninini na veiulunivanua e matamuni. 3(4) E se sega ni dua, sa bau rogoca, e sega talega ni dua na daliga e bau rogoca se dua na mata e sa bau raica, e dua tale na Kalou (Mighty One), vakavo ga o kemuni duadua. O kemuni oni cakacaka e na vukuna o koya e waraki kemuni. 4(5) Oni dau tokoni ira era marautaka me ra cakava na ivalavala dodonu; o ira era dau vakananumi kemuni e na nomuni ivalavala; E na gauna oni cudru kina, keimami a valavala ca tikoga; ia kevaka keimami vakayacora na nomuni ivalavala makawa, keimami na vakabulai [dina ga];

5(6) ¶ Baleta o keimami kecekece, keimami vaka e dua e tawasavasava, na neimami ivalavala dodonu taucoko, e vaka na iqua ni matanivula; keimami  na vuca o keimami kecekece me vaka na draunikau; neimami ivalavala cala e na cagini keimami laivi me vaka na cagi. 6(7) E sega ni dua e kaciva na yacamuni, se vakasamataka vakataki koya, me tatakube vei kemuni; baleta ni oni sa vunitaka tu na matamuni mai vei keimami, oni qai vakavuna na neimami caka cala me vakarusai keimami. 7(8) Ia qo, i Yahuwe (YHWH), o kemuni oni tama i keimami; o keimami na tete, o kemuni na neimami dau ni tulikuro; o keimami kece, keimami cakacaka kece ni ligamuni. 8(9) Kakua ni cudru sara vakalevu, i Yahuwe (YHWH)! Kakua ni nanuma tiko na caka cala me tawamudu; raica keimami kerea, ni o keimami, keimami nomuni tamata ga. 9(10) Na nomuni veikoro tabu era sa lekutu mai; o Zaiyoni sa dravuisiga, o Yerushalayimi sa laladidi; 10(11) Na neimami vale tabu totoka, na tikina era dau lai  vakamolimolitaki kemuni kina o ira na neimami qase, sa kamayavu vakadua  i na dela ni qele;  na veika kece kemami a dau vakamareqeta era sa  vakarusai. 11(12) I Yahuwe (YHWH), ni oti na veika kece oqo, oni na tu vakasuka tiko beka ga? O kemuni beka oni na galuvaka tiko ga, moni qai totogitaki keimami tiko, me sivia na iyalayala ni neimami vosota?

Yeshayahu (Aisea) 64:1-11

NA IVAQA NI BULA (FOOD FOR THE SOUL)

Na dauveivakalialiai e sega ni taleitaka me vakadodonutaki; e na sega vakadua ni lako vei ira na vuku [me lai vaqara ivakasala]. 13 ¶ Na vuniyalo mamarau e cakava e dua na mata me mamarau, ia na momosi ni vuniyalo (heart) e voroka na yalo [me lomabibi]. 14 ¶ Na vuniyalodra na yalomatua e vaqara na kilaka, ia na gusudra na lialia e na dau vakani ga e na veivakacalai.

Mishlei (Vosa Vakaibalebale) 15:12-14

LOMANI YAHUWE NA NOMU KALOU (LOVE YHWH YOUR MIGHTY ONE

O ira era dau veisokoyaki e na waqa, ka vakayacora na nodra bisinisi e na vei wasawasa lelevu, 24 O ira oqori era dau raica na cakacaka i Yahuwe (YHWH), kei na nona cakacaka mana e na loma ni titobu. 24 O ira oqori era dau raica na cakacaka i Yahuwe (YHWH), kei na nona cakacaka mana e na loma ni titobu. 25 Baleta e na nona vosa, e [dau] tubu kina na cagi ni cava, qai laveta cake i macawa na biau vakavakaitamera. 26 O ira na dausoko era laveti cake i lomalagi (sky) era qai tavulaki sobu mai i loma ni titobu. E na ka vakadomobula vakaoqo, na nodra yaloqaqa sa na  waicala e lomadra. 27 Era tataivatia, ka veicebayaki me vaka na tagane ni ra mateni, na nodra kilaka taucoko sa na tilomi vakadua. 28 E na nodra leqaleqa era qai tagi vei Yahuwe (YHWH), o koya e qai vueti ira mai na nodra domobula. 29 E vakaruruya na cagilaba, ka vakamaravutaka na veibiau; 30 Era sa qai marau ni sa tekivu me maravu na wasawasa. O koya sa na qai kauti ira mai i na toba era gadreva me ra lai kabi kina. 31 Laivi ira me ra vakamuduo vei Yahuwe (YHWH) e na vuku ni nona yalololoma, kei na nona cakacaka mana e tauca no vei ira na kawatamata. 32 Laivi ira me ra vakalevulevui koya e na nodra isoqosoqo na tamata, ka vakavinavinaka vua e na nodra matabose na iliuliu.

33 ¶ O koya e vukica na uciwai me ra vanua dravuisiga, kei na vei toevu me ra vanua karamaca; 34 Na veivanua bulabula me ra bucabuca masima, baleta o ira na tamata era bula tiko kina era sa rui  cacalaivi. 35 Ia e dau vukica talega na vanua dravuisiga me ra veitoevu ni wai, kei na veivanua mamaca me ra ivurevure ni wai drodro. 36 E keya e  solia vei ira na walokai e dua na nodra itikotiko, era qai tara e dua na korolevu me ra vakaitikotiko kina; 37 E keya era kaburaka kina na itei e na kena veiwere, ka teivaka na veiloga ni vaini era qai rawata mai kina na tatamusuki e vakaitamera. 38 E vakalougatataki ira, na kedra iwiliwili e tubu, qai sega ni vakatara me lutu na iwiliwili ni nodra manumanu (livestock). 39 E na gauna e lutu kina na kedra iwiliwili, era qai tubu gogo sobu, e na vuku ni veivakasaurarataki, leqa lelevu kei na rarawa, 40 E luvuci ira na iliuliu o koya e na madua qai vakavuna me ra veiseseyaki ni ra veilakoyaki voli e na veikauloa e na vanua e sega kina na gaunisala, 41 Ia e vakaukauataki ira na dravudravua mai na nodra veileqaleqa, vakalevutaka na nodra veimatavuvale me vaka na qele ni sipi. 42 E na gauna era raica kina oqori o ira na yalododonu, era qai mamarau; e na gauna vata oya; era vagalui kina o ira era dau caka cala. 43 Laivi koya ga e vuku, me vakadeuca na veika oqo, qai kilakasamataka na  cakacaka ni yalololoma i Yahuwe (YHWH).

Tehillim (Same) 107:23-43

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 237 in 5773 (Total 1964)	May 16, 2013
Reading	Hebrew Date
Shof’tim (Judges) 19-21	M #3:Sivan 7, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na iVakabula (YHWH Is The Saviour)

Thought: YHWH Will Reward Those Who Recognise And Turn To Him

 ..........................

Serving For Yom Rishon, Sivan 3, 5773

(Count The Days Towards Shavu’ot: Today Is Day 43 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Na yalo i Yahuwe (YHWH) na Kalou (Mighty One) sa sobuti au tu, baleta o Yahuwe (YHWH) e a lumuti au meu kacivaka na itukutuku vinaka vei ira era dravudravua. O koya e a talai aumeu vakabulai ira era yaloramusu; meu kacivaka na tugalala vei ira era tu vakavesu, ka sereki ira i na [loma ni] rarama o ira era vesu tu e [loma ni] butobuto; 2 Meu vunautaka na yabaki ni veivakadonui i Yahuwe (YHWH) (YHWH); kei na siga ni veisausaumi ni noda Kalou (Mighty One); meu  vakacegui ira kece kina o ira era toka vakaloloku; 3 Io, meu solia vei ira era vakaloloku tu mai Zaiyoni, meu solia vei ira na salusalu me isosomi ni dravusa, na waiwai ni reki me isosomi ni vakaloloku, na isulu ni vakavinavinaka me isosomi ni lomabibi; me rawa ni ra vakatokai na vunioki ni ivalavala dodonu, e a tea o Yahuwe (YHWH), me vakacaucautaki kina o koya. 4 Era na qai tara tale na veikoro era se  rusa makawa tu; era na vakaduria tale na veika era a sa laladidi tu mai liu; me ra vakavouiya na veikoro lelevu sa biu maumau tu, era a se vakacacani tu mai na dua na gauna makawa. 5 O ira na vulagi era na tu me ra vakani i ira na nomuni qelenisipi, ia o ira na kai tani era na siviyarataka na nomuni vanua  ka qarava na nomuni veivaivaini; 6 Ia o kemuni oni na vakatokai na   kohanimi i Yahuwe (YHWH), moni kacivi ni oni dauniveiqaravi ni noda Kalou (Mighty One). Oni na kana mai na iyau ni veimatanitu, ka marautaka na lagilagi ni nodra iyau. 7 Baleta na nomuni vakamaduataki, ka ni a vakaruataki, baleta talega ni ra a tagi, e dodonu me yaco vei ira me ra vakarogorogocataki; o koya oya, e na nodra vanua na veika era taukena e na vakaruataki, kei na reki tawamudu e na nodra. 8 Baleta o au, o Yahuwe (YHWH) au taleitaka na vakatulewa vakadodonu; au cata na veika butakoci e mai cabori vakaisorokama. O koya oya au na yalodina kina e na noqu vakaicovitaki ira, meu vakaduria e dua na veiyalayalati tawamudu vata kei ira. 9 Na nodra kawa era na kilai levu vei ira na veimatanitu, kei na luvedra e na kedra maliwa na veimataqali tamata; o ira kece na tamata era raici ira era na vakadinadinataka ni o ira na kawa sa vakalougataki ira o Yahuwe (YHWH). 10 Au sa reki vakalevu e na vuku i Yahuwe (YHWH)! Na noqu bula e malaude e na vukuni noqu Kalou (Mighty One), baleta o koya sa vakasulumi au e na veivueti; vakaitutuvitaki au e na itutuvi ni qaqa, me vaka na taganevou (groom) e dara tiko e dua na ivau ni ulu ni solevu, ka vaka na yalewavou (bride)  e ukucavu tu mai e na iyau ni sasauni talei. 11 Me vaka ga na vuravura ni vakatubura mai na kena veikau, se vaka e dua na were ni vakatubura na veika era tei tu kina; O Yahuwe, na Kalou (YHWH Mighty One) e na cakava na qaqa kei na dokai me ra vura cake e matadra na  veimatanitu.

Yeshayahu (Aisea) 61:1-11

NA IVAQA NI BULA (FOOD FOR THE SOUL)

Na yame dauveivakacegui e dua na vunikau ni bula; ia ni muleca vakatani  e dua na ka, e na voroka na yalo.

Mishlei (Vosa Vakaibalebale) 15:4

LOMANI YAHUWE NA NOMU KALOU (LOVE YHWH YOUR MIGHTY ONE

Haleluya! Vakavinavinaka vei Yahuwe (YHWH); baleta o koya e vinaka, baleta na nona yalololoma e tudei tu me tawamudu. 2 O cei e rawa ni vakayatuyatutaka na vakaitamera ni cakacaka i Yahuwe (YHWH) se tusanaka vakaoti na nona vakavinavinakataki? 3 E wacava na nodra marau o ira era dau cakacaka vakadodonu, o ira era dau cakava tu ga na ka e donu. 4 Nanumi au i Yahuwe (YHWH) e na gauna oni vakaraitaka kina na nomuni veitokoni vei ira na nomuni tamata, nanumi au tiko e na gauna oni vueti ira kina; 5 Meu rawa ni raica na kena vinaka vei ira na nomuni digitaki, me rawa ni keimami mamarau e na nomuni reki, ka vakalagilagitaki e na nomuni ivotavota.

6 ¶ O keimami  vata kei ira na neimami itubutubu, keimami a valavala ca, keimami caka cala, ka vakayacora na itovo vakasisila. 7 O ira na neimami itubutubu mai Ijipita era a sega ni taura rawa na ibalebale ni nomuni cakacaka veivakurabuitaki. Era sega ni nanuma na ilevu ni nomuni cakacaka ni  yalololoma, era qai vakabebe e na baravi ni wasawasa, io e na Wasawasa o Sufa. 8 Ia o koya a qai vueti ira ga e na vuku ni yacana, me vakarogoya kina na vakaitamera ni nona kaukaua. 9 E a vosataka na Wasawasa o Sufa,  qai mamaca vakadua; qori a qai tuberi ira kina o koya e vanua titobu me vaka  ni tuberi ira tiko e na loma ni vanua dravuisiga.10 E a vueti ira mai ligadra na vakadomobula; ka sereki ira mai nodra kaukaua na meca.11 Na wai a lomoci ira vakadua na meca; a sega tale ni dua vei ira e vo. 12 Era sa qai vakabauta na nona vosa; era qai lagata na sere ni nona vakamolimolitaki.

Tehillim (Same) 106:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 233 in 5773 (Total 1960)	May 13, 2013
Reading	Hebrew Date
Shof’tim (Judges) 11-12	M #3:Sivan 3, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na Kalou (YHWH Is The Mighty One)

Thought: YHWH Keeps Telling Us That He Is The Creator In His Words!

........................ 

Serving For Yom Sheini, Iyar 5, 5773

(Count The Days Towards Shavu’ot: Today Is Day 17 out of 50)

(See Vwayikra 23:15-16)

MAI NA NEVI’IMI AKARONIMI FROM THE NEVI’IM ACHARONIM)

O Bela sa cuva sobu, o Ni'vo sa roso sobu sara e ra; na nodra kalou matakau era sa vakavodoki vei ira na manumanu, na manumanu ni cakacaka. Na icolacola oni a dau colata tu era sa vakacolati vei ira na manumanu era sa wawale rawa tu. 2 Rau sa roso, rau qai cuva sobu vata; rau sa sega ni vakacavara rawa na kau ni icolacola, ia o rau sara ga rau sa kau tiko vakabobula.3 Vakataudaliga mai vei au, kemuni na lewe ni mataqali i Ya'akove, o kemuni na vo vo mai na vale i Yisira'yili; au a dau colati kemuni voli mai na gauna oni a se qai sucu kina, ka roqoti  kemuni mai na katonigone. 4 Me yacova ni oni sa qase sara, o au, au na tautauvata tiko ga; au na keveti kemuni tiko me yacova ni sa sikoa me vulavula na drau ni ulumuni. Au a buli i kemuni, au na colati kemuni tiko; io au na keveti kemuni tiko, ka vueti kemuni. 5 Vei cei, oni na vakatautautavatataki au vua [moni] kaya ni keirau tautauvata? Vei cei oni na raica ni tautauvata kei au, me vaka sara ga keirau mataqali vata?  6 Era vakasabusabutaka na koula mai na nodra taga, ka vakarautaka na siliva e na ivakarau [ni bibi]; era qai sauma e dua na matai ni koula, me bulia e dua na nodra kaloumatakau, oti era na qai cuva sobu me ra sokaloutaka! 7 Qori e na qai vakatavari e na taba me colati, me qai lai vakaduri e na vanua me na tu kina, ia e keya sa na tu ga kina. Mai na kena itutu e na sega vakadua ni toso. Ke dua e lai tagica, [na kaloumatakau] e na sega ni rogo, se vueta e dua mai na nona leqa. 8 Nanuma sara tiko oqo, ka tu dei tu kina. Dau vakasamataka e vuniyalomuni kemuni na dau vakadrecike. 9 Nanuma tiko na veika a yaco mai na i vakatekivu, mai liu sara; ni o au na Kalou (Mighty One), ka sega ni tiko e dua tale; o au na Kalou (Mighty One), e sega tale ni dua e tautauvata kei au. 10 E na ivakatekivu, au kacivaka na veika e na yaco e na kena itinitini, au na tusanaka rawa na veika era sebera ni vakayacori; e na noqu kaya, na veika kece au navuca e na toka dei, au na cakava [sara ga] na ka ga e lomaqu meu cakava. 11 Au kaciva e dua na manumanu vakatabana dauvuka ni vakasasa mai na Vuaicake (east), kei na tamata au nakita mai na dua na vanua yawa sara. Na ka au kaya, au na vakayacora sara; au sa bulia e dua na inaki, au na vakayacora sara. 12 Ni vakatudaliga mai vei au, kemuni na tamata babamatua, o kemuni oni yawa kalia sara mai na yalododonu; 13 Au na kauta vakavoleka mai na noqu lewadodonu, e na sega ni yawa sara; na noqu veivueti e na sega vakaberai, au na tauca na noqu veivakabulai e Zaiyoni, e na vuku i  Yisira'yili na noqu dokai.

Yeshayahu (Aisea) 46:1-23

NA IVAQA NI BULA (FOOD FOR THE SOUL)

Na tamata yalododonu e cata na lasulasu; ia na vakasisila e ivalavala kaukaua ka dau vakamadua. 6 ¶ Na yalododonu e taqomaki koya e dauyalodina, ia na itovo tawa kilikili e na vakabalei ira na tamata ca.

Mishlei (Vosa Vakaibalebale) 13:5-6

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Mai na iqaqi ni waini (gittit). E dua na nodratou same na luvetagane i Koraka.2(1) E wacava na titobu ni kena dau domoni na vanua e nomuni itikotiko, i Yahuwe ni lewevuqa (YHWH-Tzva'ot). 3(2) Na noqu bula (soul) e guta, io, e mateca na lomanibai i Yahuwe (YHWH); na vuniyaloqu kei na yagoqu e tagi e  na mamarau vua na Kalou Bula (Living Mighty One). 4(3) Me vaka na separo e kunea e dua na vale me nona kei na ga (swallow) e dua na nona sova, me vakotori ira kina na nona lalai, [e vaka kina na noqu vanua ni vakacegu] e na yasa ni nomuni icabocabo ni isoro i Yahuwe ni lewevuqa (YHWH-Tzva'ot), noqu tui, noqu Kalou (Mighty One). 5(4) E wacava na nodra reki o ira era vakaitikotiko e na nomuni vale; e na sega ni cegu na nodra vakacaucautaki kemuni tiko! (Selaa) 6(5) E wacava na nona mamarau na tamata [e kunea] na nona kaukaua vei kemuni, kei na vuniyalona ni kena gaunisala levu; 7(6) E lako sivita na buca [mamaca] o Baka, era na cakava me vanua ni veitoevu, na imatai ni uca [mamada] e na vakaisulutaka e na kalougata. 8(7) Era toso mai na kaukaua i na kaukaua, era qai rairai e na mata ni Kalou (Mighty One) mai Zaiyoni.

9(8) ¶ O Yahuwe na Kalou ni mataivalu (Mighty One-Tzva'ot), rogoca na noqu masu; vakatudaliga mai, kemuni na Kalou (Mighty One) i Ya'akove. (Selaa) 10(9) Kemuni na Kalou (Mighty One), raica na neimami isasabai [na tui]; raica na matana na nomuni lumuti. 11(10) E daumaka vakaoti e dua na siga e na loma ni nomuni bai, mai na   duanaudolu (e na veivanua tale eso). E vinaka cake na duri tu e na mata ni nona vale na noqu Kalou (Mighty One), mai na bula tiko e na nona valelaca na [tamata] dau caka ca. 12(11) Baleta o Yahuwe (YHWH) [ga] na Kalou (Mighty One); e dua na matanisiga ka isasabai; o Yahuwe (YHWH) e veisoliyaka na loloma kei na vakarokoroko; o koya e na sega ni tarova na cava ga e vinaka, mai vei ira e savasava vakaoti na nodra [itovo] ni bula. 13(12) I Yahuwe ni lewevuqa (YHWH-Tzva'ot), e wacava na nona dau marau o koya ga, e vakanuinui vei kemuni.

Tehillim (Same) 84:1-12

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 206 in 5773 (Total 1933)	April 15, 2013
Reading	Hebrew Date
D’varim (Na iVakarua) 17-18	M #2: Iyar 5, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.