Na iTotogi (The Punishment).

Thought: When You Realise Your Mistake; Stop, Repent And Return To YHWH

........................... 

Serving For Yom Chamishi, Sivan 28, 5773

 MAI NA NEVI’IMI AKARONIMI FROM THE NEVI’IM ACHARONIM)

E na gauna oya, e kaya o Yahuwe (YHWH), [o ira na meca oqo] era na kauta na nodra sui na tui Ya'huda, na suidra na nodra ravouvou, na suidra na nodra kohanimi, na suidra na nodra parofita kei na suidra na ivakatawa kei Yerushalayimi mai na nodra dui ibulubulu; 2 Era na ceburaki ira yani me ra vakacilavi siga, vula kei na mataivalu kece mai lomalagi, era a dau taleitaka, qarava, lako muria, vaqara ka sokaloutaki ira. Na sui era na sega ni vakasoqoni se bulu tale, ia era na biu tu ga me ra caqera tu e dela ni qele me vaka na da. 3 O ira kece na vo vo ni matavuvale ca oqo, era se vo tiko e na vanua cava ga au a talaci ira laivi kina,  era na digitaka cake na mate mai na bula, e kaya o Yahuwe ni lewevuqa (YHWH Tzva'ot). 4 ¶ O iko mo na kaya vei ira, ni kaya o Yahuwe (YHWH); Ke dua na tamata e bale, e na sega beka ni tucake tale? Ke dua na tamata e lako sese, e na sega beka ni vuki lesu tale? 5 Ia na cava ga era liumuri tiko ga kina o ira na tamata qo? Na cava sa rui  kaukaua sara ga kina na nodra liumuri? Era tatakube toka ga e na veika era veivakacalai, era qai sega sara ga ni via suka lesu mai! 6 Au vakarogoci ira sara vakavinaka, ia era sega sara ga ni kaya e dua na ka donu. E sega ni dua e veivutuni mai na nona ivalavala tawakilikili, e na nodra kaya, Na cava sara mada au a cakava! O ira yadua era ciciva ga na nodra dui mua, me vaka e dua na ose e cici vaqunaquna tiko vakadodonu i na ivalu. 7 Na belo e lomalagi era kila vinaka na nodra gauna; na ruve, na belo ba kei na kakabace era kila vinaka na gauna  ni toki (migration); ia o ira na noqu tamata era sega ni kila na ilesilesi i Yahuwe (YHWH). 8 E rawa vakacava moni kaya, O keimami, keimami vuku; na Toraa i Yahuwe (YHWH) e tiko vata kei keda; ni kena dina cake ni nodra peni lasulasu na vunivola era sa vukici ira me ra ka lasutaki! 9 O ira na vuku era sa vakamaduataki, domobula ka tacori. Era sega ni ciqoma na vosa i Yahuwe (YHWH); me qai tiko rawa vakacava vei ira na vuku?10 O koya oya au na soli i ira kina na watidra yalewa vei ira na tani, kei na kedra qele vei ira era na mai taura vei ira;  baleta mai vei ira na lolovira sara me yaco vei ira na cecere, o ira kece e kune vei ira na koco iyau; o ira na parofita kei ira na kohanimi era sa tautauvata kecega e na nodra vakayacora tiko na ivalavala veidabui. 11 Era vadretitaka na nodra mavoa na luvedra yalewa na noqu tamata, ia e caka tu ga vakaca, ni ra kaya, Sa tiko qo na sautu (shalom) daumaka vakaoti,  ni sega tu mada ga na sautu. 12 E dodonu me ra madualaka na nodra ivalavala vakasevaki, ia o ira era sega sara ga ni bau madua, Era sega ni kila na madua (blush). O koya oya ni ra sa bale o ira na tani, o ira talega era na bale; e na gauna au na totogitaki ira kina, era na tacaqe, e kaya o  Yahuwe (YHWH).

Yiremeyahu (Jeremaia) 8:1-12

NA IVAQA NI BULA (FOOD FOR THE SOUL)

Na vosa malumu e vaka na qani hani, e kamica (ni tovolei) qai ka ni veivakabulai i na yago.

Mishlei (Vosa Vakaibalebale) 16:24

LOMANI YAHUWE NA NOMU KALOU (LOVE YHWH YOUR MIGHTY ONE

Samekh) Au cati ira na tamata era dau lomaloma rua: ia na nomuni Toraa au taleitaka. 114 ¶ O kemuni oni noqu ivunivuni ka noqu isasabai; au [dau] biuta na noqu inuinui i na  nomuni vosa.115 ¶ Lako tani mai vei au, kemuni oni  dau caka ca; meu rawa ni bula muria na nona ivakaro (mitzvot) na noqu Kalou (Mighty One).116 ¶ Tabei i au [cake] tiko me vaka na nomuni yalayala, au na qai bula; kakua ni vakararawataki au e na noqu inuinui. 117 Tokoni au; au na qai vueti, [meu dau] biuta tiko na vakasama e na nomuni lawa.118 ¶ O kemuni oni dau biligi ira tani o ira era lako sese mai na nomuni lawa, baleta na veika era vakacalai ira tiko kina era ka lasulasu.119 Oni dau kolotaki ira laivi na vakasisila e vuravura me vaka na  denivatutalei (slag); qo na vuna au taleitaka kina na nomuni ivakavuvuli. 120 Na yagoqu e sautaninini baleta na noqu rerevaki kemuni; na nomuni lewa e vakavuna meu rere.

121 ¶ (Ayin) Au sa cakava [tiko] na veika e matau ka dodonu; kakua ni biuti au e ligadra na dau veivakasaurarataki. 122 ¶ Vakataudeita na nona  tiko vinaka na nomuni dauniveiqaravi; ia kakua ni vakalaivi ira na qaciqacia me ra  vakaucacataki au. 123 ¶ Na mataqu sa buwawa mai na vaqarai tiko ni nomuni veivueti, kei na waraki tiko ni [kena vakavatukanataki] ni nomuni yalayala dodonu.124 ¶ Vakayacora vua na nomuni dauniveiqaravi me veiraurau kei na nomuni yalololoma, ka vakatavulica vei au na nomuni lawa. 125 O au, au nomuni dauniveiqaravi; solia vei au na kilaka, meu rawa ni kila na nomuni ivakavuvuli. 126 ¶ Na gauna sa yaco mai me sa yavala o Yahuwe (YHWH); baleta era sa voroka  tiko na nomuni Toraa. 127 ¶ O koya oya au taleitaka kina vakalevu cake na nomuni ivakaro (mitzvot) mai na koula; io, vakalevu cake mai na koula daumaka vakaoti. 128 O koya oya, au vakataulewataka kina na noqu ikalawa [e na yavu ni nomuni] ivakavuvuli; na ivalavala lasutaki kecekece au cata.

Tehillim (Same) 119:113-112

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 258 in 5773 (Total 1985)	June 6, 2013
Reading	Hebrew Date
Sh’mu’yl Bet (2 Samuel) 11-12	M #3:Sivan 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cala O Ya’huda Kei Yisira’yili (Yisra’yl and Y’hudah Wrong)

Thought: Change Over To YHWH, He Will Forget Your Wrong Doing

....................... 

Serving For Yom Rishon, Sivan 17, 5773

 MAI NA NEVI’IMI AKARONIMI FROM THE NEVI’IM ACHARONIM)

Kaya [o Yahuwe (YHWH)], Ke dua na tagane e sere mai vei watina yalewa, a mani biuti koya, qai lai vakamautaka e dua tale na tagane, ia ke qai vakamautaki koya tale o koya na imatai [ni tagane]; na vanua oya sa na vakadukadukalitaki vakadua. Ia o iko o saqamuataki iko tiko vei ira e vuqa na nomu dodomo, ia o qai via lesu [tale] mai vei au; e taroga o Yahuwe (YHWH)? 2 Tacake na matamu i na veidelana era sa laladidi tu, vakaraica mada; na vanua cava tale, o se sega ni bau veiyacovi kina? O dabe toka e na bati ni sala, [mo] waraki ira toka kina, me vaka e dua e tu yasa e na vanua dravuisiga. O sa vakadukadukalitaka na vanua e na nomu dausaqamua kei na ivalavala vakasisila. 3 E na vuku ni ka oqo, na uca mamada sa bureitaki vei kemuni; sa sega ni bau tau mada ga na uca (e muri) e na vula itubutubu; ia o se vakaraitaka tiko ga na mata babamatua ni yalewa saqamua, o qai sega sara ga ni via madua. 4 O sega beka ni se qai tagici au tiko ga oqo, I tamaqu, o kemuni na noqu itau mai na gauna sara au se gone kina?  (Ni o nanuma tiko), O koya e na sega ni katona tiko na nona levaci au me tawa mudu, se na rawa beka? O koya e na sega ni tosoya tiko me yacova na ivakataotioti? Qori na ka o kaya tiko, ia o cakava tiko ga na ivalavala vakasisila; o iko o cakava sara tiko ga na ka ga e lomamu mo cakava. 6 E na gauna i Yoshaiyahu na tui, o Yahuwe (YHWH) a tarogi au, O sa raica tiko beka na veika e cakava tiko o Yisira'yili na dauliumuri? O koya e cabe cake i na veidelana laladidi kei na ruku ni veivunikau drokadroka kece sara, qai lai saqamuataki koya tiko vakataki koya e keya. 7 Au qai kaya, Ni sa vakayacora oti na veika kece oqo, o koya e na qai lesu mai vei au; ia o koya a sega ni lesu mai. E na gauna vata oqo, o Ya'huda na tacina lawaki ca, sa dau raica tu yani. 8 Au raica tu yani, ni dina ga ni a veidauci dina o Yisira'yili na dauliumuri, au qai vakatalai koya laivi kina e na noqu solia vua e dua na ivolasui ni veibiu, o Ya'huda na tacina daulawaki ca, a sega ni bau tosoi me rerevaki au, ka ni o koya talega a qai lako talega  me lai saqamuataki koya vakataki koya. 9 Na kena rawarawa vei Yisira'yili me saqamutaki (prostitute) koya vakataki koya e a vakadukadukalitaka na vanua, baleta o koya a veidauci vata kei na  vatu kei na tolotolonikau. 10 Ia ena dela ni veika kece oqo, na tacina daulawaki ca, o Ya'huda, e sega  ni bau lesu  mai vei au e na yalona taucoko, o koya e vakalecalecava tiko ga, e kaya o Yahuwe (YHWH). 11 Oti qai kaya vei au o Yahuwe (YHWH) O Yisira'yili dauliumuri, e vakatakila  tiko, ni o koya e yalododonu cake mai vei Ya'huda na daulawaki ca. 12 Lako lai vakarogoya na veivosa oqo vei ira mai vualiku; Lesu mai i  Yisira'yili dauliumuri, e kaya o Yahuwe (YHWH);  au na sega ni matacataki iko baleta o au, au dau yalololoma, e kaya o Yahuwe (YHWH), au na sega ni katona tiko na noqu cudru me sega ni mudu

Yiremeyahu (Jeremaia) 3:1-12

NA IVAQA NI BULA (FOOD FOR THE SOUL)

E dua na tamata, e nona itavi me vakarautaka na nona vakasama, ia na veika e kaya na yame e lewa o Yahuwe (YHWH). 2 ¶ Na nona ivalavala kecekece e dua na tamata e savasava vakaoti e nona rai o koya vakataki koya; ia o Yahuwe (YHWH) e vakatulewa me baleta na yalona. 3 ¶ Kevaka mo nuitaka na veika kece o cakava vei Yahuwe (YHWH), na nomu  inakinaki e na yaco vinaka [kece].

Mishlei (Vosa Vakaibalebale) 16:1-3

LOMANI YAHUWE NA NOMU KALOU (LOVE YHWH YOUR MIGHTY ONE

AU taleitaka ni o Yahuwe (YHWH) e rogoca na domoqu niu vakatamamasu.2 Baleta ni vakala mai vei au o koya na daligana, au na dau kaci vua e na gauna kece au bula tiko kina.3 Na dali ni mate a waviviraki au, na mosimosi ni She'ola sa vesuki au tu vakaukaua; Au sotava tikoga na rarawa kei na vutugu.4 Ia au qai kaciva na yaca i Yahuwe (YHWH); Yalovinaka i Yahuwe (YHWH)! Vueti au!  5 O Yahuwe (YHWH) e vuable e na yalololoma kei na yalododonu; 6 O Yahuwe (YHWH) e dau taqomaki ira era sega ni vakasama (thoughtless); niu vakalolovirataki, o koya e a vueti au.  7 Noqu bula (soul), lesu i na nomu icegucegu! Baleta o Yahuwe (YHWH) sa caka vinaka vakayauyau tiko vei iko. 8 Io oni a vueta na noqu bula mai na mate, na mataqu mai na wanimata, kei na yavaqu mai na lutu. 9 Au na taubale tiko ga e na mata i    Yahuwe (YHWH) e na nodra vanua o ira era bula tiko

10 ¶ Au a vakabauta tiko ga, e na gauna mada ga au kaya kina, Au sa lomaloma ca (miserable) dina vakaoti,

Tehillim (Same) 116:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 247 in 5773 (Total 1973)	May 26, 2013
Reading	Hebrew Date
Sh’mu’yl Alef (1 Samuel) 19-20	M #3:Sivan 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na Tama (YHWH The Father)

Thought: YHWH Allowed The Children Of Yisra’yl To Be Stiff-Necked

............................. 

Serving For Yom R’vi’ii, Sivan 6, 5773

(Count The Days Towards Shavu’ot: Today Is Day 47 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Ia o ira na nona tamata era qai nanuma lesu na veisiga makawa, na veisiga i Moshe; E evei ga o koya e a kauti ira cake mai na waitui, kei ira na ivakatawa ni nona qelenisipi? Evei ga o koya e a biuta na nona icegu tabu e keya e na kedra maliwa? 12 O koya e a vakavuna na gauniligana dokai me toso tiko e na liga imatau i Moshe? E a wasea na wai e matadra qai rogo kina na yacana me sega ni mudu?  13 O koya e a tuberi ira yani e na botoni titobu, me vaka na ose yava dei e na loma ni vanua dravuisiga? 14 Ka vaka na bulumakau (cattle) era siro tiko i na dua na buca;  na yalo i Yahuwe (YHWH) e a vakacegui ira. E sega beka ni o kemuni oni a tuberi ira tiko na nomuni tamata, moni cakava kina me vakacaucautaki na yacamuni? 15 Rai sobu mai lomalagi, qai raica, mai na nomuni itikotiko tabu ka dokai; evei beka na gugumatua kei na nomuni cakacaka vakavakaitamera, na gagadre ni lomamuni kei na nomuni yalololoma? Kakua ni kinoca.16 Baleta o kemuni oni tama i keimami. kevaka mada ga me lecavi keimami o Avarahama, qai sega ni kilai keimami o Yisira'yili; o kemuni ga i Yahuwe (YHWH), oni tama i keimami, Na neimami iVakabula Mai Na Gauna Makawa, na yacamuni: 17 I Yahuwe (YHWH) na cava oni a vakatara kina me keimami lako sese mai na nomuni ivalavala, oni qai vakalaiva me vakaqataki na yalo i keimami, keimami qai sega kina ni rerevaki kemuni? Lesu mai e na vukudra na nomuni dauniveiqaravi, na vei mataqali era nomuni ivotavota. 18 O ira na nomuni tamata tabu e a lekaleka wale na nodra qarava tiko mai na nomuni vale tabu (sanctuary) ni se bera ni ra mai buturaki keimami sobu o ira na keimami meca. 19 Sa dua na gauna balavu keimami a tautauvata tu mai kei ira a sega ni bau vakavulewa; me vakataki ira era sega ni kacivi e na yacamuni.  20 (64:1) Keimami nuitaka ni oni na basuraki lomalagi moni siro sobu mai, me rawa ni ra uneune na veilunivanua e matamuni!

Yeshayahu (Aisea) 63:11-20

NA IVAQA NI BULA (FOOD FOR THE SOUL)

O She’ola kei na rusa rau tadola tu [vakamatata] e na mata i Yahuwe (YHWH); sa qai wacava na kena matata cake sara na vuniyalodra na tamata?

Mishlei (Vosa Vakaibalebale) 15:11

LOMANI YAHUWE NA NOMU KALOU (LOVE YHWH YOUR MIGHTY ONE

SOLIA na vakavinavinaka vei Yahuwe (YHWH) baleta o koya e vinaka, na nona yalololoma e tudei tu me tawamudu. 2 Laivi ira na vueti nei  Yahuwe (YHWH), me ra kaya vaka kina, oya o ira e a vueti ira mai ligadra o ira na dau  veivakasaurarataki; 3 Qai vakasoqoni ira mai na veivanua, mai na tokalau, ka vaka kina mai na ra, mai na vualiku ka vaka kina mai na vei wasawasa. 4 Era a wavoki tu mai na vanua dravuisiga, e na gaunisala e na vanua laladidi, ka sega ni kunea e dua na korolevu e tawani tu. 5 Era a walokai ka karamaca, na nodra bula (soul) a sa malumu sobu tiko yani.  6 E na dela ni nodra leqa era qai tagi vei Yahuwe (YHWH), o koya a qai vueti ira mai na nodra leqaleqa. 7 Sa qai  tuberi ira e na sala dodonu ka lekaleka, vakadodonu i na dua na korolevu era na rawa ni lai bula kina. 8 Laivi ira me ra solia na vakamuduo vei Yahuwe (YHWH) e na vukuni nona yalololoma, kei na nona cakacaka mana e a solia vei ira na kawatamata! 9 Baleta o koya e sa vakamamautaki ira na walokai, ka vakasinaiti ira na viakana e na veika vivinaka.

10 ¶ Eso era bula voli e na butobuto, ka vaka kina e na iyaloyalo ni mate, ka ra vauci tu e na bula rarawa kei na sinucodo kaukamea; 11 Baleta ni ra saqata na vosa ni Kalou (Mighty One) ka beca na nona ivakasala o koya e Cecere Sara; 12 A mani vakamalumalumutaka na  vuniyalodra e na cakacaka bibi; ni ra tacaqe a sega ni dua me mai vukei ira.13 E na dela ni nodra rarawa, era a qai tagi vei Yahuwe (YHWH), qai vueti ira o koya mai na nodra leqaleqa. 14 A qai kauti ira tani mai na butobuto kei na iyaloyalo ni mate butobuto, ni gutuva me tasere na kedra ivau [sinucodo] 15 Laivi ira me ra solia na vakavinavinaka vei Yahuwe (YHWH) e na vukuni nona yalololoma; kei na nona cakacaka mana a vakatauca vei ira na kawatamata.16 Baleta ni sa musulaka o koya na isogo ni matamata barasa, ka musuka laivi na samugakagaka kaukamea.

17 ¶ Era a tu na tamata lialia, era sota leqa, baleta na nodra caka cala kei na nodra ivalavala ca; 18 Era sega ni rawa ni tu me ra kania e dua na ka, era a no volekata na matamata ni mate. 19 E na nodra leqaleqa era tagitagi vei Yahuwe (YHWH), o koya a qai vueti ira mai na nodra vakaloloma; 20 A tala yani na nona vosa qai vakabulai ira, e a vueti ira mai na rusa. 21 Laivi ira me ra vakavinavinakataki   Yahuwe (YHWH) e na vukuni nona yalolololoma, kei na nona cakacaka  mana e vakatauca no vei ira na kawatamata. 22 Laivi ira me ra cabora vua na imadrali ni vakamolimoli ka tusanaka na nona cakacaka vakavakaitamera e na sere ni mamarau.

Tehillim (Same) 107:1-23

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 236 in 5773 (Total 1963)	May 15, 2013
Reading	Hebrew Date
Shof’tim (Judges) 17-18	M #3:Sivan 6, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Lolo (The Fast)

Thought: Fasting Properly Is Primarily What Makes It Work For YHWH!

..................... 

Serving For Yom Sheini, 26, 5773

(Count The Days Towards Shavu’ot: Today Is Day 37 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Kailavaka yani e na domolevu! Kakua ni tataro tale! Tabalaka cake na domomu me vaka na davui (shofar)! Vakatakila vei ira na noqu tamata, ni o ira era dua na tamata vakabebe, [vata kei] ira na matavuvale i Ya'akove na nodra ivalavala ca. 2 O io, era vakasaqarai au mai na dua na siga i na dua tale na siga; era (qai kaya) ni ra marautaka ni ra kila na noqu ivalavala. [Qori] me vaka sara ga era dua na matanitu yalododonu, era se bera ni bau vakanadakuya na ilesilesi ni nodra Kalou (Mighty One) ia era dau kerea vei au na ilesilesi dodonu; era qai (kaya) ni ra marautaka na nodra tu volekata na Kalou (Mighty One), 3 [Me ra qai taroga], Na cava me keimami lolo kina, kevaka oni sega ni bau raica? Na cava na vuna me keimami vakararawataki keimami tiko kina, kevaka oni sega ni bau galeleta? Qo na kena isau mai vei au; ni oni sa lolo, oni dau cakava tiko ga na veika cava oni via cakava; oni qai dau cakava me ra cakacaka vakaukaua o ira na nomuni tamata cakacaka, 4 Na nomuni lolo e vakatubura na veileti kei na veivala; ka yaco kina  na veivacu vakadomobula. E na dua na siga vakaoqo, na nomuni mataqali lolo e na sega ni vukea na domomuni me lai rogoci mai cake. 5 E koya beka oqo na mataqali lolo au vinakata, me dua na siga me vakararawataki koya kina vakataki oya e dua na tamata? E kena inaki beka  me vakacuvara sobu tu kina na uluna me vaka na kuta, tevuka e rukuna na isulutaga moni qai davo tu e na dravusa? O koya beka oqo na ka oni vakatoka na lolo, e dua na siga me marautaka o Yahuwe (YHWH)? 6 Oqo na mataqali lolo au vinakata, me ra sere o ira era vesu tu vakatawadodonu, me musu laivi na ivesu ni lawaki ca, me ra vagalalataki o ira era vakasaurarataki tu, me muduki laivi vakadua na ivua ni icolacola bibi kecekece; 7 [Moni] wasea na kemuni kakana vata kei ira na walokai, [moni] ciqomi ira na dravudravu e sega na nodra itikotiko i loma ni nomuni vale, [moni] vakaisulutaki ira na luvawale ni oni raici ira, ka vakayacora na nomuni itavi vei ira na wekamuni voleka!. 8 Qori e na qai caudre kina na nomuni rarama me vaka na matakalailai; na kulimuni vou e na tubu totolo me ubia na nomuni mavoa makawa; na nomuni yalododonu sa na dau liu tiko ga vei kemuni kei na dokai i  Yahuwe (YHWH) sa na dau vakamuri i iko tiko ga.

Yeshayahu (Aisea) 58:1-8

NA IVAQA NI BULA (FOOD FOR THE SOUL)

E na rerevaki i Yahuwe (YHWH) e kune kina na veitaqomaki kaukaua; baleta o ira na nona lalai era na kunea e keya e dua na tikina ni veitaqomaki.27 ¶ Na rerevaki i Yahuwe (YHWH) e dua na ivurevure ni bula, e rawa kina vua e dua me levea na tudai e veivakamatei.

Mishlei (Vosa Vakaibalebale) 14:26-27

LOMANI YAHUWE NA NOMU KALOU (LOVE YHWH YOUR MIGHTY ONE

O koya e sa kauta laivi vakayawa na noda ivalavala ca mai vei keda, me vaka na kena yawa na tokalau mai na ra. 13 Me vaka e dua na tama e dau lomani ira na luvena, o Yahuwe (YHWH) e dau lomani ira era rerevaki koya. 14 Baleta o koya e kila se da a buli vakacava, ka nanuma vinaka tiko o koya ni o keda eda kuvu ni soso.15 Io, na nona veisiga e dua na tamata, e vaka na co; e dau se me vaka na senikau e loma ni vanua; 16 Ia ni liwava ga na cagi, o koya e sa na takali; na tikina a toka kina, e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu sa sivi i na tawamudu se tu mai, ia na nona yalododonu e na tete yani vei ira na luvedra na luvedra, 18 Kevaka ga era bula muria na nona veiyalayalati ka nanuma me ra muria na nona ivakaro.

19 ¶ O Yahuwe (YHWH) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinakataki Yahuwe (YHWH) kemuni na nona mala’akimi; o kemuni na bati qaqa, oni dau muria na nona vosa, ka dau vakayacora na nona ivakaro! 21 Vakavinavinakataki Yahuwe (YHWH), o kemuni na lewe ni nona mataivalu, oni dauveiqaravi vua ka dau vakayacora na veika e gadreva [o koya]! 22 Vakavinavinakataki Yahuwe (YHWH), [o kemuni kece na vatuka] ni nona cakacaka, e na veiyasana kece e vakavulewa tiko kina o koya! Vakavinavinakataki Yahuwe (YHWH), [o iko na] noqu bula.

Tehillim (Same) 103:12-22

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 227 in 5773 (Total 1954)	May 6, 2013
Reading	Hebrew Date
Y’hoshua (Joshua) 23-24	M #2: Iyar 26, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Siga Ni Leqa Levu (A Day O Disaster).

Thought: YHWH Will Revenge Any War Against Zion

………………………

Serving For Yom Shlishi, Nisan 1, 5773 (Rosh Chodesh – New Month)

MAI NA NEVI’IMI AKARONIMI (FROM THE NEVI’IM ACHARONIM)

Toso mai kemuni na veimatanitu moni rogoca! Vakatudaliga sara vakavinaka kemuni na veimatatamata! Laiva na vuravura me rogoca, kei na veika kece era tiko kina; na vanua kei na kena vuata taucoko. 2 Baleta o Yahuwe (YHWH) sa levaca dina na veimatanitu, ka rarawataki ira kece na nodra mataivalu; o koya e na vakarusai ira kece sara ga vakadua, me soli i ira me ra mokumate. 3 O ira na vakamatei era na kolotaki laivi, na iboi bona ni yagodra mate e na kuvuraki cake mai; na ulunivanua e na drodrova mai na nodra dra. 4 Na mataivalu ni lomalagi era na vuca, na lomalagi sa na viviraki me vaka e dua na ivivivi pepa; o ira na lewe ni mataivalu era na qeqera me vaka ni mimira na draunivaini mai vuna, se vaka ni ra lulutu bera na vuanilolo mai na vunilolo. 5 Baleta na noqu iseleiwau sa gunu oti me vakasinaiti mai lomalagi; qo e na siro sobu i Idomi me lai vakatulewataki ira, o ira na tamata au sa nakita me ra na vakarusai. 6 E dua tiko na iseleiwau e taukena o Yahuwe (YHWH). E sa vakasinaiti tu e na dra; ka vakalevulevutaki e na uro, ka sinai e na dra ni lami kei na me, ka   vakalevulevutaki e na uro mai na ivi ni sipitagane. Baleta o Yahuwe (YHWH) e dua tiko na nona imadrali mai Bozaraa, e dua na veivakamatei levu e na nodra loma ni vanua na Idomi. 7 Na okisi kila era na bale vata kei ira, kei na bulumakau tagane vata kei  ira  vei ira era kaukaua ka matua cake,  na nodra vanua e na mateni e na dra, kei na nodra kuvu ni soso e na dravidravia [ni waki kei] na uro. 8 Baleta o Yahuwe (YHWH) e tiko na nona siga ni veitotogitaki; e dua na yabaki ni veisausaumi baleta ni a valuti o Zaiyoni.

Yeshayahu (Aisea) 34:1

NA IVAQA NI BULA (FOOD FOR THE SOUL)

Ni mate e dua na tamata ca, na nona inuinui kece era rusa talega; na veika e nuitaka mai na ivalavala vakasisila, e na yaco me sega ni dua na betena.

Mishlei (Vosa Vakaibalebale) 11:7

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Vata kei na ivakatagi wa. E dua na vucu ni vuli (maskil) nei Dawide.  2(1) Kemuni na Kalou (Mighty One) vakatudaliga i na noqu masu! Kakua ni vakanadakuya na noqu kerekere! 3(2) Rogoci au ka tama mai vei au! Sa tarai i au na nuiqawaqawa, niu tauca tiko yani na noqu kudru, au sautaninini; 4(3)  E na ivalavala ni nodra kaikaila o ira na kequ meca, kei na ivalavala ni nodra veivakararawataki; baleta era binia tiko ga mai vei au na leqa, ka ra vakararawataki au tiko e na dela ni nodra cudru. 5(4) Na vuniyaloqu e lomaqu sa vavadugudugu tiko e na vutugu, na domobulataki ni mate e bikai au sobu tiko, 6(5) Na nuiqawaqawa kei na sautaninini sa rawai au mai, na iyaloyalo ni mate sa kovuti au tu. 7(6) Au kaya, Au diva me a tiko na tabaqu [ni vuka] me vaka e dua na ruve!  Ke vakaoqori, au na vuka laivi sara yani meu lai vakacegu. 8(7) Io, ke vaka oqori, keu a vuka sara vakayawa, meu lai vakaitikotiko e na loma ni vanua liwa. Selaa. 9(8) Au na vaqara sara vakatotolo  e dua na noqu ivakaruru mai na cagilaba kei na cavaa.

10(9) ¶ I Yahuwe (YHWH), cakava me  veilecayaki ka sega na betena na nodra vosa! Baleta au raica na itovo kaukaua kei na veivala e na loma ni korolevu. 11(10) E na siga kei na bogi era na  veitosoyaki wavokita na bailalaga; e loma, na tawadodonu kei na vakacaca; 12(11) Na veivakacacani sa sinai e loma; na veivakasaurarataki kei na lawaki ca e sega ni biuta na kena veisaqata. 13(12) Baleta e sega ni dua na meca a vakalialiai au, ke vaka kina keu a rawa ni vosota. E a sega ni dua na noqu itatacaqe e a vakaraitaka vei au na ivalavala ni veibeci; ke a vaka kina, keu a rawa ni vunitaki au vakataki au. 14(13) Ia qo, o iko sara ga, e dua na tamata e mataqali vata kei au, e dua na noqu itokani, e dua au kila vinaka. 15(14) Keirau a dau veiwasei vakayalo; e na loma ni vale ni Kalou (Mighty One) keirau dau taubale vata e na kedra maliwa na [lewe ni] isoqosoqo. 16(15) Me qai biuta mada ga na mate vei ira, o koya; laivi ira me ra lako bulabula i She'ola: baleta na ca sa tiko e loma ni nodra itikotiko ka vakatale ga kina e loma ni vuniyalodra.

17(16) ¶ Ia o au, au na kaci vua na Kalou (Mighty One); o Yahuwe (YHWH) e na qai vueti au. 18(17) Yakavi, mataka kei na sigalevu au dau vosa kudrukudru ka qolou; ia o koya e [dau] rogoca na domoqu. 19(18) O koya e vueta na noqu bula ka solia vei au na vakacegu, me kakua ni dua e torovi au mai. Baleta e le levu era dau valuti au. 20(19) Na Kalou (Mighty One) o koya na tawamudu, e na rogoca qai vakamalumalumutaki ira, io, o koya e dau dabe toka e na nona idabedabe vakatui mai na kena itekivu. Selaa. Baleta era sega ni veisau, ka ra sega ni rerevaki Yahuwe (YHWH). 21(20) [Na noqu itokani] a valuti ira era dau tu veisaututaki vata kei koya; o koya e a voroka kina na nona vosa sara ga ni bubului. 22(21) Na irogorogo ni nona veivosa a kaya o koya, e a dravidravia cake mai na bata, ia na vuniyalona e a nakita tiko na ivalu. 23(22) Talaca yani na nomu veileqa [kecekece] vei Yahuwe (YHWH), o koya e na qai tabei iko tiko. O koya e na sega vakadua ni vakatara me ra yavalati o ira na yalododonu. 24(23) Ia o kemuni i Yahuwe (YHWH) oni na dreti ira sobu i loma ni qara titobu taudua. O ira na tamata oqori, e kaukaua na nodra dau vakadavedra kei na nodra dau veivakacalai, era na sega ni bula me ra vakaotia na veimama ni nodra veisiga. Ia o au, mai na noqu yasana [i Yahuwe (YHWH)] au na biuta tiko ga na noqu inuinui vei kemuni.

Tehillim (Same) 55:1-24

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 171 in 5773 (Total 1900)	March 12, 2013
Reading	Hebrew Date
Vayikra (Vunau Ni Soro) 13-14	M #1: Nisan, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26
May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Lomani Ira Era Nona (YHWH Love His Own)

Thought: When You Finally See YHWH, You Will Discard Idol Worship.

................ 

Serving For Yom Shlishi, Adar 23, 5773

MAI NA NEVI’IMI AKARONIMI (FROM THE NEVI’IM ACHARONIM)

Ia o Yahuwe (YHWH) sa waraki kemuni tiko ga qo, me vakaraitaka vei kemuni na nona yalololoma, o koya e na lomani kemuni mai cake, baleta o  Yahuwe (YHWH) e dua na Kalou (Mighty One) ni lewa dodonu; era na marau o ira kece era waraki koya. 19 Kemuni na tamata, oni vakaitikotiko mai Zaiyoni e Yerushalayimi, oni sa na sega tale ni tagi. E na rorogo ni nomuni tagi, o koya e na vakaraita vei kemuni na nona yalololoma; e na gauna e rogoca kina, o koya e na tama mai vei kemuni. 20 E dina ga ni o Yahuwe (YHWH) e solia vakamanini vei kemuni na madrai kei na wai, o koya e nomuni qasenivuli sa na sega ni vunitaki koya tale vakataki koya, ia e na yaloka ni matamuni sara ga, oni na raici koya na nomuni qasenivuli. 21 Na daligamuni e na rogoca e dua na vosa mai dakumuni [ni kaya], Oqo na gaunisala; muria tikoga, kevaka oni via gole vaka i na imatau se i na imawi. 22 Oni sa na raica ni sega ni savasava na nomuni kaloumatakau siliva, kei na ivakatakarakara kaukamea buli waicala ka boro wainikoula; oni na kolo laivi vakayawa sara mai vei kemuni, me vaka na vauvau (dradra ni) matenivula; oni na kaya; Toso laivi vakayawa mai ke. 23 Oti e na qai solia o koya na uca me vakasuasua na nomuni sore ni itei, oni na kaburaka e na dela ni qele; na kakana mai na vuata ni vanua e na bulabula ka levu. Ni sa yaco mai na siga oya, o ira na nomuni bulumakau era na dauvagani e na veico ni lomanibai lelevu. 24 Na okisi kei na asa era dau cakacakataka na vanua, era na kania na kakana waki me maleka, era a vakasavasavataki me kakua ni kune kina na qaniwiti, era qai binibini vata yani e na mataiwalu kei na isivi. 25 E na dela  ni veiulunivanua cere, kei na veidelana rewa, e na tu kina na soniwai kei na wai drodro; e na siga ni veiravui levu, e na gauna e caqera kina na veivalecere. 26 Kena ikuri; na rarama ni vula e na ramase me vaka na rarama ni matanisiga; ia na rarama ni matanisiga e na vakavitutaki (na kena rarama), me tautauvata kei na rarama ni vitu na matanisiga (e na dua ga na siga), oya e na siga e na vadretitaka kina na nodra mavoa na nona tamata o Yahuwe (YHWH), ka vakabula na we ni mavoa mai na kedra kuita.

Yeshayahu (Aisea) 30:18-26

NA IVAQA NI BULA (FOOD FOR THE SOUL)

E vaka na viniqa e na bati se na kubou e na mata na tamata vucesa, vua na itaukei ni nona cakacaka.

Mishlei (Vosa Vakaibalebale) 10:26

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere. Na nodra same na kawa i Kora'aka. 2(1) E vakaitamera o Yahuwe (YHWH), ka dodonu me vakaitamera na nona  vakacaucautaki, e na korolevu ni noda Kalou (Mighty One) vata kei na nona ulunivanua tabu, 3(2) E totoka vakaoti na kena cere, ka idivi e vuravura taucoko, na Ulunivanua o Zaiyoni, e na baba mai na vualiku; na nona korolevu na tui cecekia. 4(3) E na nona valecere, o Yahuwe (YHWH) e vakaraitaki e na nona qaqa e na veitaqomaki. 5(4) Baleta o ira na tui era sotasota ni ra veinaki; oti era qai toso vata. 6(5) Era raica era qai vakasinaiti e na kidacala; era nuiqawaqawa, era qai dro laivi  vaqunaquna, 7(6) Na domobula a tuburi ira, vata kei na vutu me vaka e dua na yalewa bukete ni taratara, 8(7) Ka vaka na cagilaba mai na vuaicake, ni vorolaka na waqa ni Tasisi.

9(8) ¶ Keimami  arogoca, ia qo keimami sa qai raica o keimami vakataki keimami e na loma ni korolevu i Yahuwe ni lewevuqa (YHWH-Tzva'ot), e na korolevu ni noda Kalou (Mighty One). Me vakataudeitaka mada ga na Kalou (Mighty One), me tawamudu. Selaa. 10(9) Kemuni na Kalou (Mighty One) e na loma ni nomuni valenisoro keimami vakananuya na nomuni yalololoma. 11(10) Kemuni na Kalou (Mighty One), na nomuni vakavinavinakataki, me vaka na yacamuni, e tete vakadua i na iyalayala kei vuravura. Na ligamuni imatau e sinai vutuvutu e na nomuni yalododonu. 12(11) Laiva na Ulunivanua o Zaiyoni me malaude, laivi ira na luveyalewa i Ya’huda me ra mamarau, baleta na nomuni vakataulewa [me baleti ira na meca].13(12) Taubale e loma i Zaiyoni, lako vakavolivolita; wilika na ilevu ni  veivalecere e kune kina.14(13) Dikeva matua na kena suva, curuma na kena veivalecere, me rawa ni oni na talanoataka vei ira na itabatamata mai muri.15(14) Ni vaka tu oqori na Kalou (Mighty One), na noda Kalou (Mighty One) me tawamudu; o koya e na veituberi vei keda me tawamudu.

Tehillim (Same) 48:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 164 in 5773 (Total 1893)	March 5, 2013
Reading	Hebrew Date
Sh’mot (Lako Yani) 39-40	M #12: Adar 23, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Gauna Vinaka Mai Muri (Better Times In The Future).

Thought: We Can Only Learn Our Lessons If We Return To YHWH.

.............. 

Serving for Shabbat, Adar 20, 5773

MAI NA NEVI’IMI AKARONIMI (FROM THE NEVI’IM ACHARONIM)

E na dua ga na gauna lekaleka mai oqo, o Li'vanoni sa na vuki me were vuavuaivinaka; na were vuavuaivinaka e okati me dua na veikau (forest). 18 E na siga oya, na daligavara e na rogoca na vosa ni ivola [oya], ia mai na kabukabu kei na butobuto, na mata ni tamata mataboko sa na rai. 19 O ira na yalomaloku era na reki tale  vei Yahuwe (YHWH); ia o ira na dravudravua era na vakacerecerei vua na Yalosavasava Ledua i Yisira'yili. 20 Baleta o ira era veivakasaurarataki, era sa na sega, o ira era dau vosa veibeci era sa na vagalui kei ira kece era dau vaqaraa me ra vakayaco ivalavala ca era sa na muduki laivi; 21 Oya o ira e na nodra vosa, era na vakayarayarataka e dua na tamata me valavala ca, o ira era dau tudaitaki ira era dau  veivunauci e na matamata kei ira era dau vakuai ira vakalawaki ca, mai na nodra dodonu o ira era donu tiko. 22  O koya oya e kaya kina oqo o Yahuwe (YHWH), ni o koya e a vueti Avarahama me baleta na matavuvale i Ya'akove, o Ya'akove sa na qai sega ni madua, na matana talega sa na sega ni vulaci. 23 E na gauna era raica kina o ira na nona kawa na cakacaka ni ligaqu e na kedra maliwa, era na  qai  vakatabuya na yacaqu. Io, era na vakarokorokotaki Koya na Yalosavasava Ledua i Ya'akove, ka ra tu me ra rerevaki koya na nodra Kalou (Mighty One) na Yisira'yili. 24 O ira e lako sese tu na vuniyalodra era sa na qai kilai yalodra, kei ira era dau vosa kudrukudru era sa na vulica na nodra lesoni.

Yeshayahu (Aisea) 29:17-24

NA IVAQA NI BULA (FOOD FOR THE SOUL)

Na nona veivakalougatataki o Yahuwe (YHWH) e cakava mera vutuniyau na tamata, qai sega ni wakia mai kei na rarawa.

Mishlei (Vosa Vakaibalebale) 10:22

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na ilagalaga ni “Lilies”. Maivei ira na kawa i Ko ra’aka. E dua na vucu ni veivakatavulici (maskil) E dua na sere ni wede. 2(1) Na utoqu e vakauqeti tiko e na dua na vakasama vinaka; Au vakauta tiko na noqu serekali vua na tui; na yamequ, e vaka na peni e ligana e dua na dau ni volavola. 3(2) O kemuni oni rairai totoka vakaoti  e kedra maliwa na tagane; na vosa ni loloma e drodro tiko mai na  tebenigusumuni. Baleta o Yahuwe (YHWH) sa vakalougatataki kemuni oti tu me tawamudu. 4(3) Kemuni na bati, ni vauca na nomuni seleiwau e na dibimuni, (daraka mai) na nomuni lagilagi kei na nomuni sau. 5(4) E na nomuni sau, ni rawaka; vodo tiko ga yani e na vosa ni dina, yalomalumu kei na yalododonu. Me qai vakatavulici kemuni e na veika cecere na ligamuni imatau. 6(5) Na nomuni gasau [ni dakaititi] e gagata. O ira na tamata era bale e rukumuni, ni lobo [basikata] na utodra o ira era kena meca na tui.

7(6) ¶ Na nomuni idabedabe vakatui, kemuni na Kalou (Mighty One) e tawamudu ka sega ni mudu; oni liutaka vakatui na nomu matanitu e na ititoko ni lewa vakatautauvata. 8(7) Oni a dau taleitaka na yalododonu, ka  sevaka na ivalavala ca. O koya oya, sa lumuti kemuni kina o Yahuwe (YHWH) na nomuni Kalou (Mighty One) e na waiwai ni reki, moni liu cake mai vei ira na nomu itokani. 9(8) Na nomuni isulu e kuvuraki mai kina na iboi ni mura, yasi kei na kasia; mai na valetabua vakatui, na ivakatagi wa era kauta mai vei kemuni na reki. 10(9) Na luvena yalewa na tui, era wili kei ira na nomuni era vakamareqeti, e na ligamuni imatau, e duri tu na ranadi [e daramaka tu na isulu] koula ni Ofiri. 11(10) Rogoca, luveyalewa! Vakasama, vakatudaliga! Guilecavi ira na nomu tamata vata kei na vale i tamamu.12(11) Na tui e na gadreva vakalevu na kemu totoka; baleta o koya e nomu sau; e dodonu mo vakarokoroko vua. 13(12) Na luveyalewa i Zora, o ira era vutuniyau taudua e na kedra maliwa na tamata, era na vaqara na nomuni veitokoni  e na nodra iloloma soliwale. 14(13) E loma [ni valevakatui] na luveyalewa ni tui e rairai totoka, ni dramaka tu mai na nona  isulu era tali vata mai kei na wa koula matailalai. 15(14) E na isulu tali matai lelevu, o koya e na kau mai vua na tui, mai vei iko, era qai muri i koya tiko mai na nona dauniveiqaravi tabutagane. 16(15) Era na kau mai e na mamarau kei na reki, me ra curu e loma ni nona itikotiko vakaturaga na tui.17(16) O iko, era na tu na luvemutagane  me ra na veisosomitaki vei ira na nomu itubutubu; o iko o na lesi i ira me ra ravouvou e loma ni vanua.18(17) Au na cakava na yacamuni me rogo e na veitabatamata kecekece, qori e na qai dau vakavinavinaka kina vei kemuni o ira na tamata, me tawamudu ka sega ni mudu.

Tehillim (Same) 45:1-17

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 161 in 5773 (Total 1890)	March 2, 2013
Reading	Hebrew Date
Sh’mot (Lako Yani) 33-34	M #12: Adar 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.