Vakamacala o Pinikasi (Pinchas Explains)

Thought: The Sin of One Man or One Tribe Will Cause Widespread Suffering

........................... 

Serving For Yom HaShishi, Sivan 11, 5772.

MAI NA NEVI’IMI RISHONIMI (FROM THE NEVI’IM RESHONIM)

O ira na luve i Yisira'yili era qai talai Pinikasi, na luve i Yili'aza na kohena, vei ira na kawa i Ru'veni, i Qoda kei na veimama na mataqali i Ma'nashe, i na vanua o Qili'ade; 14 Era sala vata tiko kei koya, e tini na ravouvou, oya me tauya dua na ravouvou mai na veimataqali (tinitini) i Yisira'yili; O ira na tagane qo era nodra iliuliu na mataivalu i Yisira'yili. 15 Era lako yani vei ira na kawa i Ru'veni, Qoda kei na veimama na mataqali i Ma'nashe e na vanua o Qili'ade, era qai vosa vei ira ni ra kaya; 16 Oqo na veika era kaya mai na lewe ni isoqosoqo taucoko i Yahuwe (YHWH), Na ilawaki cava tale oni sa cakava qo vua na Kalou (Mighty One) i Yisira'yili, e na nomuni sa saumaki laivi mai na nomuni muri i Yahuwe (YHWH) tiko; e na nomuni sa tara oqo e na vukumuni e dua na nomuni icabocabo ni soro, moni sa riba tani mai na nomuni sokalou vei Yahuwe (YHWH)? 17 E sega beka ni rauta vei kemuni na ivalavala ca i Pe'ora, eda sa sega tu oqo ni vakasavasavataki rawa mai kina, me yacova mai na gauna oqo, e dina ga ni vakavuna na kena veitauvi e dua na mate dewa rerevaki vei ira na isoqosoqo i Yahuwe (YHWH)? 18 O kemuni moni kila tiko, ni nomuni sa saumaki laivi e na siga oqo, mai na nona sokaloutaki o Yahuwe (YHWH), nimataka na kena levataki e na sauta kece na lewe ni soqosoqo taucoko o Isira'yili. 19 Kevaka e sega ni savasava na vanua oni sa na taukena, ia takoso lesu i na vanua e taukena o Yahuwe (YHWH), e na vanua e tiko kina na valetabu i Yahuwe (YHWH), moni taukeni vanua e na keimami maliwa; ia moni kakua ga ni beca na sokaloutaki i Yahuwe (YHWH), se moni vakavunene moni saqati keimami, e na nomuni tara e dua tale na  icabocabo ni soro, me ikuri ni cabocabo ni soro i Yahuwe (YHWH) na Kalou (Mighty One) i Yisira'yili. 20 Oni sega beka ni bau raica na gauna a kocova kina ka taura na veika vakatabui o 'Akani na luve i Karami,  ni a lutuki keda kece na lewe ni isoqosoqo i Yisira'yili na kena leva? O koya a dua ga na tamata, ia o koya vakataki koya  a tilomi keda kece vakadua e na nona ivalavala ca.

Josua (Ye’hoshua) 22:13-20

NA IVAQA NI BULA (FOOD FOR THE SOUL)

Na leva ni tui era vaka na dau kauitukutuku ni mate; ia na tamata vuku e na vakamalumutaka.15 E na rama e na mata ni tui na bula (life); na nona yalovinaka e vaka na uca e (dau) tau sara e liu.

Vosa Vakaibalebale (Mishlei) 16:14-15

LOMANI YAHUWE NA NOMU KALOU (LOVE YHWH YOUR MIGHTY ONE)

RESH

153 ¶ Vakasamataka na noqu leqaleqa, ka vueti au; baleta au sega ni dau guilecava na nomuni Toraa. 154 Vakalewa na noqu itutu, ka vueti au; vakabulabulataki au me vaka na nomuni vosa. 155 ¶ Na veivakabulai e yawa mai vei ira na vakasisila: baleta era sega ni vaqara na nomuni ilesilesi. 156 ¶ E vakaitamera na nomuni vinaka tau malumu, i Yahuwe (YHWH) vakaukauataki au me vaka na nomuni lewa. 157 ¶ Era lewe levu o ira era dau vakacacani au, kei ira na kequ meca; au na sega ga ni gole tani mai na nomuni vosa. 158 ¶ Au a raici ira era dau caka ca, au qai kila ni ra a sega (ga) ni bula muria na nomuni vosa. 159 ¶ Vakasamataka na noqu taleitaka na nomuni lawa: vakaukauataki au, i Yahuwe (YHWH), me vaka na nomuni yalololoma. 160 ¶ Na yavu ni nomuni vosa na dina; na nomuni lewadodonu kecekece e tudei tu me tawamudu.

SHIN

161 ¶ Na ravouvou era vakaucacataki au, ni sega (mada ga) ni bau dua na vuna; ia na vuniyaloqu e dei toka ga e na vakalevulevui ni nomuni vosa. 162 ¶ Au dau mamarau e na nomuni vosa, me vaka e dua e kunea e dua na iyau levu.163 ¶ Au cata ka vakasisilataka na ivalavala ca; na nomuni Toraa ga au dau taleitaka. 164 ¶ Vakavitu e na dua na siga au na vakavinavinakataki kemuni, baleta na dodonu ni nomuni vakatulewa. 165 ¶ Na vakacegu vakaitamera era kunea o ira era taleitaka na nomuni Toraa: e na sega na nodra malumalumu. 166 ¶ I Yahuwe (YHWH), au dau vakanuinui i na nomuni veivakabulai, au dau talairawarawa kina i na nomuni lawa (mitzvot). 167 ¶ Na noqu bula (soul) e dau bula muria na nomuni ilesilesi, kau taleitaki ira vakalevu sara. 168 Au sa dau bula muria tiko na ivakaro kei na nomuni ilesilesi; baleta na noqu ivalavala kecekece era sa macala vinaka tu e matamuni.

TAU

169 ¶ Laiva na noqu tagi me basika yani vei kemuni, i Yahuwe (YHWH); vakabulai au me vaka na nomuni vosa.

170 ¶ Laiva na noqu vakatamamasu me basika yani vei kemuni; vueti au me vaka na nomuni vosa. 171 ¶ Na yamequ e na tokoruataka na nomuni vosa, baleta na nomuni ivakaro kecekece era dodonu. 172 ¶ Na tebenigusuqu e na cavuta na nomuni vakavinavinakataki, ni oni sa vakatavulica vei au na nomuni lawa (mitzvot). 173 ¶ Laiva na ligamuni me vukei au, baleta niu dau taleitaka na nomuni ivakaro (statutes). 174 Au dau gadreva na veivakabulai, i Yahuwe (YHWH); Au dau vakananuya na nomuni Toraa. 175 ¶ Laiva na noqu bula (soul) me bula (live) e na qai vakacaucautaki kemuni; laiva na nomuni lewa dodonu me vukei au. 176 ¶ Au sa lako sese me vaka e dua na sipi sa yali tiko; vaqara na nomuni dauniveiqaravi baleta au sega ni guilecava na nomuni lawa (mitzvot).

Same (Tehellim) 119:153-176

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 152 o/o 1612	June 1, 2012
Reading	Hebrew Date
Yesha’yahu (Aisea) 37-38	Sivan 11, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakarautaki na Valenisoro (Preparation of the Temple )

Thought: We All Have Responsibilities And Purposes

Serving For Yom Reeshone, 4 Iyar, 5771

KAYA o Dawide, Oqo na vale nei Yahuwe (YHWH) na Kalou (Mighty One), oqo talega na icabocabo ni isorokama me baleti Isira'yili. 2 A qai vakarota o Dawide me ra soqoni vata o ira kece na tavuki era tiko e na vanua o Isira'yili, me ra lesi eso me ra  matai ni vatu, me ra na lai musu vatu mai me mai vakayagataki e na vale i Yahuwe (YHWH); 3 Me so talega era lesi me ra matai ni kaukamea, me ra na mai bulia na imatau kei na  imatau ni sivisivi me lai ceu kina na vatu. O Dawide a qai vakarautaka e levu na tolotolo ni kaukamea kei na barasa era sa sega tale ni vakarau rawa vakabibi; 4 Na vunisitari me levu tu, baleta o ira na kai Taso kei ira Tasaidoni era usana mai e levu na kau sitari vei Dawide.  5 Kaya o Dawide, O Sholomo na luvequtagane e se gone lailai, ia me baleti koya e kaya na ivola tabu ni o koya e na qai tara na vale me nei Yahuwe (YHWH); e na rairai totoka vakaoti, e na vakairogorogo na kena lagilagi e veivanua kece; au sa vakarautaka rawa qo na veika kece e vinakati kina, niu se bula tiko. A qai vakarautaka na ka kece e na vinakati e na vale, o Dawide; ka ni vo tale tiko e dua na ka.

6 ¶ Oti qai kacivi Sholomo na luvena, qai kaya vua; 7 O iko mo na qai tara e dua na vale me nei Yahuwe (YHWH) na Kalou (Mighty One) i Isira'yili
1 Na Veigauna (Divrei HaYamim) 22:1-7

VEI keimuni i Yahuwe (YHWH) keimami vakavinavinaka; vei kemuni, keimami solia na neimami vakamuduo ka kaciva na yacamuni; 2 Keimami na tusanaka na nomuni cakacaka veivakurabuitaki; e na qai yaco mai na gauna au na vakataulewa kina vakadodonu. 3 O vuravura kei ira kece era vakaitikotiko kina era na qai vakamalumutaki; oni sa lesi i ira na kena tamata. 4 Oni kaya vei ira na lialia, Ni kakua ni vakayacora na ivalavala lialia, vata kei ira na ca, Kakua ni laveta i cake na nomuni  ileu;  5 Kakua ni laveta na ileu i cake, kakua ni vosa e na domoqa.

6 ¶ Na isasabai e sega ni lako mai na vuaira se na vuaicake se mai na veiulunivanua dravuisiga  7 Baleta o Yahuwe (YHWH) ga e kena daunilewa; e na biuta sobu e dua, ka vakaduria cake e dua tale.
Same (Tehellim) 75:1-7

Read The Scriptures (Tanakh) in a Year
Siga (Day)/Blog	Tikinisiga (Date)
128/Blog No. 1268	May 8, 2011.
Reading	Hebrew Date
1 Tui (M’lakhim Alef)  16-18	Iyar 4,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValu Mai Jeriko (The Battle at Yerico).

Thought: Make Known What Yahweh Has Done For Us!

 .....................

Serving For Yom Khah Mee Shee, Adar-Bet 11, 5771

Ni ra sa takosova kece na Yadani na tamata sa qai kaya o Jiova (Yahweh) vei Yo’hoshua, 2 Lesia e tinikarua na tagane maivei ira na tamata, me tauyadua mai na veimataqali, 3 Qai vakaroti ira mo kaya, Moni tomika mai ke e loma ni Yadani  mai na tikina sa butuka tu na yavadra na kohanimi, e tinikarua na vatu, moni na colata yani ka kauta vata kei kemuni, moni qai lai binia vata e na icili, e na vanua oni na moce kina e na  bogi oqo. 4 E kaciva e tinikarua na tagane o Yo’hoshua, era digitaki mai vei ira na luve i Isira’yili me tauyadua mai na veiyavusa: 5 Sa qai kaya vei ira o Yo’hoshua, Ni liu yani vata kei na kato i Jiova (Yahweh) na nomuni Kalou (Mighty One) i na loma ni Yadani, moni qai tomika ka colata e tauyadua na vatu e na usouso mo tabamuni, me vaka na iwiliwii ni nodra Yavusa na luvei Isira’yili: 6 Qo me ivakatakilakila e na kemuni maliwa, baleta e na gauna era na tarogi  kemuni kina mai muri o ira na nomuni lalai, me ra taroga, me ra kaya, Na cava na i balebale ni veivatu oqo?  7 Oni na qai kaya vei ira, Na wai ni Yadani e tawase rua e na mata ni kato ni veiyalayalati nei Jiova (Yahweh); e na gauna keimami a takosova mai kina na Yadani, na wai ni Yadani e a tawase rua; ia na veivatu qo era kena ivakananumi vei ira na luve i Isira’yili me tawamudu.

Josua (Y’hoshua) 4: 1-7

Solia na daligamuni, kemuni na noqu tamata, i na noqu ivakavuvuli; vakala  na daligamuni i na vei mala ni vosa mai gusuqu. 2 Au na dolava na gusuqu e na vosa vakatautauvata: Au na cavuta na vosa vakatautauvata ni tabagauna makawa: 3 O koya eda sa rogoca oti ka kila, na kena era a vakamacalataka vei keda o ira na noda qase. 4 O koya eda na sega ni vunitaka mai vei ira na noda lalai, e na noda vakaraitaka vei ira na itabagone vou na vakamuduotaki nei Jiova (Yahweh) kei na nona kaukaua kei na veicakacaka vakasakiti sa cakava oti; 5 Baleta o koya e a tauyavutaka e dua na lewa vei Ya’akove ka virikotora e dua na lawa e Isire’yili, qai vakarota vei ira na noda qase, me ra dau vakatakila vei ira na nodra itabagone vou: 6 Me rawa vei ira na itabatamata vou me ra na kila tiko, bau kina o ira na lalai, era na sucu mai muri, me ra na tubu mai ka vakatavulica vei ira na dui luvedra:

Same (Tehellim) 78:1-6

Read The Scriptures (Tanakh) in a Year
Siga (Day)/Blog	Tikinisiga (Date)
76/Blog No. 1216	March 17, 2011.
Reading	Hebrew Date
Na iVakarua (D’varim) 29-30	Adar Bet 11,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakarau na Toso. (Getting Ready to Move)

Thought: Yahweh Knows The Way Forward; Follow.

...................... 

Serving For Yom Shlee-shee, Adar-Alef 18, 5771

Kaya vei keimami mai Horeba o Jiova (Yahweh) na noda Kalou (Mighty One), Sa dede vinaka na nomuni mai tiko e na ulunivanua oqo: 7 Vuki mo ni sa toso e na nomuni ilakolako, moni lako i na nodra ulunivanua na Emori, kei na veivanua wavolivolita, i na bucabuca lolovira dravuisiga, i na ulunivanua, i na veibuca, i na ceva, i na veibaravi ni wasawasa, i na nodra vanua na Kena’ani, vata kei Li’vanoni, me yaco sara i na uciwai levu, na uciwai o Iuferetisi.  8 Raica, Au sa solia vei kemuni na vanua era no oqori e matamuni: toso yani lai taukena na vanua a bubuluitaka o Jiova (Yahweh) vei ratou na tamamuni o Avarayama, o Yisake vata kei Ya’akove, me na solia vei iratou kei ira na nodratou kawa mai muri.

9 ¶ Au a kaya vei kemuni e na gauna oya, Au na sega ni colati kemuni tiko o yau ga vakataki au. 10 O Jiova na nomuni Kalou sa vakalevutaka na kemuni iwiliwili; raica, e na siga e daidai, o kemuni oni sa tautauvata kei na kalokalo ni lomalagi na kemuni i wiliwili.11 (Me vakalevutaka tale vakaudolu na kemuni iwiliwili nikua o Jiova (Yahweh), na nodratou Kalou (Mighty One) na tamamuni, ka vakalougatataki kemuni me vaka a yalataka vei kemuni). 12 E na rawa vakacava vei au meu colata duadua na nomuni veibeitaki, na nomuni icolacola bibi, kei na nomuni sasaga? 13 Lesia mai na kemuni maliwa  na tamata vuku e tu vei ira na  yalomatua, ka ra kilai levu, e na loma ni nomuni veiyavusa, au na qai lesi i ira me ra nomuni turaga.14 Oni a qai sauma moni kaya mai vei au, Na veika oni vakamacalataka tiko, e vinaka vei keimami me keimami cakava.

Na iVakarua (D’varim) 1: 6-14

Vei Jiova (Yahweh) au sa biuta na noqu inuinui; au na sega ni taqayataka na ka e rawa ni cakava vei au na tamata. 12 Vei kemuni au na vakayacora na noqu itavi, i Jiova (Yahweh); Au na cabori ira vei kemuni e na vakamuduo. 13 Baleta oni sa vueta na noqu bula (soul) mai na mate, kei na yavaqu me kakua ni tarabe, meu rawa ni qai taleitaki e matamuni, kemuni na Kalou (Mighty One), e na nodra vanua na bula.

Same (Tehellim) 56:11-13

Read The Scriptures (Tanakh) in a Year
Siga (Day)/Blog	Tikinisiga (Date)
053/Blog No. 1193	February 22, 2011.
Reading	Hebrew Date
Number (B’midbar) 7	Adar Alef 18,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veivakaduavataki ni iValavala Ca (Atonement for Sin)

Thought: The First Thing in Thanksgiving is Thinking

 ............................

Serving For Yom Revee-ee, Adar-Alef 12, 5771

Ke dua na tamata e valavala ca, qai rogoca na domo ni veibubuluitaki, oti  qai kena ivakadinadina, veitalia ke a sa raica oti se a sa kila oti, ia qai sega ni tukuna, o koya e na sotava na rarawa e na vuku ni nona cala; 2 Se dua na tamata e tara e dua na ka e tawasavasava, veitalia ke yago ni manumanu kila tawasavasava, se yago ni bulumakau tawasavasava, se yago ni manumanu daudolo tawasavasava, ia qai sega ni galeleta, o koya talega e tawasavasava ka cala;  3 Se tara na ka tawasavasava ni tamata, na ka tawasavasava cava ga e dau vakadukadukalitaka na tamata , qai sega ni galeleta, e dodonu me kila ni a valavala ca; 4 Se dua na tamata e bubuluitaka e na tebenigusuna me cakava e dua na ka ca se ka vinaka e na kena ivalavala cava ga e dau bubului kina na tamata,  oti qai sega ni galeleta, e dina ga ni kila ni a valavala ca e na dua vei ira na ka oqo;  5 e na qai yaco ni sa kune ni cala e na dua vei ira na ka oqo, ni dodonu me vakatusa na ka oya; 6 Me na qai kauta mai e dua na nona isoro ni tosovakailowa, e na vuku ni nona ivalavala ca a vakayacora o koya;   e dua na lami yalewa mai na qele ni sipi se dua na luve ni  me yalewa, me isoro ni valavala ca; ia na Kohena me na qai cabora na veivakaduavatataki e na vukuna me baleta na nona ivalavala ca.

Vunau ni iSoro (Wayikra) 5:1-6

Vakavinavinakataki Jiova (Yahweh). Vakavinavinakataka na Kalou (Mighty One) e na loma ni nona itikotiko tabu; Vakavinavinakataki koya e na macawa ni nona kaukaua. 2 Vakavinavinakataki koya e na vukuni cakacaka lelevu sa cakava: Vakavinavinakataki koya e na daumaka ni nona cecekia. 3 Vakavinavinakataki koya e na voqa ni domo ni  biukila: vakavinavinakataki koya e na soliteri kei na hapi. 4 Vakavinavinakataki koya e na tibereli kei na ivakatagibitu vata kei na rogo kamica ni ivakatagi vakawa ni qiriqiri. 5 Vakavinavinakataki koya e na simibali rogo levu; vakavinavinakataki koya e na lagalagasere ni lewevuqa. 6 Laiva na veika kece vakaicegu me ra vakavinavinakataki Jiova (Yahweh). Haleluya!

Same (Tehellim) 150:1-6

Read The Scriptures (Tanakh) in a Year
Siga (Day)/Blog	Tikinisiga (Date)
047/Blog No. 1187	February 16, 2011.
Reading	Hebrew Date
Leviticus (Wayikra) 22-23	Adar Alef 12,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Jiova Dau Loloma (Loving Yahweh)

Thought: Do Not Cover Up Sins, Acknowledge Them And Repent

 ..........................

Serving For Yom Reeshone, Adar-Alef 2, 5771

O Jiova (Yahweh) a qai sobu mai na o, me mai duri tu vata kei koya e keya, ia qai kaciva na yaca i Jiova (Yahweh) o Moshe.  6 A qai tavali takoso e matana o Jiova (Yahweh) qai tusanaka, Jiova (Yahweh), Jiova (Yahweh) na Kalou (Mighty One), dauloloma ka dauveinanumi, dauvosota vakadede, ka sinai vutuvutu e na yalovinaka kei na dina,  7 dauyalovinaka vei ira na udolu na itabatamata, me vosota na ivalavala ca kei na talatalaidredre, ia e na sega ga vakadua ni vakadonui ira era caka ca; ka na sikovi ira na nodra kawa o ira na tama era ivalavala tawakilikili vei ira na luvedra kei ira na makubudra me yacova na ikatolu se ikava ni itabatamata 8 Vuki totolo o Moshe, me lutu i na dela ni qele e na vakarokoroko. 9 Oti qai kaya, Kevaka au sa kunea na yalololoma e matamuni, Kemuni na noqu Jiova (Yahweh), laiva na noqu Jiova (Yahweh) me lako vata kei keimami; baleta qo e dua na kawatamata domoqa; moni vosota na neimami caka cala, na neimami ivalavala ca, kei na neimami loma leqaleqa.

10 ¶ Kaya o Jiova (Yahweh), Raica, au na bulia e dua na veiyalayalati kei ira na nomu tamata. Au na cakava eso na cakacaka mana e sebera ni bau caka vakadua e vuravura, se e loma ni dua tale na matanitu; ia o ira kece na tamata o sa tiko qo e na kedra maliwa, era na raica na cakacaka i Jiova (Yahweh); baleta e vakadomobula au sa na cakava oqo vata kei iko.

Lako Yani (Sh’mot) 34:5-10.

AU VOSOTA niu waraki Jiova (Yahweh) tiko; qai vuki maivei au o koya ka rogoca na noqu kerekere. 2 A vueti au cake talega mai na ikeli vakadomobula, mai na veidabibi ni rusa, qai vakaduria na yavaqu e na dela ni uluvatu, me vakataudeitaka na noqu ilakolako. 3 E a biuta o koya e dua na serevou e gusuqu, na vakavinavinaka vua na noda Kalou (Mighty One), me le levu era raica era qai marautaka ka vakabauti Jiova (Yahweh). 4 E kalougata na tamata e tiko na nona vakanuinui e na yaca i Jiova (Yahweh), ka sega ni saumaki lesu i na qaciqacia; se na veitalanoataki ni veika lasulasu. 5 E levu na cakacaka oni sa vakayacori vei keimami i Jiova na neimami Kalou (Yahweh our Mighty One), kei na nomuni vekaroni talei vei keimami; au  tusanaka ni rui levu sivia me wiliki rawa, e sega ni dua e tautauvata kei kemuni.

Same (Tehellim) 40:1-5

Read The Scriptures (Tanakh) in a Year
Siga (Day)/Blog		Tikinisiga (Date)
037/Blog No. 1177		February 6, 2011.
Reading		Hebrew Date
Exodus (Sh’mot) 39-40		Adar Alef 2,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Jiova E Rawa Ni Nuitaki (Yahweh Is Reliable)

Thought: When We Are Weak, Turn To Yahweh For Strength

............................ 

Serving For Yom Shlee-shee, 24^th Kislev, 5771

Raica qo era sa mai veisausaumi vei keimami; era sa lako tiko mai me ra mai cemuri keimami mai na nomuni ivotavota, oni a solia vei keimami taukena.  12 Isa kemuni na neimami Kalou (Mighty One, vakatakilai kemuni moni qai vakatulewa vei ira, baleta sa sega na neimami kaukaua me keimami tu kina e matadra; vakayagataka mai vei ira na seleiwau ni nomuni vakataulewa; baleta kemami sa sega ni kila na ka me keimami na cakava; na mata i kemami sa rai tiko ga yani vei kemuni.

2 Veigauna (Divrei-Hayamim Bet) 20:11-12

E na vakacava beka na kena dede, i Jiova (Yahweh), na nomuni na lecavi yau tiko kina?  2 E na vakaevei na kena dede meu vosota tiko kina rarawa e na noqu bula kei na vakaloloma e vuniyaloqu e na veisiga? E vakaevei na kena dede era na vakacerecerei tiko kina o ira na kequ meca mai vei yau? 3 Vakatulewa ka rogoci yau i Jiova (Yahweh) noqu Kalou (Mighty One), vakararamataka na mataqu, deu na qai moce me mate; 4 De lakolako era qai kaya na kequ meca, Au sa rawai koya; era qai mamarau kina o ira era dau vakaleqai yau, baleta niu sa yavalati. 5 Ia o yau, au dau vakararavi ga i na nomuni yalololoma; na vuniyaloqu e na mamarau ga e na nomuni veivueti. 6 Au na lagasere vei Jiova (Yahweh), baleta o koya e sa vueti yau tiko.

Same (Tehellim) 13:1-6

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
335	November 30, 2010
Reading	Hebrew Date
Ezekiel 43-44	Kishlev 23, 5771.

 May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Raici Jiova o Moshe (Moshe Saw Yahweh)

Thought: Keep Well Away From Behaviors That Yahweh Hates

 ..........................

Serving For Yom Shaynee, 15^th Kislev, 5771

O Jiova a qai sobu mai na o, me mai duri tu vata kei koya e keya, ia qai kaciva na yaca i Jiova (Yahweh) o Moshe.  6 A qai tavali takoso e matana o Jiova  qai tusanaka, Jiova (Yahweh), Jiova (Yahweh) na Kalou (Mighty One), dauloloma ka dauveinanumi, dauvosota vakadede, ka sinai vutuvtu e na yalovinaka kei na dina, 7 Dauyalovinaka vei ira na udolu na itabatamata, me vosota na ivalavala ca kei na talatalaidredre, ia e na sega ga vakadua ni vakadonui ira era cala nakita; ka na sikovi ira na nodra kawa o ira na tama era ivalavala tawakilikili vei ira na luvedra kei ira na makubudra me yacova na ikatolu se ikava ni itabatamata.

Lako Yani (Sh’mot) 35:5-7

Kemuni na Kalou (Mighty One) o kemuni oni dau vueti ira e dau dodonu na vuniyalodra, kemuni na Kalou (Mighty One) yalododonu, ni vukei au. 11 O Jiova (Yahweh) e dau ni vakatulewa  dodonu, io e dau levaci ira era sega ni via veivutuni e veiveisiga taucoko 12 Kevaka e sega ni vuki tani mai na nona cudru, e na vagata na nona seleiwau, ka loveca na nona dakaititi  me tu vakarau. 13 Sa vakarauta talega e na vukuna o koya vakataki koya na iyaragi ni mate; E na ducia na nona gasau ni dakaititi vei ira era dau veibeitaki.14 Baleta o ira era dau ivakarau ca, era sa lawaki ca mai, era sa dau navuca na leqa ka bulia na lasu: 15 E kelia e dua na tobu ni wai, ka vakatitobutaka, ia qai lutu tale i na qara e a kelia. 16 Na nona ivadi ca sa sauta tale na uluna o koya vakataki koya, na nona valavala ni veivakacacani sa lutuka tale na nona qavokavoka. 17 Au na vakavinavinaka vei Jiova e na noqu yalododonu; Au na seretaka na vakamolimoli i na yaca i Jiova, o koya e cecere sara (Yahweh Yliyon)

Same (Tehellim) 7:10-17

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
327	November 22, 2010
Reading	Hebrew Date
Ezekiel 27-28	Kishlev 15, 5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Jiova Na Kalou (Yahweh Mighty One)

Thought: Obey and Call On Yahweh, He Will Answer!

...................... 

Serving For Yom Shaynee, 8^th Kislev, 5771

Sa qai vosa o Jiova me tukuna na vosa kece oqo, ni kaya, 2 O au o Jiova (Yahweh) na nomuni Kalou (Mighty One), o koya e a kauti kemuni laivi mai na vanua o Ijipita, mai na vale ni veivakabobulataki. 3 Moni kakua ni vaKalou (elohim), vakavo duadua ga vei au.

Lako Yani (Sh’mot) 20:1-3

Ia kevaka o ni na vakarorogo vakaidina i na vosa i Jiova (Yahweh) na nomuni Kalou (Mighty One, mo ni vakabauta ka cakava na nona ivakaro kece sara au vakarota tiko vei kemuni edaidai, e na qai laveti kemuni cake o Jiova (Yahweh) na nomuni Kalou mo ni uasivi cake mai vei ira kece na veimatanitu e vuravura:

Na iVakarua (D’varim) 28:1

E kalougata na tamata e sega ni muria na nodra ivakavuvuli na tamata ca se bula muria na nodra ivakasala na valavala ca se dau toka vata kei na nodra ilala o ira era dau veivakasewasewani. 2 Baleta na nona reki e teki toka ga e na lawa i Jiova (Yahweh), ia e na nona lawa oya, na vuniyalona e na dau vakasamata  tiko e na siga kei na bogi. 3 E na qai tautauvata kei na vunikau e tei e na bati ni wai drodro, na drauna e na sega ni mimira; ia na cava ga e tekivu me vakayacora, e na rawata.

4 ¶ O ira era valavala ca era sega ni vakakina, baleta ni ra vaka na qaniwiti, e dau vukataka laivi na cagi ni liwava. 5 O koya oqo era na sega ni vakadonui kina o ira na tamata itovo vakasisila ni sa tau na lewa, se o ira na tamata ivalavala ca e na nodra isoqosoqo na yalododonu; 6 Baleta o Jiova (Yahweh) e kila na nodra ivalavala na yalododonu; na nodra ivalavala na vakasisila e na rusa.

Same (Tehellim) 1:1-6

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
320	November 15, 2010
Reading	Hebrew Date
Ezekiel 10-12	Kishlev 8, 5771.

  May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.