Tagicaki Avishalome O Dawide (Dawid Weeped For Avshalom)

Thought: Yo’av Was A Brave Advisor To King Dawid Re His Welfare

Serving For Yom Sheini, Elul 23, 5772

MAI NA NEVI’IMI RISHONIMI (FROM THE NEVI’IM RESHONIM)

A qai luvuci (e na rarawa) na tui, qai lako cake i na nona loqi ni moce, qai lai tagilagalaga tiko kina; ia ni sa tagi tiko a qai kaya tiko, Isa na luvequ tagane o Avishalome, i luvequ tagane, i luvequ tagane o Avishalome! Ke a lewai ga meu mate o au e na vukumu, i Avishalome na luvequ tagane.  2(1) A qai tukuni vei Yo'ave, Raica, na tui sa tagi ka vakaloloku tiko e na vuku i Avishalome. 3(2) Na qaqa ni siga oya a vuki me vakaloloku e na kedra maliwa na tamata, baleta ni rogoca na tamata ni kainaki, Na tui sa vakalolokutaki luvena tagane tiko. 4(3) Na qaqa ni siga oya a vuki me vakaloloku vei ira na tamata; na tamata era a yaqa lo mai i loma ni korolevu e na siga oya, me vaka era na yaqa laivi o ira na tamata era madua, baleta ni ra dro mai na ivalu. 5(4) Na tui a ubia tu ga na uluna, qai tagilagalaga tiko e na domo levu, ni kaya, Oilei na luvequ tagane o Avishalome,  i Avishalome na luvequ tagane, na luvequ tagane! 6(5) O Yo'ave a qai curu yani i na vale ni tui, qai kaya, O kemuni oni sa vakamaduataka na matadra na nomuni dauniveiqaravi kecekece, o ira era a vueta na nomuni bula e na siga oqo, ka vaka kina na nodra bula na luvemuni tagane kei ira na luvemuni yalewa kei na nodra bula na watimuni, ka vaka kina na nodra bula na nomu itoto. 7(6) Baleta o kemuni oni lomani ira na kemuni meca, ka cati ira era lomani kemuni. Baleta qo oni sa vakaraitaka tiko e na siga oqo, ni sega tu ni duabau na nomu turaga bale se dauniveiqaravi; e na noqu rai  o au vakataki au e na siga oqo; o kemuni e na talei cake vei kemuni ke a bula o Avishalome, ia me keimami mate kece o keimami na kena vo. 8(7) E na gauna sara ga oqo, o kemuni moni tucake, moni curu ituba, moni lai vosa vakayalovinaka vei ira na nomuni dauniveiqaravi; baleta au bubuluitaka e na yaca i Yahuwe (YHWH), kevaka oni  sega ni curu ituba, e na sega tale ni vo me ra tu vata kei iko, e dua  e na bogi edai; qo e na qai cacalaivi sara vei kemuni, mai na veileqa kecekece era a vakaleqai kemuni mai na gauna sara oni se gone kina, me yacova mai oqo. 9(8) Sa qai tucake na tui, qai lai dabe toka e na matamata. Sa qai tukuni vei ira kece na tamata, me ra kaya, Raica, na tui sa dabe tiko mai na matamata.  Era sa qai lako mai vua na tui na tamata kecekece. Ia o ira na Yisira'yili, era a dui dro, na tamata yadua i na nodra dui valelaca.

10(9) ¶ O ira kece na tamata e na veiyavusa Yisira'yili era a veileti vakataki ira ni ra kaya, Na tui a vueti keda mai ligadra o ira era keda meca, ka vakabulai keda mai ligadra na Pi'lisitimi; ia qo sa qai dro tale o koya mai na vanua baleti Avishalome. 11(10) O Avishalome, o koya eda a lumuta me noda tui, sa mate e na ivalu. Era qai veivosaki vakaveiwekani ni ra kaya, Na cava meda lomalomarua tale tiko kina se meda sa lesu tale vua na tui?  12(11) Lako mai, laiva meda kauti koya lesu mai i nona vale. A qai rogo na nodra vosa na tamata vua na tui.  13(12) Kaya na tui vei ira na tamata, O kemuni oni wekaqu ga, oni lewe ni yagoqu ka suiqu talega. Na cava oni sa qai iotioti kina moni lesu mai vua na tui? 14(13) Oti qai kaya o koya vei Amasa, Raica, o iko o lewequ ka suiqu. Me qai cakava vei au o Yahuwe (YHWH) qai vakaikuritaka, kevaka o na sega ni mai liutaka vakadua na noqu mataivalu, mo sosomitaki Yo'ave. 15(14) A qai vagolea o koya na lomadra kece na kawa Ya'huda me ra duavata  me vaka era dua ga na tamata; era qai vakau itukutuku kina vua na tui ni ra kaya, Ni lesu mai o kemuni vata kei ira kece na nomuni dauniveqaravi. 16(15) Sa qai lesu mai na tui, qai yaco mai i na Yaradani. O ira na yavusa Ya'huda  era a qai lako i Qiliqali, me ra lai tavaka na tui me ra qai kauti koya i tai kadua ni Yaradani.

Samuela (Sh’mu’yl Bet) 19:1(0)-16(15)

http://www.biblegateway.com/passage/?search=2%20Samuel%2019:1-16&version=CJB;

NA IVAQA NI BULA (FOOD FOR THE SOUL)

E na gauna mo dabe kina mo kana vata kei na tui, vakasamataka vakavuku na veika era sa vakarautaki tu e matamu; 2 Mo kakua ni biuta na poisoni e loma ni gusumu, vakabibi kevaka o dau taleitaka vakalevu na kana. 3 Kakua ni garova na kena kakana; baleta na kena madrai, e madrai ni veivakaisini.

	Vosa Vakaibalebale (Mishlei) 23:1-3
http://www.biblegateway.com/passage/?search=Proverbs%2023:1-3&version=CJB

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vata kei na ivakatagi wa. E dua na vucu ni vuli (Maskil) nei Dawide. 2 E na gauna era lako mai kina na Zifimi me ra mai tukuna vei Shaula, O Dawide e vuni tiko vata kei keimami. 3(1) Vakabulai au kemuni noqu Kalou (Mighty One) e na vukuni yacamuni: lewai au e na nomuni kaukaua. 4(2) Rogoca na noqu masu, kemuni na Kalou (Mighty One); vakatudaliga i na vosa ni gusuqu. 5(3) Baleta o ira na vulagi era tu me ra saqati au, o ira na qaqa era sa vaqara tiko mai na noqu bula; era sa vakalecalecavi kemuni, kemuni na Kalou (Mighty One). 6(4) Raica, o Yahuwe (YHWH) e noqu dau ni veivukei; O Yahuwe (YHWH) e yavu ni noqu bula (soul). 7(5) Kauta mai na leqa vei ira na kequ meca; vagalui ira e na nomuni dina: 8(6) Au na vakacabora vei kemuni na isoro e na yalo galala: Au na vakamuduotaka na yacamuni, i Yahuwe (YHWH); baleta ni vinaka. 9(7) Baleta oni a vakabulai i au mai na veileqaleqa taucoko; na mataqu a qai raici ira na kequ meca ni ra sa vakadrukai.

	Same (Tehellim) 54:1(0)-9(7)
http://www.biblegateway.com/passage/?search=Psalms%2054:1-9&version=CJB;

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 253 o/o 1714	September 10, 2012
Reading	Hebrew Date
Tehellim (Same) 73-75	Elul 23, 5772 (6th month)
Click The Bible Text To Read It In Gateway In Another Language Or Version

http://www.biblegateway.com/passage/?search=Psalms%2073-75&version=CJB

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Leqa Na iVakasala. (Advises Foiled)

Thought: Those Who Wanted To Kill YHWH’s Chosen, Died Instead

Serving For Yom HaShishi, Elul 20, 5772

MAI NA NEVI’IMI RISHONIMI (FROM THE NEVI’IM RESHONIM)

O Akitofela a qai kaya tale vei Avishalome, Laiva vei au meu digitaka e tinikarua na udolu na tagane, au na cavutu meu vaqarai Dawide e na bogi oqo. 2 Au na toboki koya e na gauna e se ceguoca ka gogo tu kina, au na qai vakavuna vua me lomaocaoca, ia o ira na tamata era na dro mai vua, oti au na qai vakamatea duadua ga na tui. 3 Au na qai kauti ira kece mai na tamata vei iko; me vaka na nodra a lako mai vei iko o ira o a vinakati ira; era sa na tu vakacegu tale kina na tamata. 4 Na ivakamacala oqo a vakamarautaki Avishalome, ka marautaki tale ga mai vei ira na matua ni Yisira'yili.  5 Oti qai kaya o Avishalome, Me kacivi talega mai o Hushai na Araki, meda mai rogoca talega se cava e na kaya o koya. 6 Ni lako mai o Hushai vei Avishalome, o Avishalome a qai kaya vua, O Akitofela sa vakamacala oti e na ka me caka; e vakaevei na nomu nanuma, meda sa muria na ka e kaya? Ke sega, ia vosa mada mai o iko. 7 Kaya o Hushai vei Avishalome, Na ivakasala sa solia oti o Akitofela e sega ni vinaka e na gauna oqo. 8 Baleta, e kaya o Hushai vei Avishalome, O kemuni oni kila vinaka ni o tamamuni kei ira na nona dauniveiqaravi era tamata qaqa, ka ra sa na leva sara tu ga oqo e vuniyalodra, me vaka e dua na beya, e butakoci mai vua na luvena mai veikau; kena ikuri o tamamuni e turaga dauvala, o koya e na sega ni tiko, e na bogi, vata kei ira na tamata. 9 Raica, o koya sa na rairai lai vuni tu e na dua na loma ni qara se dua tale na vanua; ia e na qai yaco ke so mada ga vei ira e bale, o ira era na rogoca era na kaya, Era moku sara ga vakaca o ira na tamata era muri i Avishalome tiko. 10  Kevaka mada ga e tamata qaqa o koya, ka vaka na uto ni laione na utona, o koya e na datuvu vakadua, baleta o Yisira'yili taucoko era kila vinaka tu ni o tamamuni a turaga qaqa, kei ira talega era tiko qo vata kei koya era tagane doudou.11 O koya oqo e na noqu ivakasala kina, mo waraka ga na gauna era sa soqo mai kina me ra tokoni iko o Yisira'yili taucoko, me tekivu mai Dani vakadua i Bi'eri-Sheva, me vaka na mataninuku na kedra iwiliwili, o kemuni sara ga vakataki kemuni moni qai liutaka na mataivalu. 12 O keda meda qai valuti koya e na vanua sa matata tu ni da na kunei koya kina, ka sobuti koya yani me vaka ni lutu na tegu e na dela ni qele; e kena ibalebale oya ni o koya kei ira kece na tamata era tiko vata kei koya, e na sega tale ni dua vei ira me na vo bula. 13 Kena ikuri, ke mani curu o koya i na dua na korolevu, o Yisira'yili taucoko era na kau dali yani i loma ni korolevu, meda qai yarataka vakadua i na buca, me yacova ni sa sega tale ni kune kina e dua mada ga na vatu lailai. 14 Era qai kaya, o Avishalome kei ira kece na tagane ni Yisira'yili, Na ivakasala e vinaka cake sara mai na ivakasala i Akitofela. Qori baleta ga ni sa tauca na lewa o Yahuwe (YHWH) me vakamalumalutaka na ivakasala vinaka i Akitofela, me rawa ni kauta mai na leqa o Yahuwe (YHWH) vei Avishalome.

Samuela (Sh’mu’yl Bet) 17:1-14

http://www.biblegateway.com/passage/?search=2%20Samuel%2017:1-14&version=CJB;

NA IVAQA NI BULA (FOOD FOR THE SOUL)

Kakua ni cakava me nomu itau e dua na tamata levaleva; ia na tamata e dau yalokatakata vakatotolo, o iko mo kakua ni sala vata kei koya. 25 De lakolako o na qai vulica mo muria na nona ivalavala, e na qai yaco me itatacaqe e vuniyalomu (soul).

	Vosa Vakaibalebale (Mishlei) 22:24-25
http://www.biblegateway.com/passage/?search=Proverbs%2022:24-25&version=CJB

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na Same i Dawide, 2 E na gauna a lako mai kina vua na parofita o Netani, ni oti na nodrau lasa e tuba kei Bata-Sheva. 3(1) Ni lomani au i Yahuwe (YHWH) e na nomuni yalololoma; e na vakaitamera ni nomuni yalovinaka ni bokoca laivi na noqu ivalavala ca. 4(2) Savati au sara vakaoti mai na noqu talatalaidredre, ka quaraka laivi vakadua na noqu ivalavala ca. 5(3) Au vakadinata na noqu dau talaidredre, baleta na noqu ivalavala ca sa matata vinaka tu e mataqu. 6(4) E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki, ka qaqa na nomuni vakataulewa. 7(5) Baleta raica, au a buli vata kei na ca (iniquity); au (tamata) ivalavala ca, mai na tikinigauna e kunekunetaki au kina o tinaqu. 8(6) Raica oni gadreva na dina, ia na veika vuni kece me baleta na nomuni vuku oni sa vakatakila vei au. (Sela)

9(7) ¶ Vakamiraci au e na taba ni hisopi, au na qai savasava; savati au, au na qai vulavula cake mai na uca vulavula cevata. 10(8) Vakacegui au e na nomuni reki kei na marau; me rawa ni marau tale na yaloqu sa ramusu tu. 11(9) Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 12(10) Bulia e lomaqu e dua na vuniyalo savasava, kemuni na Kalou (Mighty One) ka vakavoutaka na yalodina e lomaqu. 13(11) Kakua ni botolaki au laivi mai matamuni; kakua ni kauta laivi na yalomuni tabu (Ruach HaQodesh) mai vei au. 14(12) Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 15(13) Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 16(14) Vakabulai au mai na vakadave dra, kemuni na Kalou (Mighty One), o kemuni na Kalou ni noqu vakabulai, na yamequ e na seretaka vakadomoilevu na nomuni yalododonu. 17(15) I Yahuwe (YHWH), o kemuni, moni dolava na tebenigusuqu, na gusuqu e na qai vakatusa wavoki na nomuni vakacaucautaki. 18(16) Baleta oni sega ni gadreva na imadrali se marautaka na isorokama. 19(17) Na isoro vei Yahuwe (YHWH)); na vuniyalo e ramusu ka bibivoro oqori i Yahuwe (YHWH) oni sega ni cata. 20(18) Caka vinaka e na nomuni yalololoma vei Saiyoni; tara tale na bailalaga mai Yerushalayimi. 21(19) Oqori oni na qai mamarau kina e na isoro ni yalododonu, oya na isoro kama; era na qai cabora kina na veimataqali iloloma soliwale eso, e na nomuni icabocabo ni isoro.

	Same (Tehellim) 51:1(0)-21(19)
http://www.biblegateway.com/passage/?search=Psalms%2051:1-21&version=CJB;

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 250 o/o 1712	September 7, 2012
Reading	Hebrew Date
Tehellim (Same) 67-68	Elul 20, 5772 (6th month)
Click The Bible Text To Read It In Gateway In Another Language Or Version

http://www.biblegateway.com/passage/?search=Psalms%2067-68&version=CJB

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tagicaki Avishalome O Dawide (Dawid Weeped For Avshalom)

Thought: Yo’av Was A Brave Advisor To King Dawid Re His Welfare

 ...............

Serving For Yom Sheini, Elul 23, 5772

MAI NA NEVI’IMI RISHONIMI (FROM THE NEVI’IM RESHONIM)

A qai luvuci (e na rarawa) na tui, qai lako cake i na nona loqi ni moce, qai lai tagilagalaga tiko kina; ia ni sa tagi tiko a qai kaya tiko, Isa na luvequ tagane o Avishalome, i luvequ tagane, i luvequ tagane o Avishalome! Ke a lewai ga meu mate o au e na vukumu, i Avishalome na luvequ tagane.  2(1) A qai tukuni vei Yo'ave, Raica, na tui sa tagi ka vakaloloku tiko e na vuku i Avishalome. 3(2) Na qaqa ni siga oya a vuki me vakaloloku e na kedra maliwa na tamata, baleta ni rogoca na tamata ni kainaki, Na tui sa vakalolokutaki luvena tagane tiko. 4(3) Na qaqa ni siga oya a vuki me vakaloloku vei ira na tamata; na tamata era a yaqa lo mai i loma ni korolevu e na siga oya, me vaka era na yaqa laivi o ira na tamata era madua, baleta ni ra dro mai na ivalu. 5(4) Na tui a ubia tu ga na uluna, qai tagilagalaga tiko e na domo levu, ni kaya, Oilei na luvequ tagane o Avishalome,  i Avishalome na luvequ tagane, na luvequ tagane! 6(5) O Yo'ave a qai curu yani i na vale ni tui, qai kaya, O kemuni oni sa vakamaduataka na matadra na nomuni dauniveiqaravi kecekece, o ira era a vueta na nomuni bula e na siga oqo, ka vaka kina na nodra bula na luvemuni tagane kei ira na luvemuni yalewa kei na nodra bula na watimuni, ka vaka kina na nodra bula na nomu itoto. 7(6) Baleta o kemuni oni lomani ira na kemuni meca, ka cati ira era lomani kemuni. Baleta qo oni sa vakaraitaka tiko e na siga oqo, ni sega tu ni duabau na nomu turaga bale se dauniveiqaravi; e na noqu rai  o au vakataki au e na siga oqo; o kemuni e na talei cake vei kemuni ke a bula o Avishalome, ia me keimami mate kece o keimami na kena vo. 8(7) E na gauna sara ga oqo, o kemuni moni tucake, moni curu ituba, moni lai vosa vakayalovinaka vei ira na nomuni dauniveiqaravi; baleta au bubuluitaka e na yaca i Yahuwe (YHWH), kevaka oni  sega ni curu ituba, e na sega tale ni vo me ra tu vata kei iko, e dua  e na bogi edai; qo e na qai cacalaivi sara vei kemuni, mai na veileqa kecekece era a vakaleqai kemuni mai na gauna sara oni se gone kina, me yacova mai oqo. 9(8) Sa qai tucake na tui, qai lai dabe toka e na matamata. Sa qai tukuni vei ira kece na tamata, me ra kaya, Raica, na tui sa dabe tiko mai na matamata.  Era sa qai lako mai vua na tui na tamata kecekece. Ia o ira na Yisira'yili, era a dui dro, na tamata yadua i na nodra dui valelaca.

10(9) ¶ O ira kece na tamata e na veiyavusa Yisira'yili era a veileti vakataki ira ni ra kaya, Na tui a vueti keda mai ligadra o ira era keda meca, ka vakabulai keda mai ligadra na Pi'lisitimi; ia qo sa qai dro tale o koya mai na vanua baleti Avishalome. 11(10) O Avishalome, o koya eda a lumuta me noda tui, sa mate e na ivalu. Era qai veivosaki vakaveiwekani ni ra kaya, Na cava meda lomalomarua tale tiko kina se meda sa lesu tale vua na tui?  12(11) Lako mai, laiva meda kauti koya lesu mai i nona vale. A qai rogo na nodra vosa na tamata vua na tui.  13(12) Kaya na tui vei ira na tamata, O kemuni oni wekaqu ga, oni lewe ni yagoqu ka suiqu talega. Na cava oni sa qai iotioti kina moni lesu mai vua na tui? 14(13) Oti qai kaya o koya vei Amasa, Raica, o iko o lewequ ka suiqu. Me qai cakava vei au o Yahuwe (YHWH) qai vakaikuritaka, kevaka o na sega ni mai liutaka vakadua na noqu mataivalu, mo sosomitaki Yo'ave. 15(14) A qai vagolea o koya na lomadra kece na kawa Ya'huda me ra duavata  me vaka era dua ga na tamata; era qai vakau itukutuku kina vua na tui ni ra kaya, Ni lesu mai o kemuni vata kei ira kece na nomuni dauniveqaravi. 16(15) Sa qai lesu mai na tui, qai yaco mai i na Yaradani. O ira na yavusa Ya'huda  era a qai lako i Qiliqali, me ra lai tavaka na tui me ra qai kauti koya i tai kadua ni Yaradani.

Samuela (Sh’mu’yl Bet) 19:1(0)-16(15)

NA IVAQA NI BULA (FOOD FOR THE SOUL)

E na gauna mo dabe kina mo kana vata kei na tui, vakasamataka vakavuku na veika era sa vakarautaki tu e matamu; 2 Mo kakua ni biuta na poisoni e loma ni gusumu, vakabibi kevaka o dau taleitaka vakalevu na kana. 3 Kakua ni garova na kena kakana; baleta na kena madrai, e madrai ni veivakaisini.

Vosa Vakaibalebale (Mishlei) 23:1-3

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vata kei na ivakatagi wa. E dua na vucu ni vuli (Maskil) nei Dawide. 2 E na gauna era lako mai kina na Zifimi me ra mai tukuna vei Shaula, O Dawide e vuni tiko vata kei keimami. 3(1) Vakabulai au kemuni noqu Kalou (Mighty One) e na vukuni yacamuni: lewai au e na nomuni kaukaua. 4(2) Rogoca na noqu masu, kemuni na Kalou (Mighty One); vakatudaliga i na vosa ni gusuqu. 5(3) Baleta o ira na vulagi era tu me ra saqati au, o ira na qaqa era sa vaqara tiko mai na noqu bula; era sa vakalecalecavi kemuni, kemuni na Kalou (Mighty One). 6(4) Raica, o Yahuwe (YHWH) e noqu dau ni veivukei; O Yahuwe (YHWH) e yavu ni noqu bula (soul). 7(5) Kauta mai na leqa vei ira na kequ meca; vagalui ira e na nomuni dina: 8(6) Au na vakacabora vei kemuni na isoro e na yalo galala: Au na vakamuduotaka na yacamuni, i Yahuwe (YHWH); baleta ni vinaka. 9(7) Baleta oni a vakabulai i au mai na veileqaleqa taucoko; na mataqu a qai raici ira na kequ meca ni ra sa vakadrukai.

Same (Tehellim) 54:1(0)-9(7)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 253 o/o 1714	September 10, 2012
Reading	Hebrew Date
Tehellim (Same) 73-75	Elul 23, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Butako Vuniyalo O Avishalome. (Avshalom Stole Hearts)

Thought: Leader’s Must Be Alert At All Times, To Prevent Future Upheaval

.............. 

Serving For Yom Rishon, Elul 15, 5772

MAI NA NEVI’IMI RISHONIMI (FROM THE NEVI’IM RESHONIM)

NI oti oqo o Avishalome a qai vakarautaka e na vukuna o koya vakataki koya, e dua na qiqi ni veitosoyaki kei na kena ose vata kei na limasagavulu na tagane me ra dau cici tiko e liu vua. 2 O Avishalome a dau sou vakamataka me lai duri tu e na matamata ni tui; a qai dau yaco, ke dua na tamata e kauta yani e dua na kisi me lai rogoci e na mata ni tui, ni na kacivi koya o Avishalome me lako yani vua, oti qai tarogi koya ni kaya, O lako beka mai na korolevu cava o iko? E na qai sauma mai, Na nomuni dauniveiqaravi e dua vei ira na lewe ni yavusa Yisira'yili. 3 O Avishalome e na qai kaya vua, Au raica ni vinaka ka donu na nomu ile, ia e sega ni dua na tamata e lesi mai vua na tui me rogoci iko. 4 Oti me qai dau kuria o Avishalome, Isa kevaka walega meu a lesi meu daunivakataulewa ni vanua, me rawa ni lako mai vei au na tamata kece, e via rogoci na nodra kisi ni veileti se nodra ile, meu rawa ni vakataulewataki koya vakadodonu! 5 Ke dua na tamata e duri mai matana me vakarokorokotaki koya, o koya e na taura cake na ligana qai reguci koya. 6 Na ivalavala oqo, e a vakayacora o Avishalome vei ira kece na tamata ni Yisira'yili era lako mai vua na tui, me mai rogoci na nodra kisi; qo a qai butakoca kina o Avishalome, na yalodra na tamata ni Yisira'yili.

7 ¶ A qai yaco ni oti e va na yabaki, ni a kaya o Avishalome vua na tui, Laivi au meu lako mada meu lai vakayacora na noqu bubului vei Yahuwe (YHWH) mai Hevaroni; 8 Baleta na nomuni dau ni veiqaravi a tauca e dua na bubului e na gauna a tiko kina mai Qe'shura ka vaka kina mai Arama, niu a kaya, Kevaka e kauti au dina tale i Yerushalayimi o Yahuwe (YHWH), o au, au sa na qaravi Yahuwe (YHWH).  9 Kaya na tui vua, Lako e na vakacegu. Sa mani biubiu o koya me lako i Hevaroni. 10 Ia o Avishalome a vakau yamata vuni i na loma ni veimataqali kece i Yisira'yili qai kaya vei ira, Ni oni rogoca ga na domo ni davui, moni kacivaka sara, Sa veiliutaki vakatui mai Hevaroni o  Avishalome.

11 Era a lako vata kei Avishalome e ruanadrau na tagane mai Yerushalayimi, ia era a lako ga vakasavasava; era a sega sara ga ni kila na bukivere sa navuci tu. 12 A qai talatala o Avishalome, me lakovi o Akitofela mai Qiloo, na dau ni ivakasala i Dawide, me lai kau mai, mai na nona korolevu o Qiloo, e na gauna e vakacabo isoro tiko kina. Na bukivere sa qai kaukaua cake; qai tubu cake tikoga kina na iwiliwili ni tamata era sa to tiko mai kei Avishalome.

 Samuela (Sh’mu’yl Bet) 15:1-12

NA IVAQA NI BULA (FOOD FOR THE SOUL)

E na rawa vua e dua me vakasaurarataka na dravudravua, ia qori beka e na vakalevutaka na nona iyau? E dua e rawa ni yalosoli vua na vutuniyau, ia qori e na rawa ni vakavuna me levu cake tale na ka e vakayalia.

Vosa Vakaibalebale (Mishlei) 22:16

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na nodra Same na kawa i Kora’aka. 2(1) Vakasausau na ligamuni, kemuni na tamata kecekece; kaila vua na Kalou (Mighty One) e na domo ni qaqa. 3(2) Baleta o Yahuwe (YHWH) Cecere; o koya e dua na tui vakaitamera e vuravura raraba. 4(3) O koya ga e vakamalumalumutaka na veimatanitu e rukuda kei na veivanua i na ruku ni yavada. 5(4) O koya e digitaki keda me noda na ivotavota, e na daumaka nei Ya'akove o koya e nona daulomani.

6(5) ¶ Na Kalou (Mighty One) sa lako cake e na dua na kaila, o Yahuwe (YHWH) e na rorogo ni davui. 7(6) Seretaka na vakamolimoli vei Yahuwe (YHWH), lagata na vakavinavinaka vua na noda tui. 8(7) Baleta o Yahuwe (YHWH) e tui e vuravura taucoko; seretaka na vakamuduo vua. 9(8) O Yahuwe (YHWH) e lewai ira na tawalotu; o Yahuwe (YHWH) e dabe toka e na nona idabedabe vakatui tabu.  10(9) O ira na daunivakavulewa e na veivanua era sa lesu tale vua na Kalou (Mighty One) nei Avarahama; baleta na lewai kei vuravura e nona ga o Yahuwe (YHWH); o koya e na vakacerecerei cake vakalevu.

Same (Tehellim) 47:1(0)-10(9)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 246 o/o 1706	September 3, 2012
Reading	Hebrew Date
Tehellim (Same) 55-57	Elul 16, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dro O Avishalome Vei Tukana (Avishalom Runs Away To His Grandad).

Thought: When In Need Of Help, Next Of Kins Will Help, Never Ignore Them.

 ...................

Serving For Yom Rishon, Elul 15, 5772

MAI NA NEVI’IMI RISHONIMI (FROM THE NEVI’IM RESHONIM)

E na gauna era se dro tiko yani kina e gaunisala, na itukutuku a sa yaco sara vei Dawide ni o Avishalome sa labati ira kece na luvetagane ni tui, ka sa sega tale ni dua vei ira e vo. 31 A mata cake na tui, dresulaka na nona isulu, qai davo e na dela ni qele; o ira talega na nona dauniveiqaravi era a mai duri tu e yasana, ka sa dresulaki tale tu ga na nodra isulu. 32 O Yonadave, na luvetagane i Shimi'i na tuakai Dawide, a qai kaya, Laiva na noqu turaga me kakua ni nanuma ni ra sa mate kece o ira na luvetagane ni tui; baleta o Aminoni duadua ga sa mate; o Avishalome a sa navuca tiko mai me na cakava na ka oqo, mai na siga sara a kucuvi Tamari kina na ganena, o Aminoni. 33 O koya oya, laiva me kakua ni nanuma na noqu turaga ni o ira kece na luvetagane ni tui era sa mate; baleta o Aminoni duadua ga sa mate. 34 Ia o Avishalome a sa dro. Na yadra ni rai tiko yani vaka, qai raica, ni levu na tamata era lako tiko mai gaunisala taudonuya na yasa ni ulunivanua. 35 Kaya o Yonadave vua na tui, Raica, o ira na luvetagane ni tui era sa lako tiko mai; me vaka e kaya na nomuni dauniveiqaravi, qori sa yaco tiko me vaka kina. 36 E na gauna vata ga me vosa oti kina o koya, raica era sa tu sara, ni ra sa yaco mai na luve tagane ni tui, era qai laveta cake na domodra e na tagi; na tui kei ira na kece na nona dau ni veiqaravi era tagi tale ga e na vutugu levu. 37 O Avishalome ni dro, e a lako sara vei Talamai na luve i 'Amihuda, na tui Qe'shuri. A Dawide a vakaloloku tu me baleti luvena tagane me vica vata na siga.

38 O Avishalome, e na gauna e dro kina e a lako ga i Qe'shuri, qai tiko voli mai keya me tolu na yabaki.  39 O Tui Dawide a gadreva me muri i Avishalome; baleta o koya a sa cegu oti mai na veika me baleti Aminoni, baleta ni sa mate oti o koya.

2 Samuela (Sh’mu’yl Bet) 13:30-39

NA IVAQA NI BULA (FOOD FOR THE SOUL)

Na yalowai e tosoya na vuniyalona na gone lailai; ia na kuita ni veivakadodonutaki e na kauta sara vakayawa mai vua.

Vosa Vakaibalebale (Mishlei) 22:15

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Maivei ira na kawa i Kora’aka. E na ivakatagi rogo memela (alamont). E dua na Sere. 2(1) Na Kalou (Mighty One) e noda itataqomaki ka noda kaukaua; na dauniveivuke e dau tu voleka e na veigauna ni leqaleqa. 3(2) Oni dau tu vata kei keimami e veigauna kece; qori keimami na sega ni taqaya kina, ke uneune na vuravura ka sasakurekure na veiulunivanua me yaco i na uto ni wasaliwa; 4(3) Ke mani vavadugudugu na wai ka seuseua, ke mani yavala na ulunivanua e na kena kaukaua. 5(4) E tiko e dua na uciwai, na kena soniwai e vakamarautaka na korolevu ni noda Kalou (Mighty One), na tikina tabu e na itikotiko nei koya e Cecere taudua (YHWH Ylyon). 6(5) Na Kalou (Mighty One) e tiko e na kedra maliwa; o koya e na sega vakadua ni yavalati; Na Kalou (Mighty One) e na vukei koya e na mataka lailai sara.

7(6) ¶ Era leva na tawalotu, na veimatanitu era domobula; o koya, ni laveta cake na rorogo ni domona, na vuravura e uneune. 8(7) O Yahuwe ni lewevuqa (YHWH Tzva’ot) sa tiko kei keda; na Kalou (Mighty One) i Ya’akove e noda ivunivuni. 9(8) Lako mai, raica na cakacaka ni Kalou (Mighty One), baleta e cakava tiko na ka veivakurabuitaki e vuravura. 10(9) Me yacova na vakataotioti kei vuravura; o koya e na cakava na veivaluvaluti me tini, o koya e na musuka na dakaititi ka musulaka na moto, o koya e na vakama na qiqi ni ivalu e na bukawaqa. 11(10) Veivutuni, kila ni o au o Yahuwe (YHWH); au vakalevulevui vei ira na tawalotu ka vakalevulevui e vuravura. 12(11) O Yahuwe ni lewevuqa (YHWH Tzva'ot) sa tiko kei keda; na Kalou (Mighty One) nei Ya’akove e noda idrodro.

Same (Tehellim) 46:1(0)-12(11)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 245 o/o 1705	September 2, 2012
Reading	Hebrew Date
Tehellim (Same) 51-54	Elul 15, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.