Na Mate Kei Na Bulu Nei Sera (Death and Burial of Sarah)

Thought: Like Avraham, Always Opt For Lasting Arrangements.

 .....................

Serving For Yom Shlishi Tevet 15, 5772

MAI NA TORAA (FROM THE TORAH)

O Sera, a yabaki duanadrau ruasagavulu ka vitu; oqori na yabaki ni bula i Sera. 2 O Sera a mate mai Kiriyate-Araba, (Oya e na tauni mai Nefilimi);  e na korolevu o Hevaroni, e na nodra vanua na Kena'ani; o Avarahama a qai lako me lai vakaloloku e na vuku i Sera, qai tagicaki koya talega.

3 ¶ Tucake o Avarahama mai na mata ni vatavata e koto no kina na nona mate qai vosa vei ira na luve i Heti, ni kaya, 4 O au e dua na vulagi au sa mai tu yasa tu oqo e na kemuni maliwa; ni solia mada vei au e dua na nomuni tikiniqele, meu rawa ni dau mai buluti ira kina na noqu mate,  me ra dau maroroi tu yani kina mai mataqu. 5 Era vosa ka sauma na luvei i Heti vei Avarahama ni ra kaya vua, 6 Rogoci keitou mada neimami turaga; o kemuni oni dua na ravouvou nei Yahuwe (YHWH); buluti ira ga na nomu mate e na neimami ibulubulu daumaka duadua; e  sega ni dua vei keimami e na tarovi kemuni mai na nona ibulubulu me ra bulu kina na nomu mate. 7 Tucake o Avarahama, qai cuva sobu o koya vei ira na lewenivanua, oya vei ira na Hiti. 8 E veivosakataka sara na ka oqo vata kei ira o koya qai kaya vei ira, Kevaka oni vakadonuya meu buluti ira na noqu mate meu maroroi ira kina mai mataqu, ia ni rococi au mada, ka vakamasuti Hevaroni na luve i Zokara e na vukuqu, 9 Me solia vei au na nona qaravatu e rua, e toka e na yasa ni nona were; laivi koya me volitaka vei au e na kena isau dodonu me sa noqu vakadua, me noqu ibulubulu e na kemuni maliwa. 10 O Hevaroni e vakaitikotiko e na kedra maliwa na Hiti; sauma sara o Hevaroni vei Avarahama ni ra tiko na Hiti, ka ra tiko o ira era kece era dau curu e na nona matamata, ni kaya, E sega, noqu turaga rogoci au mada; au na solia ga vei iko, na were kei na qaravatu e tiko kina, ni ra tiko qo na noqu tamata, au sa solia qo vei iko; buluti ira kina na nomu mate.12 Cuva sobu e matadra na lewenivanua o Avarahama; 13 Qai kaya o koya vei Hevaroni, ni ra rogo tu na lewenivanua ni kaya, Kevaka o sa yalovinaka kina, ia rogoci au mada; au na solia vei iko na ilavo, me isau ni were; taura mai vei au; au na qai buluti ira na noqu mate e keya.14 Vosa o Hevaroni vei Avarahama ni kaya 15 Noqu turaga, rogoci au; na vanua qo e kena isau vakailavo e vanadrau na shekele na siliva; na cava mada qori e na kedaru maliwa o au vata kei iko? Buluti ira ga na nomu mate. 16 Vakarorogo o Avarahama vei  Hevaroni; ia a qai vakarautaka o Avarahama me nei Hevaroni, na ilavo a lavaka ni ra rogo tu o ira na Hiti, e vanadrau na shekele na siliva, na ilavo era tauravaka tu o ira na dauniveivoli. 17 E na kena icakacaka oqo, na were kece i Hevaroni, e toka e na yasa ni qaravatu tabarua donui Mamire, oya me bau kina na were ni qaravatu, na qaravatu e toka e loma, kei na veikau kece era tubu tu e na were, me ra kena iyalayala wavolivolita, era a curu mai e na kena veidinadinati, 18  Era qai volitaki vei Avarahama me nona, ni ra tiko na Hiti, e na kedra maliwa kece o ira era dau curu e na nona matamata.19 Ni oti vinaka qo, sa qai buluti Sera na watina o Avarahama e na loma ni qaravatu tabarua e tiko e na loma ni were donui Mamire; qori na vanua vata ga o Hevaroni, e na vanua i Kena'ani. 20 E na kena ivalavala oqo, na were kei na qaravatu e tiko e loma e a volitaka vakadua vei Avarahama, me sa nona vanua ni veibulu, mai vei ira Hiti.

Na iVakatekivu (B’resheet) 23:1-20

NA IVAQA NI BULA (FOOD FOR THE SOUL)

LUVEQUTAGANE kakua ni guilecava na noqu ivakavuvuli; ia laiva na vuniyalomu me bula muria tiko na noqu ivakaro; 2 Baleta na balavu ni siga kei na bula dede era na vakaikuritaka vei iko; 3 Kei na sautu, na yalololoma, kei na dina era na sega ni vakanadakui iko, bukia toka e domomu; volai ira sobu e na papa ni vuniyalomu; 4 Oti mo qai kunea na yalovinaka, na loloma kei na kilaka e na mata ni Kalou (Mighty One) ka vaka kina vei ira na tamata. 5 Vakanuinui vei Yahuwe (YHWH) e na vuniyalomu taucoko, kakua ni nuitaka na nomu vuku o iko vakataki. 6 E na nomu ivalavala kece sara, vakarokorokotaki koya, o Koya e na qai dusimaka vei iko na sala mo bula muria.

Vosa Vakaibalebale 3:1-6

LOMANI YAHUWE NA NOMU KALOU (LOVE YHWH YOUR MIGHTY ONE)

Ni lomani au i Yahuwe (YHWH), ka vakananuya na noqu leqa au dau sotava mai vei ira era sevaki au, o kemuni oni a kauti au vakatikitiki mai na matamata ni mate; 14 Meu qai tusanaka na nomuni vakamolimolitaki e na nodra matamata na luveyalewa i Saiyoni; au na marautaka na nomuni veivueti.15 Na veivanua era sa lutu dromu e na loma ni qara era a kelia: na yavadra sa tacori e na lawalawa era a birika vakavuni.16 O Yahuwe (YHWH) e na vakatakila na lewa e dau vakayacora; o koya e dau ni caka ca e na coko e na cakacaka ga ni ligana o koya vakataki koya; 17 O koya e dau ni caka ca, e na vagolei vaka i She'ola, ka vaka kina o ira kece na tamata era lecavi Yahuwe (YHWH). 18 Baleta o ira na dravudravua era na sega ni dau guilecavi tu ga: na nodra  inuinui na dravudravua e na sega ni takali vakadua. 19 Matacake i Yahuwe (YHWH); kakua ni vakalaiva na tamata me ra dro rawa, laiva na veivanua me ra na mai lewai e matamuni.20 Lesia vei ira e dua na nodra vunilawa, me rawa ni ra vakila vakataki ira, o ira na veivanua, ni o ira era tamata ga.

Same (Tehellim) 9:13-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
010 Blog No. 1470	January 10, 2012.
Reading	Hebrew Date
Na iVakatekivu (B’resheet) 25-26	Tevet 15, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe E Na Rogoca Na Nomu Kerekere (YHWH Listens To Your Request)

Thought:  YHWH Creates The Climate You Need, Scientists Do Not Know

 ......................

Serving For Yom Shlee-shee, Tevet 1, 5772

MAI VEI IRA NA PAROFITA (FROM THE PROPHETS)

Kerea mai vei Yahuwe (YHWH) na uca e na vula ni uca e muri; o Yahuwe (YHWH) e na cakava me tau malumu na uca, ka solia o Koya na uca me tauca na co me ra tubu e na veibucabuca. 2 Baleta o ira na tamata vuli era sa kaya na veivakacalai, o ira na daurairai era raitayaloyalotaka na lasu, era qai talanoataka na tadra lasulasu; e tawa yaga na nodra veivakacegui, qori era qai lako kina o ira na tamata, me vaka na qelenisipi, era leqa baleta ni sega na nodra ivakatawa. 3 Sa tubu na noqu rarawa vei ira na ivakatawanisipi, au na totogitaki ira na qele ni manumanu, baleta o Yahuwe ni lewevuqa (YHWH Tzva’ot) sa sikovi ira oti na nona qele ni manumanu na yavusa Ya'huda, ka vakayagataki ira me ra vaka na ose daumaka e na ivalu. 4 Mai vei ira e na vura mai na vatu ni tutu ni vale, mai vei ira na ivako, mai vei ira na dakaititi ni ivalu, maivei ira  talega o ira na iliuliu era sa tu vata.

5 ¶ Era na vaka na tamata qaqa, era na butuka tu na veidabibi e gaunisala e na ivalu; era na vala baleta o Yahuwe (YHWH) e tiko vaka kei ira, o ira na dau ni vodo ose, era na veilecayaki. 6 Au na vakaukauataka na vale nei Ya'huda, au na vueta na vale nei Yosefa, kau na kauti ira lesu mai; baleta au na lomani ira, era na qai yaco me vaka au a sega ni guilecavi ira, baleta o Au o Yahuwe na Kalou (YHWH Mighty One) au na sauma vei ira. 7 Era na yaco me ra vakataki ira na tamata qaqa ni Ifirayimi, na yalodra e na mamarau me vaka ni ra gunu waini; io, na luvedra era na raica era qai reki; na vuniyalodra e na mamarau e na vuku i Yahuwe (YHWH). 8 Au na kaluvi ira meu vakasoqoni ira; baleta au na vueti ira; era na qai tubu tale, me tautauvata ga na nodra a tubu eliu. 9 Au na kaburaki ira e na kedra maliwa na veimatanitu; ia era na vakabekabei au e na veivanua yawa; era na qai susugi ira na dui luvedra me ra na lesu tale mai. 10 Au na kauti ira lesu mai, mai na qele vaka Ijipita, ka vakasoqoni ira tani mai Ashuru; au na qai kauti ira lesu i na vanua o Qili'ade kei Le'vanoni; me yacova ni sa sega ni veirauti vei ira na qele.  11 Era na qai takosova na wasawasa ni rarawa, e na vukica tani o koya na ua ni wasawasa, na vei uciwai titobu  era na mamaca vakadua; na nodra viavialevu na Ashuru e na tinidole, kei na matanitu mai Ijipita e na takali laivi. 12 Au na vakaukauataki ira vei Yahuwe (YHWH); era na qai vunautaka na itukutuku vinaka ni yacana, e kaya o Yahuwe (YHWH).

Sakaraia (Z’kharyah) 10:1-12

NA IVAQA NI BULA (FOOD FOR THE SOUL)

Mai na uro ni sucu e rawa mai kina na bata, ia kevaka o tabaka vata na ligamu e na dua na sore ni witi, e na drodro tani mai na kena wai; e tautauvata oqori ni yaco na veivakataulewataki mai na veileti.

Vosa Vakaibalebale (Mishlei) 30:33

LOMANI YAHUWE (LOVE YHWH)

Vakacaucautaki Yahuwe (YHWH), o iko na noqu bula (soul). 2 Niu bula tiko au na  vakavinavinaka tiko vei Yahuwe (YHWH); au na lagata na vakamolimoli vua na noqu Kalou (Mighty One), e na veigauna au bula tiko kina. 3 Kakua ni biuta na nomu inuinui vei ira na ravouvou se vua na luve ni tamata, ka ni sega vei ira na veivukei. 4 Ni sa toso yani na nona icegu, sa suka o koya i na nona kuvu ni soso; e na siga vata oya sa rusa kina na nona vakasama.

5 ¶ E na marau o koya e nona dauniveivukei na Kalou (Mighty One) i Ya'akove, o koya e toka na nona inuinui vei Yahuwe (YHWH) na nona Kalou (Mighty One), 6 O koya e a buli i lomalagi kei vuravura, na wasawasa kei na veika kece era tu kina; o koya na ivakatawa ni dina me tawamudu; 7 O koya e vakayacora na lewa dodonu e na vukudra era vakasaurarataki tu; o koya e solia na kakana vei ira na walokai. O Yahuwe (YHWH) e sereki ira na kaivesu. 8 O Yahuwe (YHWH) e dolava na matadra na mataboko, o Yahuwe (YHWH) e vakamatacaketaki ira era cuva sobu tu; o Yahuwe (YHWH) e taleitaki ira na yalododonu. 9 O Yahuwe (YHWH) e qaravi ira na dravudravua; e vakani ira na luveniyali kei na yada. Ia na nodra ivalavala na tamata ca e vukica vakatoboicu. 10 O Yahuwe (YHWH) e na vakavulewa me tawamudu, oya na nomuni Kalou (Mighty One) i Saiyoni, e na veitabagauna kecekece. Vakamuduo vei Yahuwe (YHWH).

Same (Tehellim) 146:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
360 Blog No. 1454	December 27, 2011.
Reading	Hebrew Date
Sakaraia (Z’kharyah) 4-6	Tevet 1, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Yapolo Ni Mata I Yahuwe (The Apple of YHWH’s Eye)

Thought: YHWH Will Come To Live Among His Own People

 ........................

Serving For Yom Khah Mee-shee, Kishlev 26, 5772

Au tacake tale meu rai, au qai raica, e dua na tamata ni taura tiko e ligana na wa ni vakavakarau.  2 Au mani taroga vua, O lako tiko beka i vei? Sauma mai o koya, Meu lai vakarautaki Yerushalayimi, meu raica na kena raba kei na kena balavu. 3 Ia raica, ni a lesu na mala'aka a vosa tiko vei au, ia qai lako mai e dua tale na mala'aka me mai tavaki koya, 4 Qai kaya vua o koya, Cici, lai vosa vua na cauravou oya mo kaya vua, o Yerushalayimi sa na tawani tale, me vaka na korolevu e sega na kena bailalaga, baleta na ilevu ni tamata kei na manumanu era tu kina. 5 Baleta o au, au na tiko e na kena maliwa, e kaya o Yahuwe (YHWH), meu vaka e dua na lalaga bukawaqa vakavolivolita, au na qai vu ni kena dokai e kedra maliwa.

6 ¶ Tu mai! Toso! Dro laivi mai na veivanua e na vualiku, e kaya o Yahuwe (YHWH): Baleta au na veibiuyaki kemuni e na veivanua tani, me vaka na matanicagi va va kei lomalagi, e kaya o Yahuwe  (YHWH). 7 Vueti iko vakataki iko i Saiyoni; vueti iko vakataki iko, o iko o vakaitikotiko vata kei na luveyalewa i Bavela. 8 Baleta qo na ka e kaya o Yahuwe ni lewevuqa (YHWH Tzva'ot); Au sa talai iko tiko i na dua na ilakolako lagilagi, vei ira na veimatanitu era vakacacani kemuni tiko: baleta o koya e tarai kemuni, e tara sara tikoga na yapolo ni yalokanimatana o koya. 9 Baleta, raica, au na dodoka yani na ligaqu meu saqati ira, era na qai yaco me ra itoki ni ivalu vei ira era nodra bobula; Oni na qai kila kina ni a talai au dina mai o Yahuwe ni lewevuqa (YHWH Tzva'ot).

10 ¶ Laga sere ka mamarau, o iko na luveyalewa i Saiyoni; Raica, au sa lako tiko yani, meu lai vakaitikotiko e na kemuni maliwa e kaya o Yahuwe (YHWH). 11 E levu na matanitu era na qai muri i Yahuwe (YHWH) e na siga oya, era qai yaco me ra nona tamata: o koya e na qai vakaitikotiko e na kemuni maliwa, oni na qai kila ni a talai au yani vei kemuni o Yahuwe ni lewevuqa (YHWH Tzva'ot). 12 O Yahuwe (YHWH) e na tauri Ya'huda me nona ivotavota e na vanua tabu, oti e na qai marautaki Yerushalayimi tale. 13 Na lewe (flesh) kecekece, era na qai rerevaki Yahuwe (YHWH): baleta sa vakararai tiko mai o Koya, mai na nona itikotiko tabu!

Sakaraia (Z’kharyah) 2:1-13

E tolu tiko na ka e veivakurabuitaki tiko vei au, io, e va au sega ni kila. 19 Na sala e dau muria na ikeli e maliwa ni macawalala; na sala e muria na gata e dela ni veivatu, na sala e muria na waqa e loma ni wasawasa; kei na sala ni dua na tagane uabula e na gauna a se gone kina. 20 E vakaoqo na nona ivalavala na yalewa dauveidauci; e na kana, oti qai qusia na gusuna, qai kaya, Au a sega ni vakayacora e dua na ca.

Vosa Vakaibalebale 30: 18-20.

I YAHUWE (YHWH), au tagi tiko yani vei kemuni; vakatotolotaka moni sauma maivei au; rogoca na noqu vosa ka ciqomi ira. 2 Laiva na noqu masu me tuva e matamuni me vaka na  imadrali boi vinaka; kei na iloloma ni ligaqu me vaka na  imadrali ni vakayakavi. 3 Lesia e dua na ivakatawa, i Yahuwe (YHWH), me ivakatawa ni gusuqu; me yadrava na katuba ni tebenigusuqu. 4 Me kakua kina ni goleva na veika ca na vuniyaloqu, me dau vakayacora na cakacaka duka vata kei ira na tamata era dau cakacakataka na ivalavala vakasisila; kakua ni vakalaiva meu kana masima vata kei ira.

5 ¶ Laivi ira na yalododonu me ra vakatavulici au ka vakadodonutaki au; kakua ni vakatara na nodra waiwai na vakasisila me lumuti kina na uluqu baleta na noqu masu era dau cabori me saqata na nodra  ivalavala vakasisila. 6 Ni sa tarovi na nodra daunilewa e na dua na liga kaukaua, era na rogoca na noqu vosa; baleta era kamikamica. 7 Me vaka na isiviyara e dau cukita me ceburaka na qele, laiva na nodra sui me ceburaki  e na gusu ni ibulubulu. 8 Au laveta cake yani na mataqu vei kemuni, i Yahuwe (YHWH); au sa dau  vakanuinui vei kemuni; kakua ni biliga laivi na noqu bula (soul). 9 Taqomaki au mai ligadra na qaciqacia, baleta era sa tudaitaki au, 10 Laivi ira na vakasisila me ra coko i na nodra lawalawa, ia o au vakataki au, meu lako sivia.

Same (Tehellim) 141:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
356 Blog No. 1450	December 22, 2011.
Reading	Hebrew Date
Neumi (Nachum) 1-3	Kishlev 26, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Sakaraia na Profita (Z’khar’yah the Prophet)

Thought: Return To Yahweh And All Will Be Better

 ....................

Serving For Yom Revee-ee, Kishlev 25, 5772

E na ikawalu ni vula, e na imatai ni siga ni ikarua ni yabaki nei Darayavesi a yaco kina na vosa i Yahuwe (YHWH) vei Za'karaya na luvetagane i Bereka'ya, na luvei Ido na parofita, ni kaya, 2 O Yahuwe (YHWH) sa cudruvi ira sara ga vakalevu na tamamuni.  3 Oqori mo kaya kina vei ira, Oqo na  ka e kaya o Yahuwe ni lewevuqa (YHWH Tzva’ot): Lesu maivei Au, e kaya o Yahuwe ni lewevuqa (YHWH Tzva'ot) Au na qai lesu yani vei kemuni, e kaya o Yahuwe ni lewevuqa (YHWH Tzva'ot).  4 Kakua ni vakataki ira na tamamuni; era a vunauci mai vei ira na parofita mai liu ni ra kaya, Qo na ka e kaya o Yahuwe ni lewevuqa (YHWH Tzva'ot): E na gauna oqo, saumaki mai na nomuni itovo ca kei na nomuni ivalavala ca; ia era qai  sega ni rogoca, se vakatudaliga vei au e kaya o Yahuwe (YHWH). 5 O ira na tamamuni era sa tu beka qo evei? Ia o ira na noqu parofita era sa bula tawamudu tu beka?  6 Ia na noqu vosa kei na noqu lewa, Au a vunauca vei ira na noqu italatala, na parofita, o ira na tamamuni era a nanuma, vakasamataka era qai kaya, Me vaka ni sa nona lewa o Yahuwe ni lewevuqa (YHWH Tzva'ot); e sa nanuma me cakava vei keimami me veiraurau ga kei na neimami itovo, ia e na cakava vakakina vei keimami.

7 ¶ E na ikaruasagavulukava ni siga e na ikatinikadua ni vula, oya na vula o She'vata, e na ikarua ni yabaki nei Darayavesi, a yaco na vosa nei Yahuwe  (YHWH) vei Za'karaya, na luvetagane i Bereka'ya, na luve i Ido, na parofita: ni kaya, 8 Au a raica e na bogi, ni laurai e dua na tamata ni vodoka tiko e dua na ose damudamu, qai duri tu e na maliwa ni loga veimuteli (myrtle) me vakarurugu tu kina; ia e dakuna era tu mai kina na ose damudamu, na ose veivolavolai kei na ose vulavula. 9 Au kaya sara, Kemuni na noqu  Kalou (Mighty One) na cava beka qo? Kaya mai na mala’aka keirau a veivosaki vata tiko, Au na vakaraitaka vei iko se cava na veika oqori.  10 Kaya mai na tamata e tu mai loma ni veimateli, O ira qo e a talai ira mai o Yahuwe (YHWH) me ra mai veilakoyaki voli e dela i vuravura raraba. 11 Era sauma ni ra kaya vua na mala'aka nei Yahuwe (YHWH) e duri tu e loma ni veimuteli, Keimami a veitosoyaki voli e vuravura raraba, keimami qai raica ni dabe toka ga vakamalua o vuravura ka cegu vinaka tu. 12 Sauma na mala'aka nei Yahuwe (YHWH) ni kaya, Kemuni na Kalou ni lewevuqa (Mighty One Tzva'ot) na cava beka na dede ni nomuni na sega tu kina ni yalololoma vei Yerushalayimi vata kei ira na veikoro vaka Ya'huda, o ira oni sa cudruvi ira tu qo me vitusagavulu na yabaki? 13 Sauma qori o Yahuwe (YHWH) vua na mala'aka a vosa tiko vei au, e na vosa vinaka kei na vosa malumu. 14 A mani kaya maivei au na mala'aka a vosa tiko vei au, Kacivaka na vosa qo, mo kaya, E kaya mai o Yahuwe ni lewevuqa (YHWH Tzva'ot); Au gumatua sara vakalevu e na vuku i Yerushalayimi vata kei Saiyoni; 15 Kau sa rarawataki ira vakalevu dina na veimatanitu era tiko levaleva tiko; Au a rarawa vakalailai toka ga, ia era  qai veivuke e na nodra vakavuna me ca sara vakalevu na vakacaca.  16 A mani kaya o Yahuwe (YHWH); Au sa lesu i Yerushalayimi e na yalololoma; na noqu vale e na tara kina; e kaya o Yahuwe ni lewevuqa (YHWH Tzva'ot); e dua na wa ni vakavakarau sa na dodo  tu e dela i Yerushalayimi. 17 Kacivaka tale mo kaya, Qo na veika e kaya o Yahuwe ni lewevuqa (YHWH Tzva'ot): Me tekivu qo, na veikorolelevu era na vuabale tale e na sautu; ia o Yahuwe (YHWH) e na qai tarai Saiyoni cake tale, qai digitaki Yerushalayimi tale.

Sakaraia (Z’kharyah) 1:1-21.

Na yalokanimata e dau vakalialiai tamana, ka cata me talairawarawa vei tinana; na reveni ni veibucabuca e na covuta tani mai, ia na luve ni ikeli valatia (vulture) e na qai kania.

Vosa Vakaibalebale 30:17

Vueti au i Yahuwe (YHWH), mai vua na tamata ca; taqomaki au mai na tamata ivalavala kaukaua; 2 Era dau vakavurea na vakacaca e vuni yalodra; era dau vakatubu ca e veiveigauna. 3 Era sa vagatara tu na yamedra me vaka na gata; na weli gaga ni ada e  toka e daku ni tebenigusudra. 4 Maroroi au, i Yahuwe (YHWH), mai ligadra na daucakaca; taqomaki au mai vei ira na tamata ivalavala kaukaua; era sa nakita tiko me ra vakadaroya na noqu ilakolako. 5 O ira na viavialevu era sa birika vuni tu na dai me rawai au; na dali ni nodra lawalawa era sa vakotora tu e na noqu gaunisala; era sa birika tu na kequ tudai. 6 Au kaya vei Yahuwe (YHWH), O kemuni oni noqu Kalou (Mighty One), rogoca na domo ni noqu vakamamasu, i Yahuwe (YHWH). 7 I Yahuwe (YHWH) na noqu ivakabula vakaitamera, o kemuni na isasabai ni uluqu e na siga ni vala.

8 ¶ Kakua ni vakadonuya, i Yahuwe (YHWH), na nodra gagadre o ira na ca; kakua ni bukana na nodra vere; kakua ni laivi ira me ra rawata na nodra iinakinaki. 9 Laiva na naki duka ni tebenigusudra me sauti ira tale. 10 Laiva na qilaiso waqawaqa me lutuki ira; laivi ira me ra caroba i loma ni bukawaqa, ia me ra kakua ni mata cake tale. 11 Kakua ni laiva e dua na daunivosa ca me tauyavu e vuravura; na ca me na vakasasataki ira na tamata ivakarau kaukaua me vakarusai ira. 12 Au kila ni o Yahuwe (YHWH) e na taqomaka na nodra sasaga na vakalolomataki kei ira na dravudravua. 13 E na dina ni o ira na yalododonu era na solia na vakavinavinaka i na yacamuni; o ira na yalododonu, era na vakaitikotiko e matamuni.

Same (Tehellim) 140:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
355 Blog No. 1449	December 21, 2011.
Reading	Hebrew Date
Micah 6-7	Kishlev 25, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofisai Nei Akeai (The Prophesy Of Hagai)

Thought: Think Of Your Creator For He Gives You Your Life.

 ......................

Serving For Yom Shlee-shee, Kishlev 24, 5772

E NA ikarua ni yabaki nei Tui Darayavesi, e na ikaono ni vula, e na imatai ni siga ni vula, a yaco na vosa i Yahuwe (YHWH) vei Haqai na parofita me tukuna vei Ze'rubavela na luve i Shi'aliti'yili na kovana e Ya'huda vata kei Yo'hoshua na luve i Yo'hosadeki, na kohena haqadolo (high) me tukuna, 2 E kaya mai o Yahuwe (YHWH) ni lewevuqa (YHWH Tzva'ot), O ira na tamata qo era kaya na gauna e se bera ni yaco mai me tara tale kina na vale i Yahuwe (YHWH). 3 Ia qai yaco mai kina na vosa i Yahuwe (YHWH) vei Haqai na parofita ni kaya, 4 E kena gauna beka qo moni tiko kina e na nomuni valekau totoka, ia me qai koto rusa no na valenisoro? 5 E dodonu vei kemuni, e kaya o Yahuwe ni lewevuqa (YHWH Tzva'ot); Moni vakasamataka na nomuni ivalavala!  6 E ka levu na nomuni iteitei, ia e lailai wale na ka oni maroroya; oni kana ia oni sega ni mamau; oni gunu, ia oni sega ni vakasinaiti e na memuni gunu; oni vakaisulutaki kemuni vakataki kemuni, ia oni sega ni katakata kina; ia o koya e cakacaka e na kemuni maliwa, me rawata na kena isau vakailavo, me qai tawana ga e na dua na taga e cicila tu. 7 Qo na ka e kaya o Yahuwe ni lewevuqa (YHWH Tzva'ot), Vakasamataka na nomuni ivakarau. 8 Cabe cake i na ulunivanua, lai yauta mai na kau moni mai tara kina na vale oqo; Au na qai marautaka, au na qai  vakalagilagitaki e loma, e kaya o Yahuwe (YHWH). 9 Oni vaqara na ka lelevu, ia raica, ni qai yaco me lailai ga; ia ni oni sa kauta mai i vale, au qai uvuca laivi. Na cava me yaco kina na veika oqo? e taroga O Yahuwe (YHWH). Baleta na noqu vale e se no rusa koto no, ia oni qai dui vakaqunaquna na tamata yadua i na nodra dui vale. 10 Qori na vuna e bureitaka kina na tegu, na lomalagi e delamuni, ka bureitaka na vuana o vuravura.  11 Au qai vakarota me lauqa na vanua, kei na veiulunivanua, e na vua ni  sila, kei na waini vou, kei na waiwai, kei na cava ga e rawa mai na qele, na tamata, vata kei na manumanu, kei na cakacaka kece sara  ni ligamuni.

12 ¶ Oti oya, o Ze'rubavela na luve i Shi'aliti'yili, kei Yo'hoshua na luve i Yo'hosadeki, na kohena haqadolo, vata kei ira kece na vo ni tamata, era a qai muria na vosa i Yahuwe (YHWH) na nodra Kalou (Mighty One), kei na vosa nei Haqai na parofita me vaka a talai koya mai kina o Yahuwe (YHWH) na nodra Kalou (Mighty One); era a qai rere kina na tamata e na mata i Yahuwe (YHWH). 13 Sa qai vosa o Haqai na italai nei Yahuwe (YHWH), me talaucaka na itukutuku i Yahuwe (YHWH) vei ira na tamata ni kaya, Au sa tiko kei kemuni, e kaya o Yahuwe (YHWH).

Akeai (Hagai) 1:1-13

E dua na tamata kanalevu (gluttonous) e tolu tiko na luvenayalewa daulomani. E tolu tiko na ka e na sega ni vakacegui rawa; io e va e na sega vakadua ni kaya; qo sa rauta: 16 O She’ola; na katonigone yava; na qele e sega ni vakasuasuai e na wai; kei na bukawaqa, qori era na sega ni  kaya, Qori sa rauta.

Vosa Vakaibalebale 30: 15-16

I Yahuwe (YHWH), oni a vakadeuci au, oni sa kilai au. 2 Oni kila na noqu toka sobu kei na noqu tu cake, oni kila na yavu ni noqu vakasama mai cake. 3 Oni kila na noqu itovo kei na noqu gaunisala, oni kila vakaoti na noqu ivalavala taucoko. 4 Baleta ke tiko na veivakacalai e yamequ, raica i Yahuwe (YHWH) oni kila vinaka tu vakaoti.  5 Mai na ivakatekivu i na ivakataotioti, oni kilai au, i Yahuwe (YHWH) baleta oni a buli i au ka vakotora na ligamuni vei au. 6 Na kilaka vakaoqori e rui talei vei au; e cecere; au na sega ni tadolova rawa.

7 ¶ Evei beka au rawa ni dro kina mai na yalomuni? Se evei beka au rawa ni dro kina meu vuni mai matamuni? 8 Keu cabe cake i lomalagi, o kemuni oni tiko mai keya; keu siro sobu i She'ola, raica, o kemuni oni tiko talega mai keya. 9 Kevaka meu laveta na tabaqu me vakataki ira na ikeli, meu lai vakaitikotiko e na mua yawa duadua ni wasawasa, 10 E keya mada ga na ligamuni e na lai tuberi au, kei na ligamuni imatau e na vakadeitaki au. 11 Kevaka meu kaya, E dina ni butobuto e na ubi i au; ia na bogi mada ga e na rarama wavolivolita na mataqu. 12 Na butobuto e sega ni butobuto vei kemuni; na bogi e ramase tu vei kemuni me vaka na siga, na rarama kei na butobuto e rau tautauvata vei kemuni. 13 O Kemuni oni a bulia na utoqu; oni a ciqomi au mai na kete i tinaqu. 14 Au na vakavinavinakataki kemuni; baleta na veika veikurabuitaki oni sa cakava oti, e totoka na we ni nomuni cakacaka; na veika oqo sa kila vinaka tu na yaloqu. 15 Na veika au taukena era sega ni vunitaki mai vei kemuni, niu a caka vakavuni ka cakacakataki e ruku ni vuravura lolovira duadua. 16 Na matamuni e na raica na veika au taukena, ia au sega ni daumaka vakaoti; e na nomuni ivola, na veika kece oqo era volai tu kina, ni se bera mai na siga kei na tamata me buli mai.

17 ¶ E vakamareqeti vei au na nomuni yalololoma vei au, i Yahuwe (YHWH)!  E ka vakaitamera na kena iwiliwili. 18 Kevaka meu wilika, na kena vei ira e daumaka vakaoti, e na levu cake na kedra iwiliwili mai na mataninuku; niu yadra cake, au se tiko ga vata kei kemuni. 19 E ka dina ni oni na vakamatei ira era dau valavala ca, kemuni na Kalou (Mighty One); moni lako laivi kina mai vei au, o kemuni oni dau vakadave dra. 20 Baleta era dau vosavakacacataki kemuni era qai kovea vakailowa na nomuni korolevu. 21 Au cati ira, i Yahuwe (YHWH), era cati kemuni; au sevaki ira kecekece era veimecaki kei kemuni. 22 Au cati ira e na veicati e dina vakaoti; au wiliki ira me ra kequ meca. 23 Vakadeuci au, kemuni na Kalou (Mighty One) moni kila na vuniyaloqu;  vakatovolei au, moni kila na noqu itovo. 24 Raica ke tiko na noqu ivalavala vakasisila, tuberi au i na sala ni bula tawamudu.

Same (Tehellim) 139:1-24

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
354 Blog No. 1448	December 20, 2011.
Reading	Hebrew Date
Micah 4-5	Kishlev 24, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na Kalou (YHWH our Mighty One)

Thoughts: YHWH Is Longsuffering and His Mercy Endures Forever

 ..........................

Serving For Shabbat, Kishlev 21, 5772

Na mavoa nei Ninive me vaka e kune e na ivola ni raivotu nei Nakamu na Elikoshi. 2  Na Kalou (Mighty One) e gugumatua, o Yahuwe  (YHWH) e dau veisausaumi; o Yahuwe (YHWH) e na veisausaumi lesu ni yalokatakata; o Yahuwe e na sausaumi vei ira na kena meca, ka na  dau nanuma na nona leva me baleti ira na kena meca; 3 Ia o Yahuwe (YHWH) e berabera ni vakacudrui; e vakaitamera e na kaukaua ka sega vakadua ni vosoti ira era ca; e gaunisala i Yahuwe (YHWH) na covulaca kei na cava, ia na o, oqori  na kuvu (dust) mai yavana. 4 O koya e na vunauca na wasawasa, qai cakava me mamaca: o Bashani kei Karamela rau na vutugu; kei na senikau ni Le'vanoni era na malai. 5 Na veiulunivanua era na sakure e matana kei na veidelana era na kakavidividi; na vuravura e na kureitaki e matana, io, na vuravura kei ira kece era vakaitikotiko kina. 6 O cei e rawa ni tu e matana ni sa cudru mai o koya? O cei e rawa ni vosota na waromisa ni nona leva? Na nona cudru e na caudre me vaka na bukawaqa, na ulunivanua e na waicala ni tiko o koya. 7 O Yahuwe (YHWH) e vinaka, e dau ni veivuke vakaitamera e na siga ni leqaleqa; e kilai ira era vakanuinui vua.  8 Ni coka mai e duabulu na dobui vakaitamera, o koya e  na vakaotia vakadua na nona vanua o koya e saqati koya tiko; na butobuto e na muri i ira na nona meca.

Neumi (Nachum) 1:1-5

E rua na ka au a kerea vei kemuni; Kakua ni bureitaka vei au niu se bera ni mate: 8 Kauta tani vakayawa mai vei au na dokadoka kei na lasulasu; kakua ni solia vei au na dravudravua se na iyau; solia vei au na bula (life) e veirauti kei au: 9 De lakolako au qai vakalevulevui au, au qai lasu, ka kaya, O cei o Yahuwe (YHWH)? Se, au qai tini dravudravua, qai vakavuna meu butabutako, oti au qai taura vakamamada na yaca ni noqu Kalou (Mighty One).

Vosa Vakaibalebale (Mishlei) 30:7-9

Isa vakavinavinaka vei Yahuwe (YHWH); baleta o koya e vinaka; baleta na nona yalololoma e na tudei tu me tawamudu.2 Isa solia na vakavinavinaka vua na nodra Kalou (Mighty One) na kalou (elohim); baleta na nona yalololoma e na tudei tu me tawamudu. 3 Isa solia na vakavinavinaka vua na nodra Sau na dauvakavulewa; baleta na nona yalololoma e na tudei tu me tawamudu. 4 Vei koya duadua e dau vakayacora na veika veivakurabuitaki; baleta na nona yalololoma e na tudei tu me tawamudu. 5 Vei koya e na nona vuku a buli i lomalagi kei vuravura baleta na nona yalololoma e na tudei tu me tawamudu. 6 Vei koya e a dumuka cake na vanua i dela ni wai; baleta na nona yalololoma e na tudei tu me tawamudu. 7 Vei koya e a bulia na rarama lelevu; baleta na nona yalololoma e na tudei tu me tawamudu; 8 Na matanisiga me vakatulewa e na siga; baleta na nona yalololoma e tudei tu me tawamudu; 9 Na vula kei na veikalokalo me ra vakatulewa e na bogi: baleta na nona yalololoma e na tudei tu me tawamudu.

10 ¶ O koya e a samuti ira na uluatua ni Ijipita; baleta na nona yalololoma e na tudei tu me tawamudu; 11 Qai kauti ira tani mai na Isira'yili mai kedra maliwa; baleta na nona yalololoma e na tudei tu me tawamudu; 12 E na liga kaukaua vata kei na liga e dodoka vei ira; baleta na nona yalololoma e na tudei tu me tawamudu 13  Vei koya e a tawasea rua na Wasa Sufa; baleta na nona yalololoma e na tudei tu me tawamudu; 14 Oti o Isira'yili a qai takoso e na kena maliwa; baleta na nona yalololoma e na tudei tu me tawamudu.15 Ia a qai lomoci Fero kei na nona  mataivalu i na Wasa Sufa; baleta na nona yalololoma e na tudei tu me tawamudu. 16 Vei koya e a liutaki ira na nona tamata e loma ni lekutu; baleta na nona yalololoma e na tudei tu me tawamudu.17 O koya e a samuti ira na tui lelevu; baleta na nona yalololoma e na tudei tu me tawamudu. 18 Ka vakamatei ira na tui qaqa; baleta na nona yalololoma e na tudei tu me tawamudu: 19 O Sikoni na nodra tui na Emori; baleta na nona yalololoma e na tudei tu me tawamudu;  20 Kei Oqa na tui Bashani; baleta na nona yalololoma e na tudei tu me tawamudu;  21 Oti qai solia na kedra vanua me dua na ivotavota; baleta na nona yalololoma e tudei tu me tawamudu. 22 Io me dua na ivotavota vei Isira'yili nanona dauniveiqaravi; baleta na nona yalololoma e na tudei tu me tawamudu.

23 ¶ O koya e a nanumi keda e na gauna ni noda vakalolomataki; baleta na nona yalololoma e na tudei tu me tawamudu. 24 A qai vueti keda mai vei ira na keda meca; baleta na nona yalololoma e na tudei tu ka tawamudu 25 O keya e solia na kakana vei ira kece era vakalewe; baleta na nona yalololoma e tudei tu me tawamudu. 26 Isa vakavinavinaka vua na Kalou (Mighty One) o koya e vakaitkotiko mai lomalagi; baleta na nona yalololoma e tudei tu me tawamudu.

Same (Tehellim) 136:1-26

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
351 Blog No. 1445	December 17, 2011.
Reading	Hebrew Date
Opetaia (Ovad’yah) 1	Kishlev 21, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakavinavinaka Vei Yahuwe (Give Thanks To YHWH)

Thought: YHWH The Sole Source of Wisdom and Understanding

 ..................

Serving For Yom Reeshone, Chesvan 16, 5772

Na vosa i Yahuwe (YHWH) a lako mai vei au, ni kaya, 21 Luve ni tamata, biuta dei toka na nomu rai vei Saidoni, mo qai parofisai mo saqati koya, 22 Mo kaya, E vakaoqo na ka e  kaya o Yahuwe na Sau (Sovereign YHWH); Raica, au na saqati iko, i Saidoni; au na qai vakalagilagitaki e na kemu maliwa; o ira na tamata era na qai kila ni o au o Yahuwe (YHWH), niu sa vakayacora oti na lewa me baleti koya, ka vakacerecerei e na vukuna. 23  Baleta au na vakauta yani vua na na mate veitauvi kei na dra i na nona gaunisala; ia o ira na vuetaki era na bale e na kena maliwa mai na seleiwau, era sa tu wavolivoliti koya e veiyasana; era na qai kila ni o au o Yahuwe (YHWH). 24 Sa na qai oti na kau vakavotona e na vale nei Isira'yili se dua na votonikau me vakavurarawa tiko mai na veika e tu vakavolivoliti ira ka vatovatotaki (curse) ira; era na qai kila ni o au o Yahuwe na Sau (Sovereign YHWH). 25 Qori a kaya kina vakaoqo o Yahuwe na Sau (Sovereign YHWH); Niu sa vakasoqoni ira na lewe ni matavuvale i Isira'yili mai na kedra maliwa na tamata era a tayana tu e kedra maliwa, au na qai vakalagilagitaki mai vei ira e matadra na veimatanitu, oti era na qai lai vakaitikotiko e na vanua au a solia vua na noqu dauniveiqaravi o Ya'akove. 26 Era na lai bula tu kina e na  vakacegu, era na qai tara na veivale ka teavaka na veiloga ni vaini; io, era na qai vakaitikotiko e na yalodei. Ni oti na noqu tauca na lewadodonu vei ira kece era dau vakamavoataki ira mai na veiyasana; era na qai kila ni o au o Yahuwe (YHWH) na nodra Kalou (Mighty One).

Isikeli (Yechezk’yl) 27:1-26

Me vaka na tuturu tawacegu e na dua na siga ucauca, e vaka kina na yalewa dauveileti. 16 ¶ Na cagi mai na Vualiku e kaukaua, ia e na kainaki ga ni cagi donu.

Vosa Vakaibalebale (Mishlei) 27:15-16 

VAKAVINAVINAKA vei Yahuwe (YHWH). Au na vakavinavinaka vei Yahuwe (YHWH) e na vuniyaloqu taucoko, e na nodra soqo na yalododonu, ka vaka kina e na loma ni isoqosoqo. 2 Na cakacaka i Yahuwe (YHWH) era ka levu, era dau vakasaqara o ira era kunea ni talei vei ira. 3 Na nona cakacaka e vakaturaga ka  dau qoroi; na nona yalododonu e tudei me tawamudu. 4 E cakava na nona cakacaka talei me na dau nanumi: o Yahuwe (YHWH) e dau loloma ka sinai e na veikauwaitaki. 5 E solia na kakana vei ira era dau rerevaki koya; ka dau vakananuya tiko ga na nona veiyalayalati.

6 ¶ O koya, e sa vakatakila oti vei ira na nona tamata na kaukaua ni nona cakacaka, me rawa ni na solia vei ira me nodra ivotavota na veimatanitu. 7 Na cakacaka ni ligana era dina ka dodonu, era na tudei tu me tawamudu ka sega ni mudu; 8 Na nona ivakaro kece sara era tudei ka ra dau vakayacori e na yalododonu kei na dina. 9 O koya e sa tala na bula vei ira na nona tamata: na nona veiyalayalati e na nanumi tu me tawamudu; e dau dokai ka dau vakarokorokotaki na yacana. 10 Na vakarokorokotaki i Yahuwe (YHWH) e ivakatekivu ni vuku; na yalomatua dina e tiko vei ira kece era vakayacora na nona ivakaro: na nona dokai e na tudei me tawamudu.

Same (Tehellim) 111:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
317 Blog No. 1457	November 13, 2011.
Reading	Hebrew Date
Isikeli (Yechezk’yi) 4-6	Cheshvan 16, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.