Kau Laivi Na Yisira’yili Me Ra Sosomitaki (Yisra’yl Removed And Replaced)

Thought: Yisra’yl Continued To Be An Idol Worshiping Nation.

....................... 

Serving For Yom HaShishi, Tevet 1, 5773

MAI NA NEVI’IMI RISHONIMI (FROM THE NEVI’IM RESHONIM)

O ira talega na mataqali i Ya'huda era a sega ni taqomaka na ivakaro kecekece i Yahuwe (YHWH) na nodra Kalou (Mighty One) ia era a lako muria talega na lawa era a dau muria na Yisira'yili. 20 O Yahuwe (YHWH) a ceburaki ira laivi kecekece na lewe ni nodra kawa na Yisira'yili, qai sevaki ira, oti qai soli i ira laivi (tiko) i ligadra na dau ni veivakacacani, me yacova ni sa ceburaki ira laivi kece vakadua mai matana. 21 Baleta na veimataqali i Yisira'yili era a tawasei ira laivi mai na vale i Dawide; era qai buli i Yerovo'ama na luvetagane i Ne'vati me nodra tui; o Yerovo'ama a qai vakavuna vei ira na Yisira'yili me ra lako sese mai na nodra lako muri i Yahuwe (YHWH), qai vakavuna me ra vakayacora na ivalavala ca lelevu. 22 O ira na luve i Yisira'yili era lako muria na ivalavala ca kecekece e dau  vakayacora o Yerovo'ama; era qai sega vakadua ni saumaki laivi mai kina; 23 Me yacova na gauna a qai ceburaki ira laivi kina na Yisira'yili mai matana o Yahuwe (YHWH), me vaka a dau kaya tiko vei ira e gusudra na parofita. Qori a qai mai colati laivi kina o ira na Yisira'yili, mai nodra vanua, (era qai kau) i Ashuru, na vanua era lai tu kina me yacova mai na siga oqo.

24 ¶ Na tui Ashuru a qai lai kauti ira mai na tamata mai Bavela, mai Kuta, mai 'Ava, mai Hamata vata kei Si'favayimi, qai mai vakacokotaki ira e na veikorolelevu mai Shomorono, me ra sosomitaki ira na Yisira'yili; o ira era qai taukeni Shomorono,  me ra sa vakaitotiko e na kena veikorolelevu. 25 E na ivakatekivu ni nodra vakaitikotiko mai keya, era a sega ni vakarokorokotaki Yahuwe (YHWH); qori a qai vakatala yani kina vei ira o Yahuwe (YHWH) na laione me ra lai saqati ira, qo era a qai vakamatea eso vei ira. 26 Qori era qai lai tukuna kina vua na tui Ashuru, ni ra kaya, O ira mai na veimatanitu oni a kauti ira vakavesu oni qai lai vakacokotaki ira e na veikorolelevu mai  Shomorono, era sega ni kila na ivalavala ni Kalou (Mighty One)) ni vanua; qori e talai ira tiko yani kina na laione me ra lai saqati ira; ia raica era sa vakamatei ira tiko, baleta era sega ni kila na sokaloutaki ni Kalou (Mighty One) ni vanua. 27 Oti qai vakarota na tui Ashuru, ni kaya, Kauta i keya e dua na kohena oni a kauti ira laivi mai keya; qai laivi koya me lai vakaitikotiko e keya, ka laivi koya me vakatavulica vei ira me ra dau  qarava na Kalou (Mighty One) ni vanua. 28 Oti qai lako mai e dua vei ira na kohena e a kau mai vakavesu mai Shomorono, me lai vakaitikotiko e Beiti-Yili, me nona itavi me vakatavulici ira e na nona vakarokorokotaki o Yahuwe (YHWH). 29 Ia e sega ga, baleta o ira mai na veimatanitu (era tiko mai keya) era a dui buli i ira ga na nodra dui kalou (elohim), era qai biuti ira e loma ni veibure ni kaloumatakau, era a tara tu mai o ira na itaukei kei Shomorono; na veimatanitu e na loma ga ni veikorolevu era sa lai vakaitikotiko kina. 30 O ira na tagane mai Bavela era buli i Sukota-Be'nota; ia na tagane mai Kuta era buli i Neqali kei ira na tagane mai Hamata, era buli i Ashima; 31 O ira na 'Avimi, era buli i Nivikaza kei Tataka; ia o ira na Si'favayimi era vakamai ira na luvedra e na bukawaqa vei Adrameleki kei 'Anameleki, na nodra kalou (elohim) na Si'favayimi. 32 Era a rerevaki Yahuwe (YHWH), ia era lesia ga vakataki ira mai na kedra maliwa, na nodra bete me ra veiqaravi e na veitikina cecere, o ira qori era qai vakacabo isoro e na veivale ni veikalou matakau e na veitikina cecere. 33 Era rerevaki Yahuwe (YHWH), ia era qarava ga na nodra dui kalou (elohim) e na kena ivalavala era dau cakava kina mai na veivanua era a dui kau mai kina. Ia o ira na luve i Yisira'yili era a colati laivi vakadua mai na nodra vanua; 34 Me yacova mai na gauna oqo, baleta era a vakanadakui i Yahuwe (YHWH), ka vakamurimuria na nodra ivalavala na veimatanitu tani.  Era sega ni rerevaki Yahuwe (YHWH), era sega talega ni bula muria na veilawa se na Toraa kei na ivakaro (mitzvot) e a vakarota tu mai o Yahuwe (YHWH) vei ira na luve i Ya'akove, o koya e a vakatokai me yacana o Yisira'yili;

M’lakhim Bet (2 Tui) 17:19-34

NA IVAQA NI BULA (FOOD FOR THE SOUL)

E lewe vuqa era na vaqara na nona veitovaki o koya e daunivakavulewa; ia na vakatulewa me baleta e dua na tamata e lako mai vei Yahuwe (YHWH). 27 ¶ E dua na tamata tawadodonu e na vakasisila vua, o ira era yalododonu; ia na sala dodonu e na vakasisila vei ira era tawadodonu.

Mishlei (Vosa Vakaibalebale) 29:26-27

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Maivei Dawide. Raica, na kena vinaka kei na kena totoka, ni ra mai vakaitikotiko vata e na yalovata na mataveitacini. 2 E tautauvata kei na ilumu vakamareqeti e na ulu kei na kumi, na kumi i Aharoni, ni sa drodro sobu i na kola ni nona kote; 3 Me vaka na tegu mai Heremoni ni  lutu e na ulunivanua mai Saiyoni; baleta e keya e a vakarota kina na nona veivakalougataki o Yahuwe (YHWH), oya na bula e tawamudu.

Tehellim (Same) 133:1-3

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 348 o/o 1808	December 14, 2012
Reading	Hebrew Date
Nechmeyah ( Niemaia) 3-4	M #9: Tevet 1, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Voleka ni Mate O Ya’akove (Ya’akov On His Deathbed)

Thought: Blessings  From Isra’yl (Ya’akov) That Has Shaped Our World

 ........................

Serving For Yom Shlishi Tevet 29, 5772 (Last day Of The Month)

MAI NA TORAA (FROM THE TORAH)

A qai yaco ni oti oqo, ni a mai tukuni vei Yosefa, Raica o tamamuni sa tauvimate bibi no; a mani kauti rau na luvenatagane ruarua, o Ma'nashe kei Ifirayimi. 2 Era mani tukuna vei Ya'akove, ni ra kaya vua, Raica, na luvemu tagane o Yosefa e mai raici kemuni; a qai vakaukauataki koya o Isira'yili, qai dabe cake e na nona imocemoce. 3 Kaya o Ya'akove vei Yosefa, O Yahuwe Kaukaua (YHWH Almighty)  a rairai vei au mai Luza e na vanua i Kena'ani, qai  vosa vakalougatataki au, 4 Qai kaya vei au, Raica, au na vakalougatataki iko, ka vakalewelevutaki iko, au na cakava mo dua na iwiliwili ni kawatamata e vuqa; au na solia na vanua oqo vei ira na nomu kawa era na muri i iko mai, me nodra ivotavota vakaitaukei. 5 O rau na luvemutagane ruarua qo, o Ifireimi kei Ma'nashe rau a sucu vei iko e na vanua o Ijipita, niu se bera ni lako mai vei iko i Ijipita, e rau sa noqu; me vakataki rau o Ru'veni kei Shimi'oni, o rau, rau sa noqu. 6 Ia o ira na luvemu era qai sucu e muri, era na nomu; era na vakatokai ga e na yaca ni tuakadra, ni ra sa yaco e na vanua era na lai taukena. 7 O au mada, e na gauna au lako tiko kina mai Padama-Arama, o Rejeli a qai mate e yasaqu e na vanua i Kena'ani, e gaunisala, e na loma ni tolu se va na maile mai na icurucuru i Efarata; au qai buluti koya no e keya, e na yasa ni sala i Efarata; qori na vanua vata o Beiti-Lekehema.

8 ¶ E na gauna e raici rau kina na luve i Yosefa o Isira'yili, a qai tarogi koya, O cei o rau qo?  9 Kaya o Yosefa vei tamana, O rau qo, o rau na luvequtagane e a solia vei au o Yahuwe (YHWH)) e na vanua qo. Kaya o koya, Kauti rau vakavoleka mai vei au, au na qai vakalougatataki rau. 10 Ia na mata i Isira'yili sa buwawa sara baleta ni sa qase, qai vakavuna me sega ni rai rawa kina vakavinaka; a qai reguci rau o koya ka mokoti rau. 11 Kaya o Isira'yili vei Yosefa, Au a sega ni nanuma niu na raica na matamu; ia raica, o Yahuwe (YHWH) sa vakaraitaka sara vei au na luvemu. 12 Oti sa qai kauti rau tani mai na maliwa ni duruna o Yosefa, ia rau qai cuva sobu me tara na dela ni qele na matadrau. 13 Oti sa qai tuberi rau ruarua o Yosefa, o Ifirayimi e na ligana i matau me donuya na liga i mawi i Isira'yili, kei Ma'nashe e na ligana i mawi me donuya na liga i matau i Isira'yili, qai toroi rau sara yani vakavoleka vua. 14 E dodoka sara mai na ligana i matau o Isira'yili, me tabaka na ulu i Ifirayimi, o koya e gone, kei na ligana i mawi i na ulu i Ma'nashe; e a nakita me veilataitaka na ligana; e dina ga ni ulumatua o Ma'nashe. 15 O Ya'akove a qai vakalougatataki Yosefa, ni kaya, Na Kalou (Mighty One) rau a dau lako vakayalododonu vua o rau na tamaqu o Avarahama vata kei  Yi'sake, na Kalou (Mighty One) e dau solia vei au na noqu gagadre mai na gauna ni noqu gone me yacova mai na siga nikua, 16 Na mala'aka e dau vueti au mai na veika ca kece, me vakalougatataki rau na gone; ia laivi rau me vakatokari vei rau na yacaqu, vata kei na yacadrau na tamaqu o Avarahama kei Yi'sake; ka laivi rau me rau tubu ka vakalewelevutaki e na dela i vuravura. 17 Ni raica o Yosefa ni tabaka toka na ulu i Ifirayimi e na ligana i matau, a sega ni taleitaka o koya, qai tabeya cake na liga i tamana, me kauta laivi mai na ulu i Ifirayimi, i na ulu i Ma'nashe. 18 Kaya o Yosefa vei tamana, E sega ni vaka oqori, i tamaqu; o koya oqo na noqu ulumatua; biuta na ligamu imatau e uluna; 19 Ia a sega ni via cakava qori o tamana, qai kaya, Au kila tiko, i luvequtagane, au kila tiko, o koya e na yaco me dua na kawatamata, o koya talega e na yaco me vakaitamera; ia o tacina e na yaco me vakaitamera cake mai vua, baleta o koya kei ira na nona kawa era na yaco me ra vuqa (multitude) na kawatamata. 20 A qai kuria na nona veivakalougatataki vei rau e na siga oya, ni kaya, O Isira'yili e na dau cavuti kemudrau e na veigauna kece era vosa kina ni veivakalougatataki, me ra kaya, Me qai cakava o Yahuwe (YHWH) mo vakataki Ifirayimi ka vakataki Ma'nashe: e keri e vakadeitaki Ifirayimi kina o koya, ni liu vei Ma'nashe.

Na iVakatekivu (B’resheet) 48:1-20

NA IVAQA NI BULA (FOOD FOR THE SOUL)

I luvequtagame, qarauna na noqu vosa; vakatudaliga i na veika au tukuna tiko. 21 Kakua ni vakalaiva me ra biubiu mai yaloka ni matamu; ia maroroi ira sara tiko e na uto ni nomu vakasama. 22 Baleta era ka ni bula vei koya e kunei i ira, ka ka ni tiko bulabula vei ira kece era vakalewe. 23 Taqomaka tiko vakavuku na vuniyalomu, baleta era vura mai kina na veika me baleta na bula. 24 Biuta tani mai vei iko na gusu e dau takelo, ia na veivakasalataki ni veivakacalai biuta vakayawa sara mai tebenigusumu. 25 Laiva na yaloka ni matamu me rai tiko ga vakadodonu i liu, ka laiva na bekabeka ni matamu me qara donu tiko ga i liu. 26 Qarauna na yavamu me toso vakayawa mai na sala ni ivalavala vakasisila, e na dei vinaka na itovo kece sara. 27 Kakua ni gole vaka i na ligamu i matau se i na imawi; kauta laivi na yavamu mai na ca.

Vosa Vakaibalebale (Mishlei) 4:20-27

LOMANI YAHUWE NA NOMU KALOU (LOVE YHWH YOUR MIGHTY ONE)

Me baleti ira na iliuliu. E dua na Same i Dawide  2(1) Me dau rogoci iko mada ga o Yahuwe (YHWH) e na siga ni rarawa; Na yaca ni Kalou (Mighty One) i Ya’akove me taqomaki iko, 3(2) Me vakauta mai vei iko mai na nona vale tabu, me vakaukauataki iko mai na loma i Saiyoni. 4(3) Laivi Yahuwe (YHWH) me nanuma na nomuni isoro, ka vakadonuya na nomuni imadrali kama. 5(4) Me vakadonuya mada ga vei kemuni o Yahuwe (YHWH) na gagadre ni vuniyalomuni ka vakayacora na nomuni ivakasala kece. 6(5) Keimami na vakalagilagitaki e na nomuni veivueti, e na yaca ni neimami Kalou (Mighty One) keimami na vakacerecerei; Me vakayacora mada ga na nomuni vakatakekere taucoko, o Yahuwe (YHWH).

7(6) ¶ Me tekivu e na gauna oqo, e na kilai ni o Yahuwe (YHWH) e sa vakabulai ira era nona lumuti; ka rogoci ira mai  lomalagi tabu, qai vakabulai ira e na kaukaua ni ligana imatau. 8(7) Eso era na vakararavi i na qiqi ni valu, ka so tale i na ose: ia eda veirawai ga e na yaca i Yahuwe (YHWH) na Kalou (Yahuwe (YHWH), Mighty One). 9(8) O ira, era sa vakacuvari sobu ka ra sa bale; ia o keda eda sa vakamatari cake meda tu vakarau. 10(9) I Yahuwe (YHWH), vakabulai keimami; Laiva na neimami tui me tama mai vei keimami e na siga keimami kaci yani kina vua.

Same (Tehellim) 20:1(0)-10(9)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
024 Blog No. 1484	January 24, 2012.
Reading	Hebrew Date
Na iLakolako (Sh’mot) 7-8	Tevet 29, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Masu O Ya’akove Ni Sa Domobula (Ya’akov Prayed Due To His Fear)

Thought: YHWH Promises Secured Ya’akov Future Generations

 .....................

Serving For Yom Sheini Tevet 21, 5772

MAI NA TORAA (FROM THE TORAH)

O Ya'akove talega a qai toso tale e na nona ilakolako, era qai mai sotavi koya na malaka'yimi ni Kalou (Mighty One). 2 Ia ni sa raici ira o Ya'akove, a qai kaya, Oqo o ira na dauniveiqaravi i Yahuwe (YHWH); sa mani vakatoka me yaca ni vanua oya o Makanayimi.

3 ¶ O Ya'akove a qai tala eso na nona mata me ra liu vei Esava na tuakana, i na qele o Seira, e na nodra vanua na Idomi.  4 Qai vakaroti ira ni kaya, Qo na ka mo dou na lai kaya vua na noqu turaga (master) o Esava; Qo na ka e kaya mai na nomuni dauniveiqaravi o Ya'akove, Au a lai tiko vakavulagi vei Levani, kau sa tu dede mai keya me yacova mai na gauna oqo; 5 Au sa taukena tu qo na bulumakau, na asa, na sipi kei na dauniveiqaravi tagane kei na yalewa; au talatala tiko yani qo meu tukuna vua na noqu turaga (master) keu rawa ni kune loloma e matamuni. 6 Era qai lesu mai vei Ya'akove na mata era qai kaya, Keitou a lako vua na tuakamuni o Esava, keitou qai raica ni o koya sa lako tale tikoga mai, me mai tavaki kemuni, vata kei na vanadrau na nona tamata. 7 Sa qai domobula ga o Ya'akove, ka kidroa vakalevu: sa mani wasea rua na tamata era tiko vata kei koya, ka vaka kina na qelenisipi, na bulumakau kei na kameli; 8 Oti qai kaya o Ya'akove, Kevaka e mani lako mai o Esava vei ira e dua na iwasewase me mokuti ira, na iwasewase kadua e na rawa ni drobula.

9 ¶ Sa qai masu o Ya'akove, qai kaya Kemuni na Kalou (Mighty One) i tamaqu o Avarahama, ka Kalou (Mighty One) talega nei tamaqu o Yisake; i Yahuwe (YHWH) o kemuni oni a tukuna vei au, Lesu i na nodra vanua na tamamu, vei ira na wekamu, au na qai caka vinaka vei iko.10 E sega mada ga ni kilikili  vei au meu taura na nomu iloloma lailai duadua, vata kei na dina kece oni sa vakaraitaka tiko vua na nomuni  dauniveiqaravi; baleta o au taudua vata kei na noqu ititoko au a takosova mai na Yaradani oqo; ia qo sa mai wase rua na noqu ilawalawa:11 Vueti au, au masuti kemuni, mai na liga i tuakaqu o Esava: baleta au domobulataki koya, de na lako mai qai mai vakamatei au vata kei ira na tinadra kei na dui luvedra. 12 Ia o Kemuni ga oni a kaya, Au na caka vinaka dina vei iko, au na  vakatubura na nomu kawa me ra lewe levu me vaka na mataninuku ni waitui, e sega ni wili rawa baleta ni ra rui le levu.Na iVakatekivu (B’resheet) 32:1-12

NA IVAQA NI BULA (FOOD FOR THE SOUL)

O Yahuwe (YHWH) e na nona vuku, a tauyavutaki vuravura kina; e na nona yalomatua e a tauyavutaka na vei lomalagi. 20 E na nona kilaka era vure mai kina na tikina titobu (toevu) kei na o era vakalutuma sobu mai na tegu.

Vosa Vakaibalebale (Mishlei) 3:19-20

LOMANI YAHUWE NA NOMU KALOU (LOVE YHWH YOUR MIGHTY ONE)

Na lialia e kaya e vuniyalona, E sega ni dua na Kalou (Mighty One). Era dauveidabui, era sa vakacacani e na veika ca era dau cakava; e sega sara ga ni dua vei ira e dau caka vinaka. 2 O Yahuwe (YHWH) e rai sobu mai lomalagi, me raici ira na luve ni tamata me raica se tiko e dua e yalomatua e qai dau vaqarai Yahuwe (YHWH) kina. 3 Era sa lako sese kecekece, ka ra sega ni vakadonui kecekece, e sega ni dua e bau caka vinaka, e sega, e sega ni dua.

4 ¶ Era sega ni kilakasamataki ira rawa era cakacakataka tiko na ivalavala ca, o ira era sa tillomi ira tiko na noqu tamata, me vaka ni kana madrai e dua; era sega ni bau kacivi Yahuwe (YHWH). 5 Era tiko o ira era domobula vakalevu, baleta era kila ni o Yahuwe (YHWH) e tiko vata kei ira na nodra kawa na tamata yalododonu. 6 Era dau beca na nodra vakananavu na tamata dravudravua, baleta o koya e vakanuinui vakatabakidua vei Yahuwe (YHWH). 7 O cei e na solia mai Saiyoni na veivueti vei Isire’yili?  Ni kauti ira lesu mai na nodra kau vakavesu na nona tamata o Yahuwe (YHWH), o Ya’akove e na marau vata kei Isire’yili e na reki.

Same (Tehellim) 14:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
016 Blog No. 1476	January 16, 2012.
Reading	Hebrew Date
Na iVakatekivu (B’resheet) 38-39	Tevet 21, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Ira Na Luve I Ya’akove Nikua (Ya’akov’s Children Today)

Thought: YHWH Will Not Forsake Isra’yl And Y’hudah For Ever

....................... 

Serving For Yom Shaynee, Kishlev 16, 5772

Au raici Yahuwe (YHWH) ni duri tu e na yasa ni icabocabo ni isoro, qai kaya cake o Koya, Samuta na ulu ni katubalevu, me yavavala na kena ilago; laiva na nodra veidabui me tau e na dui uludra taucoko, au na qai vakamatei ira era kena vo vo e na iseleiwau; o koya e dro mai vei ira e na sega ni drobula, ia o koya e vueti vei ira e na sega ni vakabulai.  2 E dina ni ra na kelikeli sobu i She’ola, o au, au na lai dreti ira cake mai  e na ligaqu; ia ke ra mani kaba cake i lomalagi, o au, au na lai dreti ira sobu mai; 3 Ia ke ra mani lai vunitaki ira vakataki ira e na dela i Karamela, au na vaqarai ira, au qai kauti ira tani mai keya; ia kevaka me ra vunitaki ira vakataki ira mai mataqu e na boto ni wasaliwa, e keya au na vakarota na gata, e na qai kati i ira; 4 Ia ke ra mani lako vakabobula e matadra na kedra meca, e keya au na vakarota na seleiwau, e na qai vakamatei ira; au na qai wanonovi ira toka e na mataqu, e na vuku ni nodra caka ca se caka vinaka; 5 Baleta ni o Yahuwe (YHWH) na Kalou ni lewevuqa (Mighty One Tzva'ot), ni tara na vuravura, e na sakure, era qai qoqolou o ira kece era vakaitikotiko kina: ia na ivakataotioti e na tubu cake mai  me vaka na uciwai, oti qai suka lesu me vaka na uciwai mai Ijipita. 6 Ka ni o koya ga e a tara na nona itaba vale  mai lomalagi, ka bulia na veika  kece e taukena e vuravura; o koya e na kaciva na wai mai wasawasa qai sovara e dela i vuravura; o Yahuwe ni lewevuqa (YHWH Tzva’ot) na yacana. 7 Raica, o kemuni, kemuni na luve i Isira'yili oni sa vakataki ira na kai Iciopia vei au, e kaya o Yahuwe (YHWH). Raica au a kauti Isira'yili cake mai na vanua o Ijipita, o  ira na Pi'lisitimi mai Kafatoo kei ira talega na kai Arama mai Kiri? 8 Yadra tiko, na mata i Yahuwe na Kalou (YHWH Mighty One) sa wanonovi ira tiko na matanitu dau valavala ca, au na qai vakawabokotaki ira mai na dela i vuravura; ia au na sega ga ni vakarusa vakadua na vale i Ya’akove, e kaya o Yahuwe (YHWH). 9 Baleta raica, au na vakarota, au na qai kaburaka na vale i Isira'yili e kedra maliwa na veimatanitu, me vaka ni ra tauvulona na witi e na kena vulo; ia e na sega ga ni dua na mataniwiti somidi me na lutu i na dela ni qele.10 O ira kece na noqu tamata era dau valavala ca, era na mate e na seleiwau, ni ra kaya, Na daunica e na sega ni tarai keimami se toboki keimami.

11 ¶ E na siga oya au na vakaduria kina  na valetabu nei Dawide sa bale tu, ka  botabotana mai na veitikina era sa kabasu tu; au na vakaduria tale na tikina era a rusa, me ra vakavoutaki me rawa ni tautauvata tale kei na kena e na gauna makawa, me vaka na kena inono e na veitabagauna makawa. 12 Baleta era na taukena na vo vo mai vei Idomi kei ira kece na veimatanitu era sa kacivi tiko e na yacaqu, e kaya o Yahuwe (YHWH) o koya e dau cakava na veika oqo. 13 Raica, sa roro mai na veisiga e kaya o Yahuwe (YHWH) era sa na totolo cake kina o ira e na buturara ni samusamu, mai vei ira era dau tatamusuki; o koya e daunisikaraki vuanivaini vei koya e dau kabukaburaka na sorena; na ulunivanua e na titiri mai kina na kamikamica, kei na veidelana era na mamarau. 14 Au na kauta lesu mai na vei vakabobulataki vei ira na noqu tamata o Isira'yili, era na qai tara cake tale na na veikorolelevu era sa rusa tu me ra lai vakatawani ira tale; era na tea na loga ni vaini, ka gunu mai na kena waini; era na tea talega na iteitei, era qai kana mai na kena vuata. 15 Au na tei ira e na nodra qele, era na sega vakadua tale ni cavuraki mai na qele au a solia vei ira, e kaya o Yahuwe (YHWH) na nomuni Kalou (Mighty One).

Emosi (‘Amos) 7:1-15

Na nona viavialevu e dua na tamata e na vakalolovirataki koya; ia na nona yalomaloku (meekness) e na vakuria na nona dokai.

Vosa Vakaibalebale (Mishlei) 29:23.

I Yahuwe (YHWH), na vuniyaloqu e sega ni dokadoka, se viavialevu na mataqu: au sega ni cakacaka e na veika lelevu, se na veika e rui cecere tale mai vei au. 2 E ka dina niu sa vakamalumalumu ka vakatudaliga o au vakataki au, me vaka e dua na gone e sa kali mai vei tinana; na noqu bula (soul) e sa vaka e dua na gone kali. 3 Laivi Isira'yili me vakanuinui vei Yahuwe (YHWH), me tekivu mai na gauna qo ka tawamudu.

Same (Tehellim) 131:1-3

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
346 Blog No. 1440	December 12, 2011.
Reading	Hebrew Date
Osea (Hoshea) 12-14	Kishlev 16, 5772
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakatakila Na Loloma o Hosea (Hosea Demonstrate Love)

Thought: Isra’yl and Y’hudah Must Return To Yahweh

...................... 

Serving For Yom Shaynee, Sivan 19, 5771

Oti qai kaya vei au o Yahuwe (YHWH), Lako tale, lai veidomoni kei na dua na yalewa sa matau tu vua me dau caka ca, e dua e dau veidauci; me tautauvata ni dau lomani ira na luve i Isira'yili o  Yahuwe (YHWH), e dina ga ni ra vuki tani me ra tosovi ira na kalou (elohim) era a dau sokalou vei ira mai liu, ka dau taleitaka na keke vakavuanikau. 2 Au mani voli i koya me mai noqu, e na isau e tinikalima na tikinisiliva kei na dua veimama na homari na parile. 3 Au kaya sara vua, O iko o na mai tiko vata kei au mo watiqu e na vica na siga; mo kakua ni saqamua tale tiko se veidauci kei na dua tale na tagane; o au talega au na cakava vaka kina e na vukumu. 4 Baleta o ira na luve i Isira'yili era na bula tiko me vica vata na siga, ni sega tiko na nodra tui, sega na nodra daunivakavulewa, sega na nodra isoro, sega na nodra icabocabo ni soro, ka sega ni dua me dara na efoti, ni vakama tiko na isoro boi. 5 E muri, o ira na luve i Isira'yili era na  qai lesu mai, me ra mai vaqarai Yahuwe (YHWH) na nodra Kalou (Mighty One) vata kei Davide na nodra tui; era na qai kilai Yahuwe (YHWH) kei na Nona loloma, e na veisiga mai muri.

Osea (Hoshea) 3:1-5.

Ia oqo, Isira'yili, na cava beka e gadreva vei kemuni o Yahuwe (YHWH) na nomuni Kalou (Mighty One); ia moni rerevaki Yahuwe (YHWH) ga na nomuni Kalou (Mighty One), ka moni bula muria na nona sala, moni lomani koya ka qaravi Yahuwe (YHWH) na nomuni Kalou (Mighty One), e na vuniyalomuni taucoko kei na nomuni bula (soul)taucoko, 13 Moni vakabauta na ivakaro (mitzvot) nei Yahuwe (YHWH) na nomuni Kalou (Mighty One)kei na nona ilesilesi au mai vakarota tiko vei kemuni e na siga oqo, me na qai nomuni na kena vinaka. 14 Raica na lomalagi kei na lomalagi kei lomalagi e taukena vakadua o Yahuwe (YHWH) na nomuni Kalou (Mighty One) ka vaka kina na vuravura  kei na veika kece era tu kina.

Vakarua (D’varim) 10:12-14

 

Read The Scriptures (Tanakh) in a Year
Siga (Day)/Blog	Tikinisiga (Date)
171/Blog No. 1311	June 20, 2011.
Reading		Hebrew Date
Niemaia (Nechmeyahu) 12-13		Sivan 19, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ya’huda Kei Isira’yili (Y’hudah and Isra’yl)

Thought: Yahweh Cares For Isra’yl And Y'hudah By Promise

 ................

Serving For Yom Reeshone, Sivan 16, 5771

Sa qai mate o Yilaisha, era qai buluti koya. E na yabaki sara ga oya era a valuta kina na vanua e dua na  ilala ni Mo'ave. 21 A qai yaco ni ra buluta tiko e dua na tamata, ni ra a raica e dua na ilala meca; era mani biuti koya ga e na ibulubulu nei Yilaisha: ni sa tukuci sobu me tara na sui nei Yilaisha, e a qai bula tale ka duri cake sara e yavana. 22 Ia na tui Arama o Hasa'yili e a vakadredretaka tiko ga na bula vei Isira'yili, e na dela ni gauna kece sara i Ye'ho'akasa. 23 Ia a yalololoma tiko vei ira o Yahuwe (YHWH), ka kauwaitaki ira, qai vuki lesu vei ira baleta ga na nona veidinadinati vata kei Avarahama, Yi'sake kei Ya'akove, qai sega kina ni via vakarusai ira, ka sega tale ga ni cemuri ira mai matana. 24 A mani mate o Hasa'yili na tui Arama; qai sosomitaki koya me tui na luvena tagane o Barahadada. 25 O Yo'asha na luve i Ye'ho'akasa, a qai taura tale mai vei Barahadada na luve i Hasa'yili, na veikoro a kovea o koya mai vei Ye'ho'akasa na tamana e na ivalu. E vakatolu na nona vakadrukai koya o Yo'asha, qai rawata lesu mai na veikoro vei Isira'yili.

2 Tui (M’lakhim Bet) 13:20-25.

E na qai yaco e na siga oya, ni na sega na rarama, ia na batabata ga kei na waicevata.7 Qo e na dua na siga e kilai vei Yahuwe  (YHWH); e na sega ni siga se bogi; e na qai yaco ni na rarama tu e na yakavi bogi. 8 E na qai yaco e na siga oya ni na drodro na wai bula mai Yerushalayimi; veimama i na wasawasa mai na tokalau ka veimama i na wasawasa mai na vuaira; e na drodro tikoga e na vula ikatakata se vula ililiwa.  9 O Yahuwe (YHWH) e na tui e vuravura raraba; e na siga oya e na dua ga o Yahuwe (YHWH) ka duabau ga na Yacana. 10 O koya e na vukica na vanua me dua na buca, mai Qeva i Rimoni e na ceva kei Yerushalayimi; ia o Yerushalayimi e na vakacerei cake, ka tawa mai na kena vei itikotiko mai na matamata i Biniyamini me yaco i na vanua ni imatai ni matamata, qai yaco sara i na matamata e na tutu ni koro, ka vaka kina mai  na valecere mai Hanana’yili me yaco i na nona iqaqi ni waini na tui. 11 Na tamata era na vakaitikotiko kina ka sa na oti vakadua na kena kalouca; o Yerushalayimi e na tawani e na bula sautu.

Sakaraia (Z’kharyah) 14:6-11

 

Read The Scriptures (Tanakh) in a Year
Siga (Day)/Blog	Tikinisiga (Date)
170/Blog No. 1310	June 19, 2011.
Reading		Hebrew Date
Niemaia (Nechmeyahu) 9-11		Sivan 17, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Toso I Veikauloa. (Move Into the Wilderness)

Thought: Miracles Are The Defying Of Nature – Found Only In Yahweh.

 ................................

Serving For Yom Shaynee, Shevat 26, 5771

O ira kece na nodra isoqosoqo na luve i Isira'yili, era a qai toso mai na veikauloa mai Sini, e na nodra ilakolako me vaka na lewa nei Jiova (Yahweh) era qai lai cegu toka mai Refaidimi; ia a qai sega na wai me ra gunuva na tamata. 2 Era mani veiba kei Moshe, o ira na tamata ni ra kaya, Solia mai vei keimami na wai me rawa ni keimami gunu. Kaya vei ira o Moshe, Na cava moni mai veiba kina vata kei au?  Na cava moni vakatovolei Jiova (Yahweh) tiko kina? 3 Na tamata era a viagunu wai e keya; era qai vosavosa vei Moshe, o ira na tamata, era qai kaya, Na cava li o a kauti keimami laivi kina mai  Ijipita, me keimami mai mate wale e na karamaca; o keimami, o ira na luve i keimami kei ira na neimami bulumakau? 4 A mani masu vei Jiova (Yahweh) o Moshe, ni kaya, Na cava beka meu cakava vei ira na tamata qo? Era sa vakarau sara ga me ra vakavirilaki au e na vatu?  5 Sa qai kaya o Jiova (Yahweh) vei Moshe, Kauta eso vei ira na qase ni Isira'yili, ia mo liu tiko ga vei ira, ka mo kauta tiko e ligamu na nomu ititoko o a sabica kina na uciwai, e na nomuni i lakolako. 6 Raica au na lai duri tu e matamu e na dela ni uluvatu kaukaua mai Horeva; mo na qai samuta na vatu kaukaua, e na qai tacoka mai kina wai, era na rawa ni gunu mai kina na tamata. A qai vakayacora vaka kina o Moshe ni ra tu o ira na qase ni Isira'yili.

Lako Yani (Sh’mot) 17:2-6

Kaya o Yesha'yahu, Oqo na ivakadinadina vei iko maivei Jiova (Yahweh), ni na cakava o Jiova (Yahweh) na veika kece sa kaya oti o koya: me toso e liu e na tini na diqiri, se me toso e lesu me tini na diqiri?10 Sauma o Hisikiyahu, E ka rawarawa wale me toso i liu na iyaloyalo e na tini na diqiri, sega, biuta na iyaloyalo me vuki qai toso lesu e na tini na diqiri. 11 Masu o Yesha’yahu na parofita vei Jiova (Yahweh), o koya a qai vakasuka lesu na iyaloyalo me tini na diqiri, me vaka a laurai votu e na ivakarau ni matanisiga nei Aka’asa (Ach’az).

2 Tui (M’lakhim Bet) 20:9-11

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
031/Blog No. 1172	January 31, 2011.
Reading	Hebrew Date
Exodus (Sh’mot) 25-26	Shevat 26,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Takosovi na Wasa Damu (Crossing The Red Sea or Sea of Suf)

Thought: Yahweh Will Make Us Dependent On No One Else But Himself

......................... 

Serving For Yom Reeshone, Shevat 25, 5771

Kaya o Jiova (Yahweh) vei Moshe, Dodoka na ligamu vaka e dela ni waitui, me suka lesu na wai i deladra na kai Ijipita, i deladra na nodra kareti ka vaka kina i deladra na dauvodo ose. 27 A qai dodoka na ligana o Moshe vaka i dela ni waitui, qori qai suka lesu kina na waitui i na kena inono tudei, e na gauna e kida tiko mai kina na mataka; era qai via dro na kai Ijipita; ia o Jiova (Yahweh) a qai vakadrukai ira na kai Ijipita e loma ni waitui. 28 A lesu na wai, qai lomoca na  kareti kei na dauvodoose, kei ira kece na lewe ni mataivalu i Fero era a muri i ira i wasawasa; e sega ni duabulu tale vei ira me vo.  29 Ia o ira na luve i Isira'yili era a taubale basikata na waitui me vaka era taubale tiko e na vanua mamaca; ia na wai era a qai tu me vaka na lalaga vei ira, e na yasadra imatau kei na imawi.30 E na kena ivalavala qo e a vueti Isira'yili kina o Jiova (Yahweh) mai ligadra na kai Ijipita; era qai raici ira na kai Ijipita, o ira na Isira'yili, ni ra sa davo matemate tu e matasawa. 31 Era qa raica o ira na Isira'yili, na cakacaka vakaitamera a cakava o Jiova (Yahweh) vei ira na kai Ijipita; era sa qai rerevaki Jiova (Yahweh) na tamata, ka vakabauti Jiova (Yahweh).

Lako Yani (Sh’mot) 14: 26-31

O sega beka ni kila? O sega beka ni rogoca, ni Kalou (Mighty One) me tawa mudu, o Jiova (Yahweh) o koya e a bulia na iyalayala kei vuravura?  Ni o koya e na sega ni malumalumu ka sega tale ga ni oca? E na sega talega ni vaqarai rawa na nona yalomatua. 29 O koya e solia na kaukaua vei ira era oca; vei ira era vauci tu e na mate ca e na vakalevutaka vei ira na kaukaua. 30 O ira mada ga na itabagone era na  malumalumu ka oca mai, kei ira na cauravou era na sega ni nakita na nodra tacaqe. 31 Ia o ira era waraki Jiova (Yahweh), e na vakavoutaki na nodra kaukaua; era na vakatubura na tabadra ni vuka me vaka na ruve, era na cici ia era na sega ni oca; era na taubale ia era na sega ni malumalumu.

Aisea (Yesha’yahu) 40:28-31

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
030/Blog No. 1170	January 30, 2011.
Reading	Hebrew Date
Exodus (Sh’mot) 22-24	Shevat 25,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.