Kau Laivi E Dua Na Vatovato (Removal Of A Curse).

Thought: Being Totally Ethical and Honest Shows Respect For YHWH

 ...................

Serving For Yom Shlishi, Sivan 1, 5772 (Rosh Chodesh – New Month).

(NB. In Counting Days Toward Shavu’ot (Gr:Pentecost), Today Is Day 45 out of 50)

MAI NA NEVI’IMI RISHONIMI (FROM THE NEVI’IM RESHONIM)

A mani yaco ni a sou vakamataka o Ye'hoshua, qai lai toroi ira vata mai na nodra veimataqali na luve i Yisira'yili; qai dusimaki mai vei ira o ira na mataqali i Ya'huda; 17 A mani kauti ira vata mai na veitokatoka e na mataqali i Ya'huda; a qai dusimaki mai na tokatoka i Zaraki; Oti qai kauti ira yadudua mai na tagane e na tokatoka i Zaraki; qai mani dusimaki mai o Zavadi. 18 Oti qai kauti ira mai na lewe ni nona tokatoka, me ra toso mai na tamata yadua; a qai dusimaki mai o 'Akani, na luve i Karami, na luve i Zavadi, na luve i Zaraki, e na mataqali i Ya'huda. 19 Kaya o Ye'hoshua vei 'Akani, Solia na vakarokoroko vei Yahuwe (YHWH) na Kalou (Mighty One) i Yisira'yili, ka mo vakavinavinakataki koya; tukuna vei au e na gauna sara ga oqo se cava o a cakava; kakua ni vunitaka mai vei au. 20 Sauma o 'Akani vei Ye'hoshua ni kaya, E dina taucoko niu sa vakayacora na ivalavala ca vei Yahuwe (YHWH) na Kalou (Mighty One) i Yisira'yili; oqo  na veika au a cakava. 21 Niu sa raica e a kedra maliwa na itoki ni ivalu e dua na itutuvi tali totoka ni Shaina kei na ruanadrau na shekele na siliva, kei na dua na siliva e rua na drau na shekele, kei na dua na umakoula rivirivi limasagavulu na shekele, au qai kocovi ira au mani tauri ira; raica era vunitaki kece tu e na dua na qara e loma ni qele, e loma ni noqu valelaca, na siliva e no vata e ra. 22 A mani tala eso na dau kauitukutuku o Ye'hoshua, era qai cici i nona valelaca, era vaqara, ni ra vunitaki tu e na loma ni nona valelaca kei na siliva era no e rukuna. 23 Era sa qai yauta laivi mai loma ni nona valelaca, era qai kauti ira kece vei Ye'hoshua, ka vaka kina vei ira talega na tamata i Yisira'yili, era qai vakotori ira kece e na mata i Yahuwe (YHWH). 24 O Ye'hoshua, kei Yisira'yili taucoko era qai kauti 'Akani na luve i Zaraki, kei na siliva, na itutuvi tali, na uma koula, o ira kece na luvena tagane kei na luvena yalewa, na nona okisi, na nona asa, na nona sipi, kei na nona vale laca, kei na ka kece e taukena; era qai kauti ira i na buca i 'Akani. 25 Kaya o Ye'hoshua vua, A cava o vakaleqai keda kina? O Yahuwe (YHWH) sa na vakaleqai iko e na siga edai. O  Yisira'yili taucoko e qai virilaki koya e na vatu, ruarua o koya kei na veika kece e taukena, era vakamai iratou e na buka waqa. 26 Oti era qai binia vata e delana e dua na ibinibini vatu levu, ka se tu ga me yacova mai na siga oqo. A mani vuki laivi o Yahuwe (YHWH), mai na nona yalokatakata waromisa. Qori a vakayacani tu kina na vanua oya, na Buca i 'Akani me yacova mai na siga edaidai.

Josua (Ye’hoshua) 7:16-26

NA IVAQA NI BULA (FOOD FOR THE SOUL)

O koya e ciqoma na veivaqumi (bribe) e vakacacana na nona bula (soul) o koya vakataki koya, ia o koya e cata na veivaqumi e na bula. 28 ¶ Na vuniyalona na yalododonu e vakananuya ga na dina; ia na gusuna na vakasisila e tasova mai kina na  veika vakasisila.

Vosa Vakaibalebale (Mishlei) 15:27-28

LOMANI YAHUWE NA NOMU KALOU (LOVE YHWH YOUR MIGHTY ONE)

Dolava vei au na matamata ni yalododonu; au na curu kina, au na qai vakavinavinakataki Yahuwe (YHWH): 20 Oqo na matamata i Yahuwe (YHWH), era na curu kina na yalododonu. 21 Au na vakavinavinaka vei kemuni; baleta oni a rogoci au, ka yaco moni noqu ivakabula. 22 Na vatu era a cata o ira na matai, sa yaco me ivakadei ni tutu ni vale. 23 Oqo na cakacaka i Yahuwe (YHWH); e matalau dina e matada. 24 Oqo na siga a lesia o Yahuwe (YHWH); meda reki ka marau kina. 25 Vakabulai au i Yahuwe (YHWH), i Yahuwe  (YHWH) vueti au. 26 Me kalougata o koya e lako mai e na yaca i Yahuwe (YHWH): keimami na vakalougatataki iko mai na vale i Yahuwe (YHWH).  27 O Yahuwe (YHWH) na Kalou (Mighty One) sa vakararamataki keda, tuvana na itosotoso ni solevu e na tabanikau me yaco sara i na ileu (horn) ni cabocabo ni soro. 28 O kemuni oni noqu Kalou (Mighty One), au na vakavinavinaka vei kemuni; O kemuni na noqu Kalou (Mighty One), au na vakacerecerei kemuni. 29 Isa me soli na vakavinavinaka vei Yahuwe (YHWH) baleta o koya e vinaka; na nona yaloyalovinaka e tudei tawamudu.

Same (Tehellim) 118:19-29

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 142 o/o 1602	May 22, 2012
Reading	Hebrew Date
Yesha’yahu (Aisea) 8-9	Sivan 1, 5772
Click The Bible Text To Read It In Gateway In Another Language Or Version

http://www.biblegateway.com/passage/?search=Isaiah%208-9&version=AMP

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Butakoci Na iToki Ni iValu (Spoils of War Stolen)

Thought: Coveting And Stealing Does Not Pay; Will Affect Societal Efforts

................... 

Serving For Yom Sheini, Iyar 29, 5772.

(NB. In Counting Days Toward Shavu’ot (Gr:Pentecost), Today Is Day 44 out of 50)

MAI NA NEVI’IMI RISHONIMI (FROM THE NEVI’IM RESHONIM)

IA era a vakayacora e dua na cala vakailowa o ira na luve i Yisira'yili e na veika vakatabui; baleta o 'Akani na luvetagane i Karami, na luvetagane i Zavadi, na Iuvetaganbe i Zaraki, e na mataqali i Ya'huda; e a taura eso na veika vakatabui qai vunitaki ira; qori a qai vakatubura na leva i Yahuwe (YHWH) vei ira na Yis'rayili. 2 O Ye'hoshua a qai tala eso na tamata mai Yeriko i 'Ai, e toka volekati  Beiti-Aveni, e na yasana vaka i na vuaicake kei Beiti-Yili, qai kaya vei ira, Lako cake moni lai dikeva mai vakavuni na vanua. Era mani lako cake na tamata me ra lai dikevi 'Ai mai vakavuni. 3 Ni ra lesu vei Ye'hoshua, era qai mai kaya vua, Kakua ni laivi ira na tamata kece me ra lako cake; laiva me ra lako cake ga e rua se tolu na udolu na tamata, me ra lai vakarusai 'Ai; kakua ni talai ira na tamata kece me ra lako kina, baleta o ira na tagane ni 'Ai era le lailai ga. 4 Era mani lako cake e rauta e tolu na udolu na tagane ni Yisira'yili; era qai drobula ga mai vei ira na tagane ni 'Ai. 5 O ira na tagane ni 'Ai era mokuta e  le tolusagavulu ka ono;  era qai cemuri ira mai na nodra matamata, vakadua sara i She'varimi, era qai lai ravuti ira e na isirosiro. Na vuniyalodra na tamata a waicala vakadua me vaka na wai.

6 ¶ O Ye'hoshua a qai dresulaka na nona isulu, qai lutu sobu e matana i na dela ni qele, e na mata ni kato i Yahuwe (YHWH) me yacova na yalavi bogi, o  koya kei ira na matua ni Yisira'yili, ka ra biuta na kuvu ni qele e na dela ni nodra iqavoqavoka. 7 Kaya o Ye'hoshua, Oilei i Yahuwe (YHWH) na Kalou (Mighty One), na cava na vuna oni kauti ira mai kina na tamata oqo me ra takosova na Yaradani, moni qai mai soli i keimami tale i ligadra na Emori? A sega beka ni vinaka cake kemuni na Kalou (Mighty One) me keimami a cegu ga me keimami vakaitikotiko ga mai na tai kadua ni Yaradani? 8 Na cava beka meu kaya, ni ra sa lako vakanadakuya kedra meca o ira na Yisira'yili?  9 Na ka oqo era na rogoca dina o ira na  Kenani kei ira kece era tiko e na vanua oqo, era na qai sosoqoni vata me ra mai valuti keimami, era qai vakawabokotaka na yaca i keimami mai na dela i vuravura; na cava beka oni na qai cakava e na yacamuni vakaitamera.

10 ¶ Kaya o Yahuwe (YHWH) vei Ye'hoshua, Mata cake; na cava o davo tu kina e matamu e dela ni qele? 11 O Yisira'yili sa valavala ca e na nodra  vorata na ivakaro au a vakarota vei ira, baleta era sa taura mada ga na veika vakatabui, ka ra butako talega ka lasu; era qai vunitaka tu vata kei na nodra iyau. 12 Qori (na vuna) era na sega ni tu rawa tale kina o ira na Yisira'yili e matadra na kedra meca; era sa na vakanadakuya tiko ga na kedra meca, baleta era sa vatonaki tu; au na sega tale ga vakadua ni tiko vata kei kemuni, vakavo ga kevaka moni kauta laivi na vu ni vatovato mai na kemuni maliwa.13 Tucake, soqoni ira vata mai na tamata mo kaya vei ira, Ni vakarau me baleta na siga nimataka; baleta oqo na ka e kaya o  Yahuwe (YHWH) na Kalou (Mighty One) i Yisira'yili, Sa tiko e na kemuni maliwa e dua na vatovato, i  Yisira'yili; oni na sega ni rawa ni tu rawa tale e matadra na kemumi meca,  vakavo ga ke kau laivi na vatovato mai na kemuni maliwa. 14 E na mataka (ni mataka) oni sa na toroi mai vakavoleka vakamataqali;  e na qai yaco ni mataqali e dusimaka o   Yahuwe (YHWH), me ra na toso mai vakatokatoka; ia na tokatoka e dusimaka o Yahuwe (YHWH), me ra na basika mai vakamatavuvale o ira na lewena tagane yadua. 15 E na qai yaco ni o koya e dusimaki mai ni a taura vakailowa na veika vakatabui, ni na vakamai e na bukawaqa, o koya vata kei na veika kece e taukena; baleta o koya e a voroka na ivakaro i Yahuwe (YHWH), baleta talega ni a vakayacora na ivalavala vakasisila e  Yisira'yili.

Josua (Ye’hoshua) 7:1-15

NA IVAQA NI BULA (FOOD FOR THE SOUL)

Na sala ni bula e veituberi cake vei ira na vuku, me rawa ni toso laivi mai na boto i She’ola titobu. 25 ¶ O Yahuwe (YHWH) e na vakarusa na nona vale na dokadoka, ia e na taqomaka na nodra iyau na yada. 26 ¶ Na vakasama duka e vakasisila e na mata i Yahuwe (YHWH), ia na vosa savasava era taleitaki vua.

Vosa Vakaibalebale (Mishlei) 15:24-26

LOMANI YAHUWE NA NOMU KALOU (LOVE YHWH YOUR MIGHTY ONE)

Isa me soli na vakavinavinaka vei Yahuwe (YHWH); baleta ni vinaka o koya, na nona yalololoma e na tudei me tawamudu 2 Laivi Yisira'yili me kaya ni nona yalololoma e na tudei me tawamudu. 3 Laivi ira na kawa i Aharoni me ra kaya qo, ni nona yalololoma e na tudei me tawamudu, 4 Laivi ira era dau sokalou vei Yahuwe (YHWH) me ra kaya ni nona yalololoma e na tudei me tawamudu. 5 Mai na dela ni noqu loma leqaleqa, au a kacivi Yahuwe (YHWH); a qai tama mai o Yahuwe (YHWH), qai vakacegui au. 6 O Yahuwe (YHWH) e noqu dau ni veivukei; au na sega ni vakarerei, na cava e rawa ni cakava vei au na tamata? 7 O Yahuwe (YHWH) e noqu dau ni veivukei; qori au na raica kina na noqu gagadre ni yaco vei ira era sevaki au. 8 E vinaka cake sara meda biuta na noda inuinui vei Yahuwe (YHWH), mai na noda biuta na noda inuinui vei ira na tamata. 9 E vinaka cake meda biuta na noda inuinui vei Yahuwe (YHWH), mai na noda biuta na noda vakabauta vei ira na daunivakavulewa. 10 Na veivanua taucoko era a vakavolivoliti au: ia e na yaca i Yahuwe (YHWH) au na vakarusai ira. 11 Era vakavolivoliti au; io, era vakavolivoliti au; ia e na yaca i Yahuwe (YHWH) au na vakarusai ira. 12 Era vakavolivoliti au me vaka na qeleni pi; era boko laivi me vaka na buka qilaiso: baleta e na yaca i Yahuwe (YHWH) au na vakarusai ira. 13 Au a biliraki meu ceburaki laivi meu qai lutu; ia o Yahuwe (YHWH) a qai vukei au. 14 O Yahuwe (YHWH) na noqu kaukaua ka na noqu sere, ka sa yaco me noqu ivakabula. 15 Na domo ni mamarau kei na veivueti e tiko e na nodra valetabatabanikau na yalododonu; na liga i matau i Yahuwe (YHWH) e dau gugumatua. 16 Na liga i matau i Yahuwe (YHWH) sa vakacerecerei au, na liga i matau i Yahuwe (YHWH) e vakavuna na qaqa. 17 Au na sega ni mate, au na bula ga, meu tusanaka na cakacaka i Yahuwe (YHWH). 18 O Yahuwe (YHWH) e vakanakuitataki au vakawaromisa: ia e sega ga ni soli i au laivi meu mate.

Same (Tehellim) 118:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 141 o/o 1601	May 21, 2012
Reading	Hebrew Date
Yesha’yahu (Aisea) 5-7	Iyar 29, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

So Tale Na Vatovato Mai Vei Yahuwe (More Curse From YHWH)

Thought: Curses Should Alert Us To Our Need To Obey YHWH

................. 

Serving For Yom Chamishi, Iyar 11, 5772

(NB. In Counting Days Toward Shavu’ot (Gr:Pentecost), Today Is Day 26 out of 50)

MAI NA TORAA (FROM THE TORAH

Na kena isoqoni ga, ni na yaco vei kemuni na vatovato (curses) kece oqo, era na vakamuri i kemuni, ka toboki kemuni me yacova sara ni oni sa vakarusai; baleta ga ni oni sega ni galeleta na domo ni vosa i Yahuwe (YHWH) na nomuni Kalou (Mighty One), oni qai sega ni bula muria na nona ivakaro (mitzvot) kei na nona ilesilesi au vakarota tiko vei kemuni edaidai. 46 Na (vatovato) kece oqo era na ivakatakilakila ka ivakadinadina vei kemuni vata kei ira na nomuni kawa me tawamudu; 47 Baleta oni a sega ni qaravi Yahuwe (YHWH) na nomuni Kalou (Mighty One) e na yalomamarau, (e na gauna) e a levu tu kina vei kemuni na ka kece. 48 O koya oqori oni na dauveiqaravi tu kina vei ira na kemuni meca, e na vakatalai ira yani vei kemuni o Yahuwe (YHWH), ni oni viakana, ni oni viagunu, ni oni luvawale, ni oni gadreva na veika kece ga; o koya e na vakacolata tiko e dua na ivua kaukamea i domomuni, me yacova ni sa vakarusai kemuni. 49 O Yahuwe (YHWH) e na kauta mai e dua na matanitu mai na vanua yawa me mai valuti kemuni, mai na iyalayala kei vuravura, vakatotolo sara me vaka na totolo ni ikeli ni vuka; oya e dua na matanitu oni sega ni kila na nodra matuavosa; 50 E dua na matatamata era rairai vakadomobula; era sega ni via kila na itabaqase, se vakaraitaka na yalololoma vei ira na itabagone. 51 Era na kania na luve ni nomuni bulamakau kei na vuata ni nomuni vanua, me yacova ni ra sa vakarusai kemuni;  era na sega talega ni vakavoca tu mai vei kemuni na witi, na waini, na waiwai, na qeleni nomuni okisi, kei na qeleni nomuni sipi, me yacova ni ra sa vakarusai kemuni vakadua. 52 Era na bukuya na druadrua e na nomuni veikoro lelevu kece, me yacova ni sa bale (tauri) na bailalaga vakaivalu cecere e na nomuni veikorolelevu  e na nomuni vanua taucoko; era na bukuya tiko na druadrua  e na nomuni veikoro lelevu kece e na nomuni vanua e a solia vei kemuni o Yahuwe (YHWH) na nomuni Kalou (Mighty One).

Na iVakarua (D’varim) 28:45-52

NA IVAQA NI BULA (FOOD FOR THE SOUL)

O ira na dravudravua era na cati mada ga mai vei ira na wekadra vakaitikotiko, ia o ira na vutuniyau e na levu na nodra icaba. 21 ¶ O koya e cata na wekana vakaitikotiko e valavala ca; ia o koya e lomani ira na dravudravu, e na marau.

Vosa Vakaibalebale (Mishlei) 14:20-21

LOMANI YAHUWE NA NOMU KALOU (LOVE YHWH YOUR MIGHTY ONE)

Vakavinavinaka vei Yahuwe (YHWH), noqu bula. I Yahuwe (YHWH) na noqu Kalou (Mighty One), oni vakaitamera; oni vakaisulu e na dokai kei na sau vakaturaga. 2 Oni ubi i kemuni vakataki kemuni  e na rarama me vaka e dua na isulu: o kemuni oni dedeka na lomalagi me vaka na ilatilati, 3 O kemuni oni vakotora na ikaso ni nomuni vale e loma ni wai; oni  cakava na o me nomuni qiqi ni valu vakaturaga; o kemuni oni lako voli e na taba ni cagi, 4 O koya e buli i ira na nona mala’akimi me ra yalo, kei na nona dauniveiqaravi me ra yameyame ni bukawaqa, 5 O koya e a vakotora na yavu kei vuravura me kakua ni yavalati me tawamudu. 6 O kemuni oni ubia e na titobu me vaka e na isulu: na wai era tu e dela ni ulunivanua. 7 E na nomuni veivunauci era a veidroyaki, e na rorogo ni nomuni kurukuru era toso laivi vaqunaquna; 8 Era a cabe i na ulunivanua, ka siro i na veibucabuca i na veitikina oni sa vakatikori ira kina. 9 Oni qai lesia na iyalayala me ra kakua ni toso sivia, me ra ubia tale na vuravura.

10 ¶ O kemuni oni vakauta na tovure i na veibucabuca, me veidrodroyaki e na  maliwa ni veidelana. 11 Era solia na wainigunu vei ira na manumanu kecekece ni vanua; na asa kila era vakaceguya na nodra karamaca. 12 E batibatina, o ira na manumanu vakatabadra ni lomalagi era bulia kina na nodra itikotiko; mai na maliwa ni veidelana era lagalagasere tiko mai. 13 E vakasuasuai ira na veidelana mai loma ni nona loqi; o vuravura e vakacegui mai na vua ni nomuni cakacaka. 14 O koya e vakavuna na veico me ratubu me kedra na bulumakau, kei na veikau vuata me yaga vei ira na tamata, me rawata kina na kakana mai loma ni qele; 15 Kei na waini e dau vakamarautaka na vuniyalo ni tamata, kei na waiwai me vakalumisataka kina na matana, kei na madrai e dau vakaukauataka na vuniyalo ni tamata. 16 Na veivunikau i Yahuwe (YHWH), e sinai kina na dranikau, na sidari ni Le’vanoni e a tea o koya; 17 E keya o ira na manumanu vuka era bulia na nodra sova; ia o ira na belo na nona vale e tiko e na loga saipurusi . 18 Na vei ulunivanua cecere e nodra ivunivuni na mekila, na kena veivatu e nodra ivunivuni na koni.

19 ¶ O koya e lesia na vula e na vukuni veitabagauna, na matanisiga e kila vinaka na nona dromu. 20 O koya e bulia na butobuto, qai yaco me bogi; na gauna era dau veiqasiyaki mai kina na manumanu ni veikau. 21 Na laioni gone era tagi muria na kedra manumanu ni vakasasa, me ra vaqara na kedra kakana mai vua na Kalou (Mighty One). 22 Ni cadra na matanisiga, era qai soqoni vata me ra lai koto sobu tale e na loma ni nodra qara. 23 Na tamata era lako sobu i na nodra dui cakacaka i na nodra dui itavi me yacova na yakavi. 24 I Yahuwe (YHWH), era veicevacevai na nomuni cakacaka. e na nomuni vuku oni buli ira kece kina; na vuravura e sinai vutuvutu vakadua tu e na nomuni iyau.

Same (Tehellim) 104:1-24

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 123 o/o 1583	May 3, 2012
Reading	Hebrew Date
M’lakhim Alef (1 Tui) 6-7	Iyar 11, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sasaga nei Balaka kei Bi’lami (Balak And Bil’am Attempts)

Thought: Nothing Can Be Achieved, If YHWH Does Not Do It!

................. 

Serving For Shlishi, Nisan 4, 5772

MAI NA TORAA (FROM THE TORAH)

KAYA o Bi'lami vei Balaka, Tara vei au eke e vitu na icabocabo ni soro, qai vakarautaka vei au e vitu na okisi kei na vitu na sipitagane. 2 A cakava o Balaka me vaka e vakarota vua o Bi'lami; Rau qai cabora, o Balaka kei Bi'lami, e na icabocabo ni soro yadua, e dua na bulumakau tagane kei na dua na sipitagane. 3 Kaya o Bi'lami vei Balaka, Duri tu eke e na yasa ni nomu isorokama, meu lako mada o au; de dua e na mai tavaki au o Yahuwe (YHWH); na ka ga e vakatakila vei au o koya, au na mai tukuna vei iko. Oti sa qai biubiu vakanomodi mai keya o koya. 4 Na Kalou (Mighty One) a qai mai tavaki Bi'lami, qai kaya vua o koya (Bi'lami), Au sa vakarautaka oti tu e vitu na icabocabo ni soro, kau sa cabora tu e na icabocabo ni soro yadua e dua na bulumakau tagane kei na dua na sipitagane. 5 O Yahuwe (YHWH) a qai biuta e dua na vosa e na gusu i Bi'lami, oti qai kaya vua, Lesu vei Balaka, ia na vosa qo mo na kaya. 6 Lesu o koya vei Balaka; ia raica, ni o koya e se duri tu ga e na yasa ni nona isorokama; o koya vata kei ira kece na ravouvou ni Mo'ave.  7 Sa qai tusanaka na nona itukutuku o Bi'lami ni kaya, O Balaka na nodra tui na Mo'ave, a lai kauti au mai Arama, mai na veiulunivanua mai na vuaicake, ni kaya, Mai, mai vatonaki Ya'akove mada e na vukuqu. 8 Ia e rawa vakacava vei au meu vatonaki koya e sega ni vatovatotaka  na Kalou (Mighty One)? E rawa vakacava meu vakarusai koya e na sega ni vakarusa o Yahuwe (YHWH)?  9 Mai na dela ni ulunivanua oqo, au raici ira (na kawa tamata oqo), kau irovi ira mai na vanua cere oqo; qo e dua na kawa tamata era toka ga vakataki ira e na vakacegu, era sega ni wiliki ira vata kei na vo ni veimatanitu. 10 O cei e rawa ni wilika na kedra iwiliwili na luve i Ya'akove kei na kedra iwiliwili e dua na ikava kei Yisira'yili? Laiva meu mate me vaka na nodra mate na yalododonu, ka laiva na kequ itinitini me vaka na nodra (itinitini). 11 Kaya o Balaka vei Bi'lami, Na cava o sa cakava qo vei au? Au a kacivi iko mo mai vatonaki ira na kequ meca, ia raica o iko o sa vosa vakalougatataki ira tale. 12 Sauma o Bi'lami vua ni kaya, Raica, na ka ga e biuta i gusuqu o Yahuwe (YHWH), na ka oqori au na kaya.

Mai Lekutu (B’midbar) 23:1-12

NA IVAQA NI BULA (FOOD FOR THE SOUL)

O koya e taleitaka na lewa matau e taleitaka na kilaka; ia o koya e cata na veivakadodonutaki e druma.

Vosa Vakaibalebale (Mishlei) 12:1

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu, E na ilagalaga ni Lili (Lilies). Maivei Dawide.  2(1) Vueti au, kemuni na Kalou; baleta na wai sa toso mai me mai lomoci au. 3(2) Au lutudromu e na veidabibi titobu, e sega na kena yavu, au sa tu e na wai titobu, na dobui sa lomoci au tiko. 4(3) Au sa oca e na tagitagi: sa mamaca ka vuvutu mai na noqu i tilotilo: na mataqu sa malumalumu niu vaqara tiko na noqu Kalou (Mighty One). 5(4) O ira era cati au ni sega ni dua na vuna, era lewe levu cake mai na ilevu ni drauniuluqu. O ira era via vakacacani au, oya o ira era mai kequ meca era kaukaua ka vakavakaitamera; qai vinakati vei au meu vakasuka na veika, au a sega ni taura vakalowa. 6(5) Kemuni na Kalou, oni kila na noqu ivakarau lialia; na noqu ivalavala ca e sega ni vunitaki mai vei au. 7(6) Kakua ni laivi ira era vakararavi vei kemuni me ra madua wale e na vukuqu,  i Yahuwe na Kalou ni lewevuqa (YHWH Mighty One Tzva’ot); kakua ni laiva ira era vaqarai kemuni tiko me ra vakaucacataki me baleti au, kemuni na Kalou (Mighty One) i Isira’yili. 8(7) Baleta e na vukumuni, au colata tiko kina na vosa ni veivakacacataki; na madua sa kovuta tu na mataqu. 9(8) Au vulagi vei ira, vei ira na taciqu, ka kaitani vei ira na luve i tinaqu. 10(9) Na gugumatua e na nomuni vale sa vakayaloqaqataki au; na nodra veivakacacani o ira era vakacacani kemuni sa tau vei au. 11(10) Niu vakayalomalumalutaki au, ka vakararawataka na yaloqu e na lolo, qori au qai vakaucacataki kina. 12(11) Au cakava na isulutaga me noqu isulu tudei, au qai tini meu dua na ivosavosa vakaibalebale vei ira. 13(12) O ira era dabe toka e na matamata era talanoataki au; au sa qaqani ni nodra seresere na daumateni.

14(13) ¶ Ia o au, na noqu masumasu e vakanamata yani vei kemuni, i Yahuwe (YHWH) e na kena gauna vakadonui; o kemuni i Yahuwe (YHWH), e na vakaitamera ni nomuni loloma, vosa mai vei au, e na vakaitamera ni nomuni veivakabulai: 15(14) Vueti au, mai na veidabibi, laiva meu kakua ni dromu, laiva meu vueti mai vei ira era cati au, ka vaka kina mai na wai titobu. 16(15) Kakua ni biuta na wai mai na waluvu me lomoci au, kakua ni vakatara na wai titobu me tilomi au, kakua talega ni laiva na qara ni toevu me sogota na gusuna vei au. 17(16) Vosa mai vei au, i Yahuwe (YHWH); baleta na nomuni yalololoma e vinaka; vuki mai vei au e na vakaitamera ni nomuni yalololoma:  18(17) Kakua ni vunitaka na matamuni mai vua na nomuni dauniveiqaravi: baleta au sa leqa tiko, vosa mai vei au vakatotolo. 19(18) Toro voleka mai i na vuniyaloqu ka vakabulai au; vueti au mai vei ira na kequ meca.

Same (Tehellim) 69:1(0)-19(18)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 086 o/o 1546	March 27, 2012
Reading	Hebrew Date
Joshua (Y’hoshua) 19-20	Nisan 4, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Balaka kei Bi‘lami (Balak and Bil‘am)

Thought: For Protection, We Cannot Do Anything That YHWH Does Not Allow

 .....................

Serving For Sheini, Nisan 3, 5772

MAI NA TORAA (FROM THE TORAH)

Era qai toso tale na luve i Yisira'yili, era qai lai keba e na vanua bucabuca mai Mo'ave, oya e na tai kadua ni Yaradani donui Yeriko. 2 O Balaka na luve i Zipora, a dikeva matua tu na veika era a cakava mai na luve I Yisira'yili vei ira na Emori.  3 E a curumi ira na Mo'avi e dua na domobula vakaitamera e na vukudra na tamata, baleta ni ra lewe vuqa; era qai nuiqawaqawataka o ira na Mo'avi, baleta ni ra sa yaco yani na luve i Yisira'yili. 4 Era kaya o ira mai Mo'avi vei ira na matua ni Midiyani, O ira na kawa tamata qo era na dramica vakadua na veika era tu wavolivoliti ira, me vakataki ira na okisi era dau dramica vakadua na co ni veibuca. O Balaka, na luve i Zipora, e a tui Mo'ave tiko e na gauna oya. 5 A mani tala o koya eso na nona mata vakavanua vei Bi'lami na luve i Be'oro o koya e dau vakadewataka na tadra, ka vakaitikotiko voleka e na uciwai ni nodra vanua na luve i Amoni, me lai kacivi mai, ni kaya, Raica, era sa lako mai e dua na kawatamata mai Ijipita; raica, qo era sa robota mai na dela ni vanua, ka ra sa mai vakacokotaki tiko voleka sara vei au. 6 Lako mada mai, mo mai vatonaki ira  na kawatamata qo e na vukuqu; baleta o ira qo era sa rui kaukaua vakalevu cake sara vei au; de dua au na qai rawaa eso vei ira, meu vakarusai ira mai na dela ni vanua; baleta au kila ni o ira o vakaloutagataki ira era dau kalougata kei ira o vatonaki ira era dau tini vatovatotaki. 7 O ira na qase ni Mo'avi kei na qase ni Midiyani, o ira qo era sa buta vinaka tu e na cakaisausau, era qai lako vei Bi'lami, era qai lai vakasavuya vua na vosa e kaya mai o Balaka.  8 Kaya vei ira o koya, Dou moce mada eke e na bogi nikua; ni sa vosa oti vei au o Yahuwe (YHWH) au na qai rawa ni tukuna vei kemuni na isau ni nomuni kerekere. Era mani vakaicili tiko vei Bi'lami o ira na ravouvou ni Mo'ave. 9 Vosa na Kalou (Mighty One) vei Bi'lami ni kaya, O cei so na tamata era tiko qo vata kei iko?  10 Kaya o Bi'lami, vua na Kalou (Mighty One), o Balaka na luve i Zipora, na tui Mo'ave, e talatala mai vei au, ni kaya, 11 Raica, eso na tamata era lako mai Ijipita, era sa robota mai na dela ni vanua; lako mada mai, mo mai vatonaki ira e na vukuqu; deu na qai rawa kina ni valuti ira ka vakarusai ira. 12 Kaya na Kalou (Mighty One) vei Bi'lami, O iko mo kakua ni lako vata kei ira; o iko mo kakua ni vatonaki ira na tamata qo; baleta o ira era sa vakalougatataki oti tu. 13 Tu o Bi'lami e na mataka kadua qai kaya vei ira na ravouvou nei Balaka, Ni lesu i na nomuni vanua, baleta o Yahuwe (YHWH) e sega ni vakadonuya meu lako vata kei kemuni. 14 Era mani cavutu tale o ira na ravouvou ni Mo'ave, me ra lesu vei Balaka, era qai kaya vua, O Bi'lami e sega ni via lako mai vata kei keimami.

Mai Lekutu (B’midbar) 22:1-14

NA IVAQA NI BULA (FOOD FOR THE SOUL)

O koya e tara na nona vale e na lawaki ca, e na biuta tu mai vei ira na nona kawa na rarawa; ia o koya e sega ni vakarautaka na nona matavuvale e na tiko sautu, e vota na cagi vei ira na luvena; ia na lialia e na veiqaravi vei ira na vuku. 30 Na vuata e rawata na yalododonu e dua na vunikau ni bula; ia na nodra bula (soul) na vakasisila e na cemuri laivi. 31 Ke dredre na nodra bula na yalododonu, e na qai vakacava na kena dredre vakalevu cake na nodra o ira era vakasisila kei ira dau valavala ca.

Vosa Vakaibalebale (Mishlei) 11:29-31

LOMANI YAHUWE NA NOMU KALOU (LOVE YHWH YOUR MIGHTY ONE)

Me vakacaucautaki o Yahuwe (YHWH) baleta sa digitaki keda meda nona iwasewase; oya o koya e noda Kalou (Mighty One) ka ivakabula: (Sela) 21(20) O koya e noda Kalou (Yl Mighty One), e Kalou (Mighty One) ni veivakabulai, o Yahuwe (YHWH) na Sau (Sovereign), o koya e tu vua na lewa ni bula kei na mate; 22(21) Ia na Kalou (Mighty One), e na gutuva na uludra o ira era kena meca, kei na iqavokavoka vutivutia ni uludra o ira era gumatua ga e na ivalavala ca.

23(22) ¶ Kaya o Yahuwe (YHWH), Au na vueti ira na noqu tamata mai na veibaba, au na kauti ira mai na noqu tamata, mai na butoni wasawasa. 24(23) Me rawa ni toni na yavamuni e na nodra dra na meca, na yamedra na nomuni koli e na vakakina. 25(24) Era sa raica na nomuni ilakolako, kemuni na Kalou (Mighty One), oya na nomuni ilakolako o Kemuni oni noqu Kalou (Mighty One) ka noqu tui tabu. 26(25) Na ravouvou era lako e liu, o ira na daulagasere era muria tarava; e na kedra maliwa o ira na goneyalewa era qiria tiko na tibareli. 27(26) Vakavinavinaka vua na Kalou (Mighty One) e na loma ni isoqosoqo, oya vei Yahuwe (YHWH), o kemuni oni tubu mai vei Isira’yili. 28(27) E tiko o Biniyamini kei ira na nodra dau ni vakavulewa, o ira na ravouvou i Ya’huda kei ira na nodra kovana,  na ravouvou i Ze’vulunu kei na ravouvou i Nafitalai. 29(28) Vakarota kemuni na Kalou (Mighty One) na nomuni lewa; vakaukauataka na ka oni a cakava e na vuku i keimami. 30(29) Mai na nomuni vale tabu mai Yerushalayimi, o ira na tui era na kauta yani na isolisoli vei kemuni. 31(30) Vunauci ira na manumanu ni veidabibi, na ibinibini bulumakau kila, na nodra matakau na veimatanitu, era sa vakalou tiko e na siliva; cemuri ira na tamata era taleitaka na veivaluvaluti. 32(31) O ira na mata era na lako mai Ijipita; O Iciopia e na dodoka vakasauri na ligana vua na Kalou (Mighty One).

33(32) ¶ Lagasere vei Yahuwe (YHWH), o kemuni na veimatanitu kei vuravura; laga sere ni vakamuduo vei Yahuwe (YHWH). (Sela) 34(33) Vei koya e vodo tu e na dela ni lomalagi, mai na vuaicake e vakarogoya mai kina na domona, Raica, sa tabalaka na domona, io, e dua na domo vakaitamera. 35(34) Vakacaucautaka na kaukaua mai vua na Kalou (Mighty One); na nona sau e kovuti Isirayili kei na nona lewa ni tiko mai lomalagi. 36(35) Kemuni na Kalou (Mighty One); oni dau dokai mai na nomuni itikotiko tabu; na Kalou (Mighty One) i Isira’yili, o koya e solia na kaukaua kei na qaqa vei ira na nona tamata. Me vakacaucautaki tu ga na Kalou (Mighty One).

Same (Tehellim) 68:20(19)-36(35)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 085 o/o 1545	March 26, 2012
Reading	Hebrew Date
Joshua (Y’hoshua) 16-18	Nisan 3, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Biuti Vugona o Ya’akove (Ya’akov Depart From His Father in Law)

Thought: Becareful That You Do Not Accidently Curse Your Loved Ones

..................... 

Serving For Yom Rishon Tevet 20, 5772

MAI NA TORAA (FROM THE TORAH)

Oti sa qai cavutu o Ya'akove, ka vakavodoki iratou na luvena kei iratou na watina, e na kameli; 18 A qai toso i ira na nona bulumakau ka kauta laivi kece na nona iyau e a rawata mai Padana-Arama, me sa toso vei Yi'sake na tamana mai na nodra vanua na Kena'ani. 19 O Levani, a lako tu me lai tasi i ira na nona sipi; o Rejeli a qai butakoca na ivakatakarakara lalai nei tamana. 20 O Ya'akove a lawakitaki Levani na Arami e na ka oqo, baleta a sega ni tatau mai vua ni ratou sa na toki. 21 Qori a drotaka kina o koya na ka kece e nona o koya; e a cavutu, takosova na uciwai, me ratou sa vakanamata yani vaka i veiulunivanua mai Qili'ade. 22 O Levani a qai tukuni vua ni sa dro o Ya'akove ni sa oti e tolu na siga. 23 A qai kauti ira mai na wekana, me ra cemuri koya, ia ni sa oti e vitu na siga na nodra lako tiko era sa qai toboki koya e na ulunivanua o Qili'ade. 24 O Yahuwe a qai lako vei Levani na Arami e na dua na tadra e na bogi, qai kaya vua, Mo qaqarauni vinaka mo kakua ni vosavosa vei Ya'akove e na dua na ka, vinaka se ca

25 ¶ Oti sa qai yaco vei Ya'akove o Levani. E na gauna oya o Ya'akove, a sa birika tu kina na nona valelaca e na ulunivanua; o Levani talega kei ira na wekana, eratou sa keba tale toka ga e na ulunivanua o Qili'ade. 26 Kaya o Levani vei Ya'akove, Na cava beka au a cakava vei iko, o lawakitaki au kina mo drotaki rau kina na luvequyalewa, me vaka beka e ratou bobula, rau a rawa mai e na seleiwau? 27 Na cava o dro mai kina vakavuni mo lawakitaki au kina? O sega mada ga ni tukuna vei au, baleta au a rawa ni talaci kemudou mai vakavinaka e na mamarau, na lagalagasere, e na domo ni hapi kei na taborini.

28 O sega mada ga ni vakadonuya vei au meu reguci ratou ni veitalatala, na luvequtagane kei na luvequyalewa. Qo o sa vakayacora e dua na ka lialia, e na nomu cakava vaka oqo. 29 Au a rawa sara ga ni cakava vei iko e dua na ka ca, ia na nona Kalou (Mighty One) o tamamudou a mai vosa vei au e na bogi e na nanoa, ni kaya, Qaqarauni vinaka mo kakua ni vosavosa vei Ya'akove e na dua na ka, vinaka se ca. 30 Qo dou sa lako tiko e na nomudou ilakolako, baleta ni o sa galili ka gadreva vakalevu na vale i tamamu; ia na cava ga mo butakoca mai kina na noqu kalou (elohim)? 31 Sauma o Ya'akove qai kaya vei Levani Baleta au nuiqawaqawa; baleta au a kaya; De lakolako o qai tauri rau na luvemuyalewa vakaukau mai vei au. 32 O koya ga o kunea vua na nomu kalou (elohim) o koya e na sega ni bula.  Kena ikuri, ni ra tiko qo o ira na wekamu, dusimaka mai na ka ga e nomu, mo kauta lesu yani vata kei iko. O Ya'akove a sega ni kila ni o Rejeli ga a butakoci  ira mai.

Na iVakatekivu (B’resheet) 31:17-32

NA IVAQA NI BULA (FOOD FOR THE SOUL)

Na ibalavu ni veisiga e tiko e ligana imatau; ia e na ligana imawi na iyau kei na dokai. 17 Na nona sala era sala ni lomavinaka kei na veisala kece era veivakacegui. 18 O koya na vunikau ni bula vei ira era tauri koya; ka ra kalougata o ira era waraki koya.

Vosa Vakaibalebale (Mishlei) 3:16-18

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vakacava beka na kena dede, i Yahuwe (YHWH), oni na lecavi au tiko kina? 2 E na vakaevei na kena dede meu vosota tiko kina na rarawa e na noqu bula kei na vakaloloma e vuniyaloqu e veisiga? E vakaevei na kena dede era na vakacerecerei tiko kina o ira na kequ meca mai vei au? 3 Vakatulewa ka rogoci au i Yahuwe (YHWH) na noqu Kalou (Mighty One), vakararamataka na mataqu, deu na qai moce meu sa mate; 4 De lakolako era qai kaya na kequ meca, Au sa rawai koya; era qai mamarau kina o ira era dau vakaleqai au, baleta niu sa yavalati. 5 Ia o au, au dau vakararavi ga i na nomuni yalololoma; na vuniyaloqu e na mamarau ga e na nomuni veivueti. 6 Au na lagasere vei Yahuwe (YHWH), baleta o koya e sa vueti au.

Same (Tehellim) 13:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
015 Blog No. 1475	January 15, 2012.
Reading	Hebrew Date
Na iVakatekivu (B’resheet) 36-37	Tevet 20, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.