Na Leqa Levu Duadua! (The Largest Problem!)

Thought: People Simply Did Not Obey YHWH, They Even Refuse To  Do As He Wills!

 ..................

Serving For Yom Shlishi, [Fourth Month] Tammuz 24, 5773

 MAI NA NEVI’IMI AKARONIMI (FROM THE NEVI’IM ACHRONIM)

Cabe cake i na Li'vanoni, qai lai kaila kina; tabalaka na domomu mai Bashani, kaikaila mai 'Avarimi: baleta o ira kecekece na nomu daudomoni era sa ramusu. 21 Au a vosa vei iko e na nomu gauna ni sautu, ia o qai kaya, Au sega ni via vakarorogo. Qo sa nomu itovo tudei, mai na gauna sara o se gone lailai kina; o sega ni dau galeleta na veika au kaya. 22 Na cagi e na vakayarayarataki ira laivi na nomuni ivakatawa ni sipi, ia o ira na nomu daudomoni era na kau kece vakavesu. Oti qori o sa na qai madua ni o sa vakarogorogocataki, baleta na nomu ivalavala vakasisila kece. 23 O iko o vakaitikotiko mai na Li'vanoni, o vakasova tiko e na veitaba ni sitari; e na wacava na nomu na lomani, e na gauna sa yaco kina vei iko na vutu, me vaka e dua na yalewa sa yacovi koya na taratara. 24 Me vaka niu bula tiko, e kaya o  Yahuwe (YHWH), Kevaka mada ga me a [dua na] mama sitaba e na ligaqu imatau, o Konaiyahu na luve i Yo'hoyakimi na tui Ya'huda, keu a sa dreti iko laivi mai [ligaqu], 25 Meu qai soli i iko laivi vei ira era vaqara tiko na nomu bula, vei ira o dau domobulataki ira, vei  Ne'vukadreza na tui Bavela kei ira na Kasidimi.26 Au na kolotaki kemudrau laivi kei na tinamu o koya e a vakasucumi iko, i na dua tale na vanua e duidui mai na kena o a sucu kina, mo na qai lai mate mai keya. 27 Rau na sega ni lesu tale mai i na vanua rau a dau mateca tu me rau na lesu tale kina. 28 Na tamata beka qo o Konaiyahu e dau sevaki,  e dua na kuro kavuru, e dua na iyaya e sega ni dua e vinakata? Na cava na vuna era kolotaki laivi kina? Na cava na vuna, era kolotaki laivi kina, o koya kei ira na nona kawa i na dua na vanua era sega ni kila? 29 Isa na vanua, na vanua, na vanua! Rogoca na vosa i Yahuwe (YHWH). 30 Oqo na ka e kaya o Yahuwe (YHWH), Toqa toka na tamata oqo ni sega na luvena; o koya e dua vei ira e sega ni rawata e dua na ka e na [dua na itabagauna], e sega ni dua vei ira na luvena e rawaka, e sega ni dua [vei ira] e na dabeca na idabedabe vakatui i Dawide, se veiliutaki me vakavulewa e Ya'huda.

Yiremeyahu (Jeremaia) 22:20-30

NA IVAQA NI BULA (FOOD FOR THE SOUL)

O koya ga e vucesataka na nona cakava na nona cakacaka, e rau veitacini kei na dau veivakarusai. 10 ¶ Na yaca i Yahuwe (YHWH) e dua na valecere kaukaua; e dua na tamata yalododonu e na cici vakadua [me dro] kina, e na qai tabei cake [i dela ni nona leqa].

Mishlei (Vosa Vakaibalebale) 18:9-10

LOMANI YAHUWE NA NOMU KALOU (LOVE YHWH YOUR MIGHTY ONE

Haleluya! Vakacaucautaki Yahuwe (YHWH), [o iko] noqu bula. 2 Au na vakavinavinaka tiko vei Yahuwe (YHWH) e na gauna kece sara au bula tiko kina. Au na lagata na vakamolimoli vua na noqu Kalou (Mighty One), e na veigauna au bula tiko kina. 3 Kakua ni biuta na nomu inuinui vei ira na ravouvou, se vei ira era bula vakaiyalayala, o ira era sega ni veivuke [rawa]. 4 E na gauna era sa ceguva kina na nodra iotioti, era na lesu tale i na kuvu ni soso; e na siga vata oya, na nodra inakinaki kece sara era sa na cava.

5 ¶ E na marau o koya e dau vukei mai vua na Kalou (Mighty One) i Ya'akove, o koya e toka na nona inuinui vei Yahuwe (YHWH) na nona Kalou (Mighty One), 6 O koya e a buli i lomalagi kei vuravura, na wasawasa kei na veika kece era tu kina; o koya e taqomaka na dina me tawamudu; 7 O koya e kauta mai na lewa dodonu e vukudra era vakasaurarataki; o koya e solia na kakana vei ira era walokai. O Yahuwe (YHWH) e na sereki ira na kaivesu. 8 O Yahuwe (YHWH) e dolava na matadra na mataboko, o Yahuwe (YHWH) vakamatacaketaki ira era cuva sobu tu. O Yahuwe (YHWH) e taleitaki ira na yalododonu. 9 O Yahuwe (YHWH) e wanonovi ira tiko na tu yasa, o koya e tabei ira tu na luveniyali kei na yada, ia na nodra ivalavala na ca e vukica vakatobuicu.10 O Yahuwe (YHWH) e na vakavulewa me tawamudu, oya o koya na  nomuni Kalou (Mighty One), i Zaiyoni, e na veitabagauna kecekece. Haleluya!

Tehillim (Same) 146:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 283 in 5773 (Total 2011)	July 2, 2013
Reading	Hebrew Date
M’lakhim Bet (2 Kings) 15-16	M #4: Tammuz 24, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.  May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofisai Nei Moshe (Moshe’s Prophesy)

Thought: Yisra’yl Was Already A Stiff-necked People Before Moshe Died

.............. 

Serving For Yom Shlishi, Iyar 16, 5772

(NB. In Counting Days Toward Shavu’ot (Gr:Pentecost), Today Is Day 31 out of 50)

MAI NA TORAA (FROM THE TORAH

O Moshe a qai vola kina na sere oqo e na siga vata oya, oti qai vakatavulica vei ira na Yisira'yili. 23 O koya a qai solia vei Ye'hoshua na luve i Nuni e dua na ilesilesi ni kaya, Mo kaukaua ka qaqa; o iko o na kauti ira na Yisira'yili i na vanua au a bubuluitaka vei ira na tamadra; o au, au na dau tiko vata kei iko. 24 Ni sa vola oti o Moshe na vosa ni Toraa oqo me yacova sara na kena itinitini, 25 A qai vakaroti ira na Li'vi'imi era dau colata na kato ni veidinadinati i Yahuwe (YHWH), ni kaya,  26 Taura na ivola ni Toraa oqo, moni biuta e loma ni kato ni veiyalayalati i Yahuwe (YHWH) na nomuni Kalou (Mighty One), me rawa ni tiko e loma me ivakadinadina e na saqati kemuni tiko. 27 Baleta au kila vinaka tu ni oni dau talatalaidredre ka vaka kina ni oni tamata domoqa: Raica, niu se bula tiko mada ga oqo kei kemuni e na siga oqo, oni sa talatalaidredre tiko vei Yahuwe (YHWH); sa na qai wacava e na gauna au sa mate oti kina. 28 Vakasoqoni ira vata mai na matua kecekece ni nomuni veimataqali, kei ira na nomuni vunivola, meu rawa ni mai cavuta vei kemuni na veivosa oqo, meu qai kacivi  lomalagi kei vuravura me rau ivakadinadina saqati kemuni. 29 Baleta au kila vinaka tu, niu mate oti ga oqo, o kemuni oni na cakava na ivakarau vakasisila, e na nomuni saumaki laivi mai na sala au sa vakarota tiko vei kemuni; na leqa lelevu e na qai sauti kemuni e na gauna maimuri; ni oni sa vakayacora na ivakarau vakasisila e na mata i Yahuwe (YHWH) moni vakacudrui koya e na cakacaka ni ligamuni. 30 O Moshe a qai cavuta na vosa ni sere oqo, e matadra na lewe ni nodra isoqosoqo na luve i Yisira'yili, me yacova sara na kena itinitini.

Na iVakarua (D’varim) 31:1-18

NA IVAQA NI BULA (FOOD FOR THE SOUL)

O koya e dau vakamalumutaka na nona leva e vueta na vuniyalona; ia na levaleva e vu ni kena na vuca na sui. 31 ¶ O koya e vakasaurarataki ira na dravudravua e vakacudrui koya e a buli i koya, ia o koya e dokai Yahuwe (YHWH) e dau lomani ira na dravudravua.

Vosa Vakaibalebale (Mishlei) 14:30-31

LOMANI YAHUWE NA NOMU KALOU (LOVE YHWH YOUR MIGHTY ONE)

Vakavinavinaka vei Yahuwe (YHWH). Dau soli vakamolimoli vei Yahuwe (YHWH) baleta o koya e vinaka; na nona yalololoma e na tudei me tawamudu. 2 O cei e rawa ni vakayatuyatutaka na vakaitamera ni cakacaka i Yahuwe (YHWH)?  O cei e rawa ni vakaraitaka na vakavinavinaka e veiraurau kei Koya? 3 Era kalougata o ira era muria na nona lewa, kei ira era cakava tu ga na ka e dodonu e veigauna kece sara. 4 Nanumi keimami i Yahuwe (YHWH) e na veikauwaitaki oni dau tokoni ira kina na nomuni tamata; Sikovi keimami vata kei na nomuni veivueti. 5 Me rawa ni keimami raica na nodra vinaka o ira na nomuni digitaki, me keimami rawa ni mamarau e na nomuni reki, ka vakalagilagitaki e na nomuni ivotavota.

6 ¶ Keimami valavala ca vata kei ira na tama i keimami, keimami vakayacora na ivalavala tawakilikili ka keimami cakava na itovo vakasisila. 7 O ira na tama i keimami era sega ni kila na nomuni cakacaka veivakurabuitaki mai Ijipita, era sega ni nanuma na ilevu ni nomuni dau yalololoma, era qai vakacudrui koya mai na wasawasa, io mai na Wasawasa o Sufa. 8 Ia qai vueti ira ga o koya e na vuku ni yacana, me rawa ni cakava me vakarogoi na vakaitamera ni Nona kaukaua. 9 E a vosataka talega na Wasawasa o Sufa a qai mamaca vakadua; qori a qai tuberi ira kina e vanua titobu me vaka  ni tuberi ira e na loma ni veikauloa.10 E a vakabulai ira mai ligana na kedra meca; ka sereki ira mai ligana o koya e dau veivakararawataki. 11 Na wai a luvuci ira vakadua na kedra meca; a sega ni dua tale vei ira e vo. 12 Era sa qai vakabauta na nona vosa; ka lagata na nona vakamolimolitaki.

Same (Tehellim) 106:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 128 o/o 1588	May 8, 2012
Reading	Hebrew Date
M’lakhim Alef (1 Tui) 16-18	Iyar 16, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTotogi Ni Talaidredre (The Penalty Of Disobedience)

Thought: Ensure The Future Generation Through Obedience To YHWH

................... 

Serving For Yom HaShishi, Iyar 12, 5772

(NB. In Counting Days Toward Shavu’ot (Gr:Pentecost), Today Is Day 27 out of 50)

MAI NA TORAA (FROM THE TORAH

O ira na nomuni lalai, na watimuni yalewa, kei ira na vulagi era tiko e na nomuni keba, kei ira mada ga era nomuni daunicabuka kei ira na nomuni daunitakiwai; 11(12) Qo oni sa kau vata mai moni mai vauci e na veiyalayalati i Yahuwe (YHWH) na nomuni Kalou (Mighty One), ka moni vakaio i na nona bubului (ni vatovato), o Yahuwe (YHWH) na nomuni Kalou (Mighty One), e vakaduria tiko kei kemuni e na siga daidai.  12(13) E na nona sa na vakataudeitaki kemuni edaidai o koya moni nona matanitu, oya me sa na nomuni Kalou (Mighty One) o koya, me vaka a bubuluitaka vei ratou na tamamuni o Avarahama, o Yi'sake vata kei Ya'akove.13(14) Ia au sega ni vakaduria tiko na veidinadinati kei na bubului oqo vata kemuni duadua ga, 14(15) Ia vei kemuni kece oni duri tu oqo vata kei keda e na mata i Yahuwe (YHWH) e na siga oqo; 15(16) (Baleta oni kila vinaka tu na veika a yaco ni da a tu yasa tu mai Ijipita; kei na veika a yaco e na noda a toso basikati ira mai na veimatanitu, eda lako baleti ira mai; 16(17) Oni qai raica kina na nodra ivalavala vakasisila kei na nodra kalou matakau sivi mai na kauvaro kei na vatu ka boro tu e na waikoula kei na waisiliva). 17(18) (E na siga edai) me kakua ni dua vei kemuni na tagane, na yalewa,  na matavuvale se na mataqali  me riba tani na vuniyalona maivei Yahuwe (YHWH) na noda Kalou (Mighty One), e na nona lai qaravi ira na kalou (elohim) ni veimatanitu oqori; me kakua ni dua na waka vei kemuni me na vuataka na (ka) gaga (poison) se na gagaduvaduva (wormwood);  18(19) Ni sa rogoca na (tamata oya) na vosa ni vatovato oqo; de na qai vakasama vaka oqo e vuniyalona ni kaya, Au na bula vakacegu tikoga, e dina ga niu na cakava ga na ka au gadreva. Laiva meu vakasuasuataka mada na ivalavala mamaca oqo. 19(20) O Yahuwe (YHWH) e na sega ni via vosoti koya; na leva i Yahuwe (YHWH) kei na nona gugumatua e na tau mosimosi vua na tamata oya; na vatovato kece e volai tu e na ivola oqo e na bikai koya; o Yahuwe (YHWH) e na qai bokoca laiva na yacana mai na ruku ni lomalagi. 20(21) O Yahuwe (YHWH) e na tawasei koya tani mai na kedra maliwa na mataqali i Yisira'yili, me na sauti koya na leqa lelevu, mai na vatovato (curse) era volai tu e na veidinadinati ni ivola ni lawa oqo. E na siga oqo, oni sa duri kece tu e na mata i  Yahuwe (YHWH) na nomuni Kalou (Mighty One); o ira kece na iliuliu ni nomuni veimataqali, o ira na nomuni matua, o ira na nomuni vunivola, kei ira kece na tagane ni Yisira'yili,

Na iVakarua (D’varim) 29:10(11)-20(21)

NA IVAQA NI BULA (FOOD FOR THE SOUL)

Na vakasisila era cala ni ra bukia na vere, ia o ira na tamata yalovinaka ka yalododonu era cakava e levu na ka vivinaka. 23 E na nomuni cakacaka taucoko e tiko na kena tubu; ia o koya e se gone e sega na ka e leqataka ka na malumu tu ga. O Yahuwe (YHWH) e dau cakava me mavo na mavoa kece sara; ia na vosa kece sara mai na tebenigusuna na vakasisila e na yaco me vakavuna na dravudravua. 24 Na nodra isalavakatui na vuku, na nodra iyau; ia na nodra veivakacalai na lialia na nodra ilawaki.

Vosa Vakaibalebale (Mishlei) 14:22-24

LOMANI YAHUWE NA NOMU KALOU (LOVE YHWH YOUR MIGHTY ONE)

Raica na wasawasa vakaitamera ka rabailevu era kune kina na veika dauveiqasiyaki e na iwiliwili e vakaitamera, na veikabula midimidi se  vakavakaitamera. 26 Era veisokoyaki tu na waqa; e keya talega, era vakaitikotiko kina na Liviyatani,  oni a buli i ira me ra dauqito voli kina. 27 Na veika kece oqo era waraki kemuni, moni solia vei ira na kedra kakana e na kedra dui gauna. 28 E na veika oni solia vei ira, era mamau kina; oni dolava na ligamuni, o ira era na vakacegui. 29 Ni oni vunia na matamuni, era na veileqayaki: ni oni kauta laivi na nodra icegu, era na mate ka lesu tale i na kuvunisoso. 30 Oni tala yani na yalomuni, era qai buli; oni qai vakavoutaka tale na dela ni vuravura.

31 ¶ Na lagilagi i Yahuwe (YHWH) e gumatua me tawamudu; O Yahuwe (YHWH) e na taleitaka na nona cakacaka. 32 Ni wanonovi vuravura o koya, e na sautaninini; ni vosataka na veidelana era na kuvu vakacawa. 33 Au na lagasere vei Yahuwe (YHWH) e na veigauna kece au bula voli kina; au na lagata na sere ni vakamolimoli vua na noqu Kalou (Mighty One), e na gauna kece au bula voli kina. 34 Laiva na noqu vakamolimoli me talei vua; au na dau rekitaki Yahuwe (YHWH). 35 Laivi ira na dau valavala ca mera tilomi laivi mai vuravura, kei ira na vakasisila me ra oti vakadua. Vakavinavinaka vei Yahuwe (YHWH), o iko noqu bula (soul). Vakavinavinaka vei Yahuwe (YHWH).

Same (Tehellim) 104:25-35

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 124 o/o 1584	May 4, 2012
Reading	Hebrew Date
M’lakhim Alef (1 Tui) 8-9	Iyar 12, 5772
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Era Talaidredre Ga (They Were Simply Disobedient)

Thought: YHWH Offer Life To His Obedient Followers

...................... 

Serving For Yom Revee-ee, Chesvan 12, 5772

Kaya vei ira, Oqo na veika e kaya o Yahuwe na Sau (Sovereign YHWH): E na siga au a digitaki Isira'yili kina, au qai bubului niu dulaka na  ligaqu vei ira na kawa ni vale nei Ya’akove, au qai vakatakilai au vei ira e na vanua o Ijipita, niu a bubului vei ira au qai kaya vei ira, O au o Yahuwe (YHWH) na nomuni Kalou (Mighty One); 6 E na siga oya, au a bubuluitaka kina vei ira niu na kauti ira laivi mai na vanua o Ijipita i na vanua au sa solia oti vei ira, na vanua e drodro tu kina na sucu kei na hani, na vanua e totoka vakaoti  mai na veivanua kece:  7 Au qai kaya vei ira, Na tamata kece me kolo laivi mai matadra na nodra dui ivakatakarakara; kakua ni vakadukadukalitaki kemuni vakataki kemuni e na kaloumatakau mai Ijipita: o au o Yahuwe na nomuni Kalou (Mighty One). 8 Ia era qai talaidredre vei au, ni ra sega ni via vakarorogo vei au; era qai sega, o ira na tamata kecekece, ni kolo laivi na ivakatakarakara mai matadra; era sega talega ni biuta laivi na nodra kaloumatakau mai Ijipita; au qai kaya kina, Au na sovaraka na noqu cudru vei ira, me vakaceguya na noqu levaci ira, e na loma ni vanua o Ijipita.

10 ¶ O koya oqori au a qai kauti ira tani kina mai Ijipita, au qai kauti ira i na vanua veikauloa. 11 Au qai solia vei ira na noqu ivakaro, ka vakatakila vei ira na noqu ilesilesi; e na bula kina na tamata ke bula muria.  12 Kena ikuri, au a solia talega vei ira na noqu Veisiga ni vakacecegu, me ivakatakilakila vei au vata kei ira, me rawa ni ra na kila kina ni o au o Yahuwe (YHWH) o koya e yavu ni nodra vakatabui.

13 Ia na matavuvale i Isira'yili era a qai veisaqasaqa mai vata kei au e na loma ni veikauloa; era sega ni bula muria na noqu ivakaro, era cata na noqu lewa e na rawa kina ni bula na tamata e lomana me bula muria, na noqu Veisiga ni vakacecegu era vakadukadukalitaka vakadua; oti au qai kaya, Au na sovaraka yani vei ira na noqu leva cecekia e loma ni veikauloa meu vakarusai ira. 14 Ia au qai lomani ira e na vukuni yacaqu, me kakua ni vakarogocataki e matadra na kai Veimatanitu tani, oya o ira era a tiko e na gauna au kauti ira tani mai kina. 15 Au mani bubului vei ira e na loma ni veikauloa, niu na sega ni kauti ira e na loma ni vanua au sa solia oti tu vei ira, e drodro tu kina na sucu kei na hani, oya na vanua totoka vakaoti mai na veivanua kecekece;16 Baleta ni ra cata na noqu lewa, era qai vakadukadukalitaka vakaoti na noqu Veisiga ni vakacecegu; baleta na vuniyalodra a muria tiko ga na nodra dui kaloumatakau. 17 Ia na mataqu a vakavotaki ira, au qai sega kina ni vakarusai ira vakadua, au sega talega ni muduki ira vakadua e loma ni veikauloa. 18 Ia au kaya vei ira na luvedra e loma ni veikauloa, Kakua ni bula muria na nodra lawa o ira na nomuni qase, kakua talega ni vakayacora na nodra lewa, se vakadukadukalitaki kemuni vakataki kemuni e na nodra kaloumatakau: 19 O au o Yahuwe (YHWH) na nomuni Kalou (Mighty One); bula muria na noqu ivakaro, dikeva na noqu lewa moni vakayacora;

Isikeli (Yechezk’yl 20:1-19

I luvequtagane mo tagane vuku, mo vakamarautaka kina na vuniyaloqu, ka mo kauta laivi kina mai vei au na nodra veivakacacani o ira era dau vakacacani au.

Vosa Vakaibalebale (Mishlei) 27:11

O ira era veisokoyaki e na waqa, ka vakayacora na nodra bisinisi e na vei wasawasa lelevu, 24 O ira oqori era dau raica na cakacaka i Yahuwe (YHWH), kei na nona lagilagi  e na loma ni titobu. 25 Baleta o koya e vakarota ka vakavurea na cagi laba me vakatubura kina na kena biau. 26 Era tubu cake i lomalagi, era qai suka lesu i na boto ni wasaliwa; na vuniyalodra e veilecayaki e lomadra. 27 Era tataivatia vaka ka vaka, ka veicebayaki me vaka na tagane mateni, era sa toka sara ga e na bati ni domobula. 28 Era qai tagi vei Yahuwe (YHWH) e na nodra rarawa, qai vueti ira mai o koya mai na nodra vakaloloma. 29 E vakaruruya na cagilaba, me ra maravu na veibiau. 30 Era sa qai marau ni ra sa vakanomodi; sa qai kauti ira mai o koya i na toba era gadreva me ra vakarurugu kina. 31 Laivi ira na yalododonu i Yahuwe (YHWH) me ra vakamuduo vua; baleta na nona yalololoma sa no vei ira na luve ni tamata. 32 Laivi ira me ra vakalevulevui koya e na nodra isoqosoqo na tamata, ka vakavinavinaka vua e na nodra sosoqoni na qase.

33 ¶ E vukica na uciwai o koya me ra veikauloa, kei na veitoevu me ra vanua dravuisiga; 34 Na veivanua bulabula me ra talasiga, baleta na nodra ivalavala ca era vakaitikotiko kina. 35 E vukica na vanua dravuisiga me ra veitoevu ni wai, kei na veivanua mamaca me ra ivurevure ni wai. 36 E keya e  lewa me ra tiko kina o ira na walokai, me ra dui tara kina na nodra veikoro me ra vakaitikotiko kina, 37 Me ra kaburaki itei e na kena veiwere, ka teivaka e na veiloga ni vaini ka kania na kena vuata. 38 E vakalougatataki ira talega, me vakalevutaki na kedra iwiliwili; ka sega ni vakavuna me vakalailaitaki na nodra manumanu. 39 Oti era baci vakalewelailaitaki ka vakamalumutaki ni ra vakasaurarataki, ni ra tauvimate ka rarawa. 40 E luvuci ira na iliuliu o koya e na madua qai vakavuna me ra veiseseyaki ni ra veilakoyaki  voli e na veikauloa e na vanua e sega kina na gaunisala, 41 E vakaukauataki ira na dravudravua ka vakalevutaka na nodra veimatavuvale me vaka na qele ni sipi. 42 O ira na yalododonu era na raica era qai mamarau; o ira na dau valavala ca era na sogota na dui gusudra. 43 O ira era vuku, era qai bula muria na veika oqo; o ira oqori era na vakila na yalololoma i Yahuwe (YHWH).

Same (Tehellim) 107:23-43

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
313 Blog No. 1453	November 9, 2011.
Reading	Hebrew Date
Jeremaia (Yiremeyahu) 51-52	Cheshvan 12, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veisavosa kei Yahuwe (Counter-Arguing With Yahweh)

Thought: Yahweh Alone, Not Us, Can Materialize His Words

 ....................

Serving For Yom Shaynee, Tishrei 26, 5772

Kuria o Yiremeyahu ni kaya vei ira kece na tamata, na tagane kei na yalewa, Rogoca na vosa i Yahuwe (YHWH), o kemuni kece na tamata ni Ya'huda oni sa vakaitikotiko e na vanua o Ijipita. 25 Oqo na veika e kaya o Yahuwe ni lewevuqa (YHWH Tzva’ot) na nodra Kalou (Mighty One) na Isira'yili; O kemuni kei ira na watimuni, oni sa cavuta mai gusumuni ka sa vakayacora e na ligamuni, na ka oni sa kaya, Keimami na vakayacora dina na yalayala keimami sa yalataka oti, me keimami na vakama imadrali boi vinaka vua na ranadi ni lomalagi, ka sovara na imadrali gunuvi vua; oni sa vakadeitaka na nomuni yalayala, ni oni na vakayacora na ka oni sa yalataka. 26 O koya oqo moni rogoca matua kina na vosa i Yahuwe (YHWH), kemuni kece na tamata ni Ya'huda oni vakaitikotiko e na vanua o Ijipita; Raica, au sa bubuluitaka qo e na yacaqu vakaitamera, e kaya o Yahuwe (YHWH), na yacaqu sa na sega vakadua tale ni cavuti (named) mai gusudra na tamata ni Ya’huda e na vanua taucoko o Ijipita, era na sega talega ni kaya, o Yahuwe (YHWH) na Kalou (Mighty One) e bula tiko. 27 Baleta au sa na vaqunaquna meu kauta mai na leqaleqa vei ira, e kaya o Yahuwe (YHWH); o ira kece na tagane era tiko e na vanua vaka Ijipita, era na tilomi e na seleiwau kei na walokai kei na veimatedewa, me yacova niu sa vaqeavutaki ira vakadua. 28 Ia o ira era drobula mai na seleiwau, e vica vei ira era na biubiu mai na vanua o Ijipita mera lesu i na vanua o Ya'huda, ia o ira kece na vo vo kei Ya’huda era sa lako qo i na vanua o Ijipita me ra lai vakaitikotiko e keya, era na qai kila se na vosa nei cei e na yaco; na noqu se na nodra. 29 Ia qo e na ivakatakilakila vei kemuni e kaya o Yahuwe (YHWH), niu na totogitaki kemuni e na loma ni vanua oqo, me rawa kina ni oni kila ni na yaco dina ga vei kemuni na noqu vosa  e na vuku ni nomuni ivalvala ca. 30 Oqo na veika e kaya o Yahuwe (YHWH), Raica, au sa na soli i Fero na Ne’koho, na tui Ijipita, i ligadra na kena meca, i ligadra o ira era vaqara tiko na nona bula, me vaka na noqu a soli i Sidikiyahu na tui Ya'huda i na liga i Ne'vukadanesa na tui Bavela, na kena meca, o koya e a vaqara voli mai na nona bula.

Jeremaia (Yirmeyahu) 44:24-30

O koya e vakauta e dua na itukutuku e ligana e dua na lialia, e gunuva tiko na ca mai na ruku ni yavana o koya vakataki koya.7 Me vaka e dua na tamata lokiloki e sega ni rawa ni taubale, e vaka kina e dua na vosa vakaibalebale e gusuna e dua na lialia. 8 Me vaka e dua na vatu e na dua na irabo, e vaka kina o koya e vakarokorokotaka na lialia.

Vosa Vakaibalebale (Mishlei) 26:6-8

I YAHUWE (YHWH) na Kalou (Mighty One) o kemuni oni taukena na veisausaumi; Kemuni na Kalou (Mighty One) na itaukei ni veisausaumi, vakaraitaki kemuni mai. 2 Laveti kemuni cake, moni vakatulewataki vuravura; solia me dua na kedrai icovi o ira na viavialevu. 3 Yahuwe (YHWH) e na vakacava  na kena dede vei ira na ca, e na vakacava na kena dede era na dokadoka tiko kina o ira na qaciqacia? 4 Era na cavuta ka vosataka na veika tawadodonu? Era na kaya na veimataqali vosa dukadukali? 5 Baleta era sa vakamaduataki ira na nomuni tamata, i Yahuwe (YHWH), ka via lewa na veika e nomuni ivotavota. 6 Era vakamatei ira na yada kei ira na tawacala, ka labati ira na luveniyali e sega na tamadra 7 Ia era qai kaya, o Yahuwe (YHWH) e sega ni rai, ka sega talega ni galele mai na Kalou (Mighty One) nei Ya'akove. 8 Yalomatua mai o kemuni na sesewa e na kedra maliwa na tamata kei kemuni na lialia, e na gauna cava oni na qai yalomatua kina. 9 O koya e a tea na daliga, e na sega beka ni rogo rawa? O koya e a bulia na mata, e na sega beka ni rai rawa? 10 O koya e dau vunauci ira na veimatanitu, e na sega beka ni veivosataki? O koya e vakavulici ira na tamata na kilaka, e na sega beka vua na kilaka?

Same (Tehellim) 94:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
297/Blog No. 1437	October 24, 2011.
Reading	Hebrew Date
Jeremaia (Yiremeyahu) 11-13	Tishrei 26, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Talaidredre Kune Levu (Stark Disobedience)

Thought: Unwise To Defy Yahweh The Great Creator.

 ....................

Serving For Yom Revee-ee, Tishrei 7, 5772

Oqo na veika e kaya o Yahuwe (YHWH), Tu cake e gaunisala, vakararai, qai vakataroga se evei na gaunisala makawa, qai vaqara na sala vinaka, ka muria na sala oqori me vakacegu kina na nomuni bula (souls). Ia oni qai kaya, Keimami na sega ni lako kina. 17 Au a qai lesi i ira talega na nomuni ivakatawa, moni rawa ni galeleta na domo ni davui (shofar). Ia oni qai kaya, Keimami na sega ni galeleta.

18 ¶ O koya oqori moni rogoca kina, kemuni na veivanua, moni kila, kei kemuni na isoqosoqo, na veivakacalai sa tiko e na kedra maliwa.19 Rogoca i vuravura! Raica au na kauta mai na leqa vei ira na tamata qo, me veiraurau kei na vua ni nodra vakanananu, baleta era a sega ni rogoca na noqu vosa, na noqu lawa (Torah)  era a biliga laivi.  20 Na cava na inaki moni kauta mai kina vei au na ka boitotoka mai She’va kei na dovu me ka boikamica mai na veivanua yawa?  Na nomuni isorokama e sega ni donu vei au kei na nomuni imadrali era sega ni taleitaki vei au. 21 Oqori a kaya kina vakaoqo o Yahuwe (YHWH), Raica, au na viria na itatacaqe e matadra na kawatamata oqo, o ira na tama kei ira na luvedratagane era na sikalutu kece kina; o ira na wekadra vakaitikotiko kei ira na nodra icaba era na rusa; 22 Oqo na ka e kaya o Yahuwe (YHWH), Raica, e dua na kawa tamata era na siro mai na veivanua mai na Vualiku, e dua na matanitu levu e na mata cake mai na iyalayala kei vuravura. 23 Era na vakaiyaragi mai e na dakaititi kei na moto; era na vakadomobula ka na sega vei ira na loloma; na domodra e na vadugu mai me vaka na wasawasa; era na vodo mai e na ose; ka tuva mai me vaka na tamata ni vala me ra mai valuti kemuni, kemuni na luvei Saiyoni yalewa.

Jeremaia (Yirmeyahu) 6:16-23

Na tamata era na reguca na tebenigusu i koya e dau solia na vosa ni veivakadodonutaki

Vosa Vakaibalebale (Mishlei) 24:26.

Solia na daligamuni, kemuni na noqu tamata, i na noqu ivakavuvuli; vakala  na daligamuni i na vei mala ni vosa mai gusuqu. 2 Au na dolava na gusuqu e na vosa vakatautauvata: Au na cavuta na vosa vakatautauvata ni veitabagauna makawa: 3 Na kena eda sa rogoca oti ka kila, na kena era a vakamacalataka vei keda o ira na noda qase, 4 Eda na sega ni vunitaka mai vei ira na noda lalai, e na noda vakaraitaka vei ira na itabagone vou mai muri, na vakamuduotaki nei Yahuwe (YHWH) bau kina na nona kaukaua kei na veicakacaka vakasakiti e sa cakava oti. 5 Baleta o koya e a tauyavutaka e dua na ilesilesi vei Ya’akove ka virikotora e dua na lawa e Isire’yili, a qai vakarota kina vei ira na noda qase, me ra dau  vakatakila vei ira na nodra itabagone vovou: 6 Me rawa vei ira na itabatamata vou me ra na kila tiko, bau kina o ira na lalai era na qai sucu mai muri, me ra na tubu cake ka vakatavulica vei ira na dui luvedra; 7 Me rawa kina vei ira me ra dau tekia na nodra inuinui vua na Kalou (Mighty One), ka sega vakadua ni guilecava  na cakacaka ni Kalou (Mighty One), me ra qai bula muria na nona ivakaro; 8 Me ra kakua kina ni vakataki ira na nodra qase e dua na itabatamata yalovakatani, dau talaidredre; ni ra  a sega ni tekia donu na vuniyalodra, ka sega ni toka dei na yalodra vua na Kalou (Mighty One).

Same (Tehellim) 78:1-8.

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
277/Blog No. 1417	October 5, 2011.
Reading	Hebrew Date
Isaiah (Yesha’yahu) 31-33	Tishrei 7, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Esava Na Taci i Yakove (Esav the Brother of Ya’akov)

Thought: We Avoid Much Pain If We Rely On Yahweh

 ......................

Serving For Yom Revee-ee, Shevat 14, 5771

Ia ni raica o Esava ni sa vosa vakalougatataki Ya'akove na tacina, o Yisake, qai talai koya i Padana-Arama me lai digitaka e dua na watina mai keya, me vaka na nona vosa ni veivakalougatataka, ni a vakarota kina vua, Raica mo kakua ni vakawatitaka e dua vei ira na goneyalewa ni Kena’ani;  7 O Ya’akove a qai vakarorogo vei rau o tamana kei tinana qai  lako i Padana-Arama;  8 O Esava, ni raica ni o Yisake na tamana, e sevaki ira na goneyalewa ni Kena’ani; 9 A qai lako o Esava vei Yisima'yili na luvei Avarahama, qai lai tauri Basimati, na luvei Yisima'yili yalewa, na luve i Avarahama tagane, na ganei Na'vayota, me watina, me ikuri ni watina tale eso.

Vakatekivu (B’resheet) 28:6-9.

Baleta o ira era vakalougataki nei Jiova (Yahweh) era na taukeni vuravura; ia o ira era vakaloucataki  mai vua era na boko laivi. 23 Na nona ikalawa na tamata vinaka e vakataudeitaki mai vei Jiova (Yahweh): o koya e navuca na nona itosotoso.  24 Kevaka e bale, o koya e na sega ni mavoa; baleta o Jiova (Yahweh) e na tabei koya tiko e ligana.

Same (Tehellim) 37:22-24.

JIOVA (Yahweh) e noqu ivakatawa; e na sega na ka me na sega vei au. 2 E cakava o koya meu cegu e na veivanua veico drokadroka; e tuberi au e na bati ni wai maravu. 3 O koya e vakavoutaka na noqu bula. E tuberi au e na sala ni yalododonu e na vukuni yacana. 4 Io, e dina keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o kemuni oni tiko vata kei au; na nomuni moto kei na nomuni itoko era na vakacegui au. 5 Oni vakarautaka e dua na teveli e mataqu e na kedra maliwa na kequ meca; oni lumuta na uluqu e na ilumu,  na noqu bilo sa vuabale. 6 Sa dina ga ni na muri i au na nomuni yalovinaka kei na nomuni yalololoma e veisiga kece ni noqu bula;  au sa na lai vakaitikotiko voli ga e na vale nei Jiova (Yahweh) me tawamudu.

Same (Tehellim) 23:1-6.

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
019 /Blog No. 1158	January 19, 2011.
Reading	Hebrew Date
Genesis (B’resheet) 44-45	Shevat 14,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Loloma I Jiova. (Yahweh’s Compassion)

Thought: Yahweh Does Not Punish For Nothing; And His Compassion Is Tremendous

 ...............................................

Serving For Yom Ha Shee-shee 10^th Elul, 5770

Baleta o Jiova (Yahweh) e na sega ni guilecava me tawamudu, 32 E dina ni dau vakavuna na rarawa o koya, ia o koya e na tiko ga vua na yalololoma baleta ni vakaitamera ga na loloma e tu vua. 33 O koya e na sega ni vakavu rarawa vakaveitalia, ia e na vakararawataki ira ga na luvedra o ira na tamata qaqa, 34 ka butuki ira sobu e yavana o ira na kaivesu kecekece e vuravura, 35 Me vukica yani na dodonu ni tamata, vaka i matana o koya e Cecere sara, 36  Ka me veisautaka e dua na tamata e na nona inakinaki e sega ni vakadonui mai vei Jiova (Yahweh).

Lele I Jeremaia 3:31-36

Na cava tale meda qai kaya e na veika oqo? Ke to vata kei keda na Kalou (Mighty One ), o cei e na rawa ni saqati keda?

Roma 8:31. 

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
232	August 20	Elul 10	Psalm 116-118

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.