Na Veiqaravi Nei Yilaisa (Y’lisha’s Ministry)

Thought: Yilsha Asked For A Double Portion Of The Yilyah’s Spirit.

 .................................

Serving For Yom Ha Shee-shee, 29^th Sivan 5770

Ni rau sa takoso i tai kadua, sa qai kaya vei Yilaisa o Yilaiya, Kerea mai se cava meu cakava vei iko niu sebera ni kau laivi mai vei iko. Kaya o Yilaisa, Laiva me vakaruataki na ivotavota ni yalo e tiko vei iko, me sobuti au. 10 Kaya o koya, Sa rui levu na ka o kerea; ia veitalia, kevaka o raici au e na gauna au kau tani tiko kina mai vei iko, e na yaco dina ga vaka kina vei iko; ia ke sega, ia e na sega ni vaka kina. 11 Ia qai yaco, ni toso tiko na nodrau veitalanoa, raica ni a basika mai e dua na qiqi bukawaqa kei na ose bukawaqa, qai tawasei rau na rua; a qai cabe cake i lomalagi o Yilaiya e na dua na covulaca. 12 O Yilaisa a raica tu yani, qai qolouvaka ni kaya, I tamaqu, I tamaqu! Na qiqi ni valu i Isireli kei ira na nodra tamata dau ni vodo ose! Oti qai sega ni raici koya tale. A mani taura na nona isulu, qai basuka rua.

2 Tui 2:9-12

E na yalododonu qo, au sa kilai Jisu (Yahshua) kina, kei na kaukaua ni Nona vakaturi, au qai wasea vata kei Koya na veika voravora a sotava, kevaka mada ga meu tini mate kina me vakataki koya, 11 meu qai rawata kina e dua na sala, meu na vakaturi kina mai na mate.

Filipai 3: 10-11

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
162	June 11	Sivan 29	2 Chronicles 34-36

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Kauwaitaki Yilaiya na Kalou (Yahweh Cares For Yilyah)

Thought: Those Called By Yahweh, Do Their Work With Might

............................... 

Serving For Yom Shaynee, 25^th Sivan 5770.

E a curumi Yilaiya na domobula qai cavutu me drovaka na nona bula, ka lako sara i Bia-Shiba, e dua na koro nei Yahuda qai lai biuti ira na nona tisaipeli mai keya. 04 O koya vakataki koya a qai toso tale tiko me dua tale na siga, vakadua  i loma ni veikauloa, oti qai toka sobu e na ruku ni dua na vunioki; sa qai kerea e na vukuna o koya vakataki koya me mate ni kaya, Sa rauti au qo; I Jiova (Yahweh) kauta laivi na noqu bula; baleta au sega ni vinaka cake vei ira na tamaqu. 05 Oti qai koto sobu qai mani  mocelutu koto e ruku ni vunioki; ia raica, ni a tarai koya e dua na mala’aka (angel) qai kaya vua, Matacake, kana. 06 Ni rai cake o koya qai raica ni no toka mai uluna e dua na keke tavu e na koala, kei na dua na saqa wai. A mani kana o koya ka gunu, oti qai koto sobu tale. 07 E baci lako tale mai na mala’aka i Jiova (Yahweh), e na ikarua ni gauna, tarai koya qai kaya, Matacake mo kana ka gunu; baleta sa rui balavu na nomu ilakolako. 08 Matacake tale o koya qai kana ka gunu, oti sa qai toso tale e na kaukaua ni kakana oya me siga vasagavulu ka bogi vasagavulu, me yaco sara i Horeba na ulunivanua ni Kalou (Elohim).

09 Qai lai curu i na dua na qara vatu me sa vakaitikotiko kina; ia raica na vosa i Jiova (Yahweh) a qai lako mai vua, ka taroga vua, Na cava o cakava tiko eke, Yilaiya?
1 Tui 19:3-9

“Kaya vua na Nona turaga, ‘Daumaka, o iko o dauniveiqaravi yalodina ka nuitaki; o yalodina e na itavi lailai a nuitaki vei iko; Au na lesi i iko mo veiliutaki e na veika e vuqa. Curu i na marau ni nomu turaga.’

Maciu 25:23

  

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
158	June 7	Sivan 25	2 Chronicles 23-25

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Vakadrukai Peali na TURAGA (Yahweh defeats Baal).

Serving for the 3rd September, 2008.

E kaya sara o Ilaiya vei ira na paro­fita nei Peali, “Ni digitaka e dua na nomuni bulumakau, ni qai vakarautaka sara baleta oni lewe levu. Moni qai kaciva na yaca ni nomuni kalou (elohim), ia moni kakua ga ni waqaca na buka e rukuna. 26 Era sa kauta sara na bulumakau a soli vei ira, era qai vakaraitaka. Oti era sa qai kaciva na yaca i Peali mai na mataka me yacova na sigalevu tutu. “I Peali, rogoci keimami mai”. Ia a sega ni dua mai na kena isau; ka sega ni dua e sauma mai. Era sa qai vakarikava na i icabocabo ni isoro era a tara.
I Tui 18:25-26

Ni sa sivi na sigalevu, era se ia ga na parofi­sai vagumatua me lai yacova sara na gauna ni vaka­cabo isoro e na yakavi. E a sega tiko ga ni dua mai na kena isau, a sega ni dua a sauma mai, ka sega ni dua me galele mai.
I Tui 18: 29


A qai yaco e na gauna ni vakacabo isoro e na yakavi, sa qai toro mai i liu o Ilaiya na parofita, qai masu, “Kemuni na TURAGA (Yahweh), na Kalou (Elohim) nei Eparayama, Aisake kei Isireli, laiva me kilai mada edaidai ni o kemuni oni Kalou (Elohim) e Isireli, ia o au, au nomuni italai, kau cakava tiko na veika kece oqo baleta oni vakaroti au meu cakava. 37 Rogoci au mai, TURAGA (Yahweh), rogoci au mai; me rawa ni ra kila o ira na tamata qo ni o kemuni, TURAGA (Yahweh), oni Kalou (Elohim), ia oni sa vukica lesu tale tiko mai na yalodra.” 38 Sa qai lutu mai na bukawaqa ni TURAGA (Yahweh), qai vakama yavu na isoro, na buka, na vatu, kei na qele, ka dramica me mamaca na wai e na loma ni ikeli. 39 Ni ra sa raica na veika oqo o ira na tamata, era sa cuva sobu vakatoboicu era qai kaya, “Na TURAGA (Yahweh) – o koya e Kalou (Elohim)! Na TURAGA (Yahweh) – o koya e Kalou (Elohim)!” 40 Sa qai vakaroti ira o Ilaiya, “Vesuki ira kece na parofita nei Peali. Kakua ni biuta me dro bula e dua vei ira. Era qai vesuki ira, qai kauti ira sobu i na Buca o Kisoni o Ilaiya, qai lai vakamatei ira e keya.
I Tui 18:36-40

Also Read If Possible (Wilika Talega Ke Rawa)
Deuteronomy 13; 17:2-5; 18:18-22; 1 Kings 21-22; 2 Kings 9:30-10:28;

Philipians 2:5-11.

Bolei ira na Parofita nei Peali o Ilaiya (Eliyah Challenged the Prophet of Baal).

Serving for the 2nd of September, 2008

A qai yaco, ni oti e vica vata na siga, ni a yaco mai na vosa ni TURAGA (Yahweh) vei Ilaiya e na ikatolu ni yabaki ni kaya, “Lako, lai rairai mada vei Eapi, au na qai vakatauca tale na uca e na vanua.
I Tui 18:1

Ni sa raici Ilaiya o Eapi, e kaya sara o koya, “O iko dina beka qori, o koya e dau vakatubu leqa vei lsireli?” 18 E sauma o koya, “Au sebera ni b au vakatubu leqa vakadua e Isireli, ia o iko ga kei ira na matavuvale nei tamamu; baleta oni sa vakanadakuya na ivakaro ni TURAGA (Yahweh), moni muri i Peali. 19 Kacivi ira vata na tamata kece mai Isireli, me ra soqoni yani me ra lai sotavi au e na Ulunivanua o Kamela. Mo kauti ira talega yani na parofita nei Peali, le vanadrau limasagavulu, kei ira na parofita ni kalouyale­wa o Asera, le vanadrau, o ira era sa dau kana tiko e na teveli nei Jesipeli. 20 A mani vakau itukutuku i Isireli raraba o Eapi, ka vakasoqoni ira vata na parofita i na Ulunivanua o Kamela. 21 E a duri o Ilaiya, e matadra na tamata qai kaya, “E na vakaevei beka na dede ni nomuni lomalomarua tiko e nomuni vakasama? Kevaka e Kalou (Elohim) na TURAGA (Yahweh), ia muri i Koya: ia kevaka o Peali, ia muri i koya’. Era sega ni bau kaya e dua na vosa o ira na tamata. 22 E kaya tale o Ilaiya vei ira, “O au duadua ga au sa vo tiko vei ira na parofita ni TURAGA (Yahweh), ia o ira na parofita nei Peali, e vanadrau limasagavulu vakadua na kedra iwiliwili. 23 Me ra kauta sara mada mai vei keda e rua na bulumakau tagane. Laiva me ra digitaka e dua, qai laiva me ra cebecebeta vakalalai, me ra qai tuvana e na dela ni buka, ia me ra kua ni waqaca na kena buka. 24 O au talega au na vakarautaka na ikarua ni bulumakau, au qai tuvana e na dela ni buka, ia au na sega talega ni waqaca. Oti moni qai kaciva na yaca ni nomuni Kalou (elohim), ia o au talega au na kaciva na TURAGA (Yahweh). Na Kalou (Elohim) ga e sauma mai e na yameyame ni buka – laivi koya me Kalou (Elohim).” Era qai kaya kece na tamata, “E daumaka na nomu vakatutu.”
I Tui 18:17-24



Also Read If Possible (Wilika Talega Ke Rawa)
Vakarua 12:28-3; 32:36-39; Marika 8:27-29;
Luke 9:28-36; Jemesa 5:14-18 .

Vosa Vei Tui Eapi o Ilaija. (Eliyah speaks to King Ahab)

Serving for the 1st September, 2008

Ia e na ikatolusagavulukawalu ni yabaki nei Yasa na tui Jiuta, e a buli kina o Eapi na luve i Omirai me tui Isireli e a qai veiliutaki tiko vakatui mai Samaria, e Isireli raraba me ruasagavulu ka rua na yabaki. 30 O Eapi na luve i Omirai e a cacalaivi vakaoti na veika ca a dau cakava e na mata ni TURAGA (Yahweh), mai vei ira kece era a eliu mai vua. 31 E a qai yaco, me vaka beka ni ka lailai wale na ivalavala ca nei Jeropoama na luve i Nipati, ni a vakamautaki Jesipeli na luve i Ecipeali, na nodra tui na kai Saitoni, qai tekivu me qaravi Peali ka sokalou vua. 32 E a vakaduria e dua na icabocabo ni isoro vei Peali e na burekalou i Peali, e a tara mai Samaria o koya. 33 E a vakaduria talega o Eapi, ka vakayacora e levu ma ka o Eapi, me vakacudruya kina na TURAGA (Yahweh) na Kalou (Elohim) nei Isireli, ni vakatauvatani kei na veika era cakava o ira kece na tui Isireli era a bula eliu vua.
I Tui 16:29-33

O Ilaija na Tisibaiti, e dua e vakaitikotiko mai Kiliati e a vosa vei Eapi, “Me vaka ni bula dina tiko na TURAGA (Yahweh) nodra Kalou (Elohim) na kai Isireli, o koya au dau qarava, sa na sega ni lutu na tegu se tau na uca e na vica na yabaki mai oqo, vakavo ga keu kaya me yaco.” 02 Oti sa qai yaco mai vei Ilaija na vosa ni TURAGA (Yahweh) ni kaya: 03 “Biuta na vanua oqo, lako vaka i Natuicake, mo lai vuni tiko e na Buca o Keriti vaka ki na tokalau kei Joritani. 04 O na dau gunu tiko mai na waidrodro, Kau sa vakaroti ira talega na reveni me ra na vakani iko tiko e keya.” 05 Sa mani muria o koya na vosa a tukuna vua na TURAGA (Yahweh). E a lako o koya i na Buca o Keriti, e na tokalau kei Joritani qai lai tiko voli mai keya. 06 O ira na reveni era qai dau kauta vua na kena madrai kei na kena lewe ni manumanu e na veimataka kei na kena madrai kei na kena lewe ni manumanu e na veiyakavi, ia a gunu tiko ga o koya mai na waidrodro.
I Tui 17:1-6.

Niu sa sogota na lomalagi me kua ni tau na uca, niu sa vakaroti ira na vodre me ra tiloma na vanua, niu sa tala me veitauvi e dua na mate levu e na kedra maliwa na noqu tamata, 14 Ia o ira ga na noqu tamata, o ira era kacivi e na Yacaqu, kevaka era vakayalomalumutaki ira, era masumasu, era vaqara na mataqu, era qai vuki laivi mai na nodra ivalavala ca, au sa na qai rogoca ira mai lomalagi, au na qai bokoca laivi na nodra ivalavala ca, au na qai vakabula talega na nodra vanua.
II Veigauna 7:13-14.

Also Read If Possible (Wilika Talega Ke Rawa)
Deuteronomy 11:16-17; Mark 6:14-15; Luke 1:11-17; 9:7-8;

James (Jacob) 5:17-18.