Mate Na Luve I Yeruba’ala (Yeruba’al’s Sons Killed)

Thought: What Seems Right At First Can Kick Back Eventually

................... 

Serving For Yom Chamishi, Tammuz 1, 5772 (Rosh Chodesh)

MAI NA NEVI’IMI RISHONIMI (FROM THE NEVI’IM RESHONIM)

O Avimeleki na luve i Yeruba'ala a qai lako i She'kehema, vei ira (na vugona) na ganei tinana, a qai lai vosa vei ira kece na lewe ni matavuvale e na loma ni vale i tama i tinana ni kaya; 2 Vosa mada vei ira na matua e She'kehema, Na cava beka e vinaka vei kemuni, me ra mai veiliutaki vei kemuni o ira na luve i Yeruba'ala e vitusagavulu na tagane, se me dua ga na tamata me liutaki kemuni?  Nanuma tale tiko ga ni o au, au nomuni kawa (sui ka lewe vata kei kemuni). 3 Era mani lai vosa o ira na ganei tinana vei ira na matua mai She'kehema, me ra vakasavuya na vosa kece oqo; na vuniyalodra a qai galele me ra sa muri i Avimeleki; baleta era kaya, O koya e tacida. 4 Era sa qai solia  vua e vitusagavulu na ilavo (tiki ni) siliva mai na vale i Ba'ala-Pe'riti, me saumi ira kina eso na tamata tawayaga dau vakasausa  o Avimeleki me ra muri i koya. 5 A qai lako o koya i na vale i tamana mai Ofaraa, qai lai vakamatei ira na tacina, na luve i Yeruba'ala, e  vitusagavulu na tamata, e na dela ni dua ga na vatu; ia o Yotame na luvei  Yeruba'ala gone duadua, a qai vo voli; baleta ni a lai vunitaki koya vakataki 6 O ira kece na turaga bale mai  She'kehema era a qai soqoni vata kei ira na tamata kece mai Beiti-Milo, era qai lako me ra lai buli i Avimeleki me nodra tui, e na yasa ni duruvatu e toka e na ruku ni vunioki, e tubu tiko mai  She'kehema.

Dauniveilewai (Shof’tim) 9:1-6

NA IVAQA NI BULA (FOOD FOR THE SOUL)

O koya e taleitaka na ivakarau ca e taleitaka na veivakacalai kei na veisei; o koya e vakalevulevui koya vakataki koya, e vaqara na rusa. 20 ¶ O koya e dau veivakasewasewani e vuniyalona e na sega ni kunea na vinaka; ia o koya e  yame vakasisila e na sikalutu i na veivakacacani. 21 ¶ O koya e vakatubura (conceive) e dua na lialia e vakavuna na nona madua; o tamana e na sega ni kune marau vua.

Vosa Vakaibalebale (Mishlei) 17:19-21

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na Same i Dawide. I Yahuwe (YHWH), oni a vakadeuci au, oni sa kilai au. 2 Oni kila na noqu toka sobu kei na noqu tu cake, oni kila na yavu ni noqu vakasama mai cake. 3 Oni kila na noqu itovo kei na noqu gaunisala, oni kila vakaoti na noqu ivalavala taucoko. 4 Baleta ke tiko na veivakacalai e yamequ, raica i Yahuwe (YHWH) oni kila vinaka tu vakaoti. 5 Mai na ivakatekivu i na ivakataotioti, oni kilai au, i Yahuwe (YHWH) baleta oni a buli i au ka vakotora na ligamuni vei au. 6 Na kilaka vakaoqori e rui talei vei au; e cecere; au na sega ni tadolova rawa.

7 ¶ Evei beka au rawa ni dro kina mai na yalomuni? Se evei beka au rawa ni dro kina meu vuni mai matamuni? 8 Keu cabe cake i lomalagi, o kemuni oni tiko mai keya; keu siro sobu i She'ola, raica, o kemuni oni tiko talega mai keya. 9 Kevaka meu laveta na tabaqu me vakataki ira na ikeli, meu lai vakaitikotiko e na mua yawa duadua ni wasawasa, 10 E keya mada ga na ligamuni e na lai tuberi au, kei na ligamuni imatau e na vakadeitaki au. 11 Kevaka meu kaya, E dina ni butobuto e na ubi i au; ia na bogi mada ga e na rarama wavolivolita na mataqu. 12 Na butobuto e sega ni butobuto vei kemuni; na bogi e ramase tu vei kemuni me vaka na siga, na rarama kei na butobuto e rau tautauvata vei kemuni. 13 O kemuni oni a bulia na utoqu; oni a ciqomi au mai na kete i tinaqu. 14 Au na vakavinavinakataki kemuni; baleta na veika veivakurabuitaki oni sa cakava oti, e totoka na we ni nomuni cakacaka; na veika oqo sa kila vinaka tu na yaloqu. 15 Na veika au taukena era sega ni vunitaki mai vei kemuni, niu a caka vakavuni ka cakacakataki e ruku ni vuravura lolovira duadua. 16 Na matamuni e na raica na veika au taukena, ia au sega ni daumaka vakaoti; e na nomuni ivola, na veika kece oqo era volai tu kina, ni se bera mai na siga kei na tamata me buli mai.

17 ¶ E vakamareqeti vei au na nomuni yalololoma vei au, i Yahuwe (YHWH)!  E ka vakaitamera na kena iwiliwili. 18 Kevaka meu wilika, na kena vei ira e daumaka vakaoti, e na levu cake na kedra iwiliwili mai na mataninuku; niu yadra cake, au se tiko ga vata kei kemuni.19 E ka dina ni oni na vakamatei ira era dau valavala ca, kemuni na Kalou (Mighty One); moni lako laivi kina mai vei au, o kemuni oni dau vakadave dra. 20 Baleta era dau vosavakacacataki kemuni era qai kovea vakailowa na nomuni korolevu. 21 Au cati ira, i Yahuwe (YHWH), era cati kemuni; au sevaki ira kecekece era veimecaki kei kemuni. 22 Au cati ira e na veicati e dina vakaoti; au wiliki ira me ra kequ meca. 23 Vakadeuci au, kemuni na Kalou (Mighty One) moni kila na vuniyaloqu; vakatovolei au, moni kila na noqu itovo. 24 Raica ke tiko na noqu ivalavala vakasisila, tuberi au i na sala ni bula tawamudu.

Same (Tehellim) 139:1-24

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 172 o/o 1632	June 21, 2012
Reading	Hebrew Date
Yirmeyahu (Jeremaia) 19-21	Tammuz 1, 5772
Click The Bible Text To Read It In Gateway In Another Language Or Version

          

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Digitaka na Daunivakatulewa (Appoint Judges)

Thought: Judges Should Not Accept Bribes, that Causes Blindness

............... 

Serving For Yom Sheini Iyyar 1, 5772 (New Month)

(NB. In Counting Days Toward Shavu’ot (Gr:Pentecost), Today Is Day 16 out of 50)

MAI NA TORAA (FROM THE TORAH

O kemuni moni na lesia e  na vukumuni eso na daunilewa kei na vunivola e na nomuni korolevu kecekece, e a solia vei kemuni o Yahuwe (YHWH) na nomuni Kalou (Mighty One), e na loma ni nomuni veimataqali kece; o ira me ra dau vakatulewataki ira na tamata vakadodonu.19 O kemuni moni kakua ni kauta vakatani na veivakatulewataki; moni kakua ni veitovaki, se ciqoma na veivaqumi (bribe); baleta na veivaqumi e vakamatabokotaka na matadra na vuku e na gauna era vakataulewa tiko kina, era qai vakatanitaka na nodra ile na tawacala. 20 Ia moni vakataulewataki ira na wekamuni vakaitikotiko vakadodonu, me rawa ni oni bula, oni qai curu yani moni lai taukena na vanua e solia vei kemuni o Yahuwe (YHWH) na nomuni Kalou (Mighty One). 21 Moni kakua ni tea e dua na nomuni vunikau vei Ashera (Astarte) volekata na icabocabo ni soro i Yahuwe (YHWH) na nomuni Kalou (Mighty One), oni na tara tiko e na vukumuni o kemuni. 22 Moni kakua talega ni vakaduria e na vukumuni e dua na matakau; baleta o Yahuwe (YHWH) na nomuni Kalou (Mighty One) e cata oqori.

Na iVakarua (D’varim) 16:18-22

NA IVAQA NI BULA (FOOD FOR THE SOUL)

O koya e vakayagataka vakamanini na kuita, e cati luvenatagane; ia o koya e lomani luvena tagane e na vakatavulici koya vakavuku. 25 Na tamata yalododonu e kana e qai mamau; ia na ketedra na tamata ca e na gagadre tiko ga.

Vosa Vakaibalebale (Mishlei) 13:24-25

LOMANI YAHUWE NA NOMU KALOU (LOVE YHWH YOUR MIGHTY ONE)

Na masu i Moshe, na tamata i Yahuwe (YHWH). I Yahuwe (YHWH), o kemuni oni neimami itikotiko e veitabagauna kece sara. 2 Ni se bera ni ra buli na veiulunivanua, ka se bera ni oni bulia na vanua kei na vuravura, mai na tawamudu ki na tawamudu o kemuni ga oni Kalou (Mighty One). 3 Oni vukica na tamata me rusa; oni qai kaya, Lesu mai, kemuni na nodra lalai na tamata. 4 Baleta e duanaudolu na yabaki e matamuni e vaka wale na siga e nanoa ni sa sivi, ka vaka e dua na matayadra e na bogi. 5 Na ibalavu ni nodra bula e na vaka e dua na moce; e na mataka era na vaka na veico tubu e na bogi: 6 E na mataka lailai, e na buroro ka tubu cake, e na yakavi e na musu sobu, ka malai yani.

7 ¶ Baleta keimami tilomi e na nomuni cudru, e na nomuni leva waromisa ka taqaya e na nomuni cudru waqawaqa. 8 Oni sa tuvana na neimami ivalavala ca e mata i keimami, na ivalavala ca mai na gauna ni neimami tabagauna e na rarama ni kemuni iserau. 9 Na neimami veisiga kece era sa takali e na nomuni leva waromisa, keimami qai bulataka na neimami veiyabaki e na galili. 10 Na yabaki ni neimami bula e na vakatolutaki na ruasagavulu vata kei na tini; ia e na vuku ni kaukaua e na rawa ni vakavataki e ruasagavulu na  yabaki, ia e na levu ga kina na cakacaka kei na vutugu; baleta na bula e na totolo ga na kena gutu laivi, eda na qai vuka laivi. 11 O cei e kila na kaukaua ni nomuni cudru, na kena vakadomobula na nomuni leva waromisa?

12 ¶ Vakavulici keimami me keimami dau wilika na neimami veisiga, me rawa ni keimami vagolea na vuniyalo i keimami i na vuku. 13 Lesu mai i Yahuwe (YHWH). E na vakacava na dede ni nomuni sega ni vakaceguya na nomuni dauniveiqaravi. 14 Vakacegui keimami vaqunaquna e na nomuni yalololoma, me rawa ni keimami mamarau ka reki e na neimami veisiga kecekece. 15 Vakamarautaki keimami baleta na neimami ivalavala vakasisila sa mate, na veitabayabaki keimami dau kune rarawa tu kina, 16 Laiva na nomuni cakacaka me basika vei ira na nomuni dauniveiqaravi, kei na nomuni dokai vei ira na luvedra. 17 Laiva na totoka kei Yahuwe (YHWH) na neimami Kalou (Mighty One) me kovuti keimami, baleta na cakacaka ni ligana a buli i keimami, io, e a buli i keimami e na cakacaka ni ligana.

Same (Tehellim) 90:1-17

O KOYA e vakaitikotiko e na veitaqomaki nei Yahuwe (YHWH Ylyon) e na bula tiko e na ruku ni yaloyalo nei koya na Kaukaua (Shaddai). 2 Au na tukuna vei Yahuwe (YHWH), O koya e noqu idrodro ka noqu isasabai; na noqu Kalou (Mighty One); o koya au na vakabauta. 3 E ka dina ni o koya e na vueti iko mai na nona tudai na daubiri dai, ka vaka kina mai na kakase tawayaga. 4 E na vakarurugi iko e na lawena, e na ruku ni tabana o na vakararavi; na nona dina e na nomu isasabai ka ivakaruru. 5 O na sega ni domobulataka na veivakacacani e na bogi, se na gasau ni dakaititi era veivukayaki e na siga; 6 Se na inakinaki ca e tete e na butobuto; se na matetaka e veivakamatei e na sigalevu tutu. 7 E udolu era na veibaleyaki e yasamu, e tininaudolu e ligamu imatau; ia e na sega ga ni toro volekati iko. 8 E na matamu ga o na raica na kedra itotogi na tamata ivalavala ca.

9 ¶ Baleta o kemuni i Yahuwe (YHWH) oni noqu inuinui; oni sa vakataudeitaka na nomuni itikotiko e na tikina sa cecere sara; 10 E sega ni dua na ka domobula e na yacovi iko, e sega talega ni dua na matetaka e na toro volekata na nomu itikotiko. 11 O Koya e na vakaroti ira na nona mala’akimi, me ra maroroi iko e na nomuni ilakolako kece sara. 12 Era na tabei iko cake tiko e ligadra, de qai tavutu na yavamu e na dua na vatu. 13 O na butuka na gata-vaipa kei na gata-eda; o na butuka sobu na laione e na yavamu vata kei na gata vakaitamera. 14 Baleta ni dau lomani au o koya, qori au na vueti koya kina; au na vakatikori koya e na vanua cecere, baleta o koya sa kila tiko na yacaqu. 15 O koya e na kacivi au mai, au na tama yani vua; au na tiko vata kei koya e na gauna ni leqaleqa; au na vueti koya ka vakalagilagitaki koya; 16 E na bula balavu, au na vakacegui i koya, ka vakaraitaka vua na noqu veivakabulai.

Same (Tehellim) 91:1-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 113 o/o 1573	April 23, 2012
Reading	Hebrew Date
Sh’mu’yl Bet (2 Samuela) 7-9	Iyyar 1, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veiliutaki Kei Na Daunilewa (Leaders and Judges).

Thought: In Judging Do Not Look At Peoples Faces, To Be Fair

......................... 

Serving For Shabbat, Nisan 8, 5772

MAI NA TORAA (FROM THE TORAH)

Au a kaya vei kemuni e na gauna oya, Au na sega ni colati kemuni tiko o au ga vakataki au. 10 O Yahuwe (YHWH) na nomuni Kalou (Mighty One) sa vakalevutaki kemuni; raica, e na siga edai, o kemuni oni sa tautauvata kei na kalokalo ni lomalagi na kemuni i wiliwili.11 (Me qai vakalevutaka tale vakaudolu na kemuni ilevu, mai na kemuni iwiliwili nikua o Yahuwe (YHWH), na nodra Kalou (Mighty One) na tamamuni, ka vakalougatataki (barakh) kemuni me vaka a yalataka vei kemuni). 12 E na rawa vakacava vei au meu colata duadua na nomuni veibeitaki, na nomuni icolacola bibi, kei na nomuni sasaga? 13 Lesia mai na kemuni maliwa na tamata vuku e tu vei ira na yalomatua ka kilai levu, e na loma ni nomuni veimataqali, au na qai lesi i ira me ra nomuni turaga.14 Oni qai sauma moni kaya mai vei au, Na veika oni vakamacalataka tiko, e vinaka vei keimami me keimami cakava. 15 Au sa mani tauri ira na turaga ni nomuni veimataqali, na turaga vuku ka kilai, au qai lesi i ira me ra turaga vei kemuni, me ra komada ni yaudolu, kavetani ni yadrau, ka iliuliu ni  yalimasagavulu, ni yatini kei na turaga lalai eso e na nomuni veitokatoka.  16 Au a vakaroti ira na nomuni daunilewa e na gauna oya, niu kaya, Ni rogoca na ile ni nodra veileti o ira na wekamuni, moni qai dau veivakatulewataki vakadodonu e na kedrau maliwa e dua na tamata kei na tacina, kei ira na vulagi era tu yasa tu vata kei koya. 17 Moni kakua ni veitovaki vei ira na tamata e na nomuni vakataulewa; ia moni rogoci ira era sega ni rogo, vakatautauvata kei ira era rogo levu, moni kakua ni taqaya baleta na mata ni tamata; baleta na lewa e tauca mai na Kalou (Mighty One); ia na ile e dre dre vei kemuni, moni kauta mai vei au, au na qai mai rogoca. 18 Au a vakaroti kemuni oti e na gauna oya, na veika kecega moni dau cakava,

Na iVakarua (D’varim) 1:9-18

NA IVAQA NI BULA (FOOD FOR THE SOUL)

Na tamata e na vakacaucautaki me veiraurau kei na nona vuku; ia o koya e lailai vua na yalomatua e na dau sevaki. 9 ¶ E vinaka cake na tamata dravudravua e dau qaravi koya vakataki koya, mai vei koya e dau dokadoka, ia e lailai tu na kena madrai.

Vosa Vakaibalebale (Mishlei) 12:8-9

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Sholomo. Solia vua na tui na nomuni lewa kemuni na Kalou (Mighty One) kei na nomuni yalododonu vua na luve ni tui tagane. 2 Me rawa vua me vakatulewa vei ira na nomuni tamata e na yalododonu kei ira na nomuni dravudravua e na vinaka. 3 Na vei ulunivanua era na kauta mai na sautu vei ira na nomuni tamata, kei na veidelana na nomuni yalododonu. 4 O koya e na vakataulewa vei ira era dravudravua e na kedra maliwa na tamata; ka vueti ira na luvedra o ira gadreva na veivuke. O koya e na tabaki ira sobu era dau veivakararawataki. 5 Era na rerevaki kemuni e na veigauna kece e tiko kina na siga kei na vula, e na veitabagauna taucoko. 6 O koya e na mimira mai me vaka na uca e na dela ni veico wereci; me vaka na uca mamada e vakasuasuataka na qele. 7 E na nona veisiga era na serau na yalododonu, ka na levu na sautu, ia me tudei tiko ga na vula. 8 E na vakataulewa mai na wasawasa i na wasawasa, ka vaka kina mai na na uciwai iyalayala kei vuravura. 9 O ira era vakaitikotiko e na yanuyanu era na cuva vua, o ira na kena meca era na dramica na kuvunisoso. 10 O ira na tui mai Tasisi ka vaka kina o ira mai na veiyanuyanu, era na kauta mai na iloloma. Na tui mai She’va kei Se’va rau na mai cabora na iloloma soliwale 11 Io, o ira kece na tui era na sokalou vua, na veimatanitu kecekece era na qaravi koya; 12 Baleta na vueti era gadreva na veivuke mai vei ira na vakaitamera; kei na dravudravua talega e sega ni dua me vukei koya. 13 E na taqomaki ira na dravudravua kei ira era gadreva na veivuke, ka vakabula na nodra bula (soul) o ira era gadreva na veivuke. 14 E na vueta na nodra bula (soul) mai na veivakacalai kei na ivalavala kaukaua; e na vakamareqeti na nodra dra e matana. 15 O koya e na bula, ia vei koya e na soli na koula mai She’va. Na masumasu talega e na cabori vua e veiveigauna, ka na vakavinavinakataki o koya e veiveisiga. 16 E na vakatubu iwiliwili me vaka na witi e dela i vuravura; na sorena e na tutubu e na dela ni veiulunivanua, me vaka mai Li’vanoni; o ira e na vei korolelevu era na tubu vinaka me vaka na co ni vanua. 17 Na yacana e na  tudei me tawamudu; na yacana e na tikotikoga me vaka na matanisiga; na tamata era na kalougata e na vukuna; na veimatanitu kecekece era na vakatokai koya ni kalougata.

18 ¶ Me vakavinavinakataki o Yahuwe (YHWH) na Kalou (Mighty One) na nodra Kalou (Mighty One) na kawa Isira’yili, o koya duadua e dau cakava na ka veivakurabuitaki. 19 Me vakavinavinakataki na yacana dokai ka me sega ni mudu; laiva me vakasinaiti o vuravura e na nona dokai. Omaine, Omaine.

Same (Tehellim) 72:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 090 o/o 1550	March 31, 2012
Reading	Hebrew Date
Shof’tim (Dauniveilewai) 3-5	Nisan 8, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.