Na iSosomi Yalataki (The Promised Successor)

Thought: Keep Your Faith Alive in Yahweh

 ......................

Serving For Yom Revee-ee, Av 17, 5771

Vakararai tiko, baleta na siga sa tadu mai, e kaya o Yahuwe (YHWH) au na cakava kina na veika vivinaka au dau kaya tiko me baleta na matavuvale i Isira'yili kei na matavuvale nei Ya'huda. 15 E na veisiga oya, e na gauna oya, au na vakatubura kina vei Davide e dua na kena isosomi yalododonu; e na qai vakavulewa tiko e na loma ni matanitu ka na kune vua na kilaka, ka na dau vakayacora na lewadodonu kei na cakacaka dodonu e loma ni vanua. 16 E na veisiga oya, o Ya'huda e na vueti vata kei Yerushalayimi sa na tiko vinaka: ia qo na yaca era na kacivi koya kina, o Yahuwe (YHWH) na noda yalododonu.

17 ¶ Baleta qo na ka e kaya o Yahuwe (YHWH), O Davide e na sega vakadua ni sega na kena isosomi me dabe e na idabedabe vakatui e na matavuvale nei Isira'yili; 18 E na sega talega ni lailai na kohanimi kei ira kawa Livai e na sega vakadau ni sega na nona tamata me tu e mataqu, me dau cabora na isoro kama, vakama na imadrali laukana, ka dau vacabo isoro tiko ka vakama isoro boi kamica tiko e veiveigauna kece.

Jeremaia (Yirmeyahu) 33:14-18

AU VOSOTA niu waraki Yahuwe (YHWH) tiko; qai vuki maivei au o koya ka rogoca na noqu kerekere. 2 A vueti au cake talega mai na ikeli vakadomobula, mai na veidabibi ni rusa, qai vakaduria na yavaqu e na dela ni uluvatu, me vakataudeitaka na noqu ilakolako. 3 E a biuta o koya e dua na serevou e gusuqu, na vakavinavinaka vua na noda Kalou (Mighty One), me le levu era raica era qai marautaka ka vakabauti Yahuwe (YHWH). 4 E kalougata na tamata e tiko na nona vakanuinui e na yaca i Yahuwe (YHWH), ka sega ni saumaki lesu i na qaciqacia; se na veitalanoataki ni veika lasulasu. 5 E levu na cakacaka oni sa vakayacora vei keimami i Yahuwe (YHWH) na neimami Kalou (Mighty One) kei na nomuni veikaroni talei vei keimami; au  tusanaka ni sa rui levu sara vakaoti me wiliki rawa, e sega ni dua e tautauvata kei kemuni.

6 ¶ Na isoro kei na imadrali oni sega ni vinakata; ia o au vakataki au, qo au sa qai yalomatuataka; na isoro kama kei na imadrali ni valavala ca oni sega ni vinakata 7 Oti au qai kaya, Raica, au lako mai; e na ivakatekivu ni ivola, e volai tu me baleti au,  8 E ka ni marau meu vakayacora na nomuni inaki o kemuni na noqu Kalou (Mighty One; io, na nomuni lawa sa tiko e vuniyaloqu: 9 Au sa vunautaka na nomuni yalododonu vei ira na isoqosoqo levu: au a sega ni tarova na tebenigusuqu i Yahuwe (YHWH) oni kila. 10 Au sega ni vunitaka na nomuni yalododonu e vuniyaloqu; au sa tusanaka na nomuni yalodina kei na nomuni veivakabulai; Au sega ni tabonaka na nomuni yalololoma kei na nomuni dina mai vei ira na isoqosoqo levu.

Psalms (Tehellim) 40:1-10

Siga (Day)/Blog	Tikinisiga (Date)
228/Blog No. 1368	August 17, 2011.
Reading	Hebrew Date
Same (Tehellim) 107-108	Av 17, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Kaukaua Ni Vakabauta . (The Superiority Of Faith).

Thought: Ensure That You Have Faith In What Are True, Not In Obvious Lies

...............................................................

Serving For The 21^st December, 2009

Ia ni da raica ni o keda tale ga, eda sa viribaiti tu e na dua na o ni ivakadinadina vakaitamera, laiva meda biuta tani na icolacola bibi kecekece kei na ivalavala ca e dau rawai keda tu vakarawarawa, qai laiva meda ciciva e na yalovosota na veitaucici sa vakarautaki tu e matada, 02 ka laiva meda vakanamata vei Jisu (Yahshua), o koya e ivakatekivu ka ivakamaqosa ni noda vakabauta, o Koya, ni raica na reki e a rawa ni Nona, a qai vosota na kauveilatai, vosota na madua, ka sa lai dabe sara kina oqo e na liga imatau ni idabedabe vakatui ni Kalou (Elohim). 03 Raica matua, na ilevu ni rarawa a sotava mai ligadra o ira era dau valavala ca, mai vei ira era vakacacani ira tiko ga vakataki ira, de qai yaco moni yalodatuvu ka yalolailai e na nomuni bula.

04 ¶ Oni sebera ni bau yacova na vanua moni dra kina, e na nomuni veisaqasaqa tiko kei na ivalavala ca. 05 Oni sa guilecava na veivunauci a vakayacori vei kemuni, me vaka e caka vei ira era lalai: I luvequ tagane, kakua ni sevaka na veivunauci mai Vua na TURAGA (Yahweh), laiva me kakua ni yalolailai na nomu bula ni o sa vosataki mai Vua; 06 Baleta o koya e lomana na TURAGA (Yahweh) o koya qori e na vunauca, e na nona vakadodonutaka na luvena e taleitaka o Koya.

Iperiu 12:1-6

E na ka oqo eda na kila kina ni da lomani ira na luve ni Kalou (Elohim); oya ni da lomana na Kalou (Elohim) ka bula muria na Nona ivakaro. 03 Baleta oqori na loloma ni Kalou, ni da bula muria na Nona ivakaro. Na Nona ivakaro e sega ni dre dre. 04 O koya ga e vakatubura na Kalou (Elohim), e na dau rawai vuravura; ia oqo na kaukaua e rawai kina na vuravura, oya na noda vakabauta.

1 Joni 5:2-4

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
356	December 21	Micah 6-7	Revelation 12

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakadonui E Na Vakabauta (Justification By Faith)

Thought: We Are Justified by Faith – But We Need To Remain Sinless.

...........................................................

Serving For The 4^th December, 2009

Ia qo na yalododonu ni Kalou (Yahweh) e taudaku ni lawa sa qai kune votu; ka vakadinadinataka vei keda na lawa kei na parofita, 22 oya na yalododonu ni Kalou (Yahweh), e kena yavu na vaka­bauta nei Jisu (Yahshua) na Mesaia e kune vei keda kece; ka vaka kina vei ira kece era vakabauti koya, baleta e sega eke na veivakaduiduitaki; 23 o keda kece eda coko tu e na ivalavala ca, ka da lekata kece kina na lagilagi ni Kalou (Elohim); 24 sa mai soliwale vakayauyau vei ira na yalododonu e na loloma ni Kalou (Elohim) mai na veivueti e kune vei Jisu (Yahshua) na Mesaia, 25 o Koya, e a lesia mai liu na Kalou (Elohim), me mai isoro e na vakabauti ni Nona dra, me boko kina na noda ivalavala ca ni gauna sa sivi; 26 Ni a vakarawarawataka vei keda na Kalou (Elohim), mai na Nona veivosoti, me vakatakilai kina na Nona yalododonu e na gauna oqo, me qai tusanaki kina ni o Koya vakataki koya e yalododonu; me ivakadinadina ni yalododonu vei koya e vakabauta na noda Turaga o Jisu (Master Yahshua) na Mesaia. 27 Sa na qai kune evei na qaciqacia? E tawayaga beka? E na lawa cava? E na cakacaka beka? Sega; ia e na lawa e vakayavutaki e na vakabauta. 28 Qori eda qai raica kina na kena itinitini, ni na vakadonui e dua tamata e na vakabauta, sega e na cakacaka ni lawa. 29 Baleta? Na Kalou (Elohim) beka e nodra Kalou (Elohim) ga na Jiu? E sega beka ni nodra Kalou (Elohim) talega na kai Veimatanitu tani? Io, o Koya e nodra Kalou (Elohim) talega na kai Veimatanitu tani; 30 Baleta e dua tikoga na Kalou (Elohim), o Koya e vaka­donui ira na teve e na vakabauta vata kei ira na tawateve e na vakabauta vata ga oya. 31 Sa qai vakaevei? Meda bokoca beka na lawa e na vuku ni vakabauta? E sega! Na kena veibasai e na yaco, eda taura matua tiko ga na lawa.

Roma 3:21-31

Ni da sa vakadonui oti e na yavu ni vakabauta, laiva meda tiko veisaututaki sara kei na Kalou (Elohim), e na vuku ni noda Turaga o Jisu (Master Yahshua) na Mesaia; 02 e na vukuna eda sa kau mai kina e na noda vakabauta i na loloma eda sa mai tu kina qo, meda qai dokadokataka na inuinui ni Nona lagilagi na Kalou (Elohim). 03 Ia e sega ni kena ilevu ga oqori baleta eda na marautaka na noda vakatovolei; e na noda kila ni veivakatovolei e bucina na vosota, 04 ia na vosota e bucina na itovo vinaka kei na itovo vinaka na inuinui. 05 Na inuinui e sega ni vu ni madua vua e dua, baleta na loloma ni Kalou (Elohim) sa na sovaraki i vuniyaloda mai na Yalo Tabu sa soli oti vei keda.

06 ¶ Ia na Mesaia e na gauna qo, a mai mate e na vukuni noda ivalavala ca.

Roma 5:1-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
339	December 4	Daniel 3-4	1 John 3

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).