Na Veivakacalai E Veivakamatei (Deceits Cause Death)

Thought: False Prophet Cause Deceit Propagate And Death Results!

 ..................

Serving For Shabbat, [Fifth Month] Av 6, 5773

 MAI NA NEVI’IMI AKARONIMI (FROM THE NEVI’IM ACHRONIM)

E na yabaki vata oya, e na ivakatekivu ni nona veiliutaki vakatui o Zidikiyahu na tui Ya'huda, e na ikalima ni vula ni ikava ni yabaki, o Hananaya na luvetagane i 'Azu na parofita mai Qiva'oni, a vosa vei au e na loma ni vale i Yahuwe (YHWH), e matadra na kohanimi kei ira kece na tamata, ni kaya, 2 Oqo na veika e kaya o Yahuwe ni lewevuqa (YHWH-Tzva'ot) na Kalou (Mighty One) i Yisira'yili, Au sa musuka na nona i vua na tui Bavela. 3 E na loma ni rua na yabaki au sa na kauta lesu tale mai kina i na vanua oqo na iyaya kece ni vale i Yahuwe (YHWH), e a kauta o Ne'vukaneza na tui Bavela, me kauta i Bavela. 4 Au na kauti  Ya'kanayaa na tui Ya'huda lesu mai i na vanua oqo  [o koya na] luvetagane i Yo'hoyakimi, ka vaka kina o ira kece mai o Ya'huda, era a kau vakavesu i Bavela, e kaya o Yahuwe (YHWH), baleta au sa na musuka na nona ivua na tui Bavela. 5 Oti qai kaya o Yiremeyahu na parofita vei Hananaya na parofita e matadra na kohanimi kei ira kece na tamata era tiko e loma ni vale i Yahuwe (YHWH), 6 E kaya o Yiremeyahu na parofita, Omaini! Me qai vakayacora mada ga o  Yahuwe (YHWH)! Me vakayacora mada ga o Yahuwe (YHWH) na veivosa o sa parofisaitaka, me ra kau lesu mai Bavela na iyaya ni vale i Yahuwe (YHWH) kei ira kece na tamata era a kau laivi  vakabobula. 7 Veitalia mada ya, rogoca mada na vosa au na kaya qo moni rogoca, me ra rogoca talega o ira kece na tamata. 8 O ira na parofita era a tiko eke niu se bera mai, ka vaka kina ni o sebera ni dau parofisai o iko, era a dau parofisai e na veigauna sa sivi, me ra saqati ira kina e vuqa na veivanua kei na veimatanitu lelevu, me baleta na ivalu, na vakacaca, kei na matedewa. 9 Ia me baleta e dua na parofita e parofisaitaka na sautu; e na gauna e yaco kina na vosa ni parofisai oya, e na  matata votu kina [na veika] me baleta na parofita oya ni a talai koya dina mai o Yahuwe (YHWH).

10 ¶ E na tikinigauna oya, o Hananaya na parofita, a qai taura kina na ivua mai na domo i Yiremeyahu na parofita, qai musuka. 11 Oti qai vosa o Hananaya, e matadra na tamata kecekece ni kaya, Oqo na ka e kaya o Yahuwe (YHWH); Me vaka sara ga qo, o au, au na musuka na ivua nei Ne'vukaneza na tui Bavela mai domodra na veimatanitu, e na loma ni rua na yabaki. Na parofita o Yiremeyahu a qai biuti ira; 12 Ia qai yaco mai vei Yiremeyahu na vosa i Yahuwe (YHWH), e na gauna sa musuka oti kina o Hananaya na parofita na ivua mai na domo i Yiremeyahu na parofita, ni kaya, 13 Lako lai tukuna vei Hananaya ni kaya o  Yahuwe (YHWH); o a musuka na ivua e sivi mai na kau, ia o na qai cakava, me kedra isosomi na ivua e buli mai na kaukamea. 14 Baleta qo na ka e kaya o Yahuwe ni lewevuqa (YHWH-Tzva'ot), na Kalou (Mighty One) i Yisira'yili; Au avakataqara na ivua kaukamea e domodra na veivanua kece qo, me rawa ni ra qaravi Ne’vukaneza na tui Bavela; o ira era na qai qaravi koya; au sa qai solia talega vua na manumanu kila [ni vanua]. 15 Sa qai kaya o Yiremeyahu na parofita vei Hananaya na parofita, Rogoca qo, Hananaya! O Yahuwe (YHWH) a sega ni talai iko mai! O iko o sa vakavuna tiko vei ira  na tamata oqo me ra vakabauta e na dua na lasu! 16 Qori, e kaya kina vakaoqo o Yahuwe (YHWH), Raica, au sa vakarau talai iko laivi mai na dela ni vuravura oqo; e na yabaki qo, o sa na mate kina, baleta ni o vunautaka tiko na vakabebe vei   Yahuwe (YHWH). 17 A mani mate o Hananaya na parofita e na yabaki oya, e na ikavitu ni vula.

Yiremeyahu (Jeremaia) 28:1-17

NA IVAQA NI BULA (FOOD FOR THE SOUL)

E le levu era  na kere veivuke mai vua e dua na tamata dau lomasoli; vei koya e dau soli iloloma soliwale,  na [tamata] era nona icaba. 7 O ira kece na wekana na tamata dravudravua, era na cati koya; e na vakalevu cake sara vei ira na nona icaba ni ra na tu vakayawa sara mai vua. E na rawa ni vaqarai ira me vakamasuti ira,  ia e na sega ni kunei i ira.

Mishlei (Vosa Vakaibalebale) 19:6-7

LOMANI YAHUWE NA NOMU KALOU (LOVE YHWH YOUR MIGHTY ONE

Yahuwe (YHWH) me baleti Kusha na Biniyamini, 2(1) I Yahuwe (YHWH) na noqu Kalou (Mighty One), vei kemuni au vaqara na noqu taqomaki. Vakabulai au mai vei ira kece era cemuri au tiko, moni vueti au. 3(2) De lakolako era qai dresulaki au me vaka e dua na laione, ka basuraki au meu kakaseresere, ni sega ni dua me vueti au. 4(3) I Yahuwe (YHWH) noqu Kalou (Mighty One), kevaka o au, au a vakavuna na ka oqo; kevaka e kune na ivalavala ca e ligaqu, 5(4) Kevaka au a veisausaumitaka na ca vei koya e tiko sautu vata kei au, ni o au mada ga au dau vosoti ira era dau saqati ni sega na vuna;  6(5) Ia, laiva na kequ meca me cemuri au tiko me yacova ni toboki au, qai buturaka sobu na noqu bula i na dela ni qele; io laiva me vakotora na noqu dokai e dela ni soso. (Selaa) 7(6) Matacake, i Yahuwe (YHWH), e na dela ni nomuni leva!  Yavalati kemuni moni saqata na nodra leva ceceki na kequ meca. Yadra cake e na vukuqu; o kemuni oni vakarota na lewa dodonu. 8(7) Laiva na nodra isoqosoqo na tamata me ra tu vakavolivoliti kemuni; Laiva moni lesu mai moni mai vakavulewa e deladra mai na nomuni itikotiko mai cake. 9(8) I Yahuwe (YHWH), o koya e dau vakatulewa vakadodonu vei ira na tamata; vakalewai au, i Yahuwe (YHWH), e na yavu ni noqu yalododonu me veiraurau kei na yavu ni dina e tiko vei au. 10(9) Laiva na nodra ca o ira era dau ivalavala kaukaua me tinidole; vakadeitaka na  yalododonu; baleta o kemuni, oni Kalou (Mighty One) yalododonu, oni dau vakadeuca na vuniyalo kei na vakasama.

11(10) ¶ Na noqu isasabai na Kalou (Mighty One), o koya e vakabulai ira e dodonu na vuniyalodra. 12(11) O Yahuwe (YHWH) e dua e dau vakatulewa vakadodonu, na Kalou (Mighty One) duabau e dau tu ga e veisiga na nona leva. 13(12) Ke dua na tamata e sega ni veivutuni, o koya e na vuki tani mai na nona cudru, e na qai vagataa na nona seleiwau. O koya e sa loveca tu na nona dakaititi, me vakarautaka. 14(13) Sa vakarautaka tale tu ga e na vukuna o koya vakataki koya na iyaragi ni mate; na nona gasau ni dakaititi, e sa cakava tu me dua na moto caudre. 15(14) Raica ni ra sa bukete tu e na ivalavala ca o ira na vakasisila; era dau  navuca na leqa ka vaksucuma na lasu. 16(15) E kelia e dua na qara, e kelia vakatitobu, qai lutu tale e loma ni qara a kelia. 17(16) Na nona ivalavala vakasausa e lesu mai me mai sauta na uluna, na nona ivalavala kaukaua e na cowiri mai me lutuka tale na nona qavokavoka o koya vakataki koya. 18(17) Au na vakavinavinaka vei Yahuwe (YHWH) e na vuku ni nona yalododonu, au na qai seretaka na vakamolimoli i na yaca i Yahuwe Cecere Sara (YHWH Yliyon).

Tehillim (Same) 7:1-18

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 294 in 5773 (Total 2021)	July 13, 2013
Reading	Hebrew Date
Yesha’yahu (Isaiah) 13-14	M #5: Av 6, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Nira Lasu Na Parofita (When Prophets Lie)

Thought: False Prophet Will Claim, To Voice YHWH’s Words, But Are Lying!

....................... 

Serving For Yom HaShishi, [Fifth Month] Av 5, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oti au qai vosa vei Zidikiyahu na tui Ya'huda meu kaya na ka vata oqo: biuta na domomu e na ruku ni ivua nei tui Bavela, qaravi koya kei ira na nona tamata, o na qai bula. 13 Na cava na vuna moni via mate kina, o iko kei ira na nomuni tamata, e na seleiwau, na lauqa, kei na matedewa, me vaka sa vakatulewataka oti o Yahuwe (YHWH) me na yaco vei ira na veimatanitu era sega ni via qarava na tui Bavela? 14 Kakua! ni vakarogoca na nodra vosa na parofita era kaya vei kemuni, Oni na sega ni veiqaravi vua na tui Bavela; baleta era parofisaitaka tiko vei kemuni na vosa lasutaki.15 Baleta o au, au a sega ni talai ira yani, e kaya o Yahuwe (YHWH); ia o ira era parofisai lasulasu tiko e na yacaqu, qai kena itinitini ga niu na cemuri  kemuni laivi,  oni na qai rusa, o kemuni kei ira na parofita era parofisai tiko vei kemuni. 16 Au a vosa talega vei ira na kohanimi  kei ira kece na tamata oqo; niu kaya, Oqo na ka e kaya o Yahuwe (YHWH); Kakua ni vakarorogo i na nodra vosa na parofita era parofisaitaka tiko vei kemuni, ni sa na vakarau vakasukai mai na iyaya ni vale i  Yahuwe (YHWH) mai Bavela; baleta o ira era parofisaitaka tiko na vosa lasutaki vei kemuni. 17 Kakua ni rogoci ira. Qarava ga na tui Bavela, moni bula tiko ga; na cava na vuna me na yaco kina i na korolevu oqo na rusa? 18 Ia kevaka e dina ni ra parofita, ka tiko dina vei ira na vosa i Yahuwe (YHWH), ia laivi ira me ra vakamasuti Yahuwe ni lewevuqa (YHWH-Tzva'ot) ni ra se bera ni kau laivi i Bavela na vo ni iyaya era se tiko e na loma ni vale i   Yahuwe (YHWH) ka vaka kina e na vale vakatui ni tui Ya'huda, ni ra na sega ni kau laivi i Bavela. 19 Baleta oqo na ka e kaya o Yahuwe ni lewevuqa (YHWH-Tzva'ot) me baleta na duru, na wasawasa, na kedra itutu, kei na vo ni iyaya era se tiko oqo e na loma ni korolevu, 20 E a sega ni kovea o Ne'vukaneza na tui Bavela e na gauna a kauti Ye'kanayahu kina na luvetagane i Yo'hoyakimi na tui Ya'huda, mai Yerushalayimi i Bavela, vata kei ira kece na tagane iliuliu e Ya'huda kei Yerushalayimi; 21 Io, oqo na veika a kaya o Yahuwe na Qaqa (YHWH Shaddai) na Kalou (Mighty One) i Yisira'yili, me baleta na iyaya era a vo tu mai e na loma ni vale i Yahuwe (YHWH), e na loma ni vale vakatui ni tui Ya'huda ka vaka kina mai Yerushalayimi; 22 Era na colati kece sara i Bavela; ia e keya era na lai tu kina me yacova na siga au na nanumi ira tale kina, meu kauti ira lesu mai, me ra mai biu tale e na vanua oqo, e kaya o Yahuwe (YHWH).

Yiremeyahu (Jeremaia) 27:12-22

NA IVAQA NI BULA (FOOD FOR THE SOUL)

Na iyau e kauta mai e levu na icaba; ia na tamata dravudravuna e na vakayalia na nona icaba e duabau. 5 ¶ Na ivakadinadina lasulasu e na sega ni levea na kena itotogitaki; o koya e  nona icegu na lasulasu e na sega ni drobula.

Mishlei (Vosa Vakaibalebale) 19:4-5

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Laga kei na ivakatagi wa ni qiriqiri. E na ivakatagi rogo bi (sh’minit). E dua na same i Dawide. 2(1) I Yahuwe (YHWH), kakua ni vunauci au e na dela ni nomuni cudru; kakua ni kuitataki au e na dela ni nomuni leva katakata. 3(2) Ni yalovinaka vei au, i Yahuwe (YHWH) baleta au sa gogo sobu tiko ga yani; vakabulai au, i Yahuwe (YHWH), baleta na suiqu era sa sautaninini tiko. 4(3) Au sa domobula sara tu ga vakaoti; ia o kemuni i Yahuwe (YHWH) e na vakaevei beka na kena dede? 5(4) Lesu mai, i Yahuwe (YHWH), mai vueti au! Vakabulai i au e na vuku ni nomuni yalololoma. 6(5) Baleta e na mate, e sega ni dua e na nanumi kemuni; mai She'ola o cei tale e na vakacaucautaki kemuni? 7(6) Au sa wakewake e na noqu vutugu: e na bogi taucoko au vakasuasua na noqu loga e na wainimata, meu luvuca na noqu loga me yacova ni sa wedru. 8(7) Na noqu rai sa vakabutobutotaki e na ilevu ni cudrucudru; ka sa gogo sobu tikoga baleti ira na kequ meca.

9(8) ¶ Lako tani mai vei au, o kemuni kece oni dau cakacakataka na ivalavala ca! Baleta o Yahuwe (YHWH) sa rogoca na domo ni noqu tagitagi. 10(9) O Yahuwe (YHWH) sa rogoca na noqu vakatakekere; o Yahuwe (YHWH) e na ciqoma na noqu masu. 11(10) O ira kece na kequ meca era na veilecayaki, ka vakadomobulataki vakaoti; era na vukici lesu, era na vakamaduataki vakasauri.

Tehillim (Same) 6:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 293 in 5773 (Total 2020)	July 12, 2013
Reading	Hebrew Date
Yesha’yahu (Isaiah) 11-12	M #5: Av 5, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofita Lasulasu (The False Prophets).

Thought: Is YHWH A Mighty One Only When Near And Not When Far, That Prophets Dream Dreams?

......................... 

Serving For Yom Chamishi [Fourth Month] Tammuz 26, 5773

 MAI NA NEVI’IMI AKARONIMI (FROM THE NEVI’IM ACHRONIM)

Ia vei ira na parofita ni Yerushalayimi, au sa raica tiko na veika vakadomobula cake sara, era veidauci, era bula e na veika lasulasu, era vakayaloqataki ira  na daucakaca me ra kakua ni dua vei ira e saumaki laivi mai na ivalavala ca. Vei au, o ira kece era sa yaco me ra vakataki So'doma, kei ira na kena itaukei, me ra vakataki 'Amora. 15 O koya oqo, e kaya kina oqo o Yahuwe ni lewevuqa (YHWH Tzva'ot) me baleti ira na parofita; Au na vakani ira e na kaugaga, ka vagunuvi ira e na wai poisoni: baleta  na ivalavala e sega ni vakalou [vei Yahuwe (YHWH)] sa tete me curuma na loma ni vanua taucoko, [ia e vu kece] mai vei ira na parofita ni Yerushalayimi. 16 O Yahuwe ni lewevuqa (YHWH-Tzva'ot) e kaya, Kakua ni rogoca na nodra vosa na parofita, era parofisai tiko vei kemuni. O ira era cakava tiko moni vakayacora na ivalavala lialia, e na nodra tukuna tiko vei kemuni na raivotu mai na vakasama ni vuniyalodra o ira vakataki ira; e a sega ni rogo mai na gusu i Yahuwe (YHWH). 17 Era vakadeitaka tikoga vei ira era dau beci au, O Yahuwe (YHWH) e kaya ni oni na taqomaki ka tiko dei, era qai kaya tiko vei ira era bula tiko e na vakadrecike ni vuniyalodra babamatua, E sega ni dua na ka ca e na yaco vei kemuni. 18 Ia o cei sara mada vei ira a tiko ni veivakasalataki tiko o Yahuwe (YHWH), me raica ka rogoca na nona vosa? O cei e galeleta vakavinaka sara na nona vosa me rogoca?  19 Raica! Na cavaa (storm) i Yahuwe (YHWH), sa kacabote tiko mai e na vakadomobula, e dua na cavaa cacawiriwiri e sowiri tiko mai e uludra na ca!  20 Na waromisa ni leva i Yahuwe   (YHWH), e na sega ni malumu sobu me yacova ni sa  yaco vakaoti na inakinaki e tiko e vuniyalona. E na veisiga mai muri (acharit hayamim) oni na qai kila vakaoti na veika kece. 21 Au a sega ni talai ira [yani] na parofita qo, ia era cici. Au a sega ni vosa vei ira, ia era parofisai. 22 Kevaka me ra a tiko e na noqu soli ivakasala, ke dodonu me ra laivi ira na noqu tamata me ra rogoca na noqu vosa, me ra qai saumaki mai na nodra i valavala tawakilikili, ka vaka kina mai na vakasisila ni veika era cakava tiko. 23 O au beka au Kalou (Mighty One) ga niu tu voleka, e taroga o Yahuwe (YHWH), kau sega [ni Kalou (Mighty One)] niu tu yani vakayawa? 24 E rawa beka vua e dua me vuni, e na dua na vanua tawakilai vakaoti, au na sega ni raici koya rawa kina, e taroga o Yahuwe (YHWH)? O Yahuwe e taroga, O au beka au sega ni vakasinaiti lomalagi kei vuravura?  25 Au sa rogoca oti na veika lasutaki era  parofisaitaka tiko o ira na parofita oqo e na yacaqu ni ra kaya, Au a tadra e dua na tadra! Au a tadra e dua na tadra! 26 E na vakacava soti na dede ni kena yaco tiko na ka oqo? Na [noqu vosa] beka e tiko e vuniyalodra na parofita era parofisaitaka tiko na ka lasutaki, o ira era parofisaitaka tiko na veivakacalai mai vuniyalodra ga o ira vakataki ira?

Yiremeyahu (Jeremaia) 23:14-26

NA IVAQA NI BULA (FOOD FOR THE SOUL)

Ni [o] sausaumi vua e dua, ni [o] se bera ni rogoca mada vakavinaka na ka e via kaya, qori e ruarua, e dogadoga ka vakamadua talega.

Mishlei (Vosa Vakaibalebale) 18:13

LOMANI YAHUWE NA NOMU KALOU (LOVE YHWH YOUR MIGHTY ONE

Haleluya!  Vakavinavinaka vei Yahuwe (YHWH) mai lomalagi! Vakavinavinaka vua mai na veivanua cecere. 2 Vakavinavinaka vua, kemuni kece na nona mala'akimi! Vakavinavinaka vua, kemuni na nona mataivalu. 3 Vakavinavinaka vua, matanisiga kei na vula! Vakavinavinaka vua, kemuni na kalokalo ramase kecekece! 4 Vakavinavinaka vua, lomalagi cecere sara kei na wai e dela ni lomalagi! 5 Laivi ira me ra vakavinavinakataka na yaca i Yahuwe (YHWH); baleta o koya e a vakarota era qai buli. 6 O koya talega e a vakataudeitaki ira me tawamudu ka tawamudu; e a vakaduria e dua na lawa [o koya] era dau vakamuria.

7 ¶ Vakavinavinakataki Yahuwe (YHWH) mai vuravura, na gata ni wasawasa, kei na botoni wai titobu: 8 Na bukawaqa kei na uca-qereqeqere; na uca cevata kei na tegu, na cagilaba era vakamuria tiko na nona vosa; 9 Na ulunivanua kei na veidelana kecekece; na kauvuata kei na sitari kecekece: 10 Na manumanu kila kei na manumanu manoa, na manumanu dauqasi, na manumanu dauvuka; 11 Na tui kei vuravura kei na tamata kecekece; o ira na ravouvou kei ira era   dauvakavulewa e vuravura; 12 Ruarua na cauravou kei na goneyalewa; na tagane qase kei ira na gonelalai; 13 Laivi ira me ra vakacaucautaka na yaca i Yahuwe (YHWH), baleta na yacana duadua e dau vakacerecerei; na nona dokai e toka ruarua e delai vuravura kei lomalagi. 14 O koya e sa vakalevutaka na nodra kaukaua na nona tamata, e vakadonuya na nodra vakavinavinakataki vei ira kece na nona tamata yalodina kecekece; vei ira na kawa i Yisira'yili, e dua na kawatamata era dau voleka vua. Haleluya!

Tehillim (Same) 148:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 285 in 5773 (Total 2013)	July 4, 2013
Reading	Hebrew Date
M’lakhim Bet (2 Kings) 19-20	M #4: Tammuz 26, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iVakaruru Lasulasu (False Protection).

Thought: Do Not Be Too Complacent, Check That Your Protection Is Not False

............. 

Serving for Yom Shlishi, Adar 16, 5773

MAI NA NEVI’IMI AKARONIMI (FROM THE NEVI’IM ACHARONIM)

E na gauna qo, na vosa nei Yahuwe (YHWH) vei ira, e na tau mai vaka oqo,  Na ivakaro e na ivakaro, na iyatuvosa e na iyatuvosa, vakalailai eke, vakalailai mai keya; me rawa kina, e na gauna era sa na lako kina, ni ra na tacaqe vaka i muri, era qai kamusu, coriti, ka vesu. 14 O koya oqo moni rogoca kina na vosa i Yahuwe (YHWH) kemuni na dauveibeci oni buli vosa tiko ni veivakalialia me tukuni vei ira na tamata oqo mai Yerushalayimi.15 Baleta oni a kaya, Keimami a bulia e dua na veiyalayalati vata kei mate ka veisorosorovi vata kei She’ola. ia ni sa vuabale mai na dobui ni coka tiko, e na sega ni yacovi keda mai. Baleta eda sa cakava na ka lasu me noda ivakaruru, ka vunitaki keda vakataki keda e na ka lasutaki, 16 Qori e kaya kina qo na Sau o Yahuwe (YHWH), Raica, au sa vakotora no mai Zaiyoni, e dua na vatu vakatovolei, e dua na vatu ni tutunivale saulevu, me kena yavu tudei; o koya e vakabauta e na sega ni vaqunaquna wavoki i ke se i keya. 17 Au na cakava na lewadodonu me wa ni ivakavakarau, kei na  yalododonu me ivakabi ni wa; na uca qereqere e na taviraka laivi na ivakaruru lasulasu, na wai e na kuitaka na vanua ni ivunivuni.18 Na nomuni veiyalayalati kei na mate sa sega ni vakabau, kei na nomuni veiyalayalati kei na ibulubulu (Sh’ol) sa na sega ni vakadonui. Ia ni sa coka sobu mai na dobui, qori e na qai butuki kemuni sobu. 19 E na veigauna kece e coka sobu mai kina, e na dau kauti kemuni; baleta ni na coka sobu mai e na veimataka, mai na dua na siga i na dua tale na siga, kavaka kina mai na dua na bogi i na dua tale na bogi; na kilai ga ni itukutuku e na ka ni domobula. 20 Baleta [me vaka na kena itukutukuni) na loga sa rui lekaleka me dua na tamata e vakadodo kina, ia na itutuvi e rui rabalailai (me veitaqomaki mai na batabata) kevaka mada ga me lokini no e rukuna o koya.

Yeshayahu (Aisea) 28:13-20

NA IVAQA NI BULA (FOOD FOR THE SOUL)

O koya e qarauna na lewa matau e naulu tiko i na bula; ia o koya e sega ni via galeleta na veivakadodonutaki e vakayacora tiko e dua na ka e na veivakacacani.

Mishlei (Vosa Vakaibalebale) 10:17

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Na nodra vucu ni veivakatavulici (maskil) na kawa i Kora’aka 2(1) Me vaka ni guta na mekila [me gunu] mai na waidrodro, i Yahuwe (YHWH) o au talega au guti kemuni. 3(2) O au, au via gunu maivei kemuni na Kalou bula (living Mighty One)! E na gauna cava beka au rawa ni lako yani kina, meu basika e na mata ni Kalou (Mighty One). 4(3) Na wainimata e kequ kakana e veisiga kei na veibogi; ia e na loma ni siga taucoko, era tarogi au tiko na tamata, Evei na nomu Kalou (Mighty One)? 5(4) Niu nanuma mai, e na gauna e tubu kina e lomaqu na noqu vakasama, niu  a dau lako vata kei ira na lewe vuqa i na vale ni Kalou (Mighty One), e na domo ni reki kei na vakamuduo, mai vei ira na le vuqa era vakananuma tiko na solevu. 6(5) Noqu bula, na cava na vuna o rui loma leqaleqa tiko kina? Na cava o vutugu tiko kina mai lomaqu? Vakanuinui [ga] vua na Kalou (Mighty One), baleta o au, au na vakamuduo vua e na vuku ni veivueti e lako mai vua [ni tiko o koya].

7(6) ¶ Noqu Kalou (Mighty One) niu dau loma leqaleqa vakalevu, au dau nanumi kemuni ga mai na vanua na Yaradani, mai na ulunivanua o Heremoni, ka vakakina mai na delana o Mizari. 8(7) Na titobu e kaciva tiko na titobu, e na vakadomobula na kena rogo bi na nomuni baranisavu, na nomuni waidrodro voravora (surging rapids), kei na nomuni vei biau era sa tubu tiko me ra lomoci au. 9(8) E na loma ni siga, o Yahuwe (YHWH) e na vakarota na nona yalololoma, e na bogi na nona sere e na tiko vata kei au, me vaka e dua na masu vua na Kalou (Mighty One) ni noqu bula. 10(9) Au na kaya vei Yahuwe (YHWH) na noqu uluvatu, Na cava oni sa guilecavi au kina? Na cava meu vakaloloku wavoki voli kina, e na nodra  veivakasaurarataki na kequ meca? 11(10) Na nodra veivakalialiai o ira era kequ meca, e vaka sara ga vei au, ni ra qaqia tiko na suiqu, oya e na nodra vakataroga tiko vei au, Evei sara na nomu Kalou (Mighty One)? 12(11) I noqu bula, na cava o sa rui yalolailai tiko kina? Na cava na vuna o vutugu tiko kina mai lomaqu?  Vakanuinui ga vei Yahuwe (YHWH); baleta o au, au na vakamuduo talega [vua], baleta ni o koya e noqu ivakabula ka noqu Kalou (Mighty One).

Tehillim (Same) 42:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 157 in 5773 (Total 1886)	February 26, 2013
Reading	Hebrew Date
Sh’mot (Lako Yani) 25-26	M #12: Adar 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofita Lasulasu (False Prophet)

Thought: YHWH Deliberately Sends Lying Spirit To False Prophets

................ 

Serving For Yom Chamishi, Cheshvan 23, 5773

MAI NA NEVI’IMI RISHONIMI (FROM THE NEVI’IM RESHONIM)

Na dau kauitukutuku a talai me lai kacivi Maikeyi'hu mai, a qai vosa vua ni kaya, Raica, na nodra vosa kece na parofita lasulasu sa duavata, e na nodra tokona na tui; laiva na nomu vosa me tautauvata kei na nodra vosa, o iko talega mo cavuta ga na vosa e veitokoni. 14 Kaya o Maikeyi'hu, Me vaka ni bula o Yahuwe (YHWH), na cava ga e kaya o Yahuwe (YHWH) vei au, qori sara ga au na cavuta.

15 ¶ A mani lako mai o koya vua na tui. Kaya na tui vua, Maikeyi'hu, o keimami beka me keimami lako cake i Ramota-Qil'ade me keimami lai vala se me keimami tu vakasuka? Sauma o koya vua, Lako cake me lai nomu na qaqa; baleta o Yahuwe (YHWH) e na soli i ira i ligamuni, kemuni na tui. 16 Kaya na tui vua, Sa vakavica na noqu dau tukuna vei iko, mo kakua ni dau cavuta e dua tale na ka vakavo ga na  dina, oya e na yaca i Yahuwe (YHWH)? 17 Kaya o Maikeyi'hu, Au a raici  Yisira'yili, ni ra sa tayana tu e na ulunivanua me vaka na sipi e sega na nodra ivakatawa; qai kaya kina o  Yahuwe (YHWH), O ira qo e sega tu na nodra iliuliu, laivi ira, na tamata kecekece, me ra lesu i na nodra dui veivale e na vakacegu. 18 Kaya na tui Yisira'yili vei Yo'hoshafata,  Au a sega beka ni kaya vei iko, ni na sega ni parofisaitaka o koya na ka vinaka e na vukuqu, ia na ka ca ga? 19 Kaya o Maikeyi'hu, Ia qori ga mo rogoca kina na vosa i Yahuwe (YHWH); Au a raici Yahuwe (YHWH), ni dabe tiko e na nona idabedabe vakatui, ia o ira kece na ivakatawa mai lomalagi era duri tu e yasana, e na ligana imatau kei na ligana imawi. 20 Kaya o Yahuwe (YHWH), O cei e na vakayarayarataki 'Aka'ava, me lako cake mada ga me qai lai bale mai Ramota-Qil'ade? E dua a qai kaya, me vakaoqo, e dua tale e kaya, me caka vakaoya. 21 E dua na yalo a qai tu mai, qai mai tucake tu e na mata i Yahuwe (YHWH), qai kaya, O au, au na vakayarayarataki koya. Taroga o Yahuwe (YHWH) vua, Mo na cakava vakacava? 22 Kaya o koya, Au na lako, au na qai lai yalo lasulasu e na gusudra e levu na parofita. Kaya o koya vua, O na vakayarayarataki koya o na qai rawai koya; lako sara lai cakava vakakina. 23 Ia qo sa raica rawa, o Yahuwe  (YHWH) e a biuta na yalo lasulasu i gusudra kece na nomu parofita oqo, o Yahuwe (YHWH) sa cavuta na veika me yaco kina vei iko na ca.

M’lakhim Alef (1 Tui) 22:13-23

NA IVAQA NI BULA (FOOD FOR THE SOUL)

Kakua ni vakalecalecava na icaba i tamamu; kakua talega ni lako i na vale i tacimu e na siga ni nomu leqaleqa; e vinaka cake na wekamu vakaitikotiko e toka voleka, mai vua na tacimu e tu sara mai vakayawa.

Mishlei (Vosa Vakaibalebale) 27:10

LOMANI YAHUWE NA NOMU KALOU (LOVE YHWH YOUR MIGHTY ONE

Era a vakacudrui koya talega mai na wai ni veisei, a qai leqa kina o Moshe e na vukudra. 33 Baleta era a vakararawataka na vuniyalona, a qai taucala kina na vosa a rogo mai tebenigusuna.

34 ¶ Era a sega ni vaqeavutaki ira na veimatanitu, me vaka na nona ivakaro o Yahuwe (YHWH) me baleti ira; 35 Ia era a veimaliwai vata kei ira na veimatanitu, ka vulica na nodra cakacaka. 36 Era qai qarava na nodra kalou matakau, qai yaco qori me itatacaqe vei ira. 37 Io, era a cabori ira na luvedra tagane kei na luvedra yalewa vei ira na jimoni, 38 Ka vakadavea na dra tawacala, oya na nodra dra na luvedra tagane kei na luvedra yalewa, era a vakacabora vei ira na kaloumatakau mai Kena’ani; na vanua sa vakadukadukalitaki tu e na dra. 39 Qori era a vakadukadukalitaki kina e na nodra ivalavala, era qai saqamua wavoki e na veika era vakasamataka. 40 Qori a qai tubu kina vei ira na tamata na leva cecekia nei Yahuwe (YHWH), me yaco kina na nona sevaki ira era nona iwasewase vakaitaukei. 41 O koya a qai soli i ira i ligadra na veimatanitu; o ira era sevaki ira era qai mai vakavulewa vei ira. 42 O ira na kedra meca era a vakamalumalumutaki ira, era qai kau me ra lai lewai tu e ruku ni ligadra. 43 A vakavuqa na nona a vueti ira; ia era qai vakacudrui koya e na nodra ivakasala, era qai vakalolovirataki baleta na nodra ivalavala ca. 44 Ia veitalia oqori, e a galeleta ga na nodra vutugu, ka vakatudaliga i na nodra masumasu. 45 E nanuma na nona veiyalayalati ka lomani ira, qai tuberi ira e na vakaitamera ni nona yalololoma. 46 A cakava talega me ra lomani mai vei ira era a colati ira vakabobula. 47 Vakabulai keimami, i Yahuwe na neimami Kalou (Mighty One) vakasoqoni keimami mai na kedra maliwa na veimatanitu, me rawa ni keimami vakamuduo i na yacamuni tabu ka qaqa e na nomuni vakacerecerei. 48 Me vakarokorokotaki o Yahuwe (YHWH) na Kalou (Mighty One) i Yisira'yili me tawamudu ka tawamudu; laivi ira na tamata me ra kaya, Omaini, omaini, Aleluya.

Tehellim (Same) 106:32-48

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 312 o/o 1772	November 8, 2012
Reading	Hebrew Date
Iyov (Jope) 33-34	M #8: Cheshvan 23, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofita Lasulasu (The False Prophet)

Thought: Watch Out For False Prophets – You Can Distinguish Them

 ................

Serving For Yom R’vi’i, Iyyar 3, 5772

(NB. In Counting Days Toward Shavu’ot (Gr:Pentecost), Today Is Day 18 out of 50)

MAI NA TORAA (FROM THE TORAH

O Yahuwe (YHWH) na nomuni Kalou (Mighty One) e na vakatubura vei kemuni e dua na parofita mai na kemuni maliwa, maivei ira na tacimuni; vua moni na vakatudaliqa. 16 Me vaka na nomuni a kerea vei Yahuwe (YHWH) na nomuni Kalou (Mighty One) mai Horeva, e na siga ni sosoqoni, e na nomuni kaya, Laiva meu  kakua ni rogoca tale na domo i Yahuwe (YHWH) na noqu Kalou (Mighty One),  kakua talega ni laiva meu raica na bukawaqa levu oqo, deu na qai mate. 17  Qori a qai kaya kina vei au o Yahuwe (YHWH), Sa donu vinaka na vosa era kaya. 18 O au, au  na qai vakatubura vei ira e dua na parofita, me vakataki iko, maivei ira na tacidra; o au, au na qai  vakacuruma na noqu vosa i gusuna; o koya e na qai tukuna vei ira na ka kece au na vakarota vua. 19 Na tamata e sega ni vakatudaliga  i na noqu vosa, e lai vakasavuya yani o koya e na yacaqu, e na qai saumi taro  vei au. 20 Ia na parofita e lai vakalecalecava me kaya e dua na vosa e na yacaqu, au a sega ni vakarota vua me lai kaya se o koya e vosa e na yaca ni dua tale na kalou (elohim), na parofita oya me na vakamatei. 21 Kevaka oni mani vakataroga lo e vuniyalomuni, Eda na kila vakacava na vosa a sega ni kaya o  Yahuwe (YHWH)? 22 Ni dua na parofita e vosa e na vuku ni yaca i Yahuwe (YHWH), qai sega ni yaco na ka oya, se yaco muria mai; qori sara ga na ka a sega ni kaya o Yahuwe (YHWH); na parofita ga oya e vosa tu vakaveitalia; o kemuni moni kakua sara ni domobulataki koya.

Na iVakarua (D’varim) 18:15-22

NA IVAQA NI BULA (FOOD FOR THE SOUL)

E na gusu ni lialia e kune kina na veivakacacani kei na rogorogo ca; ia na tebenigusu ni tamata vuku e na veimaroroi. 4 ¶ E na vanua e sega kina na okisi na lomanibai e savasava; ia na levu ni vuata e rawa mai na kaukaua ni okisi.

Vosa Vakaibalebale (Mishlei) 14:3-4

LOMANI YAHUWE NA NOMU KALOU (LOVE YHWH YOUR MIGHTY ONE)

I YAHUWE (YHWH) na Kalou (Mighty One) o kemuni oni taukena na veisausaumi; Kemuni na Kalou (Mighty One) na itaukei ni veisausaumi, vakaraitaki kemuni mai. 2 Laveti kemuni cake, moni vakatulewataki vuravura; solia me dua na kedra icovi o ira na viavialevu. 3 Yahuwe (YHWH) e na vakacava  na kena dede vei ira na ca, e na vakacava na kena dede era na dokadoka tiko kina o ira na qaciqacia? 4 Era na cavuta ka vosataka na veika tawadodonu? Era na kaya na veimataqali vosa dukadukali? 5 Baleta era sa vakamaduataki ira na nomuni tamata, i Yahuwe (YHWH), ka via lewa na veika e nomuni ivotavota. 6 Era vakamatei ira na yada kei ira na tawacala, ka labati ira na luveniyali e sega na tamadra. 7 Ia era qai kaya, o Yahuwe (YHWH) e sega ni rai, ka sega talega ni galele mai na Kalou (Mighty One) nei Ya'akove. 8 Yalomatua mai o kemuni na sesewa e na kedra maliwa na tamata kei kemuni na lialia, e na gauna cava oni na qai yalomatua kina. 9 O koya e a tokara na daliga, e na sega beka ni rogo rawa? O koya e a bulia na mata, e na sega beka ni rai rawa? 10 O koya e dau vunauci ira na veimatanitu, e na sega beka ni veivosataki? O koya e vakavulici ira na tamata na kilaka, e na sega beka vua na kilaka? 11 O Yahuwe (YHWH) e kila na vakasama ni tamata; era vaka na icegu.

12 ¶ E kalougata na tamata oni  vunauca i Yahuwe (YHWH), oni qai vakatavulica mai na ivakaro (Torah); 13 Moni qai solia vua na vakacegu mai na veisiga ni rarawa, me yacova ni sa keli na qara e na vukudra o ira era ivalavala vakasisila. 14 Baleta o Yahuwe (YHWH) e na sega ni talaci ira laivi na nona tamata, ka na sega talega ni vakanadakui ira na nona ivotavota. 15 Baleta na lewa dodonu e na vuki vei ira na yalododonu; o ira kece na yalododonu era na vakamuria. 16 O cei e na tucake mai me totaki au niu vorati ira era ivalavala kaukaua? O cei e na tu cake me vorati ira era cakacakataka tiko na veivakacalai?  17 Ke a sega ni dau vukei au tiko mai o Yahuwe (YHWH), na noqu bula (soul) ke a sa tacori tu ga e na leqaleqa. 18 Niu kaya, Na yavaqu a tidara; na nomuni yalololoma i Yahuwe (YHWH) a tabei au cake. 19 E na vakaitamera ni noqu rarawa, e loma ni vuniyaloqu, na nomuni veivakacegui  e marautaka na noqu bula (soul). 20 O ira na dauvakavulewa ca era na sega ni veitokani kei kemuni, baleta era sa navuca na inaki ca me ra saqata na nomuni lawa. 21 Era vakotora na dai me tacori kina na nodra bula na yalododonu ka vakacalai ira na dra tawacala. 22 Ia o Yahuwe (YHWH) e noqu isasabai; na noqu Kalou (Mighty One) e noqu uluvatu ni veitaqomaki.  23 O koya e na kauta lesu mai vei ira na nodra ivalavala ca, ka na vagalui ira e na nodra ivalavala kaukaua, io; o Yahuwe (YHWH) na noda Kalou (Mighty One) e na vagalui ira.

Same (Tehellim) 94:1-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 115 o/o 1575	April 25, 2012
Reading	Hebrew Date
Sh’mu’yl Bet (2 Samuela) 13-14	Iyyar 3, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofita Lasulasu (The False Prophet)

Thought: Do Not Follow Anyone That Entices You Away From YHWH

................... 

Serving For Yom R’vi’i Nisan 26, 5772

(NB. In Counting Days Toward Shavu’ot (Gr:Pentecost), Today Is Day 11 out of 50)

MAI NA TORAA (FROM THE TORAH

NA veika kece au vakarota tiko vei kemuni, moni na dau qarauna vinaka moni dau vakayacora; ka moni kakua ni kuria se kauta laivi mai kina e dua na ka. 2(1) Kevaka e mani basika cake mai vei kemuni e dua na parofita, se dua e  dau tatadrataki tadra, qai solia vei kemuni e dua na ivakatakilakila se dua na ka veivakurabuitaki, 3(2) Oti qai yaco dina na ivakatakilakila se na ka veivakurabuitaki, oti qai kaya vei kemuni, Mai, laiva meda mai muri ira na kalou (elohim) oni se bera ni bau kila vakadua, ka laiva meda qaravi ira; 4(3) Ni kakua sara ni vakarogoca na vosa ni parofita oya se na dau tatadrataki tadra oya; baleta ni vakatovolei kemuni  tiko ga o Yahuwe (YHWH) na nomuni Kalou (Mighty One), ni via kila se oni lomani Yahuwe (YHWH) na nomuni Kalou (Mighty One) e na vuniyalomuni taucoko kei na nomuni bula (soul) taucoko. 5(4) O kemuni moni bula muri i Yahuwe (YHWH) tikoga, na nomuni Kalou (Mighty One), moni rerevaki koya, ka bula muria na nona ivakaro (mitzvot), moni talairawarawa vua, moni qaravi koya ka kabi tikoga vua. 6(5) Ia na parofita oya, se na dautatadrataki tadra oya me na biu me  vakamatei; baleta ni a vosa veivakacacani e na mata i Yahuwe (YHWH) na nomuni Kalou (Mighty One), o koya e a kauti kemuni tani mai na vanua o Ijipita ka vueti kemuni mai na vale ni veivakabobulataki; baleta  (o koya) e na vakavuna na nomuni lako sese mai na sala sa virikotora no vei kemuni o Yahuwe (YHWH) na nomuni Kalou (Mighty One) moni dau bula muria; qori  e rawa kina ni oni biuta laivi vakadua na ivalavala tawa kilikili mai na kemuni maliwa.

7(6) ¶ Kevaka e temaki kemuni  vakavuni  o tacimuni, na luvetagane  i  tinamu se o luvemuni tagane se o luvemuni yalewa, se o watimuni vakalawa, se o nomuni icaba voleka duadua i na nomu bula (soul); me kaya vei kemuni, Mai meda lai qarava na kalou (elohim) tani eso; oni se sega vakadua ni kila o kemuni se o tamamuni; 8(7) O koya e rawa ni temaki iko tiko mo lai qarava, na nodra kalou (elohim) o ira na tamata era tu vakavolivoliti kemuni, yawa se voleka, se na kalou (elohim) era kune mai na iyalayala e dua kei vuravura, ka yacova na iyalayala kadua kei vuravura; 9(8) O kemuni moni kakua ni vakaio vua se vakarorogo vua; moni kakua talega ni lomani koya e matamuni, se moni yalololoma vua, moni kakua talega ni taqomaki koya; 10(9) Ia o kemuni moni vakamatei koya vakaidina; na ligamu sara ga me tekivuna na nona vakamatei, qai muri na ligadra na vo ni tamata. 11(10) Moni virilaki koya e na vatu, me rawa ni mate kina o koya, baleta o koya e segata moni lako sese maivei Yahuwe (YHWH) na nomuni Kalou (Mighty One), o koya e a kauti kemuni laivi mai na vanua o Ijipita, mai na vale ni veivakabobulataki.  12(11) O Yisira'yili taucoko me ra na  rogoca, me ra qai rere kina, me rawa kina ni tarovi na nodra cakava na ka vakasisila vakaoqo, e na kemuni maliwa.

Na iVakarua (D’varim) 13:1(12:32)-12(11)

NA IVAQA NI BULA (FOOD FOR THE SOUL)

Na iyau e rawa vakatawadodonu e na seyavu yani; ia o koya e sosoqoni vakadodonu e na vakalevutaka na nona iyau.

Vosa Vakaibalebale (Mishlei) 13:11

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na nodra Same na Luve i Koraka; e dua na sere. Na nona yavu era toka e na nona ulunivanua tabu. 2 O Yahuwe (YHWH) e taleitaka vakalevu cake na matamata mai Zaiyoni, mai vei ira kecekece na nona itikotiko o Ya'akove. 3 Na veika dokai e dau cavuti me baleti iko, o iko na korolevu ni Kalou (Mighty One). 4 Au na cavuti Rehava kei Bavela, baleta rau kila na noqu lewa (power); raici ira na Pe’lesete kei na Ta’zora kei ira na tamata mai Iciopia; e na tukuni ni tamata qo e na sucu mai keya. 5 Me baleti Zaiyoni e na kainaki, Na tagane qaqa oqo e a sucu maivua; o koya vata oqori e na tauyavutaki koya. 6 O Yahuwe (YHWH) e na wiliki ira na tamata e na ivola, Na tagane qo a sucu mai keya. 7 O ira kece na ravouvou era vakaitikotiko vei iko era na mamarau, o ira era sa vakayalomalumalumutaki tu vei iko.

Same (Tehellim) 87:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 108 o/o 1568	April 18, 2012
Reading	Hebrew Date
Sh’mu’yl Alef (1 Samuela) 25-26	Nisan 26, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.