Na Taba ni Vaini (The Vine Branch)

Thought: Through Its Use, You Will Know Who YHWH Is!

Serving For Yom Rishon, [Seventh Month] Tishri 25, 5774

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai lako mai vei au: 2 Tamata, Na cava beka na vuna e vinaka cake kina na kau ni vaini, mai na vo ni veimataqali kau tale eso, vata talega kei na so na tabanikau e dua e rawa ni raica, e na maliwa ni veivunikau mai veikau? 3 Na kena kau e sega ni rawa ni buli kina e dua na ka, sega mada ga ni dua  na ivakokau, e rawa ni dau vakaliligi kina na iyaya?  4 Ia qo sa qai kolotaki e loma ni bukawaqa me kena buka, na bukawaqa e na qai yameca yavu na ucuna ruarua,   ia na tolona, ni sa kama tu vakavo, e na yaga beka me buli kina e dua na ka? 5 E na gauna e se taucoko tu kina, e a sega ni yaga e na dua na ka, sa na qai wacava na kena tawayaga ni sa yameca na yameni bukawaqa, me kama tu vakavo, e na rawa beka ni vakayagataki me buli kina e dua na ka? 6 O koya oqo e kaya kina o Yahuwe na Sau (Sovereign YHWH); Me vaka niu sa solia na kau ni vaini e na kedra maliwa na veivunikau ni veikau me ivakawaqa ni bukawaqa, e vaka kina niu sa soli i ira talega vaka o ira era vakaitikotiko mai Yerushalayimi. 7 Au na tekia na mataqu meu saqati ira, era na rawa ni levea e dua na bukawaqa, ia na bukawaqa e na tilomi ira tikoga [e muri]. Niu sa tekia na mataqu me saqati ira, oni na qai kila ni o au o Yahuwe (YHWH). 8 Au na cakava na vanua me laladidi, baleta era a nakita me ra cakava tiko na itovo vakasisila, e kaya o Yahuwe na Sau (Sovereign YHWH).

Yekezeki’yili (Isikeli) 15:1-83

NA IVAQA NI BULA (FOOD FOR THE SOUL)

Na nona vakananavu ni cakaca e dua na lialia era ivalavala ca; o ira na tamata era cata e dua e dau veivakalialiai.10 ¶ Kevaka o guce e na siga ni  veivakatacaqetaki, na nomu kaukaua sa gogo dina sara ga.

Mishlei (Vosa Vakaibalebale) 24:9-10

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. E dua na same i Dawide; e dua na sere: 2(1) Vei kemuni na Kalou (Mighty One), mai Zaiyoni, na toka vakanomodi, [qori] na vakavinavinaka; na bubului era soli vei  kemuni, qori me ra na vakayacori. 3(2) O kemuni oni dau rogoca na masu, vei kemuni na kabula taucoko era toso mai. 4(3) Ni rawai au na vei cakacaka tawa kilikili, o kemuni ga oni na vakasavasavataka na cala ni neimami basulawa. 5(4) Era kalougata o ira, oni digitaki ira ka tosoi ira vakavoleka [yani vei kemuni] me rawa ni ra tiko voli ga e na nomuni loma ni bai! Keimami na   vakacegui e na vinaka ni nomuni vale, oya na Tikina Tabu ni nomuni valenisoro. 6(5) E dodonu moni vosa mai vei keimami e na vakaitamera ni nomuni cakacaka, kemuni na Kalou (Mighty One) ni neimami vueti, o kemuni era taqara vei kemuni na nodra inuinui, me yaco i na yalayala kei vuravura, kei na veiwasawasa era tu mai vakayawa.

7(6) ¶ E na nomuni kaukaua oni a vakataudeitaka na vei ulunivanua. Oni sa vakasulumi tu e na lewa (power). 8(7) Oni vakamaravutaka na seuseua ni wasawasa kei na vavadugudugu ni nodra veibiau, kei na nodra veileqayaki na tamata. 9(8) Qo na vuna era dau tu kina e na vakarokorokotaki ni nomuni ivakatakilakila o ira era vakaitikotiko mai na iyalayala kei vuravura. Na veivanua e dau cadra kina se dromu kina na matanisiga, oni vakavuna me ra dau seresere e na mamarau. 10(9) Oni kauwaitaka na vuravura ka dau vakasuasua, oni vakabulabulataka  sara vakalevu; e na uciwai ni Kalou (Mighty One), e vuabale tu e na wai, oni solia vei ira na witi, ka vakarautaka na qele. 11(10) Oni vakasuasuataka na qele sa vakarautaki me teivaki; oni vakamalumutaka e na uca taumalumu, ka vakalougatataka na kena tubu. 12(11) Oni vakalougataka (crown) na yabaki e na  nomuni vinaka; na nomuni sala e vuabale na kena bulabula. 13(12) Na vanua ni vakana manumanu dravuisiga e titiri kina na wai, na kena veidelana era ologi e na reki. 14(13) Na bai ni vakana manumanu e roboti e na qelenisipi bulabula; ia na veibucabuca e ubi vakadua tu e na witi; era mani kaikaila e na reki, ka kacabote mai e na lagalaga sere.

Tehillim (Same) 65:1-14

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 25 in 5774 (Total 2100)	September 29 2013
Reading	Hebrew Date
Hoshea (Hosea) 4-6	M #7: Tishri 25, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Lasu Kei Na Veivakacalai (Lies And Deceit)

Thought: Liars And Deceivers Are Successful, For People Love To Hear Lies!

................. 

Serving For Yom Chamishi, [Seventh Month] Tishri 22, 5774

8th Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

O iko tamata, vakaraitaka e matamu na nomu saqati ira na luvedra yalewa o ira na nomu tamata, era dau parofisai tiko mai na nodra vakasama ga o ira vakataki ira. Parofisai saqati ira; 18 Tukuna vei ira, ni o Yahuwe na Sau (Sovereign YHWH) e kaya, Na leqa levu e na tau vei ira na yalewa era talia na qato ka cula na iubi ni ulu me rauti ira na veimataqali tamata e duidui na kedra ilevu, me rawa ni ra tudaitaka kina na bula ni tagane. O iko beka o na vakasasataka na nodra bula na noqu tamata, mo qai taqomaka tiko kina na nomu bula o iko vakataki iko? 19 Oni vakarogorogocataki au e matadra na noqu tamata e na vuku ni dua na iluku na barile kei na miramira ni madrai, [oni] vakamatei ira na tamata e sega ni dodonu me ra mate, oni vakabulai ira na tamata e dodonu me ra mate, e na nomuni lasutaki ira tiko na noqu tamata, o ira era sa dau taleitaka tu mada ga me ra rogoca na itukutuku lasulasu. 20 O koya oqori e kaya kina oqo o Yahuwe na Sau (Sovereign YHWH); Au  cata na nomuni isulu tali oni dau vakayagataka moni vakasasataki ira kina na tamata me vaka na manumanu vuka. Au na dresuka laivi mai ligamuni, au na qai sereka na nodra bula me ra galala, na bula ni tamata oni vakasasataki ira tiko vaka na manumanu vuka. 21 Au na dresuka laivi talega na nomuni iubi, ka vueti ira na noqu tamata mai na nomuni tatakube, me ra kakua tale ni tiko e na ruku ni nomuni kaukaua moni rawa ni vakasasataki ira. Qori oni na qai kila kina ni o au o Yahuwe (YHWH).  22 Baleta oni sa vakayalolailaitaki ira na yalododonu, e na nomuni [vosa] lasulasu, e na gauna au segata tiko kina  meu kakua ni vakavuna na nodra lomabibi; e na gauna vata au vakayaloqaqataki ira tiko kina na vakasisila me vuki laivi mai na nodra ivalavala vakasisila, me ra na qai rawa kina ni vueti. 23 O koya oqori, oni sa na sega ni raica tale kina na raivotu tawayaga, oni sa na sega talega ni cakava na caka i sausau. Au sa na vueti ira na noqu tamata mai na nomuni tatakube, oni na qai kila ni o au o Yahuwe (YHWH).

Yekezeki’yili (Isikeli) 13:17-23

NA IVAQA NI BULA (FOOD FOR THE SOUL)

E dua na tamata vuku e kaukaua; io, e dua na tamata kilaka e na tubu e na nona kaukaua. 6 E na ivadi vuku o iko o na valuta na nomu ivalu, ia na qaqa e rawa mai na kedra ilevu o ira na nomu dau ni  ivakasala.

Mishlei (Vosa Vakaibalebale) 24:5-6

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Buli e na kena ivalavala vei Ye'dutuni. E dua na same i Dawide. 2(1) Na noqu bula (soul) e waraki Yahuwe (YHWH) toka ga e na vakanomodi; na noqu vueti e na lako [ga] mai vua.  3(2) O koya duadua na noqu vatu ka noqu ivakabula, na noqu itataqomaki; au na sega ni yavalati vakalevu. 4(3) E na vakacava na kena dede na nomuni vakarerea tiko e dua na tamata me rawa ni oni qai labati koya, o kemuni kece, me vaka beka ni o koya e dua na lalaga sa kasura tiko se na bai sa tu tataivatia? 5(4) Baleta oni nanuma ga moni dreti koya sobu mai na [nona itutu] cecere; era taleitaka na lasulasu, mai gusudra era na  vosa veivakalougatataki, ia mai loma era veiru. 6(5) Na noqu bula e waraki Yahuwe (YHWH) duadua ga e na vakanomodi baleta na noqu inuinui e lako mai vua. 7(6) O koya duadua ga na noqu vatu kei na ivakabula, na noqu itataqomaki;   au na sega ni via yavalati. 8(7) Na noqu tiko vinaka kei na noqu dokai e cegu toka ga vei Yahuwe (YHWH). Na noqu vatu kaukaua kei na noqu ivunivuni era toka ga vei Yahuwe (YHWH).

9(8) ¶ Vakanuinui vua; kemuni na tamata, e veigauna kece;  talaucaka yani vua na vuniyalomuni e matana: o Yahuwe (YHWH) e itataqomaki vei keda kece. (Selaa) 10(9) O ira na tamata tawavanua era vaka e dua na icegu; ia o ira na tamata rogo era ka wale ga ni vakarairai;  kevaka o biuti rau vata e na dua na ivakarau ni bibi, rau na talave cake ruarua ni rau mamada [cake] mai na ka e sega. 11(10) Kakua ni vakanuinui i na veivakasaurarataki, kakua ni biuta na nuinui lasutaki e na butabutako; kevaka mada ga ke tubu cake na iyau, kakua ni laiva na vuniyalomu [me marautaka]. 12(11) O Yahuwe (YHWH) sa kaya oti oqo vakadua; o au, au sa rogoca oti vakarua; na kaukaua e taukena o Yahuwe (YHWH).13(12) O kemuni talega, i Yahuwe (YHWH), oni itaukei ni yalololoma; baleta oni na vakaicovitaka [na tamata kece] me veiraurau ga kei na nodra dui cakacaka.

Tehillim (Same) 62:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 22 in 5774 (Total 2097)	September 26 2013
Reading	Hebrew Date
Yechezk’yl (Ezekiel) 44-46	M #7: Tishri 22, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bavela Na Vatu E Vakadromuci (Bavel The Stone Was Sunk).

Thought: Safer To Remain With YHWH The Mighty One Of Yisra’yl!

....................... 

Serving For Yom Shlishi, [Sixth Month] Elul 28, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na [vosa ni] veibeci eda sa mai rogoca e sa vakamaduataki keda, na rogorogo ca sa ubia tu na matada; baleta o ira na kaitani era sa curuma na tikina tabu e na vale i Yahuwe (YHWH). 52 O koya oqo, e kaya kina o Yahuwe (YHWH), na veisiga sa roro mai au na vakataulewa kina e na nodra kalou matakau, ia o ira era vuetaki era na vutugu e na loma ni vanua taucoko. 53 Kevaka mada ga e kaba cake i lomalagi o Bavela, qai vakaukauataka na nona itataqomaki kaukaua, o ira na daukovekove era na lako yani vua mai vei au, e kaya o Yahuwe (YHWH). 54 E dua na tagi vakaloloma sa rogo mai Bavela! Na veivakarusai vakaitamera e na nodra vanua na Kasidimi! 55 Baleta o Yahuwe (YHWH) sa  vakacacani Bavela tiko, me vagaluya na  rorogo tawacegu ni domona, e vaka na vavakerekere ni biua ni wasawasa seuseua, na rorogo ni domodra kei na kena voqa.56 Io, o ira na dauvakacaca era sa sobuti   koya, era sa lutuki Bavela. O ira na nona bati era sa vesu, na nodra dakaititi sa vakamusutaki. Baleta o Yahuwe (YHWH) na Kalou (Mighty One) e dau veisausaumi; o koya e na veisausaumi dina. 57 Au na vakamatenitaki ira na nona iliuliu kei ira na vuku, na nona kovana, na nodra ivukevuke kei ira na bati. Era na moce vakadua, ka na sega ni yadra tale, e kaya na tui, na yacana o Yahuwe ni lewevuqa (YHWH Tzva'ot). 58 Oqori e kaya kina o Yahuwe ni lewevuqa (YHWH Tzva'ot): Na bailalaga vavaku ni Bavela, era na kama vakadua i na dela ni qele, na kena matamata cecere era na vakamai e na bukawaqa. O ira na tamata sa na tawayaga na nodra cakacaka, na cakacaka ni vanua era na vakamai e na yameyame [ni bukawaqa], na [tamata] kece era sa na wawale ga.

59 ¶ Oqo na vosa a vakarota o Yiremeyahu na parofita vei Sa'raya na luvetagane i Neraiya, na luvetagane i Makaseiya, e na gauna a lako kina vata kei Zidikiyahu na tui Ye'huda i Bavela, e na ikava ni yabaki ni nona veiliutaki vakatui. O Sa'raya [a qarava tiko na iyaragi, na iyaya kei na kakana] e na mataivalu (quartermaster). 60 O Yiremeyahu a vola e na dua tale na ivola vivigi, na vosa kece sa rogo oti, e vakamatatataki tu kina na leqa kece e na yaco mai Bavela. 61 Kaya o Yiremeyahu vei Sa'raya, Raica tiko, ni oni sa yaco yani i Bavela, mo na wilika e na domolevu, na vosa kece qo. Oti qai kaya; 62 I Yahuwe (YHWH), oni a yalataka ni oni na vakarusa na vanua oqo, me kakua ni dua e mai vakaitikotiko eke, na tamata se na manumanu, ia me sa na laladidi tu vakadua. 63 Ni o sa wilika oti na ivola vivigi oqo, vesuka vata kei na dua na vatu, qai kolotaka e loma [donu] ni Iuferetisi; 64 Qai kaya, Me vaka oqo, o Bavela e na dromu, me qai sega ni vude rawa tale, baleta na ca au na kauta mai vua; o ira era na qai yaco me ra wawale. [E keri e mai tini toka kina na vosa i Yiremeyahu].

Yiremeyahu (Jeremaia) 51:51-64

NA IVAQA NI BULA (FOOD FOR THE SOUL)

Ruarua, na vakasaurarataki ni dravudravua me vakavutuniyautaka e dua, kei na soli vei ira na vutuniyau e na kauta ga mai na leqa.

Mishlei (Vosa Vakaibalebale) 22:16

LOMANI YAHUWE NA NOMU KALOU (LOVE YHWH YOUR MIGHTY ONE

E dina ga ni yaco na veika kece oqo vei keimami, keimami a sega ga ni guilecavi kemuni; keimami sega talega ni veidabuitaka na nomuni veiyalayalati. 19(18) Na vuniyaloi keimami a sega ni vuki lesu, kei na neimami itosotoso e sega ni jiva tani mai na nomuni sala, 20(19) E dina ga ni oni tosoi keimami i na dua na qara ni jakele ka kovuti keimami e na dua na iyaloyalo butobuto  ni mate; 21(20) Ia kevaka keimami a guilecava na yaca ni neimami Kalou (Mighty One) se dodoka na liga i keimami vua e dua na kalou (elohim) tawakilai, 22(21) E na sega beka ni kunea na ka oqo na Kalou (Mighty One) ka ni kila vinaka tu o koya na veika vuni ni vuniyaloda? 23(22) E na vukumuni, keimami dau  vakamatei e na loma ni veisiga taucoko, keimami sa wili vakasipi era tuiyi tiko me ra lai moku mate. 24(23) Yadra cake i Yahuwe (YHWH)! Na cava oni moce tiko kina? Yavalati kemuni vakataki kemuni! Kakua ni biuti keimami laivi me tawamudu. 25(24) Na cava oni vukica tani tiko kina na matamuni, moni guilecava kina na neimami vuvutu kei na vakaloloma. 26(25) Baleta sa davo sara tu ga e na kuvunisoso, na yago i keimami sa kabita sara tu ga na dela ni qele. 27(26) Matacake, lako mai moni mai vukei keimami! E na vuku ni nomuni yalololoma, mai vueti keimami.

Tehillim (Same) 44:18-27

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.346 in 5773 (Total 2073)	September 3, 2013
Reading	Hebrew Date
Yirmeyahu (Jeremiah) 51-52	M #6: Elul 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26. May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Bala I Valeniveivesu O Yiremeyahu (Yirmeyahu Jailed)

Thought: Yirmeyahu’s Prophesy Fulfilled, And The King Released Him From Prison!

 ........................

Serving For Yom Rishon, [Fifth Month] Av 28, 5773

 MAI NA NEVI’IMI AKARONIMI (FROM THE NEVI’IM ACHRONIM)

Ia, e na gauna vata era vakasuka tiko kina na mataivalu ni Kasidimi mai na nodra tuvaivalutaki Yerushalayimi tiko, baleta na nodra domobulataka na mataivalu nei Fero. 12 O Yiremeyahu a sa biubiu mai Yerushalayimi me lako i na vanua vaka Biniyamini, me lai ciqoma kina e dua na nona ivotavota mai keya. Ni lako siviti ira tiko na lewenivanua;13 Me sa lai curu sara tikoga i na matamata vaka i Biniyamini, ni dua na nodra komada na yadra e keya, na yacana o Yire'iyaa, na luvetagane i Shelemeya, na luvetagane i Hananaya, a qai vesuki Yiremeyahu na parofita, qai kailavaka, O iko o sa [liumuri tiko] mo dro vei ira na Kasidimi! 14 Sauma o Yiremeyahu, Qori na vosa lasu! O au, au sega ni dro tiko vei ira na Kasidimi; ia o Yire'iyaa a sega ni via rogoci koya. A mani vesuki Yiremeyahu, qai kauti koya vei ira na vakailesilesi.15 O ira na vakailesilesi, e na nodra yalokatakatataki Yiremeyahu, era qai raica me warolaki, oti me qai biu tu vakavesu e loma ni vale i Yo'natani na vunivola; baleta a sa vuki tu me valeniveivesu. 16 Na tobu ni wai a sa vuki tu me loqi buto (dungeon), ia o Yiremeyahu a qai lai sogobutu tu e na dua vei ira na kena loqi; qai tiko voli e loma me dua na gauna balavu. 17 Oti qai talatala o tui Zidikiyahu me lai kau laivi mai keya o koya; oti qai vakatarogi koya lo na tui e na loma ni vale ni tui, E dua beka na irogo mai vei Yahuwe (YHWH)? Io, e dua, e kaya o Yiremeyahu, O iko o sa na soli laivi vua na tui Bavela. 18 Kuria o Yiremeyahu ni taro vaka kerekere vei Tui Zidikiyahu, Na cala cava beka au a cakava vei iko se vei ira na nomu italai, se vei ira na tamata oqo, e vakavuna na nomu biuti au tu kina e valeniveivesu?  19 Era sa tu qo evei o ira na nomu parofita, o ira era a parofisaitaka vei iko, ni o koya na tui Bavela e na sega ni mai valuti iko se valuta na vanua oqo?  20 O koya qo, moni yalovinaka [kina], moni vakarorogo mada vei au, kemuni na noqu turaga na tui! Au vakamasuta vei iko, moni vakadonuya na noqu kerekere, kakua ni cakava vei au, meu kau lesu i na vale nei Yo'natani na vunivola, deu na qai lai mate e keya.  21 E na ka oqori, o tui Zidikiyahu a qai solia na ivakaro, qori era qai lai biuti Yiremeyahu kina me tiko voli ga e na  lomanibai ni nodra vale na yadra; era qai dau solia vua e dua na ibuli madrai mai na nona Gaunisala na Dauvavavi, me yacova ni sa oti vakadua na madrai e loma ni korolevu. Qori a qai tiko voli ga kina o Yiremeyahu e na nodra lomanibai na yadra e valeniveivesu.

Yiremeyahu (Jeremaia) 37:11-21

NA IVAQA NI BULA (FOOD FOR THE SOUL)

O koya e rukaki tamana se tinana, na nona icina sa na boko laivi me butobuto vakadua. 21 Na iyau e rawa mai vakariri e na kena itekivu, e na sega ni kalougata e muri.

Mishlei (Vosa Vakaibalebale) 20:20-21

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Dawide: O Yahuwe (YHWH) e noqu ivakatawa; e sega na ka e sega vei au. 2 E cakava o koya meu koto no e na veivanua veico drokadroka; e tuberi au e na bati ni wai maravu. 3 O koya e vakavoutaka na noqu bula. E tuberi au e na sala ni yalododonu e na vukuni yacana. 4 Io, e dina, keu taubale kosova na buca ni yaloyalo ni mate, au na sega ni nuiqawaqaqawataka na leqa, baleta o kemuni oni tiko vata kei au; na nomuni moto kei na nomuni itoko era na vakacegui au. 5 Oni vakarautaka e dua na teveli e na vukuqu, oya mada ga ni ra rai tu na kequ meca; oni lumuta na uluqu e na ilumu mai na dua na bilo e vuabale tu kina. 6 Na yalovinaka kei na yalololoma e na  muri i au tiko e na veisiga kece ni noqu bula; au na lai vakaitikotiko voli vakayabaki e na vale i Yahuwe (YHWH) e na veitabayabaki era tu maimuri.

Tehillim (Same) 23:1-6

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.316 in 5773 (Total 2043)	August 4, 2013
Reading	Hebrew Date
Yesha’yahu (Isaiah) 57-58	M #5: Av 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTotogi Ni Lotutaki Matakau. (Punishment For Idol Worships)

             Thought: Three Forms Of Punishment: Warfare, Hunger and Pestilences!

 ........................

Serving For Yom Chamishi, [Fourth Month] Tammuz 5, 5773

 MAI NA NEVI’IMI AKARONIMI FROM THE NEVI’IM ACHARONIM)

Ia o iko, (i Yiremeyahu) kakua ni masulaki ira na tamata oqo! Kakua ni tagi se masu e na vukudra, baleta au na sega ni kauwaitaka meu rogoci ira, ni ra tagi mai vei au baleta na nodra veileqaleqa. 15 Na dodonu cava e tiko vua na noqu daulomani, me mai tiko kina e na loma ni noqu vale, [ni vakasamataki] na nona ivalavala vakamadua e dau vakayacora vata kei ira era le vuqa? Na isoro lewe ni manumanu vakatabui sa na sega ni veivuke, baleta o iko o dau mamarau e na veigauna kece o cakava tiko kina na ivalavala ca. 16 O Yahuwe (YHWH) a dau vakatokai iko e na dua na gauna, ni o vuni olive bulabula, totoka, cokaidrauna ka dau vuavuaivinaka. Ia qo e na vavadugudugu ni cavaa waromisa, e sa vakama o koya e na bukawaqa; na veitabana kece sara era na tilomi. 17 Baleta o Yahuwe ni lewevuqa (YHWH-Tzva'ot) o koya e a tei kemuni, sa vakalawataka me yaco vei kemuni na leqa. Qo e yaco ga baleta na ivalavala tawakilikili, era sa vakayacora tiko na matavuvale i Yisira'yili kei na matavuvale i Ya'huda, vei ira ga vakataki ira, e na nodra vakacudrui i au, e na nodra vakacabo isoro vei Ba'ala.18 O Yahuwe (YHWH) a vakatakila vei au na ka oqori, au qai kila kina, oni a vakaraitaka vei au na veika era a cakava tiko. 19 Ia au a vaka e dua na lami manoa sa tuiyi tiko me lai mokumate; au a sega ni kila ni ra a navuca tiko na inakinaki i me ra saqati au kina, Laiva me da vakarusa na vunikau kei na kena vuata, meda muduki koya laivi mai na nodra vanua na bula, me rawa ni guilecavi vakadua na yacana. 20 I Yahuwe ni lewevuqa (YHWH-Tzva'ot), daunilewa yalododonu, dau ni veivakatovolei ni inakinaki kei na vakasama,  au sa tekia yani vei kemuni na noqu ile; laiva sara meu raica na nomuni sausaumilesu vei ira. 21 Ia o koya oqo na veika a kaya o Yahuwe (YHWH) me baleti ira na tagane ni   'Anatota, era vaqara tiko na nomu bula, o ira era tukuna tiko vei iko, Tarova na nomu parofisai tiko e na yaca i Yahuwe (YHWH), de keimami na vakamatei iko sara ga o keimami vakataki keimami. 22 Oqo na ka e kaya o Yahuwe ni lewevuqa (YHWH-Tzva'ot): Au na totogitaki ira. O ira na nodra cauravou era na vakamatei e na seleiwau, o ira na luvedra tagane kei na luvedra yalewa era na mate mai na lauqa. 23 E sega tale ni dua vei ira e na vo bula, baleta au na kauta mai na leqa lelevu vei ira na tagane mai 'Anatota ni sa yaco mai na yabaki me ra totogitaki kina.

Yiremeyahu (Jeremaia) 11:14-23

NA IVAQA NI BULA (FOOD FOR THE SOUL)

Na tamata ca e na vakarorogo  i na tebenigusu dauveidabui; ia e dua e dau lasulasu e na vakarogoca na vosa ni veivakacacani. 5 ¶ O koya e vakalialiai ira na dravudravua e vakacudrui koya a buli i ira; ia o koya e rekitaka na leqa vakaloloma e na sega ni vosoti.

Mishlei (Vosa Vakaibalebale) 17:4-5

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Vei kemuni Au laveta cake yani na mataqu vei kemuni, o kemuni e tiko na nomuni idabedabe vakatui mai lomalagi. 2 Me vaka e dua na dauniveiqaravi ni rai cake i na ligana na nona turaga (master), se na vada i ligana na nona  marama (mistress); e vaka kina na matada ni vuki vei Yahuwe (YHWH) na noda Kalou (Mighty One) me yacova ni  sara ni sa qai yalololoma vei mai keda. 3 Ni yalololoma maivei keimami, i Yahuwe (YHWH), ni yalololoma mai  baleta keimami sa sinai vutuvutu e na  ilevu ni vosa ni veibeci,  4 Sa sivia tale vei keimami na nodra veivakasewasewani o ira era dau veivakalialiai, o ira era dau veibeci vata kei ira era dau dokadoka.

Tehillim (Same) 123:1-5

E dua na sere ni cabecabe. Mai vei Dawide. Ke a sega mada ni o Yahuwe (YHWH) e mai tokoni keda tiko, laivi Yisira'yili me tokoruataka, 2 Ke a sega mada ni mai totaki keda o Yahuwe (YHWH), ni ra matacake mai na tamata me ra saqati keda vakaivalu, 3 Ke ra a tilomi keda bulabula, ni tubu mai na nodra yalokatakatataki keda, 4 Keda a lomoci e loma ni wai, na uciwai ke a drodro vakadua e delada. 5 Io, na wai ni dobui ke a kui mai vakadua e delada.

6 ¶ Me vakacaucautaki o Yahuwe (YHWH), o koya a sega ni biuti keda me da vakasasataki e na batidra! 7 Eda a drobula me vaka na manumanu  vakatabana mai na nona tudai na dau vakasasa; na dai sa ramusu, e keda eda na drobula. 8 Na noda vukei e tiko e na yaca i Yahuwe (YHWH) o koya e a buli i lomalagi kei vuravura.

Tehillim (Same) 124:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 264 in 5773 (Total 1991)	June 13, 2013
Reading	Hebrew Date
Sh’mu’yl Bet (2 Samuel) 23-24	M #4: Tammuz 5, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vuravura Kei Na Lomalagi Vou ( New World And New Heaven).

Thought: There Is Happiness In Store For Those Who Fear YHWH

......................... 

Serving For Shabbat, Sivan 9, 5773

(Count The Days Towards Shavu’ot: Today Is Day 49 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Ia o au, au na tini i kemuni e na seleiwau, oni na tekicuva sobu kece moni mokumate; baleta e na gauna au kaci yani kina; oni qai sega ni tama mai, e na gauna au vosa kina, oni sega ni rogoca; ia oni cakava ga na veika e vakasisila e na noqu rai,  moni digitaka na veika e sega ni vakamarautaki au.13 O koya oqo e kaya kina vakaoqo o Yahuwe na Kalou (YHWH Mighty One), O ira na noqu dauniveiqaravi era na kana, ia o kemuni oni na biu tu ga moni walokai; o ira na noqu dauniveiqaravi era na gunu, ia o kemuni oni na biu tu ga moni karamaca. O ira na noqu dauniveiqaravi era na mamarau, ia o kemuni oni na bikai e na madua. 14 Io, o ira na noqu dauniveiqaravi era na lagalaga sere ni marau mai vuniyalodra, ia o kemuni oni na tagitagi mai na momosi ni vuniyalomuni, ka qoqolou mai na vuturi ni yalomuni. 15 O ira na noqu digitaki era na vakayagataka na yacamuni me icavuti ni veivatonaki, Laivi Yahuwe (YHWH) na Kalou (Mighty One) me mokuti  kemuni moni mate; o koya e na qai solia vei ira na nona dauniveiqaravi e dua tale na yaca.16 O koya oya, kevaka e dua e vuravura e vosavakalougatataki koya vakataki koya, o koya e na vosavakalougatataki koya ga e na yaca ni Kalou (Mighty One) ni dina; ia ke dua e vuravura e vosa  bubului, o koya e na vosa bubului ga e na yaca ni Kalou (Mighty One) ni dina; baleta na veileqa makawa era sa na guilecavi, ka tabonaki mai mataqu. 17 Baleta, raica, au sa bulia tiko e dua na lomalagi vou, kei na dua na vuravura vou, na veika makawa era sa na sega ni nanumi; era sa na sega tale vakadua ni vakasamataki. 18 O koya oya moni mamarau kina ka reki tiko me tawamudu e na veika au sa bulia tiko; baleta raica au cakava tiko me vanua ni reki o Yerushalayimi, kei ira na kena tamata me ra taleitaki.

Yeshayahu (Aisea) 65:12-18

NA IVAQA NI BULA (FOOD FOR THE SOUL)

Na tamata cudrucudru e na dau vakatubu veileti ia o koya e yalomalumu e na vakamalumutaka na veisei.19 ¶ Na nodra sala na vucesa e levu kina na votonikau; ia na gaunisala ni yalododonu e rawarawa.

Mishlei (Vosa Vakaibalebale) 15:18-19

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na same i Dawide. Kemuni na Kalou (Mighty One) o koya au dau vakamolimoli vua, kakua ni toka vagagalu; 2 Baleta o ira na tamata ca era dau veivakacalai era sa dolava na gusudra  me ra saqati au, ka ra sa vosa saqati au e na yame lasulasu, 3 [Era] cavuta na veivosa vakasevaki  wavolivoliti au, era qai valuti au ia e dina ga ni sega na vuna. 4 Me veisausaumi kei na noqu loloma era beitaki au, e dina ga niu a masulaki ira. 5 Era sauma vei au na ca me veisa kei na vinaka, kei na veicati me veisa kei  na noqu loloma.

6 ¶ [Era kaya], Lesia e dua na tamata ca me lewai koya, ka me qai dua mada ga na dauveibeitaki me tu e ligana imatau. 7 E na gauna me na lewai kina, laivi koya me kune ni cala; na nona vakatutusa mada ga me wili vaka ivalavala ca. 8 Laiva na nona veisiga me lailai wale;  ka me qai dua tani tale me mai taura na nona itutu. 9 Laivi ira na luvena me ra  luveniyali (fatherless) kei na watina me dua na yada. 10 Laiva ira na luvena me ra dau kerekere wavoki, me ra qai dau vakacacara kakana e na loma ni nodra itikotiko sa rusa tu. 11 Laivi ira na dau soqoni dinau me ra kauta laivi na veika kece e taukena; kei ira na vulagi me  ra drotaka na veika kece sa rawata. 12 Laiva me kakua ni dua e vakarautaka vua na itovo vinaka, ka me kakua ni dua e lomani ira na luvena  luveniyali. 13 Me ra muduki laivi mada ga o ira na  nona kawa, ka me boko laivi mada ga na yacana mai na loma ni dua ga na kawatamata. 14 Me qai nanuma tiko mada ga o Yahuwe (YHWH) na nodra caka cala o ira na nona itubutubu, kei na ivalavala  ca i tinana me kakua mada ga ni boko laivi; 15 Laiva me ra la la tiko ga e mata i   Yahuwe (YHWH), me kua ni cegu, me rawa ni na qai muduki ira laivi o koya, mai vuravura, 16 Baleta era a sega ni nanuma me ra vakaraitaka na yalololoma, ia era qai dau vakarautaka na ivakarau kaukaua vei ira era vakaloloma, o ira na dravudravua kei ira e bikai tu na vuniyalodra e na loma leqaleqa e rawa ni veivakamatei.17 E dau taleitaka na veivatonaki; qori  me qai vakavuna na dredre vua! E dau cata na vosa ni veivakalougatataki; ia oqori me na tu sara vakayawa mai vua.18 E dau vakasulumi koya vakataki koya e na vatovato (cursing) me vaka ni dau daramaka na nona kote; me qai curu mada ga i lomana me vaka na wai, me vaka na waiwai i loma ni suina. 19 Me qai kabiti koya tu mada ga me vaka na kote e dau dara,  me vaka na  ioro e dau wavivitaka e tolona. 20 Oqori na veika kece era vinakata vei Yahuwe (YHWH), me cakava vei au, o ira na kequ meca, oya o ira era dau vosa vakacacani au.

Tehillim (Same) 109:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 239 in 5773 (Total 1966)	May 18, 2013
Reading	Hebrew Date
Sh’mu’yl Alef (1 Samuel) 3-4	M #3:Sivan 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.