Tekivu Me Masu O Sholomo.(Shlomo Begins His Prayer)

Thought: Shlomo Asks YHWH To Watch Over Yisra’yl And Their Prayers

....................... 

Serving For Yom Sheini, Tishrei 15, 5773 (1^st Day: Festival of Sukkot)

NIKUA (1/10/12) ME WALU NA SIGA (TODAY (1/10/12) FOR THE NEXT EIGHT DAYS)

Vosa vei Moshe o Yahuwe (YHWH), ni kaya, 34 Vosa vei ira na luve i Yisira’yili, mo kaya vei ira, E na ikatinikalima ni siga ni ikavitu ni vula, o kemuni moni  qarava kina na solevu ni vale tabatabanikau (Sukkot) vei Yahuwe (YHWH), me vitu na siga. 35 Na imatai ni siga, me qaravi kina e dua na sosoqoni tabu e na vukumuni; moni kakua ni cakava kina e dua na mataqali cakacaka e na gauna oya. 36 Me vitu na siga na nomuni cabora tiko e tauyadua na isoro kama vei Yahuwe (YHWH); na ikawalu ni siga me dua tale na sosoqoni tabu e na vukumuni; moni na cabora kina e dua na isorokama e na bukawaqa vei Yahuwe (YHWH); moni qai sosoqoni vata, ia moni kakua ni cakava kina e duabulu na cakacaka. 37 Oqo na veisolevu bibi nei Yahuwe (YHWH), moni na kacivaka me yaco kina na sosoqoni tabu, ka me na dau vakacabori kina na isorokama e na bukawaqa vei Yahuwe (YHWH), e dua na isorokama, e dua na isoro laukana, e dua na isoro laugunu kei na kena bulubulu me vaka ni dodonu me caka e veiveisiga yadudua; 38 Oqo me ra ikuri ni veisiga ni vakacecegu nei Yahuwe (YHWH), ikuri ni nomuni isolisoli kei na nomuni iloloma, ikuri ni nomuni bubului, ka ikuri ni nomuni isolisoli soliwale, oni dau solia vei Yahuwe (YHWH). 39 Ia na ikatinikalima ni siga e na ikavitu ni vula, ni oni sa kumuna vata na vuata ni vanua, moni qai marautaka na solevu nei Yahuwe (YHWH) me vitu na siga; na imatai ni siga e na tabu kina na cakacaka, na ikawalu ni siga e na yaco kina na vakatatabutaki ni vakacegu. 40 Moni na qai betia e na vukumuni e na imatai ni siga, na vua ni veivunikau vivinaka, na moli, na taba ni niuniu, na mutali kei na wilou ni veibati ni uciwai: oti moni qai mamarau e mata i Yahuwe (YHWH) na nomuni Kalou (Mighty  One)  me siga vitu, oya me wili kina o kemuni kece sara na tamata e na loma ni vale i Yisira'yili. 41 O kemuni moni na dau vakayacora na solevu oqo vei Yahuwe (YHWH), me siga vitu e na dua na yabaki. Oqo me ilesilesi tawamudu e na nomuni veitabatamata kece sara; oqo moni na dau vakananuma e na ikavitu ni vula. 42 O kemuni moni vakatikotiko e na valetabatabanikau (sukkot), me siga  vitu; o ira kecega na lewe ni kawa Yisira'yili me ra na vakaitikotiko e na valetabatabanikau, 43 Me rawa kina vei ira na nomuni kawa me ra kila ni o au, au a cakava me ra vakaitikotiko e na valetabatabanikau o ira luve i Yisira'yili e na gauna au a kauti ira laivi kina mai na vanua o Ijipita: O au o Yahuwe (YHWH) na nomuni Kalou (Mighty  One). 44 O Moshe e a vakatakila vei ira na luve i Yisira'yili na veisolevu i Yahuwe (YHWH).

Wayikra (Vunau Ni Soro) 23:26-32

MAI NA NEVI’IMI RISHONIMI (FROM THE NEVI’IM RESHONIM)

Tucake sara e mata ni icabocabo ni soro nei Yahuwe (YHWH) o Sholomo, e matadra na lewe ni isoqosoqo   taucoko e Yisira'yili, dodoka cake na ligana ruarua i lomalagi, qai masu,  23 Ni kaya o koya, I Yahuwe (YHWH) na Kalou (Mighty One) i Yisira'yili, e sega tale ni dua e tautauvata kei kemuni e lomalagi e cake, se e vuravura e ra, e dau maroroya na veidinadinati kei na yalololoma vei ira na nomuni dauniveiqaravi era muri i kemuni tiko vakayalodina, e vuniyalodra taucoko kei na nodra bula taucoko. 24 O Kemuni oni a vakayacora na veika  oni a yalataka vei Dawide na tamaqu; ni oni a cavuta e gusumuni, oti oni qai vakayacora e ligamuni, me vaka sa yaco tu oqo, e na siga nikua. 25 O koya oqo, i Yahuwe (YHWH) na Kalou (Mighty One) i Yisira'yili, moni vakayacora talega e na vuku i Dawide na tamaqu na veika oni a yalataka vua, e na nomuni a kaya, E na sega vakadua ni sega na nomu kawa, e mataqu, me na dau dabeca na idabedabe vakatui e Yisira'yili, kevaka era na dau qarauna na nodra bula me ra bula tiko e mataqu e na dina, me vaka o dau muria o iko e mataqu. 26 Ia qo, i Yahuwe (YHWH) na Kalou (Mighty One) i Yisira'yili, laiva me vakadeitaki na nomuni vosa, oni a bubuluitaka vua na nomuni dauniveqaravi o Dawide na tamaqu. 27 Ia o Yahuwe (YHWH) e na mai vakaitikotiko dina e vuravura?  Raica na lomalagi, kei na lomalagi kei lomalagi e sega ni veirauti vei kei kemuni; e na qai yawayawa kalia sara ni veirauti vei kemuni  na vale au sa tara tu oqo. 28 Ia goleva mada  ga na masumasu ni nomuni dauniveqaravi, vata kei na nona vakatamamasu, i Yahuwe (YHWH) na noqu Kalou (Mighty One), moni rogoca na vakatamamasu  kei na masu e mai cabora tiko vei kemuni na nomuni dauniveiqaravi e na siga oqo; 29 Me rai tiko na matamuni e na vukuni  vale oqo e na bogi kei na siga, oya na na vanua oqo oni a kaya kina, na yacaqu e na tiko e keya; me rawa ni oni rogoca na masu e cabora tiko yani i matamuni na nomuni dauniveiqaravi, e na vanua oqo

M’lakhim Alef (1 Tui) 8:22-29

NA IVAQA NI BULA (FOOD FOR THE SOUL)

Luvequtagane, kania na hani, baleta ni vinaka; kei na qanihani, baleta ni  kamikamica e gusumu: 14 E vakakina ni na kunea na vuku na nomu bula (soul); qori o na raica kina na veika vivinaka, kei na nomu gagadre e na sega ni muduki laivi.

Mishlei (Vosa Vakaibalebale) 24:13-14

LOMANI YAHUWE NA NOMU KALOU (LOVE YHWH YOUR MIGHTY ONE

E dua na Same i Asafa. E ka dina, o Yahuwe (YHWH) e dau vinaka vei Isira’yili, vata kei ira e savasava vakaoti na vuniyalodra. 2 Ia o au mada, a voleka ni takali na yavaqu, na noqu ikalawa e a voleka ni sikidara. 3 Baleta au a vuvutaki ira na dau caka ca niu raica na nodra vutuniyau o ira na dau caka ca. 4 Baleta e sega na vutu e na nodra mate, ia na nodra ilawaki e levu cake ga. 5 Era sega ni wasea na nodra cakacaka na tamata; ka ra sega ni bau dau kuita me vakataki ira na vo ni tamata; 6 Vei ira na dokadoka e vaka na itaube, kei na ivakarau kaukaua e vunitaki ira me vaka na kote tiyara. 7 Na nodra ivalavala lawaki ca e sisi ga mai me vaka na qirisi, era sa dau cakava tu ga na gagano ca ni vuniyalodra. 8 Era dau vakasamataka ka kaya na veika vakasisila; era vosa vakalialia me baleti Koya sa Cecere sara. 9 Era tekia na gusudra mai lomalagi; ia na yamedra e yarataki tiko e na duka 10 O koya era na lesu mai kina i ke o ira na noqu tamata, era na taukena na veika kece, e na vakaitamera. 11 Era na kaya, E kila vakacava na Kalou (Mighty One)? Na vuku vakacava  beka e tiko vei Koya sa Cecere sara? 12 Raica, o ira qo na tamata ivalavala ca, era vutuniyau e vuravura; e vakaitamera na nodra lewa (power). 13 Ia o au, au sa vakasavasavataka na vuniyaloqu, ka savuya na ligaqu e na noqu tabucala. 14 E na loma ni siga taucoko au dau vakalolomataki, ia e na veimataka au dau vosataki.15 Kevaka meu kaya, Au na cakava me vaka era dau cakava, qori e na ivalavala ca levu vei au; 16 Niu vakasamataka niu kila oqo, qori e mosimosi vakalevu vei au; 17 Me yacova niu sa curu i na nona  vale tabu na Kalou (Mighty One); au qai kilakasamataka na kena itinitini. 18 Oni lesia na nodra tikina me veiraurau kei na nodra ilawaki; oni kolotaki ira sobu e na gauna era vakacerecerei ira kina; 19 E totolo wale na nodra kau i na rusa, e na dua wale ga na gauna lekaleka. 20 Me vaka ni dua e yadra mai na dua na tadra, i Yahuwe (YHWH) oni na sevaka na nodra sokaloutaki matakau.

21 ¶ O koya oya a luluvu kina na vuniyaloqu, na noqu vakasama a vakaleqai au. 22 Au sa rui lialia dina ka lecaika, au a vaka na manumanu kila e matamuni. 23 Oni na vakacegui i au e na nomuni ivakasala, ka liutaki au e na nomuni dokai. 24 O cei tale au kila mai lomalagi, o kemuni duadua ga?  O cei tale au gadreva e vuravura me kemuni ikarua? 25 Ia veitalia, au sa dau tiko tudei voli ga vata kei kemuni; oni sa tuberi au tiko e na ligamuni imatau. 26 Na lewequ kei na utoqu rau malumalumu wale, ia o Yahuwe (YHWH) e kaukaua ni utoqu ka noqu ivotavota me tawamudu. 27 Baleta raica, o ira era yawa kalia mai vei kemuni era na rusa; oni na vakarusai ira kece era lako sese laivi mai vei kemuni. 28 Au a marau niu toso voleka vei Yahuwe (YHWH), Au qai biuta na noqu inuinui vei Yahuwe (YHWH) na Kalou (Mighty One), meu rawa ni vakatusa na nomuni cakacaka kece sara.

Tehellim (Same) 73:1-28

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 274 o/o 1734	October 1, 2012
Reading	Hebrew Date
Tehellim (Same) 120-123	M #7: Tishrei 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veisolevu I Yahuwe (YHWH’s Festivals)

Thought: Remember The Salvation Of YHWH By Keeping His Festivals Annually

............... 

Serving For Shabbat Nisan 29, 5772

(NB. In Counting Days Toward Shavu’ot (Gr:Pentecost), Today Is Day 14 out of 50)

MAI NA TORAA (FROM THE TORAH

MONI dau nanuma na vula o Avivi, moni vakananuma kina na Lakosivia (Pesach) vei Yahuwe (YHWH) na nomuni Kalou (Mighty One); baleta e na vula o Avivi o  Yahuwe (YHWH) na nomuni Kalou (Mighty One) a kauti kemuni laivi kina mai Ijipita, e na bogi. 2 Qori moni na cabora kina na isoro ni Lakosivia vei Yahuwe (YHWH) na nomuni Kalou (Mighty One), maivei ira na qeleni sipi kei na qeleni bulumakau, e na vanua e digitaka o Yahuwe (YHWH) na nomuni Kalou (Mighty One) me tikora kina na yacana. 3 O kemuni moni kakua ni kania vata kei na madrai vakaleveni (hametz); ia me vitu na siga na nomuni dau kania tiko kina vata kei na madrai e sega ni vakaleveni (matzah), oqori na madrai ni rarawa; baleta oni a biubiu vaqunaquna mai na vanua o Ijipita; qori me rawa kina ni oni dau nanuma lesu na siga oni a biubiu kina mai Ijipita, e na veisiga kece ni nomuni bula. 4 Me kakua sara ga ni kune vei kemuni na madrai  vakaleveni me vitu na siga e na nomuni veivanua; me kakua talega ni vo e na bogi, me yacova na mataka, e dua na tiki ni lewe ni manumanu oni a cabora e na yakavi bogi ni imatai ni siga. 5 E sega ni tara vakalawa vei kemuni moni cabora na isoro ni Lakosivia e na loma ni nomuni tauni a solia vei kemuni o Yahuwe (YHWH) na nomuni Kalou (Mighty One): 6 (E vakatarai ga) moni lai cabora e na vanua sa digitaka o Yahuwe (YHWH) na nomuni Kalou (Mighty One) me vakatikora kina na yacana; e keya ga moni lai cabora kina na isoro ni Lakosivia e na yakavi bogi (me tekivu) mai na gauna e dromu tiko kina na matanisiga, oya na gauna vata oni a biubiu kina mai Ijipita. 7 Moni tavuna moni qai kania e na vanua a digitaka o Yahuwe (YHWH) na nomuni Kalou (Mighty One); oti moni qai lesu tale e na mataka, moni lako i na nomuni veivale laca. 8 Me ono na siga na nomuni kania tiko  na madrai e  sega ni vakaleveni; e na ikavitu ni siga me (yaco kina) e dua na soqoni tabu e na vuku i Yahuwe (YHWH) na nomuni Kalou (Mighty One); moni kakua ni cakava kina e dua na cakacaka. 9 Moni na wilika e vitu na macawa vakataki kemuni; moni tekivu wilika na vitu na macawa mai na gauna oni a tekivu tamusuka kina na witi era se duri tu e na isele takelo. 10 Ekeri moni na qai qarava kina na solevu ni macawa (Shavu’ot) vei Yahuwe (YHWH) na nomuni Kalou (Mighty One), ka moni na solia kina e dua na isolisoli soliwale mai na (cakacaka ni) ligamuni, oni a dau kumuna tiko mai vakatikitiki me veirauraua kei na veivakalougatataki a solia vei kemuni o Yahuwe (YHWH) na nomuni Kalou (Mighty One).

Na iVakarua (D’varim) 16:1-10

NA IVAQA NI BULA (FOOD FOR THE SOUL)

Na dau kauitukutuku ca e na  lutu i na ivalavala tawakilikili; ia na mata yalodina e dau ni veivakabulai. 18 ¶ Na dravudravua kei na madua e na yaco vua e besetaka na ivakavuvuli; ia e na dokai o koya e kauwaitaka na veivakadodonutaki. 19 ¶ Na inakinaki vinaka e kamikamica i na bula (soul); ia na noda vuki tani mai na veika vakasisila, e velavela vei ira na lialia;

Vosa Vakaibalebale (Mishlei) 13:17-19

LOMANI YAHUWE NA NOMU KALOU (LOVE YHWH YOUR MIGHTY ONE)

15(14) Na nomuni idabedabe vakatui e na tara e na yalododonu kei na lewa; na loloma kei na dina e na vakaliuci e matamuni.

16(15) ¶ Era kalougata o ira na tamata era kilakasamataka na nomuni dokai, era na bula muria, i Yahuwe (YHWH), na rarama ni kemuni iserau. 17(16) E na yacamuni era na mamarau e na veisiga kece sara; e na nomuni yalododonu era na vakacerecerei. 18(17) Baleta o kemuni na iukuuku ni neimami kaukaua; e na vukumuni na neimami itataqomaki (horn) e na vakacerecerei. 19(18) Baleta o Yahuwe (YHWH) e noda inuinui, o koya na ledua tabu i Isira’yili na noda tui.

20(19) ¶ Oni qai vosa e na raivotu vei ira na nona yalododonu, ni kaya o koya, Au sa soli veivuke vua e dua na tamata; au sa vakacerecerea e dua e digitaki mai vei ira na tamata 21(20) Au sa kunei i Dawide na noqu dauniveiqaravi; e na noqu waiwai tabu au sa lumuti koya. 22(21) Na ligaqu (hand) sa vukei koya; na gauniligaqu (arm) talega sa vakaukauataki koya. 23(22) Na meca e na sega ni rawai koya rawa, se vakaleqai koya o ira na luvena o koya e dau Ivakarau kaukaua. 24(23) Au na vakarusai ira na kena meca e matana, ka vakaleqai ira era cati koya. 25(24) Ia na noqu yalodina kei na yalololoma e na dau tiko vata kei koya, e na vuku ni yacaqu na nona vue (horn) e na vakacerecerei. 26(25) Au na vakatikora na ligana e loma ni wasawasa kei na ligana imatau e na vei uciwai. 27(26) E na tagi cake mai vei au o koya, O kemuni na tamaqu, na noqu Kalou (Mighty One), na noqu ivakabula vakaitamera. 28(27) Au na qisi i koya me noqu ulumatua, kau na vakacerecerei koya e deladra na vei tui kei vuravura. 29(28) Na noqu yalololoma au na maroroya tiko me nona ka tawa mudu, na noqu veiyalayalati e na toka dei vata kei koya. 30(29) O ira na nona kawa au na  vakataudeitaki ira me kakua ni mudu, na nona idabedabe vakatui me vaka na veisiga mai lomalagi. 31(30) O ira na luvena talega, kevaka era vakanadakuya na noqu lawa ka sega ni bula muria na noqu lewa; 32(31) Kevaka era qai vakacacana na noqu ilesilesi, ka sega ni vakabauta na noqu ivakaro; 33(32) Qori au na qai taleva kina na nodra talatalaidredre e na iwaro, kei na nodra ivalavala ca e na kuita. 34(33) Ia veitalia ga, na noqu yalololoma, au na sega ga ni kauta laivi taucoko maivua, se vakavuna na noqu yalodina me guce. 35(34) Au na sega talega ni vakanadakuya na noqu veiyalayalati se veisautaka na veika sa cavuti oti mai tebenigusuqu. 36(35) E na dua na gauna au a bubului kina na noqu yalododonu vei Dawide, kau na sega ni lasu. 37(36) Na nona kawa o koya era na veirawai tiko me tawamudu, na nona idabedabe vakatui e na vaka na matanisiga e mataqu. 38(37) E na vakataudeitaki me tawamudu me vaka na vula, ka vaka na ivakadinadina yalodina mai lomalagi.

Same (Tehellim) 89:15(14)-38(37)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 111 o/o 1571	April 21, 2012
Reading	Hebrew Date
Sh’mu’yl Bet (2 Samuela) 1-3	Nisan 29, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Solevu Ni Vale Tabatabanikau (The Feast of Sukkot)

Thought: The Festival Of Sukkot When You Live In Sukkot and Rejoice

......................... 

Serving For Shabbat, Adar 9, 5772

MAI NA TORAA (FROM THE TORAH)

Vosa vei Moshe o Yahuwe (YHWH), ni kaya, 34 Vosa vei ira na luve i Yisira’yili, mo kaya vei ira, E na ikatinikalima ni siga ni ikavitu ni vula, o kemuni moni  qarava kina na solevu ni vale tabatabanikau (Sukkot) vei Yahuwe (YHWH), me vitu na siga. 35 Na imatai ni siga, me qaravi kina e dua na sosoqoni tabu (convocation) e na vukumuni; moni kakua ni cakava kina e dua na mataqali cakacaka e na gauna oya. 36 Me vitu na siga na nomuni cabora tiko e tauyadua na isoro kama vei Yahuwe (YHWH); na ikawalu ni siga me dua tale na sosoqoni tabu e na vukumuni; moni na cabora kina e dua na isorokama e na bukawaqa vei Yahuwe (YHWH); moni qai sosoqoni vata, ia moni kakua ni cakava kina e duabulu na cakacaka. 37 Oqo na veisolevu bibi nei Yahuwe (YHWH), moni na kacivaka me yaco kina na sosoqoni tabu, ka me na dau vakacabori kina na isorokama e na bukawaqa vei Yahuwe (YHWH), e dua na isorokama, e dua na isoro laukana, e dua na isoro laugunu kei na kena bulubulu me vaka ni dodonu me caka e veiveisiga yadudua;  38 Oqo me ra ikuri ni veisiga ni vakacecegu nei Yahuwe (YHWH), ka ikuri ni nomuni isolisoli kei na nomuni iloloma, ikuri ni nomuni bubului, ka ikuri ni nomuni isolisoli soliwale, oni dau solia vei Yahuwe (YHWH). 39 Ia na ikatinikalima ni siga e na ikavitu ni vula, ni oni sa kumuna vata na vuata ni vanua, moni qai marautaka na solevu nei Yahuwe (YHWH) me vitu na siga; na imatai ni siga e na tabu kina na cakacaka, na ikawalu ni siga e na yaco kina na vakatatabutaki ni vakacegu. 40 Moni na qai betia e na vukumuni e na imatai ni siga, na vua ni veivunikau vivinaka, na moli, na taba ni niuniu, na mutali kei na wilou ni veibati ni uciwai: oti moni qai mamarau e mata i Yahuwe (YHWH) na nomuni Kalou (Mighty One)  me siga vitu, oya me wili kina o kemuni kece sara na tamata e na loma ni vale i Yisira'yili. 41 O kemuni moni na dau vakayacora na solevu oqo vei Yahuwe (YHWH), me siga vitu e na dua na yabaki. Oqo me ilesilesi tawamudu e na nomuni veitabatamata kece sara; oqo moni na dau vakananuma e na ikavitu ni vula. 42 O kemuni moni vakatikotiko e na valetabatabanikau (sukkot), me siga vitu; o ira kecega na lewe ni kawa Yisira'yili me ra na vakaitikotiko e na valetabatabanikau, 43 Me rawa kina vei ira na nomuni kawa me ra kila ni o au, au a cakava me ra vakaitikotiko e na valetabatabanikau o ira luve i Yisira'yili e na gauna au a kauti ira laivi kina mai na vanua o Ijipita: O au o Yahuwe (YHWH) na nomuni Kalou (Mighty One). 44 O Moshe e a vakatakila vei ira na luve i Yisira'yili na veisolevu i Yahuwe (YHWH).

Na Lawa Ni Soro (Wayikra) 23:33-44

NA IVAQA NI BULA (FOOD FOR THE SOUL)

E ka ni qito vua na lialia me cakava na vakasausa; ia na tamata yalomatua e taukena na vuku.

Vosa Vakaibalebale (Mishlei) 10:23

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Maivei ira na kawa i Kora’aka. E na ivakatagi rogo memela (alamont). E dua na Sere. 2(1) Na Kalou (Mighty One) e noda itataqomaki ka noda kaukaua; na dauniveivuke e dau tu voleka e na veigauna ni leqaleqa. 3(2) Oni dau tu vata kei keimami e veigauna kece; qori keimami na sega ni taqaya kina, ke uneune na vuravura ka sasakurekure na veiulunivanua me yaco i na uto ni wasaliwa; 4(3) Ke mani vavadugudugu na wai ka seuseua, ke mani yavala na ulunivanua e na kena kaukaua. 5(4) E tiko e dua na uciwai, na kena soniwai e vakamarautaka na korolevu ni noda Kalou (Mighty One), na tikina tabu e na itikotiko nei koya e Cecere taudua (YHWH Ylyon). 6(5) Na Kalou (Mighty One) e tiko e na kedra maliwa; o koya e na sega vakadua ni yavalati; Na Kalou (Mighty One) e na vukei koya e na mataka lailai sara.

7(6) ¶ Era leva na tawalotu, na veimatanitu era domobula; o koya, ni laveta cake na rorogo ni domona, na vuravura e uneune. 8(7) O Yahuwe ni lewevuqa (YHWH Tzva’ot) sa tiko kei keda; na Kalou (Mighty One) i Ya’akove e noda ivunivuni. 9(8) Lako mai, raica na cakacaka ni Kalou (Mighty One), baleta e cakava tiko na ka veivakurabuitaki e vuravura. 10(9) Me yacova na vakataotioti kei vuravura; o koya e na cakava na veivaluvaluti me tini, o koya e na musuka na dakaititi ka musulaka na moto, o koya e na vakama na qiqi ni ivalu e na bukawaqa. 11(10) Veivutuni, kila ni o au o Yahuwe (YHWH); au vakalevulevui vei ira na tawalotu ka vakalevulevui e vuravura. 12(11) O Yahuwe ni lewevuqa (YHWH Tzva'ot) sa tiko kei keda; na Kalou (Mighty One) nei Ya’akove e noda idrodro.

Same (Tehellim) 46:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
062 Blog No. 1522	March 3, 2012
Reading	Hebrew Date
Tiko Mai Lekutu (B’midbar) 30-31	Adar 9, 5772
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Uvu Davui Kei Na Lolo (Blowing The Trumpet And Fasting)

Thought: Fasting On Yom Kippur (Atonement) is From Even to Even.

 ..........................

Serving For Yom HaShishi, Adar 8, 5772

MAI NA TORAA (FROM THE TORAH)

Vosa o Yahuwe (YHWH) vei Moshe ni kaya, 24 Vosa vei ira na kawa Yisira'yili, mo kaya vei ira, Na ikavitu ni vula e na imatai ni siga ni vula, me dua na Siga ni vakacegu vei kemuni, oya me ivakananumi ni kena uvu na davui, qo me dua na siga ni sosoqoni (convocation) tabu. 25 Moni kakua ni cakava kina e dua ga na mataqali cakacaka: ia moni na cabora e dua na isorokama vei Yahuwe (YHWH). 26 Vosa tale o Yahuwe (YHWH) vei Moshe ni kaya, 27 Vosa vei ira na kawa Isiral’yili mo kaya vei ira, E na ikatini talega ni siga ni ikavitu ni vula qo, e siga ni veivakaduavataki (atonement); ka na dua na siga ni sosoqoni tabu vei kemuni; o kemuni moni na vakamalumalumutaki kemuni vakataki kemuni, ka cabora e dua na isoro kama e na bukawaqa vei Yahuwe (YHWH). 28 Moni kakua ni cakava e dua na cakacaka e na siga oqo: baleta ni siga ni veivakaduavataki moni cabora  kina e dua na isoro ni bulubulu  e na vukumuni, e na mata i Yahuwe (YHWH) na nomuni Kalou (Mighty  One). 29 Na tamata ga e sega ni vakamalumalumutaki koya vakataki koya e na siga oqo, o koya e na muduki tani mai na kedra maliwa na nona tamata. 30 Na tamata ga e cakava e dua na cakacaka e na siga oqo, na tamata oqori, o au, au na vakarusa mai na kedra maliwa na nona tamata. 31 Moni kakua sara ga ni vakayacora e dua mada ga na mataqali cakacaka; qori me na dua na lawa tawamudu e na kedra maliwa na veitabatamata kece sara, e na nomuni itikotiko kece sara. 32 Oqo na Siga ni vakacecegu ni Veisiga ni vakacecegu vei kemuni, moni na vakamalumalumutaki kemuni vakataki kemuni;  e na ikaciwa ni siga ni vula e na kena yakavi, mai na yakavi ki na yakavi, moni qarava kina na nomuni Siga ni vakacecegu oqo.

Na Lawa Ni Soro (Wayikra) 23:23-32

NA IVAQA NI BULA (FOOD FOR THE SOUL)

Na tebenigusuna na yalododonu e sinai vutuvutu e na yalololoma; ia na lialia era mate wale e na nodra gadreva tiko na vuku.

Vosa Vakaibalebale (Mishlei) 10:22

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E na ilagalaga ni “Lilies”. Maivei ira na kawa i Kora’aka. E dua na vucu ni veivakatavulici (Maskil) Na sere ni wede.  2(1) Na utoqu sa malaude tiko e na itukutuku vinaka; Au na tukuna na veika au a cakava vua na Tui; na yamequ, e vaka na peni e ligana e dua na dau ni volavola. 3(2) O kemuni oni rairai totoka cake mai vei ira kece na luve ni tamata; na vosa ni loloma sa talivi tiko mai tebenigusumuni: o koya oya o Yahuwe (YHWH) sa vakalougatataki kemuni tu kina me tawamudu. 4(3) Vauca na nomuni seleiwau e na dibimuni, kemuni na qaqa, (dara) na nomuni lagilagi kei na nomuni sau. 5(4) Na nomuni sau sa qaqa; vodo e na vosa ni dina, yalomalumu kei na yalododonu; na nomuni lawa sa laveti cake baleta na dokai ni ligamuni imatau. 6(5) E gata na nomuni gasau ni dakaititi;  laiva me coka na utodra na nodra tui na meca, laiva na tamata me ra bale e rukumuni.

7(6) ¶ Na nomuni idabedabe vakatui, kemuni na Kalou (Mighty One) e tawamudu ka sega ni mudu. Na ititoko (sceptre) ni nomuni matanitu e ititoko dina. 8(7) Oni taleitaka na yalododonu, ka  sevaka na ivalavala ca; o koya oya sa lumuti kemuni kina o Yahuwe (YHWH) na nomuni Kalou (Mighty One) e na waiwai ni reki, moni liu cake mai vei ira na nomu itokani. 9(8) Na nomuni isulu e kuvuraki mai kina na iboi ni mura, na yasi kei na kasia, mai na valetabu totoka vakaoti, na tikina era dau vakamarautaki kemuni kina. 10(9) Na luvena yalewa na tui era tuva tu e na lagilagi, na ranadi e duri tu e na liagamuni imatau e na koula ni Ofiri. 11(10) Rogoca, luvequ yalewa, vakananuya qai vakala mai na daligamu; guilecavi ira na nomuni tamata, kei na vale nei tamamuni. 12(11) Na tui e na gadreva vakalevu na kemuni totoka; baleta o koya e nomuni Sau; cuva sobu mo vakarokoroko vua. 13(12) Na luve i Zora era na sokalou vua; o ira mada ga na vutuniyau e na kedra maliwa na tamata era na vaqarai kemuni vata kei na nodra iloloma soliwale.14(13) Na nodra lagilagi kece na luveyalewa ni tui e lako ga mai i loma; na nona isulu era tali vata mai kei na wa koula matailalai. 15(14) O koya e na kau mai vua na tui vata kei na iloloma soliwale, o ira na nona itokani tabutagane era na muri i koya tiko mai. 16(15) E na mamarau kei na reki era na kau mai; me ra curu e na loma ni nona itikotiko vakaturaga na tui.17(16) Era na sosomitaki ira na tamamuni o ira na luvemuni tagane; oni na lesi ira me ra iliuliu e vuravura raraba. 18(17) Au na cakava na yacamuni me na dau nanumi e na veitabatamata kece sara; oqori era na vakavinavinaka kina vei kemuni na tamata me tawamudu ka sega ni mudu.

Same (Tehellim) 45:1(0)-18(17)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
061 Blog No. 1521	March 2.
Reading	Hebrew Date
Tiko Mai Lekutu (B’midbar) 28-29	Adar 8, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

So Tale Na Solevu Nei Yahuwe (More Feasts of YHWH)

Thought: Count Each Of The Fifty Days To The Shavu’ot With Special Prayers

........................ 

Serving For Yom Chamishi, Adar 7, 5772

MAI NA TORAA (FROM THE TORAH)

Moni na wilika vakataki kemuni, mai na mataka kadua, oya mai na siga oni a kauta mai kina na omera, me mai isoro yalovaki; ka me oti vinaka sara e vitu na Siga ni vakacecegu (Shabbat): 16 Me yacova na mataka kadua, ni oti na ikavitu ni Siga ni vakacecegu, moni na wilika e limasagavulu na siga; e keri moni qai cabora kina e dua na isoro laukana e na witi tamusuki vou vei Yahuwe (YHWH). 17 O kemuni moni kauta mai na nomuni itikotiko e rua na ibuli madrai yalovaki buli mai na rua na ikatini ni dua na efa; na falawa matailalai; ka me na vavi vata kei na leveni; oqo na isevu vei Yahuwe (YHWH). 18 O kemuni moni na cabora vata kei na madrai, e vitu na lami sega na kena leqa vakayago, era yabaki ya dua, dua na bulumakau tagane gone, kei na rua na sipitagane; qo me isorokama vei Yahuwe (YHWH), vata kei na kena isoro laukana, kei na isoro laugunu era cabori e na bukawaqa, na isoro boi kamica vei Yahuwe (YHWH). 19 Oti moni qai cabora e dua na luveni me kei na rua na luveni sipi era yabaki ya dua, me isoro ni tiko veisaututaki. 20 Na kohena me na yalovaka vata kei na madrai e isevu, na isoro yalovaki e na mata i Yahuwe (YHWH), vata kei na lami ruarua; oqo me ra na kena na kohena baleta ni ra tabu e na mata i Yahuwe (YHWH). 21 O iko mo na tusanaka, ni siga ni sosoqoni tabu, na siga vata oya; moni kakua ni cakava kina e dua na cakacaka; ka me ilesilesi tawamudu e na nomuni itikotiko kece sara vei ira na lewe ni nomuni kawa kecekece. 22 Ni oni sa tamusuka na nomuni vanua, moni kakua ni tamusuka vakadua me yaco sara I na tutuna, ka moni kakua talega ni vakatomika mai na cava era lulutu; qori moni laiva ga me kedra na dravudravua, kei ira na tavuki (proselyte); o au o Yahuwe (YHWH) na nomuni Kalou (Mighty  One).

Na Lawa Ni Soro (Wayikra) 23:15-22

NA IVAQA NI BULA (FOOD FOR THE SOUL)

Na tebenigusuna na yalododonu e sinai vutuvutu e na yalololoma; ia na lialia era mate wale e na nodra gadreva na vuku.

Vosa Vakaibalebale (Mishlei) 10:21

LOMANI YAHUWE NA NOMU KALOU (LOVE YHWH YOUR MIGHTY ONE)

Na ka kece oqo sa yacovi keimami; ia keimami sega ni guilecavi kemuni, ka keimami sega talega ni veidabuitaka na nomuni veiyalayalati. 19(18) Keimami sega ni vuki vakanadaku se butu sevata na neimami ikalawa mai na nomuni sala. 20(19) Baleta e na ikarua ni gauna, oni a vakamalumalumutaki keimami e na vanua ka kovuti keimami e na iyaloyalo ni mate. 21(20) Ia keimami se sega ni guilecava na yaca ni neimami Kalou (Mighty One) se dodoka na liga i keimami me keimami tadolovi ira na kalou (elohim) tawakilai; 22(21) Na Kalou (Mighty One) e na vakadeuca na veika oqo, baleta ni kila na veika tawakilai ni vuniyaloda. 23(22) Io, e na vukumuni keimami sa vakamatei tiko kina e na veiveisiga; keimami sa wili vakasipi era tuiyi tiko me ra lai vakamatei. 24(23) Yadra, kakua ni moce, i Yahuwe (YHWH), nanumi keimami, kakua ni lecavi keimami. 25(24) Kakua ni rai tani na matamuni mai vei keimami, kakua ni guilecava na neimami vakalolovirataki kei na neimami vakasaurarataki; 26(25) Baleta na neimami bula (soul) sa malumu sobu i na kuvu ni soso; na yago i keimami sa tara na dela ni qele. 27(26) Matacake mai moni vukei keimami; vueti keimami e na vuku ni nomuni dauyalololoma.

Same (Tehellim) 44:17-26

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
061 Blog No. 1521	March 1, 2012.
Reading	Hebrew Date
Tiko Mai Lekutu (B’midbar) 26-27	Adar 7, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Solevu I Yahuwe (The Feast Of YHWH)

Thought: The Weekly Shabbat Is The First of YHWH’s Feasts

............................. 

Serving For Yom R’vi’i, Adar 6, 5772

MAI NA TORAA (FROM THE TORAH)

Vosa vei Moshe o Yahuwe (YHWH), qai kaya, 2 Vosa vei ira na Isire’yili, mo kaya vei ira, E na veika me baleta na veisolevu nei Yahuwe (YHWH), o iko mo kacivaka vei ira na gauna ni sosoqoni tabu, Oqo na noqu veisolevu. 3 E ono na siga moni cakava kina na nomuni cakacaka; ia na ikavitu ni siga e Siga ni vakacecegu, me yaco kina na cegu vakaidina; qo e siga vakatabui vei Yahuwe (YHWH); moni kakua ni cakava kina e duabulu na cakacaka e na loma ni siga oya; ka ni Siga ni vakacecegu vei Yahuwe (YHWH) e na nomuni itikotiko kece sara.

4 ¶ Oqo na veisolevu i Yahuwe (YHWH), oya na vei sosoqoni tabu, mo na dau kacivaka e na kedra dui gauna. 5 E na ikatinikava ni imatai ni vula ni dromu ni siga, na nona Lakosivia o Yahuwe (YHWH).  6 E na ikatinikalima ni siga ni vula vata oya, e na yaco kina na solevu ni madrai sega ni vakaleveni (matzah) vei Yahuwe (YHWH); e na loma ni vitu na siga, o kemuni, moni dau kania tiko kina na madrai e sega ni vakaleveni. 7 E na imatai ni siga, moni vakayacora kina e dua na isoqosoqo tabu; mo ni kakua ni cakava e dua na cakacaka e na siga oya. 8 Ia moni na cabora na isoro e cabo e na bukawaqa vei Yahuwe (YHWH) e na vitu na siga; na ikavitu ni siga e siga tabu ni sosoqoni; moni kakua ni cakava kina e dua na cakacaka. 9 Vosa o Yahuwe (YHWH) vei Moshe ni  kaya, 10 Vosa vei ira na luve i Yisira'yili, mo kaya vei ira, Ni oni sa yaco yani i na loma ni vanua au sa solia qo vei kemuni,  moni tamusuka na vuata mai keya, moni na qai kauta mai e dua na omera na isevu ni nomuni tatamusuki vua na kohena. 11  O koya me na qai yalovaka na omera  e na mata i Yahuwe (YHWH), me  ciqomi e vukumuni; na kohena me na yalovaka e na siga e tarava na imatai ni siga ni solevu. 12 O kemuni moni na cabora e na siga oni yalovaka kina na omera, e dua na luve ni sipitagane yabaki dua e sega na kena leqa vakayago, me isorokama vei Yahuwe (YHWH). 13 Na kena isoro laukana me rua na ikatini na efa na falawa matailalai waki kei na waiwai, e dua na isoro e cabo e na bukawaqa vei Yahuwe (YHWH) me ka boi kamica; na kena isoro gunuvi me waini, e dua na ikava na hini (se rua veimama na paidi). 14 O kemuni moni kakua ni kana madrai, se witi tavu, se sola drokadroka, me yacova mai na siga vata oya, me yacova mai na siga oni na  kauta mai kina na nomuni isolisoli vua na nomuni Kalou (Mighty One); qo me na dua na ilesilesi e tawamudu, vei ira na nomuni kawa tamata kecekece, e na loma ni nomuni itikotiko kece sara.

Na Lawa Ni Soro (Wayikra) 23:1-14

NA IVAQA NI BULA (FOOD FOR THE SOUL)

Na yamedra na yalododonu e vaka na siliva digitaki, ia na vuniyalona na  tamata ca e sinai tu e na yaloca.

Vosa Vakaibalebale (Mishlei) 10:20

LOMANI YAHUWE NA NOMU KALOU (LOVE YHWH YOUR MIGHTY ONE)

Oni cakava me keimami vakadrukai; o ira na keimami meca, era sa yauta na itoki ni ivalu mai vei keimami. 12(11) Oni sa volitaki keimami me vaka na sipi era sa wase tani tu me na laukana; ka ceburaki keimami e na kedra maliwa na veimatanitu. 13(12) Oni sa volitaki ira na nomuni tamata e na isau rawarawa, ka sega ni rawata e dua na tubu mai na nomuni volivolitaki. 14(13) Oni cakava me keimami rogorogo ca e na kedra maliwa na weka i keimami vakaitikotiko, me keimami vakalialiai, ka veiwalitaki vei ira era tiko wavolivoliti keimami: 15(14) Oni cakava me keimami beci e na kedra maliwa na veimatanitu,  me ra dau kurea na uludra e na vuku i keimami e na kedra maliwa na veimatanitu, 16(15) E na loma ni siga taucoko, na neimami rogorogo ca sa no ga e mata i keimami, na madua e mataqu sa luvuci au vakadua, 17(16) Baleta na domona o koya e beci au ka dau vosavakacacataki au; baleta talega na kequ meca e mai veisausaumi tiko vei au.

Same (Tehellim) 44:9-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
060 Blog No. 1520	February 29, 2012.
Reading	Hebrew Date
Tiko Mai Lekutu (B’midbar) 23-25	Adar 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofisai Nei Malakai (Malachi’s Prophecy).

Thoughts: Think Diligently About Your Future, Turn To YHWH

 ........................

Serving For Khah Mee-shee, Tishrei (Seventh Month) 1, 5772

(Rosh Hashanah se Na Solevu Ni Uvu Davui)

L’shana Tovah u’Metukar To You Today - A Happy New Year To You All.

 ....................................

O Yahuwe (YHWH) a qai vosa vei Moshe qai kaya, 24 Vosa vei ira na kawa Isire'yili, mo kaya vei ira, Na ikavitu ni vula e na imatai ni siga ni vula, me dua na Siga ni vakacecegu vei kemuni, oya na ivakananumi ni kena na uvu na davui  ka me na yaco na sosoqoni tabu. 25 Moni kakua ni cakava kina e dua ga na mataqali cakacaka: ia moni cabora e dua na isoro kama vei Yahuwe (YHWH).

Vunau Ni Soro (Wayikra) 23:23-25.

BALETA raica, sa tadu mai na siga e na kama kina me vaka na lovo katakata na noqu leva; o ira kece era viavialevu kei ira kece era daucaka ca, era na vaka na tabanisila; na siga sa roro tiko mai era na vakamai kece kina, e kaya o Yahuwe ni lewevuqa (YHWH Tzva’ot), me kakua ni vo tale tiko na wakadra se na tabadra. 2 Ia, vei kemuni oni rerevaka na yacaqu, vei kemuni e na cadra na matanisiga ni yalododonu, e dau tiko e tebenigusuna na veivakabulai; oni na qai lako yani ka ladelade e na malaude me vaka na luveni bulumakau mai na qele ni manumanu.3 Oni na butuki ira sobu na tamata ca; baleta era sa na dravusa kece tu e na qeteqete ni yavamuni; e na siga oya au na cakava kina na veika oqo, e kaya o Yahuwe ni lewevuqa (YHWH Tzva’ot).

4 ¶ Nanuma na ivunau nei Moshe na noqu dauniveiqaravi, au a vakarota vua mai ‘Oreva, me baleti Isire’yili raraba, vata kei na kena lawa kei na lewa. 5 Raica, au na talai Yi’laiya yani, na parofita, vei kemuni ni sebera ni yaco na siga vakaitamera, vakadomobula nei Yahuwe (YHWH). 6 O koya e na qai lai vagolea na vuniyalodra na tama vei ira na lalai  kei na vuniyalodra na lalai vei ira na tama, deu na qai lako yani meu lai samuta na vuravura me rusa.

Malakai (Mal’akhi) 4:1-6.

OTI sa qai vosa o Yahuwe (YHWH) vei Moshe kei Aharoni e na vanua o Ijipita, ni kaya. 2 Na vula qo sa na itekitekivu ni veivula vei kemuni; e sa na imatai tiko ni vula ni yabaki vei kemuni. 3 Vosa vei ira kece ni isoqosoqo e Isira'yili; mo drau kaya, E na ikatini ni siga ni vula qo, me ra taura kina na tamata yadua e dua na lami e na vukudra o ira vakataki ira, kei na dua na lami e na vukudra na matavuvale nei tamadra. 4 Ia kevaka era rui lewe lailai na lewe ni matavuvale me rauti ira e dua taucoko na lami, laivi ira vata kei ira na wekadra vakatitikotiko era tiko veitikivi, me ra wasea vata e dua, me veiraurau  kei na kedra iwiliwili na tamata; na tamata yadua me veiraurau kei na tikina me ra na kania me wili e na lami oya. 5 Na lami me kakua ni tiko na kena leqa (tavutonotono),  me katagane se qai yabaki dua; qori me tauri mai vei ira na qele ni lami se mai vei ira na qele ni luve ni me.  6 Moni na maroroya tiko me yacova na ikatinikava ni siga ni vula vata oya: na lewe ni isoqosoqo taucoko e Isira'yili me ra na qai dui vakamatea ni dromu na siga oya

Lako Yani (Sh’mot) 12:1-6.

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
271/Blog No. 1411	September 29, 2011.
Reading	Hebrew Date
Isaiah (Yesha’yahu) 16-18	Tishrei 1, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.