Mamarau E Na Solevu (Rejoice At The Feastival)

Thought: Attending The Feast Is Compulsory If You Follow YHWH

 .................

Serving For Yom Rishon Nisan 30, 5772 (Last Day) 

(NB. In Counting Days Toward Shavu’ot (Gr:Pentecost), Today Is Day 15 out of 50)

MAI NA TORAA (FROM THE TORAH

O kemuni moni na mamarau e na mata i Yahuwe (YHWH) na nomuni Kalou (Mighty One); oya o kemuni, o ira na luvemuni tagane kei ira na luvemuni yalewa, o ira na nomuni dauniveiqaravi tagane kei na nomuni vada, o ira na Livi’imi era vakaitiotiko e na nomuni tauni, o ira na vulagi kei ira e sega na tamadra, o ira na yada era tiko e na kemuni maliwa; e na vanua cava ga e digitaka o Yahuwe (YHWH) na nomuni Kalou (Mighty One) me vakatikora kina na yacana. 12 Moni nanuma tiko ni oni a bobula tu mai Ijipita; qori moni dau vakananuma kina moni vakayacora na veilewa oqo. 13 Moni na vakananuma na solevu ni vale tabatabanikau (Sukkot) me vitu na siga, ni oni sa yauta vata oti mai na nomuni buturara ni samusamu ka vaka kina mai na nomuni iqaqi ni waini. 14 Moni na mamarau e na nomuni solevu, o kemuni, o ira na luvemuni tagane, o ira na luvemuni yalewa, o ira na nomuni dauniveiqaravi  tagane kei ira na nomuni vada, o ira na L'vi'imi, o ira na vulagi, o ira era luveniyali, o ira na yada, era tiko e nomuni veitauni. 15 Me siga vitu na siga na nomuni vakananuma tiko kina na solevu tabu (oqo) vei Yahuwe (YHWH) na nomuni Kalou (Mighty One) e na vanua e digitaki o Yahuwe (YHWH); qo baleta o Yahuwe (YHWH) na nomuni Kalou (Mighty One) sa na vakalougatataki kemuni e na tubu ni  nomuni vuata kece sara, ka vaka kina e na cakacaka kece ni ligamuni; oqori moni na mamarau kina. 16 Vakatolu e na dua na yabaki, me kau mai kina na nomuni iloloma ni ivakananumi i na mata i Yahuwe (YHWH) na nomuni Kalou (Mighty One) e na vanua e digitaka yani o koya; e na solevu ni madrai sega ni vakaleveni (Matzah)  e na solevu ni macawa (Shavu’ot) kei na solevu ni vale tabatabanikau (Sukkot); ia moni kakua ni basika ligalala yani i na mata i Yahuwe (YHWH) na nomuni Kalou (Mighty One). 17 Na tamata yadua me solia na ka e rawata, me veiraurau ga kei na veivakalougataki sa solia tiko vei kemuni o Yahuwe (YHWH) na nomuni Kalou (Mighty One).

Na iVakarua (D’varim) 16:11-17

NA IVAQA NI BULA (FOOD FOR THE SOUL)

O koya e lako vata kei na tamata vuku, e na vuku; ia na nona itokani na lailia e na sotava na rarawa. 21 ¶ Na ca e muri i ira na tamata ca; ia vei ira na yalododonu, na vinaka e na saumi lesu vei ira. 22 ¶ Na tamata vinaka e na biuta tu mai e dua na ivotavota me baleti ira  na luvedra na luvena; na nodra iyau na ivalavala ca e na nodra na yalododonu. 23 ¶ O ira era sega ni kila na iwalewale ni bula (life) e na vakarusai ira na iyau; io, e levu na tamata era vakarusai sara ga vakadua.

Vosa Vakaibalebale (Mishlei) 13:20-23

LOMANI YAHUWE NA NOMU KALOU (LOVE YHWH YOUR MIGHTY ONE)

Ia o kemuni oni sa vakanadakui keimami, ka sevaki keimami, oni sa vakavuna na nomuni lumuti, me vukica laivi na matana. 40(39) Oni sa vakanadakuya na veidinadinati kei na nomuni dauniveiqaravi, oni sa kolo sobu na nona isalavakatui i na dela ni qele. 41(40) Oni sa basuraka sobu na nona bai; oni sa vakavuna na kena rusa na itataqomaki vakaivalu. 42(41) O ira kece era tavali mai era buturaki koya, sa yaco me dua e dau sevaki vei ira na nona wekana vakaitikotiko. 43(42) Oni sa vakaukauataka na ligadra imatau o ira na kena meca; oni sa cakava me ra mamarau o ira era kena meca. 44(43) Oni sa vakatawayagataka na bati ni nona seleiwau, Oni sa sega ni vukei koya e na ivalu. 45(44) Oni sa vakavuna me tinidole na nona dokai, ka kolo sobu na nona idabedabe vakatui i dela ni qele. 46(45) Na nona veitabagauna vagone oni sa vakalekalekataka; oni sa kovuti koya e na madua. 47(46) E na vakaevei na kena dede i Yahuwe (YHWH), oni na cudru tiko kina? Me tawamudu beka? Na nomuni leva cecekia e na caudre beka me vaka na yame ni bukawaqa? 48(47) Nanumi au mai na gauna au a buli kina; baleta oni a sega ni bulia na tamata me ra mai tawayaga. 49(48) O cei na tamata e bula tiko e na sega ni sota kei na mate? E na vakabulai koya beka mai na liga i She’ola? 50(49) I Yahuwe (YHWH) evei beka na nomuni yalololoma mai liu; oni a bubuluitaka vei Dawide e na nomuni dina? 51(50) Nanuma i Yahuwe (YHWH) na rogorogo ca ni nomuni dauniveiqaravi; baleta au sa colata tiko mai e na noqu bula taucoko na veivakalialiai ni veimatanitu; 52(51) Oya e na nodra vakalialiai au tiko, o ira na kemuni meca i Yahuwe (YHWH), ka vaka kina e na nodra vakalialia na nona itosotoso na nomuni lumuti. 53(52) Me vakarokorokotaki o Yahuwe (YHWH) me sega vakadua ni mudu, Omaini ka Omaini.

Same (Tehellim) 89:39(38)-53(52)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 112 o/o 1572	April 22, 2012
Reading	Hebrew Date
Sh’mu’yl Bet (2 Samuela) 4-6	Nisan 30, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ikawalu Ni Siga (The Eighth Day – Simchat Torah)

Thoughts: It Is Important To Know Yahweh’s Laws

....................... 

Serving For Yom Reeshone, 22^nd Cheshvan, 5771

37 Oqo na veisolevu nei Jiova (Yahweh), moni na kacivaka me yaco kina na sosoqoni tabu, ka me dau vakacabori kina na isorokama e na bukawaqa vei Jiova (Yahweh), oya na isoro kama, na isolisoli laukana kei na isolisoli gunuvi vata kei na imadrali, e na kedra dui gauna lokuci me ra caka kina e veisiga;  38 Oqo me ikuri ni veisiga ni vakacecegu nei Jiova (Yahweh), ikuri ni nomuni isolisoli kei na nomuni iloloma, ikuri ni nomuni bubului, ka ikuri ni nomuni isolisoli soliwale, oni dau solia vei Jiova (Yahweh).  39 Ia na ikatinikalima ni siga e na ikavitu ni vula, ni oni sa kumuna vata na vuata ni vanua, moni qai marautaka na solevu nei Jiova (Yahweh) me vitu na siga; na imatai ni siga e na tabu kina na cakacaka, na ikawalu ni siga e na yaco kina na vakatatabutaki ni vakacegu.

Vunau ni Soro (Vayikra) 23:33-36

Era qai kunea nI volai tu e na Tora e a vakarota o Jiova (Yahweh) vei Moshe ni dodonu vei ira na kawa Isire’yili me ra na tiko e na veivaletabatabanikau  e na gauna ni solevu ni vula o Tishirini:15 Me ra na rogoca kina na veika kece e a vola o Moshe e na ivola ni Tora; era mani kacivaka raraba, o ira na matanivanua, e na veitauni kece ka vaka kina mai Yerushalayimi me ra kaya, Lako cake i na ulunivanua, moni lai yauta mai na tabani olive, na tabani ivi (walnut), na taba ni niuniu, na tabani moli kei na tabani wilou,  me vaka e volai tu e na ivola ni lawa i Mosese.16 Era mani toso na tamata me ra lai yauta mai oqori, era qai mai dui tara na nodra dui vale tabatabanikau, o ira kece, e na dela ni nodra veivale, e na loma ni nodra dui macawa, e na loma ni bai ni vale i Jiova (Yahweh) ka vaka kina e na gaunasalalevu ni matamata ni wai kei na gaunisalalevu ni matamata nei Ifarayimi. 17 O ira kece na tamata era a lesu mai na veivakabobulataki, era a tara era qai tiko e na vale tabatabanikau; baleta mai na gauna sara nei Y’hoshua na luve i Nani, me yacova mai na gauna oya era a sa sega ni dau vakayacora oqori o ira na kawa Isire’yili. A mani yaco e dua na mamarau levu. 18 E na veisiga yadudua, mai na imatai me yacova na iotioti ni siga, era a wilika kina na ivola ni Tora i Jiova (Yahweh). Era a marautaka na solevu me vitu na siga; ia e na ikawalu ni siga, e a yaco e dua na soqoni tabu, e na kena ivalavala me vaka era sa volai tu. 

Niemaia (Nechmeyahu) 8:14-18

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
304	October 31, 2010
Reading	Hebrew Date
Jeremaia 29-30	Cheshvan 23rd 5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Solevu Ni Vale Tabatabanikau (Feast of Tabernacles – Sukkot)

Thought: We Live Now in Temporary Dwelling (Sukkah)

 ............................

Serving For Shabbat, 21st Cheshvan, 5771

Vosa vei Moshe o Jiova (Yahweh), ni kaya,  34 Vosa vei ira na luve i Isire’yili, mo kaya vei ira, E na ikatinikalima ni siga ni ikavitu ni vula, o kemuni moni  qarava kina na solevu ni vale tabatabanikau vei Jiova (Yahweh), me vitu na siga. 35 Na imatai ni siga, me qaravi kina e dua na soqo tabu e na vukumuni; moni kakua ni cakava kina e dua na mataqali cakacaka e na gauna oya. 36 Me vitu na siga na nomuni  cabora tiko e tauyadua na isoro kama vei Jiova (Yahweh); na ikawalu ni siga me dua tale na soqoni tabu e na vukumuni; moni na cabora kina e dua na isoro vakamai e na bukawaqa vei Jiova (Yahweh); moni qai sosoqoni vata, ia moni kakua ni cakava kina e duabulu na cakacaka.

Vunau ni Soro (Vayikra) 23:33-36

 

13 Moni na vakananuma na solevu ni vale tabatabanikau e na loma ni vitu na siga, ni oni sa yauta vata oti mai na nomuni buturara ni samusamu ka vaka kina mai na nomuni iqaqi ni waini:

Na iVakarua (D’varim) 16:13

E na qai yaco ni o ira kece era vo mai vei ira na veimatanitu era a lai valuti Yerushalayimi, era na qai dau lako cake mai na dua na yabaki ki na dua tale na yabaki, me ra lai sokalou vua na Tui, o Jiova ni lewe vuqa (YahwehTzva’ot), me ra qarava kina na solevu ni vale tabatabanikau.17 E na yaco talega, ni o koya ga e na sega ni lako cake mai i Yerushalayimi, vei ira na matavuvale kece e vuravura, me lai sokalou vua na Tui o Jiova ni lewe vuqa (Yahweh Tzva’ot); ni na sega ni tau vei ira na uca. 18 Ke dua na matavuvale mai Ijipita e sega ni lako cake, qai sega ni lako, vei ira talega e na tau na leqa levu e na samuti ira kina na veimatanitu o Jiova (Yahweh) baleta ni ra sega ni lako cake me ra lai qarava na solevu ni vale tabatabanikau. 19 Oqori na itotogi e na tau vei Ijipita, ka itotogi talega e na tau vei ira na veimatanitu kece era sega ni via lako cake me ra lai qarava na solevu ni vale tabatabanikau.

Sakaraia (Z’kharyah) 14:16-19

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
303	October 30, 2010
Reading	Hebrew Date
Jeremaia 27-28	Cheshvan 22. 5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na Siga Ni Lolo (A Day of Fasting – Yom Kippur)

Thought: Fasting Approved By Yahweh

.................................. 

Serving For Yom Ha Shee-shee, 21st Cheshvan, 5771.

A vosa tale o Jiova (Yahweh) vei Moshe ni kaya, 27 Vosa vei ira na kawa Isirel’yili mo kaya vei ira, E na ikatini talega ni siga ni ikavitu ni vula oqo, e siga ni veivakaduavataki; e na dua na siga ni sosoqoni tabu vei kemuni: oni na vakamalumalumutaki (lolo) kemuni vakataki kemuni ka cabora e dua na isoro caka e na bukawaqa vei Jiova (Yahweh). 28 Moni kakua ni cakava e dua na cakacaka e na siga vata oqo: baleta ni siga ni veivakaduavataki moni cabora  kina e dua na isoro ni veivakaduavataki  e na vukumuni, e mata i Jiova (Yahweh) na nomuni Kalou (Mighty One). 29 Na tamata cava ga e sega ni vakamalumalumutaki (lolo) koya vakataki koya e na siga vata oqo, o koya e na muduki tani mai na kedra maliwa na nona tamata. 30 Na tamata cava ga e cakava e dua na cakacaka e na siga vata oqo, na tamata oqori, au na vakarusa mai na kedra maliwa na nona tamata.  31 Moni kakua sara ga ni vakayacora e  dua mada ga na mataqali cakacaka; qori me na dua tiko na lawa tawamudu e na kedra maliwa na veitabatamata kece sara e na nomuni itikotiko kece sara.  32 Oqo na Siga ni vakacecegu ni veisiga ni vakacecegu vei kemuni; e na ikaciwa ni siga ni vula e na kena  yakavi, mai na yakavi ki na yakavi, moni qarava kina na nomuni siga ni vakacecegu.

Vunau ni Soro (Vayikra) 23:26-32

Oti qai kaya vua o Eseta me kauta lesu vei Moadekai na nona isau ni taro, 16 Lako, lai vakasoqoni ira vata na kawa Yahuda taucoko era tiko e Shushani na vale ni tui, me ra lolo e na vukuqu, oya me ra kakua ni kana se gunu me tolu na siga, bogi kei na siga; o yau kei ira na noqu goneyalewa keimami na lolo talega vaka kina; oti au na qai lako vua na tui, e dua na ka e sega ni tara vakalawa; ia keu na vakarusai, ia au sa na rusa.17 A qai lako yani o Moadekai, qai lai vakayacora na ka kece sara  a vakarota mai vua o Eseta.

Eseta (Esta) 4:15-17

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
302	October 29
Reading	Hebrew Date
Jeremaia 25-26	Cheshvan 21

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na Solevu Ni Davui (The Festival of Trumpet - Rosh Hashanah)

Thought: Trumpet Blowing Connection To The Day of Yahweh

........................... 

Serving For Yom Khah Mee-shee, 20^th Cheshvan, 5771.

O Jiova (Yahweh) a qai vosa vei Moshe qai kaya, 24 Vosa vei ira na kawa Isire'yili, mo kaya vei ira, Na ikavitu ni vula e na imatai ni siga ni vula, me dua na siga ni vakacecegu vei kemuni, oya na ivakananumi ni kena na uvu na davui  ka me yaco na sosoqoni tabu.  25 Moni kakua ni cakava kina e dua ga na mataqali cakacaka: ia moni cabora ga e dua na isoro kama vei Jiova (Yahweh).

Vunau ni Soro (Vayikra) 23:23-25

Uvuca na davui mai Saiyoni, vakatagica na alamu e na Noqu ulunivanua tabu; laivi ira era tawavanua me ra sautaninini; baleta na Siga i Jiova (Yahweh) sa yaco mai;

Joeli (Yo’yl) 2:1

Uvuca na davui e loma i Saiyoni, kaciva e dua na lolo, kaciva e dua na soqoni tabu; 16 Soqoni ira na tamata, vakatabui ira na lewe ni vavakoso, soqoni ira vata na qase, kacivi ira vata na cauravou kei ira na gone era se domica tiko na sucu i tinadra; laiva na taganevou me biuta na nona loqinimoce kei na yalewavou me biuta mai na nona idavodavo. 17 Laivi ira na kohanimi, na dau ni veiqaravi vei Jiova (Yahweh), me ra mai tagi e na maliwa ni varada kei na icabocabo ni isoro, ka laiva me ra kaya, Vakabulai ira na nomuni tamata i Jiova (Yahweh), kakua ni soli i ira na nomuni ivotavota me ra vakarogorogocataki, me ra lewai maivei ira na veimatanitu tani, de ra qai taroga na kai Veimatanitu tani, Evei ga na nomuni Kalou (Mighty One).

Joeli (Yo’yl) 2:15-16

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
301	October 28
Reading	Hebrew Date
Jeremaia 23-24	Cheshvan 20

         

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na Solevu Ni Macawa (The Festival of Weeks)

Thought: Keep The Festival Of Week, Reflecting Yahweh’s Blessing.

 ......................................

Serving For Yom Revee-ee, 19^th Cheshvan, 5771.

Moni na wilika vakataki kemuni, mai na mataka kadua, oya mai na siga oni a kauta mai kina na ivau witi (grain) me isoro yalovaki; me oti vinaka e vitu na siga ni vakacecegu (Shabbat): 16 Me yacova na mataka kadua, ni oti na ikavitu ni siga ni vakacecegu, moni na wilika tiko mai e limasagavulu na siga; ekeri moni qai cabora kina e dua na imadrali laukana e na witi vou vei Jiova (Yahweh).

Vunau ni Soro (Vayikra) 23:15-16

Ekeri moni na qai qarava kina na solevu ni macawa (Shavuot) vei Jiova na nomuni Kalou (Yahweh your Mighty One), e na isolisoli soliwale ni ligamuni, oni a kumuna tiko mai vakatikitiki me veirauraua kei na veivakalougatataki nei Jiova na nomuni Kalou (Yahweh your Mighty One): e a  solia vei kemuni 11 Moni na qai reki e na mata i Jiova na nomuni Kalou (Yahweh your Mighty One) o kemuni, o ira na luvemuni tagane kei ira na luvemuni yalewa, o ira na nomuni tamata kei ra na nomuni vada, o ira na Livi’imi era vakaitiotiko e na nomuni koro, o ira na vulagi kei ira e sega na tamadra, kei ira na yada era tiko e na kemuni maliwa; e na vanua cava ga e digitaka o Jiova na nomuni Kalou (Yahweh your Mighty One) me vakatikora kina na yacana.

Na iVakarua (D’varim) 16:10-11

Ia o Sholomo (Solomon) e dau vakacabora e dua na isoro kama vei Jiova (Yahweh) vata kei na imadrali ni sautu e na icabocabo ni soro nei Jiova (Yahweh) e a tara toka o koya e na mata ni varada, 13 E na kena ivakarau tudei ni veisiga, e na dau tauca kina na nona isoro e na kena ivalavala e vakaroti tu e na ivakaro nei Moshe, e na veisiga ni vakacecegu (Shabbat), e na vula vou (Rosh Hodess) kei na veisolevu lokuci, vakatolu e na dua na yabaki, e na solevu ni madrai sega ni vakaleveni (Matzah), na solevu ni macawa (Shavuot) kei na solevu ni vale tabatabanikau (Sukkot).

2 Veigauna (Divrei-Hayamim Bet) 8:12-13

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
300	October 27
Reading	Hebrew Date
Jeremaia 20-21	Cheshvan 19

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Madrai Sega Ni Vakaleveni (Unleavened Bread)

Thought: Eating Unleavened Bread (Matzah) For Seven Days.

 ...........................

Serving For Yom Shlee-shee, 18^th Cheshvan, 5771

Me vitu na siga na nomuni na kania tiko na madrai sega ni vakaleveni (matzah); mai na imatai sara ga ni siga, moni biuta laivi kina na leveni mai loma ni nomuni véivale: baleta o koya e na kania na madrai vakaleveni (hametz) mai na imatai ni siga me yacova na ikavitu ni siga, e na muduki laivi mai na kawa Isireli. 16 E na imatai ni siga e na yaco kina e dua na sosoqoni tabu, ka vakakina e na ikavitu ni siga e na yaco tale kina e dua na sosoqoni tabu. Me kakua ni dua na cakacaka e vakayacori e na loma ni  gauna oqori, vakavo ga na ka me ra na kania na tamata yadudua, oqori ga e tara moni na vakarautaka. 17 Moni dau vakananuma na Solevu ni Madrai Sega ni Vakaleveni, baleta e na siga oqori au a kauti ira tani mai kina na nomuni ivavakoso, mai na vanua o Ijipita; o koya oqori moni dau qarava kina na siga oqo, vakalawa, e na nomuni itabatamata kecekece me tawamudu.

Lako Yani (Sh’mot) 12:15-17

E na ikatinikalima ni siga ni vula vata oya, e na yaco kina na Solevu ni Madrai Sega ni Vakaleveni (Festival of Matzah) vei Jiova (Yahweh); me vitu na siga taucoko e vinakati moni na kania tiko kina na madrai sega ni vakaleveni (Matzah).

Vunau ni Soro (Vayikra) 23:6

Era a qai vakananuma vata na Solevu ni Madrai Sega ni Vakaleveni (Festival of Matzah) me vitu na siga e na mamarau; baleta o Jiova (Yahweh) e a vakavuna me ra mamarau, oti qai vukica na vuniyalona na tui Asuru vei ira; me vakaukauataka na ligadra e na cakacaka ni vale nei Jiova na Kalou (Yahweh Mighty One) i Isireli.

Esera (‘Ezra) 6:22

           

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
299	October 26
Reading	Hebrew Date
Jeremaia 17-19	Cheshvan 18

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na Lakosivia I Jiova (Yahweh’s Pesach)

Thought: Yahweh’s Salvation Plan Illustrated

.......................... 

Serving For Yom Shaynee, 17^th Cheshvan, 5771

Moni maroroya tiko me yacova na ikatinikava ni siga ni vula vata oya: na lewe ni soqosoqo taucoko o Isireli me ra na dui vakamatea e na dromu ni siga 7 Me ra na taura eso na kena dra, me ra vakamiraca e na duru ni katuba ruarua vata kei na ulu ni katuba, e na veivale kece era na kania kina. 8 Me ra na kania na lewena e na bogi oya, ia me ra tavusataka e na bukawaqa, vata kei na madrai sega ni vakaleveni; ka kania vata kei na kakana draudrau gaga (bitter). 9 Moni kakua ni kania droka se vakasaqara e na wai, ia me tavusataki ga e na bukawaqa; ka me tavu vata kei na uluna, na yavana, kei na kena igacagaca. 10 Ia me kakua ni vakavo tale tiko e dua na tikina me yacova na mataka;  na ka e vo tiko e na mataka kadua me qai vakamai yavu e na bukawaqa. 11 E na kena ivalavala oqori moni kania kina; ka me vauci toka na tolomuni, me vakaivava toka na yavamuni, ka me tauri tiko e ligamuni na nomuni ititoko; moni na kania sara vakatotolo: baleta oqo na lakosivia i Jiova (Yahweh).

Lako Yani (Sh’mot) 12:7-11

Oqo na veisolevu i Jiova (Yahweh), oya na vei sosoqoni tabu, moni na dau qarava e na kedra dui gauna. 5 E na ikatinikava ni imatai ni vula ni dromu ni siga, e na qaravi kina na Lakosivia (Pesach) i Jiova (Yahweh).

Vunau ni Soro (Vayikra) 23:4-5

O ira kece na bobula era a qai vakananuma na lakosivia (Pesach) e na ikatinikava ni siga ni imatai ni vula 20 O ira na kohanimi (priests) kei ira na Livi’imi era a vakasavasavataki ira vakataki ira, oti, o ira kece era a qai savasava, era sa qai vakamatea na lami ni lakosivia e na vukudra kece o ira na bobula vata kei ira talega na nodra itokani kohanimi ka vaka kina o ira vakataki ira.

Esera (‘Ezra) 6:19-20

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
298	October 25
Reading	Hebrew Date
Jeremaia 15-16	Cheshvan 17

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.