Na Tamata Kei Yahuwe (Humans And YHWH)

Thought: Prevalent Human Piety: YHWH Is Near Their Mouths, But Far From Their Hearts!

 .....................

Serving For Yom HaShishi, [Fourth Month] Tammuz 6, 5773

 MAI NA NEVI’IMI AKARONIMI FROM THE NEVI’IM ACHARONIM)

I Yahuwe (YHWH) e dina ga ni oni na toka e na nomuni dodonu, kevaka meu veiletataka vei kemuni e dua na ka, ia veitalia mada ga, baleta au via veitalanoa vata kei kemuni e na so na poidi ni lewa dodonu: Na cava beka na vuna era dau vutuniyau kina o ira era itovo vakasisila? Na cava na vuna era dau rawaka kina vakalevu o ira kece era daulawaki ca? 2 O kemuni oni a tei ira; qai tubu na wakadra; era tubu, era qai vuataka na vuadra. Oni dau voleka sara e gusudra, ia [oni] yawa kalia mai vuniyalodra. 3 Ia o kemuni, i Yahuwe (YHWH), oni  kilai au, oni dau raici au, oni dau  vakatovolea na noqu tatakube tiko vei kemuni; yarataki ira laivi me vaka na sipi era kau tiko me ra lai mokumate, qai vakatikori ira tiko vakatikitiki me baleta na siga ni veivakarusai. 4 E na vakacava so na kena dede e na vakaloloku tu kina na vanua, ka ra malai tu kina na kaudraudrau ni vanua? Na manumanu kila kei na manumanu vakatabana era sa tilomi, baleta na nodra ivalavala ca o ira era vakaitikotiko mai keya; baleta era kaya, O koya e na sega ni raica se da na tini vakacava. 5 Kevaka e vakaocaoca vei iko ni o veitaucici (e yavamu) kei ira na tamata, e na qai rawa vakacava mo veisivisivi kei ira na ose? E na rawa vei iko mo vakila na bula vakacegu, ni sautu tu na vanua, ia o na rawataki vakacava e na loma ni veikau vavaku mai na Yaradani? 6 Baleta o ira mada ga na tacimu kei ira na lewe ni matavuvale i tamamu era sa cakitaki iko tiko; era guta me ra vakasagai kemuni. Veitalia na nodra vosa kamikamica, kakua ni vakabauti ira.

7 ¶ Au sa vakanadakuya na noqu vale, au sa besetaka na noqu ivotavota; au sa soli i koya na daulomani ni vuniyaloqu  i ligadra na kena meca. 8 Vei au, na noqu ivotavota sa yaco me vaka e dua na laione e loma ni veikau; e kudrutaka tiko na nona saqati au; o koya oya au sa sevaki koya kina. 9 Vei au na noqu ivotavota sa vaka na manumanu vakatabana tavudiridiri dau vakasasa, o ira na manumanuvakatabana ni vakasasa era sa mai no wavokiti koya, era qai valuti koya. Lako, vakasoqoni ira na manumanu kila qai kauti ira mai me ra mai tilomi koya.10 E le levu na ivakatawa ni sipi era sa mai vakacacana na noqu loganivaini, era butubuturaka sobu na noqu tikiniqele, era qai vukica na noqu vanua taleitaki me dua na vanua liwa laladidi.11 Io, era sa cakava me laladidi; e sa vakaloloku tiko mai vei au, na vanua taucoko sa vakamaumautaki baleta e sega ni dua e via kauwaitaka.

Yiremeyahu (Jeremaia) 12:1-11

NA IVAQA NI BULA (FOOD FOR THE SOUL)

O ira na maku (grandchildren) e nodra isala vakatui o ira era sa yabaki bibi. Ia e nodra lagilagi o ira na lalai o ira na nodra itubutubu (ancestor).

Mishlei (Vosa Vakaibalebale) 17:6

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. O ira era vakararavi vei Yahuwe (YHWH) era vaka na ulunivanua o Zaiyoni, ka ni na sega ni yavalati, e na [tudei] toka vakadua. 2 YerushalayimiI Na ulunivanua era tu vakavolivolita! Me vaka kina, o Yahuwe (YHWH) e na toka vakavolivoliti ira na nona tamata, mai na gauna oya me tawamudu. 3 Baleta na nodra ititoko  ni veiliutaki na dukadukali e na sega ni vakavulewa e na nodra ivotavota na yalododonu; me kakua kina, vei ira na yalododonu, me ra vukica na ligadra o ira vakataki ira i na ivalavala ca.

4 ¶ Caka vinaka, i Yahuwe (YHWH), vei ira era vinaka ka vaka kina vei ira e tu dodonu na vuniyalodra. 5 Ia o ira era vuki tani me ra muria ga na nodra ivalavala tatakelokelo, me qai cemuri ira laivi o Yahuwe (YHWH), me ra wili vata kei ira era dau cakacakataka na ivalavala ca.  Na sautu (shalom) me toka ga vei Yisira'yili.

Tehillim (Same) 125:1-5

E dua na sere ni cabecabe. Na gauna a vakalesuya kina na iyau mai Zaiyoni, keimami qai nanuma ga ni keimami tadra tiko. 2 Na gusu i keimami a vakasinaiti e na veidredrevaki, kei na yame i keimami a kaila tiko e na reki. E na kedra maliwa na veimatanitu, O Yahuwe (YHWH) a cakava e levu na ka lelevu vei ira. 3 O Yahuwe (YHWH) a cakava dina ga e levu na ka vei keimami; keimami a mamarau sara kina vakalevu. 4 Vakasukai ira mai na neimami tamata mai na [nodra] tu vakavesu, i Yahuwe (YHWH), me vaka ni vakasinaiti na  veibucabuca mai na kena soniwai, mai na ceva. 5 O ira era teitei e na wainimata, era na  tamusuka na reki. 6 O koya e lako yani e na tagitagi ni colata tiko yani na nona taga ni itei, e na lesu mai i vale e na tagitagi ni marau, ni sa kauta tiko mai na nona ivau sila.

Tehillim (Same) 126:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 265 in 5773 (Total 1992)	June 14, 2013
Reading	Hebrew Date
M’lakhim Alef (1 Kings) 1-2	M #4: Tammuz 6, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Keda Na Tamata! (We Human Beings!)

Thought: Human Beings Are Just Like Grass And Flower!

…………………

Serving For Yom Sheini, Nisan 14, 5773 (Pesach –Sunset to Night)

MAI NA NEVI’IMI AKARONIMI FROM THE NEVI’IM ACHARONIM)

Vakacegui [ira] ka vakacegui ira tiko ga na noqu tamata, e kaya na nomuni  Kalou (Mighty One). 2 Tukuna vei Yerushalayimi me yaloqaqa tiko; tukuna vua ni o koya e sa cakava oti na nona gauna ni veiqaravi, na nona caka cala sa saumi lesu oti, ni o koya sa ciqoma oti mai na liga i Yahuwe (YHWH) e vakaruataki na [itotogi] me baleta na nona ivalavala ca.

3 ¶ E dua na domo e kailavaka tiko mai; Caramaka e dua na sala e na loma ni vanua liwa me baleti Yahuwe (YHWH)! Cakava me logaloga vinaka e dua na gaunisala e na loma ni ‘Aravaa me baleta noda Kalou (Mighty One). 4 Laiva na veibucabuca kece me bulu yani, laiva na veiulunivanua kei na veidelana kece  me ra vakalolovirataki, na veivanua veiveveyaki me ra vakadodonutaki kei na vanua sukura me vakalogalogavinakataki: 5 Oti qai laiva na dokai i Yahuwe (YHWH) me vakatakilai; na tamata vakalewe kecekece era na qai raica vata kece; baleta na gusu i Yahuwe (YHWH) sa cavuta oti.  6 E dua na domo e kaya, Tusanaka! Au qai taroga,Na cava meu tusanaka? Na kawatamata taucoko era vaka ga na co, na nodra yalololoma e vaka ga na senikau ni veikau: 7 Na veico e na malai, na senikau e na mimira, ni dua na cagi mai vei Yahuwe (YHWH) e liwavi ira. E ka dina ga ni o ira na tamata era veico. 8 Na veico era na malai, na senikau era na mimira; ia na vosa ni noda Kalou (Mighty One) e na tu me tawamudu.

Yeshayahu (Aisea) 40:1-8

NA IVAQA NI BULA (FOOD FOR THE SOUL)

O koya e vakanuinui e na nona iyau e na lutu, ia na yalododonu e na bulabula vakaoti me vaka na draunikau buroro.

Mishlei (Vosa Vakaibalebale) 11:28

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu, E dua na same i Dawide, e dua na sere. 2(1) Laivi Yahuwe (YHWH) me matacake, laivi ira na kena meca me ra ceburaki [laivi]; laivi ira talega era sevaki koya me ra veidroyaki mai matana. 3(2) Cemuri ira laivi me vaka ni irivi laivi na kubou; me vaka na kadrala ni na waicala ni toka volekata na  bukawaqa [katakata], laivi ira talega na dau caka ca me ra vakarusai mai na mata ni Kalou (Mighty One). 4(3) Ia laivi ira ga na yalododonu me ra mamarau; ka reki e na mata ni Kalou (Mighty One) io, laiva me ra malaude ka mamarau. 5(4) Laga sere vua na Kalou (Mighty One) seretaka na vakamuduo e na vuku ni yacana: vakacerecerei koya e vodo  tiko e na o, e na yacana o Ya; ka  tavarekireki e matana. 6(5) Na Kalou (Mighty One), e na nona itikotiko tabu, a dua na tama vei ira na luveniyali ka nodra itataqomaki na yada. 7(6) Na Kalou (Mighty One) e vakatikori ira e na nodra vale o ira era tu taudua, ka tuberi ira na kaivesu mai, i na vutuniyau. Ia o ira era dau vakabebe era na tikoga e na veivanua mamaca ka tawayaga.

8(7) ¶ Kemuni na Kalou (Mighty One) e na gauna oni liutaki ira mai kina na nomuni tamata, e na gauna oni tayabe mai kina mai na loma ni vanua liwa, Selaa. 9(8) Na vuravura a uneune, ka tau  na uca mai lomalagi, e na mata ni Kalou (Mighty One). O Saineai mada ga a yavalati e na mata ni Kalou (Mighty One), na Kalou (Mighty One) i Yisira'yili. 10(9) Oni a vakatauca mai vakalevu na uca mamada, kemuni na Kalou (Mighty One); ia ni ra ceguoca o ira na nomuni ivotavota, oni vakaukauataki ira tale. 11(10) Na nomuni qelenimanumanu era vakaitikotiko e loma; e na nomuni yalo vinaka, kemuni na Kalou (Mighty One) oni solika kina vei ira na dravudravua. 12(11) O Yahuwe (YHWH) e tauca na lewa; o ira na yalewa, e na itukutuku talei, era mataivalu vakaitamera. 13(12) O ira na tui kei na nodra mataivalu era sa veidroyaki, ia o ira na yalewa mai vale era sa qai wasea na itoki ni ivalu. 14(13) Kevaka mada ga moni davo e na kedra maliwa na bai ni manumanu; era tu na taba ni ruve e kovuta tu vakadua na siliva kei na lawena na koula drokadroka. 15(14) E na gauna e ceburaki ira kina na tui e koya na kaukaua (Shaddai), na uca cevata vulavula e na tau mai Zalamoni.

16(15) ¶ O iko na ulunivanua vakaitamera, na Ulunivanua o Bashani! O iko na ulunivanua sukusukura, na Ulunivanua o Bashani!  17(16) O iko na ulunivanua sukusukuru, na cava oni raica kina moni diva na ulunivanua e vinakataka me nona itikotiko, me na tiko kina, na Kalou (Mighty One). Vakaidina, o Yahuwe (YHWH) e na mai tiko kina me tawamudu. 18(17) Na qiqi ni vala i  Yahuwe (YHWH) e sega ni wili rawa, e vakavicataki na udolu; o Yahuwe (YHWH) e tiko e na kedra maliwa,  me vaka mai Saineai, e na [nona] tikina tabu.19(18) Ni o sa cabe oti sara i cake, o qai kauti ira vakavesu na bobula; o ciqoma na iloloma soliwale mai vei ira na kawa tamata, io mai vei ira mada ga na vakabebe, me rawa kina vei Ya, na Kalou (Mighty One) me vakaitikotiko lai e keya.

Tehillim (Same) 68:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 185 in 5773 (Total 1914)	March 25, 2013
Reading	Hebrew Date
B’midbar (Mai Lekutu) 11-12	M #1: Nisan 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Leqa Na Vanua (When Land Is In Trouble)

Thought: The Real Problem In The Land, Is Human Arrogance; Even Today

................ 

Serving for Yom Rishon, Adar 07, 5773

MAI NA NEVI’IMI AKARONIMI (FROM THE NEVI’IM ACHARONIM)

Raica! O Yahuwe (YHWH) sa tasereka tiko ka vakarusa tiko na vanua, me vukica vakatoboicu, qai ceburaki ira laivi o ira na kena ivakatawa, 2 Oya o ira na kohena kei na tauvanua, na bobula kei na itaukei, na vada kei na marama, na dauvolivoli kei na dauvolivolitaki, na dausolidinau kei na dautauridinau, na vutuniyau kei na  daudinautaki iyau 3 Na vanua e na vakalalai vakadua, ka vakacacani vakadua; baleta o  Yahuwe (YHWH) sa cavuta [oti] na kena vosa. 4 Na vanua e na gogo ka takali laivi; na vuravura e na malai ka takali laivi; na  vanua vakacerecerei era sa na vakagogotaki. 5 Na vanua sa koto dukadukali no e rukuna o ira era vakaitikotiko kina; baleta era vorota na ivakavuvuli, veisautaka na lawa, ka basuka na veiyalayalati tawamudu. 6 O koya oya e tilomi tiko kina na vanua e na dua  na vatovato (curse), kei ira era vakatikotiko kina era sa totogitaki tiko e na nodra caka ca. O koya era sa seyavu tiko yani kina o ira era vakaitkoitiko kina, ia o ira na vo ni tamata era lewe lailai wale. 7 Na waini vou sa leqa, na veivaini era malai kei ira na daumamarau era sa vutugu. 8 Na rorogo marau ni tibereli sa mudu, na nodra kaikaila o ira era daumamarau sa vagalui, ka sa tini na rekitaki ni hapi. 9 Era sa sega ni lagalaga sere ni ra gunu waini tiko; ia na gunu kaukaua sa wiwi, vei ira era daugunuva. 10 Na koro maumau sa basuraki sobu, na veivale kece era sa sogobutu tu me kakua ni dua e curuma.11 E gaunisala era sa tagicaka tiko na waini, na tavarekireki kece sa takali, na mamarau sa biuta na vanua. 12 E loma ni korolevu, e kune ga kina na laladidi, na kena matamata sa basuraki ka na sega ni vakavinakataki rawa tale.

Yeshayahu (Aisea) 24:1-12

NA IVAQA NI BULA (FOOD FOR THE SOUL)

Na vosa vakaibalebale i Sholomo: E dua na luvetagane (son) vuku e na vakamarautaki tamana, ia na luvetagane lialia e na kauta mai na rarawa vua na tinana. 2 ¶ E sega ni dua na ka vinaka e kauta mai na iyau e rawa mai vakalawaki ca, ia na yalododonu e veivueti mai na mate.

Mishlei (Vosa Vakaibalebale) 10:1-2

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Maivei Dawide na dauniveiqaravi i Yahuwe (YHWH): 2(1) Na basulawa e vosa vei ira na ca. A vakila oqori e vuniyaloqu; e matadra e sega ni kune kina na rerevaki ni Kalou (Mighty One). 3(2) Baleta, e na nona rai, na basulawa e vakarawarawataka na nona bula, oya me yacova ga ni sa kune na nona cala, oti, sa na qai sevaki. 4(3) Na nona vosa era [dau] cala ka veivakacalai; o koya sa na oti [vua] na vuku kei na caka vinaka. 5(4) O koya e na navuca na inaki ca ni koto no e na dela ni nona imocemoce; o koya sa na toka dei e na nona itovo ca, sa na lai tini sega kina ni cata na ivalavala tawakilikili.

6(5) ¶ I Yahuwe (YHWH), na nomuni yalololoma e tiko ga mai lomalagi, na nomuni yalodina e yala sara i na macawalala raraba (universe); 7(6) Na nomuni yalododonu e vaka na nona ulunivanua na Kalou (Mighty One), na nomuni vakatulewa e vaka na tikina titobu. Oni [dau] vakabulai ira na tamata kei na manumanu, i Yahuwe (YHWH). 8(7) E wacava na vakamareqeti, kemuni na Kalou (Mighty One), ni nomuni loloma! O ira na tamata era  mai vakarurugi e na iyaloyalo ni ruku ni tabamuni, 9(8) Era mai solevu e na iyau e levu tu e loma ni nomuni vale, oni qai cakava me ra gunu wai mai na soniwai ni nomuni mamarau. 10(9) Baleta e tiko vata kei kemuni na waivure ni bula; e na nomuni rarama keimami raica na rarama.11(10) Tosoya tikoga na nomuni yalololoma vei ira era kilai kemuni; kei na nomuni yalododonu vei ira e tu dodonu na vuniyalodra.12(11) Kakua ni vakabiuta na yavadra na qaciqacia me ra butuki au; se vakatara na ligadra na ca me mai tosoi au laivi. 13(12) E keya era sa bale no o ira era dau caka ca; era na vakabalei sobu, ka ra na sega ni tucake rawa tale.

Tehillim (Same) 36:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 149 in 5773 (Total 1890)	February 17, 2013
Reading	Hebrew Date
Sh’mot (Lako Yani) 7-8	M #12: Adar 07, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Luveyalewa I Zaiyoni (The Daughters of Tziyon)

Thought: Arrogance Can And Will Cause Harm

 ...............

Serving For Yom Rishon, Tevet 24, 5773

MAI NA NEVI’IMI AKARONIMI (FROM THE NEVI’IM ACHARONIM)

Kuria o Yahuwe ni kaya, Baleta o ira na luveyalewa i Zaiyoni, era sa yaco me ra viavialevu, ni ra veilakoyaki, na uludra sa rai cake tu ga vaka i macawa, qai dauveilitoyaki wavoki na yaloka ni matadra, era na veitosoyaki vakamalua me ra qai cakava me tataqiriqri na vesa ni yavadra. 17 O Yahuwe (YHWH) e na samuta na dela ni nodra qavokavoka na luveyalewa i Zaiyoni era sa yaco me ra qaciqacia, me mavoa, o Yahuwe (YHWH) talega e na vakaluvawaletaka na nodra ka vuni. 18 E na siga oya o Yahuwe (YHWH) e na kauta laivi na nodra iyaya ni sasauni, na totoka ni nodra vesa ni yava, na lawalawa ni drauniuludra, kei na nodra taube mataniciva; 19 Na sau e daligadra, na qato kei na iubi ni ulu, 20 Na isala, na vesa sinucodo ni liga,  na wabale, na ivakamoko ni tolo, kei na iboro ni mata, 21 Na mama, kei na sau ni ucu; 22 Na isulu duirokaroka, na icurucuru kote kei na ioro. 23 Na iubi tiyara malumu kei na isulu lineni matailalai, kei na ivau ni ulu, kei na kote. 24 E na qai yaco ni isosomi ni isaluaki boi kamica, na bona, e na isosomi ni ivau vakaiukuuku, na isulutaga ka isosomi na ulutali vakamaqosa na cou; e isosomi ni kote totoka na isulutaga, ka isosomi ni matavinaka, na iqumu ni bobula, 25 O ira na nomuni tagane kaukaua era na bale e na seleiwau, kei ira na nomuni tagane qaqa e na ivalu. 26 Na nona matamata e na tagilagalaga ka qoqolou, e na qai dabe sobu e na galili e na dela ni qele.

Yeshayahu (Aisea) 3:16-26

NA IVAQA NI BULA (FOOD FOR THE SOUL)

Baleta era cata na kilaka, ka sega ni digitaka me ra rerevaki Yahuwe (YHWH). 30 Era sega ni via ciqoma na noqu ivakasala; ka cata na noqu veivakadodonutaki. 31 O koya oya era na colata ga kina na vuani nodra ivalavala o ira vakataki ira, ka vakasinaiti e na nodra lewa o ira ga vakataki ira. 32 Baleta na veitosoyaki e sega ni vakasamataki e na vakamatei ira, kei na nodra viavia vakilakila o ira na sesewa e na vakarusai ira. 33 Ia o ira era galele mai vei au era na bula tudei, era na sega ni vakaleqai e na ririkotaki ni vakacalaka (e na nodra bula)

Mishlei (Vosa Vakaibalebale) 1:29-33

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Laga kei na ivakatagi wa ni qiriqiri. E na ivakatagi rogo bi (sh’minit). E dua na same i Dawide. 2(1) I Yahuwe (YHWH), kakua ni vunauci au e na dela ni nomuni cudru; kakua ni kuitataki au e na dela ni nomuni leva katakata. 3(2) Ni yalovinaka vei au, i Yahuwe (YHWH) baleta au sa gogo tiko yani; vakabulai au, i Yahuwe (YHWH), baleta na suiqu era sa sautaninini tiko. 4(3) Au sa domobula sara tu ga vakaoti; ia o kemuni i Yahuwe (YHWH) e na vakaevei beka na kena dede? 5(4) Lesu mai, i Yahuwe (YHWH), mai vueti au! Vakabulai i au e na vuku ni nomuni yalololoma. 6(5) Baleta e na mate, e sega ni dua e na nanumi kemuni; mai She'ola o cei tale e na vakacaucautaki kemuni? 7(6) Au sa wakewake e na noqu vutugu: e na bogi taucoko au vakasuasua na noqu loga e na wainimata, meu luvuca na noqu loga me yacova ni sa wedru. 8(7) Na noqu rai sa vakabutobutotaki e na ilevu ni cudrucudru; ka sa gogo sobu tikoga baleti ira na kequ meca.

9(8) ¶ Lako tani mai vei au, o kemuni kece oni dau cakacakataka na ivalavala ca! Baleta o Yahuwe (YHWH) sa rogoca na domo ni noqu tagitagi. 10(9) O Yahuwe (YHWH) sa rogoca na noqu vakatakekere; o Yahuwe (YHWH) e na ciqoma na noqu masu. 11(10) O ira kece na kequ meca era na veilecayaki, ka vakadomobulataki vakaoti; era na vukici lesu, era na vakamaduataki vakasauri.

Tehellim (Same) 6:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 112 in 5773 (Total 1831)	January 6, 2013
Reading	Hebrew Date
Divrei HaYamim Bet ( 2 Chronicles) 9-10	M #10: Tevet 24, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Oti Na Waluvu (At The End Of The Flood)

Thought: No More Noach-Type Flood, Though Mankind Will Always Be Evil

......................... 

Serving For Yom R’vi’i Tevet 9, 5772

MAI NA TORAA (FROM THE TORAH)

O Yahuwe (YHWH) a qai nanumi Noaka kei na veika bula kece kei na manumanu kece kei na manumanu vakatabana kece era tiko e loma ni waqa ni usa manumanu; a qai cakava na Kalou me liwavi vuravura na cagi; sa qai maravu sobu na wai; 2 Na ivurevure ni wai titobu kei na katubaleka ni lomalagi (heavens) era sa qai sogo laivi; qai vakamalumutaki na tau ni uca mai lomalagi (sky).3 Na wai a drodro laivi tiko ga vakamalua mai na dela i vuravura; qai lai malumu sara vakadua ni sa oti e duanadraulimasagavulu na siga. 4 ¶ E na ikavitu ni vula, e na ikatinikavitu ni siga ni vula, e a qai takasa kina na waqa e na ulunivanua mai Ararata, 5 Ia a lutu tiko ga vakamalua na wai me yacova na ikatini ni vula; e na imatai ni siga ni ikatini ni vula, sa qai la la  na dela ni veiulunivanua 6 ¶ A qai yaco e na itinitini ni vasagavulu na siga ni a dolava o Noaka na katubaleka ni waqa a taya; 7 Oti qai vakavukaca e dua na manumanu vakatabana (raven), me lai veivukayaki voli, ia a qai sega ni lesu mai me yacova ni sa mamaca vakadua na wai mai na dela i vuravura; 8 Oti a qai tala e dua na ruve mai waqa, me lai raica se sa mamaca vakadua na wai mai na dela ni qele. 9 Ia na ruve e sega ni kunea e dua na vanua me ro kina na yavana, a qai lesu tale vua i waqa, baleta na wai era  se tiko ga e na dela ni vuravura. E a dodoka na ligana, me taura na ruve, qai kauti koya mai i loma ni waqa vei koya. 10 A wawa tale me vitu na siga; sa qai tala tale na ruve mai waqa. 11 A vuka lesu mai vua na ruve e na kena yakavi; ia raica, sa katia tiko mai gusuna e rua na drauni olive e a vitia mai; sa qai kila o Noaka ni sa drodro laivi na wai mai na dela ni vuravura. 12 Ia a wawa o koya me vitu tale na siga, sa qai tala tale na ruve; ia na ruve a sega ni lesu tale mai vua. 13 ¶ A qai yaco e na ikaononadrau ka dua ni yabaki e na imatai ni siga ni imatai ni vula, ni a sa qai mamaca vakadua na wai mai na dela i vuravura; Sa qai luvata o Noaka na iubi ni waqa, qai rai ka raica na dela ni vuravura ni sa mamaca tu. 14 Ia e na ikarua ni vula, e na ikaruasagavulukavitu ni siga ni vula, sa qai mamaca na vuravura. 15 ¶ Sa qai vosa vei Noaka o Yahuwe (YHWH), ni kaya; 16 Sobu mai waqa, o iko, o watimu, o ratou na luvemu tagane, kei iratou na watidratou na luvemu tagane vata kei iko. 17 Vakasoburi ira mai, na manumanu kece e na kena veimataqali era tiko vata kei iko, ruarua na manumanu vuka, na bulumakau kei na manumanu kece era dau qasi e dela ni vuravura; me ra na vakaluvea vakalevu e vuravura, me ra vakatubu kawa vakalevu ka vakatubu iwiliwili e dela ni vuravura. 18 Sa qai vakasobu o Noaka, o  ira na luvenatagane, o watina kei ira na dui watidratou na luvenatagane vata kei koya. 19 Na manumanu kece, na manumanu manoa kece, na manumanu vakatabana kece kei na manumanu era dau qasi e dela i vuravura, e na kedra dui veimataqali era qai vakasobu mai waqa. 20 ¶ A qai tara e dua na icabocabo ni soro vei Yahuwe (YHWH) o Noaka; sa qai kauta mai vei ira na manumanu  yavaiva savasava kei na manumanu vuka savasava, oti qai vakacabora na isoro kama e na icabocabo ni isoro. 21 A qai ceguva na cawa boi kamica o Yahuwe (YHWH); Kaya e lomana o Yahuwe (YHWH), Au na sega vakadua ni levaca tale na vanua e na vuku ni tamata; e dina ga ni na dau ca tu ga na vuniyaloni tamata mai na nona gauna ni gone; au na sega talega ni vakarusai ira na veika bula me vaka au se qai cakava wale ga oqo.

Na iVakatekivu (B’resheet) 8:1- 21

NA IVAQA NI BULA (FOOD FOR THE SOUL)

Na vuku e rokovi e loma ni makete; e na laveta cake na domona e na veisaqata: 21 E na vunau o koya e na ulu ni gaunisala era na sotasota kina; e na gauna e dau dola kina na matamata ni korolevu, e na cavuta kina na nona vosa ni kaya, 22 E na vakacava na kena dede, kemuni na yalowai, oni na taleitaka tiko kina na vagonegonea? O ira na dau veivakalialiai era taleitaka na veivakalialiai, o ira na lialia era cata na kilaka. 23 Kevaka oni na saumaki i na noqu veivakadodonutaki, raica, au na sovaraka na yaloqu vei kemuni; au na vakatakila na noqu vosa vei kemuni.

Vosa Vakaibalebale 1:20-23

LOMANI YAHUWE NA KALOU (LOVE YHWH YOUR MIGHTY ONE)

Niu kacivi kemuni, oni a sauma mai vei au, kemuni na noqu Kalou (Mighty One), na ivakabula ni noqu yalododonu; oni vakacegui au niu tu leqaleqa, oni lomani au ka rogoca na noqu masu. 2 Kemuni na tamata, e na vakacava beka na dede ni nomuni latia tiko na noqu lagilagi? E na vakacava beka na dede ni nomuni tokona tiko na yalodokadoka? Oni vinakata beka moni vakacalai tu me tawamudu? 3 Moni kila tiko ni o Yahuwe (YHWH) sa wasea tani tu na veika vivinaka me Nona; o Yahuwe (YHWH) e na rogo niu kacivi Koya. 4 Dau cudru ia kakua ga ni valavala ca; veivosaki kei na vuniyalomuni, ka dau vakasama e na dela ni nomu idavodavo. 5 Vakacabora na isoro ni yalododonu, ka biuta na nomuni inuinui vei Yahuwe (YHWH).

6 ¶ E le levu era taroga, O cei e rawa ni vakaraitaka mai vei keda e dua na tamata vinaka, me rawa ni na vakacilava vei keda na rarama ni nona iserau? 7 I Yahuwe (YHWH); oni sa biuta na reki e na uto ni noqu vakasama, vakalevu cake sara mai na gauna e dau levu kina na tubu ni nodra witi, na nodra waini kei na nodra waiwai. 8 E na sautu, ruarua, au na koto sobu, oti au qai moce; baleta o kemuni duadua ga i Yahuwe (YHWH), oni vu ni vei taqomaki e na noqu bula.

Same (Tehellim) 4:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
004 Blog No. 1464	January 4, 2012.
Reading	Hebrew Date
Na iVakatekivu (B’resheet) 9-11	Tevet 9, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofisai Baleti Ijipita (Prophesy About Egypt)

Thought: Arrogance In Front Of YHWH Does Not Pay

......................

Serving For Yom Shaynee, Chesvan 17, 5772.

E na ikatini ni yabaki, e na ikatini ni vula, e na ikatinikarua ni siga ni vula na vosa i Yahuwe a qai yaco mai vei au ni kaya,  2 Luve ni tamata, me toka dei na matamu mo saqati Fero na tui Ijipita, mo qai parofisai saqati koya vata kei Ijipita taucoko;  3 Vosa mo kaya, E kaya vakaoqo o Yahuwe na Sau (Sovereign YHWH), Raica, au sa mecaki iko, Fero, tui Ijipita, na dreqoni levu e koto no e loma ni uciwai, e kaya tiko, Na uciwai e noqu o au vakataki au, au a bulia me noqu. 4 Au na biuta na batinisiwa e kesumu, au na qai vakavuna na ika e na nomu uciwai me ra kabita na varimu, au na yavi i iko cake mai na loma ni uciwai; na ika kecekece e na nomu uciwai era sa na kabita mai na varimu; 5 Au na qai kolotaki iko i loma ni veikauloa, oya o iko kei na ika taucoko mai na nomu uciwai; o na sega ni vakasoqoni se bulu; au sa soli iko mo kedra kakana na manumanu kila kei ira na manumanu vakatabadra dau vuka ni macawalala. 6 O ira kece na ivakatawa kei Ijipita era na qai kila ni o au o Yahuwe (YHWH)  baleta o iko o a dau ititoko gasau tu vei ira na yavusa Isira'yili: 7 Ni ra tauri iko e ligadra, o qai cokai ira; ia ni ra ravi mai vei iko, o qai ramusu, ka vakavuna me sautaninini na muledra.

8 ¶ O koya oqori e kaya kina o Yahuwe na Sau (Sovereign YHWH); Raica, au na kauta mai vei iko e dua na seleiwau, me mai vakarusa mai vei iko na tamata kei na manumanu kila.  9 Ia na vanua o Ijipita, e na qai laladidi ka maumau; era na qai kila kina ni o au o Yahuwe (YHWH) baleta ni o a kaya, Na uciwai e noqu; o au, au a bulia. 10 O koya oqori, au na saqati iko kina ka saqata na nomu uciwai, au na vakavuna na vanua o Ijipita me laladidi vakaoti, ka me maumau wale mai na valecere mai Sa'vena me yaco vakadua i na iyalayala ni vanua kei Iciopia. 11 E na sega ni dua na yava ni tamata e na lako sivita, se yava ni manumanu kila ka na sega ni tawani me yacova ni oti e vasagavulu na yabaki. 12 Au na qai cakava na qele kei Ijipita me laladidi e na kedra maliwa na veivanua era sa laladidi tu; kei na nodra veikorolevu, e na kedra maliwa na veikorolevu era maumau wale tu me vasagavulu na yabaki: au na cemuri ira na kai Ijipita i na kedra maliwa na veimatanitu, ka ceburaki ira me ra taseu tu e na loma ni veivanua.13 Io, e kaya vakaoqori o Yahuwe na Sau (Sovereign YHWH); Ni oti e vasagavulu na yabaki, au na vakasoqoni ira na kai Ijipita, au na qai vakavuna me ra lai vakaitikotiko e na vanua kei Patarosi, i na veivanua era a volitaki laivi kina; era na qai tiko kina me vaka e dua na matanitu yalomalumu. 14  Au na kauta lesu mai na vakabobulataki nei Ijipita, ka vakavuna na  nodra lai vakaitikotiko mai Patarosi, i na vanua era a volitaki kina; era na qai yaco e keya me ra dua na matanitu lolovira.15 E na yaco me matanitu lolovira duadua; ka na sega tale vakadua me vakalevulevui koya vakataki koya vei ira na veimatanitu; baleta au na vakasomiditaki ira; me ra kakua tale ni vakavulewa vei ira na veimatanitu. 16 O ira na kai Ijipita era na sega tale vakadua ni inuinui ni yavusa Isira'yili, me ra nanuma lesu kina na nodra ivalavala vakasisila ni ra a golevi ira; o Isira'yili e na qai kila kina ni o au o Yahuwe na Sau (Sovereign YHWH).

Isikeli (Yechezk’yl) 29:1-16

Na kaukamea e na vagata na kaukamea; e vaka kina e dua na tamata ni vakaserauna na mata i nona icaba.

Vosa Vakaibalebale (Mishlei) 27:17

VAKAVINAVINAKA vei Yahuwe (YHWH). E kalougata na tamata e rerevaki Yahuwe (YHWH), ka dau qacoya na qaravi ni nona ivakaro. 2 Na nodra kawa era na vakaitamera  e vuravura; e na kalougata o koya e na  nodra itabagauna na yalododonu. 3 Na iyau kei na iyaya talei e na vutucoqa e nona vale; na nona yalododonu e na tudei tawamudu. 4 Vei ira yalododonu e ramase tiko e dua na rarama e  loma ni butobuto; o koya e dau yalololoma, ka sinai e na veikauwaitaki vei ira era yalododonu. 5 E kalougata na tamata e vakarautaka na yalololoma ka dau daulomasoli; e na tusanaka na nona vosa e na yalomatua:

6 ¶ E dina ni na sega ni yavalati me tawamudu: o ira na yalododonu era na nanumi tiko me tawamudu. 7 E na sega ni domobulataka na itukutuku ca: e na dei tu na vuniyalona, baleta na nona vakararavi vei Yahuwe (YHWH). 8 Na vuniyalona e na vakaukauataki, e na sega ni datuvu o koya, me yacova ni sa raica na nodra gagadre vei ira na kena meca. 9 Sa dau solika vakayauyau o koya,  e  dausolika vei ira na dravudravua; na nona yalododonu e na tudei me sega ni mudu ka tawamudu; na nona ileu e na laveti cake me vakacerecerei 10 Era na raica na tamata ca, era qai rarawa; e na qai vakasequruquru bati, ka veilecayaki: na gagadre ni tamata ca e na vakarusai.

Same (Tehellim) 112:1-10

Read The Tanakh in a Year (Wilika Na Tanakh E Na Dua na Yabaki).
Siga (Day)/Blog	Tikinisiga (Date)
318 Blog No. 1458	November 14, 2011.
Reading	Hebrew Date
Isikeli (Yechezk’yi) 7-9	Cheshvan 17, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.