Vakamautaki Rivika o Yisake (Yitz’chak Marries Rivka)

Thought: From Loving Couples Solid Families Are Founded

........................... 

Serving For Yom Ri’vi’i Tevet 16, 5772

MAI NA TORAA (FROM THE TORAH)

A qai yaco ni rogoca na nodrau vosa na dauniveiqaravi i Avarahama, ni a sokalou vei Yahuwe (YHWH) e na nona cuva sobu o koya vakataki koya i na dela ni qele. 53 Sa qai talaucaka mai na tamata oya na iyau koula kei na iyau siliva, kei na isulu, qai solia kece vei Rivika; e a soli iloloma soliwale talega vei ganena ka vaka kina vua na tinana.

54 ¶ Oti ratou sa qai kana ka gunu, o koya vata kei iratou na tagane eratou a ilala vata tiko mai, ka moce e keya e na bogi ni siga oya. A matacake na dauniveiqaravi e na mataka, qai tatau ni kaya, Dou vakatalai lesu vua na noqu turaga. 55 Rau kaya vua o ganena kei tinana, Laiva me bau tiko tale vata kei keitou me dua na vula se me vica mada ga na siga; oti me qai lako yani o koya. 56 Kaya vei iratou o koya, Dou kakua ni vakaberai au, ka ni sa vakalougatataka oti na noqu ilakolako o Yahuwe (YHWH); vakatalai i au meu rawa ni lesu tale vua na noqu turaga. 57 Eratou kaya, Keitou na kacivi koya na goneyalewa me tou tarogi koya. 58 E ratou mani kacivi Rivika, ratou qai taroga vua, E vakaevei, o via lako kei na tamata qo? Kaya o koya, Au sa na lako. 59 Ratou sa qai talaci Rivika na ganedratou, o ratou na nona vada, na dauniveiqaravi i Avarahama kei iratou na nona tagane. 60 Eratou vosa vakalougatataki Rivika na ganedratou, ni ratou kaya vua, O iko o ganei i keitou, mo yaco mo na tinadra na udolu kei na milioni, ka laiva na nomu kawa me ra taukena na nodra vanua na kedra meca. 61 Sa qai cavutu o Rivika vata kei iratou na nona vada, eratou qai vodo e na kameli ka muri i koya na tamata; na dauniveiqaravi a qai kauti Rivika, eratou qai biubiu e na nodratou ilakolako.

62 ¶ E na gauna vata oya o Yi'sake a se qai lesu tiko mai na toevu mai Bi'a-Lakai-Ro'i; baleta a vakaitikotiko  e keya o koya, e na vanua vaka i na ceva. 63 E na gauna a taubale tiko kina o Yi'sake e na loma ni veiwere e na yakavi, a qai tacake, qai raica ni sa lako tiko mai na kameli. 64 O Rivika talega a rai cake ia ni raici Yi'sake, a qai ravi vakalakala mai na daku ni kameli, 65 Oti qai taroga vua na dauniveiqaravi, O cei beka na tagane e taubale tiko mai qo e loma ni veiwere me mai tavaki kedatou? Kaya na dauniveiqaravi, Qori na noqu turaga; qori a qai taura kina e dua na isulutavoi, qai ubi i koya kina vakataki koya.

66 Na dauniveiqaravi a qai tukuna vei Yi'sake na ka kece a cakava o koya (Rivika). 67 A kauti Rivika o Yi'sake i na valelaca i Sera na tinana, qai lai tauri koya ka vakamautaki Rivika kina, a qai yaco o koya me watinayalewa; a dau lomani koya (Rivika) o koya (Yi'sake); qori sa qai vakacegui kina o Yi'sake, baleta ni a sa takali oti o tinana.

Na iVakatekivu (B’resheet) 24:52-67

NA IVAQA NI BULA (FOOD FOR THE SOUL)

Kakua ni viavia vuku e matamu o iko vakataki iko, rerevaki Yahuwe (YHWH) ka saumaki tani mai na ivalavala vakasisila. 8 E na ka ni bula i na lewemu, ka waibula (marrow) i na suimu.

Vosa Vakaibalebale 3:7-8

LOMANI YAHUWE NA NOMU KALOU (LOVE YHWH YOUR MIGHTY ONE)

Na cava beka na vuna oni tu mai kina vakayawa, i Yahuwe (YHWH), moni qai tarova na nomuni loloma e na gauna ni tu leqaleqa? 2 Na viavialevu ni tamata ca e dau vakavuna na nodra vakaloloma na dravudravua; Laiva me ra coko tale e na vere era bukia. 3 Baleta o ira na ca era dau dokadokataka na gagadre ni yalona; O Yahuwe (YHWH) e na leva ni ra kalougata o ira na dau caka ca. 4 O koya e dau caka ca e na nona okadokataka na nona itutu, e na sega kina ni via vakasaqarai Yahuwe (YHWH); Baleta e na uto ni nona vakasama, e sega ga na Kalou (Mighty One). 5 Na nona itovo, e dau malumalumu tu ga, na nomuni lewa e yawa kalia sara e cake mai na nona rai; ia o ira kece na kena meca, e dau sevaki ira vakaoti o koya. 6 E dau kaya e lomana, au na sega ni yavalati mai na dua na itabagauna ki na dua tale na itabagauna; baleta o koya e dau vakavurea na ca. 7 Na gusuna e sinai vutuvutu e na vosavosa ca, na lawaki ca kei na butabutako; e na ruku ni yamena e vuqa kina na veivakaisini kei na lasulasu; 8 E dau dabe toka e na ivunivuni e na loma ni dua na qaravatu; e na dua na yasana tawakilai e dau labati ira kina era sega ni cala; ia na matana e dau dikevi ira lo na malumalumu. 9 E dau koto vunivuni me tudaitaki ira na dravudravua; me ra coko e na nona lawalawa vuni 10 Io o koya e na vakalolovirataki ka vakadrukai; e loma ni nona sui, era tu kina na mate kei na vutu. 11 E kaya e lomana, o Yahuwe (YHWH) sa guilecava, o koya e sa vukica laivi na matana; o koya e na sega ni raica.

12 ¶ Matacake i Yahuwe (YHWH), kemuni na Kalou (Yl) laveta cake na ligamuni; ni kakua ni guilecavi ira era vutugu. 13 Na cava beka me ra dau vakacudrui Yahuwe (YHWH) kina?  E kaya e lomana, na Kalou (Mighty One) e sega ni vaqara me veisausaumi. 14 Oni sa raica tiko; baleta sa tiko na  vakacaca kei na lomaca, baleta oni sa raica ni sa soro o koya vakataki koya i na qeteqete ni ligamuni; o ira na dravudravua era sa kabi mai vei kemuni; o kemuni oni nodra dau ni veivuke vei ira e sega na tamadra. 15 Musuka na tabana o koya na tamata loma ca vata kei koya e dau ivalavala ca; vakaotia na nona ivalavala vakasisila me yacova ni sa sega ni kune tale e dua.

Same (Tehellim) 10:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
011 Blog No. 1471	January 11, 2012.
Reading	Hebrew Date
Na iVakatekivu (B’resheet) 27-28	Tevet 16, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ka E Dina Vei Keda Na Tamata (Our Human Reality)

Thought: Be Honest With YHWH In Prayers

 ......................

Serving For Shabbat, Tishrei 10, 5772

Oni yalododonu o kemuni, i Yahuwe (YHWH), niu sa vakatakekere yani vei kemuni; laiva mada meu vosa e na veika e dodonu e matamuni. Na cava beka e dau mana kina na nodra ivakarau na vakasisila? Na cava mada era vutuniyau kina o ira na tamata dauveivakaisini? 2 O kemuni oni teivaki ira; io na wakadra sa yaco me kaukaua; era tubu, era vuataka na vuata; oni voleka cake i gusudra ia oni yawa mai vuniyalodra. 3 Ia o kemuni, i Yahuwe (YHWH), oni  kilai au: oni sa raici au oti, oni sa vakatovolea oti na vuniyaloqu e matamuni; vakarautaki ira me vaka na sipi era vakarau lai mokumate, sureti ira i na siga ni veivakarusai. 4 E na vakacava na kena dede e na vakaloloku tiko kina na vanua, ka ra malai tu kina na kaudraudrau ni vanua e na vuku ni nodra ivalavala ca o ira era vakaitikotiko kina. Na bulumakau kei na manumanu vakatabana era sa tilomi baleta o ira na tamata ca era kaya, Eda na sega ni raica na ivakataotioti. 5 Kevaka oni cici kei ira na tamata dau taubale, era qai vakavuna mo ni oca, oni na qai rawa vakacava moni cici kei ira na ose?   Kevaka oni vakanuinui i na vanua veibuca, ia era qai vakavuna moni oca,  oni sa na qai rawa vakacava ni takosova na Yaradani ni seuseua kaukaua tu? 6 Baleta mai na gauna oya, o ira na tacimu kei ira na mataqali i tamamu, era sa dau vukivuki veivakaisini tiko vei iko; io, era dau kakase talega me baleti iko; kakua sara ni vakabauti  ira ni ra vosa vinaka tiko me baleti iko.

Jeremaia (Yirmeyahu) 12:1-6

Au a lako sivita mai na nona were e dua na vucesa; kei na nona loga ni vaini e dua e sega vua na yalomatua; 31 Ka, raica, ni sa robota vakadua tu na veikauwavotovotoa ka sa ubia vakadua tu na kau karokaroa (nettles) ia na kena bai vatu sa kabasu ka sa caqera tu i ra. 32 Oti au qai vakaraica vinaka ka vakasamataka vakavinaka, au qai ciqoma mai kina na kena ivakavuvuli. 33 Io e dua ga na moce lekaleka, ka dua na sosovu lailai, ka dua na roqoliga e lomasarena 34 E na yaco mai kina vei iko na dravudravua, kei na gadrevi ni veika eso e na toboki iko, me vaka e dua e dau veitaucici.

Vosa Vakaibalebale (Mishlei) 24:30-34

Keimami na Kalou (Mighty One), o ira na daulotutaki matakau era sa curu mai i na nomuni ivotavota; na nomuni vale tabu era sa vakadukara; era sa bini i Yerushalayimi me dua na bukebuke. 2  Na yagodra mate na nomuni dau ni veiqaravi era sa solia me kedra na manumanu vakatabana ni macawa lala, kei na lewe ni yagodra na nomuni tamata digitaki vei ira na manumanu kila kei vuravura. 3 Na nodra dra era livia me vaka na wai, wavolivoliti Yerushalayimi; e a sega ni dua me buluti ira. 4 Keimami sa vakarogocataki vei ira na weka i keimami vakaitikotiko, keimami qai vakalialiai ka dredrevaki vei ira era tiko wavolivoliti keimami. 5 Me vakaevei na kena dede i Yahuwe (YHWH)? Oni na cudru tiko beka me tawamudu? Na nomuni curu e na waqawaqa tiko beka me vaka na bukawaqa?

Same (Tehellim) 78: 40-50

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
280/Blog No. 1420	October 8, 2011.
Reading	Hebrew Date
Isaiah (Yesha’yahu) 39-40	Tishrei 10, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vosa Vakaibalebale (Proverbs).

Thoughts: The Honest Love You, Even If They Appear To Hurt You

 .......................

Serving For Yom Khah Mee-Shee, Iyar 22, 5771

KAKUA ni navuca na inakinaki ca, e na nona itikotiko ni yalododonu;  kakua ni vakacacana na nona tikina ni vakavakacegu: 16 Baleta na tamata yalododonu ni bale vakavitu, e na matacake tikoga: ia o ira na tamata ca era na lutu i na itovo ca.

17 Kakua ni reki ni bale na kemu meca; laiva me kakua ni marau na vuniyalomu ni sa talaraki laivi; 18 De qai raica o Yahuwe (YHWH), qai sega ni marautaka, oti qai vukica laivi na nona cudru mai vua.

19 Kakua ni didivaki ira na daucakaca; kakua ni vuvutaki ira era itovo vakasisila;

20 Baleta e na sega ni dua na nodra  gauna mai muri o ira na tamata ivalavala ca; na icina ni tamata ivalavala ca e na boko laivi.

21 I luvequtagane, rerevaki Yahuwe (YHWH), dau soli ivakasala momona; kakua ni galele vei ira era lialia:

22 Baleta na nodra leqa e na yaco mai vakasauri; o cei e kila na itinitini ni nona veitabayabaki?

Vakaibalebale (Mishlei) 24:15-22

E vinaka cake vua e dua na tamata me galeleta na veivosataki ni tamata vuku, mai na nona rogoca na nodra sere na lialia.

Dauvunau (Kohelet) 7:5

KAKUA ni viavia vuku e matamu o iko vakataki iko, rerevaki Yahuwe (YHWH) ka saumaki tani mai na ivalavala vakasisila. 8 E na ka ni bula i na lewemu, ka waibula (marrow) i  na suimu. 9 Dokai Yahuwe (YHWH) e na nomu iyau kei na isevu ni nomu vuata kece sara.10 Qori e na qai tawa vinaka kina na nomu lololo, kei na nomu iqaqi ni waini e na vuable e na wainivou.11 I luvequ tagane, kakua ni cata na  veikuitataki nei Yahuwe (YHWH); kakua ni cauocataka na nona veivakatavulici. 12 Baleta o koya e lomana o Yahuwe (YHWH) e na vakadodonutaka, me vaka e dua na tama, e vakadodonutaki luvena tagane.

13 E kalougata na tamata e kunea na vuku,kei na luve ni tamata e kunea na yalomatua: 14 Baleta na veika e volia e vinaka  cake mai na ivoli rawa mai na siliva ka na kena tubu mai na koula dina.

Vakaibalebale (Mishlei) 3:7-14

Read The Scriptures (Tanakh) in a Year
Siga (Day)/Blog	Tikinisiga (Date)
146/Blog No. 1286	May 26, 2011.
Reading		Hebrew Date
1 Veigauna (Divrei HaYamim Alef)  17-19		Iyar 22,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Keda Na Tamata (Us Human Beings)

Thought: Our Biggest Stumbling Block is Self Deception.

...................................

Serving For The 28^th April, 2010

Me vaka e dua na tama e dau lomani ira na luvena, o Jiova (Yahweh) talega e na lomani ira era rerevaki koya. 14 Baleta e kila o koya na noda a buli, ka nanuma vinaka tiko ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; Na tikina a toka kina e na sega ni kilai tale vakadua. 17 Ia na yalololoma i Jiova (Yahweh) e vu mai na tawamudu i na tawamudu vei ira era dokai koya kei na Nona yalododonu vei ira na luvedra na luvedra, 18 vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

19 ¶ O Jiova (Yahweh) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinaka vei Jiova (Yahweh) kemuni na nona agilosi; oni uasivi e na kaukaua, dau vakayacora na nona ivakaro, ka dau galeleta vakavinaka na domo ni nona vosa.

Same 103: 13-20

Baleta raica, au a buli mai na ca (iniquity); ia e na ivalavala ca o tinaqu a kunekunetaki au. 06 Raica oni gadreva na dina, ia na veika vuni kece me baleta na nomuni dina (wisdom) oni sa vakatakila vei au.

Same 51:5-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
118.	Epereli 28	II Samuela 19-20	Luke 21:20-38

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.