Cakacaka Kaukaua O Yi’sake (Yitz’chak Worked Hard)

Thought: Hard Working People Are Often Envied And Feared By Others

..................... 

Serving For Yom Chamishi Tevet 17, 5772

MAI NA TORAA (FROM THE TORAH)

Kaya o Avimeleki vei Yi'sake; Lako tani mai na keimami maliwa, baleta o iko o sa rui kaukaua vakalevu cake sara mai vei keimami. 17 Sa mani biubiu mai keya o Yi'sake, qai lai tauyavu tale e na bucabuca mai Qe'raa, me vakaitikotiko kina. 18 A baci kelia tale o Yi'sake na ikeli ni wai, era a kelia taumada e liu o ira na dauniveiqaravi nei tamana, oya e na gauna i Avarahama na tamana; era a qai vakadukadukalitaka na Pi'lishitimi ni sa mate oti o Avarahama; e a vakayacani ira o koya, e na yaca vata ga a vakatokai ira taumada kina o tamana. 19 Era a kelikeli e na buca o ira na dauniveiqaravi nei Yi'sake, era kunea e dua na toevu ni wai vure. 20 Ia o ira na ivakatawa ni bulumakau mai Qe'raa era qai mai veiletitaka kei ira na vakatawa ni bulumakau i Yi'sake, ni ra kaya, Na wai qori e neimami; a mani vakatoka me yaca ni ikeli wai oya me o Eseki (dredre) baleta ni ra a mai veiletitaka vata kei koya. 21 Era a kelia e dua tale na ikeli ni wai, ia era baci mai veileti tale; a mani vakayacana o koya me o Sitinaa (veileti). 22 A mani toki mai keya, qai lai kelia e dua tale na ikeliwai; ia na kena oqo era a sega ni mai veiletitaka; a qai vakayacana o koya me o Rekovoti (macawa galala levu); qai kaya o koya; Qo sa qai vakalalagataka na macawa vei keda o Yahuwe (YHWH) o keda eda sa na qai tubu e na vanua oqo. 23 E a lako cake mai keya i Bi'a-Sheva. 24 E a rairai vua e na bogi vata oya o Yahuwe (YHWH), qai kaya, O au o Yahuwe (YHWH) na Kalou (Mighty One) i Avarahama na tamamu; kakua ni taqaya, o au, au dau tiko vata kei iko; au na vakalougatataki iko ka vakalewelevutaka na nomu kawa e na vukuna na noqu dauniveiqaravi o Avaraham. 25 A qai tara o koya, e keya e dua na icabocabo ni soro, qai kaciva na yaca i Yahuwe (YHWH), oti qai birika na nona valelaca e keya: e keya talega era a kelia tale kina e dua na ikeliwai o ira na dauniveiqaravi i Yi'sake.

Na iVakatekivu (B’resheet) 26:16-25

NA IVAQA NI BULA (FOOD FOR THE SOUL)

Dokai Yahuwe (YHWH) e na nomu iyau kei na isevu ni nomu vuata kece sara.10 Qori e na qai tawa vinaka kina na nomu lololo, kei na nomu iqaqi ni waini e na vuable tu ga e na wainivou.

Vosa Vakaibalebale 3:9-10

LOMANI YAHUWE NA NOMU KALOU (LOVE YHWH YOUR MIGHTY ONE)

O Yahuwe (YHWH) e tui me tawamudu ka sega ni mudu; o ira na veivanua era na kawaboko mai na nona vanua. 17 I Yahuwe (YHWH), oni sa rogoca na nodra gagadre na dravudravua; na daligamuni sa rogoca na vakavakarau ni vuniyalodra: 18 Vakayacora na lewa dodonu vei ira e sega na tamadra kei ira era vakararawataki tu; me kakua kina ni ra vakawabokotaki na tamata e na dela i vuravura.

Same (Tehellim) 10:16-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
012 Blog No. 1472	January 12, 2012.
Reading	Hebrew Date
Na iVakatekivu (B’resheet) 29-30	Tevet 17, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iMatai Ni Laba (The First Murder)

Thought: Anger Could/Would Lead To The Shedding Of Blood

..................... 

Serving For Yom Shlishi Tevet 8, 5772

MAI NA TORAA (FROM THE TORAH)

O Adama a qai veiyacovi kei Hava na watina; qai kunekune o koya ka vakasucumi Kayini qai kaya, Au sa rawata maivua na Kalou (Mighty One) e dua na tagane. 2 Oti qai vakasucuma tale na tacina o Heveli. O Heveli a dau ni susu sipi; ia o Kayini a dau ni teitei e na qele. 3 ¶ Ia ni toso tiko ni gauna, a qai yaco ni a kauta mai o koya na vuata ni qele me mai nona isolisoli vei Yahuwe (YHWH). 4 O Heveli talega a kauta mai na ulumatua ni nona qelenisipi mai vei ira na kena era bulabula. O Yahuwe (YHWH) a taleitaki Heveli vata kei na nona isolisoli. 5 Ia a sega so ni taleitaki Kayini vata kei na nona isolisoli. A mani cudru sara ga vakalevu o Kayini, ka kune votu na nona rarawa e na kena irairai. Kaya o Yahuwe (YHWH) vei Kayini Na cava o cudrutaka tiko? Na cava e rarawa tu kina na kemu irairai?  7 Raica, kevaka o caka vinaka tiko, o na sega beka ni ciqomi? Kevaka o sega ni caka vinaka, na ivalavala ca sa davo sara tu ga e mata ni katuba. O iko mo lesu vei tacimu, o koya e na vakarorogo vei iko. 8 ¶ Kaya o Kayini vei Heveli na tacina, Mai me daru mai lako sobu mada i na bucabuca; a qai yaco ni rau se tu mai na iteitei, ni a vuki o Kayini me ravuti Heveli na tacina, qai vakamatei koya. 9 ¶ Kaya o Yahuwe (YHWH) vei Kayini, E evei beka na tacimu o Heveli? Kaya Vua o koya, Au sega ni kila, o au beka na ivakatawa nei taciqu?  10 Kaya o Yahuwe (YHWH), Na cava o sa cakava? Na domo ni dra i tacimu sa tagici au mai loma ni qele:  11 Me tekivu qo lako yani, o sa na levaci mai na qele, e a dolava na gusuna me ciqoma na dra nei tacimu mai ligamu: 12 Ni o tea na qele, e na sega ni solia vei iko na kena kaukaua; o iko o na dauveidroyaki ka dauvakasavuliga tu e vuravura. 13 ¶ Kaya o Kayini vei Yahuwe (YHWH), Na noqu ivalavala ca beka sa rui levu me vosoti. 14 Raica o sa cemuri au edaidai mai na qele oqo; kau sa na vuni talega mai na matamuni; au sa na dau veidroyaki tu ga ka vakasavuliga voli e vuravura; ia e na qai yaco, ni o koya ga e kunei au e na vakamatei au.  15 Kaya vua o Yahuwe (YHWH), Qori e na sega ni yaco; o koya e vakamatei Kayini e na saumi vua vakavitu. Sa qai qumuta e dua na ivakatakilakila vei Kayini o Yahuwe (YHWH), me kakua kina ni dua e vakamatei koya ke kunei koya. 16 ¶ Sa qai lako tani mai na mata i Yahuwe (YHWH) o Kayini, me lai tiko e na vanua nei Noda, vaka i na vuaicake kei Ideni.  17 E veiyacovi o Kayini vata kei watina; a qai kunekune o koya, ka vakasucumi Hanoke; a qai tekivu me tara e dua na korolevu o koya; qai vakayacana na korolevu vei luvena o Hanoke. 18 Vei Hanoke a qai sucu o Airadi; vei Airadi a qai sucu o Mekuya'yili na tamai  Metusha'yili, ia o Metusha'yili a qai tamai Lameki.

Na iVakatekivu (B’resheet) 4:1-18

NA IVAQA NI BULA (FOOD FOR THE SOUL)

I luvequtagane, kevaka era temaki iko o ira era dau valavala ca, kakua ni vakadonuya. 11 Kevaka era kaya vei iko, Lako mai vata kei keitou, me tou lai koto no vakalawaki ca, me tou vakadave dra, laiva me tou lai waraki ira na tawacala vakalawaki ca; 12 Laiva me tou tilomi ira bulabula, me vaka ni veitilomi o She’ola, me vakataki ira era lako sobu taucoko tiko i na loma ni qara; 13 Eda na kunea na nona iyau kei na iyaya talei kecekece, eda na qai vakatawana na noda vale e na itoki ni ivalu. 14 To mai vata keitou; laiva me sa dua ga na noda taga ilavo  15 I luvequtagane, kakua ni salavata kei iratou; ia mo tarova tikoga na yavamu mo kakua ni muria na nodratou gaunisala. 16 Baleta na yavadra e cici i na ca, era vakaqunaquna me ra lai vakadave dra. 17 E ka dina ni maumau wale na kena dedeki na lawalawa e matana e dua ga na manumanu vuka. 18 O ira era tudaitaki ira tikoga vakataki ira, era vakadavea ga na nodra dra o ira vakataki ira, ni ra vunitaki ira tu me ra vakadave dra. 19 E vaka tu oqori na nodra ivalavala o ira kece era dau vakayacora na ivakarau ca, e na nodra kauta laivi na nodra bula o ira na kedra itaukei.

Vosa Vakaibalebale 1:10-19

LOMANI YAHUWE NA KALOU (LOVE YHWH YOUR MIGHTY ONE)

I Yahuwe (YHWH), sa tubu na kedra iwiliwili o ira era dau vakararawataki au. Era lewe levu era tubu tiko mai, era dau saqati au. 2 E levu era kaya vua na noqu bula, O iko o na sega ni vakabulai mai vua na nomu Kalou (Mighty One). 3 Ia o kemuni, i Yahuwe (YHWH) oni noqu isasabai, oni noqu lagilagi, oni dau tabea cake na uluqu.

4 ¶ Au a tagi vei Yahuwe (YHWH) e na domoqu, qai rogoci au mai o koya, mai na nona ulunivanua tabu (kodesh). 5 Au koto sobu au qai moce; oti au qai yadra cake tale; baleta o Yahuwe (YHWH) e maroroi au. 6 Au na sega ni domobulataki ira na udolu vakaudolu na tamata era mai tu vakavolivoliti au me ra valuti au. 7 Tucake, i Yahuwe (YHWH) noqu Kalou (Mighty One); moni vakabulai au; baleta o kemuni oni sa ravuti ira kece na kequ meca e kesudra; Oni qai vorolaka na batidra o ira era dau valavala ca. 8 Baleta na veivakabulai e nei Yahuwe (YHWH); kei na nomuni kalougata e toka ga vei ira na nomuni tamata

Same (Tehellim) 3:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
003 Blog No. 1463	January 3, 2012.
Reading	Hebrew Date
Na iVakatekivu (B’resheet) 6-8	Tevet 8, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Keda Na Tamata (Us Human Beings)

Thought: Our Biggest Stumbling Block is Self Deception.

......................... 

Serving For Yom Khah Mee-shee, Nissan 24, 5771

Me vaka e dua na tama e dau lomani ira na luvena, o Yahuwe (YHWH) talega e na lomani ira era qaravi koya. 14 Baleta e kila o koya na noda a buli, ka nanuma tu o koya ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; Na tikina a toka kina e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu i na tawamudu vei ira era dokai koya kei na Nona yalododonu vei ira na luvedra na luvedra, 18 vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

19 ¶ O Yahuwe (YHWH) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinaka vei Yahuwe (YHWH) kemuni na nona agilosi; oni uasivi e na kaukaua, dau vakayacora na nona ivakaro, ka dau galeleta vakavinaka na domo ni nona vosa.

Same (Tehellim)) 103: 13-20

Vakamiraci au e na taba ni hisopi, au na qai savasava; savati au, au na qai vulavula cake mai na uca cevata. 8 Vakacegui au e na nomuni reki kei na marau; me rawa ni marau tale na yaloqu sa ramusu tu. 9 Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 10 Bulia e lomaqu e dua na vuniyalo savasava, kemuni na Kalou (Mighty One) ka vakavoutaka na yalodina e lomaqu. 11 Kakua ni botolaki au laivi mai matamuni; kakua ni kauta laivi mai na  yalomuni tabu (Ruach HaKodesh) mai vei au. 12 Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 13 Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 14 Vakabulai au mai na vakadave dra, kemuni na Kalou (Mighty One), o kemuni na Kalou ni noqu vakabulai, na yamequ e na seretaka vakadomoilevu na nomuni yalododonu.

Same (Tehellim) 51:7-14

Read The Scriptures (Tanakh) in a Year
Siga (Day)/Blog	Tikinisiga (Date)
118/Blog No. 1258	April 28, 2011.
Reading	Hebrew Date
Sh’mu’yl Bet 19-20	Nissan 24,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Jiova kei Nevukadanesa (Yahweh and N’vuchadnetzer).

Thought: Pride Causes Destruction To All of Yahweh’s Creation

 .........................

Serving For Shabbat 25^th Elul, 5770

Ni sa yaco mai na kena gauna, o au o Nevukadanesa, au qai tacake i lomalagi, a qai vakalesui mai vei au na yavu i noqu vakasama, au qai vakavinavinakataki koya e cecere vakaoti, niu vakacaucautaki koya ka vakarokorokotaki koya e bula tawamudu, na nona yavu ni vakavulewa e yavu sega ni tini rawa kei na matanitu e na dau kune e na dua na mata-tamata ki na dua tale na mata-tamata. 35  O ira kece era tawani vuravura tu era wili me ra sega ni dua na ka e matana; ka na cakava ga na ka e via cakava vei ira era dauniveiqaravi mai lomalagi kei ira na ivakatawa e vuravura; e sega ni dua e na rawa ni tarova na ligana se kaya vua, Na  cava o cakava tiko?  36 E na gauna sa vakalesui mai kina vei au na yavu ni noqu vakasama, ka ra sa vaqarai au mai o ira na noqu ravouravou kei ira na noqu iliuliu ni mataivalu, meu sa vakatikori tale e loma ni noqu matanitu sa qai vakaikuritaki tale vei au na lagilagi ni veiliutaki e cecekia cake tale. 37 Ia qo, o au o Nevukadanesa, au sa qai vakavinavinaka, vakacerecerea ka vakarokororoko vua na Tui mai lomalagi, baleta na nona cakacaka e dina kei na nona sala e dodonu; ia o ira era lako tiko e na viavialevu, o koya e na rawa ni vakamalumalumutaki ira.

Dani'yila 4:34-37

Era qai kaya ni ra sa veivosaki o ira vakataki ira, Laiva me kolotaki na madigi, me rawa ni da kila se o cei e vakavuna tiko na leqa sa bikai keda tiko qo. Era qai kolo na madigi, qai mani tau na madigi vei Yona (Jona).

Jona 1:7

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
247	September 4
Reading	Hebrew Date
Proverbs 5-6	Elul 25

Personal Note:

In Yahweh’s calendar, Thursday September 9^th is the beginning of the New Year (Year 5771) called and celebrated as Rosh Hashanah or the Feast of Trumpets. 

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.