Veikanikani E Yisra’yili. (Cannibalism in Yisra’yl)

Thought: Yisra’yl Surpassed All Her Neighbors For Violating YHWH’s Laws

....................... 

Serving For Yom Chamishi, [Seventh Month] Tishri 8, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia o iko, tamata, taura e dua na seleiwau gagata; qai vakayagataka me vaka e dua na nona itoro na dauveikoti, mo tasia kina na ulumu kei na kumimu. Oti qai vakarautaka na drauniulu, e na dua na ivakarau ni bibi, qai wasea na drauniulu. 2 Na dua na ikatolu ni kena iwasewase mo vakama e loma donu ni korolevu, e na gauna sa oti kina na kena tuvaivalutaki. Taura e dua tale na ikatolu, qai tataya vakamatailalai e na seleiwau, e veiyasa kece ni korolevu. Ceburaka na iotioti ni kena ikatolu i na cagi; au na qai vakamuri i ira e na iseleiwau [sa ucu rawa tu mai na kena bola]. 3 Mo taura talega eso na drauniulu, qai buki i ira vata kei  na ilobi ni nomu isulu. 4 Mo qai taura eso tale, qai kolotaki ira e loma ni bukawaqa, mo vakamai ira vakaoti; mai keri e dua na yame ni bukawaqa e na lako mai kina me mai saqata na matavuvale kece i Yisira'yili.

5 ¶ Oqo na ka e kaya na Sau o Yahuwe (YHWH): Oqo o Yerushalayimi! Au sa vakatikori koya e kedra maliwa na veimatanitu; na veivanua era na rawa ni kune vakavolivoliti koya. 6 Ia o koya, e a talaidrdre i na noqu lewa, qai vakayacora kina e levu cake na ivalavala vakasisila mai vei ira na  veimatanitu, e na nona saqata na noqu ivakaro vakalevu cake mai na veikorolelevu era toka wavolivoliti koya;   baleta era sa vakanadakuya na noqu lawa ka ra sega ni bula muria na noqu ivakaro. 7 O koya oqori e kaya kina vakaoqo  na Sau o Yahuwe (Sovereign YHWH); Baleta ni o sa siviti ira na veimatanitu era toka wavolivoliti kemuni, e na nomuni sega ni via bula muria na noqu lawa, ka sega talega ni galeleta na noqu lewa, ia oni qai lai muria sara na lewa mai na veimatanitu era tu vakavolivoliti kemuni;  8 O koya qori e kaya kina na Sau o Yahuwe (Sovereign YHWH); O au talega au sa na saqati kemuni, io o au; au na  qai vakayacora na noqu lewa e na kemuni maliwa ni ra rai kece tu na veimatanitu. 9 Kena ikuri, baleta na nomuni ivalavala vakasisila kece sara, au na cakava vei kemuni, na veika au se bera vakadua  ni cakava mai liu, kau na sega ni cakava tale na veimataqali ka vakaoqo mai muri. 10 O ira na itubutubu e na kemuni maliwa era na kania na nodra dui lalai, kei ira na lalai era na kania na nodra dui itubutubu! Au na qai vakayacora na ka au lewa vei kemuni; ka ceburaki ira laivi i na veimatanicagi, o ira era kemuni vo vo. 11 O koya oya, baleta niu bula tiko,  e kaya na Sau o Yahuwe (Sovereign YHWH); Baleta ni oni a vakadukara na noqu valetabu e na nomu veika vakasevaki kei na nomu vei ivalavala vakasisila, o koya oqori au yalataka kina oqo, niu na muduki kemuni laivi, na mataqu e na sega na vakavotaka e dua, au na sega tale ni veivosoti. 12  E dua na ikatolu vei kemuni era na mate e na matedewa se  tilomi e na dausiga e loma [i Yerushalayimi]; e na tilomi ira e na kemuni maliwa: e dua na ikatou au na ceburaki ira laivi i na veimatanicagi kecekece, ka cemuria e na seleiwau.13 E na kena ivalavala oqo, na noqu cudru e na vakacegui kina, na noqu leva cecekia vei ira e na qai mate sobu,  au sa na qai cegu. Oti oqori, e na gauna sa tau kina na noqu leva cecekia vei ira, era na qai kila, ni o au, o Yahuwe, au a vosa ga yani e na noqu gugumatua.14 Au na cakava moni maumau wale, moni qai vakalialiai e na kedra maliwa na veimatanitu era tu vakavolivoliti kemuni, e matadra kece era tavali tiko yani. 15 E na gauna au sa na vakayacora kina  na noqu veivakatulewataki kei na veitotogitaki waromisa e na kemuni maliwa, e na cudru kei na leva vakaitamera, [o Yerushalayimi] sa na  yaco me vakalialiai ka vosacataki kei na veivakadomobulataki, me ka ni tuveivakarautaki vei ira na veimatanitu era tu vakavolivoliti kemuni. O au o Yahuwe (YHWH) au sa kaya yani oqori. 16 Au na vanataka yani vei ira na noqu gasau vakadomobula [ni dakaititi] na gasau ni veivakarusai [e vu] mai na  lauqa, [qori] au na vakauta yani me vakacacani kemuni. Au na cakava me mosimosi vei kemuni na lauqa e na noqu muduka laivi na [ivurevure] ni kemuni kakana17 Io, au na vakauta yani vei kemuni na lauqa kei na manumanu kila me ra  lai vakavuna me sega na luvemuni; na matedewa ca kei na vakadavedra  e na curu basikati  kemuni; au na qai kauta yani na seleiwau vei kemuni; o au o Yahuwe (YHWH) au sa kaya oqori.

Yekezeki’yili (Isikeli) 5:1-17

NA IVAQA NI BULA (FOOD FOR THE SOUL)

Kakua ni kania na kena kakana e dua e dau veivakaisini, kakua talega ni kocova mo malekata na kena kakana;  7 Baleta o koya e tautauvata kei na dua e dikeva tiko na veika e yaco tiko; o koya e na kaya vei iko, Kania qo! Se gunuva qo! Ia na vuniyalona e sega sara ni tiko vata kei iko. 8 Na tiki ni kakana lailai o kania o na luaraka tale, e na qai tawayaga na nomu vosa ni veivakacerecerei.

Mishlei (Vosa Vakaibalebale) 23:6-8

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na same i Dawide, 2 E na gauna a mai raici koya kina o Netani na parofita, ni oti na nodrau lasa i tuba kei Bata-Sheva. 3(1) I Yahuwe (YHWH) e na nomuni yalololoma, ni bau lomani au; e na vakaitamera ni nomuni yalovinaka, bokoca laivi na noqu basulawa. 4(2) Savati au sara vakaoti mai na noqu talai dredre, ka quaraka laivi vakadua na noqu ivalavala ca. 5(3) Baleta au kila na noqu talatalai dredre, na noqu ivalavala ca sa matata vinaka tu e mataqu e veigauna kece. 6(4) E saqati kemuni, o kemuni duadua ga, na noqu caka ca, niu a vakayacora na ka e vakasisila e na nomuni rai; e donu vinaka na nomuni totogitaki au. 7(5) E dina, au a buli vata kei na ca (iniquity); au (tamata) ivalavala ca, mai na tikinigauna sa kunekunetaki au kina o tinaqu. 8(6) Ia o kemuni oni gadreva na dina mai na yalo ni tamata sara mai loma; ni a bulia meu kila na vuku mai na uto sara ga ni vuniyaloqu.

Tehillim (Same) 50:16-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 8 in 5774 (Total 2083)	September 12, 2013
Reading	Hebrew Date
Yechezk’yl (Ezekiel) 17-18	M #7: Tishri 8, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tamata; Na iValavala Ca E Keda Mate. (Humans, Sinning Is Our Disease)

Thought: As Humans, We Will Sin, Turning Back To YHWH Is Our Sure Solution!

....................... 

Serving For Yom Chamishi, [Fifth Month] Av 25, 5773

 MAI NA NEVI’IMI AKARONIMI (FROM THE NEVI’IM ACHRONIM)

E na ikava ni yabaki i Yo'hoyakimi, na tui Ya'huda, na luvetagane i Yoshaiyahu, na vosa oqo a qai yaco vei Yiremeyahu, maivei Yahuwe (YHWH): 2 Taura e dua na ivivivi ivola, qai vola kina na vosa kece au sa tukuna oti vei iko me baleta na noqu saqati Yisira'yili, Ya'huda kei na veimatanitu kece sara, mai na siga sara au a tekivu vosa kina vei iko, oya e na gauna i Yoshaiyahu me yacova mai na siga oqo. 3 De dua era na rogoca na vale i Ya'huda na veika ca kece au sa nakita tiko meu na kauta mai vei ira; me ra qai saumaki, na tamata yadua mai nodra dui ivalavala ca; qori au na qai bokoca kina na nodra talaidredre kei na nodra ivalavala ca. 4 Sa mani kacivi Baruku na luvetagane i Neraiyahu o Yiremeyahu; o Baruku a qai vola sobu e na dua na vivivi ivola, ni wiligusutaka tiko vua o Yiremeyahu, na vosa kece a kaya vua o Yahuwe (YHWH). 5 Oti oya o Yiremeyahu a qai vakaroti Baruku: Au sa sega ni vakatarai, meu curu i na vale i Yahuwe (YHWH);  6 O koya oqori, o iko mo na kauta kina na ivivivi ivola o a vola, niu wiligusutaka yani vei iko, mo qai lako i na vale i Yahuwe (YHWH) e na siga ni lolo, qai lai wilika mai kina na vosa i Yahuwe (YHWH) ni ra rogoca tu na tamata; mo na wilika talega vei ira na Ya'huda era na biubiu mai na nodra veikoro. 7 De dua era na qai saumaki lesu vei  Yahuwe (YHWH) e na masumasu, era qai lesu [vua] o ira yadua, mai na nodra dui ivalavala ca. Baleta na cudru kei na leva sa vakataulewa oti kina o koya, me na yaco vei ira na tamata oqo, e vakaitamera. 8 O Baruku na luvetagane i Neraiyahu a muria na veika kece a vakarota vua o Yiremeyahu na parofita, qai lai wilika mai na ivola vivigi, na vosa i Yahuwe (YHWH) e na vale i Yahuwe (YHWH). 9 E dua na lolo a qai kacivaki e na ikaciwa ni vula ni ikalima ni yabaki i Yo'hoyakimi na tui Ya'huda, na luvetagane i Yoshaiyahu, vei ira kece na tamata mai Yerushalayimi kei ira kece na tamata era a lako mai na veikoro levu ni Ya'huda i Yerushalayimi. 10 E yaco e na gauna oya, ni a wilika kina o Baruku na ivola vivigi ni vosa i Yiremeyahu e na vale i Yahuwe (YHWH), e na loma ni loqi nei Qi'mayahu na luvetagane i  Shafani na vunivola, e na lomanibai e cake, e na icurucuru i na Matamata Vou ni vale i Yahuwe (YHWH), me ra rogoca na tamata kecekece. 11 E na gauna e rogoca kina o Mikai'hu na luvetagane i Qi'mayahu, na luve tagane i Shafani, na vosa kece i Yahuwe (YHWH) mai na ivola vivigi, 12 A qai lako o koya i na valenitui, [vakadodonu sara] i na loqi ni vunivola. O ira kece na vakailesilesi era a tiko e keya, [oya] o Yilaishama na vunivola, o De'layahu na luvetagane i She'ma'yahu, o Yilinatani na luvetagane i 'Akabo, o Qi'mayahu na luvetagane i Shafani, o Zidikiyahu na luvetagane i Hananayahu, kei ira kece na vo ni vakailesilesi.

13 A qai tukuna vei ira kece, o Mikai'hu na vosa kecekece a rogoca o koya, ni wilika mai na ivola vivigi o Baruku ni ra vakarorogo kece tu na tamata; 14 Era mani talai Ya'hudi na luvetagane i Ne'taniyahu, na luvetagane i Shelemayahu, na luvetagane i Kushi, vei Baruku, me lai tukuna vua, Taura mai  ligamu na ivola vivigi o a wilika me ra rogoca o ira na tamata, qai lako mai. A mani taura o Baruku na luvetagane i Neraiyahu na ivola vivigi [e ligana] qai  lako mai vei ira. 15 Era kaya vua, [Keitou kerea] mo toka sobu mada, mo wilika mai [qori] vei keitou. A mani wilika vei iratou o Baruku. 16 Ni ratou sa rogoca oti kece na vosa, eratou qai dui vuki me ratou veiraici e na domobula, eratou qai kaya vei Baruku, Keitou na vakasavuya dina vua na tui na veivosa kece sara oqo. 17 Oti ratou qai tarogi Baruku, Tukuna mada vei keitou se o vola vakacava na vosa kece oqo? E a wiligusutakitaka vei iko o koya? 18 Sauma vei iratou o Baruku, E wiligusutaka kece vei au o koya, o au, au qai toqa sobu tiko e na ivola vivigi e na iqi.

Yiremeyahu (Jeremaia) 36:1-18

NA IVAQA NI BULA (FOOD FOR THE SOUL)

Kevaka o taleitaka na moce, o iko o na yaco mo dravudravua; dolava tiko ga na matamu, e na qai levu na kemu kakana. 14 ¶ Qori sa bau [ivoli] ca sara ga, e kaya na dauvolivoli [vua e dau volivolitaki]; oti e na qai lako me lai dokadokataka  [na nona rawata na isau vinaka].15 ¶  E dua na tamata e rawa ni levu vua na koula, qai vutuniyau e na mataniciva, ia na tebenigusu e levu na ka e kila mai na kilaka, e [vatutalei] vakamareqeti vakalevu cake sara.

Mishlei (Vosa Vakaibalebale) 20:13-15

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. E dua na same i Dawide. 2(1) O Yahuwe (YHWH) e kunea na marau e na nomuni kaukaua; e dua na marau levu e dau vakaraitaka o koya e na nomuni qaqa! 3(2) Oni solia vua na gagadre ni vuniyalona; oni sega ni bureitaka mai vua na vakatamamasu mai gusuna. (Selaa) 4(3) Baleta oni lako mai moni mai sotavi koya e na veivakalougatataki e daumaka vakaoti, oni qai tokara e dua na isalavakatui buli mai na koula matailalai e uluna. 5(4) E kerea vei kemuni na bula, oni qai solia vua; e vica vata na yabaki, me tawamudu ka sega ni mudu. 6(5) Na nomu qaqa e kauta mai vua na dokai vakaitamera, oni vakatikora vua na dokai kei na lagilagi. 7(6) Baleta oni solia vua na veivakalougatataki me tawamudu; oni vakamarautaki koya e na reki e tiko e matamuni.

8(7) ¶ Baleta na tui e biuta na nona inuinui vei Yahuwe (YHWH); e na yalololoma ni Kalou (Ylyon); o koya e na sega ni tosoi. 9(8) Na ligamuni e na rawai ira kece na kemuni meca, na ligamuni imatau e na rawai ira era cati kemuni. 10(9) E na nomuni basika mai, oni na cakavi ira me ra vaka na lovo katakata waromisa. O Yahuwe (YHWH) e na tilomi ira e na nona leva katakata; na yamenibuka waqa e na tilomi ira. 11(10) Oni na vakarusai ira mai vuravura na nodra kawa, ka vakawabokotaka na nodra kawa mai vei ira na tamata; 12(11) Baleta era navuca na ivalavala tawakilikili vei kemuni, ia veitalia ga na nodra vakananavu, era na sega ga ni vakayacora rawa. 13(12) Baleta oni na cakava me ra vuki vakanadaku, e na nomuni ducia na nomuni dakaititi vakadodonu e matadra.14(13) Matacake i Yahuwe (YHWH) e na nomuni kaukaua o kemuni vakataki kemuni; keimami na qai lagasere ka vakavinavinakataka na nomuni kaukaua.

Tehillim (Same) 21:1-14

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.313 in 5773 (Total 2040)	August 1, 2013
Reading	Hebrew Date
Yesha’yahu (Isaiah) 51-52	M #5: Av 25, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValavala Ca (Sins)

Thought: Sins and Transgressions Brings Death To The Creation!

Serving For Yom Sheini, Iyar 19, 5773

(Count The Days Towards Shavu’ot: Today Is Day 30 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O cei e vakabauta na neitou itukutuku? Vei cei e a vakatakilai vua na gauniliga i Yahuwe (YHWH)? 2 Baleta e matana, o koya e a tubu cake me vaka e dua na vunikau gone, ka vaka e dua na wakanikau mai na qele mamaca. E a sega ni bulicaki vinaka ka sega so sara ni saweka na kena irairai; keimami a raici koya, na kena irairai a sega ni lauti (attract) keimami. 3 O ira na tamata era a sevaki koya ka ra tu vakatikitiki maivua, e tamata dau rarawa, ka dau tautauvimate vakalevu. E vaka e dua era dau vukica tani mai vua na matadra o ira na tamata; o koya a dau sevaki; keimami a sega sara ni bau raica e dua na kena yaga.

4 ¶ E ka dina ni o koya a colata na keda mate, na noda vutugu o koya a colata na kena rarawa, ia o keda eda qai  nanuma ni o koya a totogitaki tiko, e na nona cudruvi mai vua na Kalou (Mighty One). 5  Ia o koya e a vakamavoataki e na vuku ni noda cakacala, o koya e a sota rarawa baleta na noda talaidredre; na itotogi e rawa ni vakavinakataki keda vakaoti, e a tau vua; ía e na we ni kena kuita eda mai vakabulai kina. 6 O keda kece, me vaka na sipi, eda a lako sese; eda vuki, o keda yadua, me da dui vakau noda; ia o Yahuwe (YHWH) a qai vakatauca vua na noda caka cala kecekece. 7 E dina ga ni caka vua na ivakarau ca; o koya e a vakamalumalumu ga, ka sega ni bau dolava na gusuna. Me vaka na lami e a kau me lai mokumate, me vaka na sipi e galu tu ga e na mata i koya e na tasia na vutina, o koya e a sega ni dolava na gusuna. 8 Ni oti na nona vesu vakaukaua qai tau na kena itotogi, a qai kau laivi; ia e sega ni dua mai na nona itabatamata a bau vosa kudrukudru, e na nona sa na muduki laivi mai na nodra vanua na bula, e na vuku ni nodra cakaca na noqu tamata; o ira era a dodonu me ra colata na kedra itotogi o ira vakataki ira.

9 ¶ E a soli vua e dua na ibulubulu e na kedra maliwa na ca; e na nona mate e a tiko kei na dua na tamata vutuniyau. E dina ga ni a sega ni bau vakayacora e dua na ivalavala kaukaua, ka sega vakadua ni cavuta e dua na vosa ni veivakacalai. 10 Ia a ka marautaki vei Yahuwe (YHWH) me qaqi i koya e na mate veitauvi; me raica se na cabori koya vakataki koya vaka isoro ni caka cala. Kevaka e cakava, e na qai raici ira na nona kawa; qai vakabalavutaka talega na nona veisiga; e na ligana na gagadre nei Yahuwe (YHWH) sa na qai yaco. 11 Ni sotava oti na veika rarawa oqo, e na qai kunea o koya na vakacegu. E  na nona kila na [momosi kei na isoro], na noqu dauniveiqaravi yalododonu a cakava me le levu era yalododonu;  o koya e a sotava na veivakararawataki e na vuku ni nodra ivalavala ca. 12 O koya oqo au na vakaivotavotataki koya kina e na kedra maliwa na vakaitamera, o koya e na wasea na itoki ni ivalu vata kei ira na qaqa, baleta na nona bole mate qai wiliki vata kina kei ira na dautalaidredre; e na gauna vata a colata tiko kina na nodra ivalavala ca ni lewevuqa, qai dau vakatamamasu kina e vukudra o ira era dautalaidredre.

Yeshayahu (Aisea) 53:1-12

NA IVAQA NI BULA (FOOD FOR THE SOUL)

Na [nona] vale na tawakilikili e na vakarusai; ia na nona valelaca na yalododonu e na serau. 12 ¶ E rawa ni tiko e dua na sala e rairai donu vua e dua na tamata, i na kena itinitini na sala i na mate.

Mishlei (Vosa Vakaibalebale) 14:11-12

LOMANI YAHUWE NA NOMU KALOU (LOVE YHWH YOUR MIGHTY ONE

Lagata vei Yahuwe (YHWH) e dua na sere vou! Lagasere vei Yahuwe (YHWH) i vuravura taucoko. 2 Lagasere vei Yahuwe (YHWH),  vakavinavinakataka na yacana! Vakaraitaka wavoki na nona qaqa e na veiveisiga kece sara. 3 Vakatusa na nona dokai e na kedra maliwa na veivanua, kei na nona mana e kedra maliwa na veimatatamata kecekece. 4 Baleta o Yahuwe (YHWH) e vakaitamera, e dodonu me vakalevu [talega] na nona vakacerecerei; o koya e dodonu me dokai vakalevu cake mai na veikalou (elohim) kece sara. 5 Baleta na nodra kalou (elohim) na veimatatamata era matakau; ia o Yahuwe (YHWH) e a bulia na lomalagi. 6 Na vakarokoroko kei na sau era no e matana: na kaukaua kei na totoka era tu e loma ni nona itikotiko tabu. 7 Solia vei Yahuwe (YHWH) na veika e nona, kemuni na nodra kawa na tamata, solia vei Yahuwe (YHWH) na dokai kei na kaukaua [ni lewa]. 8 Solia vei Yahuwe (YHWH) na vakarokoroko e veiraurau kei na yacana; kauta mai e dua na isoro, mai curu i na nona lomanibai. 9 Sokalou vei Yahuwe (YHWH) e na [nona lagilagi tabu; [ka me] sautaninini e matana, o vuravura raraba.

10 ¶ Tusanaka e na kedra maliwa na  veimatanitu, o Yahuwe (YHWH) na tui!  Na vuravura e vakataudeitaki me kakua  ni yavala. O koya e na vakatulewataki ira na tamata vakadodonu. 11 Laiva na lomalagi me mamarau, laiva na vuravura me reki; laiva na wasawasa me vavadugudugu, vata kei na veika kece era tu kina. 12 Laiva na vanua me malaude, vata kei na veika kece era tu kina. Era na qai lagalaga sere na veivunikau e loma ni veikau; 13 E na mata i Yahuwe (YHWH), baleta o koya sa lako mai me mai vakatulewa e vuravura; o koya e na vakavulewa vakadodonu e vuravura  ka vaka kina vei ira na tamata e na nona yalodina.

Tehillim (Same) 96:1-13

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 220 in 5773 (Total 1947)	April 29, 2013
Reading	Hebrew Date
Y’hoshua (Joshua) 9-10	M #2: Iyar 19, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Nanumi Tale O Zoa (Zoar Remembered)

Thought: Punishment If Felt Deep Down, Brings Real Changes To People,

............... 

Serving for Shabbat, Adar 06, 5773

MAI NA NEVI’IMI AKARONIMI (FROM THE NEVI’IM ACHARONIM)

E na gauna e yaco mai kina na siga oya, o Zoa e na guilecavi me  vitusagavulu na yabaki, oya na ibalavu ni nona bula e dua na tui. Ni cava na vitusagavulu na yabaki, na veika e na yaco vua e na tautauvata kei na veika e yaco vua na yalewa saqamua saumi e na sere oqo; 16 Taura e dua na hapi; veilakoyaki e na loma ni korolevu, kemuni na yalewa saqamua saumi vakaloloma oni sa guilecavi. Qiria vakamikamica na ivakatagi, lagata kece na nomu sere, me rawa ni ra nanumi iko tiko. 17 E na gauna sa cava kina na vitusagavulu na yabaki, o Yahuwe (YHWH) e na qai nanumi Zoa tale. O koya e na tekivu taura tale na kenaisau, qai tekivu tale me cakava na nona cakacaka me saqamua saumi tale vei ira kece na veimatanitu e vuravura. 18 Ia na nona iyau kei na kena isau sa na vakatabui vei Yahuwe (YHWH), era sa na sega ni kumuni vata, se  maninitaki vakavuni, baleta na nona tubu kece sa na nodra o ira era tiko e na mata i Yahuwe (YHWH), me rawa ni ra kana ka mamau era qai tokara na isulu vivinaka.

Yeshayahu (Aisea) 23:15-18

NA IVAQA NI BULA (FOOD FOR THE SOUL)

Na yalewa lialia e voravora, o koya e na sega ni vakasama, ka sega ni kila e dua na ka. 14 O koya e na dabe toka e na nona mata ni katuba ni nona vale, se e na dua na idabedabe e na tikina cecere, e na loma ni korolevu, 15 Me kacivi ira tiko era tavali, vei ira era lako tiko ga vakadodonu e na nodra ilakolako, 16 O koya e sega ni matata tiko vua na ka gole mai ike! Vei koya e gogo tiko na nona lewa-e-loma, e na kaya o koya, 17 Na wai butakoci e kamikamica; na kakana e laukana vakavuni e maleka.18 Ia o koya e sega ni kila ni ra tu ekeya o ira na mate,  ni o ira era ciqoma ni na nona veisureti, era sa tu sara ga e na  buto titobu i She’ola;

Mishlei (Vosa Vakaibalebale) 9:13-18

LOMANI YAHUWE NA NOMU KALOU (LOVE YHWH YOUR MIGHTY ONE

Yahuwe (YHWH), e na vakacava soti na kena dede na nomuni vakaraica toka ga mai kina? Vueti au mai na nodra saqati au tiko, vakabula na bula duabau e tiko qo vei au, mai vei ira na laione. 18 Au na vakavinavinaka vei kemuni e  na loma ni isoqosoqo levu; au na vakamuduo vei kemuni e na kedra maliwa na tamata e lewe vuqa. 19 Kakua ni laivi ira e sega ni dodonu me ra kequ meca, me ra veidredrevaki e na vukuqu; kei ira era sevaki au ni sega na vuna, kakua ni laivi  ira me ra beci au. 20 Baleta o ira era sega ni cavuta na vosa ni sautu, ia era dau navuca ga na veisala me ra vakacalai ira kina era vakaitikotiko e lomanivanua e na sautu. 21 Era kaila me ra vakasewasewani au, A tu, a tu, keimami a raici iko e na mata i keimami. 22 Oni a raici ira i Yahuwe (YHWH);  kakua ni toka vagagalu. I Yahuwe, kakua ni tu vakayawa mai vei au. 23 Yadra mai, tu mai, kemuni na noqu Kalou (Mighty One), na noqu Sau (Sovereign), Sabai i au kei na noqu ile. 24 Vakatulewataki au, i Yahuwe (YHWH) noqu Kalou (Mighty One) e na yavu ni nomuni yalododonu. Kakua ni laiva me cegu na yalodra e na vukuqu. 25 Kakua ni laivi ira me ra kaya e vuniyalodra, Qori! Eda sa rawata na veika eda a vinakata! Se me ra kaya, Eda sa tilomi ira rawa! 26 Me yaco mada ga vei ira e vakacegui na yalodra e na vuku ni noqu leqa, me ra vakarogocataki ka vakamaduataki.

Me yaco mada ga vei ira era vakalevulevui ira vakataki ira e na vukuqu, me ra kovuti e na madua kei na veilecayaki. 27 Ia me yaco mada ga vei ira era marautaka na noqu yalododonu, me ra kaikaila e na reki kei na mamarau. Laivi ira me ra dau kaya e veiveigauna, E wacava na vakaitamera i Yahuwe (YHWH) o koya e dau marautaka ni ra tiko sautu na nona dauniveiqaravi! Na yamequ e na tusanaka na nomuni yalododonu ka vakacaucautaki kemuni e na loma ni siga taucoko.

Tehillim (Same) 35:17-28

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 148 in 5773 (Total 1889)	February 16, 2013
Reading	Hebrew Date
Sh’mot (Lako Yani) 5-6	M #12: Adar 06, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.