Besetaki Na Lotutaki Matakau (Idol-Worship Unwanted)

Thought: YHWH’s Wrath and Fury Results, When People Prefer Idol-Worship In His Face!

......................... 

Serving For Yom Ri’vi’ii, [Sixth Month] Elul 8, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na vosa oqo a yaco mai vei Yiremeyahu me baleti ira na Ye'hudimi era bula tiko e na vanua o Ijipita; e Miqidola, e Takapanakese, e Nofa kei na vanua o Patarosa:2 Oqo na ka e kaya o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; Oni sa raica na leqa kecekece au a vakavuna me yaco mai Yerushalayimi kei ira kece na veikorolelevu mai Ye'huda; ka raica e na siga nikua, ni ra sa laladidi tu, ka sa sega ni dua na tamata e bula tale tiko kina. 3 A yaco oqori baleta na ivalavala vakasisila era a vakayacora, me ra vakacudrui au kina; ni ra a vakaicabo isoro ka qarava na veikalou (elohim) tani, era a sega ni [ni dau] kila tu o ira vakataki ira; o ira ka vakakina o ira na nodra itubutubu. 4 Au a talai ira kece yani vakawasoma na noqu italai na parofita, me ra kauta yani na itukutuku oqo, Kakua ni cakava na veika vakasisila oqo baleta niu cata. 5 Ia era sega ni rogoca se muria, me ra saumaki laivi kina mai na nodra ivalavala vakasisila, me ra tarova na nodra vakacabo isoro vei ira na kalou (elohim) tani. 6 Qori a qai sovaraki kina na noqu cudru kei na noqu leva, qai caudre e dua na bukawaqa e na veikorolelevu mai Ye'huda kei na gaunisala lelevu mai Yerushalayimi; era qai yaco kina me ra laladidi vakadua ka veivakidroataki, me vaka sa kune votu tu e na siga oqo. 7 Ia oqo na veika e kaya o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; Na cava oni vakayacora tiko kina na ivalavala ca lelevu oqo mo ni saqati kemuni tiko ga kina? Na kena itinitini ga qo, moni muduki laivi mai Ye'huda; na tagane, na yalewa, na lalai kei ira na gone dramidrami, me sa sega tale kina ni dua vei kemuni me vo tu mai; 8 Baleta o kemuni oni se vakacudrui au tikoga e na cakacaka ni ligamuni, e na nomuni vakacabo isoro tiko vei ira na kalou (elohim) tani e na loma ni vanua o Ijipita, na vanua oni sa lako kina moni lai bula tiko kina vakavulagi. Qo e na kauti kemuni ga i na nomuni rusa, moni qai yaco moni vu ni vatovato (curse) ka vu ni veivakalialiai e na kedra maliwa na veimatanitu kecekece e vuravura?  9 Oni sa guilecava beka na nodra ivalavala vakasisila o ira na nomuni itubutubu, na nodra ivalavala vakasisila o ira na veitui mai Ye'huda, na nodra ivalavala vakasisila na watidra, na nomuni ivalavala vakasisila o kemuni kei na nodra ivalavala vakasisila na dui watimuni; era sa vakayacora tiko e na loma ni vanua o Ye'huda, kei na veisaqata ni koro o Yerushalayimi? 10 Me yacova mai na siga oqo, era se sega tu ga ni bau vakamalumalumu; era sega ni bau rere, era qai sega ni  bulamuria na noqu Toraa se na noqu ilesilesi au a virikotora e matadra ka vakakina vei ira na nomuni itubutubu. 11 O koya oqo, e kaya kina oqo o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; Au na vakatulewataka me yaco na leqa vei kemuni me vakacacani Ye'huda vakadua. 12 Au na tauri ira na vo vo ni Ye'hudimi, era a lewa me ra lako i Ijipita, me ra lai bula vakavulagi tu e keya; era na qai vakarusai kece vakadua; e na vanua o Ijipita o ira era na bale, ka vakarusai e na seleiwau kei na dravuisiga. Era na mate kece, mai vei koya e lolovira duadua vakadua vei koya e cecere duadua, e na seleiwau kei na dausiga; era na yaco me ra ka ni veivakacacani, ni vatovato (curse) kei na vakalialiaini. 13 Io, au na totogitaki ira era bula tiko mai na vanua o Ijipita, me vaka na noqu a totogitaki Yerushalayimi e na seleiwau, na dausiga kei na matedewa. 14 Me kakua kina ni dua vei ira na vo vo vei ira na Ye'hudimi, era sa lako qo i na qele vaka Ijipita me ra lai vakaitikotiko kina, e na dro bula rawa se vo bula me rawa ni lesu tale mai i na vanua o Ye'huda. Era na mateca me ra lesu mai, me ra mai bula tale kina, ia e sega ni dua e na lesu mai, vakavo e le vica wale vei ira na kedra vo vo.

Yiremeyahu (Jeremaia) 44:1-14

NA IVAQA NI BULA (FOOD FOR THE SOUL)

Ni dua na dauveivakalialiai e totogitaki, o ira na rawarawa era yaco me ra vuku cake, ia ni vakatavulici na vuku, o koya e na taura matua na kilaka. 12 ¶ O koya na Yalododonu Ledua, e na dikeva tiko na nona vale na [tamata] ca; o koya e na vukici ira vakatoboicu na ca me ra vakarusai.

Mishlei (Vosa Vakaibalebale) 21:11-12

LOMANI YAHUWE NA NOMU KALOU (LOVE YHWH YOUR MIGHTY ONE

Me vaka e dua na tamata sa mate oti, guilecavi mai na nodra vakasama;  au sa yaco meu vaka e dua na kuro kavoro. 14(13) Na ka ga au rogoca, na vakasolokakana, na domobula sa wavolivoliti au; era sa vakananavu vata me ra saqati au, ka ra nakita vata me ra na kauta laivi na noqu bula. 15(14) Ia o au, au vakabauti kemuni tikoga i Yahuwe (YHWH), au qai kaya, O kemuni na noqu Kalou (Mighty One).16(15) Na noqu gauna e tu ga e ligamuni; vueti au mai na nodra kaukaua na kequ meca, mai vei ira era  vakacacani au tiko. 17(16) Cakava na matamuni me ramase vua na nomuni dauniveiqaravi; e na nomuni yalololoma, vueti au.18(17) I Yahuwe (YHWH) kakua ni laivi au meu vakamaduataki, baleta au sa kacivi kemuni tiko; laivi ira na tamata ca me ra vakamaduataki, laivi ira me ra vagalui e loma ni ibulubulu. 19(18) Me vagalui mada ga na tebenigusu dau lasulasu, e dau vosa vakaviavialevu, me ra saqati ira na yalododonu, e na dela ni nodra dokadoka kei na veibeci.

20(19) ¶ Isalei, se wacava mada ga na kena vakaitamera na nomuni vinaka, oni dau maroroya tu e na vukudra o ira era dau rerevaki kemuni, oni qai cakava vei ira  era dau vakararavi vei kemuni, e na matadra sara ga na tamata. 21(20) E na veivakarurugi ni nomuni tiko  kemuni, oni vunitaki ira tu kina mai na nodra inakinaki ca na tamata, oni tabonaki ira e na loma ni nomuni ivakaruru, me ra taqomaki mai na yame dau veivakacacani. 22(21) Me vakavinavinakataki o Yahuwe (YHWH)! Baleta o koya sa vakaraitaka vei au na nona loloma vakaitamera, e na gauna au a tiko kina e na dua na korolevu sa tuvaivalutaki tu. 23(22) Ia o au, e na noqu nuiqawaqawa au qai kaya, Au sa muduki laivi mai matamuni! Ia veitalia ga, baleta oni a rogoca na noqu vakatakekere e na gauna au tagici kemuni yani kina. 24(23) Lomani Yahuwe (YHWH), o kemuni oni nona yalodina. O Yahuwe (YHWH) e taqomaki ira era yalodina, ia o ira na dokadoka o koya e na [totogitaki] ira vakaoti. 25(24) Yaloqaqa tiko, vakasinaita na vuniyalomuni e na yaloqaqa, o kemuni kece oni vakanuinui tu vei Yahuwe (YHWH).

Tehillim (Same) 31:13-25

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.326 in 5773 (Total 2053)	August 14, 2013
Reading	Hebrew Date
Yirmeyahu (Jeremiah) 11-12	M #6: Elul 8, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26. May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

E Cecere Duadua Ga O Yahuwe (YHWH Alone Is Almighty)

Thought: Idol Worship And Idols Will Be Discarded In Front Of YHWH

 ...............................

Serving For Yom HaShishi, Tevet 22, 5773

MAI NA NEVI’IMI AKARONIMI (FROM THE NEVI’IM ACHARONIM)

Curuma na veivatu, cakava mo vunitaki e na kuvu ni qele baleta na rerevaki i Yahuwe (YHWH), kei na dokai ni nona Sau. 11 Na rai viavialevu ni tamata e na vakalolovirataki kei na qaciqacia ni  tamata era na tabaki sobu; o Yahuwe (YHWH) duadua ga e na laveti cake e na siga oya. 12 Ia e na dua na siga i Yahuwe ni lewevuqa (YHWH-Tzva’ot) vei ira kece era yalolevu ka viavialevu, kei ira kece era vakacereceretaki; ia o koya e na vakalolovirataki ira; 13 E na saqati ira kece talega na veisitari ni Li'vanoni, era dau cecere ka laveti cake vei ira na veioki ni Bashani; 14 E na saqata na veiulunivanua cecere kecekece, kei na veidelana era sa laveti cake tu, 15 E na saqati ira kece na vei valecere, ka saqata na vei bailalaga kece sara, 16 E na saqata na waqa kecekece ni Tashishi, kei na veivanua taleitaki ni raica (na mata). 17 Na nodra cecekia na tamata e na vakamalumalumutaki kei na viavialevu ni tamata e na vakalolovirataki; o Yahuwe (YHWH) duaduaga e na vakacerecerei e na siga oya. 18 O ira na kaloumatakau era na kau tani vakadua. 19 O ira na tamata era na curu i na loma ni qaravatu, ka vaka kina e loma ni qara e loma ni qele, baleta na nona rerevaki o Yahuwe (YHWH), vata kei na dokai ni nona Sau, ni sa tu o koya me kurea vakaukaua na vuravura. 20 E na siga oya e dua na tamata e na kolo laivi na nodra kalou matakau siliva kei na kaloumatakau koula, era a dui bulia o ira vakataki ira, me ra sokaloutaka, era qai kolo laivi vei ira na kalavo (mole) kei na beka. 21  Me ra curu i loma ni veiqaravatu kei na veiqakilo (clefts) e na yasa ni uluvatu, baleta na nodra rerevaki Yahuwe (YHWH), kei na dokai ni nona Sau, ni sa matacake o koya me kurekurea vakaukaua na vuravura. 22 Tinia na nomu goleva tiko na tamata e toka e qara ni ucuna na nona icegu; baleta ni vakasamataki, o koya e sega ga ni wili me dua na ka, se vakaevei?

Yeshayahu (Aisea) 2:10-22

NA IVAQA NI BULA (FOOD FOR THE SOUL)

Na vuku e kaci vakarogolevu e loma ni macawa, ka laveta cake na domona e na veisaqata; 21 E na kacikaci e na vei igole ni gaunisala ka vosa cake e na icurucuru ni matamata (ni kaya); 22 E na vakacava na kena dede, kemuni e sega tu ni dua na betena na nomuni bula, na nomuni taleitaka tiko na bula e sega ni vakasamataki? E na vakacava na kena dede era na marautaka tiko kina veivakalialiai o ira era dau veisagai? E na vakacava na kena dede na nodra sevaka tiko na kilaka o ira na sesewa? 23 Veivutuni niu veivakadodonutaki, au na sovaraka yani na yaloqu vei kemuni, au na cakava na noqu vosa me kilai vei  kemuni.

Mishlei (Vosa Vakaibalebale) 1:20-23

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na ivakatagi wa ni qiriqiri. E dua na Same i Dawide. 2(1) Kemuni na Kalou (Mighty One) na noqu dauniveitokoni! Tama mai vei au niu kaci! E na gauna au a rarawa kina oni a vagalalataki au; ia qo, ni lomani au mai, ka rogoca na noqu masu. 3(2) Kemuni na tamata vakaitutu, e na vakacava na dede ni nomuni latia tiko na noqu dokai, taleitaka tiko na veika tawayaga, ka muria tiko na veika lasu?  Selaa. 4(3) Moni kila tiko ni o Yahuwe (YHWH) e na wasei ira na tamata yalododonu e na vukuna o koya vakataki koya; o  Yahuwe (YHWH) e na rogo niu kacivi koya. 5(4) E rawa vei iko mo cudru ia kakua ga ni valavala ca! Vakasamataka oqo ni o koto no e na dela ni nomu idavodavo, oti mo qai cegu. Selaa. 6(5)Vakacabora vakadodonu na isoro, ka biuta na nomu inuinui vei Yahuwe (YHWH).

7(6) ¶ E le levu era taroga, O cei e rawa ni vakaraitaka vei keda eso na veika vivinaka? I Yahuwe (YHWH) laveta cake na rarama ni matamuni me cila e delai i keimami! 8(7) Oni sa vakatawana e levu na reki e vuniyaloqu, me levu cake mai na witi kei na wainivou. 9(8) Au na davo sobu meu moce e na vakacegu; baleta i Yahuwe (YHWH) o kemuni duadua ga oni cakava meu bula e na yalodei.

Tehellim (Same) 4:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 110 in 5773 (Total 1829)	January 4, 2013
Reading	Hebrew Date
Divrei HaYamim Bet ( 2 Chronicles) 5-6	M #9: Tevet 22, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Tui O Ma’nashe (King M’nasheh).

Thought: M’nasheh Brought Back Severe Idol Worship To Y’hudah

..................... 

Serving For Shabbat Tevet 9, 5773

MAI NA NEVI’IMI RISHONIMI (FROM THE NEVI’IM RESHONIM)

O Ma'nashe a sa yabaki tinikarua tiko e na gauna a tekivu kina me veiliutaki vakatui, a qai veiluitaki vakatui me limasagavulu ka lima na yabaki mai Yerushalayimi. Na yaca i tinana o Efaziba.  2 A dau cakava o koya na veika e sega ni kilikili e na mata i  Yahuwe (YHWH), me vaka na nodra ivalavala vakasisila na veimatanitu, e a cemuri ira taumada o Yahuwe (YHWH) e matadra na luve i Yisira'yili. 3 E a tara cake tale o koya na veitikina cecere a basuraka laivi o Hizikiyahu na tamana; qai vakaduria na icabocabo ni soro vei Ba'ala ka buli kaloumatakau (Ashera), me vaka a cakava o 'Aka'ava na tui Yisira'yili, qai dau sokalou vei ira na veikalokalo ni lomalagi, ka qaravi ira. 4 E a tara o koya e dua na icabocabo ni soro e na loma ni vale i Yahuwe (YHWH), oya na vale a kaya kina vaka oqo o Yahuwe (YHWH), E Yerushalayimi au na vakatikora kina na yacaqu. 5 E a tara o koya na icabocabo ni soro vei ira na veikalokalo ni lomalagi e na buturara e rua e na loma ni vale i Yahuwe (YHWH). 6 A qai vakavuna o koya me cabori na luvena tagane (me kama) e na bukawaqa, qai dau vakayacora na parofisai (soothsaying) kei na daurairai (divination), qai dau vakagayagataki ira era dauveinita: e a cakava e levu na ka o koya e sega ni kilikili e na mata i Yahuwe (YHWH), me vakacudrui koya kina. 7 E a vakaduri i ira na vakaitakarakara buli waicala kei Asheraa e a bulia o koya, e loma ni vale i Yahuwe (YHWH) e kaya o Yahuwe (YHWH) vei Dawide vata kei luvena tagane o Sholomo, E na loma ni vale oqo, ka vakakina e Yerushalayimi, au a digitaka mai na nodra veimataqali na Yisira'yili, meu biuta kina na yacaqu me tawa mudu. 8 Au na sega talega na cakava na yavadra na  Yisira'yili me lako sese mai na vanua au a solia vei ira na tamadra; kevaka walega me ra bula muria na veika ka kece au a vakarota vei ira mai vei Moshe na noqu dauniveiqaravi. 9 Ia era a sega ga ni vakarorogo; o Ma'nashe a qai vakayarayarataki ira vakaveidabui me ra vakayacora e levu cake tale na ivalavala tawakilikili mai vei ira na veimatanitu e a cemuri ira tani  o  Yahuwe (YHWH) mai matadra na Yisira'yili. 10 O Yahuwe (YHWH) a qai vosa e  gusudra na nona dauniveiqaravi na parofita ni kaya, 11 Baleta vakayacora na veika vakasisila oqo, o Ma'nashe na tui Ya'huda, ka cakava e levu cake na ka ca ni vakatauvatani kei na veika era a cakava na Emori, era a liu mai vua, ka sa cakava me valavala ca o ira na Ya'huda e na nona veikalou matakau; 12 O koya oya e kaya kina o Yahuwe (YHWH) na nodra Kalou (Mighty One) na Yisira'yili, Raica, au sa na kauta mai na veivakacacani vakaitamera i  Yerushalayimi kei Ya'huda, ni o koya e rogoca e na qasikanunu na daligana ruarua;

M’lakhim Bet (2 Tui) 21:1-12

NA IVAQA NI BULA (FOOD FOR THE SOUL)

E tolu tiko na ka e veivakurabuitaki tiko vei au, io, e va au sega ni kila. 19 Na sala e dau muria na ikeli e maliwa ni macawalala; na sala e muria na gata e dela ni veivatu, na sala e muria na waqa e loma ni wasawasa; kei na sala ni dua na tagane uabula e na gauna a se gone kina. 20 E vakaoqo na nona ivalavala na yalewa dauveidauci; e na kana, oti qai qusia na gusuna, oti qai kaya, Au a sega ni vakayacora e dua na ca.

Mishlei (Vosa Vakaibalebale) 30:18-20

LOMANI YAHUWE NA NOMU KALOU (LOVE YHWH YOUR MIGHTY ONE

E dua na Same i Dawide, I Yahuwe (YHWH), au tagi tiko yani vei kemuni; vakatotolotaka moni sauma maivei au; rogoca na noqu vosa ka ciqomi ira. 2 Laiva na noqu masu me tuva e matamuni me vaka na  imadrali boi vinaka; kei na iloloma ni ligaqu me vaka na  isoro ni vakayakavi. 3 Lesia e dua na ivakatawa, i Yahuwe (YHWH), me ivakatawa ni gusuqu; me yadrava na katuba ni tebenigusuqu. 4 Me kakua kina ni goleva na veika ca na vuniyaloqu, me dau vakayacora na cakacaka duka vata kei ira na tamata era dau cakacakataka na ivalavala vakasisila; kakua ni vakalaiva meu kana masima vata kei ira.

5 ¶ Laivi ira na yalododonu me ra vakatavulici au ka vakadodonutaki au; qori e na dua na cakacaka ni loloma. kakua ni vakatara na nodra waiwai na vakasisila me lumuti kina na uluqu, baleta na noqu masu era dau cabori me saqata na nodra ivalavala vakasisila. 6 Ni sa tarovi na nodra daunilewa e na dua na liga kaukaua, era na rogoca na noqu vosa; baleta era kamikamica. 7 Me vaka na isiviyara e dau cukita me ceburaka na qele, laiva na nodra sui me ceburaki  e na gusu ni ibulubulu. 8 Au laveta cake yani na mataqu vei kemuni, i Yahuwe (YHWH); au sa dau  vakanuinui vei kemuni; kakua ni biliga laivi na noqu bula (soul). 9 Taqomaki au mai ligadra na qaciqacia, baleta era sa tudaitaki au, 10 Laivi ira na vakasisila me ra coko i na nodra lawalawa, ia o au vakataki au, meu lako sivia

Tehellim (Same) 141:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 356 o/o 1816	December 22, 2012
Reading	Hebrew Date
Divrei HaYamim Alef ( I Chronicles) 7-8	M #9: Tevet 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Kei Ba’ala (YHWH And Ba’al)

Thought: Yli’yahu Challenges The Priest Of Ba’al And Asherah

 ..................

Serving For Shabbat, Cheshvan 11, 5773

MAI NA NEVI’IMI RISHONIMI (FROM THE NEVI’IM RESHONIM)

Ia o 'Aka'ava, e na gauna ga e raici Yilaiyahu kina, a qai kaya yani vua, O iko beka o koya e vakaleqai Yisira'yili tiko? 18 Sauma o Yilaiyahu vua, O au, au sega ni vakaleqai Yisira'yili tiko; ia o  kemuni sara ga, kei ira na mataqali i tamamuni,  baleta oni sa vakanadakuya tiko na ivakaro i Yahuwe (YHWH), oni qai muri i Ba'ala. 19 Ia qo, talatala mo vakasoqoni  Yisira'yili taucoko mai vei au, mai na ulunivanua o Karameli, vata kei ira na parofita le vanadrau limasagavulu, na parofita i Ba'ala era le vanadrau limasagavulu, kei ira na parofita i Asheraa era le vanadrau, era dau kana e na teveli i Izevela. 20 A mani talatala o 'Aka'ava vei ira kece na Yisira'yili, qai vakasoqoni ira vata na parofita me ra lai sota i na ulunivanua o Karameli.

21 ¶ Oti qai torovi ira vakavoleka na tamata kecekece o Yilaiyahu, qai kaya, E na vakaevei na dede ni nomuni tao tu e na rua na yavu ni vakasama? Ke Kalou (Mighty One) o Yahuwe (YHWH) muri i koya: ia ke Kalou (Mighty One) o Ba’ala ia muri i koya! Era sega ni sauma vua e dua na mala ni vosa o ira na tamata. 22 Oti qai kuria o Yilaiyahu, O au io o au duadua, au se vo tiko vei ira na  parofita i Yahuwe (YHWH); ia o ira na  parofita i Ba'ala, era sa le vanadrau  limasagavulu. 23 Laiva vei ira me ra solia vei keda e rua na bulumakau tagane; oti me ra qai digitaka e dua vei rau na bulumakau me nodra, me ra cebelaka vakalalai me ra vakotora e dela ni buka, ia me ra kakua ni vakawaqaca na buka mai rukuna; o au talega, au na qai vakarautaka na kena ikarua meu cebelaka vakalalai meu qai vakotora e na dela ni buka, ia meu kakua (talega) ni vakawaqaca na buka mai rukuna. 24 O kemuni moni qai kaciva na yaca ni nomuni kalou (elohim), ia o au, au na  kaciva na yaca i Yahuwe (YHWH) na noqu Kalou (Mighty One); ia na Kalou (Mighty One) e sauma mai e na bukawaqa, o koya na Kalou (Mighty One). O ira kece na tamata era sauma ni ra kaya, Sa donu na nomu vosa. 25 Kaya o Yilaiyahu vei ira na parofita i Ba'ala, Ni digitaka e dua na nomuni bulumakau tagane, moni vakarautaka sara eliu; baleta o kemuni oni le levu; oti moni qai kaciva na nomuni kalou (elohim); ia moni kakua mada ni waqaca na buka. 26 Era mani taura na bulumakau a qai soli vei ira,  era qai vakarautaka, oti era qai kaciva na yaca i Ba'al mai na mataka lailai me yacova yani na sigalevu tu tu, e na nodra kaya tiko, I Ba'ala, tama mai vei keimami. Ia a sega ni dua na domo e rogo, se me dua e tama mai vei ira. Era qai meke tatao wavokita na icabocabo ni soro era a tara. 27 E na sigalevu tutu, o Yilaiyahu a qai vakalialiai ira ni kaya vei ira, Ni kaci vakadomo levu; baleta o koya na kalou (elohim); de dua e vakanananu tiko, se osooso tiko, se lako tu e na dua na ilakolako, de rairai moce tu ka dodomu me vakayadrati. 28 Era sa qai tagitagi e na domolevu, oti era qai tavatavai ira vakataki ira me vaka na kena ivalavala vei ira, e na iseleleka kei na moto, me yacova ni sa coka mai na nodra dra.

M’lakhim Alef (1 Tui) 18:17-28

NA IVAQA NI BULA (FOOD FOR THE SOUL)

O koya e lai siova na veileti e sega ni nona o koya vakataki koya, e vakataki koya e lai dre na daligani koli.

Mishlei (Vosa Vakaibalebale) 26:17

LOMANI YAHUWE NA NOMU KALOU (LOVE YHWH YOUR MIGHTY ONE

O YAHUWE (YHWH) e nona na lewa; laiva na vuravura me reki; Laiva na vei yanuyanu me ra marautaka. 2 Na o kei na butobuto e vakavolivoliti koya; na yalododonu kei na vakataulewa e yavu ni nona itikotiko vakatui. 3 Na bukawaqa e liu yani vua, ka vakamai ira vakaoti na kena meca era tu vakavolivoliti koya. 4 Na nona yaseyase e vakararamataki vuravura: o vuravura e raica qai sautaninini. 5 Na veidelana era waicala me vaka na kadrala, ni tiko o Yahuwe (YHWH) e matana, o koya na Sau kei vuravura taucoko. 6 Na lomalagi e vakatakila na nona yalododonu, o ira na tamata era raica na nona dokai. 7 Era veilecayaki o ira kece era qaravi matakau ceuceu, era dau dokadoka e na vuku ni matakau. Ni sokalou vua kemuni kece na nona ma’lakahimi.

8 ¶ O Saiyoni a rogoca qai mamarau; o ira na goneyalewa ni Ya’huda era reki baleta na nomuni lewa i Yahuwe (YHWH). 9 Baleta o kemuni i Yahuwe (YHWH), oni cecere cake mai vuravura raraba; oni cecere i cake sara mai vei ira na veikalou kecekece. 10 O kemuni oni lomani Yahuwe (YHWH), moni cata na ca; o koya e maroroya na nodra bula (soul) na nona tamata digitaki; e vakabulai ira mai ligadra na ca. 11 Na rarama e ramase e na vukudra na yalododonu, kei na reki vei ira e dodonu na vuniyalodra.12 Rekitaki Yahuwe (YHWH), kemuni na yalododonu; solia na  vakavinavinaka me ivakananumi ni nona yalosavasava.

Tehellim (Same) 97:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 300 o/o 1760	October 27, 2012
Reading	Hebrew Date
Iyov (Jope) 7-8	M #8: Cheshvan 11, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lesu Tale Vei Yahuwe (Returning To YHWH).

Thought: Returning To YHWH, From Ba’al And Ashtarot Worship, Is The Answer

 ..................

Serving For Yom Sheini, Tammuz 26, 5772

MAI NA NEVI’IMI RISHONIMI (FROM THE NEVI’IM RESHONIM)

O She'mu'yili a qai kaya vei ira kece na lewe ni mataqali i Yisira'yili, Kevaka moni saumaki lesu vei Yahuwe (YHWH) e na vuniyalomuni taucoko, moni qai biuta laivi na kalou tani vata kei 'Ashetaroti mai na kemuni maliwa, moni qai vakarautaka na vuniyalomuni e na vuku i Yahuwe (YHWH); ka qaravi koya duaduaga; o koya e na qai vueti kemuni mai ligadra na Pi'lishitimi. 4 O ira na luve i Yisira'yili era qai biuti Ba'ala kei 'Ashetaroti laivi, era qai qaravi Yahuwe (YHWH) duadua ga. 5 Kaya o She'mu'yili, Soqoni ira vata kece na Yisira'yili mai Mizipaa, au na qai cabora na masu e na vukumuni vei Yahuwe (YHWH). 6 Era qai soqoni ira vata kece mai  Mizipaa, era qai taki wai, ka sovara laivi e na mata Yahuwe (YHWH), era qai lolo talega e na siga oya, era qai kaya, O keda eda sa valavala ca saqati Yahuwe (YHWH). O She'mu'yili a dau vakatulewataki ira na Yisira'yili mai Mizipaa.

7 ¶ E na gauna era sa rogoca kina na  Pi'lishitimi ni ra soqo tiko mai Mizipaa o ira na Yisira'yili, o ira na nodra iliuliu na  Pi'lishitimi era qai lako cake me ra lai saqati ira. Ia ni ra rogoca na Yisira'yili na itukutuku oqori, a qai curumi ira na nodra domobulataki ira na Pi'lishitimi. 8 O ira na luve i Yisira'yili era qai kaya vei She'mu'yili, Me kakua ni cegu na nomuni masu tiko vei Yahuwe (YHWH) na noda Kalou (Mighty One), me rawa ni vueti keda o koya mai ligadra na Pi'lishitimi. 9 O She'mu'yili  a qai taura e dua na lami dramidrami, qai cabora vakaisorokama taucoko vei Yahuwe (YHWH); o She'mu'yili a qai masu e na mata i Yahuwe (YHWH) e na vukudrau na luve i She'mu'yili; o Yahuwe (YHWH) a qai tama mai vua.10 Ia ni cabora tiko na isorokama o She'mu'yili, o ira na Pi'lishitimi era sa toro voleka mai me ra mai valuti ira na Yisira'yili; ia o Yahuwe (YHWH) a qai  lidika mai e dua na kurukuru rogo bi me lutuki ira na Pi'lishitimi e na siga oya, qai vakavuna na nodra veilecayaki; era a qai mani vakadrukai e matadra na Yisira'yili. 11 O ira na tagane ni Yisira'yili era qai curu mai Mizipaa me ra muri ira na Pi'lishitimi, era qai lai mokuti ira tiko me yaco sara i na ruku i Beiti-Sha'ana. 12 O She'mu'yili, a taura e dua na vatu qai vakaduria e na maliwa i Mizipaa kei Beiti-Sha'ana, qai vakatoka me yacana o Eveni-eza (vatu ni veivuke), ni kaya, Me yacova mai oqo o Yahuwe (YHWH) e se vukei keda tikoga. 13 Era mani rawai ira na Pi'lishitimi, era qai sega vakadua tale ni curu kosova  na nodra iyalayala ni vanua na Yisira'yili; na liga i Yahuwe (YHWH) sa dau saqati ira tu ga na Pi'lishitimi e na gauna kece sara i She'mu'yili. 14 Na korolevu era a taura na Pi'lishitimi mai vei ira na Yisira'yili, oya me tekivu mai Ekironi me yaco sara i Qata, kei na veivanua wavolivolita. Qori a vueti ira kina na Yisira'yili maivei ira na Pi'lishitimi o Yahuwe (YHWH).  Era a veisaututaki tu e na gauna oya o ira na Yisira'yili kei ira na Emori. 15 O She'mu'yili a dainilewa tu mai Yisira'yili e na veisiga kece ni nona bula. 16 A dau lako wavoki o koya e na veiyabaki, i Beiti-Yili, i Qiliqali vata kei Mizipaa, me dau lai vakatulewataki Yisira'yili mai na veivanua oya. 17 Ia e dau lesu tale mai i Ramaa; baleta na nona vale a tiko ga mai keya, mai keya talega e dau vakatulewataki Yisira'yili mai kina o koya; e keya e a  taraa kina e dua na icabocabo ni soro vei Yahuwe (YHWH).

1 Samuela (Sh’mu’yl Alef) 7:3-17

NA IVAQA NI BULA (FOOD FOR THE SOUL)

E dua na luvetagane lialia e vu ni nona rogo ca o tamana; ia na nona dau veileti e dua na yalewa vakawati, e na vakavuna na veidroyaki. 14 ¶ Na vale kei na iyau e ivotavota mai vei ira na tama; ia e dua na yalewa vakawati e ilesilesi vua e dua na tagane mai vei Yahuwe (YHWH).

Vosa Vakaibalebale (Mishlei) 19:13-14

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E na ivakatagi rogo bi (sh’minit). E dua na Same i Dawide. 2(1) Vakabulai au i Yahuwe (YHWH), ka ni ra sa tinidole na tamata vinaka; baleta na vakabauta sa takali mai vuravura. 3(2) Na tamata era sa dau vosa ga e na dela ni dokadoka; o ira kece vata kei ira na wekadra vakaitikotiko; era dau veitalanoa ga e na tebenigusu ni veicavilaki kei na vosavosa rua. 4(3) O Yahuwe (YHWH) e na vakarusa na tebenigusu dau veicavilaki kei na yame dauveivakaisini era dau vosavosa vakadokadoka. 5(4) Baleta era kaya, E na yame i keimami, keimami na rawaka; na tebenigusu i keimami, e neimami, o cei e turaga (master) e delai keimami? 6(5) Baleta na nodra vakalolomataki tiko na dravudravua kei na nodra vutugu o ira era gadreva na veivuke, qo au sa na matacake yani, e kaya o Yahuwe (YHWH) meu kauta yani vakarairai na veivueti. 7(6) Na vosa i Yahuwe (YHWH) era vosa savasava vakaoti; era vaka na siliva era sa vakatovolei oti e na lovo ni veivakawaicalataki e vuravura, era sa vakasavasavataki oti vakavitu. 8(7) Moni mai taqomaki ira i Yahuwe (YHWH), ni taqomaki au ka vueti au vakadua mai na itabatamata oqo me tawamudu. 9(8) Baleta o ira na daucaka ca era  veilakoyaki i na veivanua e na dela ni qaciqacia vakasevaki, baleta sa vakacerecerei na ivalavala ca (vile) ni tamata (adam).

Same (Tehellim) 12:1(0)-9(8)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 197 o/o 1657	July 16, 2012
Reading	Hebrew Date
Yechezk’yl (Isikeli) 27-28	Tammuz 26, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Basu Na iCabocabo Ni Soro I Ba’ala ( Ba’al Altar Pulled Down)

Thought: Let Ba’al Defend Himself And His Images If He Can.

.................... 

Serving For Yom Rishon Sivan 27, 5772

MAI NA NEVI’IMI RISHONIMI (FROM THE NEVI’IM RESHONIM)

A qai yaco e na siga oya, ni kaya vua o Yahuwe (YHWH), Kauta na bulumakau tagane nei tamamu, kei na dua tale na bulumakau tagane yabaki vitu, mo lai basuka sobu na icabocabo ni soro i Ba'ala, na kalou matakau i tamamu, qai tatalaka na veikau i Asheraa rau toka veitikivi. 26 Tara e dua na icabocabo ni soro vei Yahuwe (YHWH) na nomu Kalou (Mighty One), e na dela ni vatu qo, ia me tara vakavinaka, oti qai taura na ikarua ni bulumakau qai cabora kina, mo qai vakayagataka na kau o a tatalaka mai vei Asheraa, me kena buka. 27 Oti sa qai kaciva mai e tini na tagane mai vei ira na nona tamata o Gidi'oni, qai vakayacora na veika a vakarota vua o Yahuwe (YHWH); ia baleta ni a rere o koya me cakava e na siga (rarama), baleti ira na lewe ni matavuvale i tamana vata kei  ira na lewe ni koro, a qai cakava kina e na loma ni bogi. 28 Ni ra qai yadra mai e na mataka o ira na lewe ni koro, era qai raica ni sa basu sobu tu na icabocabo ni isoro i Ba'ala, na veikau i Ashera era tubu tu e yasana era sa tatalaki ka sa cabo tu na ikarua ni bulumakau e na dua tale na icabocabo ni isoro, e a se qai tara oti ga. 29 Era veitarotarogi vakataki ira, O cei mada a cakava na ka qo? Ni ra sa vaqaqa, era qai tukuna mai ni o Qidi'oni na luve i Yo'asha e a cakava na ka oqo. 30 Era mani lako vei Yo'asha o ira na tagane ni koro era qai kaya vua, Kauta mai na luvemu tagane, me mai vakamatei; baleta e a basuka na icabocabo ni isoro i Ba'ala, qai tatalaka na veikau i Asheraa era a tubu tu e yasana. 31 Kaya o Yo'asha vei ira kecekece era duri saqati koya tu, O kemuni beka oni sa na  totaki Ba'ala? O koya ga e totaki koya e na vakamatei ni se mataka lailai tiko ga qo; kevaka e Kalou (Mighty One) o koya, ia laivi koya vakataki koya ga me taqomaki koya, baleta na nona icabocabo ni isoro, sa basuraka e dua. 32 Qori a qai vakatokai  Gidi'oni kina o koya me yacana o Yeruba'ala, e na nona kaya, Laivi Ba'ala me vakatulewataki koya, baleta ni o koya e a basuraka sobu na nona icabocabo-ni-soro.

Dauniveilewai (Shof’tim) 6:25-32

NA IVAQA NI BULA (FOOD FOR THE SOUL)

Na vakasama kei na vakarokoroko e veiganiti kei na tamata vuku; ia  na lialia e na vakananuya ga na nona lialia.13 ¶ O koya e vakaicovitaka na ca e na vinaka, na ca e na sega vakadua ni takali mai nona vale.Vosa Vakaibalebale (Mishlei) 17:12-13

LOMANI YAHUWE NA NOMU KALOU (LOVE YHWH YOUR MIGHTY ONE)

HALELUYA. Vakacaucautaka na yaca i Yahuwe (YHWH); vakavinavinakataki koya, o iko na dauniveiqaravi nei Yahuwe (YHWH). 2 O kemuni oni tucake tu e na loma ni vale nei Yahuwe (YHWH, e na loma ni bai ni nona vale na noda Kalou (Mighty One). 3 Vakacaucautaki Yahuwe (YHWH); baleta o Yahuwe (YHWH) e vinaka; lagata na vakamuduo e na vuku ni yacana baleta o koya e dau talei. 4 Baleta talega ni o Yahu (Yah) sa digitaki Ya'akove me nona kei Yisira'yili me nona iyau talei.

5 ¶ Baleta au kila ni o Yahuwe (YHWH) e vakaitamera baleta na noda Kalou (Mighty One) e cecere cake mai vei ira  na kalou (elohim) kecekece. 6 Na cava ga e marautaka o Yahuwe (YHWH), qori e na vakayacora mai lomalagi vata kei vuravura, e wasawasa kei na veiyasana titobu kece sara. 7 E vakavuna na o me tubu cake mai na iyalayala kei vuravura; e cakava na yaseyase e na vuku ni uca; e yauta mai  na cagi mai na nona (vale  ni) iyau. 8 A vakamatea na ulumatua mai Ijipita, ruarua na tamata kei na manumanu. 9 O koya a tala yani na nona ivakatakilakila kei na veika veivakurabuitaki i na kemuni maliwa, i Ijipita vei Fero kei ira kece na nona dauniveiqaravi. 10 O koya e a samuta e levu na veimatanitu qai vakamatei ira na tui kaukaua; 11 O Sikoni na nodra tui na Emori kei Oqa na tui Bashani kei na veimatanitu kece sara mai vei ira na Kena'ani; 12 Qai solia na nodra vanua me ivotavota, me nodra ivotavota na Yisira'yili o ira na nona tamata. 13 Na yacamuni, i Yahuwe (YHWH), e na tudei me tawamudu; na kemuni ivakananumi i Yahuwe (YHWH), e na veitabatamata kecekece sara. 14 Baleta o Yahuwe e na vakatulewa vei ira na nona tamata, e na marautaki ira na nona dauniveiqaravi.

15 ¶ Na nodra kalou matakau na veimatanitu, na siliva kei na koula, na cakacaka ni liga ni tamata. 16 Era vakagusu, ia era sega ni vosa; e tu na matadra ia era sega ni rai; 17 Era vakadaliga ia era sega ni vakarorogo rawa; ka sega talega na icegu e loma ni gusudra.  18 Laivi ira era a buli i ira me ra tautauvata kei ira, ka vakakina o ira kece era vakanuinui vei ira.19 Vakavinavinaka vei Yahuwe (YHWH), kemuni e na vale i Yisira'yili; vakavinavinaka vei Yahuwe (YHWH) kemuni e na vale i  Aharoni: 20 Vakavinavinaka vei Yahuwe (YHWH), kemuni e na vale i Livai; o kemuni oni dokai Yahuwe (YHWH), vakavinavinaka vei Yahuwe (YHWH). 21 Me vakavinavinakataki o Yahuwe (YHWH) mai Zaiyoni, o koya e vakaitikotiko mai Yerushalayimi. Haleluya.

Same (Tehellim) 135:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 168 o/o 1628	June 17, 2012
Reading	Hebrew Date
Yirmeyahu (Jeremaia) 9-11	Sivan 27, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValu Kei Na Lotutaki Matakau (Wars And Idol Worship)

Thought: Important To Prevent Idol Worship, After Conquering The Enemies

....................... 

Serving For Shabbat, Iyyar 6, 5772

(NB. In Counting Days Toward Shavu’ot (Gr:Pentecost), Today Is Day 21 out of 50)

MAI NA TORAA (FROM THE TORAH

Ni oni sa toso volekata yani e dua na korolevu, moni valuti ira, taumada moni vakarogoya na sautu e na korolevu oya. 11 Kevaka era sauma mai e na vosa ni veisaututaki, era qai dolava mai na vanua vei kemuni, ia o ira kece na tamata era kune e loma ni korolevu oya me ra sa na nomuni dauniveiqaravi, ka me ra dau soli ivakacavacava vei kemuni. 12 Ia kevaka era sega ni via soro vei kemuni, era qai tu mai me ra valuti  kemuni, ia moni qai bukuya sara na druadrua ni koro oya: 13 E na gauna sa solia kina i ligamuni o Yahuwe (YHWH) na nomuni Kalou (Mighty One), o kemuni moni vaqeyavutaki ira kece na tagane e na bati ni seleiwau; 14 Ia o ira na yalewa, kei na lalai, na manumanu, kei na veika kecega era tu e loma ni koro, oya na itoki ni ivalu, moni na tokitaka me nomuni o kemuni vakataki kemuni; moni na kana talega mai na nodra iyau na kemuni meca; sa solia vei kemuni o Yahuwe (YHWH) na nomuni Kalou (Mighty One). 15 Oqori na veika moni na cakava e na veikoro levu era toka vakayawa mai vei kemuni, oya na veikoro levu era sega ni koro ni veimatanitu oqo.16 Ia e na nodra korolevu o ira na veimatatamata oqo, sa solia vei kemuni o Yahuwe (YHWH) na nomuni Kalou (Mighty One) moni taukena, o kemuni moni kakua ni vakavoca me bula tiko e dua na ka e vaka icegu. 17 Ia o kemuni moni vakarusal ira kece vakadua; o ira na Hiti, na Emori, na Kena'ani, na Pe'rizi, na Hivi, kei ira na Yu'vusi; me vaka a vakaroti kemuni kina o Yahuwe (YHWH) na nomuni Kalou (Mighty One).18 Me ra na kakua kina ni vakatavulici kemuni moni vakatotomuria na nodra ivalavala vakasisila kece sara, era sa dau vakayacora tiko e na nodra sokaloutaka na nodra kalou (elohim); moni kakua kina ni valavala ca e na mata i Yahuwe (YHWH) na nomuni Kalou (Mighty One). 19 E na gauna e buku tiko kina na druadrua ni dua na koro me dua na gauna balavu, ni oni kabakoro tiko moni rawaa, o kemuni moni kakua ni vakamatea na kena veivunikau, (vakabibi) e na nomuni tatalaki ira na veivunikau e rawa ni laukana na kena vuata, e na imatau; Kakua ni taya e dua na vunikau e loma ni vanua, baleta era sega ni tamata me ra na dro; vakavo ga ke ra vakayagataka tiko na meca me ra valuti kemuni kina. 20 Na veivunikau ga oni kila ni ra sega ni vunikau e rawa ni laukana na vuana, e rawa vei kemuni moni taya sobu; me rawa ni oni tara kina na nomuni bailalaga me vakayagataki e na valuti ni korolevu, era valuti kemuni tiko, me yacova ni ra sa rawai.

Na iVakarua (D’varim) 20:1-11

NA IVAQA NI BULA (FOOD FOR THE SOUL)

E ka dina taucoko ni vinakati me vakasavasavataki na nona itikotiko na vakasisila, ia na nona matavuvale na yalododonu e vakadonui. 10 ¶ O ira na lialia era vakayacora na ivalavala ca, ia o ira na luvena na yalododonu e nodra na veika vivinaka;

Vosa Vakaibalebale (Mishlei) 14:9-10

LOMANI YAHUWE NA NOMU KALOU (LOVE YHWH YOUR MIGHTY ONE)

O YAHUWE (YHWH) e vakavulewa; laiva na tamata me ra sautaninini; e dabe toka e kedrau maliwa na ke’ruvimi; laiva na vuravura me yavalati. 2 O Yahuwe (YHWH) e cecere sara mai Zaiyoni; O koya e cecere mai vei ira na tamata kecekece. 3 Laivi ira me ra vakavinavinakataka na yacamuni vakaitamera dau dokai; baleta ni savasava vakaoti. 4 Na nona kaukaua na tui e veimanati kei na lewa dodonu; oni vakataudeitaka na dodonu, oni vakatauca na lewa kei na cakacaka dodonu vei Ya'akove. 5 Vakacerecerei Yahuwe (YHWH) na noda Kalou (Mighty One), vakarokoroko vua e na itutu ni yavana; baleta o koya e savasava vakaoti. 6 O Moshe kei Aharoni rau duavata kei ira na nona kohanimi kei Sha’mu’yili e na kedra maliwa era dau kaciva na yacana; era dau kaciva na  yacana; era kacivi Yahuwe (YHWH), qai tama mai vei ira o koya. 7 A vosa vei ira o koya e na duru o: era qai vakamuria na nona ivakaro, kei na veiyalayalati a solia vei ira o koya. 8 Oni a tama vei ira, i Yahuwe (YHWH), neimami Kalou (Mighty One), vakaicovitaki ira me veiraurau kei na nodra cakacaka. 9 Vakacerecerei Yahuwe (YHWH) na noda Kalou (Mighty One), sokalou e na nona ulunivanua tabu; baleta o Yahuwe (YHWH) na noda Kalou e savasava vakaoti.

Same (Tehellim) 99:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 118 o/o 1578	April 28, 2012
Reading	Hebrew Date
Sh’mu’yl Bet (2 Samuela) 19-20	Iyyar 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.