Na Matai Ni Kalou Matakau (The Idol Makers)

Thought: Idol Worshippers Are Led By Deceitful Spirit, Are You One?

…………………

Serving For Yom R’vi’ii, Nisan 30, 5773

(NB. In Counting Days Toward Shavu’ot: Today Is Day 12 out of 50)

MAI NA NEVI’IMI AKARONIMI FROM THE NEVI’IM ACHARONIM)

E na kena gauna dodonu, ni sa vakarau me vakayagataki me buka, o koya e na taura eso me vakatakatai kina, qai taura eso me vavi madrai kina.  Oti e na qai ceuta e dua na kalou (elohim), me sokaloutaka, me qai cuva sobu kina me vakarokorokotaka. 16 E kena ibalebale ni kena veimama e na vakama e na bukawaqa; e na veimama oya e na tavusataka kina na kena lewe ni manumanu qai kania me rawa ni mamau kina; qai tatalai koya vakataki koya kina, oti qai kaya, Sa totoka vakaoti niu rawa ni vakatakatai au tiko, au qai sarava tiko na yameyame ni bukawaqa! 17 Ia mai na vo ni tolonikau, e bulia kina e dua na kalou (elohim), e dua na na matakau ceuceu, oti qai lutu sobu me cuva i matana; me sokaloutaka o koya, ka masuta. Vakabulai au, e na kaya o koya, O kemuni na noqu kalou (elohim)! 18 O ira na tamata vakaoqo era sega ni kila e dua na ka, era sega talega ni yalomatuataka e dua na ka. Na yaloka ni matadra sa sogolati tu vakadua, era qai sega ni rai rawa kina; ka vakakina na vuniyalodra, era mani sega kina ni yalomatua. 19 E sega ni bau dua e vakasamataka e vuniyalona, se tiko vua na kilaka se bau raitaloyalotaka me qai kaya, Au a vakama e veimama e na matadravu, meu vakabutaa na madrai e na kena qilaiso, au qai tavusataka kina na lewe ni manumanu meu kania. E kilikili beka vei au meu qai vakayagataka na kena vo meu vakayacora kina na ivalavala vakasisila?  E dodonu beka vei au meu cuva, o au vakataki au, i na dua na tolo ni vunikau?  20 O koya e vakanuinui tiko e na dravusa! E dua na vuniyalo dau veivakacalai sa tuberi koya tiko me lako sese; baleta qo sa na sega kina ni vakabulai koya rawa vakataki koya, ka na sega talega ni via kaya, Na ka oqo e tiko e ligaqu, e ka lasutaki!

Yeshayahu (Aisea) 44:16-20

NA IVAQA NI BULA (FOOD FOR THE SOUL)

Na tamata yalododonu e na tuberi ira na nona icaba e na sala dodonu, ia na itovo ni [tamata] ca e liutaki ira vakatani.

Mishlei (Vosa Vakaibalebale) 12:26

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Asafa. Kemuni na Kalou (Mighty One), o ira na daulotutaki matakau era sa curu mai i na nomuni ivotavota. Era sa vakadukara na nomuni valetabu ka vukici Yerushalayimi me dua na bukebuke. 2  Era sa solia na yagodra mate na nomuni dauniveiqaravi me kedra na manumanu vakatabana ni macawa lala, io, na lewe ni yagodra o ira era yalodina vei kemuni, vei ira na manumanu kila e vuravura. 3 Na nodra dra, era sa livia me vaka na wai, wavolivoliti Yerushalayimi; ka sa sega ni dua e vo me buluti ira. 4 Keimami sa vakarogocataki vei ira na weka i keimami vakaitikotiko, keimami qai vakalialiai ka dredrevaki vei ira era tiko wavolivoliti keimami. 5 Me vakaevei na kena dede i Yahuwe (YHWH)? Oni na cudru tiko beka me tawamudu? E na vakaevei na kena caudre tiko me vaka na bukawaqa na nomuni didi (jealousy).

6 ¶ Sovaraka na nomuni leva cecekia vei ira na vanua era sega ni kilai kemuni, vei ira na veimatanitu era sega ni dau kaciva na yacamuni; 7 Baleta era sa tilomi Ya'akove ka biuta laladidi tu na nona itikotiko. 8 Kakua ni nanuma moni saqati keimami baleta na neimami ivalavala ca mai liu; ia laiva ga na nomuni yalololoma tau malumu me toso mai vei keimami vakatotolo, me sotavi keimami, baleta keimami sa vakalolovirataki dina tu. 9 Vukei keimami, kemuni na Kalou (Mighty One) na neimami ivakabulai, e na vukuni kena lagilagi na yacamuni. Vueti keimami, quaraka laivi na neimami ivalavala ca, e na vukuni yacamuni.10 Na cava na vuna me ra taroga [tiko] kina na veivanua, Evei mada na nodra Kalou (Mighty One)? Laiva na veisausaumi lesu a vakayacori e na vuku ni kena a dave na nodra dra o ira na nomuni dauniveiqaravi, me kilai vei ra na veivanua, [era tu] e mata i keimami. 11 Laiva na nodra vutugu na tamata vesu me basika cake i matamuni; e na vakaitamera ni nomuni kaukaua, vueti ira era sa totogimatetaki oti tu.12 Sauma lesu vakavitu vei ira na weka i keimami vakaitikotiko, me rawa ni ra vakila, [na itotogi] ni nodra veivakacacani era a cakava vei kemuni, i Yahuwe (YHWH), 13 Me rawa kina vei keimami na nomuni tamata, na qelenisipi e na loma ni nomuni bai [ni veisusugi (pasture)], me keimami na dau solia tiko na neimami vakamuduo me sega ni mudu. Mai na dua na itabatamata, i na dua [tale] na itabatamata, keimami na dau tusanaka tiko na nomuni vakacaucautaki.

Tehillim (Same) 79:1-13

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 201 in 5773 (Total 1928)	April 10, 2013
Reading	Hebrew Date
D’varim (Na iVakarua) 7-8	M #1: Nisan 30, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sokaloutaki Matakau O Yisira’yili. (Yisra’yl Worships Idols)

Thought:  Idol Worship Brings Harm To People, Get Out Of It

 ...............

Serving For Yom Sheini, Tammuz 5, 5772

MAI NA NEVI’IMI RISHONIMI (FROM THE NEVI’IM RESHONIM)

Ni oti o Avimeleki a qai tubu mai o Tola na luve tagane i Pu'a, na luve i vugona, e dua na kai Yisakaa; e vakaitikotiko mai Shamiri e na ulunivanua o Ifira'yimi. 2 O koya a daunilewa tiko mai Yisira'yili me ruasagavulukatolu na yabaki, oti a qai mate ka bulu tu ga mai Shamiri. 3 Ni oti o koya a qai tubu cake mai o Ya'iri, mai Qiliade, qai daunilewa tiko mai Yisira'yili o koya me ruasagavulu ka rua na yabaki. 4 Era le tolusagavulu na luvena tagane, era dau vodoka e tolusagavulu na asa tagane, ka tolusagavulu taucoko na nodra koro, era vakatokai kece na veikoro i Ya'iri, ia era tiko kece mai na vanua o Qiliade. 5 A qai mate o Ya'iri, ka bulu toka qori mai Kamoni.

6 ¶ Era baci valavala ca tale e na mata i Yahuwe (YHWH) o ira na luve i Yisira'yili, e na nodra baci qaravi Ba'ala kei Asetarota tale, kei na veikalou (elohim) i Idomi, na veikalou (elohim) mai Zaidoni, na nodra kalou (elohim) na Mo'avi, na nodra kalou (elohim) na luve i ‘Amoni, na nodra  kalou (elohim) na Pi'lishitimi, kei na nodra veikalou (elohim) na veivanua tale eso, qo era a vakanadakui Yahweh kina me ra kakua ni qaravi koya. 7 A qai tubu na cudru i Yahuwe (YHWH)  vei ira na Yisira'yili, qai soli i ira i ligadra na Pi'lishitimi, ka vaka kina i ligadra na luve i ‘Amoni. 8 Mai na yabaki oya, era a vakadredretaka ka vakararawataka na bula vei ira na luve i Yisira'yili, me yabaki tinikawalu, oya o ira kece na luve i Yisira'yili era tiko e na tai kadua ni Yaradani, e na nodra vanua na Emori,  mai Qili'ade. 9 Kena ikuri ni ra a takoso mai na Yaradani o ira na luve i 'Amoni, me ra mai valuti ira na Ya'huda, ka valuti ira na Ifirayimi kei ira na Biniyamini; qai vakavuna na nodra vakalolomataki dina sara ga o ira na Yisira'yili.

10 ¶ Era mani tagitagi vei Yahuwe (YHWH) o ira na Yisira'yili, ni ra kaya, Keimami sa valavala ca saqati kemuni baleta keimami sa vakanadakuya na Kalou (Mighty One) me keimami qaravi  Ba'ala.  11 Kaya o Yahuwe (YHWH) vei ira na Yisira'yili, E sega beka ni o ira mai  Ijipita, vata kei ira na Emori, o ira na luve i 'Amoni, o ira na  Pi'lishitimi, 12 O ira mai Zaidoni, o ira na Amaleki, kei ira na na Emori era a vakararawataki kemuni; oni qai tagi mai kina vei au, au qai vueti kemuni kina mai ligadra? 13 Ia o kemuni oni a vakanadakui au ga moni qaravi ira na kalou (elohim) mai liu; qori au sa na sega vakadua tale kina ni vueti kemuni. 14 Ni lako sara moni lai masu vei ira na kalou (elohim) oni dau taleitaki ira; laivi ira me ra nomuni ivakabula e na nomuni gauna ni leqaleqa. 15 Era kaya o ira na luve i Yisira'yili, vei  Yahuwe (YHWH), Keimami sa valavala ca; cakava vei keimami na ka kece oni nanuma ni dodonu e matamuni;  ia moni vueti keimami mada ga e na siga oqo. 16  O ira na luve i  Yisira'yili, era qai biuti ira laivi na kalou (elohim) tawamacala mai na kedra maliwa, era qai vuki me ra qaravi Yahuwe (YHWH);  baleta na bula (soul) i Yisira'yili sa kovu tu e na vutugu kei na yaluma. 17 E na gauna oya o ira na luve i 'Amoni era a sosoqoni era qai lai keba toka mai Qili'ade. O ira na luve i Yisira'yili, era soqoni ira vakataki ira era qai lai keba toka mai Mizipaa. 18 Era kaya sara na tamata kei ira na iliuliu mai Qili'ade, O koya ga e tekivuna na nodra valuti na luve i 'Amoni, o koya qori sa na ravouvou vei ira kece na vakaitikotiko e Qili'ade.

Dauniveilewai (Shof’tim) 10:1-18

NA IVAQA NI BULA (FOOD FOR THE SOUL)

Ni totogitaki o koya e tawacala e sega dodonu, e vaka kina ni ra warolaki o ira na tamata vinaka baleta era vosa vakadodonu.

Vosa Vakaibalebale (Mishlei) 17:26

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na Same i Davide. Ni rogoca na noqu masu, i Yahuwe (YHWH), ni vakatudaliga i na noqu vakatakekere: e na nomuni vosamatua, tama mai vei au e na nomuni yalododonu. 2 Kakua ni vakalaiva na nomuni dauniveiqaravi me veilewaitaki; baleta e matamuni e sega ni dua na tamata bula e vakadonui. 3 Baleta o ira na meca era sa vakacacana tiko na noqu bula (soul), era sa buturaka sobu na noqu bula i na dela ni soso; ka sa vakavuna meu lai vakaitikotiko e na butobuto, me vakataki ira era a se mate makawa. 4 Qori sa veilecayaki kina na yaloqu e lomaqu; na vuniyaloqu e lomaqu sa nuiqawaqawa. 5 Au nanumi kemuni, mai na veisiga sa sivi makawa; au qai vakananuya na vatuka ni nomuni cakacaka kecekece; qai vakauqeti au vakalevu na cakacaka ni ligamuni. 6 Au dodoka yani na ligaqu vei kemuni; na noqu bula e viagunu maivei kemuni  me vaka na vanua dravuisiga karamaca.

7 ¶ Tama maivei au vakatotolo, i Yahuwe (YHWH) na noqu bula (soul) sa leqa tiko; kakua ni vunia na matamuni maivei au, deu na qai tautauvata kei ira era sa siro sobu tiko i na ibulubulu. 8 Vakavuna vei au meu rogoca na nomuni yalololoma e na mataka; baleta vei kemuni ga au dau vakararavi; vakavuna vei au meu kila na sala e dodonu meu muria, baleta au sa laveta cake yani na noqu bula (soul) vei kemuni 9 Vueti au, i Yahuwe (YHWH), maivei ira na kequ meca: vakatavulici au meu cakava na nomuni lewa. 10 Baleta ni o kemuni oni noqu Kalou (Mighty One), na yalomuni daumalumu  e na tuberi au i na sala ni bula (life). 11 Vakacegui i au, i Yahuwe (YHWH) e na vuku ni yacamuni; e na vuku ni nomuni yalododonu kauta laivi na yaloqu mai na itutu ni leqa. 12 E na nomuni yalo ni veikauwaitaki vagalui ira era cati au; ka vakarusai ira kece na meca ni noqu bula (soul); baleta o au, au nomuni dauniveiqaravi.

Same (Tehellim) 143:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 176 o/o 1636	June 25, 2012
Reading	Hebrew Date
Yirmeyahu (Jeremaia) 29-30	Tammuz 5, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Sokalou Matakau E Isira’yili (Idol Worships In Isra’yl)

Thought: YHWH Will Clean Up Our Environment of Idols

......................... 

Serving For Yom HaShee-shee, Kishlev 20, 5772

O ira na vo vo ni kawa i Ya'akove era sa na tiko e na kedra maliwa e vuqa na veimatanitu me vaka na tegu maivei Yahuwe (YHWH), me vaka na uca e tauca na veico ka sega ni waraka na tamata se waraka na luvetagane (sons) ni tamata. 8 O ira talega na vo vo ni kawa i Ya'akove, era na tiko e na kedra maliwa na kai Veimatanitu tani e na kedra maliwa e vuqa na veimatanitu me vaka na laione e kedra maliwa na manumanu kila ni veikauloa, me vaka na luve ni laione e na kedra maliwa na veiqele ni sipi; o koya, ni digitaka na nona manumanu me vakasasataka, e na katilaka ka basuraka vakamatailalai   ka na sega ni dua me vueta.  9 Na ligamu e na dulaki cake me saqati ira kece na kemu meca; o ira kece na kemu meca era na vakarusai. 10 E na qai yaco e na siga oya, e kaya o Yahuwe (YHWH), niu na vakarusai ira kece na nomuni ose mai na kemuni maliwa ka kauta laivi na nomuni qiqi ni ivalu. 11 Au na cakava me ra davo laladidi tu na veitauni ni nomuni vanua, ka basuraka sobu na nomuni valecere vakaivalu: 12 Au na vakarusai ira na daucakamana  era tu voleka vei kemuni; sa na oti vakadua o ira na nomuni daurairai 13 Au na vorolaki ira na nomuni ivakatakarakara ceu, kei na nomuni duru tabu mai na kemuni maliwa; oni sa na sega vakadua tale ni sokaloutaka na cakacaka ni ligamuni. 14 Au na cavuraka laivi na duru ni sokalou mai na kemuni maliwa; au qai vakotora me ra laladidi tu na nomuni veikoro levu. 15 Au na vakayacora na noqu veisausaumi e na cudru kei na leva vakaitamera vei ira na veimatanitu era sega ni via talairawarawa.

Maika (Mikhah) 5:7-15

Na vosa kece i Yahuwe (YHWH) e savasava vakaoti; o koya e dua na isasabai vei ira kece era biuta na nodra inuinui vua. 6 Kakua ni vakaikuritaka na nona vosa, de na qai vunauci iko o koya, o qai kune ni o dua e dau lasulasu;

Vosa Vakaibalebale 30:5-6

Vakavinavinakataki Yahuwe (YHWH). Vakacaucautaka na yaca i Yahuwe (YHWH); vakavinavinakataki koya, o iko na dauniveiqaravi nei Yahuwe (YHWH). 2 O kemuni oni tucake tu e na loma ni vale nei Yahuwe (YHWH, e na loma ni bai ni nona  vale na noda Kalou (Mighty One). 3 Vakacaucautaki Yahuwe (YHWH); baleta o Yahuwe (YHWH) e vinaka; lagata na vakamuduo e na vuku ni yacana baleta o koya e dau talei. 4 Baleta talega ni o Yahu (Yah) sa digitaki Ya'akove me nona kei Isira'yili me nona iyau talei.

5 ¶ Baleta au kila ni o Yahuwe (YHWH) e vakaitamera baleta na noda Kalou (Mighty One) e cecere cake mai vei ira  na kalou (elohim) kecekece. 6 Na cava ga e marautaka o Yahuwe (YHWH), qori e na vakayacora mai lomalagi vata kei vuravura, e wasawasa  kei na veiyasana titobu kece sara. 7 E vakavuna na o me tubu cake mai na iyalayala kei vuravura; e cakava na yaseyase e na vuku ni uca; e yauta mai  na cagi mai na nona iyau. 8 A vakamatea na ulumatua mai Ijipita, ruarua na tamata kei na manumanu. 9 O koya a tala yani na nona ivakatakilakila kei na veika veivakurabuitaki i na kemuni maliwa, i Ijipita vei Fero kei ira kece na nona dauniveiqaravi. 10  O koya e a samuta e levu na veimatanitu qai vakamatei ira na tui kaukaua; 11 O Sikoni na nodra tui na Emori kei Oqa na tui Bashani kei na veimatanitukece sara mai vei ira na Kena'ani; 12 Qai solia na nodra vanua me ivotavota, me nodra ivotavota na Isira'yili o ira na nona tamata. 13 Na yacamuni, i Yahuwe (YHWH), e na tudei me tawamudu; na kemuni ivakananumi iYahuwe (YHWH), e na veitabatamata kecekece sara.14 Baleta o Yahuwe e na vakatulewa vei ira na nona tamata, e na marautaki ira na nona dauniveiqaravi.

15 ¶ Na nodra kaloumatakau na veimatanitu, na siliva kei na koula, na  cakacaka ni liga ni tamata. 16 Era vakagusu, ia era sega ni vosa; e tu na matadra ia era sega ni rai; 17 Era vakadaliga ia era sega ni vakarorogo rawa; ka sega talega na icegu e loma ni gusudra. 18 Laivi ira era a buli i ira me ra tautauvata kei ira, ka vakakina o ira kece era vakanuinui vei ira.19 Vakavinavinaka vei Yahuwe (YHWH), kemuni e na vale i Isira'yili; vakavinavinaka vei Yahuwe (YHWH) kemuni e na vale i Aharoni: 20 Vakavinavinaka vei Yahuwe (YHWH), kemuni e na vale i Livai; o kemuni oni dokai Yahuwe (YHWH) vakavinavinaka vei Yahuwe (YHWH). 21 Me vakavinavinakataki o Yahuwe (YHWH) mai Saiyoni, o koya e vakaitikotiko mai Yerushalayimi. Vakacaucautaki Yahuwe (YHWH).

Same (Tehellim) 135:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
350 Blog No. 1444	December 16, 2011.
Reading	Hebrew Date
Emosi (‘Amos) 7-9	Kishlev 20, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26  


May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTotogi Ni VaKalou Matakau (The Punishment for Idolatry)

Thought: Punishment, A Means To Learn Who YHWH Is.

 ................

Serving For Yom HaShee-shee, Chesvan 7, 5772

KENA ikuri, ni a qai laveti au na yalo, qai kauti au mai i na matamata ni vale i Yahuwe e vakanamata tu vaka i na vuaicake, au qai raici rau o Ya'azanayahu na luve I Azuri, kei Pe'latayahu na luve i Be'nayahu, na nodra ravouvou na tamata, e na kedra maliwa. 2 Oti qai kaya vei au o Yahuwe (YHWH), Luve ni tamata, o rau na tagane qo rau navuca tiko na inaki ca, rau qai solia tiko na ivakasala e loma ni korolevu oqo; 3 E na nodrau kaya, Keimami sa tara vale tiko e na kena maliwa, na korolevu oqo, e dua na kuro ni wai buebue, ia o keda qo na kena lewe ni manumanu. 4 Qori mo parofisai saqati ira kina, mo parofisai Luve ni tamata. 5 A qai sobuti au na Yalo i Yahuwe (YHWH), qai kaya vei au, Vosa; qo na veika e kaya  o Yahuwe (YHWH) na Kalou (Mighty One); Na veika oqori oni gadreva tiko o kemuni na vale i Isira'yili, baleta au kila na galele ni nomuni vakasama. 6 Oni sa vakalewelevutaka na nomuni era sa vakamatei e na korolevu oqo, oni qai vakasinaitaka na nomuni veigaunisalalevu vei ira era sa mate. 7 Oqori  a qai kaya kina o Yahuwe na Sau (Sovereign YHWH), O ira na nomuni mate, oni sa vakatori ira tu e loma, o ira qori na lewe, ia na korolevu oqo na kuro; ia o au, au na kauti kemuni laivi mai loma. 8 Oni domobulatata na seleiwau; ia au na kauta yani na seleiwau vei kemuni, e kaya o Yahuwe na Sau (Sovereign YHWH). 9 Au na qai kauti kemuni laivi mai loma ka soli i kemuni i ligadra na kai tani, qori au na qai vakayacora kina na lewa vei kemuni. 10 Oni na bale e na seleiwau; au na vakatulewataki kemuni e na iyalayala kei Isira'yili; oni na qai kila ni o au o Yahuwe (YHWH). 11 Na korolevu oqo e na sega ni nomuni kuro; oni na sega talega ni lewe (flesh) e loma; ia au na vakatulewataki kemuni e na  iyalayala kei Isira'yili: 12 Oni na kila ni o au o Yahuwe (YHWH); baleta oni sega ni bula muria tiko na noqu ivakaro se vakayacora tiko na noqu lewa, ia oni qai vakamuria tiko na nodra lawa na kai Veimatanitu tani era tiko vakavolivoliti kemuni 13 A qai yaco niu parofisai tiko, ni a mate o Pe'latayahu na luve i Be'nayahu. Au mani lutu vakatobuicu, au qai rubica na tagi e na domo levu niu kaya, Isa lei Yahuwe na Sau (Sovereign YHWH), oni sa na vakawabokotaki ira beka vakadua na kedra vo vo na Isira'yili?

Isikeli (Yechezk’yl) 11:1-13

KAKUA ni boletaka na veika me baleta na siga ni mataka, baleta o sega ni kila na cava e rawa ni yaco e na dua na siga; 2 Laiva na vulagi me vakacaucautaki iko,  ka me kakua ni lako ga mai gusumu o iko vakataki iko; me duatani tale, me kua ga ni tebenigusumu.

Vosa Vakaibalebale (Mishlei) 27:1-2

Kei na ikuri ni a kaciva e dua na dausiga e loma ni vanua: A musuka vakadua na taba ni nodra veiwiti 17 E tala e dua na tamata o koya me liutaki ira; oya o Yosefa, o koya e a volitaki vakabobula. 18 Na yavana era a vesuka e na ivesu: qai vakotori e na ivau kaukamea: 19 Me yacova na gauna e yaco mai kina na vosa, na vosa i Yahuwe (YHWH) a vakatovolei koya. 20 Na tui a talatala me lai sereki o koya, qai lesi i koya me nodra tui na nona tamata. 21 A lesi i koya me turaga ni nona vale me dau lewa na veika kece e taukena: 22 Me totogitaki ira na nona kovana e veigauna kece e gadreva kina, ka me vakatavuluci ira na na qase e na kilaka. 23 O Isira'yili e a lako talega i Ijipita; a qai lai tu kina vakavulagi e na vanua nei Hema o Ya’akove. 24 E a vakatubura vakalevu na kedra iwiliwili na nona tamata; qai cakava me ra kaukaua cake mai vei ira na kedra meca.

25 ¶ A vukica na yalodra me ra cati ira na nona tamata, me cakava vakaca vei ira na nona dauniveiqaravi. 26 A talai Moshe na nona dauniveiqaravi vata kei Aharoni, ni a digitaki koya o koya. 27 Rau a vakaraitaka na nona ivakatakilakila e na kedra maliwa, kei na cakacaka veivakurabuitaki e na vanua nei Hema. 28 A tala mai na butobuto o koya, qai cakava me butobuto; ia era qai talaidredre i na nona vosa. 29 A vukica na medra wai me dra, ka vakamatea na kedra ika. 30 Na nodra vanua a robota na boto, era curuma mada ga na nona loqi ni moce na nodra tui. 31 A vosa o koya, era qai babasika mai na veimataqali lago kei na kutu e na loma ni iyalayala ni nodra vanua. 32 A vukica na nodra uca me qereqere (hail) qai udreva mai na yameyame ni bukawaqa e loma ni nodra vanua. 33 E vakacacana talega o koya na nodra loga ni veivaivaini vata kei na nodra veivunilolo; ka musulaka na veikau e loma ni yalayala ni nodra vanua. 34 Ni vosa o koya, era qai vuka mai na  vodre kei na nuve, me ra sega ni wili rawa e na loma ni nodra vanua raraba. 35 Era kania na veikau draudrau taucoko kei na vuata ni nodra vanua, 36 A vakamatei ira kece na ulumatua kece mai Ijipita o koya, na isevu ni nodra kaukaua. 37 A qai kauti ira tani talega mai, ni ra sa katoa tu e na siliva kei na koula; e sega tale ni dua na nona tamata, me malumalumu e na kedra maliwa na nodra veimataqali.

Same (Tehellim) 105:16-37

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
308/Blog No. 1448	November 4, 2011.
Reading	Hebrew Date
Jeremaia (Yiremeyahu) 38-39	Cheshvan 7, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lotutaki Matakau (Idol Worship)

Thought: YHWH Will Not Tolerate Idolatry 

 ........................

Serving For Yom Khah Mee-shee, Chesvan 6, 5772

A QAI yaco mai vei au na vosa i Yahuwe (YHWH) ni kaya, 2 Luve ni tamata, vakanamata mada i na veiulunivanua e Isira'yili, mo parofisai saqati ira, 3 Mo kaya, Kemuni na veiulunivanua mai Isira'yili; rogoca na vosa i Yahuwe (YHWH) na Kalou (Mighty One); E kaya vaka oqo o Yahuwe (YHWH) na Kalou (Mighty One) vei ira na ulunivanua, na veidelana, na veibuca kei na veiuciwai; Raica, au sa kauta tiko yani e dua na seleiwau me baleti kemuni, meu vakarusa na nomuni veitikina cecere; 4 Na nomuni icabocabo ni soro  e na vakalalai, na nomuni matakau e na musu sobu; au na kolotaki ira na nomuni tagane vuetaki e na mata ni nomuni matakau; 5 Au na qai vakotora na yagonimate  ni vale i Isira'yili e na mata ni nomuni kaloumatakau; au na qai ceburaka na nomuni sui wavolivolita na nomuni icabocabo ni soro. 6 E na nomuni itikotiko na korolevu e na vakamaumautaki tu, kei na veitikina cecere e na vakalalai, me rawa ni vakarusai ka vakalalai na nomuni icabocabo ni soro, me vorolaki na nomuni matakau ka vakacacani, i na nomuni ivakatakarakara me musu sobu, ka me tini vakadua na nomuni cakacaka; 7 Ia o ira era vakamatei me ra bale e na kemuni maliwa, moni qai kila ni o au o Yahuwe (YHWH).

8 ¶ Ia au na biuta tiko e dua na kemuni vo vo e na kedra maliwa na veimatanitu, oya o ira vei kemuni era dro mai na seleiwau, era sa dui tayana tu e loma ni korolevu raraba. 9 Ia o ira vei kemuni oni drobula oni na qai lai nanumi au mai, e na kedra maliwa na veimatanitu oni na kau kina vakabobula; niu sa voroka na lomadra dauveidabui, baleta ni ra biuti au, ia e na matadra, era qai lako sese ni ra muria na nodra matakau; era na qai vakasisilataki ira vakataki ira, e na vuku ni veika ca era dui vakayacora e na nodra ivukivuki vakasisila. 10 Era na qai kila ni o au o Yahuwe (YHWH), ka ni a sega ni cavuta wale, na noqu a tukuna niu na cakava na veika oqo.

Isikeli (Yechezk’yl) 6: 1-10

Na yame dau lasulasu e sevaka na dina; na gusu dau veicavilaki, e na vakaseuta na veileti.

Vosa Vakaibalebale (Mishlei) 26:28

Isa, me soli na vakamolimoli vei Yahuwe (YHWH); kaciva na yacana, tusanaka me kilai na nona cakacaka, e na kedra maliwa na tamata. 2 Laga sere vua, seretaka na same vua: veitukutukunitaka na nona cakacaka veivakurabuitaki kece sara. 3 Dau dokadokataka ga na yacana vakaitamera; Laiva me mamarau na vuniyalodra o ira era vakasaqarai Yahuwe (YHWH). 4 Vakasaqarai Yahuwe (YHWH) mo  kaukaua, vakasaqara na matana me tawamudu. 5 Nanuma na nona cakacaka  veivakurabuitaki e cakava o koya; na nona cakacaka mana kei na lewa e tau mai gusuna; 6 Isa o kemuni na kawa i Avarahama na nona dauniveiqaravi; o kemuni na luve i Ya'akove na nona digitaka. 7 O koya o Yahuwe (YHWH) na noda Kalou (Mighty One); na nona lewa e roboti vuravura taucoko.

8 ¶ E nanuma tiko o koya na nona veiyalayalati me tawamudu, na nona vosa a vakarota vei ira na udolu na itabatamata. 9 E a cakava na nona veidinadinati vata  kei Avarahama, kei na nona yalayala vei Yi’sake; 10 Qai vakadeitaka oqori vei Ya'akove me dua na lawa, ia vei Isire’yili me dua na veidinadinati e tawamudu: 11 E na nona kaya, Vei iko au sa solia na qele o Kena’ani, me kemu ivotavota vakaitaukei,12 E na gauna era se lewe lailai kina na kedra iwiliwili, io, ni se vica wale na tagane kei na vulagi era se tiko kina.13 Ni ra veitosoyaki mai na dua na vanua i na dua tale, mai na dua na matanitu i na dua na matatamata; 14 E a sega ni laiva e dua na tamata me vakamavoataki ira: io, e a levaci ira na tui e na vukudra; 15 Me ra kakua ni tarai ira na nona digitaki,  se vakamavoataki ira na nona parofita.

Same (Tehellim) 105:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
307/Blog No. 1447	November 3, 2011.
Reading	Hebrew Date
Jeremaia (Yiremeyahu) 36-37	Cheshvan 6, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lotutaki-Matakau Na Vu Ni Lutu (Idol Worship Causes Downfall)

Thought: Check Yourself, That You Are Not An Idol-Worshipper.

 ..........................

Serving For Yom Khah Mee-shee, Tishrei 15, 5772

Oqo na ka e kaya o Yahuwe (YHWH); Lako sobu i na vale ni tui Ya'huda, lai tukuna e keya na vosa oqo, ka mo kaya, 2 Rogoca na vosa i Yahuwe (YHWH), o iko na tui Ya'huda, o iko o dabe tiko e na dabedabe vakatui i Dawide, o iko, o ira na nomu dauniveiqaravi kei ira na tamata era dau curu mai e na matamata qo. 3 Oqo na ka e kaya o Yahuwe (YHWH); Vakayacora na ka e dina kei na ka e dodonu, ka vueti ira na vakalolomataki mai vua na dau veivakalolomataki; kakua ni cakava e dua na cala, kakua ni vakararawataki ira na vulagi, o ira na luveniyali kei ira na yada, kakua talega ni vakadavea na dra tawacala e na vanua oqo. 4 Baleta kevaka moni vakayacora dina na veika oqo; era na qai curu mai i na matamata qo o ira na tui era dabe tiko e na idabedabe vakatui i Dawide, kei ira na ravouvou era vodo tiko e na qiqi vakaturaga kei na ose e dua kei ira na nona tamata. 5 Ia kevaka oni sega ni vakarorogo i na veivosa oqo, au bubuluitaka e na vukuqu o au vakataki au, e kaya o Yahuwe (YHWH), ni na yaco me laladidi na vale qo. 6 Baleta qo na ka e kaya o Yahuwe (YHWH) me baleta na nona vale na tui  Ya'huda; O iko o na vakataki Qili’ada ka vaka na ulu i Le’vanoni; ia au na cakava dina mo dua na vanua dravuisiga, me vaka e dua na korolevu e sega tu ni tawani. 7 Au na vakarautaka na dauvakacaca me ra saqati iko; o ira kece me ra tauri imatau tu e ligadra; era na musuka sobu na nomuni sitari digitaki, ka uturi ira i na bukawaqa. 8 E levu na tamata era na lako sivita na korolevu oqo, era na qai kaya o ira yadua vei ira na wekana vakaitikotiko,  o ira na lewe ni veivanua e vuqa, Na cava beka e cakava kina e dua na ka vakaoqo o Yahuwe (YHWH) i na korolevu oqo? 9 Era na qai sauma, Baleta era sa vakanadakuya na veiyalayalati i Yahuwe (YHWH) na nodra Kalou (Mighty One), era qai sokalou vei ira na kalou (elohim) mai liu, ka qaravi ira.

Jeremaia (Yirmeyahu) 22:1-10

Na vosa e cavuti me taudonu, e vaka na yapolo koula e na dua na kena dari siliva. 12 E vaka na sau koula kei na satiusi vakamareqeti, na veivakadodonutaki ni dua na tamata vuku, vua e dua na daliga e vakarogoca.

13 ¶ Me vaka na liliwa ni uca cevata vulavula e na gauna ni tatamusuki, baleta ni vakabatabatataka na macawalala, e vaka kina na dau ni kauitukutuku yalodina vei ira era a talai koya; baleta ni vakaceguya na nodra bula (soul) na nona turaga.

14 ¶ Me vaka na o kei na cagi e sega na kena uca, e vakakina na tamata e dokadokataka na isolisoli lasutaki.

Vosa Vakaibalebale (Mishlei) 25:11-14

Era kaya, Lako mai, laiva meda mai vakawabokotaki ira mai na kedra maliwa na veimatanitu, me rawa ni kakua tale ni nanumi tiko na yaca i Isira’yili. 5 Baleta era sa veivakadonui vakataki ira me ra yalovata; era sa duavata me ra saqati kemuni, 6 Bau kina na valetabu i Idomi kei Yisima’yili; Moa’ve kei ira na Haqirimi; 7 O ira na tamata e na yasayasa o ‘Amoni kei ‘Amaleki; o ira na Pe’leseti vata kei ira na kai Ta’so; 8 O ira na Ashuru era to mai vata kei ira; era qai vukei ira mai na luve i Lote.

9 ¶  Cakava me  caka vei ira me vaka a caka vei ira na Midiyani; me vaka a caka vei Sisira; me vaka vei Yavini mai na bucabuca ni uciwai o Kishoni: 10 Eda a rusa mai Eini-dore; era qai yaco mera i vakabulabula (manure) ni qele. 11 Vakarusai ira na nodra turaga bale me ra vakataki Oreva kei Si’evi: io, o ira kece na nodra ravouvou me vakataki Sevaki kei Salamuna: 12 Baleta era a kaya, Laiva meda taukena vakaivotavota na korolevu ni nodra Kalou (Mighty One). 13 Kemuni na Kalou (Mighty One), cakavi ira me ra vaka na covulaca qiqi; me ra vaka na qaniwiti e na matanicagi. 14 Me vaka ni kama na veikau e na bukawaqa, ka vaka na yamenibuka waqa e vakaudreca na ulunivanua; 15 Mo ni vakacacani ira vakakina e na nomuni cava, ka vakadomobulataki ira e na nomuni cagilaba. 16 Vakasinaita na matadra e na madua, me rawa ni ra vaqara na yacamuni i Yahuwe (YHWH). 17 Laivi ira me ra veilecayaki, ka vakaleqai tu me tawamudu; io laivi ira mera vakamaduataki ka vakarusai. 18 Me rawa ni ra kila na tamata ni o kemuni duadua e yacamuni o Yahuwe (YHWH) oni cecere taudua e vuravura raraba.

Same (Tehellim) 83:4-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
285/Blog No. 1426	October 13, 2011.
Reading	Hebrew Date
Isaiah (Yesha’yahu) 50-52	Tishrei 15, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kalou E Bulia Na Tamata (Gods That Are Manmade)

Thought: It is Crucial That You Do Not Worship A Manmade God

 .................

Serving For Yom Shaynee, Tishrei 12, 5772

Raica au na talatala vei ira e le levu na gonedau, e kaya o Yahuwe (YHWH), era na qai siwati ira mai na veiyanuyanu; oti oya au na qai talatala vei ira e le levu na dauvakasasa, era na qai lai vakasasataki ira mai, e na veiulunivanua, e na veidelana, ka vaka kina mai na loma ni veiqaravatu. 17 Baleta na mataqu e wanonova tiko na nodra ivalavala kece sara; era na sega vakadua ni vunitaki rawa mai mataqu ka vaka kina na nodra ivalavala ca e na sega ni vunitaki rawa mai mataqu. 18 Matai, au na vakaruataka na kedra itotogi e na vukuni ni nodra caka cala kei na nodra ivalavala ca; baleta era sa vakadukadukalitaka na noqu vanua e na nodra isorokama vei ira na nodra kaloumatakau ka ra vakasinaita na noqu ivotavota e na nodra vakasisila. 19 I Yahuwe (YHWH), na noqu kaukaua, na noqu dauniveivuke, ka noqu idrodro e na gauna ni leqaleqa; o ira na kai Veimatanitu tani era na lako mai vei kemuni mai na iyalayala kei vuravura, era na qai kaya, E ka dina, na matakau lasulasu era a muria sobu tiko mai o ira na tama i keimami, era sega wale ni dua na ka, ke sega talega ni kune vei ira e dua na tubu. 20 Raica, o ira na tamata era sa bulia tiko ga na nodra dui kalou (elohim), ia qori era sega ni o koya na Kalou (Mighty One)!  21 O koya oya, raica, au na vakaraitaka vei ira, e na gauna oqo, au na vakatakila vei ira na ligaqu kei na noqu kaukaua; o ira era na qai kila ni yacaqu o Yahuwe (YHWH).

Jeremaia (Yirmeyahu) 16:16-21

Kakua ni vakadokadokai iko vakataki iko e matana na tui, kakua tale ga ni lai duri tu e na nodra tikina na tamata rogo; 7 Baleta e vinaka cake me mai tukuni vei iko, Toso mai i cake, ka ca ga ni o mai toroi sobu. E mata ni dauvakavulewa vakasavuya na itukutuku ni veika e a raica na matamu.

8 ¶ Kakua ni vakatotolo mo lai veilewaitaka e dua drau veileti, de o qai vakamasuta oti na nomu kisi, ia e muri qai vakamaduataki iko o wekamu vakaitikotiko.

Vosa Vakaibalebale (Mishlei) 25:1-6

Lagasere e na domolevu vua na Kalou (Mighty One) na noda kaukaua: cakava na rorogo ni reki vua na Kalou (Mighty One) i Ya'akove. 2 Taura e dua na same, kauta mai na tibereli, na hapi rogo totoka vata kei na soliteri. 3 Uvuca na davui e na vula vou (Rosh Hodesh), e na kena gauna lokuci, e na siga ni noda solevu tabu 4 Baleta qo e dua na lawa vei Isira’yili ka nona lewa na Kalou i Ya'akove. 5 Qo a lesia vei Yosefa, me nona ivakadinadina ni sa biubiu mai na vanua o Ijipita, na vanua a rogoca kina e dua na matuavosa a sega ni bau kila. 6 Au a kauta laivi na icolacola mai tabana; au sereka na ligana mai na ivesu. 7 E a kacivi au mai o koya mai na dela ni nona leqaleqa, Au qai vakarurugi koya e na ruku ni noqu sau vakatui; au a vakatovolei koya mai na wai ni veileti.

8 ¶ Rogoca, kemuni na noqu tamata,  meu vosa; i Isira’yili au na ivakadinadina me baleti iko, kevaka mo vakarorogo mai vei au; 9 Me kakua ni dua na kalou (el) tani me tiko kei iko; se mo sokalou vua e dua na kalou (elohim) tawamacala. 10 O au o Yahuwe (YHWH) au nomu Kalou (Mighty One), o koya e a kauti kemuni laivi mai na vanua o Ijipita; dalaga mai vakalevu na gusumuni meu vakatawana.

Same (Tehellim) 81:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
282/Blog No. 1422	October 10, 2011.
Reading	Hebrew Date
Isaiah (Yesha’yahu) 43-44	Tishrei 12, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.