Wasewasei na Vanua (Distribution of the Land).

Thought: We Must Worship, As Long As We Worship Yahweh

 ..................................

Serving For Yom Khah Mee Shee 23^nd Elul, 5770

Kena ikuri, ni o sa wasewasea na qele moni dui taukena, mo na qai wasea vakatikitiki tiko e dua na tikina me nei Jiova (Yahweh), mo qai vakatabuya e dua na tikiniqele; na kena balavu me na ruasagavulukalima na udolu na gasau (reeds) kei na kena raba me tininaudolu na gasau. E na tabu vakadua na veitikini qele kece e loma ni kena iyalayala e veiyasana.  02 E na tikina qo, me biu vakatikitiki tiko na yasana tabu e limanadrau na kena ibalavu, ka limanadrau na kena raba; oya me tautauvata na yasana taucoko, me qai vo toka e limasagavulu na kiupiti me galala tiko wavokita na veiyasana. 03 E na kena ivakarau qo, mo qai vakarautaka e dua na tikina me ruasagavulukalima na kena balavu ka tininaudolu na kiupiti na kena raba; e loma qori e na tiko kina na tikina tabu vakaoti.  04 Ia na iwasewase vakatabui me na nona na kohena (priest of Yahweh) e na mai veiqaravi tiko e loma ni vale tabu nei Jiova (Yahweh), o koya e na tiko voleka ga me veiqaravi vei Jiova (Yahweh); na qele qori me na tiko kina na nodra veivale vata kei na tikina tabu ni vale tabu. 05 Me na tiko talega e dua na macawa, ruasagavulukalima na gasau na kena balavu ka tininaudolu na kena raba, me na nodra na Livi’imi (Livai) era veiqaravi tiko e valenisoro; me ruasagavulukalima taucoko na vale. 06 Na tikina me tiko kina na korolevu me limanaudolu na kena raba, ka ruasagavulukalima na kena balavu, qori me toka volekata na yasana e toka kina na valetabu; oqori me na nodra kece na matavuvle i Isire’yili.

Isikeli 45:1-6

Na Kalou (Yahweh) e Yalo; o ira era sokalou vua e dodonu me ra sokalou Vua e na yalo kei na dina.

Joni 4:24

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
245	September 2
Reading	Hebrew Date
Proverbs 1-2	Elul 23

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

The Book of Yahweh
   

Na Qaqa mai Kenani (Victories in Canaan).

Thought: If You Need Miracles, Only Yahweh Can Give Them To You

..............................................

Serving For The 20th March, 2010

O Jiova (Yahweh) a qai soli i Lakisi i ligadra na Isireli; era qai rawai ira e na ikarua ni siga ka samuti ira e na bati ni seleiwau, vata kei ira kece na tamata era tiko kina, me vaka era a cakava vei ira mai Libina. 33 Oti a qai lako mai o Haramoni na tui Qesara me mai vukei Lakisi; ia o Josua a qai samuti koya kei ira na nona tamata e na bati ni iseleiwau, me yacova ni sa sega tale ni dua e vo vei ira. 34 O Josua a qai toso laivi mai Lakisi, vata kei ira na Isireli kecekece, me ra lai keba saqati Eqeloni, me ra valuti ira: 35 Era rawai ira e na siga oya, ka samuti ira e na batini seleiwau, vata kei ira na tamata kece era tiko mai keya, me vaka a cakava mai Lakisi.36 O Josua a qai lako cake mai Eqeloni, kei ira na Isireli kecekece, i Heberoni; era qai lai valuti ira; 37 ka rawai ira, ka samuti ira e na bati ni seleiwau; bau kina na nodra tui kei na nodra veitauni kei na tamata kece era kune mai keya, ni a sega ni vakavotaka e dua, me vaka a cakava mai Eqeloni; e a vakarusa vakadua, vata kei ira na tamata era tiko kina. 38 A qai lesu mai o Josua, vata kei ira kece na Isireli vata kei koya, i Debiri; me lai valuti ira: 39 a qai rawai ira, vata kei na nodra tui kei na nodra veitauni taucoko, era qai samuti ira e na bati ni seleiwai ka vakarusai ira vakadua na tamata kece era tiko mai keya; a sega ni vakavotaka me vo tale tiko e dua na tamata mai keya; me vaka ga a cakava mai Heberoni, e a cakava talega mai Debiri vata kei na nodra tui; me vaka a cakava talega mai Libina vata kei na kena tui.

Josua 10: 33-39

Ia qo niu sa soli oti na veiyalayalati ni veivoli vei Baruki na luve i Neraia, au qai masu vei Jiova (Yahweh, meu kaya, 17 Aha Jiova na Kalou (Yahweh Elohim) o ni a bulia na lomalagi kei vuravura e na nomuni kaukaua levu ni oni dodoka na ligamuni, ka sega ni dua na ka e vunitaki mai vei kemuni: 18 Oni vakaraitaka na yalololoma vei ira e udolu na itabatamata, ka sauma na nodra caka cala na tama vei ira na luvedra era bula taravi ira: o kemuni na Kalou (Elohim) vakaitamera, na kaukaua kei na dokai, o Jiova ni lewe vuqa (Yahweh of hosts) na yacamuni. 19 Oni uasivi e na vuku ka vakaitamera e na cakacaka: Na matamuni e raica tiko na nodra ivalavala kece na luve ni tamata, moni sausaumi vei ira yadudua, me veiraurau kei na vua ni nodra ivalavala.

Jeremaia 32:17-19

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
79.	Maji 20	Joshua 1-3	Luke 1:57-80

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iValu Mai Jeriko (The Battle at Jerico).

Thoughts: In Every Endeavors, It Is Sin That Will Cause Failure

......................................

Serving For The 18 March, 2010

Ia o Jeriko a sa sogolaki tu vakadua baleta ni ra sa tiko voli kina na luve i Isireli; e sega tale ni dua me curu i tuba, se curu i loma. 02 Oti qai kaya o Jiova (Yahweh) vei Joshua, Raica, au sa soli i Jeriko i na qeteqete ni ligamu, vata kei na nodra tui kei na nodra mataivalu. 03 O kemuni moni na wavokita na korolevu, oya o ira kece na tamata ni ivalu, moni qai taubale wavokita na korolevu, vaka dua e na dua na siga. Qori moni cakava tiko me ono na siga. 04 E vitu na bete me ra na tauri biukila tiko, me ra qai uvuca tiko e na mata ni kato; ia e na ikavitu ni siga, moni na qai tayabe wavokita na korolevu vakavitu, ia me ra qai uvuca na biukila o ira na bete. 05 E na qai yaco, ni ra uvuca na biukila, ni oni sa rogoca na voqa ni biukila, me ra kaila vata na tamata kece e na dua na kaila levu; qori era na qai bale kina vakadua i ra na bailalaga ni korolevu, me ra qai lako cake vakadodonu na tamata yadua mai na vanua era tu kina.

06 ¶ Oti a qai kacivi ira na bete o Josua na luve i Nuni, qai kaya vei ira, Ni laveta cake na kato ni veiyalayalati nei Jiova (Yahweh), qai lesia e vitu na bete me ra kauta tiko e vitu na biukila, me ra na uvuca tiko e na mata ni kato nei Jiova (Yahweh).

Josua 6: 1-6

E dua ga na leveni lailai, e na vakalevenitaka na ibuli tau­coko.

Kalatia 5:9

Laiva meda toboki ira na fokisi, na fokisi lalai era vakacaca tiko e na loganivaini, Baleta era se qai tutubu tiko mai na vua ni vaini.

Sere I Solomoni 2:15

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
77.	March 18	Deuteronomy 31-32	Luke 1:1-23

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Mate Nei Mosese (The Death of Moses).

Thought: Never Forget That Yahweh Cares, For He Is Long Suffering.

................................................................

Serving For The 15^th March, 2010

Sa qai cabe cake o Moshe mai na bucabuca ni vanua o Moabi, i na ulunivanua o Nibo, i na dela ni vanua veibasai kei Jeriko. O Jiova (Yahweh) a qai vakaraitaka vua na vanua taucoko o Qiliade vakadua i Dani, 02 o Nafitalai taucoko, kei na vanua nei Ifereimi kei Manasa, kei na vanua taucoko nei Yahuda, me yaco sara i na wasawasa na Meditereniyani, 03 e na ceva kei na bucabuca o Jeriko na korolevu ni niuniu, vakadua sara i Soa. 04 A qai kaya vua o Jiova (Yahweh), Oqori na veivanua au a bubuluitaka vei Avarahama kei Yisake kei Ya’akove, niu a kaya, Au na solia vei ira na nomu kawa: Au vakatara vei iko mo raica e matamu, ia o na sega ga ni lako sara kina. 05 ¶ A qai mate e keya o Moshe na dau ni veiqaravi nei Jiova (Yahweh) e na vanua o Moabi, me vaka na vosa i Jiova (Yahweh). 06 A qai buluti koya e na bucabuca ni vanua o Moabi, veidonui kei Beca-peora; ia e sega ni dua na tamata e kila na nona ibulubulu me yacova na mai siga nikua. 07 O Moshe e a yabaki dua na drau ruasagavu e na gauna a mate kina; ia na matana a sega ni bau buwawa, se salulu na kuli ni baluna. 08 Era a qai vakalolokutaka na mate nei Moses o ira na luvei Isireli e na bucabuca mai Moabi me tolusagavulu na siga: Oti a qai tini na veisiga a vakalolokutaki ka lolositaki voli kina o Moshe.

Na IVakarua 34:1-8

Me tekivu oqo, au sa vakarau tu meu mate, baleta sa voleka na gauna, meu lako kina. 07 Au sa vala oti e na ivalu vinaka, au sa ciciva oti na cere, kau se taura matua tu ga na noqu vakabauta. 08 Mai na gauna oqo, sa maroroi tu e na vukuqu e dua na isala vakatui ni yalododonu, e na qai lai solia vei au na noqu Turaga (Master) na daunilewa yalododonu, e na siga oya; ia e sega ni vei au duadua ga, vei ira talega era na taleitaka na Nona tadu mai.

2 Timoci 4:6-8

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
74.	March 15	Deuteronomy 26-27	Mark 15:1-26

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).