Na I Otioti Ni Vosa I Davide (The Last Words of David)

Thought: Last Words Are Important: Here are David’s and Yahshua’s

.....................................

Serving for the 11^th May, 2010

Oqo na iotioti ni vosa nei Davide. O Davide na luve i Jese tagane, o koya na lumuti, o koya e sa vakadeitaki na nona veiliutaki, o koya e a lesi i koya na Kalou (MIghty One) i Ya’akove, me daunisame kamikamica ni Isireli, 02 Na Yalo i Jiova a vosa e na gusuqu; ia na nona vosa sa toka qo e yamequ. 03 Na Kalou (Mighty One) i Isireli e kaya, O koya e vakaitamera duadua e Isireli e kaya vei au: O Koya e dauvakavulewa vei ira na tamata e dodonu me ra yalododonu, me liutaki ira era rerevaki Jiova (Yahweh). 04 O koya e na tautauvata kei na rarama ni mataka ni cadra na matanisiga, e na dua na mataka e sega na kena o; na mataka e galala mai na uca ia e vakavuna ga na kadre ni co. 05 E sega beka ni donu na noqu vale vei Jiova (Yahweh)? Baleta o koya ga a vakaduria vata kei au e dua na veidinadinati e tawamudu, e maqosa ka dei e na veika kece; baleta o koya oqori e na vakayacora na veika kece au gadreva kei na lewa kece au vakatauca. 06 Ia o ira na tamata era sega ni vakalou era vaka na votonikau kaukaua, baleta era na sega ni tarai rawa e na liga:

2 Samuela 23:1-6

“Ni sa sobuti kemudou oti na Yalo Tabu, dou na qai ciqoma na kaukaua; dou na qai Noqu ivaka­dinadina e Jerusalemi, e Jiudia raraba vata kei Samaria, me yaco i na mua yawa duadua kei vuravura.”

Cakacaka 1:8

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
131	May 11	2 King 1-3	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Wilivanua Mai Isireli E Sega Ni Tokoni (The Unsupported Census In Israel)

Thought: If Yahweh Approves, Do It With All Your Heart.

..................................

Serving For The 6th May, 2010

A qai tu o Setani me saqati Isireli, ni vakayarayarataki Davide me vakayacora e dua na wilivanua e Isireli. 02 Kaya o Davide vei Joabe kei ira na na nodra iliuliu na tamata, Lako, lai vakayacora e dua na wilivanua vei ira na Isireli, me tekivu mai Bia-shiba me yaco sara i Dani; qai lesu mai vei au, meu rawa ni kila na iwiliwili ni tamata. 03 Kaya o Joabe vei Tui Davide, Me vakadrautaki ira cake mada ga na kedra iwiliwili na nona tamata e na gauna oqo, o Jiova (Yahweh); ka laiva na mata ni noqu turaga (master) na tui me raica, baleta era nona dauniveiqaravi taucoko; na cava tale e via cakava kina na ka oqo na noqu turaga (master) na tui? 04 A qai yaco ga na nona vosa na tui vei Joabe. A mani lako o Joabe, me roboti Isireli taucoko oti qai lesu tale mai i Jerusalemi 05 A solia o Joabe na isoqoni ni kedra iwiliwili na tamata vei Davide. Na kedra iwiliwili na luvei Isireli e duanamilioni, duanadrau na udolu na tamata dau vakaiyaragi e na iseleiwau: ia o ira na Yahuda, era le vanadrauvitusagavulu na udolu na tamata, era dau vakaiyaragi e na iseleiwau. 06 O ira na Livai na bete kei ira na mataqali Beniyamini era a sega ni wili e na iwiliwili qo, baleta o Joabe a sega ni taleitaka na nona vosa na tui; a qai sega ni wiliki ira kina.

07 ¶ O Jiova (Yahweh) a rarawataka na ka oqo, baleta ni wiliki ira na Isireli o Davide. 08 Oti qai kaya o Davide vei Jiova (Yahweh), Au sa valavala ca dina vakalevu, niu cakava na ka oqo; ia qo, ni kauta laiva na ivalavala ca ni nomuni dauniveiqaravi; baleta au a cakava e dua na ivalavala lialia.

1 Veigauna 21:1-7

Nanuma qo: O koya e kabukaburaki vakamanini e na tatamusuki vakarauta ga, ia o koya e kabukaburaki vakalevu e na tatamusuki talega vakalevu. 07 Laivi ira na tamata yadudua me ra dui tausoli mai na lewa ni dui lomadra, ka me kakua ni vakavorakitaki se vakasaurarataki; baleta na Kalou (Yahweh) e taleitaki koya e dau solika e na yalomarau.

2 Corinthians 9:6-7.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
126	May 6	1 King 12-13	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Daunivakasala Nei Apisalome (Absalom’s Advisors)

Thoughts: When Negative Happens, Always Look At The Positive

...........................................

Serving For The 1^st May 2009

Era qai tukuna vei Davide, ni ra kaya, O Ahicofela rau sa bukivere tiko vata kei Ebasalome. Kaya o Davide, I Jiova (Yahweh) Au kerei kemuni moni vakatawayagataka na ivakasala kece nei Ahicofela. 32 Oti qai lako mai o Davide e na vanua e dau sokalou kina Vua na Kalou (Mighty One), raica, ni a lako tale ga mai me mai tavaki koya o Husai na Akaite ka sa kakadresudresu tu mai na nona kote qai qeleqelewa tu na uluna: 33 Kaya vua o Davide, Kevaka mo mai lako vata kei au, o na mai icolacola bibi ga vei au, 34 Ia kevaka mo lesu i na korolevu, lai kaya vei Ebasalome, Kemuni na tui, O au na nomu dauniveiqaravi baleta au a dauniveiqaravi tu e liu vei tamamuni. Ia qo, o au na tui, au vinakati iko mo lako mo dau lai vakatanitaka na ivakasala kece nei Ahicofela. 35 Raica, rau sa tiko qori kei iko mai na korolevu, o Sadoka kei Abaiyaca o rau na bete. Na vosa kece o rogoca ni tukuni e loma ni vale ni tui, oqori mo na vakadewataka vei rau o Sadoka kei Abaiyaca o rau na bete. 36 Raica ni rau tiko talega e keya vata kei tamadrau o rau na luvedrautagane oya o Ahimasa na luvei Sadoka vata kei Nacani na luvei Abaiyaca; o rau me rau na dau idewadewa mai vei au, ni itukutuku kece sara o rawa ni rogoca, 37 A mani curu lesu tale i na korolevu, o Husai, e na gauna vata a curu tiko kina i Jerusalemi o Ebasalome.

2 Samuela 15:31-37

Solia vei keimami na madrai me veirauti kei keimami, mai na dua na siga ki na dua tale na siga, 12 vosota na neimami ivalavala ca, me vaka keimami dau vosoti ira era caka ca vei keimami.

Maciu 6:11-12

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
121.	May 1	1 King 1-2	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Vakavunene Nei Ebasalome (The Rebellion of Absalom.)

Thought: We Need To See Yahweh In Every Event Once We Know Him

.................................

Serving for the 30^th April, 2010

A qai yaco ni oti e va na yabaki, ni a kaya o Ebasalome vua na Tui, Laivi au meu lako mada me lai vakayacora na noqu bubului vei Jiova (Yahweh) mai Hebroni; 08 Baleta na nomuni tamata a tauca e dua na bubului e na gauna a tiko kina mai Qesuri vata kei Arama, ni a kaya, Kevaka e kauti dina tale i Jerusalemi o Jiova (Yahweh), o au, au sa na qaravi Jiova (Yahweh). 09 Sa qai kaya vua na Tui, Lako e na vakacegu. Sa mani biubiu o koya me lako i Hebaroni. 10 Ia o Ebasalome a qai vakau yamata vuni i na loma ni veimataqali kece i Isireli qai kaya vei ira, Ni oni rogoca ga na domo ni davui, moni kacivaka sara, Sa veiliutaki vakatui mai Hebaroni o Ebasalome.11 Era a lako vata kei Ebasalome e ruanadrau mai Jerusalemi, ia era a lako ga vakasavasava; era a sega sara ga ni kila na bukivere sa navuci tu. 12 A qai talatala o Ebasalome, me lakovi o Ahicofeli na Qilonaiti na dau ni ivakasala nei Davide, me lai kau mai na nona korolevu o Qilo, e na gauna e vakacabo isoro tiko kina. Na bukivere a qai kaukaua cake; qai tubu cake tikoga kina na iwiliwili ni tamata era sa to tiko mai kei Ebasalome.

2 Samuela 15:7-12

Oqo na veika e kaya o Jiova (Yahweh) na nomu ivakabula o koya na Yalosavasava Duabulu kei Isireli, O au o Jiova (Yahweh) na nomu Kalou (Mighty One), au sa vakatavulici iko tiko mo kakua ni dau cakacala, kau liutaki iko tiko e na sala e dodonu mo dau muria.

Aisea 48:17.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
120.	Epereli 30	2 Samuela 23-24	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

O Ebasalome Na Luvei Davide (Absalom, David’s Son)

Thought: Our Children Reflect What Is In Our Hearts As Parents

........................................

Serving For the 29^th April, 2010

O Ebasalome a tiko mai Jerusalemi me yabaki rua, ia a sega vakadua ni raica na matana na tui. 29 A qai talatala o Ebasalome me lai lako mai o Joabe, me mai talai koya mada vua na tui; ia a qai sega ni via lako vua o koya; a mani talatala tale e na ikarua ni gauna ia a sega tiko ga ni lako mai vua. 30 Kaya sara o Ebasalome vei ira na nona dauniveiqaravi, Raica, e dua tiko na qele nei Joabe e toka volekata toka na noqu. Veitalia ga ke witi se barile, lako lai vakama yavu. Era mani vakama na vanua nei Joabe o ira na dauniveiqaravi nei Ebasalome. 31 Sa qai tu o Joabe me lako i na vale nei Ebasalome qai lai tarogi Ebasalome, Na cava era vakama kina na noqu vanua o ia na nomu dauniveiqaravi? 32 Sauma vei Joabe o Ebasalome, Raica, au a talatala yani mo lai lako mai, meu rawa ni mai talai iko vua na tui, mo lai taroga se cava au lai kau mai kina mai Qesuri? A vinaka cake vei au na noqu tiko voli mai keya; ia qo au sa via lai raica na tui, kevaka e tiko na noqu cala ia me vakamatei au sara o koya. 33 A mani lako vua na tui o Joabe, qai lai tukuna vua na vosa nei Ebasalome; qai kacivi Ebasalome; qai lako mai kina vua na tui o Ebasalome, cuva sobu e mata ni tui me tara na dela ni qele na matana; oti qai reguci koya na tui.

2 Samuela 14:28-33

Vakatavulica cake na gone e na sala e dodonu me dau muria; ia ni sa qase mai e na sega vakadua ni toso tani mai kina.

Vakaibalebale 22:6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
119.	Epereli 29	II Samuela 21-22	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Davide kei Bacisheba (David and Bathsheba)

Thought: David Suffered A Spiritual Erosion; Do We Have That Problem? Check!

Serving For The 27^th April, 2010

Ni sa cava na yabaki, na gauna era dau biuta kina na valenitui o ira na tui, o Davide a qai talai Joabe vata kei ira na nona dauniveiqaravi vata kei Isireli taucoko; era qai lai tuvaivalutaki Rabaca; ia o Davide a tikoga mai Jerusalemi. 02 A qai yaco e na dua na yakavi ni mata mai na nona loga o Davide, qai lai tabale voli e na delavuvu ni vale ni tui; ni a raica e dua na yalewa ni sisili tiko; na yalewa qo e rairai totoka vakaoti na kena irairai. 03 A qai talatala o Davide me lai vaqaqai mada mai na yalewa. Kaya e dua, Qori o Bacisheba na luvei Ahinami, na wati i Uraia na Hitaiti? 04 A mani tala e dua na dau ni kauitukutuku me lai kauti koya mai; a qai lako mai vua na yalewa, qai veiyacovi vata kei koya; ia e na siga sara ga oya a se qai vakasavasavataki koya kina mai na nona mate ni vula; oti qai lesu i nona vale. 05 A qai kunekune na yalewa, qai talatala me lai tukuni vei Davide; Au sa bukete.

06 ¶ Oti qai vakauta e dua na itukutuku vei Joabe o Davide, me kaya, Talai Uraia na Hitaiti mada mai vei au. A qai talai Uraia vei Davide o Joabe. 07 Ni sa yaco yani vua o Uraia, a qai tarogi Uraia o Davide se sa vakaevei o Joabe kei ira na tamata vata kei na ivalu. 08 Oti qai kaya o Davide vei Uraia, Lako sobu i na nomu vale mo lai savuya na yavamu. Biuta mai na valenitui o Uraia, qai muri i koya yani e dua na iloloma mai vua na tui. 09 Ia o Uraia a moce no ga e na katuba ni nona vale na tui, vata kei ira na dauniveiqaravi vua na nona turaga (master); e a sega ni lako i nona vale.

2 Samuela 11:1-9

Kevaka eda vakatusa na noda ivala­vala ca, o Koya e yalodina ka yalododonu, e na vosoti keda mai na noda ivalavala ca, ka vakasavasavataki keda mai na noda dukadukali kecekece.

1 Joni 1:9

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
117.	April 27	2 Samuela 17-18	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Vakasukai Na Kato (The Ark Restored)

Thought: Yahweh’s Rightful Place In Us, Must Be Maintained At All Times

............................

Serving For the 22^nd April, 2010

A qai tukuni vei Tevita na Tui; O Jiova (Yahweh) sa vakalougatataki Oba-idomi kei na veika kece e taukena o koya, e na vuku ni kato ni Kalou (Yahweh). Sa mani lako o Tevita qai lai kauta cake mai na kato ni Kalou (Yahweh) mai na vale nei Oba-idomi me kauta i na koro i Davide e na yalomamarau.13 A qai yaco ni ra sa kalawa oti vakaono o ira era colata tiko na kato ni Kalou (Yahweh), ni a cabora e dua luve ni bulumakau levulevu o Tevita. 14 O Davide a qai rubica na lagasere ni vakamolimoli e na mata i Jiova (Yahweh) e na nona igu taucoko; o Davide a daramaka tu e dua na efodi lineni. 15 Oti era qai kauta mai, o Davide kei ira keve na matavuvale i Isireli, na kato i Jiova (Yahweh) e na kaikaila kei na domo ni biukila. 16 Ia ni sa toso sivia mai na vale i Davide na kato i Jiova (Yahweh), o Malajeli na luve i Saula yalewa e rai tu mai na katubaleka, qai raici Davide na Tui ni mamarau tiko ka meke tiko mai e na mata ni kato i Jiova (Yahweh); qai tubu na nona sevaki koya e vuniyalona.17 Era qai kauta mai i loma na kato i Jiova (Yahweh), ka tauca e loma ni valelaca sa birika oti tu o Davide me na mai tu kina: oti qai vakacabora o Davide e dua na isoro kama kei na isoro ni tiko veisaututaki e na mata i Jiova (Yahweh).

2 Samuela 6:12-17

Laivi ira na yalododonu i Jiova (Yahweh) me ra tauca na nodra vakavinavinaka Vua, baleta na Nona yalololoma sa biuta tu vei ira na luve ni tamata! 22 Cabora vua na imadrali ni vakamolimoli ka vakalagilagitaki Koya o kemuni na Nona dauniveiqaravi, baleta ni Nona na veivakurabuitaki.

Same 107:21-22.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
112.	April 22	2 Samuela 4-6	..

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Duavata O Isireli (Israel United)

Thought: What Made David’s Success Was His Commitment to Yahweh

......................................

Serving For the 19^th April, 2010

Era qai soqo vata yani o ira kece na Isireli, vei Tevita mai Hebaroni, era qai kaya vua, Raica, o keimami qo, keimami nomu dra ka lewemuni talega e veiveigauna kece; 02 Kena ikuri, e na veigauna kece sa sivi, e na gauna mada ga a tui tiko kina vei keda o Saula, o kemuni ga oni a dau liutaki Isireli e na ivalu: a qai kaya kina vei kemuni o Jiova (Yahweh) na nomuni Kalou (Mighty One), O iko mo na vakani ira na noqu tamata o Isireli, o na liutaki ira kece na matayavusa o Isireli. 03 Qori era a qai lako mai kina o ira na qase ni Isireli vua na tui mai Hebaroni; a qai bukia vata kei ira o Tevita, mai Hebaroni e na mata i Jiova (Yahweh) e dua na veiyalayalati; era qai lesi i Tevita me Tui e Isireli raraba. Qo me qai yaco kina na vosa nei Samuela na parofita e a kaya e na vukui Jiova (Yahweh). 04 Sa qai lako o Tevita kei ira kece na Isireli i Jerusalemi (a dau yacana tu eliu o Jebusa) era tawana tu na Jebusaiti oya o ira na ivakatawa ni vanua. 05 Ia era kaya vei Tevita o ira na ivakatawa kei Jebusa, E sega ni rawa ni o lako mai i ke! Ia qori a sega ni via kila o Tevita, ni soqoni ira ga na tamata era qai taura na korolevu o Saioni, e vakatokai na korolevu i Devida.

1 Veigauna 11:1-5

Ni vosoti au mai Jiova (Yahweh) e na nomuni yalololoma: e na vakaitamera ni nomuni dau yalovinaka, ni bokoca laivi na noqu ivalavala ca. 02 Vakasavasavataki au vakaoti mai na noqu caka cala, ka quaraka laivi mai vei au na noqu ivalavala ca. 03 Au sa vakadinata na noqu dau talatalaidredre, baleta na noqu ivalavala ca matata vinaka tu e mataqu. 04 E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki ka qaqa na nomuni vakataulewa.

Same 51:1-4

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
109.	April 19	I Samuela 27-29	..

May the Names of Yahweh the Mighty One of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Muri I Jiova O Davide. (David Follows Yahweh)

Thought: Pay Attention To Yahweh; He Leads Us To Safety When In Distress

...................................

Serving For the 16^th April, 2010

O Davide a qai vosa lo e lomana; Kevaka au mani lutu i na liga i Saula e na dua na siga, qori e na sega ni vinaka vei au, e vinaka cake kina vei au meu dro i na nodra vanua na kai Filisitia; e na qai oca ga kina o Saula e na nona vaqarai au tiko e loma i Isireli; qori au na dro kina mai ligana. 02 A qai cavutu o Davide, qai toki yani, o koya vata kei na ononadrau vei ira na tamata era ilala vata tiko, vei Akishi na luve i Maaka tagane, na tui Qaca 03 A lai vakaitikotiko o Davide, vata kei Akishi mai Qaca, oya o koya, o ira na nona tamata kei ira na matavuvale nei Davide kei rau na watina ruarua, o Ainoami na yalewa ni Jesirieli kei Abiqeili na Kamelitesa na wati i Neibala. 04 A qai tukuni vei Saula ni sa dro i Qaca o Davide; qori qai tinia kina na nona vaqarai koya tiko. 05 Kaya o Davide vei Akishi, Kevaka au sa kunea na yalololoma e matamuni, laiva me ra solia vei au e dua na vanua e na dua vei ira na tauni e na vanua dravuisiga, meu lai vakaitikotiko kina; meu kakua kina ni mai tiko vata kei kemuni o au na nomuni dauniveiqaravi! 06 A qai soli i Sigikilaqi vua o Akishi e na siga oya. Qori era taukeni Sigikilaqi tu kina o ira na Tui Yahuda me yacova mai na siga nikua. 07 Na dede ni gauna a bula tiko kina o Davide e na nodra vanua na kai Filisitia, e dua na yabaki va na vula.

1 Samuel 27:1-7

We are distressed in every way, but not overwhelmed; we are harassed on all sides, but not conquered; 9 Persecuted, but not forsaken; cast down, but not destroyed;

2 Korinica 4:8-9.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
106.	Epereli 16	I Samuela 19-21	..

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Veivutuni O Tevita Ni Kotiva Na iSulu Nei Saula.(David Regretted Cutting Saul’s Robe)

Thought: There Is Always A Need To Honor Leadership

.................................

Serving For The 15^th April, 2010

A qai yaco ni lesu mai o Saula, mai na nona cemuri i ira laivi na kai Filisitia, ni a qai tukuni vua, Raica, o Tevita sa tiko qo mai Misiroca oya mai Qibaoca. 02 A qai kauta e tolunaudolu na tamata digitaki mai Isireli taucoko o Saula, era qai lako me ra lai vaqarai Tevita kei ira na nona tamata e na veiulunivanua ni me kila. 03 A qai yaco o koya e na dua na bai ni sipi e na batinisala era muria tiko, ka ni tiko kina e dua na qaravatu; a curu i na qaravatu o koya me lai davo mada kina; ia o Tevita kei ira na nona tamata era a tiko voli e na veibaba e yasa ni qaravatu oya. 04 Era kaya sara vei Tevita o ira na nona tamata, Raica, qo na siga a kaya kina vei iko o Jiova (Yahweh), Raica, au na solia na kemu meca i ligamu, mo cakava vua na ka o nanuma ni donu e matamu. A qai tu o Tevita, qai kotiva lo na bui ni isulu nei Saula. 05 Ia e muri a qai veivutunitaka o Tevita ni a kotiva laivi na bui ni isulu nei Saula. 06 A qai kaya o Tevita vei ira na tamata era tiko vata kei koya, O Jiova (Yahweh) e vakatabuya meu cakava na ka oqo vua na noqu turaga (master), na lumuti nei Jiova (Yahweh); e na noqu dodoka na ligaqu meu saqati koya, baleta o koya na lumuti nei Jiova (Yahweh). 07 A qai tarovi ira na nona tamata era a tiko vata kei koya o Tevita, e na nona cavuta na vosa oqori, qai sega ni vakatarai ira me ra saqati Saula. A mata cake o Saula mai na qaravatu, ka toso tale na nona ilakolako. 08 A tu talega me muri i koya o Tevita, mai na qaravatu, oti qai kacivi Saula ni kaya, Noqu turaga (master) na Tui. Ni rai lesu o Saula, a qai cuva sobu o Tevita me tara na qele na matana, ni vakarokorokotaki koya.

09 ¶ Kaya vei Saula o Tevita, Ni kakua ni rogoca na nodra vosa na tamata era kaya, Raica, o Tevita e segata tiko me vakamavoataki kemuni!

1 Samuel 24:1-9.

Vakarorogo vei ira na nomuni iliuliu vakayalo, talairawarawa vei ira; baleta e nodra itavi me ra ivakatawa yalodina ni nomuni bula; ka ni o ira era na saumi taro e na vukumuni. Laiva me ra vakayacora na nodra itavi e na yalomarau, sega e na yalorarawa, baleta qori e na sega na kena yaga vei kemuni

Iperiu 13:17.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
105.	Epereli 15	I Samuela 17-18	..

May the Names of Yahweh Mighty One of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).