Na Bula Ni iLiuliu (A Leader’s Life)

            Thought: Leaders Will Enjoy Life If They Lead Ethically And With Integrity.

 ''''''''''''''''''''''''''''''''''''''''''''''''

Serving For Yom Sheini, [Fourth Month] Tammuz 23, 5773

 MAI NA NEVI’IMI AKARONIMI (FROM THE NEVI’IM ACHRONIM)

Kakua ni lolositaki (o ira na tui) e e sa mate, kakua ni tagicaki koya (Yoshaiyahu). Ia tagicaki koya ga e a lako (i Ijipita), baleta o koya e na sega ni lesu tale mai me mai raica tale na vanua e kena itaukei. 11 Baleta oqo na ka e kaya o Yahuwe (YHWH) me baleti Shalumi na luvetagane i Yoshaiyahu na tui Ya'huda, o koya e a veiliutaki vakatui me sosomitaki tamana o Yoshaiyahu: O koya e sa biuta na vanua oqo, ka na sega ni lesu tale mai i ike; 12 Ia e na lai mate e na vanua era a colati koya kina vakabobula, ka na sega ni raica tale na vanua oqo, 13 Na leqalevu vei koya e tara na nona valenitui e na ivalavala tawadodonu, na kena tabavale e cake e na itovo veidabui; o koya e cakavi ira na wekana vakaitikotiko me ra cakacaka vua (sega ni saumi), ka ni sega sara ga ni solia vua na kena isau; 14 O koya e kaya, Au na tara e dua na noqu valenitui rabalevu, ka vaka tabavale cagicagina e cake, oti me qai tara na katubaleka kei na kena papa sitari, era qai boro damudamu/molimoli (vermilion).15 Na nomu sitari era na rawa ni daumaka vakaoti, ia qori e sega ni cakava mo tui vinaka o iko. E dina, [ni] o tamamu a kana ka gunu, ia o koya a cakava talega na ka e donu ka vinaka, qori a toso vinaka kina vua na veika kece.16 O koya e dau cuqena na veika me baleti ira na dravudravua kei na malumalumu; qori a qai toso vinaka kece kina vua na veika kece. E sega beka ni o koya oqori na ibalebale dina ni noqu kilai, e taroga o Yahuwe (YHWH).17 Ia na kena veibasai o iko, baleta na matamu kei na vuniyalomu sa lewa sara tu ga [ ka sa bobula sara tu ga] ni nomu kocokoco, na nomu gadreva mo vakadavea na dra e tawacala,   veivakasaurarataki kei na rawa ni ka vakailowa. 18 Qori e kaya kina vakaoqo o Yahuwe (YHWH) me baleti Yo'hoyakimi na luvetagane i Yoshaiyahu na tui Ya'huda: E na sega ni dua me na tagicaki koya, Oilei na tuakaqu! Se, Oilei na ganequ! E na sega ni dua me vakaloloku baleti  koya, Isa! Noqu turaga! Se, Isa! Na nona dokai!  19 O koya e na soli vua na veibulu e vaka ni bulu na asa; e na yarataki tani mai na matamata mai Yerushalayimi, qai lai kolotaki laivi [me vuca].

Yiremeyahu (Jeremaia) 22:10-19

NA IVAQA NI BULA (FOOD FOR THE SOUL)

Na gusu ni lialia e nona irusarusa, na nona veivosa era na coriti koya.

Mishlei (Vosa Vakaibalebale) 18:7

LOMANI YAHUWE NA NOMU KALOU (LOVE YHWH YOUR MIGHTY ONE

NA vakavinavinaka. Maivei Dawide. Au na vakacerecerei kemuni, kemuni na noqu na Kalou (Mighty One), na tui; Au na vakavinavinakataka na yacamuni me tawamudu ka sega ni mudu. 2 E veisiga kece au na vakavinavinaka tiko vei kemuni; Au na vakalagilagia  na yacamuni me tawamudu ka sega ni mudu. 3 E vakaitamera oYahuwe (YHWH) ka dodonu me vakaitamera talega na nona vakacaucautaki; Na nona vakaitamera e sega ni vakadeuci rawa. 4 Na itabatamata yadua e na vakacaucautaka na nomuni cakacaka vei ira era tarava; ka vakalagilagia na vakaitamera ni nomuni cakacaka. 5 Au na vakananuya na dokai kei na lagilagi ni nomuni sau (majesty) kei na italanoa ni nomuni cakacaka lelevu  veivakurabuitaki. 6 Na tamata era na veitukutukunitaka  na vakaitamera ni nomuni kaukaua, o au, au na tusanaka wavoki na nomuni cakacaka lelevu. 7 Era na dau veitalanoataka vakalevu me ra vakananuma na ilevu ni nomuni vinaka, era na qai seretaka na nomuni yalododonu. 8 O Yahuwe (YHWH) e dauloloma ka dauyalovinaka; e berabera na nona  vakacudrui ia e vakaitamera vua na loloma. 9 O Yahuwe (YHWH) e vinaka [vei keda] kece; na nona yalololoma e tau no vei ira kece na kabuli.

10 ¶ O ira kece na nomuni kabuli era na vakavinavinaka vei kemuni, i Yahuwe (YHWH) kei ira kecekece na nomuni dauveiqaravi yalodina era na vakacaucautaki kemuni. 11 Era na vosa vakacaucautaka na dokai ni nomuni veiliutaki vakatui, era na veitukunayaki talega na nomuni kaukaua; 12 Me ra vakarogoya raraba me kilai na nomuni kaukaua kei na dokai ni sau ni nomuni veiliutaki vakatui.  13 Na nomuni veiliutaki vakatui e dua na veiliutaki vakatui tawamudu, na nomuni veiliutaki e na tudei tu e na veitabatamata kece sara. 14 O Yahuwe (YHWH) e tabei ira kece sara era lutu, ka vakamatari ira cake o ira era sa cuva sobu tu. 15 Na mata kece sara era wanonovi kemuni tiko yani; oni na solia na kedra kakana e na kena gauna dodonu. 16 Oni dedeka na ligamuni, oni qai vakaceguya na nodra gagadre ni veika bula kece sara. 17 O Yahuwe (YHWH) e yalododonu e na nona ivalavala kece sara ka sinai e na yalololoma e na veika kece e cakava. 18 O Yahuwe (YHWH) e toka voleka vei ira kece, o ira era kacivi koya e na yalodina. 19 O koya e na vakayacora na nodra gagadre o ira era rerevaki koya; e rogoca na nodra tagi qai vueti ira. 20 O Yahuwe (YHWH) e taqomaki ira kece era lomani koya, ia o ira era dau valavala ca o koya e na vakawabokotaki ira. 21 Na gusuqu e na tusanaka na vakavinavinakataki i Yahuwe (YHWH); na tamata kece era na  vakacaucautaka na yacana tabu me tawamudu ka sega ni mudu.

Tehillim (Same) 145:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 282 in 5773 (Total 2010)	July 1, 2013
Reading	Hebrew Date
M’lakhim Bet (2 Kings) 13-14	M #4: Tammuz 23, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.  May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veiliutaki (Leadership).

Thought: Righteousness Is Fundamental In Leadership.

................. 

Serving For Yom HaShishi, Elul 27, 5772

MAI NA NEVI’IMI RISHONIMI (FROM THE NEVI’IM RESHONIM)

Oqo na iotioti ni vosa nei Dawide. O Dawide na luve tagane i Yishai, o koya na lumuti, o koya sa vakadeitaki na nona veiliutaki, o koya e a lesi i koya na Kalou (Mighty One) i Ya’akove, me daunisame kamikamica ni Yisira'yili, 2 Na Yalo i Yahuwe (YHWH) a vosa e na gusuqu; ia na nona vosa sa toka qo e yamequ. 3 Na Kalou (Mighty One) i Yisira'yili, na Kalou i Yisira'yili a vosa vei au; O koya e vakaitamera duadua e Yisira'yili e kaya vei au; O koya e dauvakavulewa vei ira na tamata e dodonu me (dau) yalododonu, ka me liutaki ira era vakarokorokotaki Yahuwe (YHWH). 4 O koya e na tautauvata kei na rarama ni mataka ni cadra na matanisiga, e na dua na mataka e sega na kena o; na matakalailai e galala mai na uca ia e vakavuna ga na kadre ni co. 5 E sega beka ni donu na noqu vale vei Yahuwe (YHWH)? Baleta o koya ga a vakaduria vata kei au e dua na veidinadinati e tawamudu, e maqosa ka dei e na veika kece; baleta o koya oqori e na vakayacora na veika kece au gadreva kei na lewa kece au vakatauca. 6 Ia o ira na ca vakaoti, era vaka na votonikau kaukaua, baleta era na sega ni soqoni rawa e na liga; 7 Ni toro volekati ira e dua na tamata, e na vakasoqoni ira e na dia ni dua na matau kaukamea; era qai visa vakaidina e na bukawaqa e na vanua vata ga oya.

Samuela (Sh’mu’yl Bet) 23:1-7

NA IVAQA NI BULA (FOOD FOR THE SOUL)

Vagolea na vuniyalomu i na  vuli, kei na daligamu i na kilaka.

Vosa Vakaibalebale (Mishlei) 23:12

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na ilagalaga ni Kakua ni Vakarusa (Do not destroy). Maivei Dawide, Na nona vakabauta vuni (Mikhtam). 2(1) O kemuni beka oni dau vosa e na yalododonu? O kemuni beka oni dau vakatulewa vakadodonu, kemuni na luve ni tamata?  3(2) Raica, o kemuni kece oni dau vosa ga e na veika vakasisila e vuravura; na ligamuni sa vakadukadukalitaki tu e na vakatulewa vakatawadodonu; 4(3) O ira na tawadodonu era se kilai sara mai loma ni katonigone; era lako sese mai na gauna ga era sucu oti kina, baleta na vosa lasulasu. 5(4) Na nodra gaga e tautauvata kei na  weli ni gata (serpent); era vaka na gata (adder) didivara, e sogota na daligana; 6(5) E na sega ni via rogoca na domona o koya e vakasolokakana, se rogoci ira  era dau veivakalasai se vei ira era vuku.

7(6) ¶ Vorolaka na batidra e loma ni gusudra kemuni na Kalou (Mighty One); cavuta laivi na bati sika ni laione, i Yahuwe (YHWH). 8(7) Laiva me ra besetaki me vaka na wai sa vakadukari, Laiva na Kalou (Mighty One) me vanataka tiko na nona gasau ni dakaititi me yacova ni ra sa rusa na daucaka ca. 9(8) Me vaka na kadrala e waicala qai titiri e na yame ni buka; laivi ira me ra vakarusai; na bukawaqa sa lulutu mai lomalagi era qai sega ni raica; na rarama ni dina sa soli oti, era sega ni kilakasamataka. 10(9) Laiva na votodra me vakalevutaki, kei na domobulataki ni leva waromisa me yavalati ira vakaukaua sara; 11(10) O koya e yalododonu e na marau ni raica na veisausaumi, e na savuya na ligana e na nodra dra na daucaka ca.12(11) Qori e na qai kaya kina e dua na tamata, E dina ga ni tiko e dua na icovi me nona o koya e yalododonu; e ka dina ni tiko e dua na Kalou (Mighty One) o koya e dauvakatulewa e vuravura.

Same (Tehellim) 58:1(0)-12(11)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 257 o/o 1718	September 14, 2012
Reading	Hebrew Date
Tehellim (Same) 83-85	Elul 27, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

So Tale Na Daunilewa. (More Judges)

Thought:  Some People Become Undisciplined Without Leadership

 .......................

Serving For Yom HaShishi, Tammuz 9, 5772

MAI NA NEVI’IMI RISHONIMI (FROM THE NEVI’IM RESHONIM)

Oti oya, o ira na tagane ni Ifira'yimi, era qai sosoqoni vata, ka lako vaka i na vualiku, era qai lai kaya vei Yifitaka, Na cava na vuna o takoso kina mo lai valuti ira na luve i 'Amoni, ia o qai sega ni kacivi keimami me keimami mai lako vata kei iko? Qo keimami sa na vakama na nomu vale e delamu. 2 Kaya o Yifitaka vei ira, Isa kemuni na tagane!  O au kei ira na noqu tamata keimami a veileti kei ira na luve i 'Amoni; ia niu a kacivi kemuni, oni a qai sega ni mai vueti au mai ligadra. 3 E na gauna au sa raica kina ni sega ni dua e na vueti au, au a mani bolemate au qai takoso meu lai valuti ira na luve i 'Amoni; o Yahuwe (YHWH) a qai soli i ira i ligaqu; ia qo na cava oni sa qai mai saqati au kina e na siga edai, moni mai valuti au? 4 Qori a qai vakasoqoni ira vata kina na itaukei kei Qili'ade o Yifitaka, me ra valuti ira na Ifira'yimi; o ira na tagane ni Qili'ade, era qai mokuti ira (vinaka) na tagane ni Ifira'yimi, baleta era a kaya, O kemuni na Qili'ade oni tautauvata ga kei ira era dau vakasevaki e kedra maliwa na Ifira'yimi, ka ni dau vunitaki ira (e na gauna ni vala) e kedra maliwa na mataqali i Ifira'yimi kei na Ma'nashe. 5 O ira na tamata ni  Qili'ade era qai lai vesuka ka sogota laivi na veivutovuto (fords) ni Yaradani, era taukena na Ifira'yimi; ia ni ra lako yani o ira na vakasevaki ni Ifira'yimi era via takoso i tai kadua, era na tarogi ira o ira na  Qili'ade, O iko beka mai Ifira'yimi? Ke kaya o koya, Sega; 6 Era na qai kaya vua, Cavuta mada Shiboleta oti me qai kaya o koya Siboleta; baleta ni sega ni cavuta rawa vakadodonu. O ira era na qai vesuki koya ka vakamatei koya e na vutovuto ni Yaradani; era bale e keya e na gauna oya e vasagavulunaudolu na tamata ni  Ifira'yimi. 7 O Yifitaka a qai daunilewa tiko mai Yisira'yili me ono na yabaki. Oti a qai mate o Yifitaka na tamata mai Qili'ade; ia a qai bulu toka ga e na dua na nona korolevu mai Qili'ade.

8 ¶ Oti o koya, qai daunilewa tarava koya mai Yisira'yili o Ibizani mai Beiti-Lekema. 9 O koya era le tolusagavulu na luvena tagane; ka le tolusagavulu na luvena yalewa, ia o ira na luvena yalewa e tolusagavulu a soli i ira me ra lai vakamau e taudaku ni nona mataqali, ka kauta mai e tolusagavulu na vugona mai taudaku. E a daunilewa mai Yisira'yili o koya me vitu na yabaki. 10 Oti qai mate o Ibizani, qai bulu tu mai Beiti-Lekema. 11 Taravi koya mai o Eloni, e dua vei ira na Ze'vuluni, ka daunilewa mai Yisira'yili o koya me tini na yabaki. 12 A qai mate o Eloni mai Ze'vuluni, qai bulu toka qori mai Ayaloni e na vanua i Ze'vuluni. 13 Taravi koya, me daunilewa mai Yisira'yili o Avadoni na luve i Hileli, mai  Pira'toni. 14 O koya era le vasagavulu na luvena tagane, ka ra le tolusagavulu na makubuna tagane, era dau vodoka  e vitusagavulu asa tagane; o koya e a daunilewa mai Yisira'yili me walu na yabaki. 15 Oti sa qai mate o Avadoni na luve i Hileli mai Pira'toni, qai bulu toka ga mai Pira'toni e na vanua i Ifira'yimi, e na nodra ulunivanua na Amaleki.

Dauniveilewai (Shof’tim) 12:1-15

NA IVAQA NI BULA (FOOD FOR THE SOUL)

Na vosa mai na gusu ni dua na tagane e vaka na wai titobu; ia na ivurevure ni vuku e vaka na waidrodro lalai. 5 ¶ E sega ni vinaka me dokai na tamata e na kedra maliwa na ca, se na vakatanitaki ni lewadodonu me ra saqati kina na yalododonu.

Vosa Vakaibalebale (Mishlei) 18:4-5

LOMANI YAHUWE NA NOMU KALOU (LOVE YHWH YOUR MIGHTY ONE)

Haleluya; baleta e ka vinaka me lagati na vakavinavinaka vua na noda Kalou (Mighty One); baleta ni kamikamica; kei na vakavinavinaka e kilikili. 2 O Yahuwe (YHWH) a tarai Yerushalayimi cake; qai soqoni ira vata na Yisira'yili era duitutu. 3 E vakabulai ira e ramusu tu na yalodra, ka vadretitaka na nodra mavoa. 4 E wilika na kedra iwiliwili na kalokalo, ka dau kacivi ira e na dui yacadra. 5 E vakaitamera na noda Sau, ka vakaitamera na nona lewa (power); na nona kilaka e sega ni vakaiyalayala. 6 O Yahuwe (YHWH) e dau laveti ira cake na yalomanoa (meek); ka vaka loloviratataki ira na daucakaca i dela ni qele. 7 Lagalaga sere vei Yahuwe (YHWH) e na vakavinavinaka; laga sere ni vakamuduo vata kei na hapi vua na noda Kalou (Mighty One), 8 O koya e tabonaka na lomalagi e na o, e solia na uca me tau e vuravura ka  vakatubura na co e na veiulunivanua. 9 O koya e solia vei ira na bulumakau na kedra kakana, ka vaka kina vei ira na luve ni reveni ni ra tagi. 10 E sega ni doka o koya na nodra kaukaua na ose; ka sega ni doka o koya na yava ni tamata qaqa. 11 O YHWH e taleitaki ira era rerevaki koya, kei ira era vakanuinui i na nona yalololorna.

12 ¶ Vakamuduo vei Yahuwe (YHWH) i Yerushalayimi; Vakavinavinaka vua na nomu Kalou (Mighty One) i Saiyoni. 13 Baleta ni sa vakaukauataka o koya na samugakagaka ni nomu matamata; ka sa vakalougatataki ira na nomuni lalai e na kemuni maliwa.14 E veivakameautaki e loma ni nomuni vanua, ka vakamamautaki iko e na witi vinaka vakaoti. 15 E tala yani i vuravura raraba na nona ivunau; na nona vosa e cici vakatotolo dina. 16 E solia mai na uca cevata era vaka na vutinisipi; ka ceburaka na tegu cevata me vaka na dravusa. 17 E vakatauca na wai cevata me vaka na meme ni kakana; o cei e rawa ni vosota na kena liliwa? 18 E vakauta yani na nona vosa o koya, me vakawaicalataki ira; e vakavuna na nona cagi me liwa kei na wai me drodro. 19 A tukuna na nona vosa vei Ya'akove, na nona ivunau kei na nona lewa vei Yisira'yili. 20 Ia e sega ni cakava oqori vei ira na veimatanitu kecekece; kei na nona lewa e sega ni bau vakatakila vei ira; Haleluya.

Same (Tehellim) 147:1-20

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 180 o/o 1640	June 29, 2012
Reading	Hebrew Date
Yirmeyahu (Jeremaia) 37-38	Tammuz 9, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Dua Tale Na Iliuliu Vou (Another New Leader)

Thought:  Good And Solid Leadership Brings Freedom And Stability

....................... 

Serving For Yom Shlishi, Tammuz 6, 5772

MAI NA NEVI’IMI RISHONIMI (FROM THE NEVI’IM RESHONIM)

E na gauna oya o Yifitaka, e dua na tamata kaukaua ka qaqa a bula tiko mai Qili'ade ia o koya e luvena e dua na saqamua-saumi; ia o Qili'ade ga a vakatuburi Yifitaka. 2 Na wati i Qili'ade a vakasucuma vua na luvena tagane, ia ni ra sa tubu levu mai o ira na luve tagane i watina, era qai cemuri Yifitaka, ni ra kaya vua, O koya me kakua ni vakaiwasewase e na vale i tamadatou, baleta o koya e luvena e dua na yalewa tani. 3 Qori a qai dro kina mai vei ira na tacina, o Yifitaka, qai lai vakaitikotiko e na vanua o Tova; e keya era a ilala tu i Yifitaka na tagane tawayaga, era qai dau lai butako (raid) vata voli kei koya.

4 ¶ A qai yaco e na dua na gauna ni ra a valuti ira na Yisira'yili o ira na luve i 'Amoni. 5 Ni ra sa valuti ira tiko na luve i Yisira'yili o ira na luve i 'Amoni, era qai lako na matua ni Qili'ade, me ra lai kauti Yifitaka mai, mai na vanua o Tova; 6 Era kaya vei Yifitaka, Lako mai, mo mai liutaki keimami, me rawa ni da valuti ira na luve i 'Amoni. 7 Kaya o Yifitaka vei ira na matua ni Qili'ade, Oni a sega beka ni cati au, oni qai cemuri au laivi kina mai na vale i tamaqu? Na cava oni sa lakovi au tale mai kina qo ni oni sa tu leqaleqa tu? 8 Era kaya o ira na matua ni Qili'ade vei Yifitaka, Qori ga na vuna keimami lakovi iko mai kina e na gauna oqo, mo mai lesu vata kei keimami me da lai valuti ira na luve i 'Amoni, ka mo sa iliuliu vei ira kece era vakaitikotiko mai  Qili'ade taucoko. 9 Kaya o Yifitaka vei ira na matua ni Qili'ade, Kevaka oni  kauti au lesu meu me lai valuti ira na luve i 'Amoni, oti qai soli i ira e mataqu o Yahuwe (YHWH), (o kemuni beka oni na cakava) meu sa nomuni turaga? 10 Era sauma o ira na matua ni Qili'ade, vei Yifitaka, O Yahuwe (YHWH) sa na ivakadinadina e na keda maliwa, kevaka keimami sega ni cakava me vaka na nomu vosa. 11 A mani sala vata kei ira na matua ni  Qili'ade o Yifitaka; o ira na tamata era a qai buli i koya me nodra turaga ka nodra iliuliu me dau vakavulewa vei ira; O Yifitaka a qai dau cavuta na nona vosa kecekece e na mata i Yahuwe (YHWH) mai Mizipaa.

12 ¶ O Yifitaka a qai tala eso na dau kauitukutuku vua na nodra tui na luve i 'Amoni, me lai tarogi vua, Na cava beka daru veiletitaka tiko, o lako mai kina oqo vei au mo mai vala e na loma ni noqu vanua? 13 Kaya na nodra tui na luve i 'Amoni vei iratou na dau kauitukutuku i Yifitaka, Baleta o ira na luve i Yisira'yili, era a mai kauta laivi na noqu vanua e na gauna era a biubiu kina mai na vanua  Ijipita, me tekivu mai Aranoni, ka kauta vakadua i Yaboka kei na Yaradani; o koya oya mo vakasuka kece mai kina na vanua kece oqo e na yalo ni veisaututaki. 14 O Yifitaka a vakauta tale e dua na ivola e ligana e dua na dau kauitukutuku vua na nodra tui na luve i 'Amoni; 15 Ni kaya vua, Oqo na ka e kaya o  Yifitaka, O Yisira'yili a sega ni taura vakailowa na vanua nei Mo'ave, se na nodra vanua na luve i 'Amoni, 16 E na gauna era a biubiu kina mai na vanua o Ijipita o ira na luve i Yisira'yili;  o Yisira'yili, a vakamuria tiko ga mai na sala e na vanua liwa me yaco sara i na Wasa Sufa, me ra yaco i Kadesha; 17 O Yisira'yili a qai tala eso na dau kauitukutuku vua na tui Idomi, me lai kerea,  Vakadonuya vei keimami me keimami takosova na nomuni vanua; ia na tui Idomi a sega ni via rogoca. Era a talatala talega vua na tui Mo'ave o ira, ia a sega ni vakadonuya o koya; era sa mani tiko voli ga mai Kadesha o ira na Yisira'yili. 18 Oti era qai toso, ia era a vakamuria tikoga na vanua liwa, me ra wavokita na vanua o Idomi, kei na vanua o Mo'ave; oti era qai lai keba toka e na yasa ni Aranoni kadua, ia era a sega ga ni curuma na vanua o  Mo'ave; (e dina ga) ni o  Aranoni e toka e na iyalayala ni vanua o Mo'ave.

Dauniveilewai (Shof’tim) 10:1-18

NA IVAQA NI BULA (FOOD FOR THE SOUL)

O koya e maninitaka na nona vosa e tu vua na kilaka; ia o koya e dauvosota, e tamata vuku. 28 Na lialia mada ga ni toka vagagalu e na nanumi ni vuku; ia o koya e qamuta tiko na gusuna, e wili ni tamata yalomatua.

Vosa Vakaibalebale (Mishlei) 17:27-28

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. E vakacaucautaki o Yahuwe (YHWH) na noqu kaukaua, o koya e a vakatavulica na ligaqu me dau vala, kei na iqaqalo ni ligaqu e na veiqedravu; 2 Na noqu idrodro kei na noqu ivakabula; e noqu itataqomaki ka noqu dauniveivukei, vua au biuta tu na noqu  inuinui, o koya e rawai ira na veimatanitu e rukuqu. 3 I Yahuwe (YHWH), na cava na tamata, moni vakilai koya kina? Se na luve ni tamata moni vakasamataki koya kina! 4 Na tamata e vaka wale na cawa; na nona veisiga e vaka wale na iyaloyalo e tavali. 5 Loveca na nomuni lomalagi i Yahuwe (YHWH), ka sobu mai; vosataka na veiulunivanua, era na qai kubou yani. 6 Cokataka yani na yaseyase ka ceburaki ira; vanataka na nomuni gasau ni dakaititi ka vakarusai ira. 7 Dodoka mai na ligamuni mai cake; vueti au mai na wai vakaitamera, mai na ligadra na cacalaivi; 8 Era dau cavuta e gusudra na vosa lasutaki; na ligadra i matau ni lasulasu. 9 Au na lagata e dua na sere vou vei kemuni, kemuni na Kalou (Mighty One); e na soliteri kei na iyaya ni qiriqiri wa tini au na lagata na sere ni vakamuduo vei kemuni. 10 O koya sara ga e na solia na veivueti vei ira; o koya e a vakabulai Davide na nona dauniveiqaravi mai na seleiwau mosimosi. 11 Sereki au mai na ligadra na ca vakaoti, era dau kaya na vosa lasu mai gusudra, kei na liga imatau, na liga imatau ni veika lasutaki. 12 Me rawa kina vei ira na luvei i keimami tagane me ra tubu cake me vaka na veivunikau e na nodra gauna ni cauravou; kei ira na luve i keimami yalewa, me ra vaka na yalewavou era ukutaki tu e na kena ivalavala e loma ni valenisoro: 13 Kei na neimami lololo me ra na sisinai ka vuabale; kei ira na neimami sipi me ra vakaluvea vakalevu e na neimami gaunisala; 14 Kei ira na neimami bulumakau me ra kaukaua, ka sega ni dua e yava  e na kedra maliwa; ka na sega na butako, ka sega na vakaloloku e na neimami gaunisala. 15 Era mamarau o ira na tamata e tu vei ira na veika kece oqo; io era na mamarau na tamata, ni nodra Kalou (Mighty One) o Yahuwe (YHWH).

Same (Tehellim) 144:1-15

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 177 o/o 1637	June 26, 2012
Reading	Hebrew Date
Yirmeyahu (Jeremaia) 31-32	Tammuz 6, 5772
Click The Bible Text To Read It In Gateway In Another Language Or Version

              

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veiliutaki (Leadership)

Thought: Yahweh Will Protect His People Wherever They Are

 ....................

Serving For Yom Shlee-shee, Av 9, 5771

A qai yaco maivei au na vosa i Yahuwe (YHWH) ni kaya,15 Luve ni tamata, o ira na tacimu, io o ira na tacimu, bau kina o ira na nomu kawa era nomu kaivesu tiko kei ira kece  na matavuvale i Isira'yili, era na vakawabokotaki kece vakadua, baleta o ira na kai Yerusalayimi era a kaya vei ira, Ni dro yawa mai vua na Kalou (YHWH); baleta na qele qo a soli vei keimami me neimami iwasewase. 16 O koya oqo mo kaya kina, Oqo na ka e kaya o Yahuwe na Kalou (YHWH Mighty One); Au na kolotaki ira laivi i na kedra maliwa na kai Veimatanitu tani, au na kaburaki ira vakayawa sara i na veivanua, ia veitalia qori, au na nodra itataqomaki tikoga e na veivanua kece era na dui lako kina. 17 O koya oqori mo kaya kina, Oqo na ka e kaya o Yahuwe na Kalou (YHWH Mighty One), Au na vakasoqoni kemuni mai na kedra maliwa na tamata, ka soqoni kemuni laivi mai na veivanua oni a lai kaburaki tu kina, au na qai solia vei kemuni na vanua o Isira'yili.18 Era na qai lako yani i keya, era na talaraka laivi mai keya na veimatakau kei na vei itovo vakasisila 19 Au na qai solia vei ira e dua na vuniyalo vou, kau na biuta e lomadra e dua na icegu vou; meu kauta laivi mai lewedra na vuniyalo vatu, ka sosomitaka e na vuniyalo vakalewe.

Isikeli (Yechezk’yl)11:14-19

NA Kalou (Mighty One) e noda itataqomaki ka noda kaukaua; na dauniveivuke e dau tu voleka e na veigauna ni leqaleqa. 2 Oni dau tu vata kei keimami e veigauna kece; qori keimami na sega ni taqaya kina, ke uneune na vuravura ka sasakurekure na veiulunivanua me yaco i na uto ni wasaliwa; 3 Ke mani vavadugudugu na wai ka seuseua, ke mani yavala na ulunivanua e na kena kaukaua. 4 E tiko e dua na uciwai, na kena soniwai e vakamarautaka na korolevu ni noda Kalou (Mighty One), na tikina tabu e na itikotiko nei koya e Cecere taudua (YHWH Ylyon).5 Na Kalou (Mighty One) e tiko e na kedra maliwa; o koya e na sega vakadua ni yavalati; Na Kalou (Mighty One) e na vukei koya e na mataka lailai sara.

Same (Tehellim) 46:1-5

Siga (Day)/Blog	Tikinisiga (Date)
220/Blog No. 1360	August 9, 2011.
Reading	Hebrew Date
Same (Tehellim) 85-87	Av 9, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.