Na Pi'lishitimi Mai Kafato (The P'lishtim From Kaftor)

Thought: The P'lishtim In Coastal Cities Will Be Destroyed

.................... 

Serving For Yom Sheini, [Sixth Month] Elul 13, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na vosa oqo i Yahuwe (YHWH) a lako mai vei Yiremeyahu na parofita, me baleta ira na Pi'lisitimi, ni se bera ni kabai 'Aza o Fero: 2 Oqo na ka e kaya o Yahuwe (YHWH);   Na wai sa tubu tiko mai na vualiku; e na qai yaco me dua na soniwai dobui,  me luvuca na vanua, kei na veika kece era tu kina; na korolevu kei ira era vakaitikotiko kina. O ira na tamata era sa kaikaila tiko mai e na domobula, na tamata kecekece era sa tagitagi tiko, 3 E na vavadugudugu ni yavadra na nodra ose, kei na karakaraivesa ni yava ni nodra qiqinivala. O ira na tama era sega ni vuki lesu rawa vei ira na luvedra; baleta sa wadamele tu na ligadra, 4 Baleta sa yaco mai na siga me ra sa vakarusai kina vakadua o ira na  Pi'lisitimi, baleta na nodra a muduki ira laivi mai Zoa kei Zaidoni o ira kece era iotioti me ra to vata; baleta o Yahuwe (YHWH) sa vakarusai ira tiko na Pi'lisitimi, o ira na vo vo mai na yanuyanu o Kafato. 5 O 'Azaa sa koti pori [ia] o Ashekaloni sa vagalui. O kemuni oni se vo tiko e na loma ni nodra bucabuca, e na vakacava soti na dede ni nomuni vakamavoataki kemuni tiko vakataki? 6 Isa, na seleiwau i Yahuwe (YHWH), e na vakacava beka na kena dede, o na qai rawa ni vagagalu kina? Biuti iko lesu tale i na nomu itutu (scabbard)! Toka vakadua! 7 E na rawa vakacava na toka vakadua? O Yahuwe (YHWH) sa solia oti na kena  lewa me saqati o Ashekaloni, kei [na vei koro lelevu ni] baravi; o koya e sa lesia na veika me cakava mai keya.

Yiremeyahu (Jeremaia) 47:1-7

NA IVAQA NI BULA (FOOD FOR THE SOUL)

O koya e vaqara na yalododonu, kei na yaloloma e na kunea na bula, na vutuniyau kei na dokai. 22 ¶ Na tamata vuku e rawa ni kabaa na nodra korolevu na qaqa, qai vakacacana na kena kaukaua, e toka kina na nodra inuinui.

Mishlei (Vosa Vakaibalebale) 21:21-22

LOMANI YAHUWE NA NOMU KALOU (LOVE YHWH YOUR MIGHTY ONE

Lako mai, kemuni na lalai, vakatudaliga mai vei au, au na vakatavulici kemuni, na nona rerevaki o Yahuwe (YHWH). 13(12) O cei vei kemuni e taleitaka na bula? O cei e vinakata na bula balavu me raica na veika vivinaka? 14(13) [Kevaka o iko o dua], ia taqomaka na yamemu mai na [ivalavala] ca, kei na tebenigusumu mai na veitalanoa e veivakacalai.

15(14) Vakanadakuya na [ivalavala] ca ka dau caka vinaka; vaqara na sautu (peace) qai guta mo rawata. 16(15) Na yalokanimata i Yahuwe (YHWH) e dau wanonovi ira tu na yalododonu, na daligana e dau dola tu [me rogoca] na nodra tagi. 17(16) Na mata i Yahuwe (YHWH) e saqati ira era [dau valavala] ca, me muduka laivi na nodra nanumi mai vuravura. 18(17) Ni ra tagi yani [na yalododonu], e na rogoca o Yahuwe (YHWH), qai vueti ira mai na nodra veileqaleqa taucoko. 19(18) O Yahuwe (YHWH) e tu volekati ira sa ramusu tu na vuniyalodra; o koya e na vakabulai ira e lauqaqi (crushed) tu na vuniyalodra. 20(19) Na tamata yalododonu e na sotava e levu na [ivalavala] ca; ia o Yahuwe (YHWH) e na vueti koya mai vei ira kecekece. 21(20) E maroroya tu na suidra kece sara; e sega vakadua ni dua vei ira e  na ramusu. 22(21) Na [ivalavala] ca e na vakamatei ira na tamata ivalavala tawakilikili, kei ira era dau cati ira na yalododonu, era na vakarusai. 23(22) O Yahuwe (YHWH) sa voli i ira lesu na nona dauniveiqaravi; e sega vakadua ni dua e [kunea qai] taura na nona taqomaki mai vua, e na vakarusai.

Tehillim (Same) 34:12-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.331 in 5773 (Total 2058)	August 18, 2013
Reading	Hebrew Date
Yirmeyahu (Jeremiah) 21-22	M #6: Elul 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Leqa Na iVakasala. (Advises Foiled)

Thought: Those Who Wanted To Kill YHWH’s Chosen, Died Instead

 ...................

Serving For Yom HaShishi, Elul 20, 5772

MAI NA NEVI’IMI RISHONIMI (FROM THE NEVI’IM RESHONIM)

O Akitofela a qai kaya tale vei Avishalome, Laiva vei au meu digitaka e tinikarua na udolu na tagane, au na cavutu meu vaqarai Dawide e na bogi oqo. 2 Au na toboki koya e na gauna e se ceguoca ka gogo tu kina, au na qai vakavuna vua me lomaocaoca, ia o ira na tamata era na dro mai vua, oti au na qai vakamatea duadua ga na tui. 3 Au na qai kauti ira kece mai na tamata vei iko; me vaka na nodra a lako mai vei iko o ira o a vinakati ira; era sa na tu vakacegu tale kina na tamata. 4 Na ivakamacala oqo a vakamarautaki Avishalome, ka marautaki tale ga mai vei ira na matua ni Yisira'yili.  5 Oti qai kaya o Avishalome, Me kacivi talega mai o Hushai na Araki, meda mai rogoca talega se cava e na kaya o koya. 6 Ni lako mai o Hushai vei Avishalome, o Avishalome a qai kaya vua, O Akitofela sa vakamacala oti e na ka me caka; e vakaevei na nomu nanuma, meda sa muria na ka e kaya? Ke sega, ia vosa mada mai o iko. 7 Kaya o Hushai vei Avishalome, Na ivakasala sa solia oti o Akitofela e sega ni vinaka e na gauna oqo. 8 Baleta, e kaya o Hushai vei Avishalome, O kemuni oni kila vinaka ni o tamamuni kei ira na nona dauniveiqaravi era tamata qaqa, ka ra sa na leva sara tu ga oqo e vuniyalodra, me vaka e dua na beya, e butakoci mai vua na luvena mai veikau; kena ikuri o tamamuni e turaga dauvala, o koya e na sega ni tiko, e na bogi, vata kei ira na tamata. 9 Raica, o koya sa na rairai lai vuni tu e na dua na loma ni qara se dua tale na vanua; ia e na qai yaco ke so mada ga vei ira e bale, o ira era na rogoca era na kaya, Era moku sara ga vakaca o ira na tamata era muri i Avishalome tiko. 10  Kevaka mada ga e tamata qaqa o koya, ka vaka na uto ni laione na utona, o koya e na datuvu vakadua, baleta o Yisira'yili taucoko era kila vinaka tu ni o tamamuni a turaga qaqa, kei ira talega era tiko qo vata kei koya era tagane doudou.11 O koya oqo e na noqu ivakasala kina, mo waraka ga na gauna era sa soqo mai kina me ra tokoni iko o Yisira'yili taucoko, me tekivu mai Dani vakadua i Bi'eri-Sheva, me vaka na mataninuku na kedra iwiliwili, o kemuni sara ga vakataki kemuni moni qai liutaka na mataivalu. 12 O keda meda qai valuti koya e na vanua sa matata tu ni da na kunei koya kina, ka sobuti koya yani me vaka ni lutu na tegu e na dela ni qele; e kena ibalebale oya ni o koya kei ira kece na tamata era tiko vata kei koya, e na sega tale ni dua vei ira me na vo bula. 13 Kena ikuri, ke mani curu o koya i na dua na korolevu, o Yisira'yili taucoko era na kau dali yani i loma ni korolevu, meda qai yarataka vakadua i na buca, me yacova ni sa sega tale ni kune kina e dua mada ga na vatu lailai. 14 Era qai kaya, o Avishalome kei ira kece na tagane ni Yisira'yili, Na ivakasala e vinaka cake sara mai na ivakasala i Akitofela. Qori baleta ga ni sa tauca na lewa o Yahuwe (YHWH) me vakamalumalutaka na ivakasala vinaka i Akitofela, me rawa ni kauta mai na leqa o Yahuwe (YHWH) vei Avishalome.

Samuela (Sh’mu’yl Bet) 17:1-14

NA IVAQA NI BULA (FOOD FOR THE SOUL)

Kakua ni cakava me nomu itau e dua na tamata levaleva; ia na tamata e dau yalokatakata vakatotolo, o iko mo kakua ni sala vata kei koya. 25 De lakolako o na qai vulica mo muria na nona ivalavala, e na qai yaco me itatacaqe e vuniyalomu (soul).

Vosa Vakaibalebale (Mishlei) 22:24-25

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na Same i Dawide, 2 E na gauna a lako mai kina vua na parofita o Netani, ni oti na nodrau lasa e tuba kei Bata-Sheva. 3(1) Ni lomani au i Yahuwe (YHWH) e na nomuni yalololoma; e na vakaitamera ni nomuni yalovinaka ni bokoca laivi na noqu ivalavala ca. 4(2) Savati au sara vakaoti mai na noqu talatalaidredre, ka quaraka laivi vakadua na noqu ivalavala ca. 5(3) Au vakadinata na noqu dau talaidredre, baleta na noqu ivalavala ca sa matata vinaka tu e mataqu. 6(4) E saqati kemuni, o kemuni duadua ga, na noqu caka ca, niu vakayacora na veika e vakasisila e matamuni; ka ni donu vinaka sara ga na nomuni veivakadodonutaki, ka qaqa na nomuni vakataulewa. 7(5) Baleta raica, au a buli vata kei na ca (iniquity); au (tamata) ivalavala ca, mai na tikinigauna e kunekunetaki au kina o tinaqu. 8(6) Raica oni gadreva na dina, ia na veika vuni kece me baleta na nomuni vuku oni sa vakatakila vei au. (Sela)

9(7) ¶ Vakamiraci au e na taba ni hisopi, au na qai savasava; savati au, au na qai vulavula cake mai na uca vulavula cevata. 10(8) Vakacegui au e na nomuni reki kei na marau; me rawa ni marau tale na yaloqu sa ramusu tu. 11(9) Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 12(10) Bulia e lomaqu e dua na vuniyalo savasava, kemuni na Kalou (Mighty One) ka vakavoutaka na yalodina e lomaqu. 13(11) Kakua ni botolaki au laivi mai matamuni; kakua ni kauta laivi na yalomuni tabu (Ruach HaQodesh) mai vei au. 14(12) Vakavoutaka vei au na yalomamarau ni nomuni veivueti; ka tabei au cake tiko e na yalomuni lagilagi. 15(13) Oti au na qai vakatavulici ira era dau vorata na nomuni sala;  era na qai saumaki lesu mai vei kemuni o ira era dau valavala ca; 16(14) Vakabulai au mai na vakadave dra, kemuni na Kalou (Mighty One), o kemuni na Kalou ni noqu vakabulai, na yamequ e na seretaka vakadomoilevu na nomuni yalododonu. 17(15) I Yahuwe (YHWH), o kemuni, moni dolava na tebenigusuqu, na gusuqu e na qai vakatusa wavoki na nomuni vakacaucautaki. 18(16) Baleta oni sega ni gadreva na imadrali se marautaka na isorokama. 19(17) Na isoro vei Yahuwe (YHWH)); na vuniyalo e ramusu ka bibivoro oqori i Yahuwe (YHWH) oni sega ni cata. 20(18) Caka vinaka e na nomuni yalololoma vei Saiyoni; tara tale na bailalaga mai Yerushalayimi. 21(19) Oqori oni na qai mamarau kina e na isoro ni yalododonu, oya na isoro kama; era na qai cabora kina na veimataqali iloloma soliwale eso, e na nomuni icabocabo ni isoro.

Same (Tehellim) 51:1(0)-21(19)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 250 o/o 1712	September 7, 2012
Reading	Hebrew Date
Tehellim (Same) 67-68	Elul 20, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sausaumi Lesu O Avishalome. (Avishlom Takes Revenge)

Thought: For Raping His Sister, Amnon Lost Ripe Old Age Or Long Life.

.................... 

Serving For Shabbat, Elul 14, 5772

MAI NA NEVI’IMI RISHONIMI (FROM THE NEVI’IM RESHONIM)

O Tamari a dara tiko e dua na isulu dui rokaroka, baleta qori na isulu era dau dara o ira na luveyalewa ni tui, era se tabutagane; o koya na nona dauniveiqaravi a qai kauti koya i tuba, qai vakamauta yani vua na katuba. 19 O Tamari a qai kaburaka na dravusa e uluna; qai dresulaka na nona isulu dui rokaroka, a dara tiko; sa qai tabaka na uluna e na ligana, qai lako tagitagi yani. 20 Tarogi koya o Avishalome na ganena, A kucuvi iko beka na ganemu? Raica vosota tiko mada ga na ganemu; baleta o koya e ganemu, kakua mada ga ni  taura vakabibi e vuniyalomu na ka e yaco qo. Sa mani tiko ga vakadawai o Tamari e na vale i Avishalome na ganena.

21 ¶ Ia e na gauna a lai rogoca kina o Tui Dawide na veika oqo, e a rarawa sara kina vakalevu. 22 O Avishalome ni vosa vei Aminoni, a sega vakadua ni kaya e dua na ka ca se dua na ka vinaka; baleta o Avishalome sa sevaki Aminoni ga, baleta na nona kucuvi Tamari na ganena. 23 Ni sa lai sivi sara e rua taucoko na yabaki, o  Avishalome, a qai kauti ira na nona daunitasi vutinisipi i Ba'ala-Hazo, oya e volekati Ifira'yimi tiko yani; o Avishalome a qai sureti ira kece na luvetagane ni tui. 24 O Avishalome a qai lako vua na tui qai kaya vua, Raica na nomuni dauniveiqaravi era tu na nona dau ni tasi vutinisipi; Raica au sureta tiko na tui kei ira na nona dauniveiqaravi me ra lako vata kei na nomuni dauniveiqaravi. 25 Kaya na tui vei Avishalome, Sega luvequ tagane, laiva me ra kakua ni lako kece, baleta keimami na lai vakaosooso ga vei iko. E cikevi koya ga (o Avishalome) ia baleta ni sega ni via lako vata kei koya o koya, a qai vosa vakalougatataki koya ga. 26 Oti qai kaya o Avishalome, Na cava beka e sega ni rawa kina ni lako vata kei au na taciqu o Aminoni? Sauma na tui vua, Ia na cava na vuna me lako kina vata kei iko o koya?  27 Ia o Avishalome a cikevi koya ga me soli i Aminoni vata kei ira kece na luvetagane ni tui me ra lako vata kei koya. 28 Ni oti oqori o Avishalome a qai vakaroti ira na nona dauniveiqaravi, ni kaya, Vakadikeva tiko na gauna sa na marau sara tu ga kina na yalo i Aminoni e na waini; e na gauna au na kaya yani kina vei kemudou, Mokuti Aminoni, mo dou vakamatei koya sara, dou kakua ni taqaya; e sega ni o au, au vakaroti kemudou tiko? Mo dou yaloqaqa ka yalodoudou tiko. 29 O ratou na dauniveiqaravi nei Avishalome eratou a qai cakava vei Aminoni, me vaka sara ga a vakarota vei iratou o Avishalome. O ira kece na luvetagane ni tui era a qai dui tucake, era qai dui vodoka na nodra dui meula, na tamata taucoko, era qai veidroyaki.

2 Samuela (Sh’mu’yl Bet) 13:18-29

NA IVAQA NI BULA (FOOD FOR THE SOUL)

Na gusudra na yalewa tani e dua na keli titobu; o koya e sevaki mai vei Yahuwe (YHWH) e na lutu e loma.

Vosa Vakaibalebale (Mishlei) 22:14

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E na ilagalaga ni “Lilies”. Maivei ira na kawa i Kora’aka. E dua na vucu ni veivakatavulici (Maskil) Na sere ni wede.  2(1) Na utoqu sa malaude tiko e na itukutuku vinaka; Au na tukuna na veika au a cakava vua na Tui; na yamequ, e vaka na peni e na ligana e dua na dau ni volavola. 3(2) O kemuni oni rairai totoka cake mai vei ira kece na luve ni tamata; na vosa ni loloma sa talivi tiko mai tebenigusumuni: o koya oya o Yahuwe (YHWH) sa vakalougatataki kemuni tu kina me tawamudu. 4(3) Vauca na nomuni seleiwau e na dibimuni, kemuni na qaqa, (dara) na nomuni lagilagi kei na nomuni Sau. 5(4) Na nomuni Sau sa qaqa; vodo e na vosa ni dina, yalomalumu kei na yalododonu; na nomuni lawa sa laveti cake baleta na dokai ni ligamuni imatau. 6(5) E gata na nomuni gasau ni dakaititi;  laiva me cokaa na utodra na nodra tui na meca, laiva na tamata me ra bale e rukumuni.

7(6) ¶ Na nomuni idabedabe vakatui, kemuni na Kalou (Mighty One) e tawamudu ka sega ni mudu. Na ititoko (sceptre) ni nomuni matanitu e ititoko dina. 8(7) Oni taleitaka na yalododonu, ka  sevaka na ivalavala ca; o koya oya sa lumuti kemuni kina o Yahuwe (YHWH) na nomuni Kalou (Mighty One) e na waiwai ni reki, moni liu cake mai vei ira na nomu itokani. 9(8) Na nomuni isulu e kuvuraki mai kina na iboi ni mura, na yasi kei na kasia, mai na valetabu totoka vakaoti, na tikina era dau vakamarautaki kemuni kina. 10(9) Na luvena yalewa na tui era tuva tu e na lagilagi, na ranadi e duri tu e na liagamuni imatau e na koula ni Ofiri. 11(10) Rogoca, luvequ yalewa, vakananuya qai vakala mai na daligamu; guilecavi ira na nomu tamata, kei na vale nei tamamu. 12(11) Na tui e na gadreva vakalevu na kemu totoka; baleta o koya e nomu Sau; cuva sobu mo vakarokoroko vua. 13(12) Na luve i Zora era na sokalou vua; o ira mada ga na vutuniyau e na kedra maliwa na tamata era na vaqarai kemuni vata kei na nodra iloloma soliwale. 14(13) Na nodra lagilagi kece na luveyalewa ni tui e lako ga mai i loma; na nona  isulu era tali vata mai kei na wa koula matailalai. 15(14) O koya e na kau mai vua na tui vata kei na iloloma soliwale, o ira na nona itokani tabutagane era na muri i koya tiko mai. 16(15) E na mamarau kei na reki era na kau mai; me ra curu e na loma ni nona itikotiko vakaturaga na tui. 17(16) Era na sosomitaki ira na tamamuni o ira na luvemuni tagane; oni na lesi ira me ra iliuliu e vuravura raraba. 18(17) Au na cakava na yacamuni me na dau nanumi e na veitabatamata kece sara; qori era na vakavinavinaka kina vei kemuni na tamata me tawamudu ka sega ni mudu.

Same (Tehellim) 45:1(0)-18(17)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 244 o/o 1704	September 1, 2012
Reading	Hebrew Date
Tehellim (Same) 49-50	Elul 14, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Mate O Avimeleki. (Avmelekh Dies)

Thought: Eventually The Payback For Wrong Doing Will Come, If Not Earlier, Later.

................. 

Serving For Yom Rishon, Tammuz 4, 5772

MAI NA NEVI’IMI RISHONIMI (FROM THE NEVI’IM RESHONIM)

Oti qai lako i Tevetesi o Avimeleki, qai lai keba kina ka kabai Tevetesi, qai taura. 51 Ia e tara toka e dua na valecere ni veitaqomaki e na loma ni korolevu; e keya era a qai dro kece kina, o ira na tagane kei na yalewa kei ira na iliuliu ni korolevu, era qai lai sogoti ira tu  kina, era qai kaba cake sara i na delavuvu ni valecere.  52 O Avimeleki a toso sara i na (yasa ni) valecere me lai vala kina, qai toro voleka sara i na kena katubalevu me vakama e na bukawaqa.  53 Ia e dua na yalewa a qai kolo sobu e dua na tikini ni vatu ni iqaqinisila i na ulu i Avimeleki, qai mani voroka na nona qavokavoka. 54 A mani kaciva vakusakusa e dua vei ira na nona cauravou e dau icolacola ni yaragi, qai kaya vua o koya, Ucuna mai na nomu seleiwau mo vakamatei au, me ra kakua kina ni qai kaya mai muri na tamata, A vakamatei koya e dua na yalewa. A mani sua basikati koya na nona cauravou, qai mani mate kina. 55 Ni ra raica ga o ira na Yisira'yili ni sa mate o Avimeleki, era sa dui lesu sara ga i na nodra dui itikotiko. 56 Qori a sauma lesu kina na Kalou (Mighty One) na ivalavala kaukaua a vakayacora vei tamana o Avimeleki ni a vakamatea e vitusagavulu na tacina; 57 Na nodra ivalavala ca kece na tagane ni She'keheme a qai sauma lesu i na dui uludra na Kalou (Mighty One); qai tauca kina vei ira na vatovato i Yotame na luve i Yeruba'ala.

Dauniveilewai (Shof’tim) 9:50-57

NA IVAQA NI BULA (FOOD FOR THE SOUL)

Na mata ni tamata yalomatua e vakanamata tiko i na vuku; ia na matana e dua na lialia, e tiko mai na butoni  vuravura. 25 ¶ E dua na luvetagane lialia e vakararawataki tamana ka velavela vei koya e a vakasucumi koya.

Vosa Vakaibalebale (Mishlei) 17:24-25

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na vucu ni veivakatavulici i Dawide e na gauna a tiko e na loma ni qara. E dua na masu. 2(1) Au a tagi vei Yahuwe (YHWH) e na domoqu; e na domoqu au cabora na noqu  vakamamasu vei Yahuwe (YHWH). 3(2) Au sovaraka na noqu kudru e matana; au vakatakila vua na noqu veileqa. 4(3) Ni sa luvuci na yaloqu e lomaqu, oni qai kila na noqu i lakolako. E na gaunisala, meu a muria era sa birika vuni tu kina na vere me baleti au.

5(4) ¶ Au rai vaka i na ligaqu imatau, e sega ni tu kina e dua me vakasalataki au; e sega na noqu tataqomaki; e sega ni dua na tamata me kauwaitaki au. 6(5) Au tagi vei kemuni i Yahuwe (YHWH); au kaya, O kemuni na noqu inuinui, ka noqu ivotavota e na nodra vanua na  kabula. 7(6) Rogoca na noqu tagi; baleta au sa vakalolovirataki vakaca; vueti au mai vei ira era vakaucacataki au, baleta era kaukaua cake vakalevu mai vei au. 8(7) Kauta tani mai na noqu bula (soul) mai na valeniveivesu, meu rawa ni  vakavinavinakataka na yacamuni; o ira na nomu yalododonu era na waraki au me yacova ni oni sa vakaicovitaki au.

Same (Tehellim) 142:1(0)-8(7)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 175 o/o 1635	June 24, 2012
Reading	Hebrew Date
Yirmeyahu (Jeremaia) 26-28	Tammuz 4, 5772
Click The Bible Text To Read It In Gateway In Another Language Or Version

           

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Bula Kei Na Mate Vei Yahuwe (Life And Death In YHWH)

Thought: YHWH Gives Us Life And Death And Tells Us To Choose Life

 ...................

Serving For Yom Rishon, Iyar 14, 5772

(NB. In Counting Days Toward Shavu’ot (Gr:Pentecost), Today Is Day 29 out of 50)

MAI NA TORAA (FROM THE TORAH

Baleta na ivakaro au vakarota tiko vei kemuni e na siga oqo era sega ni vunitaki tu mai vei kemuni, era sega talega ni tu vakayawa.  12 E sega ni tiko mai lomalagi, moni na qai kaya kina, O cei me na cabe cake i lomalagi, me lai kauta sobu mai  vei keda, me rawa ni da mai rogoca, meda qai cakava?  13 E sega talega ni tu mai na mua ni wasawasa yawa, moni tukuna kina, O cei me na kalawaca na wasawasa e na vukuda me lai  kauta mai vei keda, me rawa ni da mai rogoca, meda qai  cakava? 14 Na veivosa oqo e toka volekati kemuni ga, e loma ni gusumuni kei na loma ni vuniyalomuni, e rawa kina vei kemuni moni vakayacora. 15 Raica, au sa tauca no e matamuni edaidai na bula kei na vinaka, na mate talega kei na leqaleqa; 16 E na tikina oqori au vakaroti kemuni kina edaidai mo ni lomani Yahuwe (YHWH) na nomuni Kalou (Mighty One), moni lako muria na nona sala, moni taqomaka na nona ivakaro (mitzvot),  na nona ilesilesi kei na nona lewa, qori oni na qai bula kina; ka tubu moni lewe vuqa; o Yahuwe (YHWH) na nomuni Kalou (Mighty One) e na qai vakalougataki kemuni e na vanua oni sa curuma tiko moni lai taukena. 17 Ia kevaka e saumaki laivi na vuniyalomuni, ni oni sega ni via vakarorogo, oni na lako sese, moni lai sokalou vei ira na kalou (elohim) mai na veitabagauna sa sivi, moni qaravi ira; 18 Qori au tusanaka kina vei kemuni e na siga edai ni oni sa na rusa vakaidina, oni na qai sega ni bula balavu e na vanua oni takosova tiko kina oqo na Yaradani moni lai taukena. 19 Au kacivi lomalagi kei vuravura me vakadinadina baleti kemuni e na siga edai, niu sa tauca no oqo e matamuni na bula kei na mate, na kalougata kei na vatovato (curses): o koya oya moni digitaka kina na bula, moni rawa ni bula kina o kemuni kei ira na nomuni kawa; 20 Me rawa talega ni oni lomani Yahuwe (YHWH) na nomuni Kalou (Mighty One), ka bula muria na irogo mai domona, moni rawa talega ni kabiti koya tiko; baleta o koya e nomuni bula, e na qai balavu talega na nomuni veisiga; me rawa vei kemuni moni qai vakaitikotiko tiko e na vanua a bubuluitaka o Yahuwe (YHWH) vei ira na tamamuni, oya vei Avarahama, vei Yi'sake vata kei Ya’akove me soli vei kemuni.

Na iVakarua (D’varim) 30:11-30

NA IVAQA NI BULA (FOOD FOR THE SOUL)

Na rerevaki nei Yahuwe (YHWH) e kune kina na yalo tudei; o ira na luvena e na tiko na nodra itikotiko taqomaki. 27 ¶ Na rerevaki nei Yahuwe (YHWH) e ivurevure ni bula, e rawa kina vua e dua me  vuki tani mai na tudai ni mate.

Vosa Vakaibalebale (Mishlei) 14:26-27

LOMANI YAHUWE NA NOMU KALOU (LOVE YHWH YOUR MIGHTY ONE)

Kei na ikuri ni a kaciva e dua na  dausiga e loma ni vanua: A musuka vakadua na tabana ni nodra veiwiti. 17 E tala e dua na tamata o koya me liutaki ira; oya o Yosefa, o koya e a volitaki vakabobula.18 Na yavana era a vesuka e na ivesu: qai vakotori e na ivau kaukamea: 19 Me yacova na gauna e yaco mai kina na vosa, na vosa i Yahuwe (YHWH) a vakatovolei koya. 20 Na tui a talatala me lai sereki o koya, qai lesi i koya me nodra tui na nona tamata. 21 A lesi i koya me turaga ni nona vale me dau lewa na veika kece e taukena: 22 Me totogitaki ira na nona kovana e veigauna kece e gadreva kina, ka me vakatavuluci ira na qase e na kilaka. 23 O Yisira'yili e a lako talega i Ijipita; a qai lai tu kina vakavulagi e na vanua nei Hema, o Ya’akove. 24 E a vakatubura vakalevu na kedra iwiliwili na nona tamata; qai cakava me ra kaukaua cake mai vei ira na kedra meca.

25 ¶ A vukica na yalodra me ra cati ira na nona tamata, me cakava vakaca vei ira na nona dauniveiqaravi. 26 A talai Moshe na nona dauniveiqaravi vata kei Aharoni ni digitaka koya. 27 Rau a vakaraitaka na nona ivakatakilakila e na kedra maliwa, kei na cakacaka veivakurabuitkai e na vanua nei Hema. 28 A tala mai na butobuto o koya, qai cakava me butobuto; ia era qai talaidredre i na nona vosa. 29 A vukica na nodra wai me dra, ka vakamatea na kedra ika. 30 Na nodra vanua a robota na boto, e ra curuma mada ga na nona loqi ni moce na nodra tui. 31 A vosa o koya, era qai babasika mai na veimataqali lago kei na kutu e na loma ni iyalayala ni nodra vanua. 32 A vukica na nodra uca me qereqere (hail) qai udreva mai na yameyame ni bukawaqa e loma ni nodra vanua. 33 E yavita talega na nodra loga ni  veivaivaini vata kei na nodra vunilolo; ka musulaka na veiveikau e na loma ni yalayala ni nodra vanua. 34 Ni vosa o koya, era qai vuka mai na  vodre kei na nuve, me ra  sega ni wili rawa e na loma ni nodra vanua raraba. 35 Era kania na veikau draudrau taucoko kei na vuata ni nodra vanua, 36 A vakamatei ira kece na nodra ulumatua mai Ijipita, o koya.

Same (Tehellim) 105:16-38

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 126 o/o 1586	May 6, 2012
Reading	Hebrew Date
M’lakhim Alef (1 Tui) 12-13	Iyar 14, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Bula E Valavala Ca E Na Mate (The Soul That Sins Shall Die)

Thoughts: Righteousness Will Bring Life To Us, Says YHWH

...................... 

Serving For Yom Shlee-shee, Chesvan 11, 5772

Na vosa nei Yahuwe (YHWH) a yaco mai vei au ni kaya, 2 Luve ni tamata na cava o vakayagataka tiko kina na vosa vakaibalebale qo, e na vanua o Isira'yili, ni o kaya, O ira na itubutubu era sa kania na vuanivaini wiwi, ia na batidra na nodra lalai era sa tubu e batibatina? 3 Me vaka niu bula tiko e kaya o Yahuwe na Sau(Sovereign YHWH), Na vosa vakaibalebale oqo e na sega ni vakayagataki tale mai Isira'yili. 4 Baleta na bula kece era noqu; na bula ni tamata, vaka kina na bula nei luvena e noqu, na  bula (soul) e valavala ca, e na mate.  5 Ia ke dua na tamata e ivalavala vinaka, dau taulewa dodonu, ka dau yalododonu, 6 Ka sega ni kania na lewe ni manumanu e a cabori vei ira na kaloumatakau kei na icabocabo ni soro e na vale nei Isira'yili, ka sega ni veiyacovi kei na watinayalewa na wekana vakaitikotiko se toro volekata na yalewa e tauvi matenivula tiko, 7 Se sega ni bau vakasauraratata e dua na tagane, sega ni vakamavoataka e dua ga, dau sauma vinaka vei ira e tauri dinau vei ira me vaka na nona yalayala a solia; e wasea na kena madrai vata kei ira era walokai, ka ubi i ira era luvawale e na isulu;  8 E sega ni soli dinau me rawata na kena tubu, se dinau qai vakalailaitaka na kena isau; e tarova na ligana mai na caka ca, ka vakayacora vakadodonu na veiyalayalati e na kedrau maliwa e dua na tamata kei na dua tale na tamata; 9 E bula muria na noqu ivakaro,  talairawarawa i na noqu lewa; ka vakayacora na lewadodonu;  o koya ecakava oqori e tamata yalododonu e na yaco dina vua na bula, e kaya o Yahuwe na Sau (Sovereign YHWH).

Isikeli (Yechezk’yl 18:1-9

Kakua ni vakalecalecava na icaba nei tamamu; kakua talega ni lako i na vale i tacimu e na siga ni nomu leqaleqa; ka ni vinaka cake na wekamu vakaitikotiko e toka voleka, mai vua na tacimu dina e tu sara mai vakayawa.

Vosa Vakaibalebale (Mishlei) 27:10

Era a vakacudrui koya talega mai na wai ni veisei, a qai leqa kina o Moshe e na vukudra 33 Baleta era a vakararawataka na vuniyalona, a qai taucala kina na vosa a rogo mai tebenigusuna.

34 ¶ Era a sega ni vaqeavutaki ira na veimatanitu, me vaka na nona ivakaro o Yahuwe (YHWH) me baleti ira; 35 Ia era a veimaliwai vata kei ira na veimatanitu, ka vulica na nodra cakacaka. 36 Era qai qarava na nodra kalou matakau, era a qai yaco me ra itatacaqe vei ira. 37 Io, era a cabori ira na luvedra tagane kei na luvedra yalewa vei ira na jimoni, 38 Ka vakadavea na dra tawacala, oya na nodra dra na luvedra tagane kei na luvedra yalewa, era a vakacabora vei ira na kaloumatakau mai Kena’ani; na vanua sa vakadukadukalitaki tu e na dra. 39 Qori era a vakadukadukalitaki kina e na nodra ivalavala, era qai saqamua wavoki e na veika era vakasamataka. 40 Qori a qai tubu kina vei ira na tamata na leva cecekia nei Yahuwe (YHWH), me yaco kina na nona sevaki ira era nona iwasewase vakaitaukei. 41 O koya a qai soli i ira i ligadra na veimatanitu; o ira era sevaki ira era qai mai vakavulewa vei ira. 42 O ira na kedra meca era a vakamalumalumutaki ira, era qai kau mera lai lewai tu e ruku ni ligadra. 43 A vakavuqa na nona a vueti ira; ia era qai vakacudrui koya e na nodra ivakasala, era qai vakalolovirataki baleta na nodra ivalavala ca. 44 Ia veitalia oqori, e a galeleta ga na nodra vutugu, ka vakatudaliga i na nodra masumasu. 45 E nanuma na nona veiyalayalati ka lomani ira, qai tuberi ira e na vakaitamera ni nona yalololoma. 46 A cakava talega me ra lomani mai vei ira era a colati ira vakabobula. 47 Vakabulai keimami, i Yahuwe na neimami Kalou (Mighty One) vakasoqoni keimami mai na kedra maliwa na veimatanitu, me rawa ni keimami vakamuduo i na yacamuni tabu ka qaqa e na nomuni vakacerecerei 48 Me vakarokorokotaki o Yahuwe (YHWH) na Kalou (Mighty One) i Isira'yili me tawamudu ka tawamudu; laivi ira na tamata me ra kaya, Omaini ka omaini, Aleluya.

Same (Tehellim) 106:32-48

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
312 Blog No. 1452	November 8, 2011.
Reading	Hebrew Date
Jeremaia (Yiremeyahu) 49-50	Cheshvan 11, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ni Vosa O Yahuwe, Vakatudaliga (When YHWH Speaks, Listen)

Thought: Obedience Is the Difference Between Life and Death

................. 

Serving For Yom Reeshone, Tishrei 25, 5772

Era qai toro mai, o ira kece na iliuliu ni mataivalu vata kei Yokanana na luvei Kareaka tagane kei Ya’sanayahu na luve i Hosha’ya tagane vata kei ira na tamata kecekece, mai vei ira na gonelalai me yaco vei ira na qase. 2 Era qai kerei Yiremeyahu, Keimami mai vakatakekere vei iko, mo masulaki keimami mada e na mata i Yahuwe (YHWH) na nomu Kalou (Mighty One), oqo o keimami na kena vo vo; ni keimami sa lewe lailai wale keimami vo tiko, mai vei ira na lewevuqa, me vaka oni sa raica rawa tu qo e matamu; 3 Me kerei vei Yahuwe (YHWH) na nomu Kalou (Mighty One) me vakatakila mai vei keimami na sala me keimami muria kei na veika me keimami cakava. 4 A qai kaya vei ira o Yiremeyahu na parofita, Au sa rogoci kemuni; raica, au na masu e mata i Yahuwe (YHWH) na nomuni Kalou (Mighty One) me vaka na nomuni kerekere; ia e na qai yaco, ni veika cava ga e sauma mai vei kemuni o Yahuwe (YHWH), au na mai vakasavuya vei kemuni; au na sega ni vunitaka e dua na ka mai vei kemuni. 5 Era kaya sara vei Yiremeyahu, Me yaco mada ga me ivakadinadina ni dina kei na dodonu o Yahuwe (YHWH) e na keda maliwa, kevaka keimami sega ni vakayacora na vosa i Yahuwe (YHWH) na nomu Kalou (Mighty One), e na vakauta mai vei keimami o koya, mo na mai vakasavuya vei keimami o iko. 6 Kevaka e vinaka se kevaka e ca, keimami na vakamuria vinaka sara na domo i Yahuwe (YHWH) na noda Kalou (Mighty One) o koya keimami talai iko tiko vua; me rawa kina ni na qai tini vinaka na ka kece vei keda, ni da sa talairawarawa tiko i na domo i Yahuwe (YHWH) na noda Kalou (Mighty One). 7 A qai yaco ni oti e siga tini, sa qai yaco mai na vosa i Yahuwe (YHWH) vei Yiremeyahu na parofita. 8 Oti qai kacivi Yokanana na luve i Kariaka, kei Ira kece na turaganivalu era tiko vata kei koya, vata kei ira kece na tamata, mai vei ira na gone, yaco sara vei ira na qase.  9 Qai kaya vei ira, Oqo na veika e kaya o Yahuwe (YHWH), na Kalou (Mighty One) i Isira’yili, o koya oni a talai au vua, meu lai tauca vua na nomuni vakatamamasu; 10 Kevaka oni nanuma moni sa na vakaitikotiko e na vanua oqo, ia au sa  na tarai kemuni cake, ka sega ni talaraki kemuni sobu, au na tei kemuni, au na sega ni cavuti kemuni cake: baleta au sa na tinia koso na ca au cakava tiko vei kemuni. 11 Kakua ni rerevaka na tui Bavela, o koya oni rerevaka tiko; kakua ni rerevaki koya, e kaya o Yahuwe (YHWH, baleta o au, au tiko vata kei kemuni meu vueti kemuni, e kaya o Yahuwe (YHWH)  ka vakabulai kemuni mai ligana.

Jeremaia (Yirmeyahu) 42:1-11

Na iwaro e baleta na ose, na itoko sivi gagata e baleta na asa, ia na tolonikau e baleta na dakuni lialia.

4 ¶ Kakua ni sauma na nona vosa e dua na lialia e na yavu ni nona lialia, de o na qai tautauavata kei koya o iko. 5 Ia sauma na lialia e na yavu ni nomu vuku, de na qai nanuma kina o koya e vuniyalona, ni o koya vakataki koya e vuku.

Vosa Vakaibalebale (Mishlei) 26:3-5

Ni ra sa tutubu vaka na co, o ira na ca, ni ra sa bulabula ka serau o ira era dau cakacakataka na ca; qori baleta era na vakawabokotaki vakadua; 8 Ia o kemuni i Yahuwe (YHWH), oni na dau vakacerecerei ka sega ni mudu. 9 Baleta raica, o ira na kemuni meca i Yahuwe (YHWH), raica era na rusa; o ira kece era dau cakacakataka na ca era na kaburaki laivi; 10 Na noqu ileu oni na laveta cake me vaka na ileu ni okisi (ox) kila; au na lumuti e na waiwai boi totoka. 11 Na mataqu talega e na raica na noqu gagadre vei ira na kequ meca, na daligaqu e na rogoca na gagadre e veisaqasaqa kei na ca, era dau tucake mai me ra vakacacani au. 12 O ira na dodonu era na bulabula  me vaka na vuni niuniu; e na tubu tiko me vaka na vuni sitari mai Li’vanoni. 13 O ira era teivaki e na loma ni vale nei Yahuwe (YHWH), era na tubu bulabula e na lomanibai ni noda Kalou (Mighty One).14 Era na vuataka tiko ga na vuata ni ra sa yabaki bibi; era na totoka ka taleitaki; 15 Me vakaraitaki kina ni o Yahuwe (YHWH) e yalododonu: o koya e vakaitamera; ka sega ni kune e dua na ka e sega ni dodonu e lomana.

Same (Tehellim) 92:7-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
296/Blog No. 1436	October 23, 2011.
Reading	Hebrew Date
Jeremaia (Yiremeyahu) 9-10	Tishrei 25, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.