Vosa Vei Sakaraia o Yahuwe (YHWH Instructs Z’kharyah)

Thought: Show Kindness And Honesty To Your Kins, The Poor And The Needy

 ..............................

Serving For Shabbat, Kishlev 28, 5772

A QAI yaco e na ikava ni yabaki nei Tui Darayavesi, ni a yaco mai na vosa i Yahuwe (YHWH) vei Za'karaya, e na ikava ni siga ni ikaciwa ni vula na vula o Kisilevi, 2 E na gauna era a talai rau kina o Sara’eteza kei Reqema-Meleke kei ira na nodrau ilawalawa tamata qaqa, i Beiti-Yili, na tui, me lai vakasavui na kerekere me masulaki o koya vei Yahuwe (YHWH). 3 Ka vosa talega vei ira na kohanimi era tiko e na vale nei Yahuwe ni lewevuqa (YHWH Tzva'ot) vata kei ira na parofita me ra kaya, E dodonu beka meu vakaloloku e na ikalima ni vula, me vagalalataki au, me vaka au dau cakava e na veiyabaki sa sivi? 4 A qai yaco mai vei au na vosa i Yahuwe (YHWH) ni kaya, 5 Vosa vei ira kece na lewenivanua, vata kei ira na kohanimi, mo kaya, E na gauna oni lolo kina ka vakaloloku e na ikalima kei na ikavitu ni vula, e na vitusagavulu na yabaki sa sivi, oni a bau dau lolo beka e na vukuqu?  6 Ni oni dau kana ka dau gunu, oni sega beka ni dau kana e na vukumuni ga, ka gunu e na vukumuni ga?  7 Oqo na vosa sara ga a dau kaya o Yahuwe (YHWH) e na gusudra na parofita mai liu, e na gauna a se tawa tu kina ka sautu tu o Yerushalayimi, ni ra se tu vakavolivolita tu kina na kena veikoro ka tawa tu na kena veibucabuca kei na kena vei ulunivanua.

8 ¶ Qori a qai kaya kina o Yahuwe (YHWH) vei Za'karaya, 9 Oqo na veika e kaya o Yahuwe ni lewevuqa (YHWH Tzva'ot), Na tamata kece me vakayacora ga na lewa dina ka vakaraitaka na yalololoma kei na yalovinaka vei ira na dui tacimuni. 10 Kakua ni vakaleqaleqataki ira na yada se na luveniyali, na dravudravua se o ira na tavuki; ka laiva me kakua ni dua vei kemuni e navuca na ca e vuniyalona, me qai cakava vei ira na wekana. 11 Ia era a sega ni via rogoca, era qai vakavunene, ka vakadaligavarataka na daligadra, me ra kakua ni rogoca.  12 Io, era cakava na vuniyalodra me babamatua, de ra qai rogoca na lawa kei na ivakaro e a vakauta mai e na yalona, vei ira na parofita ni gauna e liu, o Yahuwe ni lewevuqa (YHWH Tzva'ot); Qori a qai sobuti ira kina na nona leva vakaitamera o Yahuwe ni lewevuqa (YHWH Tzva'ot). 13 Baleta niu a kacivi ira, era qai sega ni via vakarorogo; ia qo ni ra kacivi au, au na sega talega ni via vakarorogo, e kaya o Yahuwe ni lewevuqa (YHWH Tzva'ot). 14 Au mani kaburaki ira laivi i na kedra maliwa na veivanua tani, era sega ni veikilai kina. Qori a qai laladidi tu kina na vanua, ni ra sa biubiu, ka sega ni dua e takosova se lesu kina baleta ni sa sega ni tawani tu, baleta era a vakavuna na vanua talei me mate vakadua.

Sakaraia (Z’kharyah) 7:1-14

E va na ka; era somidi e dela ni vuravura, ia era vuku vakaoti sara mai vei ira na tamata vuku; 25 Na qasikaloaloa e sega tu na nodra kaukaua, ia era na vakarautaka ga na kedra kakana e na vula i katakata; 26 Na koni e lailai wale tu na nodra kaukaua, ia era tara rawa ga na nodra itikotiko e na veivatu; 27 Na vodre, o ira e sega na nodra tui, ia era dau sosoqoni vata kece; 28 Na  tina ni viritalawalawa eda sega ni taura rawa e ligada, ia era na kune e loma ni nodra vale na tui.

Vosa Vakaibalebale 30:24-28

Ni rogoca na noqu masu, i Yahuwe (YHWH), ni vakatudaliga i na noqu vakatakekere: e na nomuni vosamatua, tama mai vei au e na nomuni yalododonu. 2 Kakua ni vakalaiva na nomuni dauniveiqaravi me veilewaitaki; baleta e matamuni e sega ni dua na tamata bula e vakadonui. 3 Baleta o ira na meca era sa vakacacana tiko na noqu bula (soul), era sa buturaka sobu tiko na noqu bula i na dela ni soso; ka sa vakavuna meu lai vakaitikotiko e na butobuto, me vakataki ira era a se mate makawa. 4 Qori sa veilecayaki kina na yaloqu e lomaqu; na vuniyaloqu e lomaqu sa nuiqawaqawa. 5 Au nanumi kemuni, mai na veisiga sa sivi makawa; au qai vakananuya na vatuka ni nomuni cakacaka kecekece; qai vakauqeti au vakalevu na cakacaka ni ligamuni. 6 Au dodoka yani na ligaqu vei kemuni; na noqu bula e viagunu maivei kemuni me vaka na vanua dravuisiga karamaca.

7 ¶ Tama maivei au vakatotolo, i Yahuwe (YHWH), na noqu bula (soul) sa leqa tiko; kakua ni vunia na matamuni maivei au, deu na qai tautauvata kei ira era sa siro sobu tiko i She’ola (ibulubulu). 8 Vakavuna vei au meu rogoca na nomuni yalololoma e na mataka; baleta vei kemuni ga au dau vakararavi; vakavuna vei au meu kila na sala e dodonu meu muria, baleta au sa laveta cake yani na noqu bula (soul) vei kemuni. 9 Vueti au, i Yahuwe (YHWH) maivei ira na kequ meca: vakatavulici au meu cakava na nomuni lewa. 10 Baleta ni o kemuni oni noqu Kalou (Mighty One), na yalomuni daumalumu e na tuberi au i na sala ni bula (life).  11 Vakacegui i au, i Yahuwe (YHWH) e na vuku ni yacamuni; e na vuku ni nomuni yalododonu kauta laivi na yaloqu mai na itutu ni leqa. 12 E na nomuni yalo ni veikauwaitaki vagalui ira era cati au; ka vakarusai ira kece na meca ni noqu bula (soul); baleta o au, au nomuni dauniveiqaravi.

Same (Tehellim) 143:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
358 Blog No. 1452	December 24, 2011.
Reading	Hebrew Date
Sefanaia (T’zafan’yah) 1-3	Kishlev 28, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakarokorokotaki Jiova (Reverence Yahweh)

Thought: How Can We Revere Yahweh

......................... 

Serving For Yom Khah Mee Shee, 7^th Cheshvan, 5771

O iko mo vakarokorokotaki Jiova (Yahweh) na nomu Kalou (Mighty One), mo dau qaravi koya, ka dau bubului ga e na Yacana. 14 O iko mo kakua ni muria na veikalou (elohim) ni veigauna sa sivi, na nodra kalou (elohim) na vei matanitu era vakaitikotiko wavolivoliti kemuni; 15 O Jiova (Yahweh) na nomuni Kalou (Mighty One) e Kalou (Mighty One) gugumatua e na kemuni maliwa, de qai tubu saqati kemuni na leva i Jiova (Yahweh) na nomuni Kalou (Mighty One) qai vakawabokotaki kemuni mai na dela i vuravura. 16 Mo kakua ni vakatovolei Jiova (Yahweh) na nomuni Kalou (Mighty One), me vaka oni a vakatovolei koya kina e na yalo ni veivakatovolei. 17 O iko mo bula muria vakavuku na lewa nei Jiova (Yahweh) na nomuni Kalou (Mighty One), bau kina na nona ivakaro, na nona ilesilesi kei na nona veilawa e a vakarota vei kemuni. 18 O iko mo cakava ga na ka e vinaka ka dodonu e na mata i Jiova (Yahweh); me rawa ni vinaka vei iko na bula, me qai rawa ni o lako yani mo lai taukena na vanua bulabula a bubuluitaka vei ira na tamamuni o Jiova (Yahweh), 19 ka me qai vakadrukai ira talega na kemuni meca e matamuni, me vaka a kaya o Jiova (Yahweh).

Na iVakarua (D’varim) 6:13-19

E dua vata ga na lawa e na vauci kemuni, ruarua o kemuni vata kei ira na tavuki (proselyte) era vakaitikotiko kei kemuni. qori e dua na lawa tawamudu e na nomuni veitabagauna kecekece sara; o ira na tavuki era tautauvata kei kemuni e mata i Jiova (Yahweh)  16 E dua na lawa kei na dua na lewa me baleti kemuni, me baleti ira talega na tavuki era vakatikotiko vata kei kemuni.

Lekutu (B’midbar) 15:15-16

Me vakasausau na ligamuni na tamata kecekece; moni kaila vua na noda Kalou (Mighty One) e na domo ni qaqa. 2 Baleta o Jiova Cecere (Yahweh Ylyon) me vakarokorokotaki (reverenced); ka ni o koya na Tui e dela i vuravura taucoko.

Same (Tehillim) 47:1-2

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
288	October 15
Reading	Hebrew Date
Yesha’yahu 50-52	Cheshvan 7

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Lomani Jiova Muria Na Nona Lewa (Love Yahweh Keep His Commands)

Thought: Love Yahweh For Your Own Good

 .............................

Serving For Yom Revee-ee, 5^th Cheshvan, 5771

ROGOCA i Isireli: o Jiova (Yahweh) e noda Kalou (Mighty One), o Jiova (Yahweh) e duabau ga;  05 Moni lomani Jiova (Yahweh) na nomuni Kalou (Mighty One) e na vuniyalomuni taucoko kei na nomuni bula  (soul) taucoko kei na nomuni kaukaua taucoko.

Na iVakarua (D’varim) 6:4-5

 

O JIOVA (Yahweh) na nomuni Kalou (Mighty One) e na tevea (circumcise) na utomuni kei na utodra o ira na nomuni kawa, oni na qai lomani Jiova (Yahweh) na nomuni Kalou (Mighty One) e na vuniyalomuni taucoko, e na nomuni bula taucoko, baleta ni na solia vei kemuni na vakacegu. 7 O Jiova (Yahweh) na nomuni ni Kalou (Mighty One) e na biuta na vatovato (curses) kecekece oqo vei ira na kemuni meca vata kei ira era cati kemuni ka dau vakaucacataki kemuni. 8 Oni na saumaki lesu mai moni bula muria na domo i Jiova (Yahweh) na nomuni Kalou (Mighty One), au vakarota tiko qo vei kemuni edaidai.  9 O Jiova (Yahweh) na nomuni Kalou (Mighty One) e na vakavutuniyautaka na cakacaka kece ni ligamuni, e na vua ni yagomuni, e na vua ni nomuni manumanu yavaiva, kei na vuata ni nomuni vanua, mo ni vinaka kina, me vaka na nona a daurekitaki ira na na tamamuni. 10 Kevaka mo bula muria na vosa nei Jiova (Yahweh) na nomuni Kalou (Mighty One), mo ni vakabauta na nona ivakaro kei na nona ilesilesi era volai tu e na ivola ni lawa oqo, kevaka talega moni saumaki lesu vei Jiova (Yahweh) na nomuni Kalou (Mighty One) e na vuniyalomuni taucoko kei na nomuni bula (soul) taucoko.

Na iVakarua (D’varim) 30:6-10

AU na lomani kemuni i Jiova (Yahweh), na noqu kaukaua ka noqu inuinui. 2 E noqu itataqomaki ka noqu idrodro o Jiova (Yahweh) o koya au dau nuitaka; o koya e noqu dauniveivuke, e noqu isasabai ka noqu i vunivuni cecere 3 Au na dau kacivi Jiova (Yahweh), qori au na vueti kina mai vei ira na kequ meca.

Same (Tehillim) 18:1-3

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
287	October 14
Reading	Hebrew Date
Yesha’yahu 50-52	Cheshvan 6

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Veiwekani kei Jiova (Relationship with Yahweh)

Thought: Establish Relationship With Yahweh, Not With Dubious Elohims

 ....................................

Serving For Yom Ha Shee-shee, 2^nd Tishrei, 5771

Ia na tui e na cakava ga me vaka na nona gagadre; me vakacecerei koya vakataki koya ka vakalevulevui koya vakataki koya, ni uasivi cake vei ira  na kalou (elohim) kecekece, ka na kaya vakadokadoka e levu na ka lasutaki me veisaqasaqa kina kei na Kalou (Mighty One) ni veikalou (elohim), me qai vutuniyau tiko me yacova ni sa yaco  oti na veilecavi; baleta na veika sa navuci oti tu, e na vakayacori dina ga.  37 E na sega talega ni bau galeleta na nodra Kalou (Mighty One) o ira na tamana se na domoni ni yalewa se galeleti ira na veikalou (elohim): baleta o koya e na vakalevulevui koya vakataki koya ni cecekia cake mai na veika kece. 38 Ia e na nona vakasama, o koya e qarava tiko e dua na kalou cecekia; e dua na kalou (elohim) era a sega ni  kila o ira tamana, ka qarava o koya e na koula, na siliva na vatutalei, kei na veika malemaleka.

Daniela 11:36-39

O Jiova (Yahweh) e noqu iVakatawa; e na sega na ka me na sega vei au.  02 E cakava o koya meu cegu e na veivanua veico drokadroka; e tuberi au e na bati ni wai e drodro malua.  03 O Koya e vakavoutaka na noqu bula. E tuberi au e na sala ni yalododonu e na vukuni Yacana.  04 Io, e dina keu taubale kosova na buca ni yaloyalo ni mate, Au na sega ni nuiqawaqaqawataka na ca, baleta o Kemuni oni tiko vata kei au; na nomuni moto kei na nomuni itoko e na vakacegui au. 05 Oni vakarautaka e dua na teveli e mataqu, e na kedra maliwa na kequ meca; oni lumuta na uluqu e na ilumu,  na noqu bilo sa vuabale.  06 Sa dina ga ni na muri i au na nomuni yalovinaka kei na nomuni yalololoma e veisiga kece ni noqu bula;  kau na lai vakaitikotiko voli ga e na vale nei Jiova (Yahweh) me tawamudu.

Same 23:1-7

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
253	September 10
Reading	Hebrew Date
Proverbs 17-18	Tishrei 2

 May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Books

   

Kerei na Veivuke Nei Jiova (Yahweh’s Help is Requested)

Thought: Always Face Your Problems Using Yahweh’s Decision.

.................................. 

Serving For Yom Reeshone 12^th Elul, 5770

Era qai toro mai, o ira kece  na iliuliu ni mataivalu vata kei Yokanana na luvei Kareaka tagane kei Yasanayahu na luve i Hosa’ya tagane vata kei ira na tamata kecekece, mai vei ira na gonelalai me yaco vei ira na qase, me ra toro voleka. 02 Era qai kerei Yeremeyahu, Keimami mai vakatakekere vei iko, mo masulaki keimami mada e na mata i Jiova (Yahweh) na nomu Kalou (mighty One), oqo o keimami na kena vo vo; ni keimami sa lewe lailai wale keimami vo, mai vei ira na lewe vuqa, me vaka oni sa raica rawa tu qo e matamu; 03 me kerei vei Jiova (Yahweh) na nomu Kalou (Mighty One) me vakatakila mai vei keimami na sala me keimami muria kei na veika me keimami cakava. 04 A qai kaya vei ira o Yeremeyahu na parofita, Au sa rogoci kemuni; raica, au na masu e mata i Jiova (Yahweh) na nomuni Kalou (Mighty One) me vaka na nomuni vosa; ia e na qai yaco, ni veika cava ga e sauma mai vei kemuni o Jiova (Yahweh), au na mai vakasavuya vei kemuni; au na sega ni vunitaka e dua na ka mai vei kemuni. 05 Era kaya sara vei Yeremeyahu, Me yaco mada ga me i vakadinadina ni dina kei na dodonu o Jiova (Yahweh) e na keda maliwa, kevaka keimami sega ni vakayacora na vosa i Jiova (Yahweh)na nomu Kalou (Mighty One), e na vakauta mai vei keimami o koya, mo na mai vakasavuya vei keimami o iko.06 Kevaka e vinaka se kevaka e ca, keimami na vakamuria vinaka sara na domo i Jiova (Yahweh) na noda Kalou (Mighty One) o koya keimami talai iko tiko vua; me rawa kina ni na qai tini vinaka na ka kece vei keda, ni da sa talairawarawa tiko i na domo i Jiova (Yahweh) na noda Kalou (Mighty One).

Jeremaia 42:1-6

O koya e solia na icegu vei ira era oca: ia vei ira era vauci tu e na mate ca, e vakalevutaka vei ira na kaukaua.  30 O ira na itabagone era na  malumalumu ka oca, o ira na cauravou era na sega ni vukea rawa na nodra tacaqe  31 Ia o ira era ravi vei Jiova (Yahweh) e na vakavoutaki na nodra kaukaua; era na vakatubura na tabadra e vaka na taba ni ruve, era na cici ia era na sega ni oca; era na taubale ia era na sega ni malumalumu.

Aisea 40: 29-31

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
234	August 22	Elul 12	Psalm 119:49-104

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.