Na Bale Nei Moshe (Moshe’s Passing)

Thought: No Other Prophet Surpasses Moshe: He Conversed, Eye To Eye, With YHWH

.................. 

Serving For Shabbat, Iyar 20, 5772.

(NB. In Counting Days Toward Shavu’ot (Gr:Pentecost), Today Is Day 35 out of 50)

MAI NA TORAA (FROM THE TORAH

SA qai cabe cake o Moshe mai na bucabuca ni vanua o Mo'ave, i na ulunivanua o Ni'vo, i na dela ni vanua veibasai kei Yeriko. O Yahuwe (YHWH) a qai vakaraitaka vua na vanua taucoko o Qiliade vakadua i Dani, 2  O Nafitalai taucoko, kei na vanua nei Ifira'yimi kei Ma'nashe kei na vanua taucoko nei Ya'huda, me yaco sara i na  Wasa Meditereniyani, 3 E na ceva kei na bucabuca o Yeriko  na korolevu ni niuniu, vakadua sara i Zo'a. 4 A qai kaya vua o Yahuwe (YHWH), Oqori na veivanua au a bubuluitaka vei Avarahama, Yi'sake kei Ya’akove, niu a kaya, Au na solia vei ira na nomu kawa: Au vakatara vei iko mo raica e matamu, ia o na sega ga ni lako sara kina.

5 ¶ A qai mate e keya o Moshe na dau ni veiqaravi nei Yahuwe (YHWH) e na vanua o Mo'ave, me vaka na vosa i Yahuwe (YHWH). 6 A buluti koya e na bucabuca ni  vanua o Mo'ave, veidonui kei Beiti-Pe'ora; ia e sega ni dua na tamata e kila na nona ibulubulu me yacova mai na siga nikua. 7 O Moshe e a yabaki duanadrau ruasagavulu e na gauna a mate kina; ia na matana a sega ni buwawa se salulu na kuli ni baluna. 8 Era qai vakalolokutaka na mate i Moshe o ira na luve i Yisira'yili e na bucabuca mai Mo'ave me  tolusagavulu na siga; oti qai tini na veisiga a  vakalolokutaki ka lolositakitaki tiko kina o Moshe.

9 ¶ O Ye'hoshua na luve i Nani a sa vakasinaiti tu e na yalo vuku; baleta o Moshe a tabaka na uluna e na ligana; era qai talairawarawa vua o ira na luve i Yisira'yili, ni ra cakava na veika a vakarota O Yahuwe (YHWH) vei Moshe. 10 A sega vakadua ni tubu tale mai Yisira'yili e dua na  parofita me tautauvata kei Moshe, baleta a kilai koya o Yahuwe (YHWH) ni rau dau veiraimata, 11 Ka vaka kina e na ivakatakilakila kei na cakacaka veivakurabuitaki, a talai koya kina o Yahuwe (YHWH) me lai cakava e na vanua o Ijipita vei Fero, vata kei ira na nona dauniveiqaravi, kei na nona vanua taucoko, 12 E na kaukaua vakaitamera taucoko, kei na ivakatakilakila vakavakaitamera e a cakacakataka o Moshe e na mata i  Yisira'yili taucoko.

Na iVakarua (D’varim) 34:1-12

NA IVAQA NI BULA (FOOD FOR THE SOUL)

Na yame dauveivakacegui e dua na vunikau ni bula; ia ni muleca (vakatani) e dua na ka, e na dau voroka na yalo.

Vosa Vakaibalebale (Mishlei) 15:4

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na sere. E dua na Same i Dawide. 2(1) Kemuni na Kalou (Mighty One), na vuniyaloqu sa vakarau, na vuniyaloqu sa vakarau; Au na laga sere meu soli vakamuduo e na noqu vakarokoroko. 3(2) Yadra noqu hapi. Yadra noqu soliteri kei na hapi: O au vakataki au, au na sou vakamataka (lailai). 4(3) Au na vakavinavinakataki kemuni i Yahuwe (YHWH), e na kedra maliwa na tamata: Au na lagaseretaki kemuni e na kedra maliwa na veimatanitu: 5(4) Baleta na nomuni yalololoma e vakaitamera ka ni yaco sara i lomalagi, na nomuni dina e yaco sara i na lomalagi kei lomalagi. 6(5) Moni vakacerecerei, kemuni na Kalou (Mighty One) me sivia na lomalagi, kei na nomuni dokai me cecere cake mai vuravura;

7(6) ¶ Me rawa ni vakabulai o koya e nomuni daulomani; vakabulai au e na ligamuni imatau; rogoci au. 8(7) O Yahuwe (YHWH) sa vosa e na nona yalosavasava; O au, au na rekitaka; Au na votai She'kehemi, ka wasea na buca mai Sakota. 9(8) O Qili'ade e noqu, o Ma'nashe e noqu, o Ifira'yimi talega na kaukaua ni uluqu; O Ya'huda e noqu tui; 10(9) O Mo'ave e noqu dari ni vuivui; O Idomi na iseresere ni noqu ivava: kau na qaqa e dela i Pe'leseta. 11(10) O cei e na kauti au i na koro kaukaua? O cei e na liutaki au i Idomi? 12(11) E sega beka ni o kemuni, kemuni na Kalou (Mighty One) o kemuni oni a cemuri keimami laivi? E sega beka ni o kemuni, kemuni na Kalou (Mighty One), oni na sala vata kei ira na neimami mataivalu? 13(12) Solia vei keimami na kaukaua me keimami qaqa vei ira na keimami meca; baleta e tawayaga wale na veivuke vakatamata. 14(13) Ni to kei keda o Yahuwe (YHWH) o keda eda na kaukaua: Baleta o koya ga e na buturaki ira sobu na keda meca.

Same (Tehellim) 108:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 132 o/o 1592	May 12, 2012
Reading	Hebrew Date
M’lakhim Bet (2 Tui) 4-5	Iyar 20, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iOtioti Ni Vosa I Moshe (Last Words of Moshe)

Thought: Notice That YHWH Is The Giver Of Life And Death

 .....................

Serving For Yom HaShishi, Iyar 19, 5772.

(NB. In Counting Days Toward Shavu’ot (Gr:Pentecost), Today Is Day 34 out of 50)

MAI NA TORAA (FROM THE TORAH

Raica mada vakamatata ni o au o koya, ka sega ni dua tale na Kalou (Mighty One) keirau lerua kaya; au vakavuna me ra mate na tamata, ka vakavuna me ra bula, au veivakamavoataki, au veivakabulai (heal); e sega ni dua e rawa ni dro tani mai ligaqu. 40 Au dodoka yani na ligaqu vaka i lomalagi, au qai bubului, Me vaka ga niu bula tiko me tawamudu. 41 Au na vagatara na noqu seleiwau  makowaliliva me vaka na yaseyase, na ligaqu e na taura matua na lewa; au na sausaumilesu vei ira era dau cati au, au na cakava vei ira na kequ meca me ra soro. 42 Au na cakava na noqu gasau ni dakaititi me mateni e na dra, na noqu seleiwau e na tiloma na lewe (flesh); vata kei na nodra dra o ira era sa vakamatei kei ira na bobula, mai na iliuliu ni uludra na meca. 43 O koya oya moni vakacaucautaka kina na nona tamata, kemuni na veimatanitu; baleta na (dave) ni nodra dra na nona dauniveiqaravi e na saumi lesu; o koya e na sausaumilesu vei ira era saqati koya ka solia lesu na nodra vanua vei ira na nona tamata.

44 ¶ E lako mai o Moshe, qai mai cavuqaqataka na qaqani sere oqo e matadra na tamata, o koya vata kei Ye'hoshua na luve i Nuni. 45 E na gauna sa oti kina na nona cavuqaqataka na vosa kece oqo vei  Yisira'yili taucoko o Moshe; 46 Sa qai kaya vei ira, Tekia na vuniyalomuni e na vosa kece au sa tusanaka oti e na kemuni maliwa e na siga oqo; o kemuni moni na qai vakaroti ira na luvemuni me ra vakayacora, oya na vosa kece ni lawa oqo. 47 Baleta qo era sega ni ka wale vei kemuni, baleta qo sara ga na nomuni bula (life); e na veika sara ga oqo e na vakabalavutaki kina na nomuni veisiga e na vanua oni sa takosava tiko kina oqo na Yaradani moni lai taukena.

Na iVakarua (D’varim) 32:39-47

NA IVAQA NI BULA (FOOD FOR THE SOUL)

E dua na vosa tau malumu e vukica tani na leva; ia e dua na vosa kaukaua e na vakauqeta na cudru. 2 ¶ Na yame ni tamata vuku e vakayagataka vakadodonu na kilaka: ia na gusudra na lialia e na sovaraka ga na vosavosa ca. 3 ¶ Na mata i Yahuwe (YHWH) e tiko e veiyasana kecekece, me dikevi ira tiko na tamata vinaka kei ira na ca.

Vosa Vakaibalebale (Mishlei) 15:1-3

LOMANI YAHUWE NA NOMU KALOU (LOVE YHWH YOUR MIGHTY ONE)

SOLIA na vakavinavinaka vei Yahuwe (YHWH) baleta o koya e vinaka, na nona yalololoma e tudei tu me tawamudu.  2 Laivi ira na vueti nei  Yahuwe (YHWH), me ra kaya vaka kina, o koya e na vueti koya mai liga i koya e dau  veivakasaurarataki; 3 Qai vakasoqoni ira mai na veivanua, mai na vuaicake, ka vaka kina mai na vuaira, mai na vualiku ka vaka kina mai na yanuyanu mai wasawasa. 4 Era a yali tu mai na veikauloa e na dua na vanua e sega kina na wai; era a sega ni kunea na sala dodonu i na dua na koro tawa. 5 E na walokai kei na karamaca, na nodra bula (soul) a sa gogo e lomadra; 6 Era qai tagi vei Yahuwe (YHWH) e na dela ni nodra leqaleqa, qai vueti ira o koya mai na nodra vutugu. 7 Sa qai  tuberi ira e na sala dodonu, Me rawa ni ra lako i na dua na koro tawani. 8 Laiva na yalododonu i Yahuwe (YHWH) me ra solia na nodra vakamuduo vua; baleta na nona yalololoma sa taqara toka vei ira na luve ni tamata, 9 Qai vakaceguya na bula (soul)  galili ka vakamamautaka na bula (soul) walokai e na yalovinaka.

10 ¶ Me vakataki ira era dabe toka e na butobuto ka vaka kina e na iyaloyalo ni mate, ni ra vauci tu e na rarawa kei na kaukamea; 11 Baleta ni ra vosa kudrukudru saqata na vosa ni Kalou (Mighty One) ka beca na nona ivakavuvuli o Koya e Cecere sara;  12 O koya oqori e a kauta sobu kina na vuniyalodra e na cakacaka bibi; era a qai gogo sobu ka sega ni dua me vukei ira; 13 Era sa qai masu vei Yahuwe (YHWH) e na dela ni nodra leqaleqa, qai vueti ira o koya mai na nodra rarawa.14 A kauti ira tani mai na butobuto kei na iyaloyalo ni mate, qai gutuva me tasere na kedra ivau. 15 Laivi ira na yalododonu i Yahuwe (YHWH) me ra solia na nodra vakamuduo vua; baleta na nona yalololoma sa no vei ira na luve ni tamata. 16 Baleta ni sa musulaka o koya na isogo ni matamata barasa, ka musuka laivi na samugakagaka kaukamea.

17 ¶ E a vukei ira tani mai na nodra itovo ni ivalavala ca, a vakacegui ira mai na kedra mate.18 Na nodra bula (soul) a cata na veimataqli kakana kecekece; era qai toro volekata na matamata ni mate. 19 Era qai tagi vei Yahuwe (YHWH) e na nodra leqaleqa, qai vueti ira mai na nodra vakaloloma. 20 A tala na nona vosa, ka vakabulai ira, qai vueti ira mai na rusa. 21 Laivi ira na yalododonu i Yahuwe (YHWH) me ra tauca na nodra vakavinavinaka Vua, baleta na Nona yalololoma sa biuta tu vei ira na luve ni tamata! 22 Cabora vua na imadrali ni vakamolimoli ka vakalagilagitaki Koya o kemuni na Nona dauniveiqaravi, baleta ni Nona na veika lagilagi.

23 ¶  O ira era veisokoyaki e na waqa, ka vakayacora na nodra bisinisi e na vei wasawasa lelevu, 24 O ira oqori era dau raica na cakacaka i Yahuwe (YHWH), kei na nona lagilagi  e na loma ni titobu. 25 Baleta o koya e vakarota ka vakavurea na cagi laba me vakatubura  kina na kena biau. 26 Era tubu cake i lomalagi, era qai suka lesu i na boto ni wasaliwa; na vuniyalodra e veilecayaki e lomadra. 27 Era tataivatia vaka ka vaka, ka veicebayaki me vaka na tagane mateni, era sa toka sara ga e na bati ni domobula. 28 Era qai tagi vei Yahuwe (YHWH) e na nodra rarawa, qai vueti ira mai o koya mai na nodra vakaloloma. 29 E vakaruruya na cagilaba, me ra maravu na veibiau. 30 Era sa qai marau ni ra sa vakanomodi; sa qai kauti ira mai o koya i na toba era gadreva me ra vakarurugu kina. 31 Laivi ira na yalododonu i Yahuwe (YHWH) me ra vakamuduo vua; baleta na nona yalololoma sa no vei ira na luve ni tamata. 32 Laivi ira me ra vakalevulevui koya e na nodra isoqosoqo na tamata, ka vakavinavinaka vua e na nodra sosoqoni na matua.

33 ¶ E vukica na uciwai o koya me ra veikauloa, kei na vei toevu me ra  vanua dravuisiga; 34 Na veivanua bulabula me ra talasiga, baleta na nodra ivalavala ca era vakaitikotiko kina. 35 E vukica na vanua dravuisiga me ra veitoevu ni wai, kei na veivanua mamaca me ra ivurevure ni wai. 36 E keya e  lewa me ra tiko kina o ira na walokai, me ra dui tara kina na nodra veikoro me ra vakaitikotiko kina,  37 Me ra kaburaki itei e na kena veiwere, ka teivaka na veiloga ni vaini ka kania na kena vuata. 38 E vakalougatataki ira talega, me vakalevutaki na kedra iwiliwili; ka sega ni vakavuna me vakalailaitaki na nodra manumanu. 39 Oti era baci vakalewelailaitaki ka vakamalumutaki ni ra vakasaurarataki, ni ra tauvimate ka rarawa. 40 E luvuci ira na iliuliu o koya e na madua qai vakavuna me ra veiseseyaki ni ra veilakoyaki  voli e na veikauloa e na vanua e sega kina na gaunisala, 41 E vakauakauataki ira na dravudravua ka vakalevutaka na nodra veimatavuvale me vaka na qele ni sipi. 42 O ira na yalododonu era na raica era qai mamarau; o ira na dau valavala ca era na sogota na dui gusudra. 43 O ira era vuku, era qai bula muria na veika oqo; o ira oqori era na vakila  na yalololoma i Yahuwe (YHWH).

Same (Tehellim) 107:1-43

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 131 o/o 1591	May 11, 2012
Reading	Hebrew Date
M’lakhim Bet (2 Tui) 1-3	Iyar 19, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veiliutaki O Joshua (Leadership Of Y’hoshua).

Thought: Filling Moshe’s Shoes Was A Huge Task, But Y’hoshua Did It Well

 ......................

Serving For Yom Chamishi, Nisan 6, 5772

MAI NA TORAA (FROM THE TORAH)

Kaya o Yahuwe (YHWH) vei Moshe, Cabe cake i na tokaitua ni nodra ulunivanua na ‘Avarimi, mo lai raica mai kina na vanua au sa solia oti vei ira na Yisira'yili: 13 Ni o sa raica oti, o iko talega o sa na soqoni yani vata kei ira na nomu tamata, me vaka a sa yaco oti vei Aharoni na tuakamu. 14 Baleta drau a talaidredre i na noqu ivakaro, mai na vanua liwa o Zini, e na gauna era a vakavu veileti kina na lewe ni isoqosoqo, ia drau a qai sega ni vakarokorokotaki au e matadra; oya a yaco mai na Waivure o Me'rivaa, mai Kadesha e na vanua liwa o Zini.

15 ¶ Vosa o Moshe vei Yahuwe (YHWH) ni kaya, 16 Laivi Yahuwe (YHWH) na Kalou Tawayalani (Ominipotent Mighty One) ni bula kecekece, me lesia e dua na tamata me liutaki ira na lewe ni isoqosoqo. 17 O koya me lako mai me mai liutaki ira, o koya  me na mai tauri ira vata me kauti ira vata tiko, ka me na nodra iliuliu; kakua ni laivi ira na isoqosoqo i Yahuwe(YHWH) me ra vaka na sipi e sega ni dua e vakatawani ira. 18 Kaya o Yahuwe (YHWH) vei Moshe, Tauri Yo'hoshua na luve i Nani, e dua vei ira na tamata e tiko vua na yalo, qai tabaki koya e na ligamu; 19 Vakaroti koya me duri e na mata i Yilai'eza na kohena, ka vaka kina e na matadra na lewe ni isoqosoqo taucoko; qai laivi ira me ra raici iko, e matadra, ni o sa lesi i koya tiko me nodra iliuliu. 20 O iko mo qai tikica ka solia vua eso na nomu dokai, me rawa kina ni ra na dau talairawarawa vua o ira na lewe ni isoqosoqo na luvei Yisira'yili. 21 O koya me na qai duri e na mata i  Yilai'eza na kohena, me dusimaka, vakaraitayaloyalotaka ka vakamacalataka e na vukuna na lewa ni Urimi (dina) e na mata i Yahuwe (YHWH); e na nona vosa era na lako yani se curu mai, ruarua o koya kei ira kece na luve i Yisira'yili; o ira na lewe ni isoqosoqo taucoko. 22 O Moshe a qai vakayacora na veika a vakarota vua o Yahuwe (YHWH); ni a tauri Yo'hoshua, qai vakaroti koya me duri e na mata i Yilai'eza na kohena, ka vaka kina e matadra na isoqosoqo taucoko; 23 E vakotora na ligana e uluna, qai solia vua na lewa, me vaka a vakaroti koya kina o Yahuwe (YHWH) e na liga i Moshe.

Mai Lekutu (B’midbar) 27:12-23

NA IVAQA NI BULA (FOOD FOR THE SOUL)

Na yalewa vakawati yalodina e isala vakatui (crown) vua na watina; ia e dua na yalewa vakawati dau valavala ca e na vakacacani watina me vaka na ulo kei na yavato.

Vosa Vakaibalebale (Mishlei) 12:4

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. Maivei Dawide. Vakanananu lesu. 2(1) Cakava vakatotolo kemuni na Kalou (Mighty One) moni vueti au, cakava vakatotolo moni vakabulai au i Yahuwe (YHWH). 3(2) Laiva me ra madua ka veilecayaki o ira era vaqara tiko na noqu bula (soul); laivi ira me ra vukuci lesu vakanadaku ka biuti ira me ra veiseseyaki o ira era gadreva me ra vakamavoataki au. 4(3) Laiva me ra veilecayaki e na veitarataravi ni nodra vakamadualaki, o ira era kaya tiko vei au, Atu, atu. 5(4) Laivi ira era vaqarai kemuni me ra mamarau ka reki e na vukumuni; laivi ira era dau taleitaka na nomuni veivakabulai me ra kaya vakawasoma, Laiva na Kalou (Mighty One) me vakalevulevui. 6(5) Ia o au, au dravudravua ka gadreva na veivueti; cakava vakatotolo vei au kemuni na Kalou (Mighty One); o kemuni na noqu dauniveivukei, ka noqu ivakabula; i Yahuwe (YHWH) kakua ni vakaberabera.

Same (Tehellim) 70:1(0)-6(5)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 088 o/o 1548	March 29, 2012
Reading	Hebrew Date
Joshua (Y’hoshua) 23-24	Nisan 6, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Valetabu (The Sanctuary)

Thought: Moshe Obeyed YHWH From Start to End

....................... 

Serving For Yom R’vi’i, Sh’vat 22, 5772

MAI NA TORAA (FROM THE TORA

Na veika kece oqori, e cakava o Moshe; me vaka a vakarota vua o Yahuwe (YHWH); a qai cakava kina. 17 A qai yaco e na imatai ni vula e na ikarua ni yabaki, e na imatai ni siga ni macawa ni sa vakaduri i oti tu na Valetabu. 18 O Moshe a vakaduria na Valetabu, qai tukia na kena ivakadei, qai vakaduria na kena papa, biuta cake na kena kolokolo, ka vakaduria na kena duru. 19 E a dedeka na kena iubi e dela ni Valetabu, oti qai ubia yani e delana na iubi kuli ni manumanu; me vaka a vakarota o Yahuwe (YHWH) vei Moshe. 20 E taura o koya na ivakadinadina qai biuta e loma ni kato, daramaka na kena ivua, ka vakadabera na idabedabe ni loloma e dela ni kato; 21 A kauta o koya na kato i loma ni Valetabu, ka rubeca na ilati me tabonaka na kato ni veidinadinati; me vaka a vakarota o Yahuwe (YHWH) vei Moshe. 22 E biuta o koya na teveli e loma ni  valelaca ni veitavaki, e na yasa ni Valetabu donuya na vualiku e na daku ni ilati. 23 E tuvana vakavinaka e delana o koya na madrai, e na mata i Yahuwe (YHWH); me vaka a vakarota o Yahuwe (YHWH) vei Moshe. 24 A biuta o koya na menoraa i loma ni valelaca ni veitavaki; me toka veitikivi kei na teveli, e na yasa ni Valetabu vaka i na ceva. 25 Oti qai waqaca na icina e na mata i Yahuwe (YHWH); me vaka a vakarota o Yahuwe (YHWH) vei Moshe. 26 E biuta o koya na icabocabo ni soro koula e loma ni valelaca ni veitavaki e na mata ni ilati; 27 E vakama o koya e delana na kau ni vakaboi kamica; me vaka a vakarota o Yahuwe (YHWH) vei Moshe. 28 E rubeca o koya na ilatilati e na katuba ni Valetabu. 29 E biuta na icabocabo ni isorokama volekata na katuba ni valelaca ni veitavaki, qai cabora e delana na isorokama kei na isoro laukana; me vaka a vakarota o Yahuwe (YHWH) vei Moshe. 30 E vakadabera o koya na daritu e na maliwa ni vale ni veitavaki kei na icabocabo ni soro, qai tawana e loma na wai ni sasavui. 31 O Moshe, o Aharoni kei iratou na luvenatagane eratou dau savuya kina na ligadratou kei na yavadratou;  32 Ni ratou curuma na valelaca ni veitavaki, se torova na icabocabo ni soro, eratou na sasavui; me vaka a vakarota o Yahuwe (YHWH) vei Moshe. 33 A vakaduria o koya na bai ni buturara wavokita na Valetabu kei na icabocabo ni soro, ka rubeca na ilatilati ni matamata i na buturara. Oti sa qai vakaotia na cakacaka o Moshe.

Na iLakolako (Sh’mot) 40:16-32

NA IVAQA NI BULA (FOOD FOR THE SOUL)

Baleta mai vua, na nomu veisiga e na vakalevutaki, kei na yabaki ni nomu bula e na vakabalavutaki. 12 Luvequtagane, kevaka mo vuku, o na vuku e na vukumu o iko vakataki iko vata kei ira na nomu icaba; ia kevaka o dau vakasama ca, o iko ga vakataki iko o na colata na nomu ca;

Vosa Vakaibalebale (Mishlei) 9:11-12

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. Valataka na noqu i le, i Yahuwe (YHWH) vata kei ira era veiqati tiko vata kei au; valuti ira era valuti au tiko. 2 Taura cake na isasabai kei na ivakaruru, ka tucake moni vukei au. 3 Ucuna mai na seleiwau, moni vakalevelevei ira era vakaucacataki au tiko; kaya mai vua na noqu bula (soul) O au na nomu ivakabula. 4 Laivi ira me ra vakasesei ka biuti ira me ra madua o ira era vaqara tiko na noqu bula; laiva me ra saumaki laivi ka kau lesu i na veilecayaki o ira era bukia tiko na vere meu sotava na leqa. 5 Laivi ira me ra vaka na qanisila, me ra qai cacaginagina, ka laivi ira na mala’aka i Yahuwe (YHWH) me ra cemuri ira. 6 Laiva na nodra sala me butobuto ka titidara, ka laivi ira na mala’aka nei Yahuwe (YHWH) me ra vakacacani ira. 7 Baleta era sa kelia na qara me baleti au, ka dedeka na lawalawa me coko kina na noqu bula (soul). 8 Laiva na rusa me kovuti ira ni ra se wele tu; laiva na lawalawa era a virikotora me ra coko tale kina, kei na loma ni qara era a kelia, laiva me ra lutu tale i loma. 9 Na noqu bula (soul) e na reki vakalevu e na vuku ni Kalou (Mighty One); e na marautaka na nona veivakabulai. 10 Na suiqu taucoko era na kaya, I Yahuwe (YHWH) o cei e tautauvata kei kemuni, ni oni na vueti koya e  dravudravua, mai vei koya e kena meca, io, na dravudravua kei na luveniyali mai vei koya e kovea vakaukaua na nona iyau

11 ¶ Na dauveibeitaki lasu era duri cake; era beitaki au e na veika au sega ni kila. 12 Era veisausaumitaka vei au na ca me isau ni vinaka, ka vakacacana na kequ irogorogo vei ira na tamata. 13 Ia o au, e na gauna era a tauvimate kina, au a daramaka na isulutaga; au vakamalumalumutaka na noqu bula (soul) e na lolo kei na masumasu, ka ra suka lesu kece mai i lomaserequ; 14 Au a vakaitovotaki au, me vaka ga era noqu icaba se taciqu. Au cuva sobu vakalolovira, me vaka e dua e vutugu tu e na rarawa bibi. 15 E na gauna au lomabibi tu kina, era a sosoqoni vata me ra mamarau; io, era sosoqoni vata me ra saqati au, me dua na gauna balavu; ia au qai sega ni kila; 16 E na nodra veivakaisini kei na veivakalialiai, era qai vakasequruquru bati mai vei au.

Same (Tehellim) 35:1-16

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
046 Blog No. 1506	February 15, 2012.
Reading	Hebrew Date
Na Veisorosorovi (Wayikra) 20-21	Sh’vat 22, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Soro O Fero. (Pharaoh Submits )

Thought: YHWH Is All Powerful And Will Protect His People

H

...................... 

Serving For Yom HaShishi, Sh’vat 10, 5772

MAI NA TORAA (FROM THE TORAH)

O Moshe a qai kacivi ira vata na nodra qase na luve i Isira'yili, qai kaya vei ira, Ni vakatotolo, ni vesuka na luve ni sipi me rauta na nomuni dui matavuvale, moni qai vakamatea na lami ni Lakosivia. 22 Moni qai taura e dua na taba ni hisopi, tonia e na dra ni lami, qai vakamiraka e na ulu kei na duru ruarua ni katuba, mai na dra ni lami sa tiko e loma ni beseni; ia me kakua ni dua vei kemuni me curu tale i tubu mai na katuba oya me yacova na mataka. 23 Baleta o Yahuwe (YHWH) e na lako sivia, ni mai vakamatei ira na kai Ijipita; ia ni raica na dra e na ulu  kei na duru ruarua ni katuba, o Yahuwe (YHWH) e na qai kauta mai na marau i na katuba, baleta e na sega ni vakatara vua na dauveivakarusai me curuma na nomuni vale me vakamatei kemuni. 

24 O kemuni moni na qai dau vakayacora tiko na ituvatuva vata oqo kei na ivakaro oqo, e na vukumu o iko vakataki iko, vata kei ira na luvemu me tawamudu.  25 E na qai yaco, ni oni sa yaco mai i na qele sa solia oqo vei kemuni o Yahuwe (YHWH), me vaka sa yalataka oti tu, moni na qai dau qarava tiko na solevu oqo. 26 E na qai yaco ni ra tarogi kemuni o ira na luvemuni, Na cava na ibalebale ni solevu qo? 27 Moni na qai sauma, Oqo na isoro ni Lakosivia vei Yahuwe (YHWH), o Koya e a kauta mai na marau i na nodra vale na luve i Yisira'yili mai Ijipita, e na gauna a vakamatei ira kina na kai Ijipita, qai vueta na noda veivale. Oti era sa qai vakacuvara na uludra o ira na tamata, me ra sokalou vei Yahuwe (YHWH). 28 Era sa qai lako na luvei Yisira'yili era qai lai cakava na ka a kaya o Yahuwe (YHWH) vei Moshe kei Aharoni; kece oqori era a cakava.

29 ¶ A qai yaco e na bogilevu tutu, o Yahuwe (YHWH) a qai vakamatei ira kece na ulumatua e na vanua o Ijipita; mai na ulumatua i Fero, o koya dabe toka e na nona idabedabe vakatui, kauta sobu vua na nona ulumatua na bobula e tiko e loma ni valeniveivesu, vata kei ira na ulumatua na manumanu. 30 O Fero a qai matacake e na bogi oya, o koya kei ira kece na nona dauniveiqaravi vata kei ira kece na kai Ijipita; baleta e dua na veitagicaki  vakaitamera  sa rogo tu e na loma ni vanua taucoko o Ijipita; e sega tale ni dua na vale, e sega ni dua me mate kina. 31 Kaci o Fero me rau lai lako mai o  Moshe kei Aharoni e na bogi tiko ga oya, qai kaya vei rau, Cavutu ka lako laivi mai vei ira na noqu tamata, ruarua o kemudrau, kei ira na luve i Yisira'yili; lako lai qaravi Yahuwe (YHWH), me vaka drau a kaya. 32 Kauta talega na nomuni qelenisipi kei na nomuni qelenibulumakau, me vaka na nomudrau vosa, ka lako laivi; drau qai vakalougatataki au talega. 33 O ira na kai Ijipita, era a cikevi ira talega na tamata, me rawa ni ra lako laivi sara vakatotolo, baleta era kaya, De keimami qai mate taucoko.

Na Lako Yani (Sh’mot) 12:21-33

NA IVAQA NI BULA (FOOD FOR THE SOUL)

E rawa beka vua e dua na tagane me mokota na bukawaqa e serena, me qai sega ni kama na nona isulu? 28 E rawa beka vua e dua me taubale e dela ni koala katakata, qai sega ni kama na yavana? 29 E vakakina o koya e lako vua na wati i wekana vakaitikotiko qai tarai koya; o koya e na sega ni tabucala. 30 E sega ni dua e na kurabui ni dua na daubutako e tobo ni butako, baleta ni na butako ga me vakacegui koya vakataki koya ni sa walokai; 31 Ia kevaka sa tobo, o koya e na sausaumi lesu me vakavitutaki; o koya e na solia na veika kece e loma ni nona vale. 32 Ia o koya e veidauci vata kei na dua na yalewa, e lekaleka na nona vakasama, ka ni vakarusa tiko ga na nona bula (soul) o koya vakataki koya. 33 O koya e vakayacora oqori e vakamaduataki koya tiko ga vakataki koya; ia na nona sevaki e na sega ni boko laivi. 34 Baleta na yalovuvu e na vakaseuta na nona leva cecekia e dua na tagane; o koya e na sega ni veivosoti e na siga ni veisausaumi. 35 E na sega ni ciqoma, e dua na isoro o koya; e na sega talega ni ciqoma na veivaqumi, veitalia mada ga kevaka me vakatuburi cake na kena ilevu.

Vosa Vakaibalebale (Mishlei) 6:27-35

LOMANI YAHUWE NA NOMU KALOU (LOVE YHWH YOUR MIGHTY ONE)

Rogoca, i Yahuwe (YHWH), na domoqu niu kaci yani vei kemuni; lomani au ka tama mai vei au: 8 Na vuniyaloqu e kaya yani vei kemuni, laiva na mataqu me vaqara na matamuni. 9 Kakua ni vukica tani na matamuni, mai vei au, i Yahuwe (YHWH); kakua ni vakaleqa na nomuni dauniveiqaravi e na leva; oni dau noqu dauniveivukei i Yahuwe (YHWH); kakua ni ceburaki au laivi, se biuti au tani, noqu Kalou (Mighty One) ka noqu ivakabula. 10 E dina ga ni rau sa guilecavi au o  tamaqu vata kei tinaqu, o Yahuwe (YHWH) sa tauri au cake. 11 Vakatavulica vei au na nomuni sala i Yahuwe (YHWH), tuberi au e na sala dodonu. 12 Kakua ni soli i au laivi i ligadra na kequ meca; baleta era sa mata cake mai na ivakadinadina lasulasu me ra saqati au, ka ra sa cavuta tiko na vosa ni veivakalolomataki. 13 Ia au vakabauta, niu raica tiko na yalovinaka i Yahuwe (YHWH) e na nodra vanua na bula. 14 Vakararavi vei Yahuwe (YHWH),  yalo qaqa tiko; io nuitaki Yahuwe (YHWH) ga.

Same (Tehellim) 27:8(7)-15(14)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
034 Blog No. 1494	February 3, 2012.
Reading	Hebrew Date
Na iLakolako (Sh’mot) 31-33	Sh’vat 10, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Lami Ni Lakosivia (The Pesach Lamb)

Thought: Preparing For The Pesach Was Strictly Time And Quality Based

H

.............................. 

Serving For Yom Chamishi, Sh’vat 9, 5772

MAI NA TORAA (FROM THE TORAH)

Oti sa qai vosa o Yahuwe (YHWH) vei Moshe kei Aharoni e na vanua o Ijipita, ni kaya. 2 Na vula oqo sa na itekitekivu ni veivula vei kemuni; e na imatai tiko ni vula ni yabaki vei kemuni. 3 Vosa vei ira kece na lewe ni isoqosoqo e Isira'yili; mo drau kaya, E na ikatini ni siga ni vula oqo, me ra taura kina, na tamata yadua, e dua na lami e na vukudra o ira vakataki ira, kei na dua na lami e na vukudra na matavuvale nei tamadra. 4 Ia kevaka era rui le lailai na lewe ni matavuvale me rauti ira e dua taucoko na lami, laivi ira vata kei ira na wekadra vakatitikotiko era tiko veitikivi, me ra wasea vata e dua, me veiraurau kei na kedra iwiliwili na tamata; na tamata yadua me veiraurau kei na tikina me na kania, me wili e na lami oya. 5 Na lami me kakua ni tiko na kena leqa, me katagane e se qai yabaki dua; qori me tauri mai vei ira na qele ni lami se mai vei ira na qele ni luve ni me. 6 Moni na maroroya tiko me yacova na ikatinikava ni siga ni vula vata oya: na lewe ni isoqosoqo taucoko e Isira'yili me ra na qai dui vakamatea, ni dromu na matanisiga. 7 Me ra na qai taura eso na kena dra, me ra boroya kina na duru ni katubalevu ruarua vata kei na ulu ni katubalevu, e na veivale kece era na kana kina. 8 Me ra na kania na lewena e na bogi oya, ia me tavusataki e na bukawaqa, ka laukana vata kei na madrai sega ni vakaleveni; ka me laukana tale ga vata kei na kakana draudrau wiwi (bitter). 9 Moni kakua ni kania droka se vakasaqara e na wai, ia me tavusataki ga e na bukawaqa; ka me tavu vata kei na uluna, na yavana, kei na kena igacagaca. 10 Ia me kakua ni vakavo tale tiko e dua na tikina me yacova na mataka;  na ka e vo tiko e na mataka kadua, me qai vakamai yavu e na bukawaqa. 11 E na kena ivalavala oqo moni kania kina; me vauci toka na tolomuni, me vakaivava toka na yavamuni ka me tauri tiko e ligamuni na nomuni ititoko; moni na kania vakusakusa: baleta qo na lakosivia (pesach) i Yahuwe (YHWH). 12 Baleta au na lako yani meu sikova na vanua taucoko o Ijipita e na bogi oya ; o ira kece na ulumatua e na vanua o Ijipita era sa na mate, ruarua na tamata kei na manumanu; au sa vakatulewataki ira kece na kalou matakau e Ijipita; o au o Yahuwe (YHWH).

Na Lako Yani (Sh’mot) 12:1-12

NA IVAQA NI BULA (FOOD FOR THE SOUL)

Luvequtagane, bulamuria na ivakaro nei tamamu, kakua ni vakanadakuya na nona ivakavuvuli o tinamu: 21 Tabaka vakaukaua me vakamawena e vuniyalomu, ka vesuki ira me ra buki wavokita na domomu: 22 Ni o sa lako, laivi ira me ra muri i iko; laivi ira me ra tiko vata kei iko, maroroi ira me rawa ni ra maroroi iko  ni o moce koto, e na maroroi iko; ia ni o sa yadra cake, vakananumi ira tiko. 23 Baleta na ivakaro e dua na icina, na lawa e dua na rarama, ia na veivakadodonutaki mai na ivakavuvuli era sala ni bula. 24 Mo taqomaki iko mai na yalewa vunica, mai na veicavilaki ni yamena na yalewa tawamacala; 25 Kakua ni garova na idivi ni nona totoka e vuniyalomu; kakua talega ni laivi koya me tudaitaki iko e  na matana, se laivi koya me vesumonataki iko e na sausauriva ni matana. 26 Baleta na irairai ni yalewa saqamua e na veitemaki me vaka e dua na ibuli madrai; ia na yalewa dauveidauci e na vakasasataka na bula vakamareqeti.

Vosa Vakaibalebale (Mishlei) 6:20-26

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. O Yahuwe (YHWH) na noqu rarama kei na noqu ivakabula; o cei tale meu rerevaka? O Yahuwe (YHWH) na kaukaua ni noqu bula; o cei tale meu rerevaka?  2 Ni ra a lako mai na daucaka ca me ra mai tilomi au, oya o ira na kequ meca kei ira era dau cati au, era qai tacaqe kece ka bale. 3 Kevaka mada ga me ra tuvaivalu saqati au o ira na le vuqa, na vuniyaloqu e na sega ni taqaya; e dina ga ni vakarau yaco mai vei au na ivalu, ia e na ka oqo au na yalodei. 4 E dua na ka au sa kerea oti vei Yahuwe (YHWH) au na vaqara tiko; Meu na bula tikoga e na vale i Yahuwe (YHWH) e na veisiga kece ni noqu bula, meu raica tiko na yaloreki i Yahuwe (YHWH), niu qarava tiko na nona valenisoro. 5 Baleta ni yaco mai na siga ni tu leqaleqa, o koya e na vunitaki au e na ruku ni nona veitaqomaki; e na vakatikori au e na dela ni uluvatu, e na gauna ni rarawa: 6 Qo e na qai talave cake kina na uluqu e deladra na kequ meca era tu vakavolivoliti au: qori au na qai vakacabora kina e na nona valetabu na imadrali ni marau; Au na lagata na sere ni vakavinavinaka vei Yahuwe (YHWH).

Same (Tehellim) 27:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
033 Blog No. 1493	February 2, 2012.
Reading	Hebrew Date
Na iLakolako (Sh’mot) 29-30	Sh’vat 9, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Navuci Na Mate Ni Ulumatua (The Death Of First Born Planned)

Thought: Pharoah Simply Did Not Have A Chance Against YHWH

H

 .............................

Serving For Yom R’vi’i, Sh’vat 8, 5772

MAI NA TORAA (FROM THE TORAH)

KAYA o Yahuwe (YHWH) vei Moshe, Sa qai vo ga qo meu kauta mai e dua tale na leqalevu vei Fero ka vaka kina vei ira na kai Ijipita; Au sa na qai sereki  kemuni moni biuta na vanua oqo; niu sa laivi kemuni moni lako, sa na dodonu moni lako vata kece. 2 Vosa mada vei ira na tamata, me ra dui kerea, na tagane yadua, mai vei ira na wekana vakaitikotiko kei na yalewa yadua, mai vei ira na wekana vakaitikotiko, na iukuuku siliva kei na iukuuku koula. 3 O Yahuwe (YHWH) a solia vei ira na tamata me ra lomani e matadra na kai Ijipita. Qai kuria, ni o Moshe na tamata, a sa dokai tu vakalevu e na vanua o Ijipita, e matadra o ira na dau ni veiqaravi i Fero, ka vaka kina e matadra na lewenivanua. 4 Kaya o Moshe, O Yahuwe (YHWH) e kaya, Rauta na bogilevu tu tu, au sa na lako i loma i Ijipita; 5 O ira kece na ulumatua e na vanua o Ijipita era sa na mate, mai vua na ulumatua i Fero o koya e dabe tiko e na idabedabe vakatui, me yaco sara vua na nona ulumatua na vada e dabe toka e na daku ni dua na iqaqi; bau kina o ira na ulumatua ni manumanu. 6 E dua na tagitagiyaso levu e na yaco e na vanua taucoko o Ijipita, e dua (veitagici) e se bera ni bau yaco vakadua, ka na sega talega ni yaco vakadua tale mai muri; 7 Ia e na kedra maliwa na luve i Isira'yili e sega ni dua e na mavoa; na koli mada ga e na sega ni kodrova e dua na tamata se manumanu; qori me kilai kina ni o Yahuwe (YHWH) e na vakaduiduitaki ira na kai Ijipita mai vei ira na Isira'yili. 8 O ira kece na nomu dauniveiqaravi era na lako mai vei au, era na qai mai cuva vei au era na qai kaya, Lako laivi, ruarua o iko kei ira kece na tamata era tiko vata kei iko; ni oti oya au na qai lako yani; Biubiu o Moshe mai na mata i Fero e na yalo katakata vakaitamera. 9 Kaya o Yahuwe (YHWH) vei Moshe, O Fero e na sega ni vakarorogo vei iko; me rawa ga ni vakalevutaka na noqu cakacaka veivakidroataki e na vanua o Ijipita. 10 O Moshe kei Aharoni rau a cakava na cakacaka veivakidroataki kece oqo e na mata i Fero, ia o Yahuwe (YHWH) e a dau vakaukauataka na vuniyalo i Fero, me kakua kina ni laivi ira na luve i Isira'yili me ra lako yani, mai na nona vanua.

Na Lako Yani (Sh’mot) 11:1-10

NA IVAQA NI BULA (FOOD FOR THE SOUL)

E ono na ka e dau cata o Yahuwe (YHWH): io na kena ikavitu e ka vakasisila vua: 17 Na mata qaciqacia, na yame daulasulasu kei na liga dau vakadave dra vei ira era tawacala, 18 Na vuniyalo dau vakananuya na vakasama ca, na yava e dau totolo me ciciva na ivalavala vakasausa, 19 Na ivakadinadina lasulasu e dau cavuta na vosa lasu vata kei koya e dau vakatubu veisei e na kedra maliwa na veitacini.

Vosa Vakaibalebale (Mishlei) 6:16-19

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. Vakalewai au i Yahuwe (YHWH), baleta au bula tiko e na itovo dodonu: Au vakararavi talega vei Yahuwe (YHWH); qori au na sega kina ni lomalomarua. 2 Vakadinadinataki au, i Yahuwe (YHWH), vakadeuca na noqu vakasama kei na vuniyaloqu 3 Baleta na nomuni yalololoma sa tu ga qo e mataqu, au sa lako tiko e na nomuni vakabauta. 4 Au sega ni dau dabe kei ira na tamata itovo vakasisila; au sega ni dau veitokani kei ira era dau veivakaisini. 5 Au dau cata na isoqosoqo ni tamata dau caka ca; au sega ni dabe vata kei ira era dau valavala ca.

6 ¶ Au sa savata na ligaqu me savasava, au sa lako wavolivolita na nomuni icabocabo ni soro i Yahuwe (YHWH): 7 Meu rawa ni rogoca na domo ni nomuni veivakabekabei, oti au qai vakarogoya na nomuni cakacaka talei. 8 Yahuwe (YHWH) au domona na itovo tudei ni nomuni vale kei na vanua e vakavaletaki tiko kina na nomuni dokai; 9 Kakua ni vakarusai au vata kei ira era dau valavala ca, se na noqu bula kei ira na tamata dau vakadave dra: 10 E toka e ligadra na vakatubu ca, ka vaqumi na ligadra imatau e na isau ni veidabui. 11 Ia o au, au na muria tikoga na noqu itovo dodonu; vueti au ka lomani au.12 Na yavaqu e tu ga e na vanua dodonu; e loma ni isoqosoqo au na vakamuduo ga kina vei Yahuwe (YHWH).

Same (Tehellim) 26:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
032 Blog No. 1492	February 1, 2012.
Reading	Hebrew Date
Na iLakolako (Sh’mot) 27-28	Sh’vat 8, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.