Sakasakavakani O Yisira’yili! (Yisra’yl Was Arrogant!)

Thought: Yechezk’yl Was Worried: Would YHWH Exterminate Yisra’yl Completely?

........................ 

Serving For Yom HaShishi, [Seventh Month] Tishri 16, 5774

2nd Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

Oti, a qai laveti au e dua na yalo, qai kauti i na matamata e na tokalau ni vale i Yahuwe, oya na matamata e vakanamata tu vaka i na tokalau. E na icurucuru ni matamata, au raica kina  e rusagavulukalima na tagane; e na kedra maliwa, [au raici rau] o Ya'azanayahu na luvetagane i 'Azuri, kei Pe'latayahu na luvetagane i Be'nayahu, na nodra iliuliu na tamata. 2 E kaya vei au [o Yahuwe (YHWH)],  Tamata, o ira qo na tamata era navuca tiko na inaki ca, era qai solia tiko kina na ivakasala ca, e na loma ni korolevu oqo; 3 Era kaya tiko, Na gauna e se bera ni yaco mai me caka kina na tara vale. Na korolevu oqo e dua na kuro ni vakasaqa, ia o keda na kena lewe ni manumanu! 4 Qori mo parofisai saqati ira kina, Tamata, parofisai. 5 A qai sobuti au na Yalo i Yahuwe (YHWH), qai kaya vei au, Kaya; Oqo na  veika e kaya  o Yahuwe (YHWH); Na veika oni kaya tiko e donu, kemuni na lewe ni matavuvale i Yisira'yili; baleta au kila na imoimoi ni nomuni vakasama. 6 Oni sa vakamatea e le levu e na loma ni korolevu oqo, oni sa vakasinaitaka na nomuni veisalevu vei ira era sa mate. 7 Oqori a qai kaya kina oqo o Yahuwe na Sau (Sovereign YHWH), O ira oni vakamatei ira oni qai ceburaki ira tu yani kina, o ira qori na lewe ni manumanu, ia na korolevu oqo e ka dina ni kena kuro ni vakasaqa; ia o kemuni oni na kau laivi mai kina. 8 Oni domobulatata na seleiwau; ia au na kauta yani na seleiwau vei kemuni, e kaya o Yahuwe na Sau (Sovereign YHWH). 9 Au na qai kauti kemuni laivi mai kina, ka soli i kemuni i ligadra na kai tani, au na qai vakayacora na lewa vei kemuni. 10 Oni na bale e na seleiwau; au na vakatulewataki kemuni e na iyalayala kei Yisira'yili; oni na qai kila ni o au o Yahuwe (YHWH).11 Na korolevu oqo e na sega ni nomuni kuro ni vakasaqa; o kemuni oni na lewe ni manumanu e loma; au na qai vakatulewataki kemuni e na iyalayala kei Yisira'yili: 12 Oni na qai kila ni o au o Yahuwe (YHWH). Baleta oni sega ni bula muria tiko na noqu ivakaro se vakayacora tiko na noqu lewa, ia oni qai vakamuria tiko na nodra lawa na veimatanitu era tiko vakavolivoliti kemuni.13 A qai yaco niu parofisai tiko, ni a mate o Pe'latayahu na luvetagane i Be'nayahu. Au mani lutu sobu e mataqu, au qai rubica na tagi e na domo levu niu kaya, Isa lei Yahuwe na Sau (Sovereign YHWH)! Oni sa na vakawabokotaki ira kece beka vakadua na kedra vo vo na Yisira'yili?

 Yekezeki’yili (Isikeli) 11:1-13

NA IVAQA NI BULA (FOOD FOR THE SOUL)

Na tamana e dua na tamata yalododonu e na reki vakalevu; io, o koya e vuku na luvena tagane e na reki vakalevu e na vukuna.

Mishlei (Vosa Vakaibalebale) 23:23

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Laga e na ilagalaga ni “Kakua Ni Veivakarusai.” Maivei Dawide, Na nona vakabauta vuni (mikhtam) e na gauna a dro kina mai vei Sha'ula i loma ni qaravatu: 2(1) Ni lomani au kemuni na Kalou (Mighty One) vakaraitaka vei au na  yalololoma: baleta vei kemuni au sa kunea na noqu taqomaki. Io, au na kunea na noqu taqomaki e na ruku ni yaloyalo ni tabamuni, me yacova ni sa sivi na cavaa. 3(2) Au na kaci vei Yahuwe (YHWH) o koya e cecere sara, vua na Kalou (Mighty One) o koya e vakayacora tiko na nona inakinaki vei au. 4(3) O koya e na talatala mai lomalagi meu mai vueti, e na gauna era vakalialiai au tiko kina o ira era via buturaki au sobu. (Selaa) O Yahuwe (YHWH) e na vakauta mai na nona loloma kei na nona dina. 5(4) Era tu vakavolivoliti au na laione, au koto sobu no e na kedra maliwa na tamata era ceguva tiko na bukawaqa, na tagane e gagata na batidra me vaka na moto, kei na gasau [ni dakaititi] kei na yamedra e vaka na seleiwau gagata. 6(5) [O kemuni] moni vakacerecerei cake sara, kemuni na Kalou (Mighty One) me sivia na lomalagi! Laiva na nomuni dokai me cecere cake mai vuravura! 7(6) Era viria e dua na lawalawa me coko kina na yavaqu; ia au qai cuva sobu [meu levea]

8(7) ¶ Na vuniyaloqu e toka dei, o kemuni i Yahuwe (YHWH) oni toka dei. Au na lagasere ka qiria na ivakatagi. 9(8) Yadra, noqu dokai! Yadra tiko noqu soliteri kei na hapi! Au na vakayadrata na mataka ca ca. 10(9) Au na vakamolimoli vei kemuni i Yahuwe (YHWH) e na kedra maliwa na tamata; Au na qiria na ivakatagi vei kemuni e na kedra maliwa na veimatanitu; 11(10) Baleta na nomuni yalololoma e vakaitamera, e kala vakadua sara i lomalagi (heaven) kei na nomuni dina  e kala vakadua sara i lomalagi (sky). 12(11) [Moni] vakacerecerei, kemuni na Kalou (Mighty One) me sivia na lomalagi, laiva na nomuni dokai me cecere tiko ga e vuravura taucoko.

Tehillim (Same) 57:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 16 in 5774 (Total 2091)	September 20, 2013
Reading	Hebrew Date
Yechezk’yl (Ezekiel) 33-34	M #7: Tishri 16, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cala Ni Vakasama (Mistaken Thought)

Thought: Idolatry and False Worship Is So Prevalent, That YHWH Seems Invisible!

 ....................

Serving For Yom R’vi’ii, [Seventh Month] Tishri 14, 5774

MAI NA NEVI’IMI AKARONIMI (FROM THE NEVI’IM ACHRONIM)

Oti qai kaci e na domolevu e daligaqu o koya ni kaya, Samanitaki ira na komada ni korolevu vata kei na nodra iyaragi ni veivakarusai me ra taura yadudua tu mai e ligadra. 2 E gauna vata oya, e  ono na tagane era lako cake sara mai na gaunisala e na matamata e cake, vaka i na  vualiku,  o ira yadua era taura tu mai e ligadra, na nodra dui iyaragi ni veivakarusai. E na kedra maliwa e dua na tagane e vakaisulu tu e na lineni, e oro tu mai e tolona na iyaya ni volavola ni vunivola. Era qai curu era qai lai duri tu e na yasa ni icabocabo ni soro barasa. 3 Na iserau ni Kalou (Mighty One) i Yisira'yili a qai serau cake mai dela ni ke'ruvi, mai na tikina e tu kina, i na tutuni  vale. A qai kaci vua na tagane e vakaisulu tu e na lineni, o koya e oro tu na tolona na iyaya ni volavola ni vunivola;  4 Kaya o Yahuwe (YHWH) vua, Lako wavokita na korolevu, ka vaka kina i loma i Yerushalayimi, mo tabaka na ivakatakilakila e yadredra na tamata era vutugu tiko, e na vuku ni ivalavala vakasisila kei na veika ca  kece e caka tiko e loma.

5 ¶ Vei ira na kena vo, au rogoci koya ni kaya, Lako muri i koya i loma ni koro, lai ravuravu! Kakua ni laiva na matamuni me veivakavotaki; se veivosoti! 6 Vakamatei ira na tagane qase, na cauravou, na  goneyalewa, na gone lalai na yalewa; vakamatei ira kece! Ia kakua ni toro volekata e dua e kune vua na ivakatakilakila. Tekivu  yani mai na loma ni noqu valetabu. Era mani tekivu mai vei ira na iliuliu  e na mata ni vale. 7 Oti qai kaya vei ira o koya, Vakadukara na vale! Vakaosota na lomanibai e na yagonimate! Vakayacora sara!  Era  mani lako yani, era qai lai veivakamatei e loma ni korolevu. 8 Ia ni yaco tiko na veivakamatei, au a sa biu taudua tu ga. Au qai lutu sobu e mataqu, au qai tagi lagalaga niu kaya, Isa, i Yahuwe na Sau (Sovereign YHWH)! E na nomuni sovaraka tiko na nomuni leva cecekia e Yisira'yili, oni sa na vakarusai ira kece beka o ira na vo vo vei ira na Yisira'yili? 9 Oti qai kaya mai vei au o koya, Na nodra cala na yavusa Yisira'yili kei [na yavusa] Ya'huda e ka vakaitamera dina sara ga, na vanua sa robota vakadua tu na dra, kei na korolevu sa sinai tu e na kena bureitaki na lewadodonu;   baleta ni ra kaya, O Yahuwe (YHWH) sa biuta na vanua, o Yahuwe (YHWH) e sega ni raici [keda tiko mai]. 10 Ia o au vakataki au, na mataqu e na sega tale ni veivakavotaki, au na sega tale ni yalololoma; au sa na kauta mai vei ira [na isau e veirauraua] kei na nodra ivalavala [ca] i dui uludra o ira vakataki ira. 11 E na gauna vata oqo, na tagane e a  vakaisulu lineni tu, qai lili tiko mai tolona na iyaya ni volavola, sa qai lesu mai, qai mai vakasavu itukutuku ni kaya, Au sa cakava oti mai na veika kece oni a vakarota vei au me lai cakava.

Yekezeki’yili (Isikeli) 9:1-11

NA IVAQA NI BULA (FOOD FOR THE SOUL)

O iko, i luvequ tagane: Mo dau vakarorogo, dau yalomatua, ka vakataudeitaka na vuniyalomu e na ivalavala vinaka. 20 Kakua ni dua vei ira e dau gunuva vakasivia na waini, se dua vei ira e dau kania vakasivia na kakana.21 Baleta o rau ruarua, na daumateni kei koya e dau kanakanalevu, rau na yaco ruarua me rau dravudravua; na wakewake (mai na kana se gunu vakasivia) e na vakaisulutaki ira e na  isulu madra.

Mishlei (Vosa Vakaibalebale) 23:19-21

LOMANI YAHUWE NA NOMU KALOU (LOVE YHWH YOUR MIGHTY ONE)

I Yahuwe (YHWH), cakava me veilecayaki ka sega na betena na nodra vosa! Baleta au raica na itovo kaukaua kei na veivala e na loma ni korolevu. 11(10) E na siga kei na bogi era na  veitosoyaki wavokita na bailalaga; e loma, na tawadodonu kei na vakacaca; 12(11) Na veivakacacani sa sinai e loma; na veivakasaurarataki kei na lawaki ca e sega ni biuta na kena veisaqata. 13(12) Baleta e sega ni dua na meca a vakalialiai au, ke vaka kina keu a rawa ni vosota. E a sega ni dua na noqu itatacaqe e a vakaraitaka vei au na ivalavala ni veibeci; ke a vaka kina, keu a rawa ni vunitaki au vakataki au. 14(13) Ia qo, o iko sara ga, e dua na tamata e mataqali vata kei au, e dua na noqu itokani, e dua au kila vinaka.15(14) Keirau a dau veiwasei vakayalo; e na loma ni vale ni Kalou (Mighty One) keirau dau taubale vata e na kedra maliwa na [lewe ni] isoqosoqo. 16(15) Me qai biuta mada ga na mate vei ira, o koya; laivi ira me ra lako bulabula i She'ola: baleta na ca sa tiko e loma ni nodra itikotiko ka vakatale ga kina e loma ni vuniyalodra.

17(16) ¶ Ia o au, au na kaci vua na Kalou (Mighty One); o Yahuwe (YHWH) e na qai vueti au. 18(17) Yakavi, mataka kei na sigalevu au dau vosa kudrukudru ka qolou; ia o koya e [dau] rogoca na domoqu. 19(18) O koya e vueta na noqu bula ka solia vei au na vakacegu, me kakua ni dua e torovi au mai. Baleta e le levu era dau valuti au.  20(19) Na Kalou (Mighty One) o koya na tawamudu, e na rogoca qai vakamalumalumutaki ira, io, o koya e dau dabe toka e na nona idabedabe vakatui mai na kena itekivu. (Selaa) Baleta era sega ni veisau, ka ra sega ni rerevaki Yahuwe (YHWH). 21(20) [Na noqu itokani] a valuti ira era dau tu veisaututaki vata kei koya; o koya e a voroka kina na nona vosa sara ga ni bubului. 22(21) Na irogorogo ni nona veivosa a kaya o koya, e a dravidravia cake mai na bata, ia na vuniyalona e a nakita tiko na ivalu. 23(22) Talaca yani na nomu veileqa [kecekece] vei Yahuwe (YHWH), o koya e na qai tabei iko tiko. O koya e na sega vakadua ni vakatara me ra yavalati o ira na yalododonu. 24(23) Ia o kemuni i Yahuwe (YHWH) oni na dreti ira sobu i loma ni qara titobu taudua. O ira na tamata oqori, e kaukaua na nodra dau vakadavedra kei na nodra dau veivakacalai, era na sega ni bula me ra vakaotia na veimama ni nodra veisiga. Ia o au, mai na noqu yasana [i Yahuwe (YHWH)] au na biuta tiko ga na noqu inuinui vei kemuni.

Tehillim (Same) 55:10-24

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 14 in 5774 (Total 2089)	September 18, 2013
Reading	Hebrew Date
Yechezk’yl (Ezekiel) 29-30	M #7: Tishri 14, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Buli Kalou Matakau (Creating Idols and Graven Images)

Thought: People Who Create and Worship Graven Images Will Be Ashamed!

 ..................

Serving For Shabbat, [Sixth Month] Elul 25, 5773

 MAI NA NEVI’IMI AKARONIMI (FROM THE NEVI’IM ACHRONIM)

Vakarewataka na drotini e na dela ni bailalaga mai Bavela! Vakaukauataki ira na matayadra!  Lesi i ira na kena ivakatawa me ra vakarau! Vakarautaka na kabavanua! Baleta o Yahuwe (YHWH) e a navuca ka sa vakayacora na veika a yalataka ni na cakava vei ira era bula tiko mai Bavela.13 O kemuni oni vakaitikotiko e vanua  e levu kina na wai, e vakaitamera na [nomuni] iyau, na kemuni itinitini sa roro mai, na nomuni gauna moni muduki laivi kina! 14 O Yahuwe ni lewevuqa (YHWH- Tzva'ot) sa bubului oti e na yacana o koya vakataki koya ni kaya, Au na vakasinaiti iko vei ira na tagane e vaka na vodre na kedra iwiliwili; o ira era na qai laiva na kaikaila ni qaqa e delamuni. 15 O koya a bulia na vuravura (earth) e na nona kaukaua, a vakataudeitaki na vuravura (world) e na nona vuku ni a dedeka na lomalagi e na nona kilaka. 16 Ni vakuru mai o koya, na wai mai lomalagi e vadugu, e vakavuna na o me cabe mai na iyalayala kei vuravura, e cakava na yaseyase me lidi ni tau na  uca, qai yauta mai na cagi, mai na loma ni nona lololo. 17 E na ka oqo, e vakadinadinataki kina ni [tamata kece] era dogadoga, era sega ni kila e dua na ka, o ira kece na matai ni koula era na vakamaduataki e na vuku ni nodra kalou matakau! Na ivakatakarakara era bulia e ka ni ga  veivakacalai, e sega ni dua na icegu [ni bula] e kune vei ira, 18 Era sega ni dua na ka, era ka vakalialia; ni yaco mai na siga ni nodra totogitaki, o ira era na rusa.

Yiremeyahu (Jeremaia) 51:12-18

NA IVAQA NI BULA (FOOD FOR THE SOUL)

Na tamata vucesa e kaya, E dua na laione e tiko e tuba! Au na vakamatei keu lako ituba meu lako i gaunisala.

Mishlei (Vosa Vakaibalebale) 22:13

LOMANI YAHUWE NA NOMU KALOU (LOVE YHWH YOUR MIGHTY ONE

ME baleta na iliuliu. Na nodra vucu ni veivakatavulici (maskil) na kawa i Kora'aka; 2(1) Me vaka ni guta na mekila [me gunu] mai na waidrodro, i Yahuwe (YHWH) o au talega au guti kemuni. 3(2) O au, au via gunu maivei kemuni na Kalou bula (living Mighty One)! E na gauna cava beka au rawa ni lako yani kina, meu basika e na mata ni Kalou (Mighty One). 4(3) Na wainimata e kequ kakana e veisiga kei na veibogi; ia e na loma ni siga taucoko, era tarogi au tiko na tamata, Evei na nomu Kalou (Mighty One)? 5(4) Niu nanuma mai, e na gauna e tubu kina e lomaqu na noqu vakasama, niu  a dau lako vata kei ira na lewe vuqa i na vale ni Kalou (Mighty One), e na domo ni reki kei na vakamuduo, mai vei ira na le vuqa era vakananuma tiko na solevu. 6(5) Noqu bula, na cava na vuna o rui loma leqaleqa tiko kina? Na cava o vutugu tiko kina mai lomaqu? Vakanuinui [ga] vua na Kalou (Mighty One), baleta o au, au na vakamuduo vua e na vuku ni veivueti e lako mai vua [ni tiko o koya].

7(6) ¶ Noqu Kalou (Mighty One) niu dau loma leqaleqa vakalevu, au dau nanumi kemuni ga mai na vanua na Yaradani, mai na ulunivanua o Heremoni, ka vakakina mai na delana o Mizari. 8(7) Na titobu e kaciva tiko na titobu, e na vakadomobula na kena rogo bi na nomuni baranisavu, na nomuni waidrodro voravora (surging rapids), kei na nomuni vei biau era sa tubu tiko me ra lomoci au. 9(8) E na loma ni siga, o Yahuwe (YHWH) e na vakarota na nona yalololoma, e na bogi na nona sere e na tiko vata kei au, me vaka e dua na masu vua na Kalou (Mighty One) ni noqu bula. 10(9) Au na kaya vei Yahuwe (YHWH) na noqu uluvatu, Na cava oni sa guilecavi au kina? Na cava meu vakaloloku wavoki voli kina, e na nodra veivakasaurarataki na kequ meca? 11(10) Na nodra veivakalialiai o ira era kequ meca, e vaka sara ga vei au, ni ra qaqia tiko na suiqu, oya e na nodra vakataroga tiko vei au, Evei sara na nomu Kalou (Mighty One)? 12(11) I noqu bula, na cava o sa rui yalolailai tiko kina? Na cava na vuna o vutugu tiko kina mai lomaqu?  Vakanuinui ga vei Yahuwe (YHWH); baleta o au, au na vakamuduo talega [vua], baleta ni o koya e noqu ivakabula ka noqu Kalou (Mighty One).

Tehillim (Same) 42:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.343 in 5773 (Total 2068)	August 31, 2013
Reading	Hebrew Date
Yirmeyahu (Jeremiah) 45-46	M #6: Elul 25, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Moave (Mo’av)

Thought: YHWH Is For Yisra’yl, Whoever Is Against Yisra’yl, Will Be Destroyed

...................... 

Serving For Yom Shlishi, [Sixth Month] Elul 14, 5773

 MAI NA NEVI’IMI AKARONIMI (FROM THE NEVI’IM ACHRONIM)

Me baleti Mo'ave, oqo na ka e kaya o Yahuwe ni lewevuqa (YHWH-Tzva'ot), na Kalou (Mighty One) i Yisira'yili; Na leqa levu [sa yaco vei] Ni'vo, baleta sa vakacacani; o Kiriyatayimi sa vakamaduataki ka sa vesu. O Misiqave sa biu me madua ka vakalolomataki. 2 Mai Mo'ave sa sega ni dua na ka e vo me vakacaucautaki. Mai Heshaboni, era navuca na nona vakalutumi: Lako mai, me da muduki koya laivi me sa kua ni dua na matanitu. O kemuni talega Madameini, oni na vagalui; na seleiwau e veicemuri tiko mai dakumuni. 3 E dua na tagi vakaloloma e rogo tiko mai Horonayimi, na vakacaca kei na veivakarusai vakaloloma! 4 O Mo'ave sa kavuru; na tagitagi ni nodra lalai sa rogo, 5 E na gauna era cabeta tiko kina na baba mai Lukiti, era vakaloloma ni ra a cabeta tagitagi tiko yani. E na gaunisala sobu i Horonayimi na qoqolou ni vakacaca sa voqa tiko mai. 6 Dro! Vueta na nomuni bula! Vakaukaua me vaka na tamarisi e loma ni vanua dravuisiga. 7 Baleta, na nomuni vakanuinui i na nomuni cakacaka kei na nomuni iyau, o kemuni talega oni na kauvakavesu; kei Ki'moshi o kemuni talega oni na kau vakavesu. O Ki'moshi, vata kei ira na nona bete kei na ravouvou, era sa na cemuri laivi vakavesu. 8 E dua na dauvakacaca e na sobuta mai na veikorolelevu kecekece; e sega ni dua na korolevu e na drobula. Na veiqakilo era na rusa kei na veibucabuca era na vakacacani, me vaka sa kaya  oti o Yahuwe (YHWH). 9 Solia vei Mo'ave me vakatabana, me rawa ni vuka me drotani kina. Na kena veikorolelevu era na vakacacani, ka na sega ni dua me tawana, 10 E dua na vatovato (curse) e caka vua e cakava vakaveitalia na cakacaka i Yahuwe (YHWH)! E dua na vatovato e  tau vei koya e tarova na nona seleiwau mai na [vakadave] dra! 11 O Mo'ave a dau bula vakacegu tu mai na gauna e se gone sara kina; o koya e dua [na waini] e sa toka dei toka e na kena kosa, ka sega ni veisovayaki mai na dua na saqa i na dua tale na saqa, o koya e sega ni  kau vakabobula. O koya oqo e se toka ga kina na kedra igunugunu [ca], kei na kedra iboi (aroma) e sega ni bau veisau.  12 [O koya oqo] sa roro mai kina na veisiga, e kaya o Yahuwe (YHWH), au na talai ira yani kina vua, na tamata me ra lai [biligi] koya vakatatiki; era na biliga vakatatiki na nona saqa, me ra vakamacari ira, era qai vorolaka na nodra saqa ni waini me ra kakavuruvuru. 13 O Moa've e na madualaki Ki'moshi [e na gauna oya] me vaka a madualaki Beiti-Yili, e dua na kalou (elohim) era a biuta kina na nodra inuinui. 14 E rawa vakacava moni kaya, O keimami na tamata doudou, na bati qaqa e na ivalu?  15 Era sa kabai Mo'ave tiko, ka valuta na nona veikorolelevu,  o ira na nona cauravou qaqa digitaki era sa lako sobu tiko me ra lai mokumate, e kaya na tui, na yacana o Yahuwe ni lewevuqa (YHWH-Tzva'ot)  16 Na leqa vakaitamera nei Mo'ave sa  vakarau yaco mai, na nona rarawa sa totolo tiko mai.

Yiremeyahu (Jeremaia) 48:1-16

NA IVAQA NI BULA (FOOD FOR THE SOUL)

O koya ga e qarauna na gusuna kei na yamena; e taqomaka na nona bula o koya vakataki koya mai na leqa. 24 ¶ Na dauveidabui, qori na yaca o kacivi ira kina na dokadoka, na tamata viavialevu e dau vakayacora na ivalavala veivakalaboci.

Mishlei (Vosa Vakaibalebale) 21:23-24

LOMANI YAHUWE NA NOMU KALOU (LOVE YHWH YOUR MIGHTY ONE

Maivei Dawide. Saqati ira era saqati au; valuti ira era valuti au. 2 Taura cake na nomuni isasabai kei na iyaya ni veitaqomaki, ka tucake moni taqomaki au. 3 Ucuna na seleiwau, kei na imatau ni ivalu, moni saqati ira era cemuri i au tiko; laiva meu rogoci kemuni ni oni kaya, O au na nomu ivakabula. 4 Me yaco mada ga vei ira era vaqara tiko mai na noqu bula, me ra vakarogocataki ka vakasesei; me yaco mada ga vei ira era navuca tiko me ra vakamavoataki au, me ra cemuri laivi ka vakamaduataki. 5 Me ra vaka mada ga na qanisila e na matanicagi, ia o ira na mala'aka i Yahuwe (YHWH) me ra [na] cemuri ira. 6 Me butobuto mada ga na nodra sala ka me titidara, ka laivi ira na mala'aka i Yahuwe (YHWH) me ra cemuri ira. 7 E sega na vuna, ia era dedeka na lawalawa e na dela ni qara; e sega na vuna, ia era kelia na qara meu coko kina. 8 Me yaco mada ga vua na rusa ni sega [tu] ni namaka.  Me coko mada ga o koya e na lawalawa a viria lo o koya ga vakataki koya, me lutu mada ga o koya e loma me qai rusa. 9 Oti au na reki vakalevu e na vuku ni Kalou (Mighty One); au na marautaka na nona veivueti. 10 Na suiqu taucoko era na kaya, O cei e tautauvata kei kemuni? O cei e rawa ni vueti koya e gogo mai vei ira era kaukaua cake vei ira, kei ira era vakasaurarataki ira tiko.

Tehillim (Same) 35:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.332 in 5773 (Total 2059)	August 20, 2013
Reading	Hebrew Date
Yirmeyahu (Jeremiah) 23-24	M #6: Elul 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakasala I Yahuwe E Besetaki (YHWH’s Advise Not Accepted)

Thought: YHWH’s Advice Unacceptable So He Was Defied Foolishly

..................... 

Serving For Yom Sheini, [Sixth Month] Elul 6, 5773

 MAI NA NEVI’IMI AKARONIMI (FROM THE NEVI’IM ACHRONIM)

Au na vakaraitaka vei kemuni na yalololoma, me rawa vua me yalololoma talega vei kemuni, me qai vakavuna vei kemuni moni na lesu tale i na nomuni vanua. 13 Ia kevaka oni kaya, Keimami na sega ni tiko e na vanua qo, oya moni kakua ni muria na veika e kaya tiko o Yahuwe (YHWH) na nomuni Kalou (Mighty One, 14  Oti moni qai kaya, Sega; keimami sa na lako ga i na vanua o Ijipita; baleta e keya keimami na sega ni raica na ivalu, se rogoca na rorogo ni davui (shofar) ni veivakatuvakarautaki se na lailai ni kakana: oya keimami sa na lako ga me keimami lai tiko e keya. 15 Ia rogoca sara na vosa i Yahuwe (YHWH), o kemuni na vo vo kei Ye'huda; oqo na ka e kaya o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; Kevaka oni guta ga moni lai bula i Ijipita, moni lai bula [vakavulagi] tu mai keya; 16 Na seleiwau oni taqayataka tiko,  e na qai tarai kemuni e na vanua o Ijipita, ka vaka kina na dausiga oni taqayataka tiko e na muri i kemuni i loma ni vanua o Ijipita, e keya oni na qai mate. 17 Qori sara ga na veika e na yaco vei ira na tamata kecekece era sa babamatua tiko me ra lako ga i Ijipita me ra lai tiko mai keya; era na mate e na seleiwau, na dausiga kei na matadewa; e sega ni dua vei ira e na vo se  drobula mai na leqa levu au na kauta mai vei ira. 18 Baleta o koya qo na vosa e kaya o Yahuwe ni lewevuqa (YHWH-Tzva'ot), na nodra Kalou (Mighty One) na Yisira'yili; Me vaka na kena sovaraki na noqu cudru kei na noqu leva vei ira era tawani Yerushalayimi tu; e na sovaraki vakakina na noqu cudru vei kemuni, kevaka oni curu i Ijipita; oni na yaco moni ka ni vakacacani, kidacala, vatonaki ka vakalialiani; oni na qai sega tale vakadua ni raica na vanua oqo. 19 O Yahuwe (YHWH) e vosa tiko me baleti  kemuni na vo vo ni kawa i  Ye'huda! Kakua ni lako i Ijipita! Oni sa kila vinaka sara tu ga qo niu sa tuvakarautaki (warn) kemuni sara ga vakavinaka e na siga oqo. 20 Baleta o kemuni oni sa vakarautaka tiko na ivalavala veivakacalai, ia oni vakacacani kemuni tikoga vakataki kemuni. Oni a talai au vei Yahuwe (YHWH) na nomuni Kalou (Mighty One), e na nomuni kaya, Masulaki keimami vei Yahuwe (YHWH) na neimami Kalou (Mighty One); tukuna vei keimami na veika kece e kaya o Yahuwe (YHWH) na neimami Kalou (Mighty One), keimami na qai vakayacora. 21 E na siga nikua au sa vakasavuya kina vei kemuni [na itukutuku oya]; ia oni sega ni [via] rogoca mada ga e dua na mala ni vosa i Yahuwe (YHWH) na nomuni Kalou (Mighty One), e a tukuna maivei au meu mai tukuna vei kemuni. 22 O koya oya moni kila vinaka tiko kina qo, ni oni na mate e na seleiwau kei na dausiga vata kei na matedewa e na loma ni vanua oni gradreva tiko qo moni lako kina, moni lai bula kina.

Yiremeyahu (Jeremaia) 42:12-22

NA IVAQA NI BULA (FOOD FOR THE SOUL)

Na vakananavu ni dua e yalomatua e na veituberi i na vutuniyau;  ia o ira kece era vaqunaquna yani i [na vutuniyau] era na yacova ga yani na dravudravua. 6 ¶ Na iyau e rawati mai e na yame lasulasu, e cawa wale ka na cagina vei ira era vaqara na mate. 7 ¶ Na nodra ivalavala kaukaua na tamata ca, e na taviraki ira laivi; baleta era sega ni via cakacaka vakadodonu.

Mishlei (Vosa Vakaibalebale) 21:5-7

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same. E dua na sere me baleta na vakatabui ni vale. Maivei Dawide: 2(1)Au na vakacerecerei kemuni i Yahuwe (YHWH), baleta oni a laveti au cake; oni a sega ni laivi ira na kequ meca me ra marau e na vukuqu. 3(2) I Yahuwe (YHWH) na noqu Kalou (Mighty One), au kaci yani vei kemuni, oni qai solia mai vei au na veivakabulai. 4(3) I Yahuwe (YHWH) oni a laveti au cake mai She'ola; oni a vakabulai au tikoga e na gauna au sa dromu tiko kina i  na loma ni qara; 5(4) Lagasere ni veivakacaucautaki vei Yahuwe (YHWH), kemuni oni nona yalodina; vakavinavinaka ni oni nanuma na nona yalosavasava cecekia, 6(5) Baleta na leva e vagauna ga, ia na nona veitokoni e kovuta na nona bula e dua; na wainimata e rawa ni drodro tiko e na bogi taucoko, ia na tagi ni marau e na yaco mai vata kei na kida ni mataka.

7(6) ¶  E na dua na gauna au a vutuniyau [tu], au qai dau kaya kina, ni sega ni dua na ka e yavalati au rawa, 8(7) Ia ni oni sa vakaraitaka vei au na veitokoni, i Yahuwe (YHWH) au sa qai dei me vaka e dua na ulunivanua vakaitamera. Ia e na gauna oni vunitaka kina na matamuni, au a bikai e na domobula. 9(8) Au kaci yani vei kemuni i Yahuwe (YHWH); vei Yahuwe (YHWH) au kerea na [nona] yalololoma: 10(9) Na vinaka cava e tiko kevaka meu mate, e na noqu siro sobu i loma ni qara? E rawa [beka] ni vakacaucautaki kemuni na kuvunisoso? E rawa beka ni   tusanaka na nomuni dina. 11(10) Rogoci au i Yahuwe (YHWH), vakaraitaka vei au na nomuni veitokoni! I Yahuwe (YHWH) ni mai noqu dauniveivuke. 12(11) Oni sa vukica na noqu vakaloloku me yaco meu meke! Oni luvata laivi na noqu isulutaga oni qai vakasulumi au e na mamarau, 13(12) Me rawa ni seretaki kemuni na noqu sautu, ka meu kakua ni toka vagagalu; i Yahuwe (YHWH) noqu Kalou (Mighty One) au na vakavinavinaka tiko ga vei kemuni me tawamudu.

Tehillim (Same) 30:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.324 in 5773 (Total 2052)	August 12, 2013
Reading	Hebrew Date
Yirmeyahu (Jeremiah) 7-8	M #6: Elul 6, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Kawa I Yonadave (Yonadav’s Descendants)

Thought: Obedience YHWH Wants, Found In Yonadav’s Descendants, The Rekhavims

 .....................

Serving For Yom R’vi’ii, [Fifth Month] Av 24, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na vosa oqo a yaco mai vei Yiremeyahu maivei Yahuwe (YHWH) e na gauna i Yo'hoyakimi, na tui Ya'huda na luvetagane i Yoshaiyahu, ni kaya, 2 Lako i vei ira na Rekavimi, vosa vei ira, kauti ira i na loma ni dua na loqi e na loma ni vale i Yahuwe (YHWH), qai solia vei ira eso na waini me ra gunuva. 3 Au a mani kauti Ya'azanaya na luvetagene i Yiremeyahu, na luvetagane i Havazinaya, o ira na tacina, o ira kece na luvena kei ira kece na Rekavimi; 4 Au qai kauti ira i loma ni vale i Yahuwe (YHWH), i loma ni nodratou loqi na luvetagane i Hanani, na luvetagane  i Yiqidalayahu, e dua na tamata ni Kalou (Mighty One). Qo e toka vei tikivi kei na nodra loqi na vakailesilesi, e toka e na dela ni loqi i Ma'aseiya na luvetagane i Shalumi, na ivakatawa ni matamata. 5 E keya au vakarautaka e matadratou na lewe ni matavuvale i Rekhavimi, e vica vata na  saqa waini kei na bilo, au qai kaya vei ira, Gunuva mada eso na waini. 6 Ia ratou qai kaya, Keitou na sega ni gunu waini; baleta o Yonadave na luvetagane i Rekava na neitou itubutubu, a vakarota vei keitou: O kemuni moni na kakua ni gunuva na waini, oya me vauci kina o kemudou vata kei ira kece na nomudou kawa me tawamudu. 7 O kemudou mo dou kakua talega ni tara vale [me nomudou]; kaburaki sore ni itei se teitei, se taukeni loga ni veivaini. Ia mo dou na dau vakaitikotiko voli ga e na valelaca;  me rawa ni dou na bula dede e na loma ni vanua, dou na lai vakaitikotiko kina vakavulagi. 8 Qori keitou bula muria tiko kina  na vosa i Yonadave na luvetagane i Rekava na neitou itubutubu, e na veika kece  a vakarota vei keitou o koya me keitou cakava, oya o keitou, o ira na wati i keitou, o ira na luvei keitou tagane, kei ira na luvei keitou yalewa. 9 Me keitou kakua ni taravale me keitou vakaitikotiko kina: me keitou kakua ni vaka loganivaini, vaka were, se vaka loganisila; 10 Keimami sa dau vakaitikotiko voli ga e na valelaca, keimami sa dau bula muria tu ga na veika e vakarota vei keimami o Yonadave na neimami itubutubu.11 Ia e na gauna a lako cake mai kina o  Ne'vukadreza na tui Bavela, me mai kabaa na vanua oqo, keimami qai kaya, Mai, tou mai toso i Yerushalayimi; qo baleta keimami a domobulataka na nodra mataivalu na Kasidimi kei na nodra  mataivalu na Arama; qori keimami sa mai vakaitikotiko kina qo  e Yerushalayimi.

12 ¶ Oti oya, na vosa i Yahuwe (YHWH) a qai yaco mai vei Yiremeyahu, 13 O Yahuwe ni lewevuqa (YHWH-Tzva'ot) na Kalou (Mighty One) i Yisira'yili e kaya [mo] lako vei ira na tagane ni Ya'huda kei ira era vakatawani Yerushalayimi tiko qai kaya [vei ira], Oni na sega beka ni vulica moni rogoca na noqu vosa, e taroga o Yahuwe (YHWH). 14 Na vosa nei Yonadave na luvetagane i Rekava, e a vakaroti ira kina na luvena me ra kakua ni gunu waini e a  vakamuri; o koya oya, me yacova mai na siga oqo era se sega vakadua ni bau gunu, baleta era a muria na vosa nei tamadra. Ia o au, au sa dau vosa tiko vakawasoma vei kemuni; ia oni sega ga ni vakarogoci au.  15 Au sa talai ira talega yani vei kemuni o ira kece na noqu dauniveiqaravi na parofita, au talai ira yani vakawasoma vata kei na itukutuku oqo, O kemuni yadudua moni vuki lesu mai, mai na nomuni dui ivalavala ca, moni vakavinakataka cake na nomuni cakacaka, ka moni kakua ni vakamuri i ira na veikalou tani, oni qai dau qaraviira. Qori ga oni na qai vakaitikotiko voli ga kina e na vanua au a solia vei kemuni kei ira na tamamuni. Ia oni sega ni bau vakatudaliga se vakarorogo maivei au.16 Baleta raici ira na luve i Yonadave, era a vakamuria vakayalodina na ivakaro mai vei tamadra, e na veika a vakaroti ira kina; ia o ira na tamata qo era sega ni bau vakarorogo mai vei au: 17 O koya oqori, e  kaya kina o Yahuwe ni lewevuqa (YHWH Tzva'ot), na Kalou (Mighty One) ni Yisira'yili: Au sa na vakayacora vei Ya'huda kei ira kece na na ivakatawa i Yerushalayimi na ca kece au sa vakatauca me saqati ira;  baleta niu a vosa vei ira, ia era sega ni rogoca; au qai kaci yani vei ira, ira era qai sega ni bau tama mai. 18 Ia vei ira na mataqali Rekavimi, o Yiremeyahu e kaya, Oqo na ka e kaya o Yahuwe ni lewevuqa (YHWH Tzva'ot), na Kalou (Mighty One) i Yisira'yili; Baleta ni oni a talairawarawa i na ivakaro i Yonadave na nomuni qase, oni qai  bula muria na lewa  a vakarota vei kemuni moni cakava; 19 Qori a kaya kina vakaoqo o Yahuwe ni lewevuqa (YHWH-Tzva'ot) na Kalou (Mighty One) i Yisira'yili; O Yonadave na luvetagane i Rekava e na sega vakadua ni sega na nona kawa me mai tu e mataqu.

Yiremeyahu (Jeremaia) 35:1-19

NA IVAQA NI BULA (FOOD FOR THE SOUL)

Na daliga dau vakarorogo, kei na mata dau vakararai, o Yahuwe (YHWH) a buli i rau ruarua.

Mishlei (Vosa Vakaibalebale) 20:12

LOMANI YAHUWE NA NOMU KALOU (LOVE YHWH YOUR MIGHTY ONE

E vukuna na iliuliu. E dua na same i Dawide 2(1) Me dau rogoci iko mada ga o Yahuwe (YHWH) e na siga ni rarawa;  me dau taqomaki iko mada ga na yaca ni Kalou (Mighty One) i Ya'akove. 3(2) Me vakauta mada ga mai vei iko mai na nona vale tabu na veivuke, ka me solia mada ga vei iko na veitokoni mai loma i Zaiyoni. 4(3) Me bau nanuma mada ga o koya na nomuni imadrali laukana ka ciqoma na uro ni nomu isorokama. (Selaa) 5(4) Me vakadonuya mada ga vei kemuni o koya na gagadre ni vuniyalomuni qai cakava na nomuni vakananavu kece me rawa vakaoti. 6(5) Qori eda na qai kaikaila kina e na mamarau e na nomuni qaqa, ka vakarewataka na noda kuila e na yaca ni noda Kalou (Mighty One). Me vakadonuya mada ga o Yahuwe (YHWH) na nomuni kerekere taucoko.

7(6) ¶ Qo au sa qai kila ni o Yahuwe (YHWH) e solia mai na qaqa vei ira na nona lumuti, o koya e na tama mai  vua, mai na nona lomalagi tabu, e na qaqa vakaitamera e na ligana imatau.8(7) Eso era vakararavi i na qiqi ni ivalu, eso i na ose, ia o keda eda vakacaucautaka na yaca i Yahuwe (YHWH) na Kalou (Mighty One). 9(8) O ira, era na vakacuvari sobu era qai bale; ia o keda eda na vakamatari cake meda tu vakadodonu. 10(9) Solia mai na qaqa i Yahuwe (YHWH)! Laiva na tui me tama mai vei keimami e na siga keimami kaci yani kina.

Tehillim (Same) 20:1-10

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.312 in 5773 (Total 2039)	July 31, 2013
Reading	Hebrew Date
Yesha’yahu (Isaiah) 49-50	M #5: Av 24, 5773
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Kei Yisira’yili (YHWH And Yisra’yl).

Thought: Yisra’yl Are The Core Of YHWH’s People!

.......................... 

Serving For Yom Shlishi, Sivan 5, 5773

(Count The Days Towards Shavu’ot: Today Is Day 46 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O cei qo e lako tiko mai Idomi; mai Bozaraa, qai dara tiko mai na isulu roka damudamu ; e totoka vakaoti na nona isulusulu, qai vakaturaga e na nona kaukaua levu? Qori o au, o koya e vosa tiko e na qaqa, o au, au rawa ni veivueti vakavinaka. 2 Na cava na vuna e damudamu tu kina na roka ni nomu isulu, me vaka e dua e butuqaqi waini tiko mai? 3 Au batuqaqi waini taudua tiko mai na iqaqi ni waini; ia mai vei ira na tamata, e a sega sara ga ni dua a bau tiko vata kei au.  Au mani butuqaqi i ira e na dela ni noqu cudru, meu butuqaqi i ira e na noqu yalo katakata; a mani sisika mai kina i na noqu isuluna nodra dra ni bula; au mani vakadukadukalitaka kina vakadua na noqu isulu. 4 Baleta na siga ni veisausaumi e a tiko e vuniyaloqu, kei na yabaki ni noqu veivueti sa roro mai. 5 Au vakararai, ia e sega ni dua me veivuke, au a kurabui ni sega ni bau dua me mai tokoni au. Sa mani kauta ga mai vei au na veivueti na gauniligaqu, kei na noqu yalo katakata a qai tokoni au. 6 E na dela ni noqu cudru au a butuqaqi i ira kina na tamata ka cebelaki ira vakamatailalai e na noqu yalo katakata; au qai lovara na nodra dra ni bula e na dela ni vanua. 7 Au na vakananuma lesu na yalololoma  levu i Yahuwe (YHWH), au na qai vakacaucautaki Yahuwe (YHWH), e na vukuni veika kece sa vakayacora oti vei keda o Yahuwe (YHWH); kei na nona dau yaloyalovinaka vei ira na lewe ni  matavuvale i  Yisra'yili; e a vakatikora vei ira me tosoya tiko ga kina na nona yalololoma me ivakaraitaki ni kena vakaitamera na nona yalololoma. 8 Baleta a kaya o koya, O ira dina oqo na noqu tamata, o ira na lalai era a sega ni veidabui. Qori a qai yaco kina o koya me nodra ivakabula. 9 E na nodra veileqa kecekece, o koya e a leqa; ia na Mala'aka E Dau Tu E Matana a qai vueti ira; e na nona loloma (love) kei na nona kauwai (pity) e a qai vakabulai ira; e a laveti ira cake qai keveti ira e na veisiga kecekece e na gauna eliu.10 Ia o ira era a vakabebe ga, era a   vakararawataka na Yalona Tabu; a qai yaco kina o koya me kedra meca,  ka ni o koya sara ga a qai valuti ira tale.

Yeshayahu (Aisea) 63:1-10

NA IVAQA NI BULA (FOOD FOR THE SOUL)

O Yahuwe (YHWH) e besetaka na  nodra isoro na ca, ia e taleitaka na nodra masu na tu dodonu. 9 ¶ O Yahuwe (YHWH) e sevaka na nodra ivalavala na ca; ia taleitaki koya ga e vaqara na yalododonu. 10 ¶ Na veivakadodonutaki e waromisa vei ira era sa vakanadakuya na sala, ia o koya e sega ni tu me vakadodonutaki e na mate.

Mishlei (Vosa Vakaibalebale) 15:8-10

LOMANI YAHUWE NA NOMU KALOU (LOVE YHWH YOUR MIGHTY ONE

Qori era qai vakacudrui koya kina e na nodra ivukivuki; a qai veitauvi mai enna kedra maliwa e dua na matedewa  vakasisila, 30 A qai tu o Pinikase me vakatauca na lewa; qori qai tiniadole kina na mate veitauvi. 31 Qori a wili vua me ivalavala dodonu, vei ira na veitabatamata kecekece me tawamudu. 32 Era a vakacudrui koya talega mai na Waivure mai Mi'rivaa, a qai leqa kina o Moshe e na vukudra; 33 Baleta era a vakararawataka na vuniyalona, a qai taucala kina na vosa a rogo mai tebenigusuna.

34 ¶ Era a sega ni vaqeavutaki ira na veimatanitu, me vaka na nona ivakaro vei ira, o Yahuwe (YHWH) me ra cakava; 35 Ia era qai veimaliwai vata kei ira na veimatanitu, ka vulica na nodra ivalavala. 36 Era qai toso tiko yani me ra qarava na nodra kalou matakau, qai yaco oqori me itatacaqe vei ira. 37 Io, era a cabori ira mada ga na luvedra tagane kei na luvedra yalewa vei ira na jimoni. 38 Io, era vakadavea na dra tawacala, na nodra dra na luvedra tagane kei na luvedra yalewa o ira vakataki ira, ni ra cabori ira vei ira na nodra kalou lasulasu mai Kena'ani; ka vakadukakara kina na vanua e na dra. 39 Qori era a vakadukadukalitaki kina e na nodra ivalavala, era a saqamuataki ira vakataki ira e na veika era a cakava. 40 E na vuku ni ka oqo, a qai tubu kina vei ira na nona tamata na leva cecekia i Yahuwe (YHWH), qai yaco kina me  sevaki ira o ira era nona iwasewase vakaitaukei. 41 A qai soli i ira i nodra kaukaua na veimatanitu; o ira era sevaki ira era qai vakavulewa vei ira. 42 O ira na kedra meca era a vakasaurarataki ira, ka lewai ira tiko e na nodra kaukaua. 43 A vakavuqa na nona a vueti ira na Kalou (Mighty One); ia era navuca tiko ga me ra vakabebe, qori era qai vakalolovirataki kina baleta sara ga na nodra caka cala. 44 Ia veitalia oqori, e a galeleta tiko ga na nodra vutugu, ka vakatudaliga i na nodra tagi. 45 E vukudra e a nanuma tiko ga na nona veiyalayalati qai dau lomani ira, e na vakaitamera ni nona yalololoma tawa yalani, 46 Qai vakavuna me ra dau lomani mai vei ira era a colati ira vakabobula. 47 Vakabulai keimami, i Yahuwe na neimami Kalou (Mighty One)! Vakasoqoni keimami mai na kedra maliwa na veimatanitu, me rawa ni keimami vakamuduotaka na yacamuni tabu ka lagilagi e na nomuni vakacerecerei, 48 Me vakarokorokotaki o Yahuwe (YHWH) na Kalou (Mighty One) i Yisira'yili, mai na tawamudu i na  tawamudu maimuri. Ia qo laivi ira na tamata me ra kaya, Omaini!  Haleluya.

Tehillim (Same) 106:14-48

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 235 in 5773 (Total 1962)	May 14, 2013
Reading	Hebrew Date
Shof’tim (Judges) 15-16	M #3:Sivan 5, 5773
Click The Bible Text To Read It In Gateway In Another Language Or Version

 YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.