Dua Tale Na Parofisai (Another Prophesy)

Thoughts: Live Above Your Limitation, Not Below It.

 ..................................

Serving For Yom Reeshone 5^th Elul, 5770

A qai yaco na vosa i Jiova (Yahweh) vei Yiremeyahu (Jeremaia) na parofita ni kaya Oqo na veika e kaya o Jiova (Yahweh) na Kalou (Mighty One) i Isire’yili; Qo na veika mo na kaya vua na tui Yahuda, o koya e a talai iko mai vei au me mai vaqaqa na veika baleti au; Raica, na mataivalu nei Fero e a lako mai me mai vukei kemuni, sa na lesu tale i Ijipita na nodra vanua. 08 Ia o ira na Kasidimi era na lesu tale mai me ra mai valuta na korolevu oqo, era na qai taura vakauakaua ka vakama e na bukawaqa.  09 Oqo na veika e kaya o Jiova (Yahweh); Ni kakua ni nanuma e lomamuni e na nomuni kaya, O ira na Kasidimi era na tu vakasuka mai vei keimami; baleta o ira era na sega tale ni tu vakasuka.  10 Baleta kevaka oni na rawai ira kece na lewe ni nodra mataivalu na Kasidimi era valuti kemuni tiko, me sa lai vo ga o ira era vuetaki e na kedra maliwa; era na qai matacake na tamata kece mai na nodra dui valelaca era na qai vakama na korolevu oqo, e na bukawaqa

Jeremaia 37:6-10.

Ia qai kaya vei au o Koya, “Na Noqu loloma sa rauti iko vinaka; baleta na noqu kaukaua e dau vakauasivitaki e na dela ni noqu gogo. E ka talei kina vei au, meu dokadokataka na noqu gogo, me rawa ni mai cegu toka vei au na kaukaua ni Mesaia.

2 Korinica 12:9.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
228	August 16	Elul 6	Psalm 105-106

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Read Hebrew 

      

Na Rai Nei Ilaiu (Elihu’s Perspective)

Thought: We Are Tried Through Our Poverty, So That We Can See Yahweh Clearly?

.............................................

Serving For The 10^th Jeanuary, 2010

Vakatudaliga, mo kakua ni gole lesu i na ivalavala tawakilikili; baleta qo na vuna o a vakatovolei kina e na dravudravua. 22 Raica, na Kalou (Elohim) e vakaitamera na nona kaukaua; o cei e rawa ni veivakatavulici me vakataki Koya? 23 O cei e a vakatulewataka na nona itosotoso? Se o cei e rawa ni kaya, O iko o cakava tiko na ivalavala cala?

24 ¶ Nanuma tiko ni nona cakacaka e ra vakavakaitamera, na tamata kece era dau vaqoroqoroi koya. 25 Na tamata kece era sa raica oti, ka ra raica rawa tu yani vakayawa. 26 Raica, na Kalou (Elohim) e vakaitamera, ia eda sega ni kilai koya; na iwiliwili ni nona yabaki e sega ni vaqarai rawa. 27 Vakasamataka mada kevaka meda wilika na iwiliwili ni duru kei lomalagi, ka bukia vata na mataniuca vakataki ira; era dau tau mai lomalagi e na kedra dui gauna; 28 me qai vakatauca mai na o, e deladra na tamata; ka vakavuna me ra marau kina vakalevu. 29 O cei e rawa ni kilakasamataka rawa na veika oqo; se na vakatetei ni o e na cecekia ni nona valetabu? 30 Raica, e dedega na nona rarama e cake, ka ubia na boto ni wasaliwa. 31 E na veika oqo e vakatulewa kina o koya vei ira na tamata, ka solia na kakana vei ira na lewe vuqa o koya. 32 O koya e tabonaka na rarama e na o; oti qai vakacilava tale vei ira me rawa ni ra kidavaka. 33 O koya e vakaraitaka na veika e taukena vei ira era nona itau; vei ira talega era dau valavala ca.

Jobe 36:21-33

O na vakacegui, ke ra vaka­lialiai iko ka vakacacani iko, era qai vakaucacataki iko vakailasu e na Vukuqu.12 Mo reki ka yalomarau tiko baleta na nomu icovi e na vakalevutaki mai lomalagi; ka ni ra a vakaucaca­taki ira talega na parofita era a liu mai vei iko.

Maciu 5:11-12

Reading for Today (Na Wase Ni iVola Tabu Me Wili Nikua).
Siga (Day)	Tikinisiga (Date)	Mataka (Morning)	Yakavi (Evening)
10	January 10	Genesis 25-26	Matthew 9:1-17

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Loloma Kei Na Talatalaidredre (Love And Obedience).

Thought: Love (That Is Agape, Philadelphia and Eros)

......................................................

Serving For The 24^th December, 2009

O kemuni oni mai Vua na Kalou (Elohim), kemuni ragone lalai, ka ni oni sa rawai ira oti: baleta o Koya e tiko e na kemuni maliwa e cecere cake mai vei koya e tiko e vuravura. 05 O ira qori era vakavuravura; era dau vosa ga e na veika vakavuravura; na vuravura sa rogoci ira. 06 O keda eda mai Vua na Kalou (Elohim); o koya e kila na Kalou (Elohim) e rogoci keda: o koya e sega ni mai Vua na Kalou (Elohim), e sega ni rogoci keda. E na sala oqo eda na kila kina na yalo ni dina kei na yalo ni vevakacalai.

07 ¶ Kemuni na noqu daulomani, laiva meda dau veilomalomani o keda vakataki keda; na loloma e vure mai Vua na Kalou (Elohim); o ira yadua era dauloloma, era sucu mai Vua na Kalou (Elohim), ka kila na Kalou (Elohim). 08 O koya e sega ni dauloloma, e sega ni kila na Kalou (Elohim) baleta na Kalou (Elohim) ga na loloma. 09 E na ka oqo, e kune votu kina na loloma ni Kalou (Elohim) vei keda, oya ni a tala mai i vuravura na Luvena duabau a vakatubura na Kalou (Elohim) me rawa ni mai noda na bula e na Vukuna. 10 E kune eke na loloma, sega baleta ni da a lomana taumada na Kalou (Elohim), ia baleta ga ni a lomani keda na Kalou (Elohim), qai tala mai na luvenatagane, me mai isoro ni noda ivalavala ca. 11 Kemuni na daulomani, ke sa lomani keda vaka oqori na Kalou (Elohim), o keda talega e dodonu meda veilomani. 12 E se sega ni dua na tamata sa raica na Kalou (Yahweh) e na dua na gauna. Kevaka eda veilomani, na Kalou (Elohim) sa na mai tiko kei keda, ka na mai vakauasivitaki vakaoti vei keda na Nona loloma. 13 Oqo eda na kila kina ni da sa bula tiko kei Koya, ka vakakina o Koya vata kei keda, baleta sa solia vei keda o Koya na Yalona.

1 Joni 4:7-12.

Na Kalou (Yahweh) e na vakataimera ni Nona lomani vuravura, e a solia kina na Luvena duabau a vakatubura, me kakua ni rusa o ira yadua era vaka­bauti Koya ia me ra rawata ga na bula tawamudu. 17 Na Kalou (Yahweh) a sega ni talai Luvena mai i vuravura me mai vakarusa na vuravura, ia me mai vueta ga na vuravura e na vukuna.

Joni 3:16

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
359	December 24	Zaphaniah	Revelation 15

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iKabakaba Ni Bula Dodonu (Ladder of Virtue).

Thought: Do Not Be Shortsighted, Review This One

..........................................................................

Serving For The 22^nd December, 2009

Me kena ikuri, e na yalomatua meda tokona na noda vaka­bauta e na yalodina; ka tokoni na yalodina e na kilaka, 06 na kilaka e na lewa matau, na lewa matau e na yalovosota, na yalovosota e na itovo vakarokoroko, 07 na itovo vakarokoroko e na yalovinaka vakaveitacini, kei na yalovinaka vakaveitacini e na loloma. 08 Ni sa kune vei kemuni na veika oqo, qai tubu tiko, oni sa na qai sega ni laladidi se sega ni vuavuaivinaka, e na nomuni kila na Turaga o Jisu (Master Yahshua) na Mesaia. 09 Ia o koya e lailai vua na veika oqori, e mataboko ka sega ni rai yawa, ka na guilecava ni a sa vaka­savasavataki oti mai na nona ivalavala ca makawa. 10 Na vuna sara ga oqo, kemuni na taciqu, e dodonu kina moni dau gugumatua; baleta e na nomuni cakacaka vinaka, oni na vakadeitaka na nomuni veikacivi kei na nomuni digitaki; ni oni cakava oqori, oni sa na sega ni sikalutu tale; 11 E na nomuni cakava oqori, e dua na icurucuru e na soliwale vei kemuni moni curu i loma ni matanitu tawamudu ni noda Turaga (Master) ka iVakabula (Savior), o Jisu (Yahshua) na Mesaia.

2 Pita 1: 5-11

Kena itinitini, kemuni na taciqu, na veika cava ga e dina, na veika cava ga e cecere, na veika cava ga e dodonu, na veika cava ga e savasava vakaoti, na veika cava ga e totoka, na veika cava ga e rogo vinaka ni da rogoca, ke kune kina na veika e vinaka vakaoti, se kune kina na veika e gadrevi me vakavinavinakataki, na veika oqori moni dau vakasamataka. 09 Na veika oni sa vulica se ciqoma se rogoca se raica vei au, cakava; e na qai tiko kei kemuni na Kalou (Elohim) ni veivaka­cegui.

Filipai 4:8-9.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
357	December 22	Nahum	Revelation 13

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Veiyalayalati (The Covenant).

Thought: Use The Bible So That You Can Become A Better Person

.................................................

Serving For The 20^th December, 2009

06 Ia qo, o Jisu (Yahshua) na Mesaia sa ciqoma e dua na cakacaka vakaitala­tala e uasivi cake; me vaka ni o Koya e itini ni dua na veiyalayalati e uasivi cake, ka vaka kina na kena yalayala ni uasivi cake mai na veiyalayalati makawa.

07 ¶ Baleta ke a sega na malumalumu ni imatai ni veiyalayalati, ke a sega na vuna me vinakati kina me dua tale na kena ikarua. 08 Baleta ni kunea kina na malumalumu, qai kaya kina o Koya, Raica, sa tadu mai na siga e kaya na Turaga (Yahweh), Au na tauyavutaka e dua tale na veiyalayalati vou vata kei na Yavusa Isireli kei na Yavusa Jiuta, 09 ka ni tautauvata kei na veiyalayalati Au a bukia vata kei ira na nodra itubutubu, e na gauna Au a tubera kina na ligadra, meu liutaki ira laivi mai na qele vaka Ijipita; ia baleta ni ra a sega ni bula e na Noqu veiyala­yalati, Au a qai sega ni vinakati ira, e kaya na Turaga (Yahweh). 10 Qo na veiyalayalati Au na bukia kei na yavusa Isireli, ni oti na veisiga oqori, e kaya na TURAGA (Yahweh): Au na biuta na Noqu lawa e na uto ni nodra vakasama, Kau na vola e vuniyalodra; Au na qai nodra Kalou (Elohim); ia o ira era na qai Noqu tamata.

Iperiu 8:6-10.

E a kilai ira sara mai liu o Koya, qai lesi i ira me ra veiucui kei Luvena; me qai yaco kina o Koya me ulumatua e na kedra maliwa e levu na mataveitacini.

Roma 8:29

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
355	December 20	Micah 4-5	Revelation 11

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTovo Kilikili (Orderly Manner).

Thoughts: Always Seek Yahweh If You Want To Know The Truth

.......................................................

Serving For The 17^th December, 2009

PAULA, e dua na italai ni Kalou (Yahweh), ka dua na apositolo nei Jisu (Yahshua) na Mesaia, e na vuku ni nodra vakabauta o ira era digidigi ni Kalou (Yahweh), kei na kena kilai na dina e kune e na itovo vakalou; 02 e na inuinui ni bula tawamudu, a yalataka na Kalou (Elohim) dina, e na dua na gauna makawa sara. 03 E na kena gauna lokuci sa qai vakatakila na Nona vosa, e na neitou ivunau, kau a lesi kina me vaka na Nona digidigi na Kalou (Yahweh) na noda ivakabula (Saviour). 04 Vei Taito (Titus), na luvequ dina e na noda vakabauta: na yalololoma kei na vakacegu mai Vua na Kalou (Yahweh) na Tamada, kei na noda Turaga o Jisu (Master Yahshua) na Mesaia na noda iVaka­bula.

05 ¶ E na vukuni ka oqo, au a biuti iko tiko kina mai Kiriti, mo vakavinakataka na veika e se leqa tu, ka mo lesi i ira na qase ni lotu, e na veikoro lelevu taucoko, me vaka na noqu ivakaro vei iko.

Titus 1:1-5

Ia na tamata kece, me veiraurau kei na ilesilesi sa vota vua na Kalou (Elohim) kei na tamata kece me vaka na Nona veikacivi vua na Kalou (Master) laiva me muria vinaka. Oqo au vakarota talega e na vei isoqosoqo kece.

1 Korinica 7:17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
352	December 17	Obadiah	Revelation 8.

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vakasala I Paula Vei Timoci (Paul’s Instruction To Timothy)

Thought: Behave Your Self In The Presence Of Yahweh

............................................

Serving For The 16^th December, 2009

Au kerei iko kina vakabibi; mo dau vakatusa Vua na Kalou (Yahweh) e na vakatakekere, e na masu, e na veimasulaki kei na vakavinavinaka e vukudra na tamata kecekece; 02 e vukudra na tui kei ira era dau vakavulewa, me rawa ni da sotava na bula malumu ka maravu, e na vuku ni bula vakalou vata kei na dina. 03 Qori e vinaka ka vakadonui vua na Kalou (Yahweh) na noda iVakabula (Saviour), 04 o Koya e gadreva me vueti na tamata kece, me ra qai lesu i na kilai ni dina. 05 E dua ga na Kalou (Yahweh) ka dua ga na ikawakawa e na kedrau tadrua na Kalou (Yahweh) kei na tamata, oya na tamata o Jisu (Yahshua) na Mesaia, 06 o Koya e a soli i Koya vakataki Koya me ivoli ni noda sereki me qai vakadinadina­taki e na kena gauna lokuci. 07 E na vuku ni ivakadinadina oqori, au a lesi kina meu dua na italatala ka apositolo; au kaya na vosa dina, kau sega ni lasu; au qai yaco meu ivakavuvuli vei ira na kai Veimatanitu tani e na vakabauta dina.

1 Timoci 2:1-7.

O koya oqori, kemuni na taciqu, moni gadreva vakaukaua kina moni dau parofisai, ia me kakua ga ni tarovi na duivosavosa e sega ni kilai. 40 Laiva na ka kece me ra vakayacori vakavinaka ka vakamatau talega.

1 Korinica 14:39-40.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
351	December 16	Amos 7-9	Revelation 7.

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Lako I Jerusalemi o Paula (Paul’s Trip To Jerusalem)

Thought: Let Us Remain Pliable In The Hands Of Yahweh

...........................................................

Serving For The 8^th December, 2009

13 Ia qai kaya o Paula, Na cava moni tagi kina moni vakamosia ga kina na yaloqu? Au sa vakarau tu, sega walega meu lai vesu ia meu lai mate talega mai Jerusalemi, e na vuku ni yaca ni Turaga o Jisu (Master Yahshua) na Mesaia. 14 Ia ni sega ga ni via rogoci keimami, kei­mani sa mani kaya “Laiva ga me yaco na lewa ni Turaga (Sovereign). 15 ¶ Ni oti na veisiga oqori, keitou sa qai vakarau me keitou sa lako cake i Jerusalemi. 16 Era a qai lako mai vata kei keitou eso na tisaipeli mai Sisaria, ka ra kauta tiko mai e dua na isevu vei ira na tavuki, na yacana o Nasoni, e dua na itaukei kei Saipurusi, e dua e a vakaicilitaki keitou e nona vale. 17 Ni keitou sa yaco i Jerusalemi, era a kidavaki keitou e na yalomarau o ira na veitacini. 18 E na siga tarava ni ra sa tiko kece o ira na qase ni lotu, keitou qai lako yani vata kei Paula vei Jemesa (Jacob). 19 Ia ni keitou sa vakabula oti vei ira, a qai talaucaka vei ira o Paula, na veitarataravi ni veika sa vakayacora na Kalou (Elohim) e na kedra maliwa na kai Veimatanitu tani, e na nona veiqaravi.

Cakacaka 21:13-19

E dodonu cake me ra kaya, Kevaka e inaki ni Turaga (Sovereign), eda na bula, meda cakava qo se cakava oya. 16 Ia qo era sa dokadoka e na dela ni nodra viavialevu; na dokadoka vaka oqori e ca vakaoti. 17 O koya e kila me caka vinaka, ia qai sega ni cakava, vua oqori e ivalavala ca.

Jemesa 4:15-17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
343	December 8	Daniel 11-12	3 John

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTavi Cakacaka (The Duties)

Thought: Our Duties To Yahweh; Know And Utilize Your Gift

...........................................................

Serving For The 7^th December, 2009

03 Baleta au kaya, e na loloma sa soli oti vei au e na vukumuni, moni kakua ni biubiuti kemuni cake e na nomuni vakasama ia moni dau vaka­samataki kemuni ga vakadodonu, me veirau­rau kei na ilevu ni vakabauta sa wasea oti vei kemuni na Kalou (Elohim). 04 Me vaka ni levu na veitiki ni yagona e dua na tamata, ia e duidui na nodra dui itavi na veitiki ni yago oqori, 05 o keda talega, ni da le levu eda duavata tikoga e na yago ni Mesaia, ia yadudua eda duavata vakataki keda. 06 Ia baleta ni ra duidui tu na ka ni loloma, me veiraurau kei na iloloma (grace) e soli wale vei keda yaduadua, eso, na iloloma soliwale ni parofisai me veisotari ga kei na noda iwasewase ni vakabauta; 07 Eso e tiko vei ira na iloloma soliwale ni veiqaravi, e na nodra tabana ni veiqaravi; ka so e na vakatavulici ni ivakavuvuli;n08 eso e na veivakacegui e na vukuni veivakameautaki; o koya e dau solika, me solika e na yalodina; o koya e dau veiliutaki me cakava vakayalomatua, o koya e dauyalololoma, me cakava e na yalomamarau.

Roma 12:3-8

Na qaqani ivola tabu era a volai e na veivakauqeti ni Yalo Tabu; era yaga e na ivakavuvuli, e na veivosataki, e na veivakadodonutaki, kei na veituberi ni yalododonu, 17 me vakataucokotaki kina na tamata ni Kalou (Elohim), ka vakarautaki ira me ra daumaka vakaoti, e na vukuni cakacaka vinaka kecekece.

2 Timoci 3:16-17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
342	December 7	Daniel 9-10	2 John

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).