Vesu Tale O Yiremeyahu (Yirmeyahu Imprisoned Again)

Thought: A Kindhearted Ethiopian Advised The King To Save The Prophet!

.......................... 

Serving For Yom Sheini, [Fifth Month] Av 29, 5773

 MAI NA NEVI’IMI AKARONIMI (FROM THE NEVI’IM ACHRONIM)

Ia, o She'fataya na luvetagane i Matani, o Qa'dalayahu na luvetagane i Pasha'kuru, o Yukali na luvetagane i Shelemayahu vata kei Pasha'kuru na luvetagane i Malakiya, eratou a rogoca na vosa a tukuna o Yiremeyahu vei ira kece na tamata, ni kaya, 2 Oqo na ka e kaya o Yahuwe (YHWH), O koya e na tiko voli ga e na loma ni korolevu oqo, e na mate e na seleiwau, e na dausiga kei na matedewa; ia o koya e biubiu me lai soro vei ira na Kasidimi e na bula tikoga; na nona bula o koya vakataki koya e na qavuni nona itoki ni ivalu, ia o koya e na bula tiko ga. 3 O Yahuwe (YHWH) e kaya ni korolevu oqo e na soli dina i ligadra na mataivalu i tui Bavela, o koya e na qai vesuka. 4 Era kaya na iliuliu vua na tui, Keimami kerea moni laiva na tamata oqo me vakamatei;  baleta na nona kaya na vosa vakaoqo vei ira na sotia era se vo tiko e na loma ni korolevu oqo, ka vaka kina vei ira kece na tamata, o koya e na vakayalolailaitaki ira. 5 Kaya o Zidikiyahu na tui, Sa vinaka, o koya sa tu qori e ligamuni; baleta na tui e na sega ni rawa ni tarovi kemuni mai na nomuni cakava na ka cava ga oni via cakava. 6 Era mani kauti Yiremeyahu, era qai lai biuti koya [sobu] tale i na ikeliniwai nei Malakiyahu na luvena tagane na tui; e tiko e na nodra lomanibai na yadra; era tukuci Yiremeyahu sobu e na dali.  A sa sega ni to tiko na wai e loma ni ikeli, ia a se sinai tu ga e na soso; o Yiremeyahu a qai dromu sobu i loma ni soso. 7 O 'Evede-Meleki na kai Iciopia, e dua na vakailesilesi e na vale ni tui, a qai rogoca ni ra a lai tukuci Yiremeyahu sobu e loma ni ikeli [ni wai]. E na gauna a dabe tiko kina na tui e na matamata e vakanamata tu vaka i Biniyamini, 8 O 'Evede-Meleki a qai biubiu mai na vale ni tui, qai lai kaya vua na tui; 9 Kemuni na noqu turaga na tui! Na ka era cakava na tamata qo vei Yiremeyahu na parofita e ca vakaoti. Era a kolotaki koya sobu i loma ni ikeli [ni wai]; ia o koya e na rawa ni  mate e na vanua sa biu tu kina ya, baleta na dausiga [e tarai keda tiko qo]; baleta sa oti vakadua na kakana e loma ni korolevu. 10 Oti, na tui a qai vakaroti 'Evede-Meleki na kai Iciopia, Kauta yani vata kei iko e tolusagavulu na tagane mai ke, lai yavi i Yiremeyahu laivi mai  loma ni ikeli ni wai, ni se bera ni mate o koya. 11 A mani kauti ira na tagane o 'Evede-Meleki, me ra lako vata kei koya, era qai lai curu i na vale ni mamaroroi, e na ruku ni valenitui, qai lai kauta mai keya eso na itawelu kei na isulu makawa. Qo a qai kolo sobu vata kei na so na dali, vei Yiremeyahu e loma ni ikeli ni wai. 12 Oti qai kailavaka sobu o 'Evede-Meleki na kai Iciopea, vei Yiremeyahu; Vakayagataka  na itawelu kei na isulu makawa qo me itatara, me ivakamalumu e na maliwa ni kirikiriwamu kei na dali. Ni sa cakava oti qo o Yiremeyahu, 13 Era sa qai yavi i Yiremeyahu  cake mai e na dali, me ra vakarewataki koya laivi mai na ikeli. O Yiremeyahu sa qai tiko voli ga e na lomanibai ni nodra vale na yadra.

14 ¶ O Zidikiyahu a qai samanitaki Yiremeyahu me kau mai vua, ia me taka mai e na ikatolu ni curucuru e tiko e na vale i Yahuwe (YHWH). Oti qai kaya na tui vei Yiremeyahu, Au via taroga vei iko e dua na ka; kakua ni vunitaka maivei au.

Yiremeyahu (Jeremaia) 38:1-13

NA IVAQA NI BULA (FOOD FOR THE SOUL)

Kua ni kaya, Au na veisausaumitaka na ca e na ca; waraki Yahuwe (YHWH) ga me vueti iko. 23 O Yahuwe (YHWH) e cata na ta rua e na ivakarau ni bibi, ia na ivakarau e lasutaki e sega ga ni vinaka.

Mishlei (Vosa Vakaibalebale) 20:22-23

LOMANI YAHUWE NA NOMU KALOU (LOVE YHWH YOUR MIGHTY ONE

Maivei Dawide. E dua na same. O vuravura taucoko e nei Yahuwe (YHWH) kei na veika kece era tu kina, na vuravura kei ira era vakaitikotiko kina. 2 Baleta o koya a vakotora na kena yavu e dela ni wasawasa, qai vakataudeitaka e veiuciwai. 3 O cei e vakatarai vua me cabeta cake na ulunivanua i Yahuwe (YHWH)? O cei e rawa ni lai tu e na nona tikina tabu? 4 O ira e savasava na ligadra ka savasava vakaoti na vuniyalodra; o koya e sega  ni cakava na dokadoka me inaki ni nona bula, se bubului lasu me rawa ga ni veivakacalai. 5 O ira era na ciqoma e dua na veivakalougataki mai vei Yahuwe (YHWH) kei na lewadodonu mai na Kalou (Mighty One) o koya e na vueti ira. 6 Qo o ira na mataqali itovo e kune vei ira era vaqarai koya, mai vei ira na Ya'akove, o ira era vaqara tiko na matamuni. (Selaa)

7 ¶ Laveta cake na ulumuni, kemuni  na matamata! Laveti ira cake, kemuni na mata ni katuba tawamudu; me rawa ni curu yani na tui dokai. 8 O cei beka o koya, na tui dokai? O Yahuwe (YHWH), kaukaua ka qaqa, o Yahuwe (YHWH) e vakaitamera e na ivalu. 9 Laveta cake na ulumuni kemuni na matamata! Laveti ira cake, kemuni na katuba tawamudu, me rawa ni curu yani na tui dokai. 10 O cei beka o koya, na tui dokai oqo? O Yahuwe ni lewevuqa (YHWH-Tzva'ot); o koya na tui dokai tawamudu. (Selaa)

Tehillim (Same) 24:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No.317 in 5773 (Total 2044)	August 5, 2013
Reading	Hebrew Date
Yesha’yahu (Isaiah) 59-60	M #5: Av 29, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vale Cere Mai Bavela (The Tower of Bavel)

Thought: YHWH Divided People Into Races And Languages In Different Lands

 .........................

Serving For Yom Chamishi Tevet 10, 5772

MAI NA TORAA (FROM THE TORAH)

Ia o vuravura taucoko a vakayagataka tiko e dua ga na vosa kei na kena matuavosa. 2 A qai yaco, ni ra lako tiko mai na tamata mai na vuaicake, era a qai kunea e dua na buca e na vanua o Shai’na; era mani lai tauyavu mai keya. 3 Era a veitalanoa vakataki ira era qai kaya, Mai, meda sa buli buloko (bricks) mada meda qai vakama e na bukawaqa. Era qai vakayagataka na buloko me vatu, ka vakayagata na lase me kena idregati (mortar). 4 Oti era qai kaya, Mai, meda tara mada e dua na korolevu kei na kena valecere me yaco i lomalagi na delana; Laiva meda vakarogoya vakataki keda na yacada, meda kakua kina ni tayana yani i dela i vuravura raraba.

5 ¶ Ia o Yahuwe (YHWH) a qai siro mai me mai raica na korolevu kei na valecere, era a tara tiko na tamata. 6 Kaya o Yahuwe (YHWH), Raica, na tamata era sa duavata, baleta e duabulu ga na nodra matuavosa; ka tiko na nodra inakinaki era cakava tiko kina na ka oqo; ia qo, sa na sega ni dua na ka me tarovi ira me ra cakava kina na ka era nakita qo me ra cakava: 7 Mai, laiva meda lako sobu, meda lai tawasea na nodra matuavosa, me ra kakua kina ni veikilai vosavosa. 8 A qai veiwaseyaki i ira mai keya, o Yahuwe (YHWH) i na veiyasa i vuravura raraba; qori qai tinia na nodra tara na nodra korolevu. 9 Qori era qai vakatoka kina me yacana o Bavela; baleta mai keya o Yahuwe (YHWH) e a wasea kina na duivosavosa e vuravura taucoko: mai keya talega e a vakauti ira kina o Yahuwe (YHWH), i na veiyasa i vuravura raraba.

Na iVakatekivu (B’resheet) 11:1-9

NA IVAQA NI BULA (FOOD FOR THE SOUL)

Baleta au a sa kaci, ia oni qai bese; Au a dodoka yani na ligaqu, ia oni sega ni via vakatudaliga: 25 Ia oni vakawaletaka kece na noqu ivakasala, oni qai sega ni taleitaka na noqu veivakadodonutaki. 26 O au talega au na dredrevaka na nomuni vakaloloma; au na mamarau ni sa curumi kemuni na domobula ka yaco vakasauri vei kemuni na rusa; 27 Ni sa yaco mai na nomuni rusa me vaka e dua na covulaca; ka sa bikai kemuni na lomaleqaleqa kei na yaluma; 28 Era na qai kaci mai vei au, ia au na sega ni tama yani vei ira; era na vaqarai au vakatotolo, ia era na sega ni kunei au;

Vosa Vakaibalebale 1:24-2

LOMANI YAHUWE NA NOMU KALOU (LOVE YHWH YOUR MIGHTY ONE)

VAKATUDALIGA mai i na noqu vosa i Yahuwe (YHWH) ka vakananuya na noqu vakanananu. 2 Rogoca mada na domo ni noqu tagi, noqu Tui kei na noqu Kalou (Mighty One) baleta vei kemuni au masu tiko yani kina oqo. 3 Na domoqu oni na rogoca e na veimataka i Yahuwe (YHWH); e na veimataka au na vakarautaki au meu raici kemuni. 4 Baleta o kemuni oni sega ni Kalou (Mighty One) dau taleitaka na itovo vakasisila; e na sega talega ni lai tiko vata kei kemuni na ivalavala ca. 5 O ira na dokadoka era na sega ni rawa ni mai duri tu vakarairai vei kemuni; baleta ni oni dau sesevaki ira era dau cakacakataka na ivalavala ca. 6 Oni na vakarusai ira era dau cavuta na vosa lasulasu; O Yahuwe (YHWH) e na sega ni ciqomi ira na tamata era dau vakadave dra se dau lawaki ca.

7 ¶ Ia o au, au na lako yani i loma ni nomuni vale, baleta na vakaitamera ni nomuni yalololoma; Au na curu i loma ni nomuni vale meu sokalou e na loma ni nomuni valenisoro tabu. 8 Tuberi au, i Yahuwe (YHWH) e na nomuni yaloniveidokai kei na nomuni yalododonu; e na vukudra na kequ meca, cakava na nomuni sala me matata e mataqu. 9 Baleta ni sega na lewadodonu e gusudra; e na kune ga na ivalavala ca e lomadra; na nodra itilotilo e vaka na ibulubulu e se dola tu; era dau veivakacalai e na yamedra.10 Totogitaki ira kemuni na Kalou (Mighty One); laiva me ra tacaqe tale e na nodra ivakasala; kolotaki ira laivi baleta na ilevu ni nodra ivalavala dukadukali, baleta ni ra vakacudrui kemuni. 11 Ia laivi ira era dau vakanuinui vei kemuni me ra rekitaki kemuni; me ra vakalagilagitaki kemuni tiko me tawamudu, oti moni qai mai bula tiko e na kedra maliwa; o ira kece era taleitaka na yacamuni me ra na vakaukauataki mai vei kemuni. 12 Baleta oni na vakalougatataki ira na yalododonu, i Yahuwe (YHWH); oni sa ukutaki au me vaka e dua na isasabai maqosa vakaoti.

Same (Tehellim) 5:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
005 Blog No. 1465	January 5, 2012.
Reading	Hebrew Date
Na iVakatekivu (B’resheet) 12-14	Tevet 10, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lawa Me Nodra Na Tamata (Laws For The People)

Thoughts: Yahweh Has Personal Concern For Our Kodeshness

 ........................................

Serving For Yom Khah Mee-shee, Adar-Alef 13, 5771

Moni kakua ni vakadukadukalitaki kemuni vakataki kemuni e na veika cava ga era dauqasi e dela ni vuravura; baleta oni na vakadukadukalitaki kina vaka kei ira; kakua ni vakacacani kemuni me vakataki ira.44 Baleta ni o Au o Jiova (Yahweh) na nomuni Kalou (Mighty One); o koya oya moni vakatabui kemuni kina vakataki kemuni, moni rawa ni savasava vakaoti, ka ni o Au, au savasava vakaoti; o kemuni talega moni kakua ni vakacacani kemuni e na dua ga na ka e dauqasi ka dau veiqasiyaki tu e dela ni vuravura. 45 Baleta o Au o Jiova (Yahweh), na nomuni Kalou (Mighty One) au a kauti kemuni tani mai na vanua o Ijipita, meu mai nomuni Kalou (Mighty One); qori e dodonu kina moni savasava vakaoti,  me vaka ni o Au, Au savasava vakaoti.46 Oqo na lawa me baleta na manumanu yavaiva kei na maumanu vakatabana kei na kabula kecega era veitosoyaki tu e loma ni wai, kei na ka bula kece era dau veiqasiyaki tu e dela ni vuravura; 47 oya moni dau vakaduiduitaka na kena e dukadukali mai na kena e sega vata kei na manumanu e tara me laukana mai na kena e tabu me laukana.

Vunau Ni iSoro (Wayikra) 11:43-47

Raica au na tala yani na noqu dau ni kauitukutuku me lai vakarautaka na noqu sala e na vukuqu; ia o koya, oni waraka tiko, e na qai lako yani vakasauri i na valenisoro nei Jiova (Yahweh), oya o Koya na italai ni veiyalayalati oni dau taleitaka; raica e na lako yani o Koya e kaya o Jiova ni  lewe vuqa (Yahweh Tzva’ot).  2 Ia o cei beka e na vosota rawa na siga ni nona lako mai? O cei beka me na tu rawa ni sa basika mai o Koya? O Koya e tautauvata kei na bukawaqa na nona dau veivakasavasavataki, vata kei na nodra sovu na dausavasava: 3 E na lesu mai o koya me mai vakadaumakataka ka vakasavasavataki ira na tamata me vaka na siliva; e na qai vakasavasavataki ira na luvei Livai ka vakadodonutaki ira me vaka na koula kei na siliva, me rawa ni ra cabora vei Jiova (Yahweh) na imadrali e na yalododonu. 4 Ekeri, na isoro nei Yahuda vata kei Yerushalayimi, sa na qai taleitaki vei Jiova (Yahweh) me vaka e na veigauna makawa kei na veitabayabaki sa sivi.

Malakai (Mal’akhi) 3:1-4

Read The Scriptures (Tanakh) in a Year
Siga (Day)/Blog	Tikinisiga (Date)
048/Blog No. 1188	February 17, 2011.
Reading	Hebrew Date
Leviticus (Wayikra) 24-25	Adar Alef 13,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tawase na Matanitu: Yabaki 947-721 BC. (Divided Kingdoms 947-721 BC)

Thought: Watch What You Say, Be A Peace Maker, Not A Piece Maker

.......................................

Serving For Yom Revee’ee, 20^th Sivan 5770

Ia ni sa yaco i Jerusalemi o Rehoboama, a qai kacivi ira vata na lewe ni vale i Yahuda vata kei Beniyamini, e duanadrau walusagavulu na udolu na tamata digitaki era daunivala e na iseleiwau, oya o ira na bati, me ra valuti Isireli, me rawa ni vakalesui na matanitu vei Rehoboama na luve i Solomoni. 02 Ia na vosa nei Jiova (Yahweh) a qai yaco vei Shemaia ni kaya, 03 Vosa vei Rehoboama na luve i Solomoni, na tui Yahuda kei ira e na vale nei Beniyamini vata kei ira kece na Isireli kei ira na vo ni tamata mo kaya, 04 Oqo na veika e kaya o Jiova (Yahweh), Moni kakua ni lako cake se moni lai vala; na tamata kece me ra dui lesu i na nodra dui veivale, baleta na veika oqo, o au ga au a cakava. Era mani rogoca na vosa nei Jiova (Yahweh) era qai dui lesu, na tamata kece i na nodra dui veivale.

2 Veigauna 11: 1-4

O cei beka e na kemuni maliwa e vuli vinaka? Laiva me vakadinadinataka na nona vosa, e na nona cakacaka vakasakiti e vakayacori e na yalomalumu, e kune mai na yalomatua.

Jemesa 3:13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
153	June 2	Sivan 20	2 Chronicles 7-9

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na Tokatoka kei na Mataqali (The Tribes).

Thought: Identify With Your Small Group Which Is Part Of A Larger Group.

....................................

Serving For Yom Shlee’Shee,19^th Sivan 5770

11 O ira na luve i Qada era a vakaitikotiko veibasai kei ira, e na qele kei Macanini me yaco sara i na yalayala ni vanua mai Siba kei Salaka. 12 O Joeli a nodra iliuliu, e a dau ni vakavulewa vei ira, qai dau vakatavulica vei ira na tiki ni ivola tabu vivinaka. 13 Qo o ratou na luve i Abihaila, na luvei Kuhuri, na luvei Seraha, na luvei Qilidte, na luve i Malakira. 14 Na luve I Ebadaeli, na luve i Ilai, o ira na iliuliu e na nodra dui mataqalina tamadra.15 Era a tiko vata kece mai Macanini e na kena veikoro. 16 O ira kece qo era kilai mai na nodra dui ituvatuva ni kawa e na gauna nei Jocame na tui Yahuda vata kei na veisiga nei Jereboama na tui Isireli. 17 O ira na Rubenaiti kei na Qadaiti, kei na veimama na mataqali nei Manase, o ira na tagane qaqa, dau ni veivala e na iseleiwau kei na isasabai vata kei na vanataki ni dakaititi, ka dauniveivaluti, a le vasagavulukava na udolu vitu na drau onosagavulu na kedra iwiliwili.

1 Veigauna 5:11-17

“Baleta, e na vanua cava ga e soqo tiko kina e na vukuni Yacaqu, e le rua se le tolu, Au na tiko talega e keya, Meu veimaliwai tiko kei ira.”

Maciu 18:20

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
152	June 1	Sivan 19	2 Chronicles 4-5

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

Na iVola ni Kawa (Geneologies)

Thought: Genealogies Proves That Yahweh Is Concerned With Individuals.
...................................................

Serving For Yom Shaynee, 18^th Sivan 5770

O ira na luvei Keilebi na taci iJeramila: o Elishamai na nona ulumatua, o koya e a tamai Sifa; 42 ia o ratou na luve i Maresha tagane, na tama i Hebarona, e bau kina o Kora, Tapua, o Rakimi, kei Sherema; 43 ia o Sherema a tamai Rahama, na tamai Jorikoama; ia o Jorikoama a tamai Samai. 44 O Aufana, na wati i Keilebi lailai a tinai Horana, 45 ia o Horana a qai tamai Qosohana, 46 O ira na luvei Shamai tagane o Maona; o Maona a qai tamai Becasura. 47 O ira na luvei Yadai tagane: eratou bau kina o Reqema kei Jocame, o Qeshema kei Peleta kei Efaha vata kei Shaafa 48 O Maaka, e dua na wati i Keileba lailai a tinai Sheberi kei Tirihana. 49 E a tinai Shaafa talega na tamai Madamana kei Sheva na tamai Makabena, ka tamai Qibea; ia a luvei Keileba yalewa o Akesa. 50 Qo i ira na luvei Keileba, na luvei Hura, na ulumatua nei Efarata; o Shobai a sucu mai Kirijaca-narini

1 Veigauna 2:41-50

A qai yaco mai vei au na vosa i Jiova (Yahweh) ni kaya, 05 Niu sebera ni buli i iko e na katonigone, au sa kilai iko oti tu; ia ni o sebera ni sucu mai na katonigone, au a sa vakatabui iko oti ka lesi i iko mo nodra parofita na veimatanitu.

Jeremaia 1:4-5.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
151	May 31	Sivan 18	2 Chronicles 1-3

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.