Ijipita Kei Iciopia (Egypt And Ethiopia)

Thought: Do Not Stake Your Future And Safety On Human Power.

...................... 

Serving for Yom Rishon, Shevat 30, 5773

MAI NA NEVI’IMI AKARONIMI (FROM THE NEVI’IM ACHARONIM)

E na yabaki [oya] e a tala kina o Saqona na tui Ashuru na nona turaganivalu liu me lai kabai Ashedodo, a qai rawaa. 2 E na gauna oya a vosa kina o Yahuwe (YHWH) vei Yesha'yahu na luvetagane i Amozi, ni kaya, Lako, lai sereka laivi na isulu taga mai tolomu, qai luvata tani na nomu i vavabeleti (sandal) mai yavamu. A mani cakava vakakina, me qai veilakoyaki luvawale tu ka sega ni vakaivava.  3 E na kena gauna, a qai kaya o Yahuwe (YHWH), Me vaka ni veilakoyaki luvawale voli qai sega ni ivakaivava tu o Yesha'yahu na noqu dauniveiqaravi, me tolu na yabaki, me  ivakatakilakila ka ivakatakarakara vei Ijipita vata kei Iciopia;  4 Qori e na cakava vaka kina na tui Ashuru, ni na mai kauti ira laivi na bobula mai Ijipita kei ira na kaivesu mai Iciopia, gone kei na qase, me ra kau luvawale ka sega ni vakaivava, ka me qai la la tu na bulidra me na qai madua kina o Ijipita.  5 Era na qai vakamalumalumutaki ka vakamadualaki Iciopea na nodra inuinui, kei Ijipita, na nodra yavu ni dokai. 6 E na siga oya, o ira na tamata era vakaitikotiko e na baravi oqo, era na kaya, Raica, na veika sa yaco qo vei ira eda [dau] dro vei ira e na noda vaqara veivuke; baleta eda nanuma tiko ni ra na vueti keda mai vua na tui Ashuru! Eda sa na qai dro vakacava qo?

Yeshayahu (Aisea) 20:1-6

NA IVAQA NI BULA (FOOD FOR THE SOUL)

E na gauna e tauyavutaki lomalagi kina, o au (vuku), au a tiko kina. E na gauna e toqa wavoki kina na iyalayala (horizon) momokiti e dela ni titobu, 28 E na gauna e vakataudeitaka kina na lomalagi mai cake, e na gauna e vakaukauataka kina na ivurevure ni titobu; 29 E na gauna e solia kina vua na wasawasa na nona iyalayala me kakua ni basuka na nona ivakaro na wai; e na gauna e vakotora kina na yavu ni vuravura; 30 O au, au a tiko vata kei koya, me vaka e dua e rawa ni nuitaki. Vei au, na veisiga kece au a dau rekitaka, baleta au dau qito tiko e matana e veiveigauna kecekece. 31 Meu qito tiko e na veivanua kecekece e dela ni nona vuravura, e dau ka ni marau vei au niu tiko kei ira na kawatamata.

32 ¶ O koya oya, kemuni na lalai, moni vakarorogo kina vei au (vuku); era na dau mamarau o ira era taqomaka na noqu ivalavala.

Mishlei (Vosa Vakaibalebale) 8:27-32

LOMANI YAHUWE NA NOMU KALOU (LOVE YHWH YOUR MIGHTY ONE

NA Same i Dawide; E dua na vucu ni veivakatavulici (maskil). E wacava na nodra kalougata o ira e vosoti na nodra talatalai dredre, kei ira e bokoci na nodra ivalavala ca. 2 E wacava na nodra kalougata o ira e sega ni wilika ni ra cala o Yahuwe (YHWH); baleta ni sega na veivakacalai e vuniyalona. 3 E na gauna au toka vagagalu tu kina, na suiqu e na vuca tiko yani, baleta na noqu vutugu e na loma ni siga taucoko; 4 E na siga kei na bogi, na ligamuni e tau bi no vei au; na noqu dra (sap) e qai mamaca me vaka na dravuisiga e na vula ikatakata. Selaa. 5 E na gauna au vakadinadinataka kina na noqu ivalavala ca vei kemuni, niu  tarova na noqu vunitaka voli na noqu cala, au qai kaya, Au na vakatusa na noqu cala vei Yahuwe (YHWH); oni qai vosota na cala ni noqu ivalavala ca. Selaa. 6 Oqo na veika era dodonu me ra masulaka o ira na yalodina, e na gauna oni rawa ni kune kina. Qori, e na yaco dina ga kina, ni sa waluvu tu na wai levu, era na sega ga ni toso volekati koya.

7 ¶ O kemuni na noqu ivunivuni, baleta oni na taqomaki au tiko mai vei na veileqaleqa; oni na vakavolivoliti au e na sere ni veivueti. Selaa. 8 Au na vakasalataki kemuni ka vakatavulici kemuni e na sala oqo e dodonu moni muria; Au na solia vei kemuni na ivakasala; na mataqu e na dikevi kemuni tiko. 9 Kakua ni vaka e dua na ose se na meule (mule), e sega ni yalomatua; ka dodonu me tuiraki mai gusuma e na kaukamea (bit) kei na baraidaile; [ke sega] e na sega ni tosovi kemuni rawa mai. 10 E vakaitamera na nodra nuiqawaqawa o ira na ca, ia na yalololoma e tu vakavolivoliti koya e vakabauti Yahuwe (YHWH); 11 Reki tiko vei Yahuwe (YHWH); dau mamarau tiko kemuni na tu dodonu! Kaikaila e na mamarau, o kemuni kece e tu dodonu tu na vuniyalomuni.

Tehillim (Same) 32:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 147 in 5773 (Total 1883)	February 10, 2013
Reading	Hebrew Date
B’resheet ( Na iVakatekivu) 43-44	M #11: Sh’vat 30, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Domobula O Ira Na Kai Ijipita (The Egyptians’ Fears)

Thought: YHWH Causes The Egyptian To Be Erratic

....................... 

Serving Yom HaShishi, Shevat 28, 5773

MAI NA NEVI’IMI AKARONIMI (FROM THE NEVI’IM ACHARONIM)

O ira na daunivakavulewa ni Zo'ana era sa vakalialiai, o ira na dau ni vakavulewa ni Nofi era sa lawakitaki, o ira sara ga na tui ni veimataqali e Ijipita, era sa liutaka na lako sese.14 O Yahuwe (YHWH) sa wakia e  lomadra na yalo ni veivakacalai, ka sa vakavuna vei ira na kai Ijipita me ra calacala e na veika kece era cakava, me vaka ni yatayata na daumateni e na nona lua. 15 E na sega talega kina ni dua na kai Ijipita e kunea e dua na cakacaka me cakava; se na uluna se na buina se na taba ni niuniu (babalavua), se na tolotolo ni gasau (leleka). 16 E na siga oya o Ijipita sa na vakataki ira na yalewa ni ra sautaninini e na domobula, baleta o Yahuwe ni lewe vuqa (YHWH-Tzva'ot) sa kurea tiko mai na nona ivacu vei ira. 17 Ni cavuti ga na vanua o Ya'huda vei ira na kai Ijipita, [qori] e na vakavuna na nodra taqaya ka tataivatia; era na domobula baleta na veika sa nakita tu o Yahuwe ni lewevuqa (YHWH-Tzva'ot) me baleti ira.

Yeshayahu (Aisea) 19:13-17

NA IVAQA NI BULA (FOOD FOR THE SOUL)

O au, o vuku, au bula vata kei qaqarauni; au itaukei ni kilaka kei na vakasama maqosa.13 Na vakarokorokotaki i Yahuwe (YHWH) [qori] na cati ni ca. Au cata na dokadoka kei na qaciqacia, na itovo ca kei na veivosavosayaki.

Mishlei (Vosa Vakaibalebale) 8:12-13

LOMANI YAHUWE NA NOMU KALOU (LOVE YHWH YOUR MIGHTY ONE

Vakarautaka vei au na veitokoni i Yahuwe (YHWH) baleta o au, au sa leqa tu. Na mataqu e sa buwawa sobu tiko e na vuku ni leva, [ka vaka kina na] noqu bula kei na yagoqu talega.11(10) Baleta na noqu bula sa gogo mai e na rarawa, kei na noqu veiyabaki e na vutugu; na noqu kaukaua sa vakamalumalumutaki e na vuku ni caka ca; na suiqu sa seyavu tiko yani.12(11) Au sa beci mai vei ira na kequ meca, qai vakalevu cake sara mai vei ira na wekaqu vakaitikotiko; vei ira mada ga na noqu veikilai, au sa rivarivabitaki ni ra raici au e gaunisala, era qai vuki laivi mai vei au. 13(12) Me vaka e dua na tamata sa mate oti, guilecavi mai na nodra vakasama; au sa yaco meu vaka e dua na kuro kavoro. 14(13) Na ka ga au rogoca, na vakasolokakana, na domobula sa wavolivoliti au; era sa vakananavu vata me ra saqati au, ka ra nakita vata me ra na kauta laivi na noqu bula.15(14) Ia o au, au vakabauti kemuni tiko ga i Yahuwe (YHWH), au qai kaya, O kemuni na noqu Kalou (Mighty One). 16(15) Na noqu gauna e tu ga e ligamuni; vueti au mai na nodra kaukaua na kequ meca, mai vei ira era vakacacani au tiko. 17(16) Cakava na matamuni me ramase vua na nomuni dauniveiqaravi; e na nomuni yalololoma, vueti au. 18(17) I Yahuwe (YHWH) kakua ni laivi au meu vakamaduataki, baleta au kacivi kemuni tiko; laivi ira na tamata ca me ra vakamaduataki, laivi ira me ra vagalui e na loma ni ibulubulu. 19(18) Me vagalui mada ga na tebenigusu dau lasulasu, e dau vosa vakaviavialevu, me ra saqati ira na yalododonu, e na dela ni nodra dokadoka kei na veibeci.

Tehillim (Same) 31:9-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 145 in 5773 (Total 1881)	February 8, 2013
Reading	Hebrew Date
B’resheet ( Na iVakatekivu) 39-40	M #11: Sh’vat 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofisai Me Baleti Ijipita (Prophesy About Egypt)

Thought: Egypt’s Best Minds Could Not Tell What YHWH Was Planning Against Them

..................... 

Serving Yom Chamishi, Shevat 27, 5773

MAI NA NEVI’IMI AKARONIMI (FROM THE NEVI’IM ACHARONIM)

OQO na parofiisai bibi me baleti Ijipita: Raica, o Yahuwe (YHWH) e vodoka tiko e dua na o toso totolo, e na nona ilakolako i Ijipita. E matadra era sa sautaninini tu na kalou matakau ni Ijipita, na nodra yaloqaqa na kai Ijipita sa waicala tiko e lomadra. 2 Au na vakayarayarataki ira na kai Ijipita me ra veisaqasaqa vaka kai Ijipita, era na qai veivaluvaluti vaka mataveitacini, na veitau me ra veisaqasaqa, na korolevu me ra veisaqasaqa, na matanitu me ra veisaqasaqa vaka matanitu, 3 Na yaloqaqa e Ijipita me sa luluqa  tani mai lomadra, au na vakavuna  me tawayaga na ivakasala, me ra qai veilecayaki. Era na vaqara ivakasala vei ira na kaloumatakau, vei ira na daurairai, na yalobula (ghosts) kei ira na veiyalotani. 4 Au na soli i ira na kai Ijipita i ligana e  dua na iliuliu dauyaloyalo ca. Vua e dua na tui yalokaukaua me vakavulewa vei ira, e kaya na Sau o Yahuwe ni lewevuqa (YHWH-Tzva'ot). 5 Na wai sa na lutu laivi mai wasawasa, na uciwai e na drodro laivi me sa mamaca. 6 Na veiuciwai era sa na bona; na ikelimusu e na Naile mai Ijipita sa na lutu tiko me yacova ni mamaca vakadua, na veigasau kei na veikuta era sa na malai. 7 Na kau era dau bula tu e na batibati ni uciwai na Naile kei na veika kece era teivaki tu volekata na uciwai na Naile era na vusa ka cagina laivi me ra sa oti vakadua. 8 Era na tagitagi o ira na gonedau, o ira kece era dau kolo na nodra batinisiwa i na Naile era na vakaloloku, ia o ira era dau kolo na nodra lawa [ni ika] era sa na yalolailai. 9 O ira era daucakacaka e na lineni matailalai era sa na taqaya ka vaka kina o ira era dau tali isulu mai na vauvau (cotton). 10 O ira era dau taraa na yavu [ni tobu ni ika] era na vakaleqai, kei ira era dau ta ikelimusu era sa na yalolailai. 11 O ira na daunivakavulewa mai Zo'ana era sa yaco me ra dogadoga; o ira na dau soli ivakasala vuku vua na Tui o Fero, sa na druma na nodra ivakasala. E rawa vakacava me ra kaya vei Fero, O keimami, keimami tamata vuku, na luvedra tagane na vei tui mai na gauna eliu. 12 Evei sara mada o ira, o ira na nomuni tagane vuku? Laiva me ra tukuna vei kemuni e na gauna oqo, me rawa ni ra kila kece na tamata, na veika sa nakita tiko o Yahuwe ni lewevuqa (YHWH-Tzva'ot) me baleti i Ijipita.

Yeshayahu (Aisea) 19:1-12

NA IVAQA NI BULA (FOOD FOR THE SOUL)

Na vuku sa kacikaci tiko.  Na yalomatua e tabalaka tiko na domona. 2 E na tikina cecere duadua e gaunisala, e rau sota kina na gaunisala, e duri tu kina. 3 E na yasa ni matamata, e naulu tiko i loma ni korolevu,  e na icurucuru, e kacikaci tiko mai kina e na domo levu: 4 Kemuni na tamata au kacivi kemuni tiko; au laveta tiko na domoqu vei ira kece na kawa tamata. 5 O kemuni oni sega ni qarauna na nomuni bula, yalomatuataka moni dau qaqarauni; ia o kemuni na lialia, kauta mai eso na vakasama kilailevu (common sense)! 6 Rogoca, au na kaya eso na ka yaga; niu vosa, na noqu vosa era donu. 7 Na gusuqu e na cavuta ga na veika e dina; baleta na tebenigusuqu e cata na veika tawakilikili. 8 Na vosa kecekece mai gusuqu era yavu ni yalododonu; e sega ni kune kina e dua na ka e lasutaki se takelo. 9 Era matata taucoko vei ira era yalomatua, ka donu vinaka vei ira era gadreva me ra vakalevutaka na kilaka. 10 Ciqoma na noqu ivakavuvuli, mai na  siliva; kei na kilaka, mai na koula talei; 11 Baleta na vuku e vinaka cake mai na mataniciva; e sega ni dua na ka o vinakata e rawa ni tautauvata kei koya.

Mishlei (Vosa Vakaibalebale) 8:1-11

LOMANI YAHUWE NA NOMU KALOU (LOVE YHWH YOUR MIGHTY ONE

E vukuna na iliuliu. E dua na same i Dawide. 2(1) Vei kemuni i Yahuwe (YHWH) au na kunea na noqu vakarurugi; laiva meu kakua ni vakamaduataki; vueti au e na nomuni lewadodonu. 3(2) Vakala mai na daligamuni vei au; lako mai vakusakusa meu mai vueti, moni yaco moni uluvatu ni kaukaua vei au, e dua na valecere me mai taqomaki au. 4(3) Baleta ni o kemuni oni noqu kaukaua ka noqu valecere; liutaki au ka tuberi au e na vuku ni yacamuni. 5(4) Sereki au mai na lawalawa era a viria vakavuni meu tacori kina, baleta o kemuni oni noqu kaukaua. 6(5) I na ligamuni au solia yani na yaloqu; o kemuni oni na voli i au lesu, i Yahuwe (YHWH) na Kalou (Mighty One) ni dina; 7(6) Au cati ira era dau sokaloutaki kalou matakau e sega na kedra yaga; ia o au, au na vakanuinui ga vei kemuni i Yahuwe (YHWH). 8(7) Au na reki ga ka mamarau e na nomuni yalololoma; baleta oni raica na noqu leqaleqa; oni kila na vutugu sa kovuti au tu. 9(8) Oni a sega ni bau soli i au laivi i ligadra na kequ meca; ia oni vakadeitaka na yavaqu e na tikina au rawa ni veitosoyaki kina e na galala;

Tehillim (Same) 31:1-8

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 144 in 5773 (Total 1880)	February 7, 2013
Reading	Hebrew Date
B’resheet ( Na iVakatekivu) 37-38	M #11: Sh’vat 27, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofisai Nei Opetaia (Prophesy By Ovad’yah)

Thought: Nationally, What You Do To Others, Will Be Done To You

 .............................

Serving For Yom Shlee-shee, Kishlev 17, 5772

Na raivotu nei 'Ovadaya. Oqo na ka e kaya o Yahuwe (YHWH) na Kalou (Mighty One) me baleti Idomi: Eda sa rogoca oti e dua na itukutuku ciri maivei Yahuwe (YHWH) kei na dua na mata sa talai i na kedra maliwa na veimatanitu me lai tukuna, Tucake, laiva meda mai tu vata meda valuti koya. 2 Raica, au na cakava mo lolovira duadua e na kedra maliwa na veivanua; o na beci sara vakaca. 3 Na babamatua ni vuniyalomu sa vakacalai iko, o iko o vakaitikotiko e loma ni kakaca e na baravatu, na nomuni itikotiko e toka sara mai colo; o iko o qai kaya e vuniyalomu, O cei e na kauti au sobu i dela ni qele?  4 E dina ni o tubu cake tu me vaka na ikeli, o qai viria na nomu sova e na kedra maliwa na kalokalo; mai keya Au na kauti iko sobu mai, e kaya o Yahuwe (YHWH). 5 Ke ra lako yani vei iko e na bogi o ira na daubutako se o ira na dauveikove, e rawa vakacava mo vagaluya tiko, me yacova ni ra sa butakoca, era na sega beka ni butakoca na ka me rauti ira? Ia ke ra lako yani vei iko o ira na daubeti vuanivaini, era na sega beka ni vakavoca eso e na vuku ni vakatotomi (gleaning)? 6 E na vaqaqai vakacava o Esava? E na vaqarai vakacava na nona iyau vunitaki 7 Era sa cemuri kemuni i na iyalayala ni vanua; o ira kece na tamata e na nomu matanitu (confederacy) era sa vakaisini iko, ka rawai iko; o ira era a dau veiyaloni kei iko, ka dau kania na kemu madrai era sa navuca me ra valuti iko, baleta o Esava e sega ni kila e dua na ka me baleti koya. 8 E na siga oya, e kaya o Yahuwe (YHWH) au na vakarusai ira kina na tamata vuku mai Idomi kei ira na tamata yalomatua mai na ulunivanua i Esava?  9 Ia o ira na nomu tagane qaqa i Temani, era na butakoci, me rawa ni ra na rusa na tagane kece mai na  ulunivanua i Esava.

10 ¶ Baleta na nodra vakamatei kei na itovo kaukaua a vakayacori vei tacimu o Ya'akove, na madua levu e na luvuci iko, o na qai muduki laivi vakadua. 11 E na siga oya o a tu mo saqati koya kina, e na siga era a mai kauta kina vakaukaua, na nona mataivalu, o ira na kaitani, era qai curuma na nona matamata o ira na kaitani, oti era qai   vakawirimadigitaki Yerushalayimi, o iko sara ga o a dua mai vata kei ira. 12 Ia o iko e sega ni dodonu mo a vaqara na siga ni nona leqa o tacimu,  e na siga era a valuti koya tiko kina na kaitani; a sega tale ga ni dodonu mo a marautaka na nodra siga ni vakacacani o ira na luvei Ya'huda; a sega talega ni dodonu  mo a vosa vakaviavialevu e na nodra siga ni leqaleqa.  13 E sega ni dodonu mo a curuma na nodra matamata na noqu tamata e na siga ni nodra veilecayaki; io, e sega ni dodonu mo marautaka na nodra veilecayaki e na siga ni nodra tiko leqaleqa; se vakarerei ira na nodra mataivalu e na siga ni nodra tiko leqaleqa. 14 A sega talega ni dodonu mo a lai tu e na basoga ni sala mo muduki ira laivi o ira vei ira era a dro bula tiko; se vesuki ira mo soli i ira cake vei ira na meca o ira vei ira era kedra vo vo, e na siga ni nodra tiko leqaleqa. 15 Baleta na siga i Yahuwe (YHWH) sa roro mai vei ira na veimatanitu kece sara; na veika ga o cakava, e na caka tale vei iko; na nomu icovi e na suka lesu mai me mai sauta na ulumu. 16 Me vaka ni o a gunu tiko e na noqu ulunivanua tabu, o ira talega na lewe ni veimatanitu era na mai gunu tale ga kina; io, era na gunu, era na qai  veilecayaki ka loma leqaleqa, era na qai yaco me vaka ni ra a sega ga.

Opetaia (Ovad’yah) 1:1-21

O koya e nona icaba e dua na dau butako e cata na nona bula (soul) o koya vakataki koya; era na cakava me bubului, ia o koya e na sega ga ni via vakatutusa. 25 ¶ Na nona ivalavala ca e dua na tamata e na itatacaqe tiko vua; ia o koya e biuta na nona inuinui vei Yahuwe (YHWH) e na yaco me kaukaua.

Vosa Vakaibalebale (Mishlei) 29:24-25

I Yahuwe (YHWH), nanumi Dawide kei na nona veileqa kecekece: 2 Ni a bubuluitaka vei Yahuwe (YHWH) o koya, ka yalataka vua na Kalou (Mighty One) kaukaua i Ya’akove ni kaya,  3 E dina ga niu na sega ni curu i na vale au a dau vakaitikotiko kina se lai davoca na noqu loga ni moce. 4 Se solia me moce na mataqu se me bobo na bekabeka ni mataqu; 5 Me yacova niu sa kunea e dua na vale nei Yahuwe (YHWH); e dua na nona itikotiko na Kalou (Mighty One) i Ya’akove. 6 Raica, eda a rogoca oqori mai Efarata; eda a kunea e na dua na were nei Ya’ara. 7 Eda na lako i na nona veivale; eda na cuva ka sokalou e na ibutubutu ni yavana. 8 Tucake i Yahuwe (YHWH), curu i na nomuni vanua ni vakacegu; o kemuni kei na kato ni nomuni kaukaua: 9 Laivi ira na nomuni kohanimi me ra vakaisulu e na yalododonu, kei ira na nomuni yalodina e na dokai. 10 E na vukuna na nomuni dauniveiqaravi o Davide, kakua ni vukica tani na mata ni nomuni lumuti. 11 O Yahuwe (YHWH) e bubului e na dina vei Davide (o koya e na sega ni vuki tani mai kina); mai na vua ni yagomu, au na tauyavutaka na nomu i dabedabe vakatui. 12 Kevaka era na bula muria na noqu veiyalayalati kei na noqu ilesilesi o ira na luvemu niu vakatavulica vei ira, o ira talega na luvedra era na dabe e na nomu idabedabe vakatui me sega ni mudu. 13 Baleta o Yahuwe (YHWH) e a dau taleitaki Saiyoni; e sa digitaka me na nona itikotiko. 14 Oqo na noqu ivakavakacegu me tawamudu, eke au na mai vakaitikotiko kina, baleta niu gadreva. 15 Au na vakalougatataka vakalevu na nona daunivakasasa; Au na vakamamautaki ira na nona dravudravua e na madrai. 16 Au na vakasulumi ira talega na nona kohanimi e na bula kei ira na nona digitaki e na dokai. 17 E keya au na cakava me kubu ni ileu nei Davide: me ramase ka me rama ni icina vei ira na nona lumuti. 18 O ira na kena meca au na vakasulumi ira e na madua; ia na noqu savasava e na kovuti koya.

Same (Tehellim) 132:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
347 Blog No. 1441	December 13, 2011.
Reading	Hebrew Date
Joeli (Yo’yl) 1-3	Kishlev 17, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Talatalaidredre Vakavanua (National Disobedience)

Thought: The Fate Of The P’lishtim Sealed In Prophesy

.......................... 

Serving For Yom Shabbat, Kishlev 14, 5772

Na vosa nei 'Amosi, o koya e a tiko  e na kedra maliwa na ivakatawa ni manumanu mai Te'koa, e na veika a raica me baleti ira na Isira'yili, e na gauna nei Uzaiya na tui Ya'huda kei na gauna nei Yerovo'ama na luvei Yo'asha na tui Isira'yili, ni vo e rua na yabaki me yaco na uneune. 2  Kaya o koya; o Yahuwe (YHWH) e na  kudru mai Saiyoni, ka kaila mai Yerushalayimi; na nodra itikotiko na ivakatawa ni sipi era na vakaloloku kei na dela i Karamela e na malai.

3 ¶ Oqori a qai kaya kina o Yahuwe (YHWH); E na vuku ni tolu na nodra ivalavala ca mai Dameseke, io, ni va, au na sega kina ni vukica laivi na kena  itotogi, baleta era a mai samulaki Qili'ade e na iyaragi kaukamea; 4 Ia au na tala e dua na bukawaqa i na vale nei Hasa’yili, me vakama laivi na veivale vakatui nei Beni’Hadada. 5 Au na musuka talega na ba ni matamata mai Dameseke, ka muduki ira laivi na itaukei ni buca mai Bika’ata-Aveni, kei koya e taura tiko na ititoko ni sau (sceptre) mai Beiti-Ideni; kei ira na tamata mai Arama era na kau vakabobula i Kiri, e kaya o Yahuwe (YHWH). 6 Oqo na ka e kaya o Yahuwe (YHWH); E na vuku ni tolu na talaidredre nei 'Azaa, io, ni va, au na sega kina ni vukica laivi na kena itotogi; baleta ni ra a mai kauti ira vakavesu na lewenivanua taucoko me ra lai soli i ira laivi i Idomi. 7 Ia au na tala e dua na bukawaqa i na bailalaga mai 'Azaa, me vakama yavu na kena veivale vakatui. 8 Au na muduki ira tani o ira era vakaitikotiko mai Ashidodo kei koya e taura tiko na ititoko ni sau mai Ashekiloni, au na qai moica na ligaqu me saqati Ekironi; ia o ira na vo vo vei ira na kawa i Pi'lisitimi era na rusa, e kaya o Yahuwe na Kalou (YHWH Mighty One).

Emosi (‘Amos) 1:1-9

E dua na dauniveiqaravi e na sega ni vakadodonutaki rawa e na vosa; baleta ni kila deivaki tu ni na sega ni kana kuitataki. 20 ¶ Ni o raica e dua na tamata e dau gusu totolo e na veika e kaya; kila sara tiko ni vinaka cake sara mai vua e dua na lialia.

Vosa Vakaibalebale (Mishlei) 29:19-20

Era a bau lewe levu o ira era a dau vakasaurarataki au mai na noqu gauna ni gone, laivi Isira'yili me kaya oqo; 2 O ira era a dau vakasaurarataki au era bau lewe levu dina mai na noqu gauna ni gone, ia era sega ga ni rawa ni vakagucetaki au. 3 Era warolaki au e dakuqu; era qai cakava me dede vinaka na nodra  veivakararataki. 4 O Yahuwe (YHWH) e yalododonu: o koya e na cebedrutia laivi na nodra dali na vakasisila.

5 ¶ Laivi ira me ra veilecayaki ka me ra vakasukai lesu o ira era cati Saiyoni. 6 Laivi ira me ra vaka na veico e na delavuvu ni vale, ni ra na tacavu ka malai vakadua ni labata na cagi; 7 Era na sega ni tawana rawa na ligana o koya e dautatamusuki ke qumia; se me laveta i lomaserena o koya e dau vesuki ira vakaivau. 8 Era na sega talega ni kaya rawa o ira era tavali, Na veivakalogatataki i Yahuwe (YHWH) me sobuti iko; keimami vosa vakalougatataki iko e na yaca i Yahuwe (YHWH).

Same (Tehellim) 129:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
344 Blog No. 1438	December 10, 2011.
Reading	Hebrew Date
Osea (Hoshea) 5-8	Kishlev 14, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Sipitagane kei na Metagane (The Ram And The Male Goat)

Thought: Who Are The Players At The Time Of The End?

 .....................

Serving For Yom Khah Mee-shee, Kishlev 5, 5772

E NA ikatolu ni yabaki ni nona  vakavulewa tiko o tui Belashataza, e dua na raivotu a qai yaco mai vei au, o Dani'yili, oya ni oti na kena, au a raica mada e liu. 2 Au qai raica e na noqu raivotu, a qai yaco vaka kina, niu a tiko mai na valenitui mai Shushani na koroturaga qori e na yasana o 'Eilami; au qai raica e na noqu tadra niu a tucake tu e na bati ni ikeli musu na Ulai. 3 Au laveta na mataqu, au rai au qai raica, ni duri tu e na bati ni uciwai o Abolo, e dua na sipitagane e rua toka na kena ileu; erau cere ia e dua e cere cake mai na kena kadua; ia na kena e cere cake a qai tubu mai muri. 4 Au raica na sipitagane ni cumu tiko vaka i na vuaira, i na vualiku kei na ceva; e sega ni dua na manumanu kila e vorati koya rawa, ka sega talega ni dua me veivueti rawa mai ligana; ia e cakava ga na nona inakinaki, a qai yaco kina me vakaitamera. 5 Ia niu se vakasamataka tiko, raica e dua na metagane a cabe mai na vuaira e na dela i vuravura, ka sega ni bau vakacacana na dela ni vanua: ia na metagane qo e dua toka na kena ileu  kilai levu e na maliwa ni matana. 6 A qai lako cake mai vua na sipitagane e rua na kena ileu au a raica taumada ni duri tu e na bati ni uciwai na Abolo, oti qai cicivi koya e na nona igu taucoko sara. 7 Ia ni sa yacova yani na sipitagane, a qai tubu na nona yalo ca vua, qai cumuta na sipitagane ka musuka laivi na kena ileu ruarua: ka sa oti vakadua na kaukaua vua na sipitagane me duri tale tu e matana, a qai vakabalei koya sobu i na qele, qai butuki koya sobu; e  sega ni dua me vueta na sipitagane mai ligana na metagane. 8 Qori a qai vakavuna me rogo levu cake sara kina na metagane;  ia ni sa kaukaua, na nona ileu kune levu a qai kamusu; ia qai tubu mai vuna e va tale   e kune levu talega, mai na veimatanicagi va va  e ruku ni lomalagi. 9 Ia mai na dua vei iratou oqori a tubu cake mai kina e dua na ileu lailai, a qai tubu cake me vakaitamera sara, vaka i na ceva ka vaka i na vualiku. 10 E a tubu levu cake vakadua sara vei ira na mataivalu mai lomalagi; qai kolotaki ira sobu mai i ra eso e na mataivalu kei na kalokalo, qai butuki ira sobu. 11 Qai vakalevulevui koya me tautauvata kei na nodra ravouvou na mataivalu, qai kauta laivi mai vua na isoro tudei, ka basuraka na tikina ni nona itikotiko tabu. 12 Na matasotia e na qai soli vua vata kei na isoro tudei e na vuku ni talaidredre; kei na veika tabu e na qai kolotaki sobu i na dela ni qele; ia na ileu e na toso tiko ga me vutuniyau. 13 Oti au qai rogoca e dua na digitaki  tabu ni vosa tiko, ia e dua tale na digitaki tabu e a qai kaya vua e a vosa taumada, E na vakacava beka na kena dede na raivotu me baleta na isoro tudei ka na qai oti beka e na gauna cava na talaidredre kei na veidabui vata kei na buturaki tiko ni ka tabu kei na itaukei (host)? 14 A qai kaya vei koya o koya, Me oti mada e ruanaudolu tolunadrau na siga; sa na qai veirawai na yalododonu.

15 ¶ A qai yaco, niu sa raica oti na raivotu, o au o Dani'yili, niu segata tiko meu kila, raica, ni a duri tu e mataqu e dua na ka e vaka na irairai ni tamata. 16 Au qai rogoca e dua na domo ni tamata mai na maliwa ni bati ni ikeli musu na Ulai ni kaci me kaya, Qeveri'yili, cakava na tamata qo me kila na raivotu. 17 Sa mani toro voleka mai o koya i na tikina au tucake tu kina: ia ni sa lako mai o koya, au qai rere, au mani  lutu vakatoboicu sobu e mataqu, qai kaya vei au o koya, Kilakasamataka i luve ni tamata, baleta e na ivakataotioti ni gauna, na raivotu era na qai yaco 18 Ia ni vosa tiko vei au o koya, o au, au a moce lutu vakatoboicu tu e mataqu, e na dela ni qele; ia qai tarai au, qai vakaduri i au cake vakadodonu. 19 Qai kaya mai vei au, Raica, au na vakatakila vei iko na ka e na yaco me itinitini ni cudru; baleta na tinitini ni gauna lokuci e na yaco kina na ivakataotioti. 20 Na sipitagane e rua o a raica ni rua na kena ileu, qori o rau na tui Midia kei Perisia. 21 Ia na metagane, qori na tui mai Qirisi; na ileu levu e na maliwa ni matana, qori na imatai ni tui. 22 Ia na ileu a musuki, qai tubu mai rukuna e va tale, qori e va na tui era na tubu mai na matanitu, ia e sega ga mai na nodra kaukaua ga o ira vakataki ira. 23 E na gauna yani i muri, ni sa tini na nodra matanitu, ni sa qai yaco mai na itinitini na talaidredre, e na qai tubu mai e dua na tui  mataqaqa, e dau kila na ivakatakilakila. 24 Na nona kaukaua e na vakaitamera, ia e sega ga mai na nona kaukaua o koya vakataki koya; o koya e na vu ni vakacaca, e na qai vutuniyau, oti qai takoso me vakacacani i ira na qaqa kei ira na tamata tabu.  25 E na nona ivadi qaseqase kei na lawaki ca, na nona matanitu e na vutuniyau, e na qai vakalevulevui i koya e vuniyalona; oti qai vakasauri na nona vakacacani i ira e le vuqa; o koya e na qai tubu cake me veisaqa kei koya na ravouvou ni ravouvou; ia e na rawarawa wale na nona vakadrukai. 26 Ia na raivotu ni matakalailai kei na yakavi bogi, sa tukuni oti e dina;  ia e na vukumu o iko, i Dani'yili, mo taqomaka tiko na raivotu oqo me ka vuni baleta e na sega mada ni yaco me vica vata na siga. 27 Ia o au, o Dani'yili) au a sautaninini, ka nuiqawaqawa tu me vica vata na siga; au sa qai tu meu vakayacora na cakacaka ni tui; au qai kurabui dina e na raivotu ia e sega ga ni dua e kilakasamataka rawa.

Taniela (Dani’yl) 8:1-27

Na tamata kocokoco e na vakatubu veisei, ia o koya e biuta na inuinui vei Yahuwe (YHWH) e na vakadeitaki (enriched). 26 O koya e vakanuinui i vuniyalona ga o koya vakataki koya, e dua e lialia; ia o koya e lako tiko e na ivalavala savasava (integrity) e na vueti.

Vosa Vakaibalebale (Mishlei) 28:25-26

E na noqu vutugu au a tagi vei Yahuwe (YHWH), o koya a qai rogoci au. 2 Vueta (rescue) na noqu bula (soul) i Yahuwe (YHWH), mai na tebenigusudra na vakasisila ka vaka kina mai na yame dauveivakacalai, 3 Na cava me na soli vei iko? Na cava me na vakaikuritaki vei iko, o iko na yame dauveivakacalai? 4 Na nodra gasau ni dakaititi na tamata qaqa era gagata, era vaka na qilaiso katakata ni oki (oak).

5 ¶ Oilei au sa vakaloloma, au sa mai tiko qo vakavulagi e Meishaki, qai vakavuna na noqu mai vakaitikotiko e na valelaca nei Keidari. 6 Sa dede tale na noqu mai tiko kei ira era cata na bula sautu. 7 O au, au na tutaka ga na bula sautu; ia niu vosa era qai veivala mai kei au.

Same (Tehellim) 120:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
334 Blog No. 1474	December 1, 2011.
Reading	Hebrew Date
Isikeli (Yechezk’yi) 45-46	Kishlev 5, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofisai Baleti Ta’zo (Prophesy About T’zor)

Thought: YHWH Carries Out What He Pronounces

.................. 

Serving For Shabbat, Chesvan 15, 5772

A qai yaco e na ikatinikadua ni  yabaki, e na imatai ni siga ni vula, ni a yaco mai vei au na vosa i Yahuwe (YHWH)  ni kaya, 2 Luve ni tamata, baleta ni a vosa vakacacataki Yerusalayimi o Ta’zo ni kaya, Aha na nodra matamata na tamata sa kamusu, na tamata era sa vuki mai vei au; au sa na vutuniyau, qo ni sa rusa tu o koya ka sa laladidi tu: 3 O koya oqo a kaya kina o Yahuwe na Sau (Sovereign YHWH), Raica, au na saqati iko, i Ta’zo, au na vakavuna me vuqa na veimatanitu me ra mai saqati iko, me vaka na waitui ni vakavuna na ua me cabe veitarataravi e matasawa.  4 Era na mai vakarusa na bailalaga e Ta’zo ka basuka na kena veivalecere,  era na kauta laivi na qele mai vua; au na qai vakavuna me vaka tu e dua na dela ni vatu. 5 E na qai yaco me vanua ni sigani lawaniqoli e loma ni wasawasa; baleta au sa kaya me vaka kina, e kaya o Yahuwe na Sau (Sovereign YHWH); me yaco o koya me nodra itoki ni ivalu na veimatanitu. 6 O ira na luvena yalewa era tu e loma ni vanua era na vakamatei e na iseleiwau, era na qai kila ni o au o Yahuwe (YHWH). 7 E vakaoqo na ka a kaya o Yahuwe na Sau (Sovereign YHWH); Raica, au na kauti Ne'vukadanesa mai, na Tui Bavela, na tui ni tui, vei Ta’zo, mai na vualiku vata kei na nodra ose kei na qiqi ni ivalu, o ira na dauvodo ose kei na binibini tamata e vuqa. 8 E na qai mai vakamatei ira na luvemu yalewa era tu mai na loma ni vanua e na  iseleiwau: e na vakaduria na veivale ni ivalu me saqati iko, ka viria saqati iko na veisuva, qai laveta cake na isasabai ni liga me saqati iko. 9 E na qai mokuta na nomu lalaga e na mua gagata ni nona moto, ka vakarusa na nomu valecere e na nona seleiwau. 10 Baleta na ilevu ni nona ose, na nodra kuvu ni soso e na kovuti kemuni; na nomu lalaga era na sakure e na rorogo ni nodra daunivodoose kei na qiqi kei na qiqinivalu, e na gauna e curu kina e na loma ni nomu matamata e na gauna vata era curu tiko kina e loma ni korolevu o ira na tamata, mai na tikina era a botea. 11 E na ququ ni nona ose, e na buturaka kina na nomuni gaunisala kecekece; e na ravuti ira na nomu tamata e na  seleiwau, kei na nomu icabocabo ni isoro vakavakaitamera e na basuraka sobu i dela ni qele. 12 Na nona mataivalu e na tokitaka na nomu iyau ka koveraka na nomu ivoli; era na basuka sobu na nomu lalaga ka vakacacana na nomu veivale vivinaka; era qai kolo na nomu veivatu, kei na nomuni kauvaro kei na nomuni iyau i loma ni wasawasa. 13 Au na qai vakavuna na voqa ni nomu vei sere me tini; kei na nodra ivakatagi na daunihapi me kakua ni rogo tale vakadua. 14 Au na qai cakavi iko mo dua na vatu toka wale, na tikina me ra dau raki kina na lawa ni qoli; o na sega ni tara cake tale; baleta o au o Yahuwe (YHWH) au sa kaya me vaka kina, e kaya o Yahuwe na Sau (Sovereign YHWH).

Isikeli (Yechezk’yl) 26:1-14

O koya e vakalougatataka vakadomoilevu na nona icaba e na vosa ni veicavilaki, e sega ni duidui mai vei kei koya e vosa veivakacacani.

Vosa Vakaibalebale (Mishlei) 27:14

KAYA o Yahuwe (YHWH) vua na noqu turaga, Dabe toka e na ligaqu imatau me yacova niu sa cakavi ira na kemu meca me ra itavatava ni yavamu. 2 O Yahuwe (YHWH) e na dodoka yani na ititoko ni nomu Sau mai Saiyoni, me lai vakavulewa e na kedra maliwa na kemuni meca. 3 O ira na nomuni tamata era dokai e na siga ni nomu kaukaua;  era na ukutaki e na yalosavasava mai na katonigone, au sa vakatuburi iko mo gone ni veitabayabaki. 4 Sa bubului oti o Yahuwe (YHWH), ka na sega ni tu vakasuka, o iko mo kohena tawamudu e na ivakatagedegede nei Malaki’sedeka.

5 ¶ O Yahuwe (YHWH), e na ligamu imatau, e na ravuti ira na tui e na siga ni nona leva. 6 E na qai vakavulewa e kedra maliwa na veimatanitu o koya, e na wilika na kedra iwiliwili o ira era moku; e na gutuva laiva na uludra e le levu e vuravura. 7 E na gunu o Koya mai na wai drodro e gaunisala: oqori e na laveta cake kina na uluna.

Same (Tehellim) 110:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
316 Blog No. 1456	November 12, 2011.
Reading	Hebrew Date
Isikeli (Yechezk’yi) 1-3	Cheshvan 15, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.