A Dau Gusu Duka O Yesha’yahu (Yesha’yahu Had A Dirty Mouth).

Thought: S’rafim Cleanses Yesha’yahu Lips And Sins With Hot Coal

 ........................

Serving For Yom Chamish, Tevet 28, 5773

MAI NA NEVI’IMI AKARONIMI (FROM THE NEVI’IM ACHARONIM)

E NA yabaki a mate kina o Tui Uzaiyahu  au a raici Yahuwe ni lewevuqa (YHWH Tzva’ot) ni dabe tiko e na dua na idabedabe vakatui, cecere ka laveti cake, ia na beleni nona isuluyara a robota vakadua tu na valenisoro. 2 E cake vua, eratou duri tu mai kina na se’rafimi; eratou tauyaono na tabadratou ni vuka; e rua e tabonaka tu na dui matadratou, e rua e tabonaka na tu na yavadratou, ka rua era dau vuka kina. 3 Era qai veikacivi tiko ni ra kaya, E savasava, e savasava, e savasava o Yahuwe ni lewevuqa (YHWH Tzavu’ot); o vuravura taucoko sa vakasinaiti e na dokai. 4 Na duru ni katuba a qai yavavala e na domo i koya e kaci tiko, qai vakasinaiti na loma ni vale e na kubou.

5 ¶ Au qai kaya, Au sa leqa, au sa madua, baleta niu tamata tebenigusu qeleqelewa, au bula tu e na kedra maliwa na tamata tebenigusu qeleqelewa; ia na mataqu sa raica na Tui o Yahuwe ni lewevuqa (YHWH-Tzva’ot). 6 Sa qai vuka mai vei au e dua vei ira na se’rafimi; e taura tiko mai e ligana na qilaiso ni koala waqawaqa, e a kauta mai e na iqamu mai na icabocabo ni soro. 7 Oti qai tara na gusuqu, qai kaya vei au, Raica qo sa tara na tebenigusumu; na nomu caka ca sa kau laivi, na nomu ivalavala ca sa vosoti.  8 Au qai rogoca na domo i Yahuwe (YHWH) ni kaya tiko, O cei beka meu tala, o cei e na makutu me lako e na vukuda?  Au qai kaya, O au qo; talai au!

9 ¶ E kaya mai vei au o koya, Lako, lai kaya qo vei ira na tamata, O kemuni oni rawa ni rogoca, ia oni sega sara ni kilakasamataka; oni rawa ni raica ia oni sega ni raitayaloyalotaka. 10 Cakava na vuniyalodra na tamata qo me ra levulevu, ka cakava me bibi na daligadra, qai sogota na yaloka ni matadra. De lakolako ni ra vakararai tiko e matadra, ka vakatudaliga tiko e daligadra, era qai kilalasamataka e vuniyalodra, era qai saumaki mai me ra vakabulai. 11 Oti au qai kaya, E na vakacava na kena dede i Yahuwe (YHWH)? Sauma mai o koya, Me yacova ni sa laladidi na veikorolevu ka sega ni dua (na tamata) me tawana, kei na veivale me sega na tamata era tawana ia na vanua me sa laladidi sara tu ga vakadua; 12 O Yahuwe (YHWH) sa na kauti ira tani vakayawa na tamata, ka na levu sara ga na vanua laladidi e na loma ni vanua. 13 O ira era na vo tu mai e dua na ikatini, ia o ira talega qori era na tilomi, ka ra na caka me ra vaka na vunipaini, se dua na oki, e se bula tiko na vuna ia na (tabana kei) na drauna era sa musu laivi;  o ira na kawa tabu, qori na vuna e se bula tiko.

Yeshayahu (Aisea) 5:15-30

NA IVAQA NI BULA (FOOD FOR THE SOUL)

Luvequtagane kakua ni guilecava na noqu ivakavuvuli; taqomaka tiko na noqu ivakaro e vuniyalomu; 2 Baleta era na vakaikuritaka vei iko e levu tale na veisiga; na yabaki ni bula kei na sautu. 3 Kakua ni vakalaiva na yalololoma kei na dina me biuti iko, vauca wavokita toka na domomu; volai ira sobu no e na papa ni vuniyalomu;  4 Qori o na qai rawata kina na yalovinaka kei na dokai e na mata ni Kalou (Mighty One) ka vaka kina vei ira na tamata. 5 Vakanuinui vei Yahuwe (YHWH) e na vuniyalomu taucoko, kakua ni nuitaka na nomu vuku o iko vakataki iko. 6 E na nomu ivalavala kece sara, vakarokorokotaki koya; o koya e na qai vakatautauvatataka (level) na nomu  sala,

Mishlei (Vosa Vakaibalebale) 3:1-6

LOMANI YAHUWE NA NOMU KALOU (LOVE YHWH YOUR MIGHTY ONE

Baleta o koya e dau veisausaumitaka na dra e nanumi ira; o koya e sega ni guilecava na nodra tagi na vakalolomataki. 14(13) Ni lomani au, i Yahuwe (YHWH)! Raica na noqu vakararawataki mai vei ira era sevaki au;  o kemuni oni a kauti au cake vakatikitiki mai na matamata ni mate; 15(14) Meu rawa ni tusanaka na nomuni  vakamolimolitaki e na nodra matamata  na luveyalewa i Zaiyoni; ka mamarau e  na nomuni veivueti oqo. 16(15) Na veivanua era sa lomoci e na qara era a kelia, ka corita na yavadra o ira vakataki ira, e na lawalawa era a birika vakavuni. 17(16) O Yahuwe (YHWH) e vakatakilai koya vakataki koya, qai vakatauca na lewa; o ira na vakasisila era qai coko e na cakacaka sara ga ni ligadra ga o i ira vakataki ira. Hiqayoni; Selaa. 18(17) Na daunicakaca e na lesu i She'ola, o ira kece na veimatanitu era guilecavi Yahuwe (YHWH). 19(18) Baleta o ira na dravudravua era na sega ni dau guilecavi tu ga, se rusa tawamudu na nodra inuinui na malumalumu. 20(19) Matacake i Yahuwe (YHWH)!  Kakua ni vakalaivi ira na bula vakaiyalayala me ra qaqa! Laivi ira na veivanua me ra vakatulewataki e matamuni. 21(20) Samuti ira e na domobula, i Yahuwe (YHWH)! Laivi ira na veimatanitu me ra kila ni o ira era  tamata ga. Selaa.

Tehellim (Same) 9:13-20

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 116 in 5773 (Total 1852)	January 10, 2013
Reading	Hebrew Date
Divrei HaYamim Bet ( 2 Chronicles) 17-18	M #10: Tevet 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lumuti Ka Vakaisalataki Na Tui Dodonu (Rightful King Crowned And Anointed)

Thought: Atalyah’s Killed By Loyalist Army Officers

 ................

Serving For Yom Shlishi, Kislev 20, 5773

MAI NA NEVI’IMI RISHONIMI (FROM THE NEVI’IM RESHONIM)

Ni rogoca o 'Atalaya na nodra maue na yadra kei ira na tamata, a qai curu mai o koya vei ira na tamata e loma ni vale i Yahuwe (YHWH). 14 Ia ni rai yani o koya, qai raica na tui ni sa duri tu mai na vatavata me vaka na kena ivalavala vei ira na tui, qai raici ira na ravouvou kei na dau ni uvu biukila ni ra sa duri tu e mata ni tui, ia o ira na tamata era sa tavarekireki tiko ka sa uvu tiko na davui; o 'Atalaya, a qai dresulaka na nona isulu, qai tagitagi ni kaya, Na vuaviri! na vuaviri! 15 Ia o Yo'hoyada na kohena a qai vakarota vei ira na kavetani ni yadrau kei ira na iliuliu ni mataivalu,  ni kaya vei ira, Kauti koya laivi mai na iyatu ni yadra i tautuba; o koya e muri i koya me na vakamatei e na seleiwau. Qori baleta na kohena a kaya taumada, Laiva me kakua ni vakamatei o koya, e loma ni vale i Yahuwe (YHWH). 16 Era sa qai tu vakatikitiki e na vukuna; o koya a qai muria na sala era dau muria na ose ni ra curu i na vale ni tui; e keya era qai lai vakamatei koya kina.

17 ¶ Ia o Yo'hoyada a qai vakaduria e dua na veiyalayalati e na kedra maliwa, o Yahuwe (YHWH) vata kei koya na tui kei ira na tamata, me ra nona tamata o Yahuwe (YHWH); e na kedra maliwa  talega na tui kei ira na tamata. 18 O ira kece na tamata era qai curuma na bure kalou (elohim) i Ba'ala, era qai basuraka na kena icabocabo ni soro, ka vorolaka vakamatailalai na kena veikalou matakau ka vakamatei Matana na bete i Ba'ala e na mata ni cabocabo ni soro. Ia na kohena a qai lesia eso na vakailesilesi me ra qarava na vale i   Yahuwe (YHWH). 19 O koya a liutaki ira mai na kavetani ni yadrau kei ira na yadra kei ira na Karaiti vata kei ira na tamata kecekece  e loma ni vanua; era qai kauta mai na tui mai na vale i Yahuwe (YHWH), me ra muria mai na sala i na vale ni yadra i loma ni vale ni tui. O koya sa qai lai dabe e na nodra idabedabe na tui.  20 O ira kece na tamata, o ira na lewenivanua era a mamarau, ka tu vagagalu tu na korolevu; era a vakamatei 'Atalayahu e na iseleiwau e loma ni vale ni tui.

M’lakhim Bet (2 Tui) 11:13-20

NA IVAQA NI BULA (FOOD FOR THE SOUL)

Ni ra le levu na yalododonu, o ira na tamata era na tubu; ia ni ra sa veiliutaki na ca, o ira na tamata era na kudru. 3 ¶ O koya e taleitaka na vuku, e na vakamarautaki tamana, ia o koya e dau veitokani kei ira na saqamua, e na vakayalia na nona iyau. 4 ¶ Na tui e na nona yalododonu e na vakadeitaka na vanua; ia na tamata ca e na vakavuna me levu na veika e gadrevi.

Mishlei (Vosa Vakaibalebale) 29:2-4

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Vei Kemuni au laveta cake na mataqu, vei kemuni, o kemuni oni vakaitikotiko mai lomalagi. 2 Raica, me vaka ni rai na mata ni dauniveiqaravi vua na nona turaga (master), kei na mata ni vada vua na nona marama (mistress); na mataqu talega o au, e rai vei Yahuwe (YHWH) na noda Kalou (Mighty One), me yacova sara ni sa qai yalololoma vei au. 3 Ni yalololoma vei keimami, i Yahuwe (YHWH), ni yalololoma vei keimami; baleta keimami sa rogoca e levu na vosa ni veibeci. 4 Na yalo i keimami sa vakasinaiti e na nodra veivakasewasewani o ira era dau veivakalialiai, ka vakasinaiti e na nodra veibeci o ira era dau dokadoka.

Tehellim (Same) 123:1-4

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 339 o/o 1799	December 4, 2012
Reading	Hebrew Date
Dani’yl ( Taniela) 5-6	M #9: Kislev 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lumuti O Komada Yehu (Commander Yehu Anointed)

Thought: YHWH Appointed A King To Fulfill His Prophesy Against Acha’av And Ezevel

...................... 

Serving For Yom Shlishi, Kislev 13, 5773

MAI NA NEVI’IMI RISHONIMI (FROM THE NEVI’IM RESHONIM)

Ni oti qori, o Yilai'sha a qai kaciva e dua vei ira na luvedra na parofita qai kaya vua, Vauca na tolomu, mo kauta na tavaya waiwai qo e ligamu, mo  lako i Ramota-Qili'ade; 2 Ni o sa yaco yani i keya, vaqarai Yehu sara, na luvetagane i Yo'hoshafata, na luvetagane i Nimishai, curu i na vale e tiko kina, qai cakava me tu mai kedra maliwa na wekana, kauti koya i na dua na loqi e loma; 3 Oti qai taura na tavaya waiwai, qai livia i uluna, qai kaya, Oqo na ka e kaya o Yahuwe (YHWH), Au sa lumuti iko mo tui vei ira na noqu tamata o Yisira'yili. Oti ga, dolava na katuba, qai dro, kakua tale ni wawa. 4 Sa mani lako yani na parofita cauravou, i Ramota-Qili'ade, 5 Ia ni yaco yani o koya, raica, era a dabe vata kece tiko na komada ni mataivalu; e kaya sara o koya, Au kauta tiko mai e dua na itukutuku vei kemuni i Komada. Kaya sara o Yehu, O cei vei keitou? Kaya yani o koya, Vei kemuni Komada! 6 Tucake sara o koya, qai curu i na loqi e loma;  livia sara na waiwai e uluna qai kaya vua, Oqo na ka e kaya o Yahuwe (YHWH) na nodra Kalou (Mighty One) na Yisira'yili, Au sa lumuti iko mo nodra tui na tamata i Yahuwe (YHWH), oya o ira na Yisira'yili. 7 O iko mo na samuta na matavuvale i  'Aka'ava na nomu turaga, meu rawa ni sauma lesu na nodra dra na noqu dauniveiqaravi na parofita kei na nodra dra na dauniveiqaravi i Yahuwe (YHWH) e a vakadavea o Izevela. 8 Baleta na matavuvale kece i 'Aka'ava e na vaqeyavutaki; au na qai muduki ira kece na gonetagane kecekece, veitalia ke sogo tu se tugalala tu e Yisira'yili: 9 Au na qai cakava na vale i 'Aka'ava me tautauvata kei na vale i Yerovo'ama na luve tagane i Ne'vati, ka tautauvata talega kei na vale i Basha na luvetagane i Akiyaa.  10 Na koli era na kani i Izevela e na loma ni ivotavota i Navota mai Yiziri'eli, ia e na sega ni dua me buluti koya. Oti ga qai dolava na katuba o koya qai dro.

11 ¶ Ni oti oqori o Yehu  a qai lesu vei ira na dauniveiqaravi ni nona turaga; era qai tarogi koya mai, E vinaka kece tiko na ka? Na cava e lako mai kina vei iko na tamata lialia (meshugga) oya? Kaya o koya vei ira, Oni kila vinaka na mataqali vaka oya kei na nodra dau karakivosa. 12 Era sauma vua, Qori e lasutaki; o iko mo tukuna mai vei keitou e na gauna oqo. Kaya o koya, Oqo na ka e mai tukuna vei au o koya, Oqo na ka e kaya mai o Yahuwe (YHWH); Au sa lumuti iko mo tui e Yisira'yili. 13 E keri era sa qai vaqunaquna kina me ra taura na nodra isulu era qai biuta e rukuna e na dela ni ikabakaba, oti era qai uvuca na davui ka kacivaka, O Yehu sa tui. 14 O Yehu na luvetagane i Yo'hoshafata na luvetagane i Nimishai a qai bukiveretaki Yo'horami. (E na gauna oya o Yo'horami a dau yadravi Ramota-Qili'ade tiko kina, o koya vata kei ira kece na Yisira'yili, mai vei Haza'yili na tui Arama. 15 Ia o tui Yo'horami a se lesu tale i Yiziri'eli me lai vakabulabula kina, mai na mavoa era a vakamavoataki koya kina o ira na Arameani, e na gauna a lai valuti Haza'yili kina na tui Arama. o koya). Kaya sara o Yehu, Kevaka sa lomamudou qo, ia laiva me kakua ni dua e dro me lai tukuna vei ira mai Yiziri'eli.

M’lakhim Bet (2 Tui) 9:1-15

NA IVAQA NI BULA (FOOD FOR THE SOUL)

Na tamata e dau vakayacora na vakadavedra e na dro tale vua na ivakatawa ni valeniveivesu; baleta ni sega ni dua e na vukei koya. 18 ¶ O koya e muria na sala ni yalododonu e na bula: ia o koya e veiveveyaki na nona ivakarau e na lutu i loma ni dua na qara.

Mishlei (Vosa Vakaibalebale) 28:17-18

LOMANI YAHUWE NA NOMU KALOU (LOVE YHWH YOUR MIGHTY ONE

MEM

97 ¶ Olei au rui taleitaka na nomuni Torah. E dau we we ni noqu vakanananu e veisiga taucoko. 98  ¶ E vakavuna meu vuku cake mai vei ira na kequ meca, baleta niu dau bula muria na nomuni lawa (mitzvot). 99 E solia vei au meu yalomatua cake vei ira na noqu ivakavuvuli; baleta na nomuni ilesilesi e iusutu tiko ni noqu vakanananu. 100 Au kila e levu cake na ka, mai vei ira na qase, baleta niu bula muria tiko na nomuni ivakaro. 101 ¶ Au dau tarova na yavaqu mai na veisala vakasisila kece, me rawa niu bula muria ga na nomuni lewa. 102 ¶ Au na sega ni lako vakatikitiki mai na nomuni lewa; baleta ni oni a vakatavulica vei au. 103 ¶ Oilei na kamikamica ni nomuni vosa ni tovolei, io, e kamikamica vakalevu cake mai na hani e loma ni gusu; 104 Au sa vakananuya vinaka tu na nomuni ivakaro; o koya qori au dau cata kina na nodra ivalavala ni veidabui o ira era itovo vakasisila.

NUN

105 ¶ Na nomuni vosa e dua na icina i yavaqu, ka dua na rarama i na noqu sala. 106 ¶ Niu sa bubuluitaka oti, au na vakayacora tikoga, niu na bula muria na nomuni lewadodonu. 107 ¶ Niu sa rarawa dina vakalevu: vakaukauataki au, i Yahuwe (YHWH), me vaka na nomuni vosa. 108 ¶ Ni bau dau marautaka i Yahuwe (YHWH), na vosa ni gusuqu, i Yahuwe (YHWH) vakatavulica vei au na nomuni lewa. 109 ¶ Na noqu bula (soul) e na tiko ga e ligamuni; au na sega ni guilecava na nomuni Toraa. 110 Na dau ni valavala ca era birika na tudai meu coko kina; ia au a sega mada ga lako sese mai na nomuni ilesilesi. 111 ¶ Na nomuni ilesilesi au sa taura me noqu ivotavota me tawamudu; baleta era ka ni reki e vuniyaloqu. 112 Na vuniyaloqu sa nakita me vakayacora vakayalomatua na nomuni ilesilesi, me yacova na ivakataotioti.

Tehellim (Same) 119:97-112

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 332 o/o 1792	November 27, 2012
Reading	Hebrew Date
Ester ( Esiteri) 1-2	M #9: Kislev 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ranadi O Izevela (Queen Izevel)

Thought: Evil Deeds that Queen Izevel Did In Yizre’el.

.................... 

Serving For Yom Sheini, Cheshvan 20, 5773

MAI NA NEVI’IMI RISHONIMI (FROM THE NEVI’IM RESHONIM)

A qai yaco ni oti na veika oqo, ni o Navota na Yizire'eli, e toka na nona loga ni veivaini mai Yizire'eli, veitikivi kei na vale ni tui nei 'Aka'ava na tui Shomorono. 2 O 'Aka'ava a qai vosa vei Navota, ni kaya, Solia vei au na nomu veivaini me noqu, meu rawa ni vukica me noqu loga ni veikakana draudrau, baleta ni volekata ga na noqu vale; au na qai solia me nomu e dua tale na veivaini e vinaka cake, se, ke vinaka vei iko, au na volia vei iko e na kena isau vakailavo. 3 Kaya o Navota vei 'Aka'ava, O Yahuwe (YHWH) e vakatabuya, meu solia laivi vei iko na ivotavota kei tamaqu. 4 A mani lako yani i nona vale o  'Aka'ava, e na yalobibi kei na yaloca e na vuku ni vosa a kaya  vua o Navota na Yizire'eli; baleta a kaya o koya, au na sega ni solia vei iko na ivotavota nei tamaqu. A lai davo ga o koya e na nona loga, vuki tani tu yani na matana, qai sega ni via kania e dua na kakana.

5 ¶ Ia qai lako mai vua o Izevela na watina, qai tarogi koya, Na cava e rui rarawa kina vakalevu na vuniyalomu, o sega tu kina ni via kania na kemu kakana? 6 Kaya vua o koya, Baleta au a vosa vei Navota na Yizire'eli, meu kaya vua, volitaka vei au na nomu loga ni vaini e na ilavo, ke sega, ia meu solia vei iko e dua tale na loga ni vaini e vinaka cake; ia qai kaya vei au o koya, au na sega ni solia vei iko na noqu loga ni veivaini. 7 Vosa vua o Izevela na watina ni kaya, O iko beka o veiliutaki dina tiko vakatui e na matanitu o Yisira'yili? Tu mai lai kana; laiva na yalomu me mamarau; o au, au na qai solia vei iko me nomu na loga ni veivaini i Navota na kai Yizire'eli. 8 Sa mani vola o koya e dua na ivola e na yaca i 'Aka'ava, qai dregata e na nona mama, oti qai vakauta vei ira na matua kei na veituraga bale era vakaitikotiko e loma ni korolevu vata kei Navota. 9 E vola o koya e na ivola, me kaya, Kacivaka e dua na lolo qai vakatikori Navota e na tikina cecere e na kedra maliwa na tamata.

10 Oti qai kauta mai e rua na tamata dau vakavu ca qai mai vakadaberi rau me rau toka veibasai kei koya, qai laivi rau me rau beitaki koya, e na nodrau kaya, O Navota e a vosavakacacataka na Kalou (Mighty One) kei na tui. Oti qai kauti koya laivi me lai vakavirilaki e na vatu me mate. 11 O ira na tagane ni korolevu, o ira na matua kei ira na veituraga bale era vakaitikotiko e loma ni korolevu vata kei Navota, era qai vakayacora na lewe ni ivola i Izevela, e a vakauta yani vei ira, me vaka sara ga e volai tu e na ivola a vakauta yani vei ira o koya. 12 Era a kacivaka e dua na lolo, era qai vakatikori Navota e na tikina cecere e kedra maliwa na tamata. 13 Oti qai curu mai o rau na tamata lolovira e rua, rau qai mai dabe donui koya; o rau na tamata lolovira rau qai beitaki koya, oya o Navota, e matadra na tamata, ni rau kaya, O Navota a vosavakacacana na Kalou (Mighty One) kei na tui. Oti era qai kauti koya tani mai loma ni korolevu, era qai lai vakavirilaki koya e na vatu, qai mani mate kina o koya. 14 Era qai vakauitukutuku vei Izevela, ni ra kaya, O Navota sa virilaki oti e na vatu, ka sa mate.

M’lakhim Alef (1 Tui) 21:1-14

NA IVAQA NI BULA (FOOD FOR THE SOUL)

Na vatu e bibi, na nuku talega e rawa ni bibi; ia na nona leva na lialia e bibi cake vei rau ruarua.

Mishlei (Vosa Vakaibalebale) 27:3

LOMANI YAHUWE NA NOMU KALOU (LOVE YHWH YOUR MIGHTY ONE

A kauti ira tani talega mai ni ra sa katoa tu e na siliva kei na koula; e  sega tale ni dua na nona tamata, me malumalumu e na kedra maliwa na nodra veimataqali. 38 O Ijipita taucoko a marau ni ra sa biubiu mai; baleta a sa kovuti ira tu na nodra domobulataki ira. 39 E dedeka na o me vakarurugi ira, kei na bukawaqa me vakararamataki ira e na bogi. 40 Na tamata era a kerekere, qai kauta mai vei ira na toa ni veikau (quail) ka vakamamautaki ira e na madrai ni lomalagi. 41 Ni voroka na uluvatu o koya, a qai coka mai kina na wai; e a drodro na wai i na veivanua dravuisiga; 42 Baleta a nanuma o koya na nona yalayala tabu vei Avarahama na nona dauniveiqaravi. 43 E a kauti ira yani na nona tamata e na reki, kei ira na nona cauravou e na mamarau; 44 Qai solia vei ira, na kedra qele na veimatanitu; era qai taukena  na nodra cakacaka na tamata me nodra iwasewase. 45 Me ra na bula muria na nona ivakaro, ka taqomaka na nona lawa. Vakamuduo vei Yahuwe (YHWH).

Tehellim (Same) 105:37-45

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 309 o/o 1769	November 5, 2012
Reading	Hebrew Date
Iyov (Jope) 27-28	M #8: Cheshvan 20, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Ravuti Ira Na Meca o Yisira’yili (Yisra’yl Slaughted the Enemy)

Thought: Ben-Hadad: Blamed His Battle Loss, For It Was Fought In The Mountains

 ....................

Serving For Yom HaShishi, Cheshvan 17, 5773

MAI NA NEVI’IMI RISHONIMI (FROM THE NEVI’IM RESHONIM)

Era qai ucu yani e na sigalevu tutu, ia o Beni-Hadada a se gunu waini matua tiko me mateni e loma ni vale vakacevaceva, oya o koya kei ira na tui le tolusagavulukarua era a lako yani me ra lai vukei koya. 17 Era liu sara ga yani o ira na cauravou kei ira na ravouvou ni veiyasana; qai talatala mai o Beni-Hadada, era qai tukuna yani vua, Eso na tagane mai Shomorono era sa curu mai qo.18 Kaya yani o koya, Kevaka era curu mai e na sautu, vesuki ira bulabula; kevaka era curu mai me ra mai vala, vesuki ira bulabula. 19 Era qai curu mai loma ni korolevu o ira na nodra cauravou na veiravouvou ni veiyasana, qai muri ira yani na mataivalu. 20 Era qai vakamatea, na tamata yadua, o koya ga donui koya; era qai dro o ira na Arameani, ka ra cemuri ira o ira na Yisira'yili; o Beni-Hadada na tui Arama a qai dro e na dua na ose, vata kei ira na dau ni vodoose. 21 Ia na tui Yisira'yili, a qai curu talega mai qai samuti ira na ose kei na qiqi ni ivalu, qai vakamatei ira na Arameani e na dua na  ravuravu vakaitamera.

22 ¶ Ia raica, na parofita i Yahuwe (YHWH) a qai lako tale mai vua na tui Yisira'yili, qai kaya vua, Lako, mo lai vakaukauataki iko, ka mo vakasamataka vakavinaka na veika mo na cakava, baleta e na itekivu ni yabaki, na tui Arama e na lesu mai, me mai valuti iko tale. 23 O ira na nona dauniveiqaravi na tui Arama era qai kaya vua, Na nodra Kalou (Mighty One) e dua na Kalou (Mighty One ) ni veiulunivanua; qori era a rawai keda kina; ia laiva meda valuti ira e na loma ni veibucabuca, eda na qai rawai ira dina ga.

M’lakhim Alef (1 Tui) 20:16-23

NA IVAQA NI BULA (FOOD FOR THE SOUL)

O koya e kelia e dua na ikeli e na lutu tale i loma; o koya e vaqiqica e dua na vatu, e na qiqi lesu tale mai vua.

Mishlei (Vosa Vakaibalebale) 26:27

LOMANI YAHUWE NA NOMU KALOU (LOVE YHWH YOUR MIGHTY ONE

I Yahuwe (YHWH), era veicevacevai na nomuni cakacaka. e na nomuni vuku oni buli ira kece kina; na vuravura e sinai vutuvutu vakadua tu e na nomuni iyau. 25 Raica na wasawasa vakaitamera ka rabailevu era kune kina na veika dauveiqasiyaki e na iwiliwili e vakaitamera, na veikabula midimidi se  vakavakaitamera. 26 Era veisokoyaki tu na waqa; e keya talega, era vakaitikotiko kina na Liviyatani, oni a buli i ira me ra dauqito voli kina. 27 Na veika kece oqo era waraki kemuni, moni solia vei ira na kedra kakana e na kedra dui gauna. 28 E na veika oni solia vei ira, era mamau kina; oni dolava na ligamuni, o ira era na vakacegui. 29 Ni oni vunia na matamuni, era na veileqayaki: ni oni kauta laivi na nodra icegu, era na mate ka lesu tale i na kuvunisoso. 30 Oni tala yani na yalomuni, era qai buli: Oni qai vakavoutaka tale na dela ni vuravura.

31 ¶ Na lagilagi i Yahuwe (YHWH) e gumatua me tawamudu; o Yahuwe (YHWH) e na taleitaka na nona cakacaka. 32 Ni wanonovi vuravura o koya, (na vuravura) e na sautaninini; ni vosataka na veidelana era na kuvu vakacawa. 33 Au na lagasere vei Yahuwe (YHWH) e na veigauna kece au bula voli kina; au na lagata na sere ni vakamolimoli vua na noqu Kalou (Mighty One), e na gauna kece au bula voli kina. 34 Laiva na noqu vakamolimoli me talei vua; au na dau rekitaki Yahuwe (YHWH). 35 Laivi ira na dau valavala ca me ra tilomi laivi mai vuravura, kei ira na vakasisila me ra oti vakadua. Vakavinavinaka vei Yahuwe (YHWH), o iko noqu bula (soul). Vakavinavinaka vei Yahuwe (YHWH).

Tehellim (Same) 104:24-35

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 306 o/o 1766	November 2, 2012
Reading	Hebrew Date
Iyov (Jope) 19-20	M #8: Cheshvan 17, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lumuti O Yilaisha (Ylisha Annointed)

Thought: Ylisha Became A Mighty Prophet, Mightier Then Yliyahu

 ......................

Serving For Yom R’vi’ii, Cheshvan 15, 5773

MAI NA NEVI’IMI RISHONIMI (FROM THE NEVI’IM RESHONIM)

E na qai yaco ni o koya e dro bula mai na seleiwau i Haza'yili, e na vakamatea o Yehu; ia o koya e dro bula mai na seleiwau i Yehu, e na vakamatea o Yilaisha. 18 Ia au se taqomaka tiko e na vukuqu e le vitunaudolu vei ira na Yisira'yili, o ira kece na duru era se bera ni tekiduru vei Ba'ala kei na gusu kece era se bera ni reguci koya.

19 ¶ Sa mani biubiu sara ga e na gauna oya o koya, qai kunei i Yilaisha na luvetagane i Shafata, ni siviyara tiko, ka vakayagata tiko e tinikarua na isaa na bulumakau era dreta tiko na siviyara, qai muria tiko o koya na ikatinikarua ni isaa; ia o Yilaiyahu a lako ga yani vua qai ubi i koya e na nona itutuvi. 20 E biuta sara ga o koya na isiviyara kei na okisi qai cicimuri i Yilaiyahu, qai kaya yani vua, Laivi au, au kerea meu lai reguci  tamaqu kei tinaqu mada, oti au na qai mai muri iko. Kaya yani vua o koya, Lesu sara ga, se cava beka au sa bau cakava vei iko?  21 Ia ni biubiu mai vua, a qai taura e dua na isaa na okisi, vakamatei rau, qai vakasaqara na lewena e na kau mai na nodrau ivua na okisi, qai solia vei ira na tamata, era qai kania. Sa qai cavutu o koya me lako muri i Yilaiyahu, me lai veiqaravi vua.

M’lakhim Alef (1 Tui) 19:17-21

NA IVAQA NI BULA (FOOD FOR THE SOUL)

Me vaka na duka ni siliva e kabita mai na kuro qele, e vakakina na tebenigusu yalokatakata kei na vuniyalo dukadukali.

Mishlei (Vosa Vakaibalebale) 26:23

LOMANI YAHUWE NA NOMU KALOU (LOVE YHWH YOUR MIGHTY ONE

MAIVEI Davide. Vakavinavinaka vei Yahuwe (YHWH), noqu bula (soul); vakavinavinakataka na yacana tabu. 2 Vakavinavinakataki Yahuwe (YHWH) noqu bula, kakua ni guilecava na veika vivinaka mai vua, 3 O koya sa vosota na nomu ivalavala ca, ka vakabulai iko mai na kemu mate veitauvi kecekece; 4 O koya e vueta na nomu bula mai na rusa; o koya e vakaisalataki iko e na nona yalovinaka kei na yalololoma tau malumu, 5 O koya e vakamamautaka na gusumu e na veika vinaka, me vakavoutaki kina na nomu itabagone me vaka na ikeli.

6 ¶ O Yahuwe (YHWH) e vakayacora na veika dodonu, kei na lewa dodonu vei ira kece era dau vakasaurarataki. 7 E vakatakila na nona ivalavala o koya vakataki koya vei Moshe, kei na nona cakacaka vei ira na Yisira'yili. 8 O Yahuwe (YHWH) e vakaitamera na nona yalololoma ka dauyaloyalo vinaka, e berabera na nona vakacudrui ia e vakaitamera ga vua na loloma. 9 E sega ni dau veivunauci e veigauna; ka sega talega ni dau katona na nona leva me tawa mudu. 10 E se sega vakadua ni vakarautaka vei keda na veika me veiraurau kei na noda caka ca se sauma vei keda na noda ivalavala ca; 11 Ia me vaka na kena cere mai dela i vuravura na lomalagi, e vakakina na vakaitamera ni nona yalololoma vei keda eda rerevaki koya. 12 Me vaka na kena yawa na vuaicake mai na vuaira, qori na kena yawa e kauta vakayawa kina mai vei keda o koya na noda ivalavala ca. 13 Me vaka e dua na tama e dau lomani ira na luvena, o Yahuwe (YHWH) talega e na lomani ira era qaravi koya. 14 Baleta e kila o koya na noda a buli, ka nanuma vinaka tu o koya ni da kuvu ni soso. 15 Ia na tamata, na nona gauna e vaka na co; e vaka na senikau ni vanua, e dau se vakakina o koya. 16 Ia ni liwava ga na cagi e na takali; na tikina a toka kina e na sega ni kilai tale vakadua. 17 Ia na yalololoma i Yahuwe (YHWH) e vu mai na tawamudu i na tawamudu vei ira era dokai koya kei na nona yalododonu vei ira na luvedra na luvedra, 18 Vei ira era bula muria na nona veiyalayalati vata kei ira era nanuma na nona ivakaro me ra dau vakayacora.

19 ¶ O Yahuwe (YHWH) sa vakarautaka tu na nona idabedabe vakatui mai lomalagi; na nona matanitu e na lewa na veika kece. 20 Vakavinavinaka vei Yahuwe (YHWH) kemuni na nona mala’akimi; oni uasivi e na kaukaua, ka dau vakayacora na nona ivakaro, ka galeleta vakavinaka na domo ni nona vosa. 21 Vakavinavinaka o kemuni vei Yahuwe (YHWH), o kemuni kece na nona lewe vuqa; O kemuni na nona italatala oni dau vakayacora na nona gagadre. 22 Vakavinavinaka vei Yahuwe (YHWH), na nona cakacaka e na veiyasana kece e na ruku ni nona lewa: Vakavinavinaka vei Yahuwe (YHWH), noqu bula (soul).

Tehellim (Same) 103:1-22

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 304 o/o 1764	October 31, 2012
Reading	Hebrew Date
Iyov (Jope) 15-16	M #8: Cheshvan 15, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tau Na Uca, Tini Na Dravuisiga (Rain Fell, Drought Ends)

Thought: YHWH Was No Doubt, With Yli’yahu

..................................... 

Serving For Yom Sheini, Cheshvan 13, 5773

MAI NA NEVI’IMI RISHONIMI (FROM THE NEVI’IM RESHONIM)

Kaya vei ira o Yilaiyahu, Vesuki ira na paraofita i Ba'ala; laiva me kakua ni dua vei ira e dro. Era qai vesuki ira; o Yilaiyahu a qai kauti ira sobu mai i na waidrodro o Kishoni, qai vakamatei ira e keya.

41 ¶ Kaya o Yilaiyahu vei 'Aka'ava, Lako cake; kana ka gunu; baleta sa vakere mai qo e dua na uca levu. 42 A mani lako cake o 'Aka'ava me lai kana ka gunu; o Yilaiyahu a qai lako cake i na dela i Karameli; sa qai roso sobu e na dela ni qele qai cuva sobu me vakataqara na matana e na maliwa ni duruna. 43 Oti qai kaya o koya, vua na nona dauniveiqaravi, Lako cake mada, mo rai vaka i wasawasa. A lako cake o koya, vakararai wavoki qai kaya, E sega ni dua na ka e kune. Kaya yani vua o Yilaiyahu, Lako tale vakavitu. 44 E na ikavitu ni gauna sa qai kaya, Raica e dua na o lailai me vaka e dua na liga ni tamata e vura tiko mai wasawasa. Kaya vua o koya, Lako cake, lai kaya vei 'Aka'ava, Vakarautaka na nomu qiqi ni ivalu, mo se tei lako sobu rawa de qai tarovi iko na uca. 45 A qai yaco e na dua ga na gauna lekaleka ni a qai vakacerebuto mai na lomalagi e na o, liwa na cagi, qai tau e dua na uca vakaitamera. A qai vodo o 'Aka'ava, qai lako i Yizire'eli. 46 Na liga i Yahuwe (YHWH) a tiko vata kei Yilaiyahu; sa qai vauca o koya na tolona, qai cici me lai liu tiko vei 'Aka'ava me yacova ni sa lai curu sara i  Yizire'eli;

M’lakhim Alef (1 Tui) 18:40-46

NA IVAQA NI BULA (FOOD FOR THE SOUL)

Ni sa sega na buka, na bukawaqa sa na boko; e na vanua e sega kina na tamata dau vakatubu ca, na tiko veisei sa na tini.

Mishlei (Vosa Vakaibalebale) 26:20

LOMANI YAHUWE NA NOMU KALOU (LOVE YHWH YOUR MIGHTY ONE

Na Same ni Vakavinavinaka. Cakava na rorogo ni marau vei Yahuwe (YHWH) kemuni na veivanua. 2 Qaravi Yahuwe (YHWH) e na marau; toro mai vua ni tiko o koya, e na lagalaga sere. 3 Kila tiko ni o koya o Yahuwe (YHWH) na noda Kalou (Mighty One); ni o Koya e a buli i keda; e sega ni o keda ga vakataki keda; o keda eda nona tamata, eda sipi ni nona lomanibai ni veiqaravi. 4 Curu i na nona matamata e na vakamolimoli; kei na nona lomanibai e na vakavinavinaka: vakamuduo vua, ka vakacaucautaka na yacana. 5 Baleta o Yahuwe (YHWH) e vinaka; na nona yalololoma e tawamudu; na nona dina e na tudei tu ga vei ira na  veitabatamata kece sara.

Tehellim (Same) 100:1-5

E dua na Same i Dawide. Au na seretaka na loloma kei na lewa dodonu; vei kemuni i Yahuwe (YHWH) au na laga sere. 2 Au na vakaitovotaki au vakavuku e na ivalavala e daumaka vakaoti. Isa e na gauna cava beka oni na lako mai kina vei au? Au na muria e loma ni noqu vale, na yalo e vinaka vakaoti. 3 Au na sega ni viritura e mataqu e dua na ka e vakasisila: Au cati ira era dau itovo vakasisila, era na sega ni toro volekati au mai. 4 Na yalotakelo e na vagolei tani mai vei au; au na sega ni via kila na ivakarau vakasisila. 5 O koya e beitaka vakailasu na wekana, au na muduki koya laivi; kei koya e viavialevu se yalodokadoka, au na sega ni via kana vata kaya. 6 Na mataqu e na mau toka ga vei ira era yalodina e loma ni vanua, me ra rawa ni na mai vakaitikotiko vata kei au; o koya e muria na ivalavala dodonu e na qaravi au. 7 O koya e cakacaka vakaveivakaisini, e na sega ni mai tiko e loma ni noqu vale; o koya e dau lasulasu, e na sega ni mai toka vakadede e mataqu. 8 E na mataka lailai au na vagalui ira na dukadukali e vuravura; au na  vakarusai ira era dau vakayacora na itovo vakasisila mai na korolevu i Yahuwe (YHWH).

Tehellim (Same) 101:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 302 o/o 1762	October 29, 2012
Reading	Hebrew Date
Iyov (Jope) 11-12	M #8: Cheshvan 13, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Tui Omorii (King Omri)

Thought: Omri’s Was Insignificant, But Yisra’yl Was Known As Beit-Omri In Captivity

..................... 

Serving For Yom Shlishi, Cheshvan 7, 5773

MAI NA NEVI’IMI RISHONIMI (FROM THE NEVI’IM RESHONIM)

E na ikaruasagavulukavitu ni yabaki i Asa na tui Ya'huda, O Zimirai a qai veiliutaki vakatui me vitu na siga mai Tirizaa. O ira na tamata era a keba tiko vakaivalu me ra saqati Qibi'toni, e qali tu vei ira na Pi'lishitimi. 16 O ira na tamata era keba tiko vakaivalu, era a  qai rogoca ni o Zimirai a bukiveretaka ka vakamatea na tui; qori era qai buli i Omorii kina na komada ni mataivalu, o ira kece na Yisira'yili, me sa tui Yisira'yili e na siga oya e na loma ni keba. 17 O Omirii a qai lako cake mai Qibi'toni vata kei ira kece na Yisira'yili, era qai mai tuvaivalu e Tirizaa. 18 Ni raica o Zimirai ni sa kabai na koro, a qai curu o koya i na loma ni tikina cecere e na vale ni tui, qai vakama na vale ni tui me qai kama kina o koya, qai mate; 19 Baleta na ivalavala ca a vakayacora o koya e na nona a vakayacora na itovo vakasisila e na mata i Yahuwe (YHWH), ni a lako muria na itovo i Yarovo'ama, kei na nona ivalavala ca e a cakava o koya me vakavuna me valavala ca kina o Yisira'yili. 20 Ia na vo ni cakacaka i Zimirai, kei na nona a veretaka na matanitu (treason), raica era volai tu e na ivola ni nodra veigauna na tui Yisira'yili? 21 Oti a qai tawase rua o ira na Yisira'yili: e veimama vei ira era a muria na kena iwase era a muri i Tivini na luvetagane i Qinati, me ra buli i koya me nodra tui; ka dua na veimama era muri i Omorii. 22 Ia o ira na tamata era a muri i Omorii era qai rawai ira na tamata era a muri i Tivini na luve i Qinati; a mani mate o Tivini, qai veiliutaki yani vakatui o Omorii. 23 E na ikatolusagavulukadua ni yabaki i Asa na tui Ya'huda, a qai tekivu me  veiliutaki kina vakatui vei ira na Yisira'yili o Omorii, ka veiliutaki tiko me tinikarua na yabaki; e ono na yabaki na nona a veiliutaki tiko kina mai Tirizaa. 24 A qai volia o koya na delana o Shomorono maivei Shemaa, e na dua na taledi siliva, qai tara e dua na korolevu o koya e na delana oya, qai vakayacana o koya, vei Shemaa, na itaukei ni delana o Shomorono. 25 Ia o Omorii a cakava na ivalavala ca e na mata i Yahuwe (YHWH), e a  cacalaivi vakaoti na veika a cakava o koya ni vakatauvatani kei ira kece na tui era veiliutaki mai liu vua. 26 O koya e a lako muria na itovo kece i Yarovo'ama na luvetagane i Ne'vati, kei na nona ivalavala ca a cakava o koya era qai valavala ca kina o ira na Yisira'yili; me vakacudrui Yahuwe (YHWH) kina na nodra Kalou na Yisira'yili e na nodra kaloumatakau. 27 Na vo ni cakacaka i Omorii kei na veika kece a cakava kei na nona kaukaua, raica era sa volai kece tu e na ivola ni nodra veigauna na tui  Yisira'yili. 28 A mani mocelutu o Omorii vata kei ira na tamana qai bulu sara mai Shomorono; o 'Aka'ava na luvena tagane a qai veiliutaki vaka tui me kena isosomi.

M’lakhim Alef (1 Tui) 16:15-28

NA IVAQA NI BULA (FOOD FOR THE SOUL)

Na iwaro e baleta na ose, na itoko sivi gagata e baleta na asa, ia na tolonikau e baleta na daku ni lialia. 4 ¶ Kakua ni sauma na nona vosa e dua na lialia e na yavu ni nona lialia, de o na qai tautauavata kei koya o iko. 5 Ia sauma na lialia  e na yavu ni nomu vuku, ni na qai nanuma kina o koya e vuniyalona, ni o koya vakataki koya e vuku.

Mishlei (Vosa Vakaibalebale) 26:3-5

LOMANI YAHUWE NA NOMU KALOU (LOVE YHWH YOUR MIGHTY ONE

O KOYA e vakaitikotiko e na veitaqomaki nei Yahuwe (YHWH) (Ylyon) e na bula tiko e na ruku ni yaloyalo nei koya na Kaukaua (Shaddai). 2 Au na tukuna vei Yahuwe (YHWH), O koya e noqu idrodro ka noqu isasabai; na noqu Kalou (Mighty One); o koya au na vakabauta. 3 E ka dina ni o koya e na vueti iko mai na nona tudai na daubiri dai, ka vaka kina mai na kakase tawayaga. 4 E na vakarurugi iko e na lawena, e na ruku ni tabana o na vakararavi; na nona dina e na nomu isasabai ka ivakaruru. 5 O na sega ni domobulataka na veivakacacani e na bogi, se na gasau ni dakaititi era veivukayaki e na siga;  6 Se na inakinaki ca e tete e na butobuto; se na matetaka e veivakamatei e na sigalevu tutu.7 E udolu era na veibaleyaki e yasamu, e tininaudolu e ligamu imatau; ia e na sega ga ni toro volekati iko. 8 E na matamu ga o na raica na kedra itotogi na tamata ivalavala ca.

9 ¶ Baleta o kemuni i Yahuwe (YHWH) oni noqu inuinui; oni sa vakataudeitaka na nomuni itikotiko e na tikina sa cecere sara; 10 E sega ni dua na ka domobula e na yacovi iko, e sega talega ni dua na matetaka e na toro volekata na nomu itikotiko.11 O koya e na vakaroti ira na nona mala’akimi, me ra maroroi iko e na nomuni ilakolako kece sara. 12 Era na tabei iko cake tiko e ligadra, de qai tavutu na yavamu e na dua na vatu.13 O na butuka na gata-vaipa kei na gata-eda; o na butuka sobu na laione e na yavamu vata kei na gata vakaitamera. 14 Baleta ni dau lomani au o koya, qori au na vueti koya kina; au na vakatikori koya e na vanua cecere, baleta o koya sa kila tiko na yacaqu. 15 O koya e na kacivi au mai, au na tama yani vua; au na tiko vata kei koya e na gauna ni leqaleqa; au na vueti koya ka vakalagilagitaki koya;16 E na bula balavu, au na vakacegui i koya, ka vakaraitaka vua na noqu veivakabulai.

Tehellim (Same) 91:1-16

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 296 o/o 1756	October 23, 2012
Reading	Hebrew Date
Mishlei (Vosa Vakaibalebale) 31	M #8: Cheshvan 7, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.