E Duabau Ga O Yahuwe (YHWH Is Only One)

Thought:  Turn To YHWH When You See Problems, He Caused Them Deliberately

 ....................................

Serving For Yom Reeshone, Kishlev 15, 5772

Rogoca na vosa oqo, kemuni na tagane voravora ni Bashana oni tiko e na ulunivanua mai Shomorono, o kemuni oni dau vakararawataki ira na dravudravua, oni dau buturaki ira era gadreva na veivuke, oya o kemuni oni  dau kacivi ira na nodra turaga (master), Kauta mai, laiva me da mai gunu. 2 O Yahuwe na Kalou (YHWH Mighty One) sa bubuluitaka e na nona yalododonu, Raica, na siga sa lako tiko mai vei kemuni, era na kauti kemuni tani kina vata kei na nomuni iyaragi;  ia na iotioti vei kemuni e na tilomi. 3 Na yalewa taucoko era na cici i na  tikina sa kabasu tu e matadra; era na qai lai dui biu laivi yani i na ulunivanua o Haramona, e kaya o Yahuwe (YHWH). 4 Lako mai i Beiti-Yili mai talaidredre kina; lako i Qiliqela lai vakalevutaka kina na talaidredre, qai kauta mai na nomu isoro e na veimataka kei na nomu ikatini e na vei ya tolu na siga. 5 Vakacabora e dua na imadrali ni vakavinavinaka e na madrai vakaleveni,  vakatura na ka oni bubuluitaka ka cakava sara; baleta qori oni dau taleitaka moni cakava, o kemuni na luvei Isira'yili, e kaya o Yahuwe na Kalou (YHWH Mighty One).

6 ¶ O au talega, au a solia vei kemuni me lailai na kakana e na nomuni vei korolevu ka me gadrevi na madrai e  na nomuni veiyasana kece sara; ia oni se sega ga ni lesu mai vei au, e kaya o Yahuwe (YHWH). 7 O au talega, au a tarova na uca vei kemuni, e na gauna e se vo tiko kina e tolu na vula me yaco na tatamusuki; au a cakava me tau na uca e na dua na korolevu, au qai tarova me kakua ni tau na uca e na dua tale na korolevu. E dua na tabana a tauci uca, ia na yasana kadua a sega ni tauca na uca, na yasana qori a qai malai. 8 O ira na itaukei ni rua se tolu na korolevu era lai sota e na dua tale na korolevu me ra lai gunu wai kina, ia era a sega tikoga ni otiva rawa na nodra karamaca; ia oni qai sega ga ni lesu mai vei au, e kaya o Yahuwe (YHWH). 9 Au a samuti kemuni e na cagi katakata kei na bo-kata kei na uca qereqere; e levu na nomuni iteitei kei na logavaini, na nomuni vei vunilolo, kei na nomuni vei vuniolive era kanilaki mai vei ira na vodre qasi; ia oni sega ga ni lesu mai vei au, e kaya o Yahuwe (YHWH).

10 Au tala yani e na kemuni maliwa na matetaka me vaka a yaco mai Ijipita; au vakamatei ira na nomuni cauravou e na seleiwau, vata kei na nomuni ose era a vesu mai; au qai cakava na iboi ni nomuni keba vakaivalu me bona e qara ni ucumuni; ia oni sega ga ni lesu mai vei  au, e kaya o Yahuwe (YHWH). 11 Au vakawabokotaki kemuni, me vaka na Nona vakawabokotaki So’doma kei ‘Amora na Kalou (Mighty One), oni qai vaka na tikini buka kama e kaliraki mai na bukawaqa: ia oni sega ga ni lesu mai vei au, e kaya o Yahuwe (YHWH). 12 O koya qori, au na cakava kina vei kemuni na veika kece qo, i Isira'yili, me kena itinitini; ia baleta niu na cakava vei kemuni na veika oqo, tuvakarau sara i Isira'yili, moni kaciva na nomuni Kalou (Mighty One), 13 Baleta raica, o koya e a bulia na cagi ka bulia na veiulunivanua qai vakavurea vua na tamata se cava na nona lagilagi, e cakava na veimataka me butobuto, qai taubaletaka na  veiyasana cecere kei vuravura, qori e yacana  o Yahuwe na Kalou ni lewevuqa (YHWH the Mighty One Tzva’ot).

Emosi (‘Amos) 4:1-13

O koya e dau taleitaka vakalevu cake na mamarau mai na nona itabagauna ni gone, e na yaco me dauveiqaravi (ka) dau vosakudrukudru. 22 E dua na tamata cudrucudru e na vakatubura na veileti, ia na tamata dau yalokatakata e vakaitamera na nona caka cala.

Vosa Vakaibalebale 29:21-22

Ia mai na botoni titobu, au a tagici kemuni, i Yahuwe (YHWH) oni a qai rogoca na domoqu. 2 Oni qai laiva na daligamuni me vakatudaliga i na qaqani noqu vakatamamasu. 3 Kevaka, i Yahuwe (YHWH), moni kudruvaka na ivalavala ca, Yahuwe (YHWH) o cei tale beka e na vo bula, 4 Baleta na veivosoti e lako ga mai vei kemuni, sa dodonu ga kina  moni dokai.

5 ¶ Au vakanuinui vei Yahuwe (YHWH), na noqu bula (soul) e waraka ga na nona vosa. 6 Au dau waraki Yahuwe (YHWH) mai na gauna ni matayadra e na mataka ca ca, me yacova na gauna ni matayadra e na bogilevu tu tu.  7 Laivi Isira'yili me vakanuinui vei Yahuwe (YHWH); mai vua e lako mai na yalololoma, ka ni vakaitamera vua na yalo ni veivueti. 8 O Koya ga e na vueti Isira’yili, mai na nona ivalavala ca kecekece.

Same (Tehellim) 130:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
345 Blog No. 1439	December 11, 2011.
Reading	Hebrew Date
Osea (Hoshea) 9-11	Kishlev 15, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Nodra iValavala Ca Na Tui Isira’yili. (The Sins of the Kings of Isra’yl)

King Yerov’am Turned Away; But You Turn Back To Yahweh.

...................... 

Serving For Yom Khah Mee-shee, Sivan 22, 5771

E na ikatolusagavulukawalu ni yabaki nei 'Asaraya na tui Ya'huda, o Sakara'ya na luvei Yerova'ama tagane e a veiliutaki kina vakatui vei ira na Isira'yili, mai Shomorono, ia me ono ga na vula; 9 E a dau cakava na veika vakasisila e na mata i Yahuwe (YHWH) o koya, me vaka ga a dau cakava o tamana; e a sega ni saumaki laivi mai na ivalavala ca nei Yerova'ama na luvei Ne'vati, o koya e a vakavuna na ivalavala ca nei Isira'yili. 10 O Shalumi na luvei Yavesha tagane a qai bukiveretaki koya, mokuti koya e matadra na tamata ka vakamatei koya; oti qai taura na itutu ni veiliutaki vakatui, me sosomitaki koya. 11 Na vo ni veika a cakava o Sakara'ya, raica, era sa volai tu e na iVola ni nodra veigauna na tui e Isira'yili. 12 Qori a vakayacori kina na vosa i Yahuwe (YHWH) e a tukuna vei Yehu, ni kaya, O ira na luvemu tagane era na dabeca na idabedabe vakatui e Isira'yili me yacova na ikava ni itabatamata. A qai yaco vakakina.

2 Tui (M’lakhim Bet) 15:8-12

Kaya vei ira, Me vaka niu bula, e kaya na Sau o Yahuwe (Sovereign YHWH), au sega vakadua ni taleitaka na nodra mate o ira na ca; o ira ga na ca me ra saumaki laivi mai na nodra ivalavala ca me ra bula; o koya oya e vinakati kina moni veivutuni ka vakanadakuya na nomuni ivalavala ca, oni na qai sega ni mate, kemuni na matavuvale i Isire’yili

Isikeli (Yechezk’yl) 33:11

Lako mai, mai rogoca, kemuni kece na dauniveqaravi i Yahuwe (YHWH); Au na tusanaka na veika a cakava i na noqu bula (soul). 17 Au tagi vua e na gusuqu, oti qai vosa mai vei au; au vakamuduo vakalevu vua e na yamequ.18 Kevaka meu vakamareqeta tiko na talaidredre e vuniyaloqu, ke a sega ni rogoci au o Yahuwe (YHWH), 19 Ia na kena dina ni a rogoci au na Kalou (Mighty One); ka galeleta na na domo ni noqu masumasu. 20 Me vakavinavinakataki na Kalou (Mighty One) o koya e sega ni vakanadakuya na masumasu se vukica tani na nona yaloloma mai vei au.

Same (Tehellim) 66:16-20

Read The Scriptures (Tanakh) in a Year
Siga (Day)/Blog	Tikinisiga (Date)
174/Blog No. 1314	June 23, 2011.
Reading		Hebrew Date
Esiteri (Esta) 7-8		Sivan 22, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Me Saumaki O Yahuda Ni Lesu Vei Jiova (Y’hudah To Repent And Return To Yahweh)

Thought: We Should Not Doubt Yahweh’s Involvement In Our Lives

 ..............................

Serving For Yom Shlee-shee 9^th Av, 5770

Kevaka mo veivutuni i Isireli, e kaya o Jiova (Yahweh), suka lesu mai vei au; kevaka mo biuta laivi na nomu itovo vakasisila e mataqu o na qai sega ni lai colati laivi tani  02 Oni qai bubuluitaka, O Jiova  (Yahweh) e bula tiko e na dina, e na lewadodonu kei na yalododonu; o ira na kai Veimatanitu tani era na qai vakalogatataki ira vakataki ira vua; e na vukuna talega era na qai lagilagi. 03 ¶ Baleta qo na ka a kaya o Jiova (Yahweh) vei ira na tagane ni Yahuda, kei ira na itaukei kei Yerusalayimi, Waqaca na nomuni icina; kakua ni kabukaburaki e maliwa ni veikau  wavakavotona.  04 Tevei kemuni vakataki kemuni e na vuku i Jiova (Yahweh), ka kauta tani na vusoni yalomuni, o kemuni na tagane ni Yahuda kei kemuni na itaukei kei Yerusalayimi; de qai lako yani me vaka na bukawaqa na noqu leva, qai lai caudre tiko me kakua ni dua e bokoca rawa, baleta ni rui vakasisila na nomuni ivalavala.

Jeremaia 4:1-4.

Raica, Na noqu vosa e tete me vaka na bukawaqa, e kaya o Jiova (Yahweh) ka vaka talega na ituki e dau vurulaki kina na vatu?

Jeremaia 23:29.

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Hebrew Date	Reading
200	July 20	Av 9	Psalm 31-34

May the Name of Yahweh, Mighty One of Avraham, Yitzach and Ya'akov be freely published in the world today, so that people will learn that Yahweh (YHWH) is one.

My Choice of Books (Na Noqu Digidigi ni iVola)