Lawa Ni iSorokama (Laws of the Burnt Offerings)

Thought: The Kohanim Eat From The Offering Given to YHWH

 .....................

Serving For Shabbat, Sh’vat 25, 5772

MAI NA TORAA (FROM THE TORA

VOSA o Yahuwe (YHWH) vei Moshe ni  kaya,  2(9) Vakarota vei Aharoni kei iratou na luvena tagane, mo kaya, Oqo na lawa ni isorokama; qo e isorokama baleta ni na vakamai tiko e na icabocabo ni soro e na bogi taucoko me yacova na mataka; na bukawaqa ni icabocabo ni soro, me na waqa tiko e loma. 3(10) Na kohena me na dara na nona isulu lineni kei na nona tarausese lineni  me ubia na yagona, me qai kauta laivi na dravusa ni sorokama mai na dela ni icabocabo ni soro, qai sovara e na yasa ni icabocabo ni soro. 4(11) Oti qai luvata na nona isulu o koya, me dara na isulu kadua, qai kauta laivi na dravusa i na taudaku ni keba e na dua na tikina savasava. 5(12) Na bukawaqa e na dela ni icabocabo ni soro me na waqa tiko ga; me kakua vakadua ni boko; na kohena me na utura tiko na kena buka mai na mataka i na mataka, qai tuva tiko vakavinaka e delana na isorokama; o koya me na vakama e delana na uro ni isoro ni tiko veisaututaki (peace offering).  6(13) Na bukawaqa me na dau waqa tikoga e na dela ni icabocabo ni soro e veiveigauna kece; ka me kakua vakadua ni boko.

7(14) ¶ Oqo na lawa ni isoro laukana; O ira na luvetagane i Aharoni me ra na dau cabora e mata i Yahuwe (YHWH), e na mata ni icabocabo ni soro. 8(15) Na kohena me na taura e dua na iluku na falawa matailalai e isoro laukana vata kei na kena waiwai vata kei na drega fereqisede taucoko e toka mai vata kei na isoro laukana, oti qai vakama e na icabocabo ni soro me ka boi kamica, ka me ivakananumi vei Yahuwe (YHWH). 9(16) Na kena vo, me ratou na kania o Aharoni kei ratou na luvena tagane; ia  me laukana ga vata kei na madrai sega ni vakaleveni e na dua na tikina tabu; me ratou na kania e na loma ni buturara vakabai ni vale ni veitavaki. 10(17) Me kakua ni vavi vata kei na leveni. Qori au solia me kedratou ivotavota ni isoro a cabori mai vei au e na bukawaqa; qo e ka tabu dre dre, e tautauvata kei na isoro ni valavala ca, vata kei na isoro ni toso vakailowa (trespass offering). 11(18) O ira kece na tagane e na kedra maliwa na luve i  Aharoni me ra dau kana mai kina. Qo me dua na lawa tawamudu e na nomuni itabatamata kecekece; mai na isoro e cabo vei Yahuwe (YHWH) e na bukawaqa; o ira kece era tara i ira, era na yaco me ra vakatabui.

Na Lawa Ni Soro (Wayikra) 6:8-13

NA IVAQA NI BULA (FOOD FOR THE SOUL)

O Yahuwe (YHWH) e na sega ni vakararawataka na nodra bula (soul) na yalododonu me ra walokai; ia e na kolo laivi na nodra iyau na vakasisila. 4 ¶ Na dravudravua e vakamalumutaka e dua na tamata, ia na liga ni tamata vakasama e kauta mai na vutuniyau.

Vosa Vakaibalebale (Mishlei) 10:3-4

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. Kakua ni taqaya e na vukudra o ira era ivakarau vakasisila se vuvutaki ira era cakacakataka na ca. 2 Baleta e sega wale ni dede era na vuca me vaka na co, ka malai vakadua yani me vaka na kau draudrau drokadroka, 3 Vakanuinui ga vua na Kalou (Mighty One) ka caka vinaka tikoga; vakaitikotiko voli ga e na vanua ka vaqara tikoga mo yalodina. 4 Vakanuinui vei Yahuwe (YHWH); o koya e na solia vei iko na gagadre ni vuniyalomu; 5 Solia na nomu sala vei Yahuwe (YHWH); vakabauti koya talega, o koya e na qai vakavuna me yaco vei iko. 6 O koya e na kauta cake mai na nomu yalododonu me vaka na rarama, kei na nomu lewa me vaka na sigalevu. 7 Vaqarai Yahuwe (YHWH), masumasu e matana; kakua ni yalovuvutaka na tamata e dau caka ca, mo qai vutuniyau e na nona ivalavala. 8 Muduka na cudrucudru, guilecava na levaleva;  kakua ni lomaleqaleqataka e dua na ka, baleta e rawa ni vakavuna mo caka ca. 9 Baleta o ira na daucaka ca era na muduki laivi; ia o ira era vakabauti Yahuwe (YHWH) era na taukeni vuravura me kedra ivotavota. 10 E na dua na gauna lekaleka mai oqo, o ira era dau caka ca era sa na oti vakadua; io, ni o vaqara na nona itikotiko o sa na sega ni kunea; 11 Ia o ira na yalomanoa (meek) era na taukeni vuravura me kedra ivotavota; era na qai vakarautaki ira vakataki ira e na vakaitamera ni sautu.

Same (Tehellim) 37:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
049 Blog No. 1509	February 18, 2012.
Reading	Hebrew Date
Na Lawa Ni Soro (Wayikra) 26-27	Sh’vat 25, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iSoro Ni Valavala Ca (The Sin Offering)

Thought: Different Sacrifices For Different Sins And Rank Of People

 ........................

Serving For Yom HaShishi, Sh’vat 24, 5772

MAI NA TORAA (FROM THE TORA

Kevaka e valavala ca e dua na dau ni veiliutaki, baleta a cakava e dua na ivalavala ca,ia e na nona lecaika, qai vorata kina e dua ga vei ira na ivakaro i Yahuwe (YHWH) na nona Kalou (Mighty  One), oya e na veika e sega ni dodonu me caka, qai kune ni a cala dina kina;  23 E na gauna sa  vakatakilai kina vua na ivalavala ca a vakayacora; o koya me na kauta mai e dua na luve ni metagane e sega ni dua na kena leqa vakayago; 24 O koya me na vakotora na ligana e na ulu ni me, qai vakamatea e na tikina era dau vakamatei kina na isorokama e na mata i Yahuwe (YHWH); oqo na isoro ni valavala ca.  25 Na kohena me na kauta eso na dra ni isoro ni valavala ca,  e na nona iqaqalo qai lai biuta e na ileu ni icabocabo ni isorokama, ia na vo ni drame na sovara e na yavu ni icabocabo ni sorokama. 26 O koya me na qai vakama na kena uro kece e na dela ni icabocabo ni soro, me vaka na uro ni isoro ni tiko veisautaki; na kohena me na cabora e dua na bulubulu e na vukuna kei na nona ivalavala ca, e na qai vosoti kina o koya. 27 Kevaka e dua vei ira na tamata tauvanua ni qele, e valavala ca e nona lecaika, e na vorata e dua ga vei ira na ivakaro i Yahuwe (YHWH), e na veika e sega ni dodonu me vakayacori qaikune ni cala dina kina; 28 Oti qai vakatakilai vua na ivalavala ca a vakayacora; o koya e na vinakati me  kauta mai me nona isoro e dua na  luve ni me yalewa, e sega na kena leqa, e na vuku ni ivalavala ca a vakayacora.  29 O koya me na vakotora na ligana e na ulu ni isoro ni valavala ca, oti qai vakamatea na isoro ni valavala ca e na tikina era dau vakamatei kina na isorokama 30 Na kohena me na taura eso na dra e na nona iqaqalo, qai vakamiraka e na ileu ni icabocabo ni isorokama, ia na kena vo me qai sovaraka e na ruku ni icabocabo ni isoro. 31 O koya me na kauta laivi na kena uro kece, me vaka ni a kau laivi na uro mai na isoro ni tiko veisaututaki;  na kohena me na qai vakama e na icabocabo ni ka boi kamica vei Yahuwe (YHWH); na kohena me na cabora e dua na bulubulu e na vukuna o koya, e na qai vosoti kina o koya. 32 Kevaka e kauta mai e dua mai vei ira na lami, me nona isoro ni valavala ca, ia me na kauta mai e dua na kayalewa e sega na kena leqa vakayago. 33 O koya me na vakotora na ligana e na ulu ni isoro ni valavala ca, qai vakamatea me nona isoro ni valavala ca, e na tikina vata ga era dau vakamatei kina na isorokama. 34 Na kohena me na kauta eso na dra ni isoro ni valavala ca e na nona iqaqalo, qai lai vakamiraka e na ileu ni icabocabo  ni isorokama, ia na vo ni dra, o koya me na sovaraka e na yavu ni icabocabo ni isoro; 35 O koya me na qai kauta laivi na kena uro kece, me vaka ni a kau laivi na uro ni lami mal na imadrali ni tiko veisaututaki; na kohena me na vakamai ira e na icabocabo ni isoro e na kena ivalavala ni cabori e na bukawaqa vei Yahuwe (YHWH); na kohena me qai cabora e dua na bulubulu e na vuku ni nona ivalavala ca e a vakayacora, e na qai vosoti vua.

Na Lawa Ni Soro (Wayikra) 4:22-35

NA IVAQA NI BULA (FOOD FOR THE SOUL)

E dua na gonetagane vuku e na vakamarautaki tamana, ia na gonetagane lialia e na kauta mai na madua vua na tinana. 2 ¶ Na iyau mai na ivalavala ca e sega ni vakatubura e dua na ka: ia na yalododonu e veivueti mai na mate.

Vosa Vakaibalebale (Mishlei) 10:1-2

LOMANI YAHUWE NA NOMU KALOU (LOVE YHWH YOUR MIGHTY ONE)

ME baleta na iliuliu. Maivei Davide na dauniveiqaravi nei Yahuwe (YHWH). 2(1) O koya na tawadodonu e navuca na ca e vuniyalona, baleta e sega ni kune e matana ni rerevaka na Kalou (Mighty One). 3(2) E sega ni via raica na nona ivalavala ca me vosoti, se me sevaki ira mada ga 4(3) Na vosa ni gusuna e vakasisila ka veivakacalai; e sega sara ga ni via caka vinaka. 5(4) E dau vakananuya o koya na inakinaki ca e na dela ni nona imocemoce; e na muria ga o koya na sala e sega ni vinaka me rawa ni caka ca.

6(5) ¶ I Yahuwe (YHWH), na nomuni yalololoma e tiko ga mai lomalagi, ia na nomuni yalodina e yala sara i na macawalala raraba (Universe); 7(6) Na nomuni yalododonu e vaka na ulunivanua ni Kalou (Mighty One); na nomuni vakataulewa e vaka na tikina titobu; i Yahuwe (YHWH) oni vakabulai ira tiko na tamata kei na manumanu. 8(7) E vakacava na vakaitamera ni nomuni yalovinaka, kemuni na Kalou (Mighty One)! Qori era mai vakaruru kina e na iyaloyalo ni ruku ni tabamuni o ira na luve ni tamata. 9(8) Era na serau e na bulabula cecekia ni nomuni vale; oni na solia vei ira me ra gunu mai na wai maleka ni nomuni toevu. 10(9) Baleta e tiko vata kei kemuni na waivure ni bula: e na nomuni rarama keimami na raica na rarama. 11(10) Me toso tikoga na nomuni yalovinaka vei ira era kilai kemuni; kei na nomuni yalododonu vei ira e dodonu na vuniyalodra. 12(11) Kakua ni vakabiuta na yavadra na dokadoka me ra saqati au; kakua ni vakatara na ligadra na ca me mai tosoi au laivi. 13(12) Baleta e keya era na bale kina o ira era dau caka ca; era na vakabalei sobu, ka ra na sega ni tucake rawa tale.

Same (Tehellim) 36:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
048 Blog No. 1508	February 17, 2012.
Reading	Hebrew Date
Na Lawa Ni Soro (Wayikra) 24-25	Sh’vat 24, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iSoro Kama (Burnt Offering)

Thought: Atonement For Sins Are Expensive; Sinlessness Cost Nothing

 .........................

Serving For Yom Chamishi, Sh’vat 23, 5772

MAI NA TORAA (FROM THE TORA

O Yahuwe (YHWH), a kacivi Moshe mai vua, mai na valelaca ni veitavaki, ni kaya, 2 Vosa vei ira na luve i Yisira'yili, mo kaya vei ira, Kevaka e dua vei kemuni na tagane e kauta mai e dua na isoro vei Yahuwe (YHWH), moni na kauta mai na nomuni isoro mai vei ira na manumanu, oya mai na qelenibulumakau se na qelenisipi se na qelenime.

3 ¶ Kevaka me isorokama mai na qelenibulumakau, ia laiva me nona isolisoli e dua na katagane e sega na kena leqa vakayago; o koya me na vakacobora oqori e na katuba ni valelaca ni veitavaki, me cakava kina na nona veivakameautaki e nà mata i Yahuwe (YHWH). 4 O koya me na tabaka na ulu ni nona isorokama e ligana; e na qai vakadonui me cakava na nona vei vakaduavatataki e na vukuna o koya vakataki koya. 5 O koya me vakamatea na bulumakau e na mata i Yahuwe (YHWH); ia o ira na kohanimi, oya o ira na luvetagane i  Aharoni, me ra qai kauta mai na dra, ka vakamiraka wavolita na icabocabo ni soro, e toka e na katuba ni vale ni veitavaki. 6 O koya me qai drudruga na kuli ni isorokama ka cebeta vaka matailalai (na lewena). 7 O ira na kohanimi, na luvetagane i Aharoni, me ra biuta na bukawaqa e na dela ni icabocabo ni soro, era qai tuvana vakavinaka na buka e dela ni bukawaqa; 8 O ira na kohanimi, na luve i Aharoni, me ra qai tuvana vakavinaka na veitikina, oya na uluna kei na uro vakamaqosa e na dela ni buka sa toka e dela ni bukawaqa, e na dela ni icabocabo ni soro;  9 Ia na kena igacagaca kei na yavana, o koya me na savuya e na wai; na kohena e na qai vakama kecekece e na dela ni icabocabo ni soro, qo na isorokama, na isolisoli boi kamica vei Yahuwe (YHWH).

10 ¶ Ia kevaka e dua mai na qelenisipi e nona isolisoli, oya na sipi se na me, me dua na isoro kama, ia qori me na cabora o koya e dua na katagane e sega na kena leqa vakayago. 11 O koya me na vakamatea e na yasa ni icabocabo ni soro vaka i na vualiku, e na mata i Yahuwe (YHWH); o ira na kohanimi, na luve i Aharoni, me ra vakamiraka na kena dra wavokita na icabocabo ni soro. 12 O koya me qai cebeta talega me wasewasea, na uluna kei na kena uro: me qai tuva vakavinaka na kohena e na dela ni buka sa toka e dela ni buka waqa, e toka e na dela ni icabocabo ni soro. 13 Ia na kena igacagaca kei na yavana me savuya e na wai;  na kohena me qai cabora kece ka vakama e na dela ni icabocabo ni soro; oqo na isoro kama, e dua na isolisoli e vakamai e na bukawaqa, me boi kamica vei Yahuwe (YHWH).

Na Lawa Ni Soro (Wayikra) 1:1-13

NA IVAQA NI BULA (FOOD FOR THE SOUL)

O koya e dau cakitaka vakailasu na ka, e kania tiko na cagi, ka cemuri ira tiko na manumanu vakatabana ni macawalala; baleta ni sa vakanadakuya na sala i na nona loga ni vaini, kei na sala ni nona cakacaka, me lako i na veikauloa e sega kina na wai; e na vanua sa lakovi oti, e lai lakova o koya e na karamaca, qai sega ni rawata kina e dua na ka. 14 Na yalewa lialia e dau veitemaki; o koya e sega ni kila se cava na madua; o koya e na dabe toka e na mata ni katuba ni nona vale, e na dua na idabedabe cere, 15 E kacivi ira era tavali, ia era dui lako ga yani e na nodra ilakolako;  16 Ia e kaya o koya, O koya e yalorawarawa, laivi koya me lako mai vei au, ia vei ira e lailai na nodra yalomatua, e kaya o koya vei ira, 17 Na wai butakoci e kamikamica, ia na madrai e laukana vakavuni e maleka. 18 Ia o koya e sega ni kila ni ra dau rusa vua o ira na tagane qaqa, kei ira era dau nona vulagi, era sa tiko oqo mai na buto mai She’ola;

Vosa Vakaibalebale (Mishlei) 9:13-18

LOMANI YAHUWE NA NOMU KALOU (LOVE YHWH YOUR MIGHTY ONE)

I Yahuwe (YHWH), au sa sota rarawa tu me dua na gauna balavu, vueta na noqu bula (soul) mai na nodra vakacaca; vueta na noqu bula e duabau, mai vei ira na laione? 18 Au na vakavinavinaka vei kemuni e na loma ni isoqosoqo levu; Au na vakavinavinaka vei kemuni e na kedra maliwa na tamata e lewe vuqa. 19 Laivi ira na kequ meca me ra kakua ni reki e na vukuqu, ka vaka kina vei ira era dau veivakalialiai, era qai sevaki au ni sega na vuna; me ra katarivataka na matadra ia era sega ni vakarokoroko. 20 E na vukudra na yalomalumalumu kei vuravura, era bukiveretaka na ile ni veivakalolomataki 21 Io, era dolava na gusudra vakarabalevu me baleti au, era qai kaya A tu, a tu, na mata i keimami sa raica  22 Qori oni sa raica, kemuni na Kalou (Mighty One), kakua ni vagaluya, i Yahuwe noqu Kalou (YHWH Mighty One); ni kakua ni yawaki au mai. 23 Ni yavala mai, ni yadra mai, moni mai totaki au, raica na noqu rarawa, noqu Kalou (Mighty One), noqu Sau (Sovereign)  24 Lewai au, i Yahuwe (YHWH) noqu Kalou (Mighty One) e na yavu ni nomuni yalododonu; kakua ni vakatara me ra mamarau e na vukuqu. 25 Ni kakua ni laivi ira me ra kaya e vuniyalodra, Eda sa kolotaki koya laivi mai keda maliwa, ka buluti koya oti. 26 Laiva me ra madua ka vakidroataki o ira era nuitaka na noqu vakacacani; Laiva me ra vakaisulutaki e na madua kei na rogorogo ca o ira era vakalevulevui ira vakataki ira, vei au. 27 Laivi ira era marautaka na noqu qaqa me ra kaikaila e na marau kei na reki, io, laiva me ra kaya vakawasoma, O Yahuwe (YHWH) me vakacerecerei tiko ga; o koya e ka talei vua na nodra bula sautu o ira na nona tamata; 28 Na yamequ e na tusanaka na nomuni yalododonu kei na nomuni vakasakiti e na loma ni siga taucoko.

Same (Tehellim) 35:17-28

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
047 Blog No. 1507	February 16, 2012.
Reading	Hebrew Date
Na Lawa Ni Soro (Wayikra) 22-23	Sh’vat 23, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.