Vakamatei Koya Vakataki Koya Sha’ula (Sha’ul Committed Suicide)

Thought: We Cannot Avoid Our Final Destination As YHWH Ordered

 ...................

Serving For Yom R’vi’i, Av 27, 5772

MAI NA NEVI’IMI RISHONIMI (FROM THE NEVI’IM RESHONIM)

Ia o ira na Pi'lishitimi era qai valuti ira na Yisira'yili; o ira na tagane ni Yisira'yili era qai dro mai matadra na Pi'lishitimi, e levu ga vei ira era a bale matemate e na ulunivanua o Qiliboa. 2 O ira na Pi'lishitimi era qai vakatobotoboki Sha'ula kei iratou na luvena tagane; era qai ravuti Yo'honatani, Avinadave kei Malakishua, o ratou na luvetagane i Sha'ula. 3 Na ivalu a waromisa vei Sha'ula, era qai toboki koya o ira na dau ni vanataki dakaititi, qai curumi koya na domobula baleti ira na dau vanataki dakaititi. 4 A mani kaya o Sha'ula vua na nona icolacola ni yaragi, Ucuna na nomu seleiwau, sua basikati au kina, de ra qai mai vakamatei au o ira na tawateve oqo, era qai vakalolomataki au. Ia o koya na icolacola ni nona iyaragi a qai sega ni via cakava; baleta o koya talega sa domobula tu vakalevu. A mani taura na nona seleiwau o Sha'ula, qai ovaca. 5 Ia ni raica na icolacola ni nona iyaragi, ni sa mate o Sha'ula, a qai ovaca talega na nona seleiwau, qai mate kina vata kei koya. 6 A mani mate o Sha'ula, kei iratou na luvena tagane tolutolu, vata kei na icolacola ni nona iyaragi kei ira kece na nona dauniveiqaravi, era a mate vata kece e na dua ga na siga. 7 Ia e na gauna era raica kina o ira na tagane ni Yisira'yili era tiko mai na tai kadua ni bucabuca ni Yaradani, ni ra sa veidroyaki o ira na tagane ni Yisira'yili, baleta sa mate o Sha'ula kei iratou na luvena, era qai biuta tu yani na korolevu era qai veidroyaki talega; ia o ira na Pi'lishitimi era qai lako mai me ra mai tawani ira ka vakaitikotiko kina.

8 ¶ Ia e na siga tarava, e na gauna era lako mai kina na Pi'lishitimi me ra mai luvata  na nodra isulu o ira era sa mate tu, era qai raici Sha'ula kei iratou na luvena tagane tolutolu, ni ratou sa mate tu e na ulunivanua o Qiliboa. 9 Era mani gutuva laiva na uluna, ka luvata laivi na nona iyaragi, era qai talai ira na dau kauitukutuku me ra lai vakasavuya na kena itukutuku e na loma ni nodra vanua na Pi'lishitimi, e na kedra maliwa na tamata, vata kei ira e na vale ni kalou matakau. 10 Era qai biuta na nona iyaragi e na bure i 'Ashetaroti; ia era vakota na yagona i na lalagabai mai Beiti-She'ana. 11 O ira mai Yavesha-Qili'ade ni ra  rogoca na ka era cakava na  Pi'lishitimi vei Sha'ula kei ratou na luvena tagane, 12 Era qai cavutu na tamata qaqa, me ra tayabe e na bogi taucoko oya, me ra lai tukuca sobu na yago i Sha'ula kei na yagodratou na luvena tagane mai na lalaga mai Beiti-She'ana era qai kauta lesu i Yavesha me ra lai vakama e keya. 13 Era qai kauta na suidratou, era qai lai buluta e na ruku ni vuni-alamodi mai   Yavesha, oti era qai lolo me vitu na siga.

1 Samuela (Sh’mu’yl Alef) 31:1-13

NA IVAQA NI BULA (FOOD FOR THE SOUL)

O koya e sogota na qara ni daligana mai na nodra tagi na dravudravua, O koya talega vakataki koya e na tagi ia qai sega ni dua e na rogoci koya.

Vosa Vakaibalebale (Mishlei) 21:13

LOMANI YAHUWE NA NOMU KALOU (LOVE YHWH YOUR MIGHTY ONE)

Maivei Dawide, e na gauna a vakalecalecava kina ni sa lialia, e na mata i Avimeleki, o koya a qai cemuri koya; sa mani biubiu. 2(1) Au na vakavinavinaka vei Yahuwe (YHWH) e na veiveigauna kece; Na nona vakamolimolitaki e na dau toka ga e gusuqu. 3(2) Na noqu bula e na dau dokadokataki Yahuwe (YHWH). Laivi ira na yalomalumu me ra rogoca era qai mamarau. 4(3) Vakarabailevutaki Yahuwe (YHWH) vei au; laiva meda laveta vata cake na yacana. 5(4) Au vakasaqarai Yahuwe (YHWH), e rogoci au o koya qai vakabulai au mai na noqu veileqa kecekece. 6(5) Rai vakanamata tiko vua, vakabauti koya, oni na qai sega ni vakayalolailaitaki. 7(6) Na tamata dravudravua oqo a kacivi koya; qai rogoci koya mai o koya, qai sereki koya mai na nona veileqaleqa kecekece, 8(7) Na mala’ akimi nei Yahuwe (YHWH) era mai keba wavoliti ira era dau sokalou vua, me ra dau vueti ira. 9(8) Tovolea mada mo raica ni o Yahuwe (YHWH) e vinaka; e kalougata na tamata e vakararavi vua. 10(9) O ira na vutuniyau era sa dravudravua ka ra sa walokai: 11(10) O ira era vaqarai Yahuwe (YHWH) e na sega vakadua ni leqa vei ira na ka vinaka.

Same (Tehellim) 34:1(0)-11(10)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 227 o/o 1687	August 15, 2012
Reading	Hebrew Date
Z’kharyah (Sakaraia) 7-10	Av 27, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Biuti Sha’ula o Yahuwe. (YHWH Leaves Sha’ul)

Thought: Desperation Cause People To Do Unusual Things

 ......................

Serving For Yom Rishon, Av 24, 5772

MAI NA NEVI’IMI RISHONIMI (FROM THE NEVI’IM RESHONIM)

A qai yaco e na veisiga ni gauna oya, ni ra soqoni ira vata na nodra mataivalu e na buca o ira na Pi'lishitimi, me ra lai vala, me ra lai valuti ira na Yisira'yili. 2 Kaya o Dawide vei Akisha, O iko o sa na kila vinaka na ka e rawa ni cakava na nomu dauniveiqaravi. Sauma o Akisha vei Dawide, Qori ga au sa na cakava kina mo noqu ivakatawa me tawamudu. 3 E na gauna qo o She'mu'yili a sa mate oti kina, o Yisira'yili taucoko a qai lolositaka na nona mate era qai buluti koya mai Ramaa, e na nona ibulubulu ga o koya vakataki koya. O Sha'ula a sa vakatabui ira oti na dauvakacuru kei ira na dauveinita mai na loma ni vanua. 4 O ira na Pi'lishitimi, era a sosoqoni vata vakataki ira, era qai mai keba toka mai Shunema; ia o Sha'ula a soqoni ira vata na Yisira'yili, era qai lai keba vata toka mai Qiliboa. 5 E na gauna e raici ira kina na nodra mataivalu na Pi'lishitimi o Sha'ula, a qai tuburi koya na nuiqawaqawa, qai tekivu me taqaya vakalevu na lomana. 6 Ia ni vakatarogi Yahuwe (YHWH) o Sha'ula, a qai sega ni sauma mai vua o koya, e na tadra, bukawaqa se mai na gusudra na parofita.

7 ¶ A mani kaya vua e dua na nona dauniveqaravi o Sha'ula, Vaqara mada vei au e dua na yalewa daurairai, meu rawa ni lako vua, meu lai vakatarogi koya. Kaya vua na nona dauniveiqaravi, Raica, e dua na yalewa daurairai e tiko qori mai 'Eini-Dora. 8 A qai vakalecalecavi (disguised) koya vakataki koya o Sha'ula, e na nona dara eso tale na isulu, oti qai lako vata kei na rua na tagane me ratou sala vata. Eratou lako yani vua na yalewa e na bogi, qai kaya vua o Sha'ula, Vakacuru mada e na vukuqu, vei ira na yalobula, mo kauta cake mai o koya ga au na tukuna vei iko. 9 Ia na yalewa a qai kaya, Raica o iko o sa kila vinaka na ka sa cakava oti o Sha'ula, na nona sa cemuri ira era dau vakacuru vei ira na yalobula, kei ira kece na daurairai mai na vanua oqo. Na cava na vuna dou mai birika tiko kina e dua na dai ni noqu bula, me vakavuna na noqu na vakamatei? 10 A qai bubului vua o Sha'ula e na yaca i Yahuwe (YHWH), ni kaya, Me vaka ni bula tiko o Yahuwe (YHWH), e na sega ni dua na leqa e yacovi iko e na ka oqo. 11 Taro na yalewa ni kaya, O cei meu kauta cake mai vei iko? Kaya o koya, Kauti She'mu'yili cake mai vei au.12 Ia ni sa raici She'mu'yili na yalewa, qai kaila e na domolevu; qai kaya na yalewa vei Sha'ula, Na cava o lawakitaki au kina? O iko sara ga o Sha'ula. 13 Kaya vua na tui, Kakua ni taqaya; na cava beka o sa raica?  Kaya vei Sha'ula na yalewa, Au raica na kalou (elohim) ni ra cabe tiko mai vuravura.14 Kaya vua o koya, Sa vakacava tu na kena irairai? Sauma vua o koya, E dua na kena qase e cabe cake tiko mai; ka ubi tu mai e na dua na itutuvi? Sa vaka me vakila o Sha'ula ni o She'mu'yili sara ga oqo; a qai lutu sobu e matana e na dela ni qele, qai vakarokoroko.

15 ¶ Kaya o She'mu'yili vei Sha'ula, Na cava o vakasosataki au mai kina, mo lai kauti au cake mai? Kaya o Sha'ula, Au sa rui lomaocaoca vakalevu; baleta o ira na Pi'lishitimi, era sa mai vakacibi ivalu tiko vei au, ia na Kalou (Mighty One) sa biuti au oti, ka sa sega ni vosa tale tiko mai vei au, e dina ga niu vakatataro vua e na gusudra na parofita, ka sega talega e na tadra; o koya oya au kacivi iko yani kina, mo rawa ni tukuna mai vei au se cava meu cakava. 16 A qai kaya o She'mu'yili vei Sha'ula, Na cava mo mai tarogi au kina, ni laurai tu ga ni sa biuti iko oti o Yahuwe (YHWH), ka sa tiko oqo vua na wekamu o Dawide; 17 O Yahuwe (YHWH) sa cakava vua na veika a vakamacalataka vei au, ia qo o koya e sa tiko vata kei na wekamu o Dawide;  18 Baleta ga ni o a sega ni bula muria na vosa i Yahuwe (YHWH), o qai sega kina ni via vakavatukanataka na nona leva waromisa vei ira na 'Amaleki, qori na vuna sa cakava kina na veika oqo vei iko e na siga edai. 19 Kena ikuri, o Yahuwe (YHWH) e na soli i ira na Yisira'yili vata kei iko i ligadra na Pi'lishitimi; ia nimataka o iko vata kei luvemutagane, drau sa na mai tiko vata kei au; o Yahuwe (YHWH) e na solia na mataivalu i Yisira'yili i  ligadra na Pi'lishitimi.

1 Samuela (Sh’mu’yl Alef) 28:1-19

NA IVAQA NI BULA (FOOD FOR THE SOUL)

Na vakasama vakayalomatua e na kauta mai na vutuniyau; ia o ira yadua era cakacaka vaqunaquna era vaqunaquna tiko ga i na dravudravua. 6 ¶ Na qarai ni iyau e na yame lasulasu, e vaka na cawa e veicaginayaki, o ira era vaqara tiko, era vaqara tiko na mate. 7 ¶ Na nodra ivalavala kaukaua na tamata ca e na yarataki ira laivi; baleta era sega ni via cakacaka vakadodonu. 8 ¶ O koya e vakavevea na nona ivalavala e na cakacaka e veidabui, ia o koya e savasava vakoti, na nona cakacaka e donu.

Vosa Vakaibalebale (Mishlei) 21:5-8

LOMANI YAHUWE NA NOMU KALOU (LOVE YHWH YOUR MIGHTY ONE)

NA Same i Dawide; E dua na vucu ni veivakatavulici (Maskil). E kalougata o koya e vosoti na nona talatalai dredre, ka bokoci na nona ivalavala ca. 2 E kalougata na tamata e sega ni wilika vua o Yahuwe (YHWH) na nona ivalavala ca; ka sega na veivakaisini e vuniyalona. 3 Baleta niu vagaluya tu ga na noqu vutugu e na loma ni siga taucoko, na suiqu sa vuca mai e na gauna ni noqu mocelutu. 4 E na siga kei na bogi, na ligamuni e tau bi no vei au; e qai tubu na vutu waromisa e vuniyaloqu, na kena vakaitamera e rawa ni vakamatei au. 5 Au sa vakadinadinataka na noqu ivalavala ca vei kemuni, na noqu caka ca au sega ni vunitaka mai vei kemuni; Au qai kaya, Au na vakatusa na noqu cala vei Yahuwe (YHWH); Oni qai vosota kece vakadua na noqu ivalavala ca. 6 E na vuku ni ka oqo, laivi ira kece era digitaki me ra masu yani vei kemuni e na gauna lokuci; e na yaco dina ga, na waluvu ni wai levu e na sega ni toso volekati koya.

7 ¶ O kemuni na noqu itataqomaki; oni  na taqomaki au mai vei ira na kequ meca, maroroi au mai na ka rarawa; Oni na vakavolivoliti au e na dokai kei na veivakabulai. 8 Au sa cakava mo yalomatua, au sa tuberi iko e na sala e dodonu mo muria; au na qai dau vakamuri i iko voli e na yaloka ni mataqu. 9 Kakua ni tautauvata kei na ose se na meule (mule), era sega ni yalomatua; era na dau tuiraki mai gusudra e na kaukamea kei na baraidaile, me tekivu sara mai na nodra gauna ni gone; e sega ni dua e na tosovi ira rawa. 10 O ira na ca, e vakaitamera na nodra nuiqawaqawa; ia o koya e nuitaki Yahuwe (YHWH), na yalololoma era tu vakavolivoliti koya; 11 Moni reki tiko vei Yahuwe (YHWH) ka dau mamarau; o kemuni oni yalododonu, vakamolimolitaki koya, o kemuni kece e dodonu vinaka tu na vuniyalomuni.

Same (Tehellim) 32:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 224 o/o 1684	August 12, 2012
Reading	Hebrew Date
Hagai (Akeai) 1-2	Av 24, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lutu O Sha’ula I Na Liga I Dawide (Sha’ul Fell Into Dawide’s Hands)

Thought: Never Take Revenge Personally, Just Leave It To YHWH

 ...............

Serving For Yom Shlishi, Av 18, 5772

MAI NA NEVI’IMI RISHONIMI (FROM THE NEVI’IM RESHONIM)

O Davide a qai lako cake mai keya, qai lai tiko mai Horesha, oya mai Hakilaa. 2(1) A qai yaco ni lesu mai o Sha'ula, mai na nona cemuri i ira laivi na Pi'lishitimi, ni a qai tukuni vua, Raica, o Dawide sa tiko qo mai Horesha oya mai Hakilaa. 3(2) A qai kauta e tolunaudolu na tamata digitaki mai Yisira'yili taucoko o Sha'ula, era qai lako me ra lai vaqarai Dawide kei ira na nona tamata e na veiulunivanua ni mekila. 4(3) A qai yaco o koya e na dua na bai ni sipi e na batinisala era muria tiko, ka ni tiko kina e dua na qaravatu; a qai curu i na qaravatu o koya me lai davo mada kina; ia o Dawide kei ira na nona tamata era a tiko voli e na veibaba e yasa ni qaravatu oya. 5(4) Era kaya sara vei Dawide o ira na nona tamata, Raica, qo na siga a kaya vei iko o Yahuwe (YHWH), Raica, au na solia na kemu meca i ligamu mo cakava vua na ka o nanuma ni donu e matamu. A qai tu o Dawide, qai musuka lo na bui ni isulu nei Sha'ula. 6(5) Ia e muri a qai veivutunitaka o Dawide ni a musuka laivi na bui ni isulu nei Sha'ula. 7(6) Kaya o Dawide vei ira na tamata era a tiko vata kei koya, O Yahuwe (YHWH) e vakatabuya, meu cakava na ka oqo vua na noqu turaga (master), na lumuti nei Yahuwe (YHWH); e na noqu dodoka na ligaqu meu saqati koya, baleta o koya na lumuti i Yahuwe (YHWH). 8(7) A qai tarovi ira na nona tamata era a tiko vata kei koya o Dawide, e na nona cavuta na vosa oqori, qai sega ni vakatarai ira me ra saqati Sha'ula. A mata cake o Sha'ula mai na qaravatu, ka toso tale na nona ilakolako. 9(8) A tu talega me muri i koya o Dawide, mai na qara, oti qai kacivi Sha'ula ni kaya, Noqu turaga (master) na tui. Ni rai lesu o Sha'ula, a qai cuva sobu o Dawide me tara na qele na matana, ni vakarokorokotaki koya.

10(9) ¶ Kaya vei Sha'ula o Dawide, Ni kakua ni rogoca na nodra vosa na tamata era kaya, Raica, o Dawide e segata tiko me vakamavoataki kemuni! 11(10) Raica, e na siga edai oni a raica kina na nona sa soli i kemuni i ligaqu o Yahuwe (YHWH) mai loma ni qara; o ira na tamata era tiko vata kei au era qai vakauqeti au meu vakamatei kemuni, ia o au, au lomani kemuni, au qai kaya kina, au na sega ni dodoka na ligaqu meu saqata na noqu turaga (master); baleta o koya na lumuti i Yahuwe (YHWH). 12(11) Ia, vuki mada mai i dakumu, i tamaqu, mo raica na bele ni nomu isulu, au sa taura tu qo e ligaqu; baleta niu a kotiva laivi mai na bele ni nomuni isulu, au a sega kina ni vakamatei kemuni, moni na qai kila kina ka raica ni sega vei au na (vakasama) duka se na ivalavala tawakilikili e ligaqu, kau a sega kina ni valavala ca vei kemuni, e dina ga ni o kemuni oni vaqara tiko mai na noqu bula moni vakamatea. 13(12) Me na qai vakatulewataki kedaru ga, o au kei kemuni, ia o Yahuwe (YHWH) me na qai sausaumilesu vei kemuni e na vukuqu, ia na ligaqu ga e na sega ni tarai kemuni.14(13) Me vaka e tukuni tu e na vosa vakaibalebale mai na veitabagauna e liu sara, Mai vei ira na ca, e na vure mai kina na ivalavala ca; ia na ligaqu ga e na sega ni saqati kemuni. 15(14) Oni cemuri cei tiko mada ga mai kemuni na Tui Yisira'yili? O cei oni cemuria tiko mai? Oni cemuria tiko mai e dua na koli mate se dua na kutu ni manumanu. 16(15) Qori e na qai vakatulewataki kedaru kina o Yahuwe (YHWH), me vakatulewa me baleti au vata kei kemuni, me qai raica kina ka tokona na noqu itokatoka, me qai vueti au mai ligamuni.

17(16) ¶ E na gauna sa cavuta oti kina o Dawide na veivosa oqo vei Sha'ula, o Sha'ula a qai kaya vua, Na domomu beka qo i luvequ? Sa qai laveta na domona o Sha'ula qai tagi e na domo levu. 18(17) Kaya o koya vei Dawide, O iko o yalododonu vakalevu cake sara mai vei au; baleta o iko o vakarautaka ga vei au na vinaka; e dina ga niu a vakarautaka vei iko na ca. 19(18) O iko o sa vakatakila edaidai na nomu dau caka vinaka ga vei au, ni o Yahuwe (YHWH) a soli i au i ligamu, o qai sega ni vakamatei i au.  20(19) Ni dua na tamata e kunea na kena meca, qai vagalalataki koya, O Yahuwe (YHWH) e na vakaicovitaki koya e na vinaka; o Yahuwe (YHWH) e na vakaicovitaki iko e na vinaka, e na vukuni ka o cakava vei au e na siga oqo. 21(20) Ia qo raica,  au sa kila vinaka tu ni o na tui dina ga, ka na vakadeitaki na matanitu i Yisira'yili e na ligamu.

1 Samuela (Sh’mu’yl Alef) 24:1(0)-21(20)

NA IVAQA NI BULA (FOOD FOR THE SOUL)

Na tui vuku e na wasei ira vakatikitiki na tamata vakasisila, (mai vei ira era yalododonu), qai butuqaqi i ira e na yava ni qiqi. 27 ¶ Na bula (soul) ni tamata e dua na icina vei Yahuwe (YHWH), baleta ni vakadeuca tiko kina (o koya) na veika e tiko e vuniyalona.

Vosa Vakaibalebale (Mishlei) 20:26-27

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. Kauta mai vei Yahuwe (YHWH) na luve ni sipi tagane; kauta mai vei Yahuwe (YHWH) na vakarokoroko kei na qaqa. 2 Solia vei Yahuwe (YHWH) na vakarokoroko e veiraurau kei na yacana; sokalou vei Yahuwe (YHWH) e na buturara ni nona valenisoro tabu. 3 Na domo i Yahuwe (YHWH) e voqa tiko mai dela ni wai; na Kalou (Mighty One) ni vakarokoroko, e vadugu mai me vaka na kurukuru; o Yahuwe (YHWH) e toka e na veidela ni wai; 4 Na domo i Yahuwe (YHWH) e kaukaua, na domo i Yahuwe (YHWH) e sinai vutuvutu e na lagilagi vakaturaga. 5 Na domo i Yahuwe (YHWH) e musuka na kau sitari: io, o Yahuwe (YHWH) e musuka na sitari ni Li’vanoni; 6 E cakava tale ga vei ira me ra ladelade vaka na luve ni bulumakau; ia o Li’vanoni kei Siriyoni, me vaka na luve ni okisi (ox), 7 Na domo i Yahuwe (YHWH) e wasea na yameyame ni bukawaqa. 8 Na domo i Yahuwe (YHWH) e kurea na veivanualiwa; O Yahuwe (YHWH) e kurea na vanua dravuisiga mai Kadesha. 9 Na domo i Yahuwe (YHWH) e vakavuna me ra sautaninini na mekila, e cavuivuvutaka na veikauloa, ia e na loma ni nona valenisoro na veika kece era talanoataka na nona lagilagi. 10 O Yahuwe (YHWH) e dabe vakatui tiko e na dela ni waluvu; io, o Yahuwe (YHWH) e dabe vakatui toka me Tui ka sega ni mudu. 11 O Yahuwe (YHWH) e na solia na kaukaua vei ira na nona tamata; o Yahuwe (YHWH) e na vakalougatataki ira na nona tamata e na sautu.

Same (Tehellim) 29:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 219 o/o 1679	August 7, 2012
Reading	Hebrew Date
Mikhah (Maika) 4-5	Av 19, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Liumuritaki O Dawide (Dawid’s Location Given Away)

Thought: Yahweh Will Not Allow His Servants To Be Hurt

.................. 

Serving For Yom Sheini, Av 18, 5772

MAI NA NEVI’IMI RISHONIMI (FROM THE NEVI’IM RESHONIM)

Ia o Sha'ula, a qai tukuni vua ni o Dawide e a lako i Ke'ilaa. Kaya sara o  Sha'ula, Na Kalou (Mighty One) sa soli i koya i ligaqu; baleta sa sogolati koya vakataki koya e loma, e na nona curuma e dua na tauni e vaka matamata ka vakasamugakagaka. 8 O Sha'ula a qai kacivi ira vata na tamata me ra lai vala i  Ke'ilaa me ra qai lai vesuki Dawide kei ira na nona tagane. 9 Ia o Dawide a sa kila tiko ni o Sha'ula e na navuca e dua na inaki ca me saqati koya kina, a mani kaya o koya vei  Aviyataa na kohena, Kauta mada mai vei au na efoti.  10 Oti qai kaya o Dawide, I Yahuwe (YHWH) na Kalou (Mighty One) i Yisira'yili, na nomuni dauniveiqaravi sa mai rogoca ka sa vakadeitaki ni o Sha'ula sa saga tiko me lako mai i Ke'ilaa, me mai vakarusa na korolevu baleti au. 11 O ira beka na tagane ni Ke'ilaa era na soli i au kei ira na tagane era tiko vata kei au i na liga i Sha'ula? 12 Kaya o Yahuwe (YHWH), O ira era na soli i iko laivi; cavutu mo biubiu mai na korolevu. 13 O Dawide, kei ira na nona tamata, e rauta e le ononadrau, era qai cavutu me ra biuti Ke'ilaa, era qai lako i na vanua ga era rawa ni lako kina. A qai mai tukuni vei Sha'ula ni sa dro tani mai Ke'ilaa o Dawide; sa mani tarova tale o koya na nona lako i keya. 14 O Dawide a mani lai tu ga e na vanua liwa, e na veivanua taqomaki, ka mani tiko ga kina mai na vei ulunivanua e na vanua liwa mai Zifa. O Sha'ula, a qai vaqarai koya tiko e veiveisiga, ia na Kalou (Mighty One) a sega ni soli i koya i ligana. 15 O Dawide a qai raica ni o Sha'ula e se lako tiko ga yani me lai vaqara na nona bula; o Dawide sa qai tiko ga kina mai na vanua liwa mai Zifa, e na loma ni dua na veikau. 16 O Yo'honatani na luvetagane i Sha'ula, a qai cavutu me lai sikovi Dawide e loma ni veikau, qai vaqaqacotaka na ligana, (ni na dau taqomaki mai vua na Kalou (Mighty One). 17 E kaya vua o koya, Kakua ni taqaya; baleta na liga i Sha'ula na tamaqu e na sega vakadua ni kunei iko; o iko o na tui vei ira na Yisira'yili, ia o au, au na taravi iko tikoga; qori e kila vinaka sara tu ga (na ituvatuva qori) o Sha'ula na tamaqu. 18 O rau, oya o rau ruarua rau qai bulia e dua na veiyalayalati e na buca oya, e na mata i Yahuwe (YHWH) (o koya e dabe toka e na kedrau tadrua na ke'ruvimi).  O Dawide a qai tiko voli ga mai veikau, ia o Yo'honatani a qai lesu tale i nona vale.

19 ¶ Oti era qai lako mai vei Sha'ula o ira na tamata mai Zifa, mai Qiva'ati era qai kaya, Raica o Dawide e vuni tiko mai vei keimami e Horesha, e na veikau mai Hakilaa, e na buca e toka e na yasa i matau ni vanua dravuisiga. 20 O koya oqori, moni lako sobu mai kina, moni mai saqati keimami e na kena kaukaua ga oni gadreva, keimami na qai soli i koya i ligamuni na tui. 21 Kaya Sha'ula o vei ira, Me nomuni na veivakalougatataki i Yahuwe (YHWH); baleta ni oni lomani au. 22 Ni lesu, au kerei kemuni, moni lai vakadeitaka vakavinaka, moni kila ka raica sara na nona ivunivuni, vata kei cei e a raici koya e keya, baleta ni sa mai tukuni vei au ni o koya e levu toka na nona ilawaki. 23 Moni kila ka vulica sara vakavinaka na nona ivunivuni, oya na vanua e dau vuni kina, oti moni qai lesu mai vei au, moni mai tukuna vei au, ni sa matata vinaka tu vei kemuni, oti au na qai lako vata kei kemuni; ia kevaka e tiko e na vanua oya, o au, au na vaqarai koya mai na kedra maliwa na udolu vaka udolu mai Ya'huda.

1 Samuela (Sh’mu’yl Alef) 23:7-23

NA IVAQA NI BULA (FOOD FOR THE SOUL)

Na itosotoso ni dua na tamata e lewai mai vei Yahuwe (YHWH), ia ni oti oya, o cei na tamata e na qai rawa ni lewa ga vakataki koya na nona sala? 25 E dua na tudai vua e dua na tamata ke bubuluitaka vaqunaquna vua na Kalou (Mighty One) e dua na iloloma soliwale; oti me qai via vakasamata e muri.

Vosa Vakaibalebale (Mishlei) 20:24-25

LOMANI YAHUWE NA NOMU KALOU (LOVE YHWH YOUR MIGHTY ONE)

MAIVEI Dawide. Kivei kemuni au tagitagi, noqu Kalou (Mighty One); kakua ni galuvi au tiko, baleta kevaka oni galuvi au tiko, au sa na vakataki ira era lako sobu tiko i loma ni qara. 2 Rogoca na domo ni noqu vakatakekere, niu tagici kemuni; niu dulaka cake na ligaqu vaka i na nomuni valenisoro tabu. 3 Kakua ni wiliki au vata kei ira na tamata ca kei ira era dau cakacakataka na ca; o ira era dau vunautaka na sautu vei ira na wekadra vakaitikotiko; ia na inaki ca e toka e vuniyalodra. 4 Vakaicovitaki ira me veiraurau kei na nodra ivalavala, me veiganiti ga kei na nodra ivalavala vakasisila; 5 Baleta ni ra sega ni kila na cakacaka i Yahuwe (YHWH) se na itovo ni cakacaka ni ligana, e na vakarusai ira, ka sega ni toroi ira cake.

6 ¶ Me vakavinavinakataki o Yahuwe (YHWH), baleta ni sa rogoca na domo ni noqu vakatamamasu. 7 O Yahuwe (YHWH) e noqu dauniveivukei ka noqu isasabai; na vuniyaloqu e vakararavi vua, qori au marautaka; au na vakacaucautaki koya e na noqu sere. 8 O Yahuwe (YHWH) e nodra kaukaua na nona tamata, o koya na isasabai ni nodra vueti na nona lumuti. 9 Vakabulai ira na nomuni tamata, i Yahuwe (YHWH) vakalougatataka na nomuni ivotavota oni taukena; tuberi ira talega ka maroroi ira me tawa mudu.

Same (Tehellim) 28:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 218 o/o 1678	August 6, 2012
Reading	Hebrew Date
Mikhah (Maika) 1-3	Av 18, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakamatei Ira Na Tawacala o Sha’ula (Sha’ul Kills The Innocent)

Thought: Desperate People Will Punish The Innocent, Using Lame Excuses?

................. 

Serving For Yom Rishon, Av 17, 5772

MAI NA NEVI’IMI RISHONIMI (FROM THE NEVI’IM RESHONIM)

Sa mani biubiu mai keya o Dawide, qai dro i na qara mai 'Edulama; ia ni ratou rogoca o ratou na tuakana kei ira na lewe ni matavuale i tamana, era qai lakovi koya sobu i keya. 2 Era soqoni vata yani vua o ira kecekece era lomaleqaleqa, o ira na tamata era dinau tu, kei ira era sega ni vakacegui, sa qai nodra turaga tu o koya; era a tiko vata kei koya e rauta e vanadrau na tagane. 3 O Dawide a qai lako i Mizipaa mai Mo'ave; oti qai kaya o koya vua na nodra tui na Mo'avi, Laivi tamaqu kei tinaqu me rau mai vakaitikotiko vata kei iko, me yacova ga niu sa kila se cava e na cakava vei au na Kalou (Mighty One).   4 A mani biuti rau tiko vata kei na nodra tui na Mo'avi; rau a qai tiko vata kei koya e na gauna kece a tiko kina o Dawide mai Mizipa. 5 Kaya na parofita o Qoda vei Dawide Kakua ni tiko e Mizipaa; biubiu mo lako i na vanua i Ya'huda. A qai biubiu o Dawide qai lako i na Veikau mai Heresa. 6 E na gauna sa rogoca kina o Sha'ula ni sa qai kune o Dawide, vata kei ira na tamata era ilala tiko vata kei koya, (e na gauna qo o Sha'ula a duri tu kina mai Qiva'a e na ruku ni vuni alamodi mai Ramaa, ka taura toka e ligana na nona moto, era qai duri wavokiti koya tu na nona dauniveiqaravi); 7 Oti qai kaya o Sha'ula vei ira na nona dauniveiqaravi era duri wavokiti koya tu, Ni vakarorogo mada, kemuni na tagane ni Biniyamini; e na rawa beka vua na luvetagane i Yishai me solia vei kemuni na were kei na veivaini, ka lesi i kemuni kece moni komada ni le yaudolu kei na le yadrau; 8 O kemuni kece oni sa bukiveretaki au, baleta ni sega ni dua e mai vakaraitaka vei au, na gauna rau a cakava kina na nodrau veidinadinati me rau sa to, o luvequ tagane kei na luvetagane i Yishai; ka sega ni bau dua vei kemuni e bau lomani au kina, qai sega ni bau dua e mai tukuna vei au ni sa vakayarayarataki ira na noqu dauniveiqaravi o luvequ tagane, me ra saqati au, me ra qai lawavaki au, me vaka sa yaco tu e na siga oqo? 9 E sauma sara mai o  Do'eqa na Idomi, o koya a lesi me dau vakaraici ira na dauniveqaravi i Sha'ula, ni kaya, Au a raica na luve i Yishai e na gauna a lako yani kina i Nova, vei Akimeleki, na luve i Akituva na kohena. 10 O koya a lai vakatataro vei Yahuwe (YHWH) e na vukuna, qai solia vua na ivaqa, ka solia vua na seleiwau i Qoliyata na Pi'lishiti. 11 Na tui a qai vakaroti Akimeleki na kohena, na luve i Akituva, vata kei ira kece na matavuvale i tamana, oya o  ira na kohanimi mai Nova, me ra basika yani vua; o ira kece era qai lako mai vua na tui. 12 Kaya o Sha'ula vua, Rogoca mada qo, au kerei iko, luvetagane i Akituva. Sauma o koya, O au saka oqo, noqu turaga (master). 13 Oti sa qai kaya vua o Sha'ula, Na cava o bukiveretaki au kina, o iko kei na luvetagane i Yishai, e na nomu solia vua na ivaqa, kei na seleiwau, o qai vakataroga na Kalou (Mighty One) e na vukuna, me rawa ni tu mai  o koya me saqati au e na nona lawavaki au, me vaka sa yaco tu nikua? 14 O Akimeleki na kohena a qai sauma vua na tui ni kaya, Ia o cei beka vei ira kece na nomuni dauniveiqaravi e dau yalodina me vakataki Dawide, o koya na vugomuni na tui, ni dau  muria na nomuni vosa, ka dau dokai e na loma ni nomuni vale? 15 O au beka, au a qai tekivu tu ga meu vakataroga na Kalou (Mighty One) e na vukuna, e na siga oqo? Qori e yawa kalia sara mai  vei au; laiva na tui me kakua ni vakasamataka e dua na ka cala vua na nomuni dauniveiqaravi, se vei ira na lewe ni matavuvale i tamaqu; baleta na nomuni dauniveiqaravi e sega ni kila kina e dua na ka, lailai se levu. 16 Kaya na tui, O iko o sa na vakamatei dina, Akimeleki; o iko kei ira kece na lewe ni matavuvale i tamamu.

1 Samuela (Sh’mu’yl Alef) 22:1-16

NA IVAQA NI BULA (FOOD FOR THE SOUL)

Kakua ni kaya, Au veisausaumitaka na ca; ia waraki Yahuwe (YHWH) ga, o koya e na qai vueti iko. 23 Na ivakarau ni bibi e sega ni toka dei, e vakasisila vei Yahuwe (YHWH),  na ivakarau e lasutaka na bibi, e sega ni vinaka.

Vosa Vakaibalebale (Mishlei) 20:22-23

LOMANI YAHUWE NA NOMU KALOU (LOVE YHWH YOUR MIGHTY ONE)

Rogoca, i Yahuwe (YHWH), na domoqu niu kaci yani vei kemuni; lomani au ka tama mai vei au: 9(8) Na vuniyaloqu e kaya yani vei kemuni, laiva na mataqu me vaqara na matamuni. 10(9) Kakua ni vukica tani na matamuni, mai vei au, i Yahuwe (YHWH); kakua ni vakaleqa na nomuni dauniveiqaravi e na leva; oni dau noqu dauniveivukei i Yahuwe (YHWH); kakua ni ceburaki au laivi, se biuti au tani, noqu Kalou (Mighty One) ka noqu ivakabula. 11(10) E dina ga ni rau sa guilecavi au o tamaqu vata kei tinaqu, o Yahuwe (YHWH) sa tauri au cake. 12(11) Vakatavulica vei au na nomuni sala i Yahuwe (YHWH), tuberi au e na sala dodonu. 13(12) Kakua ni soli i au laivi i ligadra na kequ meca; baleta era sa mata cake mai na ivakadinadina lasulasu me ra saqati au, ka ra sa cavuta tiko na vosa ni veivakalolomataki. 14(13) Ia au vakabauta, niu raica tiko na yalovinaka i Yahuwe (YHWH) e na nodra vanua na bula. 15(14) Vakararavi vei Yahuwe (YHWH), yaloqaqa tiko; io nuitaki Yahuwe (YHWH) ga.

Same (Tehellim) 27:8(7)-15(14)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 217 o/o 1677	August 5, 2012
Reading	Hebrew Date
Yonah (Jonah) 1-4	Av 17, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vuni Sivo Nei Sha’ula (Reason For Sha’ul’s Sacking)

Thought: To Obey Is Better Than Sacrifice

.................... 

Serving For The 8^th April, 2010

Sauma o Shi'mu'yili ni kaya, O Jiova (Yahweh) e sega ni taleitaka na isoro kama kei na imadrali, me tautauvata kei na Nona vinakata vua e dua me talairawarawa i na nona vosa? Raica, na talairawarawa e vinaka vakaoti cake mai na isoro; kei na vakatudaliga mai na uro ni sipi tagane. 23 Na cakaisausau e tautauvata kei na talatalaidredre; na cakaisausau e dua na cala vakadomobula. Baleta ni o vakanadakuya na vosa i Jiova (Yahweh), o koya talega e na sega ni vinakati iko mo tui tale tiko.

24 ¶ Kaya sara o Sha'ula vei Shi'mu'yili, Au sa valavala ca; au sa voroka na ivakaro nei Jiova (Yahweh) vata kei na nomu vosa, baleta au rerevaki ira na tamata au qai muria na nodra vosa. 25 Au kerea kina qo, vosota na noqu ivalavala ca, ka lesu vata kei au, meu rawa ni lai sokalou vei Jiova (Yahweh).  26 Kaya o Shi'mu'yili vei Sha'ula, Au na sega ni lesu i vale vata kei iko; baleta o iko o sa vakanadakuya na vosa i Jiova (Yahweh), ia o Jiova (Yahweh) talega sa sega ni vinakati iko mo tui tale tiko vei ira na Isira'yili. 27 Ni vuki o Shi'mu'yili me sa vakarau lako, a qai taura o Sha'ula na buini nona isulu, qai kadresu. 28 Kaya vua o Shi'mu'yili, O Jiova (Yahweh) sa dresuka na matanitu o Isira'yili mai vei iko e na siga edai, ka sa solia vua e dua na wekamu e vinaka cake mai vei iko.

1 Samuela (Sh’mu’yl Alef) 15:22-28

Baleta na noqu vakasama e sega ni tautauvata kei na nomuni vakasama, na noqu ivakarau talega e sega ni tautauvata kei na nomuni ivakarau, e kaya o Jiova (Yahweh). 9 Ia me vaka ni cecere cake na  lomalagi mai vuravura, e vakakina na cere ni noqu ivakarau mai na nomuni ivakarau kei na noqu vakasama mai na nomuni vakasama.

 Aisea (Yesha’yahu) 55:8-9.

Read The Scriptures (Tanakh) in a Year
Siga (Day)/Blog	Tikinisiga (Date)
98/Blog No. 1238	April 8, 2011.
Reading	Hebrew Date
Ruci (Rut) 1-4	Nissan 4,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vala Kei Pi’lishitimi? (War With P’lishtim?)

Thought:  For The Sake Of His Name, Yahweh Will Save

 ...........................

Serving For Yom Khah Mee-shee, Nissan 3, 5771

Ni sa yabaki rua oti na nona veiliutaki tiko vakatui e Isira'yili, o Sha'ula, 2 A qai digitaka vakataki koya e tolunaudolu na tagane ni Isira'yili; e rua na udolu era a tiko vata kei koya mai Mikimasi e na ulunivanua mai Beiti-Yili, ka duanaudolu era a tiko vata kei Yo'natani na luvena tagane mai Ramaha e Biniyamini; o ira na vo ni tamata a qai vakasukai ira i na nodra dui vale. 3 O Yo'natani e a mokuta na nodra keba vakaivalu na kai Pi'lisitimi e tiko maiQe'va; era qai rogoca na kai Pi'lisitimi. O Sha'ula a qai uvuca na davui e na loma ni vanua taucoko, qai kaya, Laivi ira na 'Ibiriyi vata kei Isira'yili taucoko me ra rogoca na itukutuku, 4  Ni sa mokuta na nodra keba vakaivalu o Sha'ula, ka ra sa rawai ira na kai Pi'lisitimi, o ira na Isira'yili. Era qai kacivi vata kece na tamata me ra muri i Sha'ula i  Qiliqali.  5 Era mani soqo na kai Pi'lishitimi me ra valuti ira na Isira'yili; e tolusagavulu na udolu na qiqinivala, ononaudolu na sotia vodoose kei ira na tamata era vaka na mataninuku e matasawa na kedra iwiliwili; era qai toso mai me ra mai keba toka mai Mikimasi, vaka i na vuaicake kei Beiti-Yili. 6 Ia ni ra raici ira o ira na Isira'yili, e a qai curumi ira na domobula; era qai lai dui vuni e na veiqaravatu, e loma ni qara, e daku ni veivatu, i na veiqakilo kei na qara. 7 Eso vei ira na 'Ibiriyi, era a takosova na Yadani i na vanuá nei Qoda vata kei Qili'ade. Ia o Sha'ula a tiko voli ga mai Qiliqali, ka ra tiko vata kei koya o ira na tamata.

8 ¶ A wawa tiko o koya me vitu na siga, me vaka a lokuca tu o Shi'mu'yili; ia e sega tiko ga ni yaco yani i Qiliqali o Shi'mu'yili; ka ra sa biuti Sha'ula tiko vakamalua o ira na tamata. 9 A mani kaya o Sha'ula, Kauta mai ke vei au na isorokama, oti qai vakacabora e dua na isoro ni tiko sautu kei na isorokama. 10 Ni vakacabora oti sara tu ga na isorokama, raica a qai yaco yani o Shi'mu'yili; qai lako yani o Sha'ula me lai tavaki koya me rawa ni vakalougataki koya.

 1 Samuela (Sh’mu’yl Alef) 13:1-7

Baleta o ira na daucakaca era na muduki laivi; ia o ira era vakabauti Jiova (Yahweh) era na taukeni vuravura me kedra ivotavota. 10 E na dua na gauna lekaleka mai oqo, o ira era dau cakaca era sa na oti vakadua; io, ni o vaqara na nona itikotiko o na sega ni kunea;

Same (Tehellim) 37:9-10

Read The Scriptures (Tanakh) in a Year
Siga (Day)/Blog	Tikinisiga (Date)
97/Blog No. 1237	April 7, 2011.
Reading	Hebrew Date
Dauveilewai (Shof’tim) 20-21	Nissan 3,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.