Vakamatei O Yo’ave. (Yo’ave Killed)

Thought: We Must Always Consider And Resolve To Do What Is Right

..................... 

Serving For Yom Rishon, Tishrei 7, 5773

MAI NA NEVI’IMI RISHONIMI (FROM THE NEVI’IM RESHONIM)

Vei Eviyataa na kohena, a kaya na tui, Lako i Anatota, i na nomu vanua; baleta o iko o sa dodonu mo mate; ia au na sega ni biuti iko mo vakamatei e na gauna oqo, baleta ni o a colata na kato i Yahuwe (YHWH) e na mata i Dawide na tamaqu, baleta talega ni o a vakararawataki e na veika kece a vakararawataki kina o tamaqu.  27 Qori a qai vakasivoi Eviyataa kina o Sholomo, me sa kakua ni kohena tiko vei Yahuwe (YHWH); me qai yaco kina na vosa a kaya o Yahuwe (YHWH), me baleta na vale i 'Yilai mai Shailo. 28 Ia a qai rogo vei Yo'ave na itukutuku ni sa vakamatei o Adonaiya (o Yo'ave a muri i Adonaiya, e dina ga ni a sega ni muri i Avishalome), a mani dro o Yo'ave i na vale tabu i Yahuwe (YHWH), qai lai vaqaraa na veitaqomaki ni ileu ni icabocabo ni isoro. 29 Qori a lai tukutukutaki vei Tui Sholomo ni o Yo'ave sa dro i na vale tabu i Yahuwe (YHWH), ka sa lai vaqara me taqomaki e na ileu ni icabocabo ni soro. Qori a qai talai Be'nayahu kina, na luvetagane i Yo'hoiyada, o Sholomo ni kaya vua, Lako lai samuti koya. 30 O Be'nayahu a qai lako i na vale i Yahuwe (YHWH) qai lai kaya vua, Oqo na ka e kaya mai na tui, Curu mai ituba. Ia qai kaya o koya, Sega, au na sega ni curu ituba, au na mate ga eke. O Be'nayahu qai kauta na kena itukutuku vua na tui ni kaya, Qo na ka e kaya o Yo'ave, me sauma na ka au kaya vua. 31 Kaya na tui vua, Cakava sara vua  me vaka e kaya, vakamatei koya, qai lai buluti koya sara, me rawa ni kau laivi kina na dra tawacala e a vakadavea o Yo'ave, mai vei au ka vaka kina mai na vale i tamaqu. 32 O Yahuwe (YHWH) e na vakasuka lesu na nona dra i uluna ga o koya vakataki koya; baleta a vakamatea e rua na tagane, rau dodonu cake ka vinaka cake mai vua e na seleiwau, ka sega ni kila kina e dua na ka o Dawide na tamaqu, oya o rau o Avenaa na luvetagane i Neri, na komada ni mataivalu i Yisira'yili, kei 'Amasa na luvetagane i Yeta, na komada ni nodra mataivalu na Ya'huda. 33 Na nodrau dra e na vakasukai ga i na ulu i  Yo'ave, kei na uludra na nona kawa me tawamudu; ia vei Dawide, kei ira na nona kawa, vata kei na nona vale kei na nona idabedabe ni veiliutaki vakatui, sa na vagalalataka o Yahuwe (YHWH) e na sautu me tawa mudu. 34 A mani lako cake o Be'nayahu na luvetagane i Yo'hoiyada, qai lai mokuti koya ka vakamatei koya, qai buluti koya e na nona ibulubulu e na loma ni vanua liwa.

M’lakhim Alef (1 Tui) 2:26-34

NA IVAQA NI BULA (FOOD FOR THE SOUL)

O cei e tu na vuna me vakaoilei kina? O cei e tu na vuna e na leqa kina? O cei e tu na vuna e na veileti kina? E cei e tu na vuna e na sotava kina na dredre? O cei e mavoa tu ga vakasakasaka? O cei sa wadadamu tu na yaloca ni matana? 30 O ira ga era dau gunu waini vakadede; era qai dau vaqara na vanua ni gunu. 31 Kakua ni vaqoroqoroya na waini ni damudamu tu, ni sa solia tu mai na rokana e na loma ni kena bilo, kei na gauna sa drodro malua sobu kina. 32 Baleta e muri e na qai kati me vaka na gata, ka kata me vaka na ada (adder), 33 Na matamu e na raica na veika tawakilai kei na vuniyalomu e na kaya na veika veilecayaki. 34 Io, o iko o na nanuma ga ni o dadavo tu e na maliwa ni waitui, se o davo tu e na dela ni ivana. 35 Era vakavaculaki au, ia au qai sega ni vakila, era mokulaki au, au qai sega tu ni kila; ia e na gauna ga au yadra kina; au na baci lai vaqara tale.

Mishlei (Vosa Vakaibalebale) 23:29-35

LOMANI YAHUWE NA NOMU KALOU (LOVE YHWH YOUR MIGHTY ONE

E NA vukuna na iliuliu. Laga vata kei na ivakatagi wa. E dua na sere, e dua na Same. 2(1) Kemuni na Kalou (Mighty One) ni yalololoma mai vei keimami, ká vakalougatataki keimami; ka cakava na matamuni me serau mai vei keimami, 3(2) Me rawa ni kilai e vuravura na nomuni ivalavala, kei na nomuni dau veivueti vei ira na veimatanitu kecega. 4(3) Laivi ira na tamata me ra vakamuduo vei kemuni, kemuni na Kalou (Mighty One) laivi ira na tamata me ra vakamuduo vei kemuni. 5(4) Laivi ira na veimatanitu me ra mamarau ka lagalaga sere ni reki, baleta o kemuni oni na vakatulewa vakadodonu, ka vakavulewa e na veimatanitu e vuravura. 6(5) Laivi ira na tamata me ra vakamuduo vei kemuni, kemuni na Kalou (Mighty One), laivi ira na tamata me ra vakamuduotaki kemuni, 7(6) Qori ga e na qai vuataka kina na kena tubu na vanua; ia o Yahuwe (YHWH) na noda Kalou (Mighty One) e na qai vakalougatataki keda 8(7) O Yahuwe (YHWH) e na vakalougatataki keda; na iyalayala kei vuravura era na rerevaki koya.

Tehellim (Same) 67:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 267 o/o 1727	September 23, 2012
Reading	Hebrew Date
Tehellim (Same) 110-114	Tishrei 7, 5773 (7th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Domobula O Adonaiya (Adoniyah Was Most Troubled)

Thought: Never Take Things For Granted Against The Existing Order.

...................... 

Serving For Yom Chamishi, Tishrei 4, 5773

MAI NA NEVI’IMI RISHONIMI (FROM THE NEVI’IM RESHONIM)

Kena ikuri, o ira na dauniveiqaravi ni tui era sa lai vosa vakalougatataka na noda turaga o Tui Dawide ni ra kaya, Me qai vakalevuya mada ga na yaca i Sholomo o Yahuwe (YHWH) na nomuni Kalou (Mighty One), me na daumaka vakalevu cake sara mai na yacamuni, ka cakava na nona idabedabe vakatui me cecere cake sara mai na nomuni idabedabe vakatui.  Na tui mada ga a qai cuva (e na vakarokoroko) e na dela ni nona idavodavo. 48 Oqo talega na ka a qai kaya na tui, Me vakavinavinakataki o Yahuwe (YHWH) na Kalou (Mighty One) i Yisira'yili, o koya e solia vei au e dua na luvequ tagane me dabe e na noqu i dabedabe vakatui edaidai; au qai raica sara ga, o au e na mataqu. 49 A qai tuburi ira kece na vulagi e a sureti ira o Adonaiya, na domobula, era qai tu, na tamata yadua, me ra lako yani e na nodra dui ilakolako.  50 O Adonaiya e a tubu na nona domobula e na vuku i Sholomo, qai tucake o koya me lako me lai taura tu na ileu ni icabocabo ni soro. 51 A qai lai tukutukutaki vei Tui Sholomo, Kemuni, o Adonaiya sa domobulataki kemuni vakalevu, ka sa lai vaqara me taqomaki, e na ileu ni icabocabo ni soro, qai kaya tiko, Laivi Tui Sholomo me bubuluitaka vei au e na siga oqo, ni na sega ni vakamatea o koya e na seleiwau na nona dauniveiqaravi. 52 Ia o Sholomo a qai kaya, Kevaka e vakaraitaki koya ni tamata yaga, e na sega ni dua na drauniuluna e na lutu i na dela ni qele; ia ke kune vua na ivalavala tawa kilikili, e sa na mate dina ga. 53 A qai talatala o Tui Sholomo, era qai kauti koya sobu mai na  icabocabo ni soro. A lako mai o koya, qai cuva e na vakarokoroko vei Tui Sholomo; qai vosa vua o Tui Sholomo ni kaya, Lako i nomu vale.

M’lakhim Alef (1 Tui) 1:47-53

NA IVAQA NI BULA (FOOD FOR THE SOUL)

Na tamana na yalododonu e na reki vakalevu;ia o koya e vakatubura e dua na gone vuku, e na mamarau.

Mishlei (Vosa Vakaibalebale) 23:24

LOMANI YAHUWE NA NOMU KALOU (LOVE YHWH YOUR MIGHTY ONE

E NA vukuna na iliuliu. E dua na Same i Dawide; e dua na sere. 2(1) Na vakavinavinaka mai Saiyoni e rakorako kei kemuni, kemuni na Kalou (Mighty One); vei kemuni na bubului era na vakayacori. 3(2) O kemuni oni dau rogoca na masu, vei kemuni na kabula taucoko era na toso mai. 4(3) Na nodra vosa na ca, sa rawai au tiko; ia na neimami talatalaidredre, o kemuni oni na vakasavasavataka. 5(4) E kalougata na tamata oni taleitaka, o koya oni a vakavuna me toso mai vei kemuni, me rawa ni mai vakaitikotiko e na loma ni nomuni bai, me ra qai vakacegui e na vinaka ni nomuni vale, oya na nomuni vale tabu. 6(5) Mai na lagilagi ni nomuni yalododonu vosa mai vei keimami, kemuni na Kalou (Mighty One) ni neimami vueti e inuinui ni veika kece me yaco i na yalayala kei vuravura, kei na tamata kece era se tu mai vakayawa.

7(6) ¶ O koya e vakataudeitaka na veiulunivanua e na nona kaukaua; ka vakaitamera e na nona lewa (power). 8(7) O koya e vakamaravutaka na cavaa e wasawasa kei na vavadugudugu ni biau, kei na nodra tataivatia na tamata. 9(8) O ira era vakatawani vuravura era na sautaninini e na nomuni mana, mai na cadra ni siga, me yaco i na yakavi. 10(9) E na dokai, o kemuni oni a talevi vuravura, oni qai vakasuasuataka; oni vakalougatataka e na sautu, ka vakabulabulataka vakalevu sara e na uciwai ni Kalou (Mighty One) e dau sinai tu ga e na wai, 11(10) Oni vakasuasuataka na qele sa vakarautaki me teivaki; me rawata mai na vuata, oni qai vakamiraca kina na uca mamada ka vakalougatataka. 12(11) Oni vakalougataka (crown) na yabaki e na  nomuni vinaka; na luve ni bulamakau e bulabula vakaoti na nodra bai ni kana.13(12) Era na vakamamautaki e na bai ni vakanamanumanu mai lekutu, na veidelana e na vakawavolivoliti e na lagilagi. 14(13) Na bai ni vakanamanumanu e na robota na sipi bulabula; ia na veibucabuca e na vakaisulutaki tu vakadua e na witi; era na reki, era qai lagalaga sere.

Tehellim (Same) 65:1(0)-14(13)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 264 o/o 1724	September 20, 2012
Reading	Hebrew Date
Tehellim (Same) 104-105	Tishrei 4, 5773 (7th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Maivei Adonaiya Kivei Sholomo (From Adoniyah To Sholomo)

Thought: The Prophet Went Into Action To Correct A Possible Breach.

.................. 

Serving For Yom Shlishi, Tishrei 2, 5773

MAI NA NEVI’IMI RISHONIMI (FROM THE NEVI’IM RESHONIM)

Qori a qai lai vosa kina o Natani na parofita vei Bata-Sheva na tina i Sholomo ni kaya, O se bera beka ni rogoca ni sa (buli oti me) tui o Adonaiya na luve i Haqiti, ia o Dawide na noda turaga e se bera tiko ni kila? 12 O koya oya mo lako mai kina, laivi au meu soli ivakasala vei iko, me rawa ni o vueta na nomu bula o iko vakataki iko kei na bula ni luvemu tagane o Sholomo.13 Lako, cakava mo rairai vei Tui Dawide, mo kaya vua, Oni a sega beka, kemuni na noqu turaga na tui, bubuluitaka vua na nomuni vada, e na nomuni a kaya, O Sholomo na luvemu tagane e na veiliutaki vakatui taravi au, o koya e na dabe e na noqu idabedabe vakatui? Ia na cava ga sa veiliutaki kina vakatui o Adonaiya? 14 Ia e na gauna o se vosa tiko kina e na mata ni tui, o au, au na qai curu muri i iko yani meu lai vakadinadinataka na nomu vosa. 15 Sa mani curu, vua na tui o Bata-Sheva i loma ni nona loqi; na tui a sa  qase sara; o Avishaqe na Shunamiti a sa dau qaravi koya tiko. 16 O Bata-Sheva qai cuva vua na tui e na vakarokoroko. Vosa na tui ni taroga vua, Na cava nomu leqa i Bata-sheva? 17 Kaya vua o koya, Noqu turaga na tui, o kemuni oni a bubuluitaka (e na yaca i) Yahuwe (YHWH) na nomuni Kalou (Mighty One), Na luvemu tagane o Sholomo e na veiliutaki  vakatui taravi au, o koya e na dabeca na noqu idabedabe vakatui. 18 Ia raica, o Adonaiya sa veiliutaki tu qo vakatui; ia o kemuni, noqu turaga na tui oni sega tu ni kila; 19 O koya sa vakamatea e levu na okisi, na bulumakau vakalevulevutaki, kei na sipi, ka sa sureti ira kece na luvetagane ni tui, bau kina o Eviyataa na kohena kei Yo'ave na iliuliu ni mataivalu; ia o Natani na parofita, o Be'nayahu na luvetagane i Yo'hoiyada kei Sholomo na nomuni dauniveiqaravi, o koya e a sega ni sureti ratou. 20 Vei kemuni, noqu turaga na tui, na mata kece e Yisira'yili sa rai tiko mai vei kemuni, ni o kemuni oni na tukuna vei ira se o cei e na dabeca na nona idabedabe ni veiliutaki vakatui, noqu turaga na tui me veiliutaki taravi koya. 21 De qai yaco, ni oni sa lako yani,  noqu turaga na tui e na vakacegu moni lai moce vata kei ira na tamamuni, o au vata kei na luvequ tagane o Sholomo keirau na qai wili ni keirau cala. 22 Ni se vosa tikoga o koya e keya e na mata ni tui, sa curu talega yani o Natani na parofita. 23 Era kaya sara vua na tui, Raica, o Natani na parofita sa curu mai. E na gauna ga e curu yani kina i na mata ni tui, a cuva vua o koya ni lutu sobu e matana, i na dela ni buturara, qai vakayacora na nona vakarokoroko. 24 Kaya o Natani, Noqu turaga, na tui, oni sa kaya oti beka, O Adonaiya e na veiliutaki vakatui taravi au, o koya e na dabe e na noqu idabedabe vakatui! 25 Baleta o koya e sa lako sobu e na siga oqo, ka sa lai vakamatea e levu na okisi, na manumanu uro, kei na sipi, ka sa sureti ira kece na luvetagane ni tui, na komada ni mataivalu kei  Eviyataa na kohena; ia raica, era sa kana ka gunu tiko e matana, ka ra kailavaka tiko, Me bula balavu o Tui Adonaiya. 26 Ia o au, io o au na nomuni dauniveiqaravi, o Zadoka na kohena, o Be'nayahu na luvetagane i Yo'hoiyada, kei na nomuni dauniveiqaravi o Sholomo, o koya a sega ni sureta. 27 Na ka kece oqo, era a caka kece beka   e na lewa ni noqu turaga na tui; oni qai sega ni tukuna vei ira na nomuni dauniveiqaravi, se o cei e dodonu me dabeca tarava na nona idabedabe vakatui na noqu turaga na tui? 28 Oti sa qai vosa o Tui Dawide ni kaya, Kacivi Bata-Sheva mada mai vei au. A qai lako mai o koya i matana na tui, qai mai tucake tu e na mata ni tui. 29 A qai bubului vua, na tui, ni kaya, Me vaka ni bula tiko o Yahuwe (YHWH), o koya e (dau) vueta na noqu bula mai na veileqaleqa taucoko, 30 Me vaka au a bubuluitaka vei iko e na yaca i Yahuwe (YHWH) na Kalou (Mighty One) ni Yisira'yili, e na noqu a kaya, O Sholomo na luvemu tagane e na veiliutaki vakatui taravi au, o koya ga e na dabeca na noqu idabedabe vakatui; qori sara ga na ka au na cakava e na siga edaidai. 31 Oti oya o Bata-Sheva a qai lutu sobu e matana me tara na qele, qai vakayacora na nona vakarokoroko vua na tui, ni kaya, Laiva na noqu turaga  o Tui Dawide me bula tawa mudu.

M’lakhim Alef (1 Tui) 1:11-31

NA IVAQA NI BULA (FOOD FOR THE SOUL)

Vakarorogo vei tamamu, o koya e a vakatuburi (begot) iko; kakua ni vakasisilataki tinamu e na gauna sa qase kina.

Mishlei (Vosa Vakaibalebale) 23:22

LOMANI YAHUWE NA NOMU KALOU (LOVE YHWH YOUR MIGHTY ONE

NA Same i Dawide e na gauna a tiko kina e na vanua dravuisiga mai Ya’huda. 2(1) Kemuni na Kalou (Mighty One), o kemuni oni noqu Kalou (Mighty One); E na gumatua au na vaqarai kemuni; na noqu bula (soul) e via gunu mai vei kemuni, na lewequ e gadrevi kemuni, e na loma ni dua na vanua mamaca ka mate, e sega kina na wai: 3(2) Au vakasamataki kemuni ni oni savasava vakaoti, au qai raica na nomuni kaukaua kei na nomuni dokai

4(3) ¶ Baleta na nomuni loloma e uasivita na bula, na tebenigusuqu e na vakacaucautaki kemuni, 5(4) Qori au na vakavinavinaka tiko kina vei kemuni niu se bula tiko; au na laveta cake na ligaqu e na yacamuni.  6(5) Na noqu bula (soul) e na vakabulabulataki e na kena sosoko kei na kena uro, ia na gusuqu e na vakacaucautaki kemuni e na tebenigusu mamarau. 7(6) Au nanumi kemuni e na noqu imocemoce, kau vakanananu me baleti kemuni e na tiki ni lomaloma ni bogi. 8(7) Baleta o kemuni oni dauniveivuke vei au, o koya oya au na reki kina e na iyaloyalo (shadow) ni tabamuni. 9(8) Na noqu bula e muri i kemuni tiko vagumatua: na ligamuni imatai e tabei au cake tiko. 10(9) Ia o ira era vaqara tiko na noqu bula (soul) me ra vakarusa, era na lako sobu i na tikina lolovira kei vuravura. 11(10) Era na bale e na se!eiwau: era na kedra ivotavota na fokisi, 12(11) Ia na tui e na mamarau ga vei Yahuwe (YHWH); o ira kece era bubului vua era na lagilagi; ia na gusudra o ira era dau lasulasu e na vagalui.

Tehellim (Same) 63:1(0)-12(11)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 262 o/o 1722	September 18, 2012
Reading	Hebrew Date
Tehellim (Same) 98-101	Tishrei 2, 5773 (7th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Buli me Tui o Sholomo (Shlomo Anointed King)

Thought: No One Is Greater Than Yahweh

 ...................

Serving For Shabbat, Iyar 3, 5771

Kaya o Tui Davide, Kacivi Sadoka na kohena mai vei au; vata kei Natani na parofita; kei Ba'naya na luve i Ya'hoiyada. Eratou a qai lako mai i na mata ni tui. 33 Kaya vei iratou na tui, Dou lako mo dou lai kauta na dauniveiqaravi ni nomudou turaga, mo dou lai vakavuna me vodoka na noqu miule o Sholomo na  luvequtagane, mo dou kauti koya sobu i  Qikiona; 34 Qai laivi Sadoka na kohena kei Natani na parofita me rau lumuti koya mai keya, me sa nodra tui na Isira'yili: ka me qai uvu na biukila, ka kacivaki, Me bula balavu o Tui Sholomo. 35 Oti mo dou qai muri i koya cake mai, me mai dabeca o koya na noqu idabedabe vakatui; me sa tui e Isira'yili kei Yahuda. 36 Sauma o Ba'naya na luve i Ya'hoiyada ni kaya vua na tui, Omaini: me qai cakava vaka kina o Yahuwe (YHWH) na nomu Kalou (Mighty One).  37 Me vaka ni dau tiko vata kei na noqu turaga (master) na tui o Yahuwe (YHWH) ia me na vakatalega kina; me dau tiko talega kei Sholomo, me qai cakava na nona idabedabe ni veiliutaki vakatui me cecere cake sara mai na nona idabedabe vakatui ni veiliutaki na noqu turaga (master), o Tui Davide.

1 Tui (M’alkim Alef) 1:32-37.

VAKASAUSAU na ligamuni, kemuni na tamata kecekece; kaila vua na Kalou (Mighty One) e na domo ni qaqa. 2 Baleta o Yahuwe (YHWH) Cecere; o koya e dua na tui vakaitamera e vuravura raraba. 3 O koya ga e vakamalumalumutaka na veimatanitu e rukuda kei na veivanua i na ruku ni yavada. 4 O koya e digitaki keda me noda na ivotavota, e na daumaka nei Ya'akove o koya e nona daulomani.

5 ¶ Na Kalou (Mighty One) sa lako cake e na dua na kaila, o Yahuwe (YHWH) e na rorogo ni davui. 6 Seretaka na vakamolimoli vei Yahuwe (YHWH), lagata na vakavinavinaka vua na noda tui.7 Baleta o Yahuwe (YHWH) e tui e vuravura taucoko; seretaka na vakamuduo vua.8 O Yahuwe (YHWH) e lewai ira na tawalotu; o Yahuwe (YHWH) e dabe toka e na nona idabedabe vakatui tabu. 9 O ira na daunivakavulewa e na veivanua era sa lesu tale vua na Kalou (Mighty One) nei Avarahama; baleta na lewai kei vuravura e nona ga o Yahuwe (YHWH); o koya e na vakacerecerei cake vakalevu.

Same (Tehellim) 47:1-9

Read The Scriptures (Tanakh) in a Year
Siga (Day)/Blog	Tikinisiga (Date)
127/Blog No. 1267	May 7, 2011.
Reading	Hebrew Date
1 Tui (M’lakhim Alef)  14-15	Iyar 3,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.