Na iValavala Ca Me Veivutunitaki (Repent From Sins)

Thought: YHWH Hates Sinners And Will Only Listen To Them After They Repent!

 .......................

Serving For Yom Shlishi, [Fourth Month] Tammuz 10, 5773

 MAI NA NEVI’IMI AKARONIMI FROM THE NEVI’IM ACHARONIM)

Na vosa i Yahuwe (YHWH) e a yaco mai vei Yiremeyahu me baleta na dausiga: 2 O Ya'huda sa vakaloloku tiko, na nona matamata sa malumalumu; era sa dabe toka e na dela ni qele e na yaloluluvu;  ia o Yerushalayimi  e vakatubura tiko e cake e dua na tagi ni yaluma. 3 O ira nona veituraga bale era talai ira tiko na nodra dauniveiqaravi me ra lai talo wai mai; ia ni ra yaco yani i na toevu era qai sega ni kunea kina na wai, era mani lesu mai vata kei na saqa lala. Era madua ka yalolailai, era mani ubia kina na uludra. 4 Baleta na dela ni qele, era sa kakaca, baleta sa sega tiko ni tau na uca, o ira na dauteitei era sa madua; era mani ubia na uludra. 5 O ira na tinatina ni dia e loma ni vanua, ni ra vakasucu, era drovaka na luvedra baleta sa lailai na co. 6 Na asa kila talega, ni tucake tu mai na veidelana talasiga, era qai kere cagi  me vakataki ira na koli kila (jackals); na matadra sa buwawa e na nodra  segata tiko me ra kune kau drokadroka. 7 E dina ga ni neimami caka ca e ivakadinadina saqati keimami, ni bau cakava e dua na ka, i Yahuwe (YHWH),  e na vuku ni yacamuni; baleta na neimami liumuri e vakaitamera na kena ilevu, kemami a dau valavala ca saqati kemuni kina. 8 O kemuni, na inuinui vei Yisira'yili, na dauniveivueti vei ira e na gauna ni tu leqaleqa, na cava beka e dodonu kina moni vulagi e na loma ni vanua, me vaka e dua na dau veilakoyaki e mai cegu mada baleta ni sa bogi? 9 Na cava na vuna moni vaka kina e dua na tamata e kidroa tu, se vaka e dua na qaqa e sega ni rawa ni veivueti? O kemuni i Yahuwe (YHWH), oni tiko sara ga oqo vata kei keimami, o keimami,  keimami dau colata tiko na  yacamuni; kakua ni biuti keimami! 10 Oqo na ka e kaya o Yahuwe (YHWH) vei ira na tamata oqo; Era taleitaka vakalevu me ra lako sese, era sega ni tarova na yavadra; qori sa sega kina ni vinakati ira o Yahuwe (YHWH). Qo, o koya sa na nanuma na nodra caka cala; e na qai totogitaki ira o koya e na vuku ni nodra ivalavala. 11 Oti qai kaya vei au o Yahuwe (YHWH) Kakua ni masulaki ira na tamata qo, se na veika era na vinaka kina. 12 Ni ra lolo, au na sega ni rogoca na nodra tagi; ni ra cabora na isorokama se na isoro laukana, au na sega ni ciqomi ira. Ia au na vakarusai ira e na ivalu, na dausiga kei na mate dewa.

Yiremeyahu (Jeremaia) 14:1-12

NA IVAQA NI BULA (FOOD FOR THE SOUL)

Na vakavuveivala, e tautauvata ni vakalaivi na wai me drodro kosova e dua na ba ni ua (dyke), e vinaka cake me tarovi na veiba, ni se bera ni tubu me ca sara vakalevu. 15 ¶ O koya e vakadonui koya e ca, kei koya e vakacalai ira na dodonu, o rau ruarua e rau vakasisila e na mata i Yahuwe (YHWH).

Mishlei (Vosa Vakaibalebale) 17:14-15

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe; I Yahuwe (YHWH), nanumi Dawide kei na  veileqa kecekece e dau vosota tu, 2 Ni a bubuluitaka vei Yahuwe (YHWH) o koya, ka yalataka vua na Kalou (Mighty One) i Ya'akove ni kaya, 3 Au na sega ni curu i na vale au a dau vakaitikotiko kina se lai davoca na noqu loga ni moce, 4 Au na sega ni vakadonuya meu moce  se me bobo mada ga na bekabeka ni mataqu, 5 Me yacova niu sa kunea e dua na vale nei Yahuwe (YHWH); me dua na nona itikotiko na Kalou (Mighty One) i Ya'akove. 6 Keimami a rogoca oqori mai Efarata; keimami a qai kunea e na were nei Ya’ara. 7 Laiva mada meda lako i na nona itikotiko meda lai cuva vua e na vakarokoroko, e na ruku ni ibutubutu ni yavana. 8 Lako cake i Yahuwe (YHWH), i na nomuni vanua ni vakacegu; o kemuni kei na kato, oni dau solia mai kina na nomuni kaukaua: 9 Me ra qai vakasulumi mada ga o ira  na nomuni kohanimi e na yalododonu; me ra kaila mada ga o ira era yalodina vei kemuni e na mamarau. 10 E vukuna na nomuni dauniveiqaravi o Davide, kakua ni vukica tani na mata ni nomuni lumuti ledua. 11 O Yahuwe (YHWH) e bubuluitaka e dua na yalayala vei Davide, e dua na yalayala e na sega ni voroka: E dua vei ira na luvemutagane mai yagomu o ira vakataki iko, au na vakatikora e na nomu i dabedabe vakatui. 12 Kevaka era bula muria na noqu veiyalayalati kei na noqu ilesilesi o ira na luvemutagane, na kena au na vakatavulica vei ira, kei ira na nodra kawa talega, me tawamudu, [o ira] era na dabeca na nomu idabedabe vakatui. 13 Baleta o Yahuwe (YHWH) sa digitaki Zaiyoni; o koya e a vinakata me nona itikotiko. 14 Oqo na noqu ivakavakacegu me tawamudu, au na mai vakaitikotiko eke, baleta niu gadreva vakalevu. 15 Au na vakalougatataka, me levu na kedra kakana (meat), au na solia me ra vakasinaiti e na kakana, o ira era kena dravudravua. 16 O ira era kena kohanimi, au na vakasulumi ira e na bula, o ira na kena yalodina era na kaikaila e na mamarau. 17 Au na bulia e dua na tui me tubu mai keya mai vei ira na kawa i  Davide; au na qai vakarautaka e dua na icina vua na noqu lumuti le dua. 18 O ira na kena meca au na  vakasulumi ira e na madua; ia vua au na tokara vua e dua na isalavakatui ramase.

Tehillim (Same) 132:1-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 269 in 5773 (Total 1996)	June 18, 2013
Reading	Hebrew Date
M’lakhim Alef (1 Kings) 9-10	M #4: Tammuz 10, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iTotogi Kei Dawide (Dawid’s Punishment)

Thought: Dawid Wanted To Be Punished Personally For His Own Sin

 ..........................

Serving For Yom Rishon, Elul 29, 5772

MAI NA NEVI’IMI RISHONIMI (FROM THE NEVI’IM RESHONIM)

Lako lai kaya vei Dawide, Au sa vakotora vei iko e tolu na ka, digitaka  e dua vei ira me yaco vei iko, meu rawa ni vakayacora vei iko. 13 A mani lako o Qoda vei Dawide qai tukuna vua, ni kaya, E vakaevei, me yaco vei iko e vitu na yabaki na dausiga e na loma ni nomu vanua? Se o vinakata mo dro vula tolu mai matadra na kemu meca, ni ra vakasasataki iko tiko? Se me veitauvi e dua na mate ca me tolu na siga e na loma ni nomu vanua? Vakasamataka mada na cava o vinakata meu kauta lesu vei koya e a talai au mai. 14 Oti qai sauma o Dawide vei Qoda, Au sa lomaleqaleqa vakalevu, e vinaka cake vei au, meu totogitaki e na liga i  Yahuwe (YHWH) na nodra Kalou (Mighty One); baleta na nona yalololoma e dau vakaitamera;  laiva meu kakua ni lutu i ligadra na tamata. 15 A qai tala mai e dua na matedewa levu o Yahuwe (YHWH) vei ira na Yisira'yili e na mataka oya me yacova na siga lokuci,  era qai mate kina vei ira na tamata mai Dani me yaco i Bi'eri-Sheva e vitu na udolu na tamata: 16 Ni qai dodoka tale na ligana na mala'aka vaka i Yerushalayimi me sa vakarusa, a qai veivutunitaka o Yahuwe (YHWH) na ca sa yaco, qai kaya vua na mala'aka ni mate, e a vakarusai ira tiko na tamata ni kaya vua, Sa rauta, tarova na ligamu. Na mala'aka i Yahuwe (YHWH) e a duri tu e na yasa ni buturara ni samusamu nei Aravanaa na Yu'vusii. 17 O Dawide a qai vosa vei Yahuwe (YHWH) ni sa raica na mala'aka e samuti ira tiko na tamata ni kaya, Ni raica ni o au, au valavala ca, o au, au a vakavuna na na ca a yaco, ia o ira na sipi oqo, na cava beka era a cakava? Laiva na ligamuni me tarai au ga kei ira na lewe ni matavuvale i  tamaqu.

18 ¶ O Qoda a qai lako mai vei Dawide e na siga oya, qai kaya vua, Lako cake, mo lai tara e dua na icabocabo ni soro vei Yahuwe (YHWH) e na buturara ni samusamu mai Aravanaa na Yu'vusii. 19 Lako cake o Dawide me vaka na vosa i Qoda, me vaka a vakarota vua o Yahuwe (YHWH). 20 E na gauna e vuki kina o Aravanaa na Yu'vusii qai raica na tui kei ira na nona dauniveiaravi ni ra lako tiko yani vua, o Aravanaa, a lutu sobu e matana me vakarokoroko vua na tui, ni tara tu na qele na matana. 21 Vosa o Aravanaa ni kaya, Na cava e lako mai kina na tui, vua na nona dauniveiqaravi? Kaya vua o Dawide, Meu mai volia na buturara ni samusamu mai vei iko, meu rawa ni tara kina e dua na icabocabo ni isoro vei Yahuwe  (YHWH), me tarovi rawa kina na mate dewa levu mai vei ira na tamata. 22 Oti qai kaya o Aravanaa vei Dawide, Laiva na tui me taura ga na  ka e vinaka vua; raica, e tu talega qo na okisi me cabori vaka isorokama, vata kei na iyaya ni siviyara kei na ivua me kena buka. 23 Na ka kece oqo e solia o Aravanaa vua na tui. Kaya talega o Aravanaa vua na tui,  Me qai vakalougatataki iko o Yahuwe (YHWH) na nomuni Kalou (Mighty One). 24 Ia na tui a qai kaya vei Aravanaa, Sega, o au, au na volia dina ga mai vei iko e na isau o na lavaka; o au talega au na sega ni cabora vaka isorokama vei Yahuwe (YHWH) na noqu Kalou (Mighty One) na ka soli vakailoloma soliwale vei au. A mani volia o Dawide na buturara ni samusamu e na yasa ni iteitei vata kei na okisi, e na isau e limasagavulu na shekele siliva. 25 O Dawide a qai tara e keya e dua na i cabocabo ni soro vei Yahuwe (YHWH), qai vakacabora kina na isorokama kei na isoro ni tiko veisautaki. O Yahuwe sa qai vakamasuti e na vuku ni vanua, sa qai muduki na matedewa levu mai vei ira na Yisira'yili.

Samuela (Sh’mu’yl Bet) 24:12-25

NA IVAQA NI BULA (FOOD FOR THE SOUL)

Laiva na vuniyalomu me kakua ni didivaki ira era dau valavala ca; ia mo rerevaki Yahuwe (YHWH) e na loma ni dua na siga taucoko. 18 Baleta e sega sara ga ni vakataraitutu ni dei tiko ga na nomu tabagauna mai muri; kei na nomu inuinui e na sega ni muduki koso.

Vosa Vakaibalebale (Mishlei) 23:17-18

LOMANI YAHUWE NA NOMU KALOU (LOVE YHWH YOUR MIGHTY ONE

NA Same i Dawide e na gauna a tiko kina e na vanua dravuisiga mai Ya’huda. 2(1) Kemuni na Kalou (Mighty One), o kemuni oni noqu Kalou (Mighty One); Vei kemuni au na wawa; na noqu bula (soul) e via gunu mai vei kemuni, na lewequ e gadrevi kemuni me vaka e dua na vanua mamaca ka mate, e sega kina na wai: 3(2) Au vakasamataki kemuni ni oni  savasava vakaoti, au qai raica na nomuni kaukaua kei na nomuni dokai

4(3) ¶ Baleta na nomuni loloma e uasivita na bula, na tebenigusuqu e na vakacaucautaki kemuni, 5(4) Qori au na vakavinavinaka tiko kina vei kemuni niu se bula tiko; au na laveta cake na ligaqu e na yacamuni. 6(5) Na noqu bula (soul) e na vakabulabulataki e na kena sosoko kei na kena uro, ia na gusuqu e na vakacaucautaki kemuni e na tebenigusu mamarau. 7(6) Au nanumi kemuni e na noqu imocemoce, kau vakanananu me baleti kemuni e na tiki ni lomaloma ni bogi. 8(7) Baleta o kemuni oni dauniveivuke vei au, o koya oya au na reki kina e na iyaloyalo (shadow) ni tabamuni. 9(8) Na noqu bula e muri i kemuni tiko vagumatua: na ligamuni imatai e tabei au cake tiko. 10(9) Ia o ira era vaqara tiko na noqu bula (soul) me ra vakarusa,  era na lako sobu i na tikina lolovira kei vuravura. 11(10) Era na bale e na se!eiwau: era na kedra ivotavota na fokisi,12(11) Ia na tui e na mamarau ga vei Yahuwe (YHWH); O ira kece era bubului vua era na lagilagi; ia na gusudra o ira era dau lasulasu e na vagalui.

Same (Tehellim) 63:1(0)-(11)

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 260 o/o 1720	September 16, 2012
Reading	Hebrew Date
Tehellim (Same) 90-93	Elul 29, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cala Vakalawa O Dawide (Dawid Legally Guilty)

Thought:  Dawid Incriminated Himself; He Knew But Ignored Righteousness

............................ 

Serving For Yom R’vi’i, Elul 11, 5772

MAI NA NEVI’IMI RISHONIMI (FROM THE NEVI’IM RESHONIM)

A mani talai Netani vei Dawide o Yahuwe (YHWH). A lako yani vua o koya, qai kaya vua, Rau tiko e rua na tagane e na dua na korolevu, e dua e vutuniyau ia o koya kadua e dravudravua. 2 Na tagane vutuniyau a levu sara na nona qele ni sipi kei na nona qele ni bulumakau; 3 Ia na tamata dravudravua e sega ni tu vua e dua na ka vakavo ga e dua na luvenisipi yalewa lailai, e a volia mai o koya, qai mai bula tiko vata kei koya vata kei ratou na luvena; e dau kania na kena kakana ka gunu mai na nona bilo, qai dau davo e lomaserena; vua na sipi a vaka sara ga e dua na luvena yalewa. 4 E a lako mai e dua na nona vulagi na tamata vutuniyau, ia a sega ni via taura mai na nona qele ni bulumakau se qele ni sipi (e dua na manumanu) me rawa ni vakarautaka e dua na kana magiti me kena na vulagi a gade mai vua; ia a qai lai taura mai na nona luvenisipi yalewa na tamata dravudravua, qai vakarautaka e na vukuna na vulagi a lako mai vua. 5 Na leva cecekia i Dawide a qai tubu, me baleta na tamata (vutuniyau); qai kaya o koya, Me vaka ni bula tiko o Yahuwe (YHWH), na tamata a cakava na ka oqori e dodonu me vakamatei. 6 O koya e dodonu me vakavataki na ilevu ni luvenisipi yalewa e vakasuka, baleta ni cakava na ka oqo, baleta talega ni sega vua na yalololoma. 7 Kaya o Netani vei Dawide, O iko sara ga na tamata oya. Oqo, na ka e kaya o  Yahuwe (YHWH) na Kalou (Mighty One) i Yisira'yili, Au a lumuti iko mo nodra tui na noqu tamata na Yisira'yili, au qai vueti iko mai na liga i Sha'ula; 8 Au solia vei iko na nona vale na nomu turaga, au solia i lomaseremu na watidra na nomu turaga, au qai solia vei iko na nodra vale na Yisira'yili kei ira na Ya'huda; ia kevaka era a rui lailai,  a dodonu ga vei iko mo a tukuna vei au, meu vakaruataka vei iko na kena ilevu. 9 Na cava na vuna o beca kina na ivakaro i Yahuwe (YHWH), mo cakava na ka e vakasisila e na mata  i Yahuwe (YHWH)? O a labati Uraiya na Hiti e na seleiwau, o qai taura na watina me watimu. O a vakamatei koya e na nodra seleiwau na luve i 'Amoni.  10 O koya oya e na sega kina ni takali  na seleiwau  mai na nomu vale, me tawa mudu; baleta o sevaki au, o qai taura na wati i Uraiya na Hiti me watimu. 11 Oti qai kaya o Yahuwe (YHWH), Raica, au na vakatubura na leqa me saqati iko, mai na loma ni nomu vale, au na qai tauri ira na watimu mo raica votu e matamu, au na qai soli i ira vua na wekamu vakaitikotiko, o koya e na qai veiyacovi kei ira na watimu ni cila rarama tu na matanisiga. 12 Baleta ni o a cakava vakavuni; o au, au na cakava na ka oqo e mata i Yisira'yili raraba, e na loma ni siga rarama. 13 Kaya o Dawide vei Netani, Au sa valavala ca vei Yahuwe (YHWH). Kaya o Netani vei Dawide, O Yahuwe sa kauta vakatikitiki na nomu cakaca; o iko o na sega ni mate. 14 Ia veitalia mada oya, baleta na ka sa yaco qo, o sa cakava kina me ra viavialevu o ira na meca i Yahuwe (YHWH); na luvemu tagane e na vakasucumi vei iko oqo, e na mate dina ga

2 Samuela (Sh’mu’yl Bet) 12:1-14

NA IVAQA NI BULA (FOOD FOR THE SOUL)

O koya e tea na ivalavala ca, e na tamusuka na veidabui: na ititoko ni nona leva e na ramusu. 9 ¶ O koya e dau mata lomasoli, e na kalougata; baleta ni wasea na kena madrai vata kei ira na dravudravua.

Vosa Vakaibalebale (Mishlei) 22:8-9

LOMANI YAHUWE NA NOMU KALOU (LOVE YHWH YOUR MIGHTY ONE)

Vakalewai au noqu Kalou (Mighty One), veisausaumitaka na noqu ile vei ira na tamata era sega ni dauyalololoma; vueti au mai vua na tamata dauveidabui ka tawadodonu. 2 Baleta o kemuni na Kalou (Mighty One) ni noqu kaukaua; na cava oni lecavi au tiko kina? Na cava meu lai vakaloloku kina baleta na nodra veivakasaurarataki na meca? 3 Isa, vakauta wavoki na nomuni rarama kei na nomuni dina; laivi ira me ra vakacegui au, laivi ira me ra kauti au yani i na nomuni ulunivanua tabu kei na nomuni vale. 4 Au na qai lako i na mata ni nona  icabocabo ni soro na Kalou (Mighty One), vua na Kalou (Mighty One) e dau cakava meu reki e na reki ni itabagone; io, e na hapi, au na vakamuduotaki kemuni, kemuni na Kalou (Mighty One) na noqu Kalou (Mighty One). 5 Na cava o yaloca tiko kina (o iko) na noqu bula (soul)? Na cava o nuiqawaqawa tiko kina e lomaqu? Vakanuinui ga vua na Kalou (Mighty One) i yaloqu, baleta au na vakavinavinaka tiko vua, o koya na iVakabula ni noqu dokai ka noqu Kalou (Mighty One).

Same (Tehellim) 43:1-5

	Same (Tehellim) 43:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 241 o/o 1701	August 29, 2012
Reading	Hebrew Date
Tehellim (Same) 38-41	Elul 11, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Leqa o Ira na Biniyamini ( Binyamin Got Into Trouble)

Thought: Sin Is The Major Cause Of People Being Wiped Out Of Existence

 ..................

Serving For Yom HaShishi, Tammuz 16, 5772

MAI NA NEVI’IMI RISHONIMI (FROM THE NEVI’IM RESHONIM)

Ia o ira na tagane ni  Yisira'yili era a bubului mai Mizipaa e na nodra kaya, E sega ni dua vei keda me solia na luvena yalewa me vakawatitaki mai vei ira na Biniyamini. 2 O ira na tamata era qai lako kece mai i Beiti-Yili, era qai mai tiko e keya me yacova na yakavi bogi, e na mata ni Kalou (Mighty One), era qai laveta cake na domodra ka tagitagi (e na yalo) ni vutugu; 3 Ni ra kaya, I Yahuwe (YHWH) na Kalou (Mighty One) i Yisira'yili, na cava beka me yaco kina na leqa oqo e Yisira'yili, me sa mai yaco tu kina oqo nikua, ni sa yali e dua na mataqali mai Yisira'yili? 4 E na siga tarava, na tamata era a sou vakamataka era qai tara e keya e dua na icabocabo ni isoro, era qai cabora kina na isorokama kei na isoro ni tiko veisaututaki. 5 O ira na luve i Yisira'yili era qai kaya, O cei e tiko e na kedra maliwa na  mataqali kecekece i Yisira'yili, era a  sega ni lako cake mai,  me ra mai tiko e na sosoqoni e na mata i Yahuwe (YHWH)? Baleta o ira era a cavuta e dua na yalayala levu, me baleti koya e a sega ni lako cake mai i Mizipaa e na mata i Yahuwe (YHWH), ni ra a kaya, O koya e na vakamatei vakaidina.  6 O ira na luve i Yisira'yili era rarawa vakalevu e na vukudra na Biniyamini, o ira na tacidra, era qai kaya, E dua na mataqali sa mai yali (polea) tu mai na kawa Yisira'yili e na siga oqo. 7 Era qai taroga, Na cava meda na cakava qo, e na vukudra o ira era tu oqo ia e sega na watidra; baleta o keda eda a bubuluitaka e na yaca i Yahuwe (YHWH), ni da na sega ni soli i ira na  luveda yalewa me watidra? 8 Era taroga tale, O cei sara mada vei ira na lewe ni mataqali i Yisira'yili era a sega ni lako  cake i Mizipaa e na mata i Yahuwe (YHWH)? Era qai kunea ni sega sara ga ni dua vei ira na itaukei kei Yavesha-Qili'ade, e a basika yani i na nodra keba na lewe ni isoqosoqo; 9 Baleta ni a tauri mai keya na kedra iwiliwili na tamata, ia raica, ni a sega sara ga ni kune e keya e dua na itaukei kei Yavesha-Qili'ade. 10 O ira na tamata era a qai tala i keya e tinikarua na udolu vei ira na tagane qaqa, qai vakaroti vei ira, Ni lako, moni lai vaqeavutaki ira vakadua na itaukei kei Yavesha-Qili'ade e na bati ni seleiwau, bau kina o ira na yalewa kei ira na gone lalai. 11 Oqo na ka moni na cakava, O kemuni moni vaqeyavutaki ira vakadua na tagane kei ira kece na yalewa era sa veiyacovi oti kei na tagane. 12 Ia era a qai kunea e kedra maliwa na itaukei kei Yavesha-Qili'ade e  vanadrau na goneyalewa tabutagane, oya o ira era se bera vakadua ni kila e dua na tagane e na nodra veiyacovi kei ira; era mani kauti ira mai i na keba mai Shailo, e na vanua o Kena'ani. 13 Era mani talai ira na dau ni kauitukutuku, o ira kece na lewe ni isoqosoqo, vei ira na  Biniyamini era se tiko mai na uluvatu mai Rimoni, me ra lai kacivaka vei ira na itukutuku ni tiko sautu. 14 O ira na mataqali Biniyamini era qai  lesu mai e na gauna oya, qai soli vei ira o ira na yalewa era a vakabulai mai,  mai vei ira na yalewa ni Yavesha-Qili'ade, ia a sega ni veirauti vei ira. 15 O ira na tamata era a qai veivutuni e na vuku (ni ivalu era a valuti ira) kina na Biniyamini, baleta o Yahuwe (YHWH), sa vakalutuma na (iwiliwili) ni mataqali Yisira'yili.

16 ¶ Era a mani kaya o ira na nodra matua na tamata, Na cava beka me da na cakava e na vukudra o ira era kena vo vo e se sega na watidra, baleta o ira kece na yalewa ni Biniyamini era sa qeyavu? 17 Era kaya, O ira na vo vo ni Biniyamini e vinakati me ra (vakatubu kawa tale), me kakua kina ni kawaboko e dua na mataqali mai vei ira na Yisira'yili. 18 Ia veitalia ga na cava e na yaco, o keda eda na sega ni rawa ni solia na luveda yalewa me ra vakawati kei ira; baleta o ira na luve i Yisira'yili era a bubuluitaka ni ra kaya, E na vatonaki o koya e solia na luvena yalewa vei ira na Biniyamini. 19 Oti era qai kaya tale, Raica e dua na solevu i Yahuwe (YHWH) e dau yaco vakayabaki mai Shailo, e na dua na vanua e toka e na vualiku kei Beiti-Yili, oya e na vuaicake ni bati ni sala e lako cake mai Beiti-Yili i She'kehema, e na ceva kei Li'vinaa. 20 Era mani vakaroti ira na  Biniyamini, ni ra kaya, Moni lako moni lai vuni tu e na loma ni veivaini. 21 E na gauna oni raici ira kina na luvedra yalewa mai Shailo, ni ra sa ucu mai me ra mai meke vata kei na nodra taborini, o kemuni moni qai cici (lo) mai na veivaini moni mai toboka, na tagane yadua, e dua na watina mai vei ira na luvedra yalewa na itaukei kei Shailo, oti moni qai lesu vakatotolo i na vanua kei Biniyamini. 22 Ia kevaka era lako mai o ira na nodra itubutubu kei na ganedra, me ra mai kudruvaka vei keimami, keimami na qai kaya vei ira, Bau lomani ira, baleta o ira qori era a sega ni rawata na dui watidra mai na ivalu; o kemuni talega oni a sega ni soli i ira vei ira, qori e na sega kina ni dua na nomuni cala. 23 O ira na tagane ni Biniyamini era a qai cakava vakakina, era a taura na dui watidra, me veiraurau kei na kedra iwiliwili, mai vei ira era a meke ni ra qiria tiko na taborini, oya o ira era a toboki ira; oti era qai lako, me ra lesu i na nodra dui ivotavota; era qai lai tara vou na nodra veitauni, me ra vakatikotiko kina. 24 O ira na luve i Yisira'yili era a qai biubiu mai keya e na gauna oya, na tamata yadua, i na nodra dui mataqali kei na nodra dui matavuvale; era a dui veitosoyaki me ra lesu tale, na tamata yadua, i na nodra dui ivotavota (ga o ira vakataki ira). 25 E na gauna oya, a se sega tu kina na tui vei ira na Yisira'yili; na tamata yadua, era se dau cakava ga na ka era nanuma ni dodonu e matadra.

Dauniveilewai (Shof’tim) 16:21-31

NA IVAQA NI BULA (FOOD FOR THE SOUL)

Na nona iloloma soliwale ni tamata e na vakarawarawataka vua na veika (kece), ka kauti koya vakavoleka sara i matadra na tamata rogo. 17 ¶ Na matai ni tamata e vakatusa na nona kisi (vakalawa) e na ciqomi ni tawacala; me yacova ni yaco mai o koya kadua me mai vakatarogi koya; 18 ¶ Na vakawirimadigi e na vakavuna me tarovi na veileti, ka wase na wasei (separate) ira tamata qaqa era veileti tiko.

Vosa Vakaibalebale (Mishlei) 18:16-18

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Kei na ivakatagi wa ni qiriqiri. E dua na Same i Dawide. 2(1) Niu kacivi kemuni, oni a sauma mai vei au, kemuni na noqu Kalou (Mighty One), na ivakabula ni noqu yalododonu; oni vakacegui au niu tu leqaleqa, oni lomani au ka rogoca na noqu masu. 3(2) Kemuni na tamata, e na vakacava beka na dede ni nomuni latia tiko na noqu lagilagi? E na vakacava beka na dede ni nomuni tokona tiko na yalodokadoka? Oni vinakata beka moni vakacalai tu me tawamudu? 4(3) Moni kila tiko ni o Yahuwe (YHWH) sa wasea tani tu na veika vivinaka me Nona; o Yahuwe (YHWH) e na rogo (mai) niu kacivi Koya. 5(4) Dau cudru ia kakua ga ni valavala ca; veivosaki kei na vuniyalomuni, ka dau vakasama e na dela ni nomu idavodavo.  6(5)Vakacabora na isoro ni yalododonu, ka biuta na nomuni inuinui vei Yahuwe (YHWH).

7(6) ¶ E le levu era taroga, O cei e rawa ni vakaraitaka mai vei keda e dua na tamata vinaka, me rawa ni na vakacilava vei keda na rarama ni nona iserau? 8(7) I Yahuwe (YHWH); oni sa biuta na reki e na uto ni noqu vakasama, vakalevu cake sara mai na gauna e dau levu kina na tubu ni nodra witi, na nodra waini kei na nodra waiwai. 9(8) E na sautu, ruarua, au na koto sobu, oti au qai moce; baleta o kemuni duadua ga i Yahuwe (YHWH), oni vu ni vei taqomaki e na noqu bula.

Same (Tehellim) 4:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 187 o/o 1647	July 6, 2012
Reading	Hebrew Date
Yechezk’yl (Isikeli) 4-6	Tammuz 16, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veitaratara Kei Yahuwe (Getting in Touch with YHWH)

Thoughts: Repentance Is Admiting One’s Mistakes And Wrong Attitude

 ......................

Serving For Yom HaShee-shee, Kishlev 6, 5772

E NA imatai ni yabaki i Darayavesi, na luvei Akashaverosha, e dua e kawa mai vei ira na  Midi, a qai mai tui vei ira na Kasidimi; 2 E na imatai ni yabaki ni nona veiliutaki vakatui, o au, o Dani'yili, au a qai cakacakataka mai na ivolatabu na ilevu ni yabaki, niu sa raica na kena a yaco na vosa i Yahuwe (YHWH), me vaka a mai vakasavuya o Yiremeyahu na parofita oya ni na oti mada e vitusagavulu na yabaki, ni se bera ni na qai tini na kena mai laladidi tu o Yerushalayimi. 3 Au qai laveta cake na mataqu, i na mata i Yahuwe na Kalou (YHWH Mighty One), meu vaqaqa, e na masumasu kei na vakatakekere, e na lolo na isulu taga kei na dravusa.

4 ¶ Au qai masu vei Yahuwe (YHWH) na noqu Kalou (Mighty One), meu cabora na noqu vakatutusa, niu kaya, I Yahuwe (YHWH) na Kalou (Mighty One) levu ka rerevaki, o kemuni oni maroroya na veiyalayalati kei na yalololoma vei ira era lomani koya, ka vaka kina vei ira era bula muria tiko na nona ivakaro; 5 Keimami sa valavala ca ka vakayacora na ivalavala vakasisila, na ivalavala kaukaua ka keimami a vakavunene ka lako sese mai na nomuni ivakaro (mitzvot) kei na nomuni lewa;  6 Keimami a sega talega ni bau vakarorogo vei ira na nomuni italai na parofita, o ira era a mai vosa vei ira na neimami tui e na yacamuni, vei ira na neimami ravouvou, vei ira na tama i keimami kei ira na tamata kece era lewenivanua. 7 I Yahuwe (YHWH) na qaqa, oni taukena, ia na madua e neimami, me vaka e na siga oqo; vei ira na tagane ni Ya'huda, o ira na itaukei i Yerushalayimi, vata kei Isira'yili raraba, o ira era voleka kei ira era yawa, e loma ni veivanua oni a cemuri ira kina, baleta na ivalavala ca era a vakayacora vei kemuni; 8 I Yahuwe (YHWH), na madua sa kovuta tu na mata i keimami vata kei ira na neimami tui, na neimami ravouvou kei ira na tama i keimami baleta keimami a valavala ca vei kemuni.

9 Na yalololoma kei na veivosoti ni valavala ca e nona o Yahuwe (YHWH) na Kalou (Mighty One) e na vuku ni neimami a talaidredre vua; 10 Keimami a sega talega ni rogoca na domo i Yahuwe (YHWH) na neimami Kalou (Mighty One), me keimami muria na nona lawa era a mai virikotora vei keimami o ira na parofita na nona italai. 11 Io, o Isira'yili taucoko era sa basuka na nomuni lawa, era sa lako sese, ka sega ni muria na domomuni; qori oni kauta mai kina vei ira na vatovato (curses) kei na yalayala era volai tu e na lawa nei Moshe na italai ni Kalou (Mighty One) baleta keimami a valavala ca e matana. 12 Ia sa qai vakadeitaka na nona vosa a cavuta me saqati keimami kina, vata kei ira na neimami daunilewa era dau vakataulewa vei keimami, e na nona  vakayacora vei keimami na leqa levu oqo, baleta e na ruku ni lomalagi taucoko, e se bera ni bau caka na ka e caka tiko qo e Yerushalayimi. 13 Me vaka e volai tu e na lawa i Moshe, na leqa kece qo sa bikai keda tu; ia eda se bera ga ni masu e mata i Yahuwe (YHWH) na noda Kalou (Mighty One), me rawa ni keimami veivutuni mai na neimami caka ca, me keimami kilakasamataka na nomuni dina. 14 O koya oqori sa vakavurea cake kina na leqa oqo o Yahuwe (YHWH) qai bikai keda mai kina: baleta o Yahuwe (YHWH) na noda Kalou (Mighty One) e yalododonu e na nona cakacaka taucoko sa cakava oti ia eda sega tikoga ni talairawarawa i na domona. 15 Ia qo, I Yahuwe (YHWH) na neimami Kalou (Mighty One) o kemuni oni a kauti ira laivi mai, na nomuni tamata, mai na vanua o Ijipita e na ligamuni kaukaua, oni qai vakarogoya na yacamuni me vaka e na siga oqo; keimami a valavala ca, keimami a cakava na veika vakasisila.16 I Yahuwe (YHWH) me vaka na nomuni yalododonu kece, oni vakayacora e na vuku i keimami, laiva na nomuni rarawa kei na nomuni yalokatakata waromisa me vukici tani mai na korolevu o Yerushalayimi vata kei na nomuni ulunivanua tabu, baleta na neimami ivalavala ca kei na nodra itovo ca o ira na tama i keimami; o ira na nomuni tamata era tu yasa tu e na veivanua kecekece, vata kei Yerushalayimi sa yaco me rogorogo ca vei ira na tamata kecekece. 17 O koya oya, neimami Kalou (Mighty One), ni rogoca na masu ni nomuni dauniveiqaravi vata kei na nona vakatakekere; ka cakava na matamuni me ramase mada e na nomuni itikotiko tabu sa laladidi tu. 18 Kemuni na noqu Kalou (Mighty One), vakatudaliga mo ni rogoca, dolava na matamuni moni raica, na neimami vanua era sa rusa tu, ka sa laladidi tu, kei na korolevu e vakayacani tu e na yacamuni; baleta keimami sega ni mai vakatusa tiko qo na neimami vakatakekere e na vuku ni neimami yalododonu, ia me baleta ga na vakaitamera ni nomuni dau yalololoma. 19 I Yahuwe (YHWH) rogoca; I Yahuwe (YHWH) vosoti keimami; I Yahuwe (YHWH) rogoca ka cakava; kakua ni vakaberabera, e na vukuni yacamuni , kemuni na noqu Kalou (Mighty One), baleta na nomuni korolevu kei ira na nomuni tamata era vakatokai e na yacamuni.

Isikeli (Yechezk’yl) 9:1-19

O koya e daulomasoli vei ira na dravudravua e na sega ni sega vua na ka; ia o koya e vukica tani na matana mai vei ira era gadreva na veivuke, e na sota kei na levu na veigauna ca (curses). 28 ¶ Ni ra tubu cake mai na ca, o ira na tamata era na vunitaki ira vakataki ira; ia e na gauna era sa rusa kina, o ira na yalododonu era na qai tubu bulabula (flourish).

Vosa Vakaibalebale 28:27-28

Au laveta cake na mataqu i na ulunivanua e taka tiko mai kina na veivuke. 2 Na noqu veivuke e taka tiko maivei Yahuwe (YHWH), o koya e a buli i lomalagi kei vuravura. 3 O koya e na sega ni vakatara na yavumu me yavalati; o koya e maroroi iko tiko, e na sega ni sosovu. 4 Raica, o koya e maroroi i Isira'yili tiko e na sega ni sosovu se moce. 5 O Yahuwe (YHWH) na nomu dau ni veimaroroi; O Yahuwe (YHWH) e na taqomaki iko e na ligana imatau. 6 Na matanisiga e na sega ni samuti iko e na lomaloma ni siga, se na vula e na bogi. 7 O Yahuwe (YHWH) e na taqomaki iko mai na ca kece sara; e na taqomaka na nomu bula (soul). 8 O Yahuwe (YHWH) e na taqomaka na nomu lako i tuba se na nomu curu mai i loma, mai na gauna oqo lako yani, me sega vakadua ni mudu.

Same (Tehellim) 121:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
336 Blog No. 1447	December 2, 2011.
Reading	Hebrew Date
Isikeli (Yechezk’yi) 47-48	Kishlev 6, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Na iTinitini Ni Lewa (YHWH Is The Ultimate Authority)

Thought: Sins Infuriates Yahweh Most Of All.

..................... 

Serving For Yom Reeshone, Tammuz 29, 5771

Me baleti Dameseka (Damascus): Rau sa vakamaduataki kina o Hamata kei Arapade, baleta ni rau rogoca na itukutuku ca; rau qai taqaya; rau  qai yamasamasa me vaka na biau ni waitui, rau qai sega kina ni vakacegu rawa. 24 O Dameseka sa vakagogotaki, qai vuki me dro; na sautanini e a vesuki  koya; na yaluma kei na vutu a manati koya, me vaka e dua na yalewa e taratara. 25 E a vakacacani beka vakacava na korolevu lagilagi, na korolevu ni mamarau! 26 Qori era na bale kina o ira na nona  cauravou e na kena veisaqata, o ira kece na tagane ni ivalu era na vagalui e na siga oya, e kaya o Yahuwe ni lewevuqa (YHWH Tzva’ot). 27 Au na vakawaqaca e dua na yame ni bukawaqa e na veigaunisala kei Dameseka, me na kovuta vakadua na  veivale vakatui nei Beni-Hadada.

Jeremaia (Yirmeyahu) 49: 23-2

Vakatudaliga mai i na noqu vosa i Yahuwe (YHWH) ka vakananuya na noqu vakanananu. 2 Rogoca mada na domo ni noqu tagi, noqu Tui kei na noqu Kalou (Mighty One) baleta vei kemuni au masu tiko yani kina oqo. 3 Na domoqu oni na rogoca e na veimataka i Yahuwe (YHWH); e na veimataka au na vakarautaki au meu raici kemuni. 4 Baleta o kemuni oni sega ni Kalou (Mighty One) dau taleitaka na itovo vakasisila; e na sega talega ni lai tiko vata kei kemuni na ivalavala ca. 5 O ira na dokadoka era na sega ni  mai duri tu vakarairai vei kemuni; baleta ni oni dau sesevaki ira era dau cakacakataka na ivalavala ca. 6 Oni na vakarusai ira era dau cavuta na vosa lasulasu; O Yahuwe (YHWH) e na sega ni ciqomi ira na tamata era dau vakadave dra se dau lawaki ca.

7 ¶ Ia o au, au na lako yani i loma ni nomuni vale, baleta na vakaitamera ni nomuni yalololoma; Au na curu i loma ni nomuni vale meu sokalou e na loma ni nomuni valenisoro tabu. 8 Tuberi au, i Yahuwe (YHWH) e na nomuni yaloniveidokai kei na nomuni  yalododonu; e na vukudra na kequ meca, cakava na nomuni sala me matata e mataqu. 9 Baleta ni sega na lewadodonu e gusudra; e na kune ga na ivalavala ca e lomadra; na nodra itilotilo e vaka na ibulubulu e se dola tu; era dau veivakacalai e na yamedra.10 Totogitaki ira kemuni na Kalou (Mighty One); laiva me ra tacaqe tale e na nodra ivakasala; kolotaki ira laivi baleta na ilevu ni nodra ivalavala dukadukali, baleta ni ra vakacudrui kemuni. 11 Ia laivi ira era dau vakanuinui vei kemuni me ra rekitaki kemuni; me ra vakalagilagitaki kemuni tiko me tawamdu, oti moni qai mai bula tiko e na kedra maliwa; o ira kece era taleitaka na yacamuni me ra na vakaukauataki mai vei kemuni.12 Baleta oni na vakalougatataki ira na yalododonu, i Yahuwe (YHWH); oni sa ukutaki au me vaka e dua na isasabai maqosa vakaoti.

Same (Tehellim) 5: 1-12

Siga (Day)/Blog	Tikinisiga (Date)
211/Blog No. 1351	July 31, 2011.
Reading	Hebrew Date
Same (Tehellim) 62-64	Tammuz 29, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Thought: Sin Separates Us From Yahweh, Repentance Restores Us

....................... 

Serving For Yom Ha Shee-shee, Tammuz 6, 5771

Oqo na veika e kaya o Yahuwe (YHWH), E na gauna e a gadrevi kina au a sauma vei kemuni, e na siga ni veivueti au a vukei kemuni; au a buli i kemuni, ka soli i kemuni moni dua na yalayala vei ira na tamata, ka dua na rarama vei ira na kai Veimatanitu tani, moni tauyavutaka na vuravura, meu qai vakavuna moni taura tale na nomuni iwasewase era tu laladidi tu. 9 Moni qai kaya vei ira na kaivesu, Toso i liu; ia vei ira era sogobutu tu, vakaraitaki kemuni. Toso vagalala mai. Era na kana e gaunisala, na nodra bai ni ikanakana  e na kune e na veisalevu. 10 Era na sega ni walokai se karamaca; ka na sega ni kati ira na nuku katakata se na todra ni matanisiga me mokuti ira; baleta o koya e dau lomani ira e na mai tuberi ira,  me kauti ira i na bati ni wai tovure. 11 Au na taya na veiulunivanua kece me ra salevu, ia na veisalevu kece era na vakacereceretaki. 12 Raica, o ira qo era na lako mai na veivanua yawa; ka raica, o ira qo mai na vualiku, ka vaka kina mai na veiyanuyanu ni wasawasa; kei ira qo mai na baravi kei Sainimi.

13 ¶ Lagasere, i Lomalagi, mo marau, kacabote mai e na seresere i ulunivanua; baleta o Yahuwe (YHWH) (Yahweh) sa vakacegui ira na nona tamata ka na lomani ira na nona tamata era rarawa tu.

Aisea (Yesha’Yahu) 49:8-11 

O ira na noqu tamata, o ira era kacivi e na Yacaqu; kevaka me ra yalomalumalumu, me ra qai masu ka vakasaqara na mataqu, era qai vuki tani mai na nodra ivalavala vakasisila; au sa na qai vakatudaliga mai lomalagi  meu vosota na nodra ivalavala ca,  ka vakabula na nodra vanua.

2 Veigauna (Divrei HaYamim Bet) 7: 14 

Baleta keimami tilomi e na nomuni cudru, e na nomuni leva waromisa ka taqaya e na nomuni cudru waqawaqa. 8 Oni sa tuvana na neimami ivalavala ca e mata i keimami, na ivalavala ca mai na gauna ni neimami tabagauna e na rarama ni kemuni iserau. 9 Na neimami veisiga kece era sa takali e na nomuni leva waromisa, keimami qai bulataka na neimami veiyabaki e na galili. 10 Na yabaki ni neimami bula e na vakatolutaki na ruasagavulu vata kei na tini; ia e na vuku ni kaukaua e na rawa ni vakavataki e ruasagavulu na  yabaki, ia e na levu ga kina na cakacaka kei na vutugu; baleta na bula e na totolo ga na kena gutu laivi, eda na vuka laivi.11 O cei e kila na kaukaua ni nomuni cudru, na kena vaka domobula na nomuni leva waromisa?

Same (Tehellim) 90: 7-11

Read The Scriptures (Tanakh) in a Year
Siga (Day)/Blog	Tikinisiga (Date)
189/Blog No. 1329	July 8, 2011.
Reading	Hebrew Date
Iyov 38-39	Tammuz 5, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.