Kucuvi Tamari O Aminoni (Amnon Raped Tamar)

Thought: Incest Is A Sin, A Crime And A Scandal, So It Must Not Happen

 ........................

Serving For Yom HaShishi, Elul 13, 5772

MAI NA NEVI’IMI RISHONIMI (FROM THE NEVI’IM RESHONIM)

O Avishalome na luvetagane i Dawide, e dua tiko na ganena na yacana o Tamari; ia o Aminoni na luvetagane i Dawide e wedevi koya tiko. 2 O Aminoni, e na kaukaua ni nona galili, a qai tauvimate e na vuku i ganena o Tamari; baleta ni se tabutagane voli o koya, ia o Aminoni a nanuma tiko o koya ni na dredre vua me kaya vua e dua na ka. 3 Ia o Aminoni e dua tiko na nona icaba na yacana o Yonadave, na luve i Shimi'i na tuakai Dawide; o Yonadave e tamata lawaki kaukaua. 4 Kaya vei Aminoni o koya, O iko na luveni tui, na cava sa lutu tiko ga kina na kemu bibi e na veiveisiga? O na sega beka ni rawa ni tukuna vei au? Kaya vua o Aminoni, Au sa domoni Tamari tiko vakalevu na ganei Avishalome na taciqu. 5 Soli ivakasala vua o Yonadave, Lai davo ga e na nomu idavodavo, qai vakalecalecava ni o tauvimate; ia ni mai sikovi iko o tamamu, qai kaya vua, Laiva na ganequ o Tamari me lako mai me mai vakani au e na kakana, ka bulia vei au e rua na keke, niu raici koya tiko, meu rawa ni raica, au qai kania mai ligana. 6 Sa mani lai davo o Aminoni e na nona loga, qai vakalecalecava ni tauvimate; ia ni sa mai sikovi koya na tui, a qai kaya o Aminoni vua na tui, Laivi Tamari na ganequ me lako mada mai me mai bulia vei au e rua na qau keke, niu raica sara tu ga, oti meu qai kania sara ga mai ligana. 7  O Dawide a qai talatala vei Tamari. qai kaya vua, Lako mada i na vale i Aminoni na ganemu, mo lai vakarau kakana vua. 8 Oti qai lako o Tamari i na vale i Aminoni na ganena; e a davo koto no o koya. A taura mai o koya na falawa, balia, oti qai vavia (eso) na keke. 9 Oti qai taura o koya na keke qai vakarautaka e matana; ia qai sega ni via kana o koya. Kaya o Aminoni, Laiva na (tamata yadua) me ra vagalala mai loma ni vale. Era mani biubiu kece na tamata yadua mai loma ni vale. 10 Kaya o Aminoni vei Tamari, Kauta mai na kakana i na loma ni loqi meu rawa ni kana mai ligamu. Taura sara o Tamari na keke a se qai bulia oti ga, qai kauta i loma ni loqi vei Aminoni na ganena. 11 Ia ni kauta yani vua o koya me kania, qai taura na ligana o koya, qai kaya vua, Davo mai vata kei au i ganequ. 12 Sauma vua o koya, Sega i ganequ, kakua ni vakasaurarataki au, baleta na mataqali ka vaka oqo e sega ni dodonu me yaco e Yisira'yili; kakua ni cakava na ivalavala tawa kilikili oqo. 13 O au mada meu na qai kauta i vei na noqu madua?  Ia o iko, o sa na wili mo vaka e dua na tamata lialia e Yisira'yili. O koya oya mo vosa ga kina vua na tui; o koya e na sega ni bureitaki au vei iko. 14 Ia o koya a sega ga ni via rogoci koya; ia baleta ni kaukaua cake vua, a qai vakasaurarataki koya me davo vata kei koya, oti qai vakamadualaki koya. 15 Oti a qai sevaki koya vakalevu sara o Aminoni; na kaukaua ni nona veisevaki a sevaki koya kina, e a vakaitamera cake sara mai na kaukaua ni nona dodomo a wedevi koya taumada kina. Oti qai kaya o Aminoni, Tucake, lako laivi. 16 Sauma vua o koya, Qo, ni o sa cakava oti na ivalavala vakamadua oqo vei au, o sa qai vakatalai au laivi? E sega ni via rogoci koya, o koya. 17 Oti qai kaciva na nona dau ni veiqaravi e veiqaravi tiko vua, qai kaya vua, Biuta laivi ituba, mai na loma ni noqu vale, na yalewa qo, qai vakamautaka yani vua na katuba

2 Samuela (Sh’mu’yl Bet) 13:1-17

NA IVAQA NI BULA (FOOD FOR THE SOUL)

Ni talai e na dua na itavi, na vucesa e na kaya, E dua na laione e tiko qori e gaunisala, Raica na laba sa kune e na veisaqata.

Vosa Vakaibalebale (Mishlei) 22:13

LOMANI YAHUWE NA NOMU KALOU (LOVE YHWH YOUR MIGHTY ONE)

Ia e na gauna oqo oni sa lecavi keimami ka vakamaduataki keimami, ka sega ni lako vata kei ira na neimami mataivalu: 11(10) Oni cakava me keimami vakadrukai; o ira na keimami meca, era sa yauta na itoki ni ivalu mai vei keimami. 12(11) Oni sa volitaki keimami me vaka na sipi era sa wase tani tu me na laukana; ka ceburaki keimami e na kedra maliwa na veimatanitu. 13(12) Oni sa volitaki ira na nomuni tamata e na isau rawarawa, ka sega ni rawata e dua na tubu mai na nomuni volivolitaki. 14(13) Oni cakava me keimami rogorogo ca e na kedra maliwa na weka i keimami vakaitikotiko, me keimami vakalialiai, ka veiwalitaki vei ira era tiko wavolivoliti keimami: 15(14) Oni cakava me keimami beci e na kedra maliwa na veimatanitu, me ra dau kurea na uludra e na vuku i keimami e na kedra maliwa na veimatanitu, 16(15) E na loma ni siga taucoko, na neimami rogorogo ca sa no ga e mata i keimami, na madua e mataqu sa luvuci au vakadua, 17(16) Baleta na domona o koya e beci au ka dau vosavakacacataki au; baleta talega na kequ meca e mai veisausaumi tiko vei au.

18(17) ¶ Na ka kece oqo sa yacovi keimami; ia keimami sega ni guilecavi kemuni, ka keimami sega talega ni veidabuitaka na nomuni veiyalayalati. 19(18) Keimami sega ni vuki vakanadaku se butu sevata na neimami ikalawa mai na nomuni sala. 20(19) Baleta e na ikarua ni gauna, oni a vakamalumalumutaki keimami e na vanua ka kovuti keimami e na iyaloyalo ni mate. 21(20) Ia keimami se sega ni guilecava na yaca ni neimami Kalou (Mighty One) se dodoka na liga i keimami me keimami tadolovi ira na kalou (elohim) tawakilai; 22(21) Na Kalou (Mighty One) e na vakadeuca na veika oqo, baleta ni kila na veika tawakilai ni vuniyaloda. 23(22) Io, e na vukumuni keimami sa vakamatei tiko kina e na veiveisiga; keimami sa wili vakasipi era tuiyi tiko me ra lai vakamatei. 24(23) Yadra, kakua ni moce, i Yahuwe (YHWH), nanumi keimami, kakua ni lecavi keimami. 25(24) Kakua ni rai tani na matamuni mai vei keimami, kakua ni guilecava na neimami vakalolovirataki kei na neimami vakasaurarataki; 26(25) Baleta na neimami bula (soul) sa malumu sobu i na kuvu ni soso; na yago i keimami sa tara na dela ni qele. 27(26) Matacake mai moni vukei keimami; vueti keimami e na vuku ni nomuni dauyalololoma.

Same (Tehellim) 44:10(9)-27(26)

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 243 o/o 1703	August 31, 2012
Reading	Hebrew Date
Tehellim (Same) 45-48	Elul 13, 5772 (6th month)
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValavala Ca Nei Isireli (The Sins Of Israel).

Thought: When Yahweh Punishes, It Is Both Retributive and Remedial

 ..........................

Serving For Yom Ha Shee-Shee, Sivan 29, 5771

Ni sa vosa o Ifira'yimi, na tamata era a qai sautaninini; qai yaco kina me ka levu mai Isira'yili;  ia ni sa cala baleta ni dau sokalou vei Ba'ala, a qai vakayalia na nona kaukaua. 2 Ia qo mada ga, a qai levu ga kina na nodra valavala ca kei na caka ca; era bulia me nodra, na ivakatakarakara mai na nodra siliva waicala kei na matakau e na kedra irairai o ira vakataki ira, na cakacaka ni dua na mataisau; era qai kaya vei ira na tamata, Laivi ira na tamata era mai vatonaki imadrali tamata me ra reguca na  ivakatakaraka ni luve ni bulumakau! 3 Qori era na vaka kina na o ni  mataka lailai kei na tegu ni mataka caca e dau takali tale vakatotolo, era  vaka talega na qanisila e dau cagina laivi mai na buturara ni samusamu kei na kubou mai na ikuvukuvu. 4 Ia o au o Yahuwe (YHWH) na nomuni Kalou (Mighty One), o koya e a kauti kemuni laivi mai na vanua o Ijipita; o kemuni moni kakua ni kila e dua tale na kalou (elohim), o au duadua ga; baleta ni sega ni dua tale e rawa ni veivueti me kequ ikarua.

5 ¶ O au sara ga, au a vakani kemuni e loma ni veikauloa; e loma ni vanua dravuisiga, era sega tu ni tawa. 6 Au vakani ira, era qai vakasinaiti;  a qai vakacerecerei na vuniyalodra; qori era qai guilecavi au tale kina.

Hosea (Hoshea)13:1-6

I YAHUWE (YHWH) na neimami Sau (Sovereign), e wacava na daumaka vakaoti na yacamuni e vuravura raraba!  Oni sa tekia na nomuni lagilagi e lomalagi. 2 Mai na gusudra na cauravou kei na gone dramidrami, oni sa vakadeitaka  na kemu irogorogo e na vukudra o ira na kemu meca, me  rawa ni oni vakarusai ira na meca kei ira era dau veisausaumi.

3 ¶ O lomalagi era a raica na cakacaka ni qaqalo ni ligamuni, na vula kei na kalokalo, o ira oni a lesi i ira; 4 Na cava sara mada na tamata, oni dau vakasamataki koya kina vakalevu? Se na luve ni tamata moni a sikovi koya kina? 5 Baleta ni oni a buli i koya me lolovira sobu mai vei ira na mala’kimi (agilosi), oni qai dramaka vua na dokai kei na vakarokoroko. 6 Oni a buli i koya me na lewa na cakacaka ni qaqalo ni ligamuni; Oni a biuta talega na veika kece e na ruku  ni yavana, 7 Na sipi kece kei na bulumakau, io, na manumanu kila ni veikauloa;  8 Na manumanu vuka ni macala lala kei na ika ni waitui, era dau qalova na vei gaunisala ni wasaliwa. 9 I Yahuwe (YHWH) na neimami Sau (Sovereign) e wacava na daumaka vakaoti  ni yacamuni e vuravura raraba!

Same  (Tehellim)  8: 1-9 

Read The Scriptures (Tanakh) in a Year
Siga (Day)/Blog	Tikinisiga (Date)
182/Blog No. 1322	July 1, 2011.
Reading	Hebrew Date
Iyov 21-22	Sivan 29, 5771
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kune Tale Na Lakosivia. (Pesach Re-Discovered)

Thought: Do Not Sin For Sin Leads To Cessation of Life

..................... 

Serving For Yom Revee-ee, Sivan 27, 5771

Era a tiko tale o ira na lewe ni isoqosoqo taucoko me ra marautaka me vitu tale na siga; era a qai solevutaka na siga vitu tarava e na reki; 24 Baleta o Hisikiyahu na tui Ya'huda a solia vei ira na lewe ni isoqosoqo e vitu  na udolu na bulumakau digitaki, lelevu ka lalai, ka solia talega vei ira na lewe ni isoqosoqo e Isira'yili e dua na udolu na bulumakau tagane digitaki kei na tini na udolu na sipi; e le levu vei ira na kohanimi era a qai vakasavasavataki ira vakataki ira. 25 O ira kece na lewe ni isoqosoqo e Ya'huda, vata kei ira na kohanimi kei na Li'vi'imi, vata kei na lewe ni isoqosoqo taucoko era a lako mai  Isira'yili, vata kei ira na tavuki era a lako mai na vanua o Isira'yili, kei ira era tiko mai Ya'huda, era a mamarau. 26 A ka levu na reki e Yerushalayimi: baleta mai na gauna sara i Sholomo, na luve i Davide na tui Isira'yili, a sa sega tu ni yaco e dua na ka vakaoqo e Yerushalayimi.  27 Era qai tucake o ira na kohanimi kei ira na Li'vi'imi, era qai vosa vakalougatataki ira na tamata e Isira'yili; a qai rogoca na domodra o Yahuwe (YHWH), na nodra masu a qai basika cake i na nona itikotiko tabu mai lomalagi.

 2 Veigauna (Divrei HaYamim Bet) 30:23-27

 

Ia ke saumaki na tamata vakadrecike mai na nona ivalavala ca kecekece e dau vakayacora, qai bula muria na noqu ivakaro, qai cakava na veika e vakadonui vakalawa ka dodonu, o koya e na bula dina ga, o koya e na sega ni mate.  22 Na nona ivalavala ca taucoko e a dau vakayacora, era na sega tale ni nanumi e na vukuna; na nona yalododonu ga sa vakayacora tiko, e na bula kina. 23 Au sega ni taleitaka na nona mate e dua e dau valavala ca, e kaya o Yahuwe na Sau (Sovereign YHWH); e vinakata ga me saumaki mai na nona ca, me bula. 24  Ia na tamata dodonu kevaka e saumaki laivi mai na nona yalododonu qai vakayacora na ivalavala ca kei na itovo vakasisila me vaka era dau cakava na tamata ivalavala ca, na ivalavala dodonu kece sa bau cakava sa na sega ni nanumi me baleti koya, ia e na itovo vakadrecike ga sa cakava tiko vata kei na ivalavala ca sa vakayacora tiko, qori e na vu ni nona mate.

Isikeli (Yechezkiyahu) 18:21-24

Read The Scriptures (Tanakh) in a Year
Siga (Day)/Blog	Tikinisiga (Date)
180/Blog No. 1320	June 29, 2011.
Reading	Hebrew Date
Iyov 16-18	Sivan 27, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iValu Mai Jeriko (The Battle at Yerico).

Thoughts: In Every Endeavors Sin Causes Failure

..........................

Serving For Yom Ha Shee-Shee, Adar-Bet 11, 5771

A sa qai sogolaki tu vakadua o Jeriko baleta ni ra sa tiko na luve i Isira’yili; sa sega tale ni dua e curu yani, se curu mai. 2 Sa qai kaya vei Josua o Jiova (Yahweh), Raica, au sa soli i Jeriko i na qeteqete ni ligamu, vata kei ira na nodra tui, kei na nodra mataivalu. 3 O kemuni moni na wavokita na korolevu, ira kece na tamata ni ivalu, moni taubale wavokita vaka dua e na dua na siga. Qori moni na cakava tiko me ono na siga. 4 E vitu na bete me ra na taura tiko na biukila, me ra qai uvuca e na mata ni kato; ia e na ikavitu ni siga, moni na qai tayabe wavokita na korolevu vakavitu, oti me ra qai uvuca na biukila o ira na bete. 5 E na qai yaco, ni ra sa uvuca na biukila, ni oni sa rogoca na voqa ni biukila, me ra kaila vata na tamata kece e na dua na kaila levu; qori era na bale vakadua i ra na bailalaga ni korolevu, me ra qai lako cake na tamata yadua vakadodonu ga mai na vanua era tu kina.

Josua (Y’hoshua) 6: 2-5

Laiva meda toboki ira na fokisi, na fokisi lalai era vakacaca tiko e na loganivaini, Baleta era se qai tutubu tiko mai na vua ni vaini.

Sere I Solomoni (Shir HaShirim) 2:15

Baleta na siga oqo, na kohena e na vakacabora e dua na isoro e na vukumuni, me rawa ni on i na  vakasavasava mai na nomuni ivalavala ca, me rawa ni oni na savasava e mata i Jiova (Yahweh). 31 Qo e na Siga ni vakacecegu moni vakacegu kina, ia moni vakamalumalumutaki kemuni vakataki kemuni; qo me ilesilesi tawa mudu.\

Vunau Ni Soro (Wayikra) 16:30-31 

Read The Scriptures (Tanakh) in a Year
Siga (Day)/Blog	Tikinisiga (Date)
77/Blog No. 1217	March 18, 2011.
Reading	Hebrew Date
Na iVakarua (D’varim) 31-32	Adar Bet 11,  5771.
Click The Bible Text To Read It In Gateway In Another Language Or Version

 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sodoma Kei ‘Amora (S’dom and ‘Amora)

Thoughts: Yahweh Hates Sins And Will Not Tolerate It Ever

 ................................

Serving For Yom Hah Shee-shee, Shevat 9, 5771

Ni sa kida na mataka, rau qai vakauqeti Lote na malakimi (angels), ni rau kaya, Cavu tu, kauta na watimu kei rau na luvemuyalewa dawai, de dou qai kovu e na itotogi ni korolevu oqo.  16 Ia a vakayabeyabe tikoga o Lote; rau mani taura na ligana, na liga i watina, kei na ligadrau na luvenayalewa; baleta a lomani koya na Kalou (Yahweh); rau  qai kauta ratou i tuba, me rau lai biuti ratou sara e na ibili ni koro.  7 A qai yaco ni rau sa kauti ratou i na ibili ni koro, ni rau qai kaya vei Lote, Dou drovaka na nomudou bula; kakua tale ni railesu se cegu e na dua na vanua e na loma ni buca de dou qai rusa ia mo dou dro sara i na ulunivanua de lakolako dou qai tilomi. 18 Kaya o Lote vei rau, Au masuti kemudrau na noqu turaga (master): 19 Raica qo, na nomudrau dauniveiqaravi sa kune loloma e matamudrau, ka vakaitamera na veitokoni drau sa vakaraitaka vei au e na nomudrau mai vueta na noqu bula; ia au na sega ni dro rawa sara i  na ulunivanua, de qai toboki au na ca, au qai mate; 20 Raica mada na koro qo e voleka ga meu dro kina, ka ni koro lailai ga. Isa, drau vakatara meu dro ga kina; drau raica, baleta ni lailai wale, na noqu bula e na taqomaki. 21 Kaya vua o koya, Raica, keirau na vakatara vei iko na ka oqo,  keirau na sega kina ni vukica vakatoboici na koro o sa cavuta qo: 22 Vakatotolo sara mo dro i keya; baleta au na sega ni cakava rawa e dua na ka me yacova ni o sa curu sara kina. Qori a qai vakatokai kina na koro oya me yacana o Taso’a. 23 Sa cadra tiko na matanisiga e vuravura e na gauna a curu kina o Lote mai Taso’a.

24 ¶ Sa qai vakatauca o Jiova (Yahweh) na salafa kei na bukawaqa e dela I Sodoma kei ‘Amora, oya e na mata i Jiova (Yahweh) e tiko mai lomalagi.  25 A qai vukica vakatoboicu na veikoro lelevu, na veibucabuca kei ira kece na itaukei ni yasayasa oya, ka vaka kina na veika kece era bula mai na qele.

26 ¶ Ia o watina a qai railesu mai dakuna o koya, qai yaco me duru masima.

27 ¶ O Avarahama a sou sara vakamataka me lako i na vanua a tu kina e mata i Jiova (Yahweh). 

Vakatekivu (B’resheet) 19: 15-27

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
014	January 14, 2011.
Reading	Hebrew Date
Genesis (B’resheet) 33-35	Shevat 9,  5771.
Click The Bible Text To Read It In Gateway In Another Language Or Version

  

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Talaidredre E Naulu I Na Waluvu (Transgressions Led To The Flood)

Thought: Love Yahweh In Righteousness, To Guarantee Your Life.

 ..............................

Serving For Yom Shaynee, Tevet 27, 5771.

Sa qai kaya o Jiova (Yahweh) vei Noa, “Vodo i waqa; o iko kei ira kece na lewe ni nomu matavuvale; o iko duadua ga au raica ni o yalododonu e mataqu e na itabatamata oqo.  2 Vei ira kece na manumanu savasava mo vakavodoka vata kei iko e tauya vitu na isa, ruarua na katagane kei na kayalewa; ia vei ira na manumanu kila era sega ni savasava, me ra tauya rua na isa; na katagane kei na kayalewa; 3 Me vaka kina vei ira na manumanu vuka ni macawa lala era savasava me ra tauya vitu na i sa, ruarua na katagane kei na kayalewa;  me ra taqomaka na bula ni nodra kawa e delai vuravura. 4 Baleta ni oti e vitu na siga, au sa na vakavuna me tau na uca e vuravura me vasagavulu na siga ka vasagavulu na bogi; ia na veikabula kece sara au a buli i ira, au sa na vakarusai ira mai na delai vuravura.

5 ¶ Sa qai vakayacora o Noa na veika kece a vakarota vua o Jiova (Yahweh). 6 O Noa a sa ononadrau na yabaki ni nona bula, e na gauna e luvuci vuravura kina na wai ni waluvu. 7 Ia o Noa, o ratou na luvena, o watina vata kei ratou na dui watidratou na luvena, ratou a qai e na vuku ni waluvu.  8 Vei ira na manumanu savasava kei na manumanu tawasavasava kei na manumanu vuka kei ira kece na manumanu dau qasi e dela i vuravura  9 era a vodo yarurua vata kei Noa i  waqa, na katagane kei na kayalewa, me vaka a vakarota na Kalou (Mighty One) vei Noa.       

Vakatekivu (B’resheet) 7:1-9

O KOYA na tawadodonu e navuca na ca e vuniyalona, baleta e sega ni kune e matana ni rerevaka na Kalou (Mighty One). 2 E sega ni via raica na nona ivalavala ca me vosoti, se me sevaki ira mada ga 3 Na vosa ni gusuna e  vakasisila ka veivakacalai; e sega sara ga ni via caka vinaka. 4 E dau vakananuya o koya na inakinaki ca e na dela ni nona imocemoce; e na muria ga o koya na sala e sega ni vinaka, me rawa ni caka ca.

Same (Tehellim) 36:1-4

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
003	January 3, 2011.
Reading	Hebrew Date
Genesis (B’resheet) 6-8	Tevet 27,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

A Sega Ga Ni Taleitaki Na Mate (Death Was Never Desired)

Thought: Turn Away From Evil And Never Turn To Evil

.............................. 

Serving For Shabbat, 20^th Kislev, 5771

Kaya vei ira, Me vaka niu bula, e kaya na Sau o Jiova (the Sovereign Yahweh), au sega vakadua ni taleitaka na nodra mate o ira na ca; o ira ga na ca me ra saumaki laivi mai na nodra ivalavala ca me ra bula; o koya oya e vinakati kina moni veivutuni mai na nomuni ivalavala ca, oni na qai sega ni mate, kemuni na matavuvale i Isire’yili 12 O koya oqo, Luve ni tamata, mo kaya kina vei ira na kai nomu, Na nona ivalavala dodonu na yalododonu e na sega ni vueti koya e na siga e cakava kina na ivalavala ca; na nona ca na tamata ca, e na sega ni mate kina o koya e na siga sa saumaki tani kina mai na nona ivalavala ca; e vaka kina o koya e dau yalododonu, e na sega ni vakabulai koya rawa na nona a dau yalododonu, e na siga sa valavala ca kina o koya.

Isikeli (Yechezk’yl) 33:11-12

Matacake i Jiova (Yahweh), kemuni na Kalou (Yl) laveta cake na ligamuni; ni kakua ni guilecavi ira era vutugu.13 Na cava beka era dau vakacudrui Jiova (Yahweh) kina?  E kaya e lomana, Na Kalou e sega ni vaqara me veisausaumi. 14 Oni sa raica tiko; baleta sa tiko na vakacaca kei na lomaca, baleta oni sa raica ni sa soro o koya vakataki koya i na qeteqete ni ligamuni; o ira na dravudravua era  kabi yani vei kemuni; o kemuni oni nodra dau ni veivukei vei ira e sega na tamadra. 15 Musuka na tabana na tamata loma ca vata kei koya e dau ivalavala ca; vakaotia na nona ivalavala vakasisila me yacova ni sa sega ni kune tale e dua. 16 O Jiova (Yahweh) e tui me tawamudu ka sega ni mudu; o ira na veivanua era na kawaboko mai na nona vanua. 17 Jiova (Yahweh), oni sa rogoca na nodra gagadre na dravudravua; na daligamuni sa rogoca na vakavakarau ni vuniyalodra: 18 Vakayacora na lewa dodonu vei ira e sega na tamadra kei ira era vakararawataki tu; me kakua kina ni ra vakawabokotaki na tamata mai na dela i vuravura.

Same (Tehellim) 10:12-18

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
332	November 27, 2010
Reading	Hebrew Date
Ezekiel 38-39	Kishlev 20, 5771.

 May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na Tamata iValavala Ca (The Sinner)

Thought: Sinners Are Identified By Their Own Corrupt Activities

 ..........................

Serving For Yom Ha Shee-shee, 19^th Kislev, 5771

NA lialia e kaya e vuniyalona, E sega ni dua na Kalou (Mighty One). Era dauveidabui, era dau vakacacani ga e na veika ca era dau cakava; e sega sara ga ni dua e dau caka vinaka.

Same (Tehellim) 14:1

Na ivalavala ni tamata e matalia tu e na mata i Jiova (Yahweh), na nona sala kece e laurai votu tu e matana. 22 Na tamata ca e na coko ga e na nona ivalavala ca, ka na vesu o koya e na ivau ni nona ivalavala ca:

Vakaibalebale (Mishlei) 5:21-22

Na cava beka na vuna oni tu mai kina vakayawa, i Jiova (Yahweh), moni qai tarova na nomuni loloma e na gauna ni tu leqaleqa? 2 Na viavialevu ni tamata ca e dau vakavuna na nodra vakaloloma na dravudravua; Laiva me ra coko ga e na vere era bukia. 3 Baleta o ira na ca era dau dokadokataka na gagadre ni yalona; O Jiova (Yahweh) e na leva ni ra kalougata o ira na daucakaca. 4 O koya e daucakaca e na nona  dokadokataka na nona itutu, e na sega kina ni via vakasaqarai Jiova (Yahweh): Baleta e na uto ni nona vakasama, e sega ga na Kalou (Mighty One). 5 Na nona itovo, e dau malumalumu tu ga, na nomuni lewa e yawa kalia sara e cake mai na nona rai; ia o ira kece na kena meca, e dau sevaki ira vakaoti o koya. 6 E dau kaya e lomana, au na sega ni yavalati mai na dua na itabagauna ki na dua tale na itabagauna; baleta o koya e dau vakavurea na ca. 7 Na gusuna e sinai vutuvutu e na vosavosa ca, na lawaki kei butabutako; e na ruku ni yamena e vuqa kina na veivakaisini kei na lasulasu; 8 E dau dabe toka e na ivunivuni e na loma ni dua na qaravatu; e na dua na yasana tawakilai e dau labati ira kina era sega ni cala; ia na matana e dau dikevi ira lo na malumalumu. 9 E dau koto vunivuni me tudaitaki ira na dravudravu; me ra coko e na nona lawalawa vuni. 10 Io o koya e na vakalolovirataki ka vakadrukai; e loma ni nona sui, era tu kina na mate kei na vutu. 11 E kaya e lomana, o Jiova (Yahweh) sa guilecava, o koya e sa vukica laivi na matana; o koya e na sega ni raica.

Same (Tehellim) 10:1-11

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
331	November 26, 2010
Reading	Hebrew Date
Ezekiel 36-37	Kishlev 19, 5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.

Na iValavala Ca E Vu Ni Mate (Sins Will Bring Death)

Thought: Unfortunately, Yahweh Will Destroy Unrepentant Sinners

........................................

Serving For Yom Shlee-shee, 17^th Kislev, 5771

Vakatotolo sara mo dro i keya; baleta au na sega ni cakava rawa e dua na ka me yacova ni o sa curu sara kina. Qori a qai vakatokai kina na koro oya me yacana o Taso’a. 23 A sa cadra tiko na matanisiga e vuravura e na gauna sa curu tiko kina o Lote mai Taso’a.

24 ¶ Oti qai vakatauca o Jiova (Yahweh) na salafa kei na bukawaqa e dela i Sodoma kei ‘Amora, oya mai Vua na Kalou (Mighty One) mai lomalagi. 25 A qai vukica vakatoboicu na veikoro lelevu, na veibucabuca kei ira kece na itaukei ni yasayasa oya, ka vaka kina na veika kece era bula tiko mai na qele.

Vakatekivu (B’resheet) 19:23-25

AU na vakavinavinakataki kemuni i Jiova (Yahweh) e na vuniyaloqu taucoko; Au na vakaraitaka wavoki na nomuni cakacaka cecekia taucoko. 2 Au na dau reki ka mamarau e na vukumuni, kau na dau lagata na sere meu vakacaucautaka na yacamuni, O  kemuni oni cecere duadua. 3 Ni ra moku era sa qai tu vakasuka na kequ meca, era na qai tacaqe ka vakarusai e matamuni. 4 Baleta ni oni sa tokona na noqu dodonu kei na noqu inakinaki; ni oni dabeca toka na idabedabe vakatui, o kemuni oni daunilewa yalododonu; 5 Oni vosataki ira na veimatanitu, oni qai vakarusai ira na daunicakaca; Oni qai bokoca laivi vakadua na yacadra me tawamudu ka sega ni mudu. 6 Na kequ meca era sa vakawabokotaki e na iseleiwau me tawamudu; oni qai vakarusa na veikorokoro, na kedra ivakananuni mada ga sa takali vakadua. 7 Ia o Jiova (Yahweh), e na tudei tu me tawamudu; e sa vakarautaka o koya na nona idabedabe vakatui e na vukuni  me baleta na vakataulewa. 8 O koya e na qai vakatulewataka na vuravura e na lewadodonu vata kei ira na tamata lewadina.9 O Jiova (Yahweh) e na yaco talega me nodra i tataqomaki na dravudravua, na itataqomaki e na gauna ni leqaleqa. 10 O ira era kila na yacamuni, era na vakataqara na nodra inuinui vei kemuni, baleta oni sega vakadua ni vakanadakui ira era vaqarai kemuni i Jiova (Yahweh).

Same (Tehellim) 9:1-10

Read The Scriptures (Tanakh) in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)
329	November 24, 2010
Reading	Hebrew Date
Ezekiel 31-33	Kishlev 17, 5771.

May the Name of Yahweh, Mighty One of Avraham, Yitz'chak and Ya'akov be freely published in the world today, so that people will learn that Yahweh (YHWH) is one.