Kau Vakabobula O Yisira’yili (Yisra’yl Taken Into Slavery)

Thought: YHWH Went Against Yisra’yl Due To Idol Worship.

.................... 

Serving For Yom R’vi’i, Kislev 28, 5773

MAI NA NEVI’IMI RISHONIMI (FROM THE NEVI’IM RESHONIM)

E na ikatinikarua ni yabaki i Aka'aza na tui Ya'huda, o Hoshea na luvetagane i Elaa, a tekivu me veiliutaki vakatui vei ira na Yisira'yili mai Shomorono me ciwa na yabaki. 2 O koya e a vakayacora na veika e sega ni donu e na mata i Yahuwe (YHWH), ia a sega ga ni tautauvata kei ira na tui Yisira'yili era a veiliutaki eliu vua. 3 A qai lako cake mai me mai saqati koya o Shalamani'esa na tui Ashuru; o Hoshea, a yaco me nona dauniveiqaravi me dau saumi ivakacavacava vua. 4 Na tui Ashuru a qai kunea ni dau bukivere o Hoshea; baleta ni a vakatadu mata o koya vei So na tui Ijipita, qai sega ni sauma mai na ivakacavacava vua na tui Ashuru, me vaka a dau cakava mai na dua na yabaki i na dua tale na yabaki; qori a qai sogoti koya kina na tui Ashuru, e vale ni veivesu. 5 Sa qai lako cake mai na tui Ashuru me mai saqata na vanua taucoko, ni lako cake i Shomorono, qai lai tuvaivalutaka tiko me tolu na yabaki. 6 E na ikaciwa ni yabaki i Hoshea, a qai rawai Shomorono kina na tui Ashuru, qai yauti ira tani (vakabobula) na  Yisira'yili i Ashuru, qai lai vakatikori ira mai Halaka, Havoo, mai na uciwai mai Qosani kei na nodra veikoro na Midi.

7 ¶ A qai yaco dina, baleta na nodra a valavala ca na luve i Yisira'yili, me ra saqati Yahuwe (YHWH) na nodra Kalou (Mighty One), o koya e a  kauti ira cake mai na vanua o Ijipita, mai na liga i Fero na tui Ijipita, baleta ni ra sa qaravi ira na kalou (elohim) mai liu, 8 Era qai bula muria tiko na nodra ivalavala na veimatanitu e a vakarusai ira taumada o Yahuwe (YHWH) e matadra na luve i  Yisira'yili, 9 O ira na luve i Yisira'yili era a kaya na veivosa e sega ni kilikili, me ra saqati Yahuwe (YHWH) kina na nodra Kalou (Mighty One); ruarua o ira kei na nodra tui; era qai tara na nodra veivalenisoro ni matakau e na nodra dui koro lelevu, mai na nodra valecere na matayadra, i na veikorolelevu vakabai lalaga. 10 Era qai vakaduria vakataki ira na nodra ivakatakarakara kei na kalou matakau e na dela ni vanuacere kei na ruku ni veivunikau drokadroka kece. 11 E keya era qai vakama kina na veika boi kamica, e na veitikina cecere, me vaka era dau cakava o ira na veimatanitu e a vakarusai ira o Yahuwe (YHWH) e matadra; era qai cakava tiko na veika e sega ni kilikili, me ra vakacudrui Yahuwe (YHWH) kina me leva;

M’lakhim Bet (2 Tui) 17:1-11

NA IVAQA NI BULA (FOOD FOR THE SOUL)

Na nona viavialevu e dua na tamata e na vakalolovirataki koya; ia na nona yalomaloku (meekness) e na vakuria na nona dokai.

Mishlei (Vosa Vakaibalebale) 29:23

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere ni cabecabe. Maivei Dawide. Raica, na kena vinaka kei na kena totoka, ni ra mai vakaitikotiko vata e na yalovata na mataveitacini. 2 E tautauvata kei na ilumu vakamareqeti e na ulu kei na kumi, na kumi i Aharoni, ni sa drodro sobu i na kola ni nona kote; 3 Me vaka na tegu mai Heremoni ni  lutu e na ulunivanua mai Zaiyoni; baleta e keya e a vakarota kina na nona veivakalougataki o Yahuwe (YHWH), oya na bula e tawamudu.

Tehellim (Same) 131:1-3

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 346 o/o 1806	December 12, 2012
Reading	Hebrew Date
‘Ezra ( Ezera) 9-10	M #9: Kislev 28, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veisau Na Yaca I Ya’akove (Change Of Name For Ya’akov)

Thought: The Name Isra'yl Is A Key to Understanding World Events Today

 ...........................

Serving For Yom Shlishi Tevet 22, 5772

MAI NA TORAA (FROM THE TORAH)

Kaya o Yahuwe (YHWH) vei Ya'akove, Cavutu, toki cake i Beiti-Yili, lai vakaitikotiko e keya; tara e keya e dua na icabocabo ni soro vei Yahuwe, o koya e a rairai vei iko e na gauna o dro kina mai na mata i Esava na tuakamu. 2 Oti sa qai kaya o Ya'akove vei ira kece na lewe ni nona matavuvale, vata kei ira kece era tiko vata kei koya, Biuti ira tani na kalou tawamacala (strange elohim) e na kemuni maliwa, vakasavasavataki kemuni vakataki kemuni, ka veisautaka na nomuni isulu;  3 Laiva meda sa cavutu, meda lako i Beiti-Yili; o au, au na tara mai keya e dua na icabocabo ni soro vei Yahuwe, (YHWH) o koya e a rogoci au e na siga ni  noqu leqaleqa, qai tiko vata kei au e na ilakolako au a muria. 4 Era sa mani solia kece vei Ya'akove na veikalou tawamacala (strange elohim) e curu vata tu kei na veika era taukena, bau kina na sau e daligadra; o Ya'akove a qai buluti ira kece e na rukuni vunioki e tubu toka mai She'kehema. 5 Eratou sa qai toso; na rerevaki nei Yahuwe (YHWH) a qai kovuti ira na lewe ni tauni era tu vakavolivoliti iratou, era a sega ni vakasagai Ya'akove kei iratou na luvena tagane.

6 ¶ Sa qai yaco o Ya'akove i Luza, oya o Beiti-Yili, e tiko e na nodra vanua na Kena'ani; o koya kei ira kece na tamata era toso tiko vata kei koya. 7 E tara e keya e dua na icabocabo ni soro, qai vakayacana na vanua oya me o Beiti-Yili (na vale i Yahuwe (YHWH)), baleta e keya o Yahuwe a rairai vua, e na gauna a dro tiko kina mai na mata i tuakana o Esava o koya. 8 Oti a qai mate o De'voraa na nasi nei  Rivika, a qai bulu o koya, ni siro sobu mai Beiti-Yili, e na ruku ni dua na vunioki; a mani vakayacani na vunioki oya me o Aloni-Bakahutu (na vunioki ni vakaloloku). 9 A rairai tale o Yahuwe (YHWH) vei Ya'akove, e na gauna a lako kina mai Padana-Arama, qai vakalougatataki koya.  10 O Yahuwe (YHWH) a qai kaya vua, Na yacamu sa na veisau, o sa na sega tale ni kacivi e na yaca Ya'akove; ia o Isira'yili sa na yacamu: sa mani kacivi koya, Isira'yili. 11 Kaya tale vua o Yahuwe (YHWH); O au o Yahuwe Kaukaua (Yl Shaddai); mo vakaluvea ka  vakatubu iwiliwili; mo dua na matatamata ka dua talega na ibinibini matatamata, era na kawa mai vei iko, na vei tui era na vakatuburi mai mulomu (loin); 12 Na vanua talega au a solia vei Avarahama kei Yi'sake, au na solia vei iko kei ira na nomu kawa, era na muri i iko mai. 13 O Yahuwe (YHWH) a qai lako cake, mai na vanua a vosa kina vua o koya. 14 O Ya'akove a qai vakaduria e dua na duru e na tikina e a vosa kina vua o koya, oya e dua na duru vatu, oti qai  livia e delana e dua na imadrali gunuvi, ka sovara talega e delana na waiwai. 15 O Ya’akove a qai kaciva me yaca ni vanua a vosa kina vua o Yahuwe, me o  Beiti-Yili. 16 Eratou a lako mai i Beiti-Yili ka ratou toso tiko ga me yacova ni ratou sa lai yaco e na dua na tikina, e rauta toka me dua na maile mai na matamata i Efarata; e keya e a tekivu taratara kina o Rejeli, qai mani sotava na dredre levu e na gauna a vakasucu tiko kina. 17 E na gauna sa taratara kaukaua tiko kina o koya, a qai kaya vua o koya na dau ni veivakasucumi, Kakua ni rere; o koya qo e na dua tale na luvetagane vei iko.18 A qai yaco ni sa biubiu tiko na nona bula (soul), me sa voleka ni mate, ni a qai kaciva na yaca ni gone o Beni-Oni (luve ni noqu rarawa); ia o tamana a qai kacivi koya o Biniyamini (luvetagane ni ligaqu imatau) 19 A qai mate o Rejeli, ka mani bulu no e na sala i Efarata, oya o Beiti-Lekehema).

Na iVakatekivu (B’resheet) 35:1-19

NA IVAQA NI BULA (FOOD FOR THE SOUL)

I luvequtagane, kakua ni vakalaiva na noqu ivakaro me ra takali mai matamu; taura matua tiko na noqu ivakavuvuli kei na noqu ivakasala; 22 Me rawa kina ni ra ka ni bula (life) e na nomu bula (soul) ka iukuuku toka ni domomu: 23 O na qai lako e na nomu ilakolako e na inuinui, na yavamu e na sega ni tacaqe. 24 Ni o davo sobu, o na sega ni taqaya; io, ni o davo sobu, na nomu moce e na kamikamica; 25 O na sega ni taqayataka na leqa vakasauri se na nodra domobula na ca, ni sa yaco mai: 26 Baleta o Yahuwe (YHWH) e na dau tiko vata kei iko ka na taqomaka na yavamu me kakua ni tacori e na tudai.

Vosa Vakaibalebale (Mishlei) 3:21-2

LOMANI YAHUWE NA NOMU KALOU (LOVE YHWH YOUR MIGHTY ONE)

I Yahuwe (YHWH) o cei e na vakaitikotiko e na nomuni vale? O cei e na taukena na nomuni ulunivanua tabu? 2 O koya e lako vakadodonu ka cakacakataka na ivalavala dodonu, ka kaya ga na dina e vuniyalona. 3 O koya e sega ni veivakacalai e na yamena, e sega ni dau vakayacora na ca vei ira na wekana vakaitikotiko se ciqoma na veivaqumi (bribe) mai vei ira na wekana vakaitkotiko me veidabui; 4 Ia e matana e na sevaka na tamata dau veidabui; e dau dokai ira ga era dau sokalou vei Yahuwe (YHWH); o koya e bubului vua na wekana vakaitikotiko qai sega ni lasu; 5 O koya e sega ni solia na nona ilavo qai lavaka me dua na kena tubu, se taura e dua na isau ni veidabui, e na vakacacani kina na tawacala. O koya e cakava na veika oqo, e dodonu, ka na sega vakadua ni yavalati.

Same (Tehellim) 15:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
017 Blog No. 1477	January 17, 2012.
Reading	Hebrew Date
Na iVakatekivu (B’resheet) 40	Tevet 22, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

a Qaqa Mai Kena‘ani (Victories In Kena‘an).

Thought: If You Need A Miracle, Only Yahweh Can Give It To You

 ...........................

Serving For Yom Reeshone, Adar-Bet 13, 5771

Oti a qai lako mai o Horami na tui Qisa me mai vukei Lakisi; ia o Yo'hoshua a qai samuti koya kei ira na nona tamata e na bati ni iseleiwau, me yacova ni sa sega tale ni dua e vo vei ira. 34 O Yo'hoshua a qai toso laivi mai Lakisi, vata kei ira na Isira'yili kecekece, me ra lai keba saqati Eqeloni, me ra valuti ira:  35 Era rawai ira e na siga oya, ka samuti ira  e na batini seleiwau, vata kei ira na tamata kece era tiko mai keya, me vaka a cakava mai Lakisi.36 O Yo'hoshua a qai lako cake mai Eqeloni, kei ira na Isira'yili kecekece, i Heveroni; era qai lai valuti ira; 37 ka rawai ira, ka samuti ira e na bati ni seleiwau; bau kina na nodra tui  kei na nodra veitauni kei na tamata kece era kune mai keya, ni a sega ni vakavotaka e dua, me vaka a cakava mai Eqeloni; e a vakarusa vakadua, vata kei ira na tamata era tiko kina. 38 A qai lesu mai o Yo'hoshua, vata kei ira kece na Isira'yili vata kei koya, i De'viri;  me lai valuti ira:  39 Qai rawai ira, vata kei na nodra tui kei na nodra veitauni taucoko, era qai samuti ira e na bati ni seleiwai ka vakarusai ira vakadua na tamata kece era tiko mai keya; a sega ni vakavotaka me vo tale tiko e dua na tamata mai keya; me vaka ga a cakava mai Heveroni, e a cakava talega mai De'viri  vata kei na nodra tui; me vaka a cakava   talega mai Livina vata kei na kena tui,

Josua (Yo’hoshua) 10:33-39

A, i Jiova na Kalou (Yahweh Mighty One) raica, o kemuni ga oni a bulia na lomalagi kei na vuravura e na nomuni kaukaua cecekia, kei na ligamuni ni dodo tu, ka sega ni dua na ka e vunitaki rawa mai vei kemuni.

Jeremaia (Yirmeyahu) 32:17

Read The Scriptures (Tanakh) in a Year
Siga (Day)/Blog	Tikinisiga (Date)
79/Blog No. 1219	March 20, 2011.
Reading	Hebrew Date
Josua (Y’hoshua) 1-3	Adar Bet 14,  5771.
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.