Na iTukutuku Kei Qidioni (The News About Gideon).

Thought: Yahweh Has Strategies To Solve Problems Of Those He Loves

 ...........................

Serving For The 31st March, 2010

A qai yaco e na bogi vata oya, ni a kaya vua o Jiova (Yahweh) Tu mai mo lako sobu i na keba, baleta au sa solia oti i ligamu. 10 Ia kevaka o nuiqawaqawataka mo lako sobu, ia lako vata kei Pera na nomu dauniveiqaravi, i na keba ni sotia. 11 O na qai lai rogoca na veika era tukuna tiko; e muri sa na qai vakaukauataki na ligamu. Sa mani lako sobu vata kei Pera na nona dauniveiqaravi, i na dua na nodra wasewase na tamata vakaiyaragi era tiko e na keba ni sotia.12 O ira na Midinaiti vata kei ira na Amelekaiti kei ira kece na Rakimaite era sa davo tu mai na buca me vaka e dua na ibinibini vodre; na nodra kameli a sega ni wili rawa, na kedra iwiliwili a vaka na mataninuku e matasawa. 13 Ni yaco yani o Gidioni, a qai raica e dua na tamata ni vakamacalataka tiko na nona tadra vei ira na nona icaba, ni kaya tiko, Raica, au tatadrataka e dua na tadra, niu raica e dua na ibuli madrai parile ni a vakatoqiqi sobu i na nodra keba na Midinaiti, me yacova na veivalelaca, lauta na deladra qai vakavuna me ra lulutu na veivalelaca. 14 Era sauma o ira na nona icaba ni ra kaya, Qori e sega ni dua tale na ka, qori sara ga na seleiwau nei Qidioni na luve i Joasa, na nodra qaqa na Isireli; na Kalou (Elohim) sa solia oti i ligana na nodra keba na Midinaiti.15 Ni rogoca o Qidioni, ni tukuni  tiko  na tadra kei na kena ibalebale; e a lako me lai sokalou o koya; oti qai lesu i na nodra keba na Isireli, qai kaya, Tu mai; o Jiova (Yahweh) sa solia i ligamuni na nodra keba na Midinaiti.

Dauniveilewai 7:9-15

Na cava tale meda qai kaya e na veika oqo? Ke to vata kei keda na Kalou (Elohim), o cei e na rawa ni saqati keda?

Roma 8:31

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
90	March 31	Judges 3-5	Luke 7:31-50

 May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iWali ni Duidui (Resolving Differences)

Thought: Resolve Differences with Yahweh, By Scriptural Obedience

..................................

Serving for the 24^th March, 2010

Ni rogoca, o Finiasi na luve i Eliesa na bete kei ira na iliuiliu ni isoqosoqo, kei ira na turaganivalu ni matasotia ni Isireli era tiko vata kei koya, na veika era kaya na Ruvenaiti, na Qeidaiti kei na veimama na mataqali nei Manase, era a qai marautaka. 31 Kaya o Finiase na luve i Eliesa na bete vei ira na Ruvenaiti, vei ira na Qeidaiti kei na veimama na mataqali i Manase; E na siga oqo eda kila kina ni tiko e na keda maliwa o Jiova (Yahweh) baleta oni a sega ni vakayacora, moni veisaqasaqa kei Jiova (Yahweh); qo oni sa vueti ira na luve i Isireli, me kakua ni tarai ira na waromisa ni liga i Jiova (Yahweh) kevaka me a saqati ira o koya. 32 O Finiasi na luve i Eliesa na bete, kei ira na iliuliu era tiko vata kei koya era qai lesu mai vei ira Ruvenaiti kel ira na Qeidaiti kei ira na Manasaiti mai na vanua o Qiliade, i na vanua o Kenani, vei ira na luve i Isireli, ka kauta tiko mai vata kei ira e dua na isau ni taro. 33 Na isau ni taro a vakamarautaki ira na luve i Isireli; era qai vakamuduo vua na Kalou (Elohim) o ira na luve i Isireli, era qai lewa me ra kakua ni lako cake me ra lai valuta ka vakarusa na vanua era tiko kina na Ruvenaiti, na Qeidaiti kei ira na Manaseiti.34 O ira na Ruvenaiti,na Qeidaiti kei ira na Manaseiti era a qai vakayacana na icabocabo ni soro era a tara, Na iCabocabo ni iSoro ni iVakadinadina, baleta ni ivakadinadina e na keda maliwa ni o Jiova (Yahweh) duadua ga e Kalou (Elohim).

Josua 22:30-34

E toro yani Vua o Pita, qai taro, “Noqu Turaga (Master) ke cakacala tiko vei au o taciqu, me vakavica beka na noqu vosoti koya tiko? Vakavitu? 22 Sauma Vua o Jisu (Yahshua), Au a sega ni kaya vei kemudou me vakavitu ga, ia me vakavitusagavulutaki na vitu.

Maciu 18:21-22

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
83	March 24	Josua 11-13	Luke 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iVakaro E Tini (The Ten Commandment)

Thoughts: We Need To Recognise Yahweh’s Sovereignty And Be Obedient.

.....................................................

Serving For The 5^th March, 2010

Na siga oni a tu kina e na mata i Jiova (Yahweh) na nomuni Kalou (Elohim) mai Horeba, baleta a kaya vei au o Jiova (Yahweh), Vakasoqoni ira vata mai na tamata vei au, meu mai vakarogoya vei ira na noqu vosa, me rawa ni ra vulica me ra na dau so kalou vei au e na veiveisiga kece era bula tiko kina e na dela i vuravura, ka me rawa talega ni ra na vakatavulica vei ira na luvedra. 11 Oni a qai toro mai, moni mai tucake tu e na ruku ni ulunivanua; ia na ulunivanua e a caudre tu e na bukawaqa e yaco vakadua i lomalagi, a vakacerebuto tu mai vata kei na o, kei na butobuto vavaku. 12 A qai vosa vei kemuni o Jiova (Yahweh) mai loma ni bukawaqa: oni a rogoca na domo ni vosa, ia oni sega ni raica e dua na ibulibuli; e a rogo tikoga na domo. 13 A qai vakatusa vei kemuni na Nona veiyalayalati o koya, e vakarota tiko vei kemuni moni na cakava, oya e tini na ivakaro; ka vola o koya e na rua na papa vatu raraba.14 A qai vakaroti au o Jiova (Yahweh) e na gauna oya meu vakatavulica vei kemuni na lawa kei na lewa, me rawa ni oni na cakava e na vanua oni lako tiko kina moni lai taukena.

Vakarua 4:9-14

Oni sega beka ni kila, ni o koya oni soli i kemuni moni muria vaka nodra dau ni veiqaravi, oni sa nona bobula; ka ni oni na vakamuria moni valavala ca se vakamuria moni yalododonu?

Roma 6:16

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
64.	March 5	Numbers 34-36	Mark 10:32-52

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Curu I Kenani Yalataki (Entering the Promised Canaan)

Thought: Total Obedience To Yahweh Will Open Up Our Own Promised Land.

.................................................

Serving For The 4^th March, 2009

A qai vosa o Jiova (Yahweh) vei Moshe e na bucabuca kei Moabi, e na bati ni Jodani voleka i Jeriko qai kaya, 51 Vosa vei ira na luve i Isireli, kaya vei ira, Ni oni sa takosova na Jodani moni curuma na vanua o Keinani; 52 Moni na vakawabokotaki ira kece era tawavanua tu mai matamuni, vakarusa na matakau, vakacacana na nodra ivakatarakara ka basuraka na nodra veitikina cecere.53 Moni qai taura moni taukena na vanua moni vakaitikotiko kina; baleta au sa solia vei kemuni na vanua moni taukena. 54 Oni na vakawirimadigitaka na vanua moni kila kina na kemuni dui iwasewase vakamatavuvale; vei ira na matavuvale lelevu me levu na kedra ivotavota, ia o ira na matavuvale lailai me lailai sobu na kedra ivotavota; na iwasewase ni tamata yadudua me vakatau e na vanua e tau kina, ni vakawirimadigitaki; ka me vakatau e na nodra dui mataqali na tamadra. 55 Ia kevaka oni sega ni kawabokotaki ira era tawavanua tu e matamuni; ia e na qai yaco na gauna ni o ira era vo bula tiko, ni ra na votonikau e matamuni, moto e na saresaremuni, era na qai dau vakaleqai kemuni tiko, e na vanua oni na lai tawana. 56 Ia me vaka au sa navuca tu meu na cakava vei ira, qori au na cakava vei ira.

Lekutu 33:50-56

Na yalayala kece ni Kalou (Yahweh) era mai vakaiotaki Vua na Mesaia. Qori eda dau vakaemeni kina e na Yacana, me da vaka­rokorokotaka na lagilagi ni Kalou (Elohim). 21 O Koya ga na Kalou (Yahweh) e a vakaduavatataki keitou vei kemuni e na yaca ni Mesaia qai lumuti keitou, 22 o Koya e a digitaki keda qai vakatikora na Yalona e vuniyaloda.

2 Koronica 1:20-22

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
63.	March 4	Numbers 32-33	Mark 10:1-31

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Kawa Nei Ruveni kei Qoda (The Reuven and Gad Families)

Thought: We Must Wholeheartedly Follow Yahweh And Allow Him To Carry Us Through

.......................................................

Serving For The 3^rd March, 2010

Oti qai kaya o Moshe vei ira na luve i Ruveni kei ira na luve i Qoda, Qo beka me ra lako i na ivalu o ira na mataveitacini ia mo dou qai vakacokotaki tiko ga eke? 07 Na cava mo dou vakayalolailaitaki ira kina na luve i Isireli, me ra kakua ni lako i na vanua sa solia vei ira o Jiova (Yahweh)? 08 Qori sara ga na ka era a cakava na tamamudou e na gauna au a talai ira kina mai Rakima-qia me ra lai raica vuni mai na vanua. 09 Ni ra a lako me yaco ga i na buca o Seqola, raica vuni mai na vanua, era qai mai vakayalolailaitaki ira na luve i Isireli, me ra kakua ni lako i na vanua sa solia tiko mai vei ira o Jiova. 10 A qai tubu na nona cudru o Jiova (Yahweh) e na siga oya, qai bubului o koya ni kaya, 11 E sega ni cala, ni na sega ni dua vei ira era a lako cake mai Ijipita, yabaki ruasagavulu kauta cake, era na raica na vanua au a bubuluitaka vei Avarahama, vei Yisake kei Ya’akove; baleta ni ra sega ni muri i au vakayalodina;12 Vakavo ga o Kelebi na luve i Jofanaia na Kenisaiti kei Josua na luve i Nuni; baleta rau muri i Jiova (Yahweh) tikoga vakayalodina.13 Na cudru i Jiova (Yahweh) a qai tubu vei Isireli, qai cakava me ra lako sese tu e loma ni veikauloa me yabaki vasagavulu, me yacova ni ra sa mate kece oti, o ira na itabatamata era a dau cakaca e na mata i Jiova (Yahweh).

Lekutu 32: 6-13

Era sega ni kila se cava e na yaco ni mataka! Na cava mada na noda bula? E sega beka ni vaka na cawa, e basika mai vakalekaleka, oti qai seyavu tale yani? 15 E dodonu cake me ra kaya, Kevaka e inaki ni Turaga (Sovereign), eda na bula, meda cakava oqo se cakava oya. 16 Ia qo era sa dokadoka e na dela ni nodra viavialevu; na dokadoka vaka oqori e cacalaivi vakaoti. 17 O koya oya, o koya e kila me caka vinaka, ia qai sega ni cakava, vei koya, oqori e ivalavala ca.

Jemesa 4:14-17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
62.	March 3	Numbers 30-31	Mark 9:30-50

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Fainihase Kei Na Cakacaka Ni Sautu (Phinehas‘ Act For Peace)

Thoughts: Disobedience Brings Havoc To Yahweh’s Plans

.......................................................

Serving For The 1^st March, 2009

Ia raica, e dua vei ira na tagane mai vei ira na luve i Isireli, e a lako mai vei ira na wekana, qai lai veiyacovi kei na dua na yalewa ni Midiani, ni rai tu o Moshe, vata kei ira na lewe ni isoqosoqo taucoko ni Isireli, e na gauna era tagitagi tiko kina e na mata ni katuba levu ni valetabu. 07 Ia ni sa raica qori o Fainihase na luve i Eliesa, na luve i Eroni na bete, a raica, qai tucake mai na kedra maliwa na lewe ni isoqosoqo, qai taura cake e dua na moto e ligana; 08 Qai muri i koya na tagane ni Isireli i loma ni loqi, e na nona vale laca, qai coka basikati rau vata na tagane ni Isireli kei na yalewa e na ketena. Qori qai muduka vakadua na matelevu a sa veitauvi tiko vei ira na luve i Isireli. 09 O ira era a mate e na matelevu oqo, era le ruasagavulukava na udolu.10 A qai vosa o Jiova (Yahweh) vei Moshe, ni kaya, 11 O Fainihase, na luve i Eliesa, na luve i Eroni na bete, sa vagolea tani na noqu cudru mai vei ira na Isireli, baleta na nona toso totolo e na kedra maliwa, o ira au a sega ni tilomi ira e na noqu cudru e na kedra maliwa na luve i Isireli 12 Qori au kaya kina, Raica au na solia vua na noqu veiyalayalati ni tiko veisaututaki. 13 E na tiko vua vata kei ira na luvena era na muri i koya mai, na veiyalayalati ni dua na cakacaka vakabete tawamudu; baleta ni a gumatua vua na Kalou (Elohm), qai vakacabora e dua na isoro e na vukudra na luve i Isireli.

Lekutu 25:6-13

Curuma na keba, qai vakarota vei ira na tamata, mo kaya, Vakarautaka na kemuni ivaqa e na nomuni ilakolako; baleta e na loma ni tolu na siga, oni sa na takosova kina na Joritani qo, mo ni lai taukena na vanua sa solia oti vei kemuni o Jiova (Yahweh) na nomuni Kalou (Elohim), moni lai taukena.

Josua 1: 11

Oni na sega ni yaco i na qele au a yalataka moni na lai vakaitikotiko kina, vakavo ga o Kelebi na luve i Jofanaia, kei Josua na luve i Nani.

Lekutu 14:30

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
60.	March 1	Lekutu 23-25	Marika 7

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Tamata era Vosavosa (Murmuring People)

Thoughts: Do You Blame Others, When Something Goes Wrong With Your Life?

.......................................

Serving For The 26^th February, 2010

E na mataka, era a qai vosavosa vei Moshe kei Eroni o ira na lewe ni nodra isoqosoqo na luve i Isireli, ni ra kaya, Drau sa vakamatei ira na tamata i Jiova (Yahweh). 42 Ni ra sa soqoni vata na lewe ni isoqosoqo me ra saqati rau o Moshe kei Eroni, era qai rai vaka i na nodra vale tabu na isoqosoqo: era qai raica, ni sa ubia tu vakadua na o, qai rairai mai na iserau i Jiova (Yahweh). 43 Rau qai toso i na mata ni valetabu o Moshe kei Eroni. 44 A qai vosa o Jiova vei Moshe vata kei Eroni ni kaya, 45 Toso tani mai na kedra maliwa na lewe ni isoqosoqo qo, meu vakarusai ira vakadua e na dua na gauna lekaleka mai oqo. Rau mani lutu vakatoboicu i matadrau. 46 Kaya o Moshe vei Eroni, Taura e dua na miqa, biuta kina e dua na buka waqa mai na icabocabo ni isoro, kolo i loma na ka boi vinaka, qai laveta yani vakatotolo vei ira na lewe ni isoqosoqo, mo cabora e dua na nodra isoro: baleta na leva sa lutu mai vei Jiova (Yahweh), ka sa tekivu me dewa na matelevu e na kedra maliwa na tamata. 47 Taura sara o Eroni me vaka e vakarota o Moshe, qai cici i na kedra maliwa na lewe ni isoqosoqo; ia raica, sa tekivu me dewa na mate levu e na kedra maliwa na tamata; e viri sara i loma na ka boi vinàka, qai cabora e dua na isoro e na kedra maliwa na tamata. 48 Ni sa duri tu e na kedra maliwa na mate kei na bula; sa qai mudu na mate levu. 49 O ira era a mate e na mate levu, era le tinikavanaudolu, vitunadrau, sega ni wili kina o ira era mate e na vuku ni vosa ni veivakacacani nei Kora. 50 A qai lesu vei Moshe o Eroni i na katuba levu ni valetabu; sa qai mudu na mate levu,

Lekutu 16: 41-50

E na yame, eda vakamolimolitaka kina na noda Kalou (Elohim) na Tamada, ia e na yame talega eda rukaka kina na tamata a buli me veiucui kei na Kalou (Yahweh). 10 Mai na gusuda e duabulu, e rogo mai kina na veivakacerecerei kei na veivakacacani. Kemuni na taciqu na ka oqo e sega ni dodonu me yaco.

Jemesa 3:9-10

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
57.	February 26	Lekutu 16-17	Marika 6:33-56

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Tara Oti Na Valetabu (Tabernacle Completed)

Thought: Without Yahweh The Best We Can Produce Is Nothing

............................................

Serving For The 12^th February, 2010

A qai yaco e na siga e vakaduria oti kina na valetabu o Moshe, qai lumuta ka vakatabuya vata kei na kena iyaya kecekece; ruarua na icabocabo ni soro kei na kena iyaya kece, a qai lumuta ka vakatabuya; 02 Ni ra a qai lako mai na ravouravou kei Isireli, o ira na iliuliu ni mataqali nei tamadra, era turaga tiko ni vei mataqali ka dau vaktulewa vei ira era sa wili oti; 03 era qai kauta mai na nodra i solisoli e na mata i Jiova (Yahweh), e ono na karati ni usasua vakaiubi totoka vakoti, oya me rua na tui dua na kareti, ka ra tauyadua mai na bulumakau; era qai kauta mai i na mata ni valetabu, 04 Oti qai kaya vei Moshe o Jiova (Yahweh), 05 Taura na isolisoli mai vei ira, me ra na vakayagataki e na cakacaka ni nodra valetabu na isoqosoqo, qai solia vei ira na Livai, ia me veiraurau kei na nodra dui itavi ni veiqaravi, 06 Sa qai taura na bulumakau kei na kareti vakaiubi o Moshe, qai solia vei ira na Livai. 07 E va na kareti kei na walu na bulumakau a solia o koya vei ira na luve i Kerisoni tagane, ka ni veiraurau kei na nodra cakacaka. 08 E va na kareti kei na walu na bulumakau a solia vei ira na luve i Merari tagane, me veiraurauu kei na nodra veiqaravi, ia me lewa tikoga o Itihama na luve i Eroni na bete. 09 Ia a sega ni solia e dua na ka o koya vei ira na luve i Koaca; baleta na itavi ni valetabu a soli vei ira, e vinakati me ra na dau colata.

Lekutu 7:1-9.

Ia na vosa a qai vakavatukanataki e na yago, qai mai vakaitikotiko e na keda maliwa, keitou qai raica na Nona lagilagi, na lagilagi e kune duadua Vua a vakatubura na Tamada, ka sinai tu Vua na loloma kei na dina.

Joni 1:14

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
43	February 12	Leviticus 14	Matthew 26:55-75

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Wase Cakacaka (Duties Allotment)

Thought: Joy Comes With Exercising The Gift Yahweh Has Given To You.

.....................................

Serving For The 11^th February, 2010

Oti qai vosa vei Moshe o Jiova (Yahweh), me kaya, 22 Taura talega na kedra iwiliwili na luve i Kerisoni, mai na veivale nei tamana, e na nodra dui matavuvale; 23 o ira era yabaki tolusagavulu kauta cake i na yabaki limasagavulu, o ira kece era momoqaqa me ra colata na cakacaka ni nodra valetabu na isoqosoqo. 24 Oqori na nodra itavi na matavuvale nei Kerisoni, me ra veiqaravi, ka colata na icolacola: 25 Me ra na colata na ilatilati ni valetabu, na nodra valetabu na isoqosoqo, na iubi na kena katuba, na iubi kuli ni babale e toka e delana kei na veika era dau lili tu e na katuba ni nodra valetabu na isoqosoqo, 26 na veika era tu e na bainirara, kei na veika era dau lili tu e na katuba levu ni buturara e toka veitikivi kei na kei na icabocabo ni soro, na dali, kei na iyaya kece ni veiqaravi kei na veika kece era dau cakava me nodra itavi. 27 E na kaci nei Eroni kei rau na luvena tagane, era na vakarorogo kina na luvei Keresoni tagane, e na icolacola kece kei na veiqaravi kecekece: mo qai lesi i ira me ra qarava na cakacaka kece sara. 28 Oqo na nodra itavi na nodra vei matavuvale na luve i Kerisoni e na nodra valetabu na isoqosoqo; na kena lewa me na tiko ga e na liga i Itihamara na luve i Eroni na bete. 29 ira na luve i Mirari, mo wiiki ira vakamataqali, ka vakamatavuvale ni nodra qase.

Lekutu 4:21-28

Qori au vakamasuti kemuni kina na mataveitacini, e na vuku ni loloma ni Kalou (Elohim), moni solia na dui yagomuni me imadrali bula, savasava, ka gadrevi vakaoti Vua na Kalou (Elohim); oya me nomuni itavi lailai wale ni veiqaravi.

Roma 12:1.

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
42	February 11	Leviticus 13	Matthew 26:20-54

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).