O Jiova na iVurevure Ni Kaukaua (Yahweh The Source Power)

Thought: The Rise Of Israel’s Power Came From Yahweh through Avraham’s Faith.

 ...................................

Serving For The 30^th March, 2010

Rau qai lagasere o Debora kei Baraka na luve i Ebinoama tagane, e na siga oya, ni rau laga, 02 E na veisausaumi, o Isireli sa saumi lesu; vakamuduo vei Jiova (Yahweh) e na dua na sere me baleta na veisausaumi vei Isireli. 03 Ni vakarorogo kemuni na tui, vakatudaliga kemuni na ravouvou Au na laga sere vei Jiova (Yahweh); Au na laga sere ni vakamuduo vei Jiova na Kalou (Yahweh Elohim)  nei Isireli. 04 Jiova (Yahweh), ni oni biuti Sieri mai mo tayabe i na rara mai Idomi, e a sakure na vuravura ka lutu na lomalagi, na o a vakatauca na wai. 05 Na veiulunivanua era a waicala e na mata i Jiova (Yahweh) io o Saineai sara ga mai na mata i Jiova na Kalou (Yahweh Elohim) ni Isireli.

06 ¶ E na veisiga nei Shamaqa na luve i Anaca, e na gauna nei Anaela; na veigaunisala lelevu era a qai sogo laivi; o ira na veilakoyaki era a dau taubale e na gaunisala lelevu, era qai vakasaurarataki me ra taubaletaka na veisalatu lalai veiveveyaki.

Dauniveilewai 5:1-6

Au na seretaka na loloma kei na lewa dodonu; vei kemuni Jiova (Yahweh) au na laga sere. 02 Au na vakaitovotaki au vakavuku  e na ivalavala e daumaka vakaoti. Isa e na gauna cava beka Oni na lako mai kina vei au? Au na muria e loma ni noqu vale, na yalo e vinaka vakaoti. 03 Au na sega ni viritura e mataqu e dua na ka e vakasisila: Au cati ira era dau itovo vakasisila, era na sega ni toro volekati au mai. 04 Na yalotakelo e na vagolei tani mai vei Au: Au na sega ni via kila na ivakarau vakasisila. 05 O koya e beitaka vakailasu na wekana, au na muduki koya laivi: kei koya e viavialevu se yalodokadoka, au na sega ni via kana vata kaya. 06 Na mataqu e na mau toka ga vei ira era yalodina e loma ni  vanua, me ra rawa ni na mai vakaitikotiko vata kei au: o koya e muria na ivalavala dodonu e na qaravi au.

Same 101:1-6

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
89	March 30	Judges 1-2	Luke 7:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iSoro Kei Na iMadrali. (Sacrifices and Offerings)

Thought: Of The Many Types Of Offerings Only The Sin Offering Was Done Continuously

.......................

Serving For The 2^nd March, 2009

A qai vosa o Jiova (Yahweh) vei Moshe, ni kaya, 02 Vakaroti ira na luve i Isireli mo kaya vei ira, Na noqu iloloma kei na madrai ni noqu iloloma e dau vakacabori e na bukawaqa me ka boi vinaka vei au, me na dau vakacabora tiko ga vei au e na kena gauna lokuci. 03 Mo na kaya vei ira, Oqo na iloloma e vakacabori e na bukawaqa oya moni na vakacabora vei Jiova (Yahweh); e rua na lami yabaki ya dua e sega ni tavutonotono, e veisiga yadudua, me isoro kama me na dau vakacabori tikoga. 04 E dua na lami moni na vakacabora e na mataka ia na lami kadua oni na vakacabora e na yakavi; 05 kei na dua na ikatini na iwasewase na efa na falawa matailalai me imadrali laukana, me waki kei na dua na ikava na hini na waiwai tuki: 06 Qo na isoro kama sega ni vakaiyalayala, e a vakaturi mai na ulunivanua o Saineai me ka boi vinaka, na isoro e cabo e na bukawaqa vei Jiova (Yahweh). 07 Na kena imadrali gunuvi me dua na ikava na hini e na vukuni dua na lami; mo qai livia e na tikina tabu na waini makawa, e na mata i Jiova (Yahweh) me imadrali gunuvi. 08 Na lami kadua mo qai vakacabora e na yakavi: me vaka na imadrali laukana e na mataka, ia na kena imadrali gunuvi, mo na vakacabora e dua na isoro e cabori e na bukawaqa, me ka boi vinaka vei Jiova (Yahweh).

Lekutu 28:1-8

Kemuni na noqu lalai, laiva meda kakua ni vakaraitaka na noda loloma e na vosa kei na yameda ia meda cakacakataka sara vakaidina.

1 Pita 3:18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
61.	March 2	Numbers 28-29	Mark 9: 1-29

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Toso Tiko Na iLakolako. (Continuing The Journey)

Thought: If We Forget Yahweh’s Promise For The Future, We Will Suffer A Lack Of Perspective

.........................................

Serving For The 23^rd February, 2010

E a rogoca na nodra tagi na tamata o Moshe, e na nodra dui veimataqali, na tamata yadudua e na mata ni katuba ni nona valelaca; a qai tubu vakalevu kina na leva i Jiova (Yahweh); ka tubu talega na rarawa nei Moshe.11 Kaya vei Jiova (Yahweh) o Moshe, Noqu Kalou (Elohim), Na cava oni vakavuna tiko kina me rarawa na nomuni dauniveiqaravi? Na cava beka au sega ni kunea tiko kina na yalololoma e matamuni, oni vakotora tiko kina na nodra icolacola bibi na tamata kece oqo vei au? 12 O au beka au a kunekunetaki ira na tamata kece oqo? Se o au beka au a vakatuburi ira kece, moni tukuna kina vei au, Keveti ira tiko e lomaseremu, me vaka e dua na tama e keveta tiko e dua na gone dramidrami, i na vanua oni a bubuluitaka vei ira na tamadra? 13 Evei beka au na kunea kina na lewe ni manumanu, meu solia vei ira kece na tamata oqo? Era sa tagi tiko me ra kudruvaka vei au, e na nodra kaya Solia vei keimami na lewe ni manumanu me keimami kania. 14 Au na sega ni rawa ni colati ira tiko na tamata oqo vakataki au, baleta na icolacola e rui bibi vei au. 15 Kevaka moni cakacaka tiko vata au kei vakaoqo, ia vakamatei au sara ga e na gauna oqo kevaka oni au sa kunea na yalololoma e matamuni; meu kakua ni raica na noqu vakaloloma.

Lekutu 11:10-15

Kemuni na noqu mataveitacini, au sega ni nanuma niu sa yacova na cere; ia e duabulu na ka oqo au kila, au sa guilecava na veika kece sa sivi, au sa tadolova tiko yani na veika era tu e mataqu, 14 kau sa sasaga tiko vakaukaua, meu rawata na cere, meu na qai taura na icovi ni veikacivi cecere ni Kalou (Elohim), e na vuku i Jisu (Yahshua) na Mesaia.

Filipai 3:13-14

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
54.	February 23	Lekutu 8-10	Marika 5:1-20

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Cakacaka Vaka Livai (The Levitical Duties)

Thoughts: With Unsupportive And Unsubmissive Spirit. We Will Remain Stagnant,

................................................

Serving For The 10^th February, 2010

A qai vosa vei Moshe o Jiova (Yahweh) me kaya, 06 Kauti ratou mai vakavoleka na mataqali Livai, ka vakaraitaki ira e mata i Eroni na bete, me ra sa veiqaravi vua. 07 me ra qarava na nona cakacaka, kei na cakacaka ni isoqosoqo taucoko, e na mata i Jiova (Yahweh) e na valetabu ni isoqosoqo, me ra colata na cakacaka ni valetabu. 08 Me ra dau maroroya na iyaya kecekece ni nodra valetabu na isoqosoqo kei na nodra qaravi na luve i Isireli me ra vakayacora na cakacaka ni valetabu. 09 Mo qai soli i ira na Livai vei Eroni kei ira na luvena: qori me ra sa soli vakadua vua vakailoloma maivei ira na luve i Isireli 10 Mo qai lesi i Eroni kei rau na luvena, me ratou qarava na nodratou cakacaka vakabete: ia na tamata vulagi e toro voleka yani me ra vakamatei. 11 A qai vosa tale vei Moshe o Jiova (Yahweh) qai kaya, 12 Raica, au sa kauti ira na Livai mai na kedra maliwa na Isireli, me kedra isosomi na ulumatua, era doladola mai na nodra katonigone e na kedra maliwa na luve i Isireli: e kena ibalebale qori ni ra sa noqu na Livai; 13 Baleta o ira kece na ulumatua era noqu; baleta e na siga au a mokuti ira kina na ulumatua mai na vanua o Ijipita: au a vakatabui ira kina na ulumatua mai Isireli, ruarua na tamata kei na manumanu; me ra noqu; o au o Jiova (Yahweh).

Lekutu 3:5-13

Sauma o Samuela ni kaya, O Jiova (Yahweh) e sega ni taleitaka na isoro kama kei na imadrali, me tautauvata kei na Nona vinakata vua e dua me talairawarawa i na vosa? Raica, na talairawarawa e vinaka vakaoti cake mai na isoro; kei na vakatudaliga mai na uro ni sipi tagane. 23 Na cakaisausau e tautauvata kei na talatalaidredre; na cakaisausau e dua na cala vakadomobula. Baleta ni o besetaka na vosa i Jiova (Yahweh), o koya talega e besetaki iko mo tui tale tiko.

1 Samuela 15:22-23

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
41.	February 10	Leviticus 10-12	Matthew 26:1-19

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na ValeTabu Ni Kalou (The Tabernacles)

Thought: Yahweh Blesses A Cheerful Giver Mainly For His Cause.

..................................................

Serving For The 8^th February, 2010

Era sa biubiu mai na mata i Moshe o ira kece sara na lewe ni isoqosoqo taucoko ni luve i Isireli. 21 Era lako mai, o ira kece era lomasoli mai vuniyalodra kei ira kece era vakauqeti mai vakayalo me ra yalosoli, era qai kauta mai na isolisoli vei Jiova (Yahweh) me baleta na cakacaka ni valetabu ni soqosoqo, na iyaya kece era vakayagataki kina kei na isulu tabu. 22 Era lako mai, ruarua na tagane kei na yalewa, o ira kece sara era yalosoli, me ra kauta mai na qato, na sau, na mama, kei na itaube, kei na veimataqali iyaya koula; o ira kece na tamata era biuta vakatikitiki na isolisoli koula era kauta mai oqo vei Jiova (Yahweh). 23 O ira kece na tamata e kune vei ira na isulu karakarawa, lokaloka kei na kulakula, kei na lineni matailalai, na vutinime, kei na kuli ni sipi tagane damudamu, kei na kuli karakarawa kata, qori era yauta mai. 24 O ira kece sara era biuta vakatikitiki tu e dua na isolisoli siliva kei na barasa era a kauta mai vakaisolisoli vei Jiova (Yahweh); o ira na tamata e tu vei ira na kau shitimi e na yaga e na cakacaka ni veiqaravi, era kauta tale ga mai. 25 O ira na yalewa era kenadau, era a talitali e ligadra, era qai kauta na veika era talia, ruarua na karakarawa kei na lokaloka, kei na i sulu kulakula, kei na lineni matailalai. 26 O ira na yalewa era kenadau ka nodra gagadre dina, era talia ma vakamaqosa na vuti ni me. 27 O ira na ravouvou, era kauta mai na vatu onikisa kei na vatutalei me vonoti e na efoti kei na iubi ni saresare; 28 vata kei na ivakaboi totoka, na waiwai ni icina, kei na waiwai ni veilumuti, kei na isaluaki ni kau boi vinaka me vakamai. 29 O ira na luve i Isireli era a kauta na isolisoli e na lomasoli vei Jiova (Yahweh) oya; o ira kece na tagane kei na yalewa era yalosoli era a kauta mai na iyaya me vakayagataki e na cakacaka kece sara, a vakarota o Jiova (Yahweh) me na cakava o Moshe.

Lako Yani 35:20-29

Solia e na qai soli vei kemuni: vakayauyau, tabaki sobu, kureitaki, qai bini cake tale me vuabale, oti qai sovaraki i loma ni nomu kote. Na ivakarau o vakarautaka, e na vakarautaki lesu mai vei iko.

Luke 6: 38

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
39.	February 8	Leviticus 4-6	Matthew 25:1-30

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Lawa Tale Eso (Further Laws)

Thoughts: Yahweh Has Clearly Defined How We Should Live

......................................

Serving For The 7^th February, 2010

O kemuni, moni kakua ni bulia e na vukumuni na matakau se na ivakatakarakara ceu, se vakaduria na duruvatu babalavu e na vukumuni se vakaduria na vakatakarakara ceu mai na vatu e na nomuni vanua, moni cuva sobu vei ira se ka sokalou vei ira, baleta o au o Jiova (Yahweh) au nomuni Kalou (Elohim). 02 O kemuni moni bula muria na noqu ivakaro kecekece, ka vakatatabutaka na noqu tikina tabu; o yau o Jiova (Yahweh). 03 Kevaka moni bula muria na noqu lawa ka maroroya na noqu ivakaro; mo qai vakayacora, 04 Au na qai solia vei kemuni na uca e na kena gauna, na vanua e na vuataka na kena tubu kei na veivunikau ni vanua era na vuataka na nodra dui vuata. 05 Na nomuni samusamu e na semati i na gauna ni veti vuanivaini, na veti vuanivaini e na sema yani i na gauna ni kabukaburaki; ia o kemuni oni na qai kania vinaka na kemuni madrai e vuabale ka bula tiko e na nomuni vanua e na sautu (safety). 06 Au na solia na sautu (peace) e loma ni nomuni vanua, oni na koto sobu ia e na sega ni dua e vakanuiqawaqawataki kemuni; au na kauta laivi na manumanu kila mai na loma ni nomuni vanua, e sega talega ni dua na seleiwau e na kaba basikata na nomuni vanua. 07 Oni na cemuri ira na kemuni meca, era na bale e matamuni e na iseleiwau. 08 E lima vei kemuni e na cemuria e duanadrau, e duanadrau vei kemuni e na cemuria e tininaudolu; o ira na kemuni meca era na bale e matamuni e na nomuni iseleiwau. 09 baleta au na lesuvi kemuni, meu cakava kemuni moni vakaitamera tale ka vakalewevuqataki kemuni, Au na qai vakataudeitaka vei kemuni na noqu veiyalayalati.

Vunau ni iSoro 26:1-9

Ia o kemuni talega oni Nona na Kalou (Yahweh) e na vuku i Jisu (Yahshua) na Mesaia, o Koya e mai Vua na Kalou (Yahweh) e vuku, e yalododonu, e itini ni veivakatabui kei na veivueti vei keda kece, 31 me vaka e volai tu, “O koya e via dokadoka, me dokadokataki Jiova (Yahweh) ga.

1 Korinica 1:30

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
38.	February 7	Leviticus 1-3	Matthew 24:23-51

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Leva Nei Moshe (Moshes’ Anger )

Thought: When We Cover Up Sin, We Only Add To It. We Need Repentance

......................................

Serving For The 6^th February, 2010

O Jiova (Yahweh) a qai sobu mai na o, me mai duri tu vata kei koya e keya, ia qai kaciva na yaca i Jiova (Yahweh) o Moshe. 06 A qai tavali takoso e matana o Jiova (Yahweh) qai tusanaka, Jiova (Yahweh), Jiova (Yahweh) na Kalou (Elohim), dauloloma ka dauveinanumi, dauvosota vakadede, ka sinai vutuvtu e na yalovinaka kei na dina, 07 dauyalovinaka vei ira na udolu na itabatamata, me vosota na ivalavala ca kei na talatalaidredre, ia e na sega ga vakadua ni vakadonui ira era caka cala; ka na sikovi ira na nodra kawa o ira na tama era ivalavala tawakilikili vei ira na luvedra kei ira na makubudra me yacova na ikatolu se ikava ni itabatamata 08 Vuki totolo o Moshe, me lutu i na dela ni qele e na vakarokoroko. 09 Oti qai kaya, Kevaka au sa kunea na yalololoma e matamuni, Kemuni na noqu Jiova (Yahweh), laiva na noqu Jiova (Yahweh) me lako vata kei keimami; baleta qo e dua na kawatamta domoqa; moni vosota na neimami caka cala, na neimami ivalavala ca, kei na neimami loma leqaleqa.

10 ¶ Kaya o Jiova (Yahweh), Raica, au na bulia e dua na veiyalayalati kei ira na nomu tamata. Au na cakava eso na cakacaka mana e sebera ni bau caka vakadua e vuravura, se e loma ni dua tale na matanitu; ia o ira kece na tamata o sa tiko qo e na kedra maliwa, era na raica na cakacaka i Jiova (Yahweh); baleta e ka vakadomobula au sa na cakava oqo vata kei iko.

Lako Yani 34:5-10.

Kevaka eda vakatusa na noda ivala­vala ca, o Koya e yalodina ka yalododonu, e na vosoti keda mai na noda ivalavala ca, ka vakasavasavataki keda mai na noda dukadukali kecekece. 10 Kevaka eda kaya ni da sega ni valavala ca, eda sa vakalasui Koya tiko, baleta na Nona vosa e sega ni tiko vei keda.

1 Joni 1:9-10.

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
37.	February 6	Exodus 39-40	Matthew 24:1-22

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na Siga Vakatabui (The Sanctified Day)

Thought: What is central in your mind? Money, Fame, Pleasure or Yahweh?

...............................................

Serving For The 6^th February, 2010

A qai vosa vei Moshe o Jiova (Yahweh), qai kaya, 13 Vosa vei ira na luve i Isireli, mo kaya, Na Noqu siga ni vakacecegu moni vakatatabutaka; baleta qori na ivakatakilakila e na keda maliwa, o Au vata kei kemuni e na nomuni itabatamata kece sara; me rawa ni oni na kila tiko ni o Au o Jiova (Yahweh) na nomuni Kalou (Elohim) e a vakatabui kemuni. 14 Moni dau vakatatabutaka na siga ni vakacecegu; baleta ni vakatabui vei kemuni: o ira kece era vakadukara me ra na vakamatei dina; ia ke dua e cakava kina e dua na cakacaka, na tamata oqori me na musu laivi mai vei ira na kai nona. 15 E ono na siga mo cakava kina na nomu cakacaka; ia na ikavitu ni siga e siga ni vakacegu; e tabu vei Jiova (Yahweh); o koya ga e cakava e dua na cakacaka e na siga ni vakacecegu me na vakamatei. 16 Qori sa na dodonu kina vei ira na luve i Isireli me ra muria na vakacegu nei Jiova (Yahweh), me ra vakatabuya na siga ni vakacecegu e na nodra veitabatamata kece, me dua na veiyalayalati e sega ni mudu. 17 Qo e dua na ivakatakilakila e na keda maliwa o Au vata kei ira luve i Isireli me tawa mudu; baleta e na ono na siga e a bulia kina na lomalagi kei na vuravura kei na veika era sinai kina o Jiova (Yahweh), ia e na ikavitu ni siga e a tini kina na cakacaka qai vakacegu. 18 Oti qai solia vei Moshe, ni sa tini na nodrau veitalanoa e na dela ni ulunivanua o Saineai, e rua na papavatu ni ivunau, na vatu raraba e volai sara tu ga e na iqaqalo ni liga ni Kalou (Elohim).

Lako Yani 31:12-18

Baleta na Mesaia a sega ni curu i na loqi tabu e bulia na liga, baleta qori e ivakatakarakara ga ni kena e dina; e a curu sara i lomalagi me lai basika e mata ni Kalou (Elohim) e na vukuda; 25 ia a sega ni lai vakacabori koya tiko vakawasoma, me vakataki ira na bete levu ni ra dau curuma na Loqi Tabudredre vakatauyadua e na veiyabaki, qai kauta tiko yani na dra e sega ni nona;

Iperiu 9:24-25

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
36.	February 5	Exodus 37-38	Matthew 23:23-39

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Toso I Veikauloa. (Move Into the Wilderness)

Thought: Through Adversity We Will Learn, What We Cannot Learn In Prosperity

......................................

Serving For The 31^st December, 2010

O ira kece na nodra isoqosoqo na luve i Isireli, era a qai toso mai na veikauloa mai Sini, e na nodra ilakolako me vaka na lewa nei Jiova (Yahweh) era qai lai cegu toka mai Refaidimi; ia a qai sega na wai me ra gunuva na tamata. 02 Era mani veiba kei Moshe na tamata ni ra kaya, Solia mai vei keimami na wai me rawa ni keimami gunu. Kaya vei ira o Moshe, Na cava moni mai veiba tiko kina vata kei au? Na cava moni vakatovolei Jiova (Yahweh) tiko kina? 03 Na tamata era a viagunu wai e keya; ia era qai vosavosa vei Moshe, era qai kaya, Na cava li o a kauti keimami laivi kina mai Ijipita, me keimami mai mate wale e na karamaca; o keimami, o ira na luve i keimami kei ira na neimami bulumakau? 04 A mani masu vei Jiova (Yahweh) o Moshe, ni kaya, Na cava beka meu cakava vei ira na tamata oqo? Era a sa vakarau sara ga me ra vakavirilaki au e na vatu? 05 Sa qai kaya o Jiova (Yahweh) vei Moshe, Kauta eso vei ira na qase ni Isireli, ia mo liu tiko ga vei ira, ka mo kauta tiko e ligamu na nomu ititoko o a sabica kina na uciwai, e na nomuni i lakolako. 06 Raica au na lai duri tu e matamu e na dela ni uluvatu kaukaua mai Horeba; mo na qai samuta na vatu kaukaua, e na qai tacoka mai kina wai,era na rawa ni gunu mai kina na tamata. A qai vakayacora vaka kina o Moshe ni ra qai tu o ira na qase ni Isireli. 07 A qai vakayacana na vanua oya o koya me o Nasaha kei Meribaha, e na vuku ni nodra a veiba na Isireli, baleta talega ni ra a vakatovolei Jiova (Yahweh) ni ra kaya, Laiva sara meda raica se tiko dina kei keda o Jiova (Yahweh) se sega?

Lako Yani 17:2-4

Na veika kece oqo, a yaco vei ira me idusidusi, era qai volai vakaivola, me mai ka ni vuli vei ira e na donui ira na ivakataotioti ni gauna. 12 Laivi ira era nanuma ni ra sa tudei tu, me ra qaqa­rauni tiko, de ra qai bale.13 E sebera ni dua na ka ni veivakatovolei me tarai kemuni, vakavo ga na kena sa yaco tiko vakawasoma vei ira na tamata; baleta na Kalou (Elohim) e yalodina, ka na sega ni vakatara o Koya, moni vaka­tovolei e na kena mataqali oni na sega ni vorata rawa; ia e na bulia no e dua na sala moni drotaka kina na nomuni vakatovolei, me rawa ni oni colata vinaka kina.

1 Korinica 10:11

Read The Bible in a Year (Wili Na iVola Tabu E Na Dua na Yabaki).
Siga	Tikinisiga	Mataka	Yakavi
31.	January 31	Exodus 25-26	Matthew 21:1-22

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Vueti o Isireli (Deliverance of Israel).

Thoughts: Yahweh Has A Better Ending We Least Expect.

............................................

Serving For The 17^th September, 2009

09 ¶ E na qai yaco e na siga oya, niu na nakita meu vakarusa na veimatanitu kece era lako mai me ra mai valuti Jerusalemi. 10 Au na qai sovaraka, e na mataqali nei Tevita kei ira na itaukei kei Jerusalemi, na yalo dauloloma vata kei na yalo dauveivosoti; era na qai vakanamata mai vei au, o koya era a coka ka osivaki koya, me vaka era osivaka tiko e dua e luvenatagane duabau, ka lolositaki koya me vaka era lolositaka e dua na ulumatua. 11 E na siga oya e na yaco e dua na vakaloloku levu e Jerusalemi, me vaka na vakaloloku a yaco mai Bara-amoni e na buca o Meqido. 12 Na vanua taucoko e na vakaloloku, na veimatavuvale yadudua vakataki ira; na veimatavuvale ni mataqali nei Tevita vakataki ira, kei ira na watidra vakataki ira; na veimatavuvale ni mataqali nei Necani vakataki ira, kei na watidra vakataki ira; 13 Na veimatavuvale ni mataqali nei Livai vakataki ira, kei na watidra vakataki ira; na veimatavuvale ni mataqali nei Saimeoni vakataki ira, kei na watidra vakataki ira; 14 Na veimatavuvale kecega era vo era na vakaloloku, na veimatavuvale yadua vakataki ira kei na watidra vakataki ira.

Sakaraia 12:9-14

16 Baleta na noda Turaga (Master) vakataki Koya, e na siro mai lomalagi e na dua na kaila, kei na domo ni agilosi-liu, vata kei na davui ni Kalou (Yahweh); o ira era a mate e na vukuna na Mesaia era na qai vakaturi sara ga e liu. 17 Oti, o keda eda se bula tiko ka se vo voli, eda na qai soqoni yani vata kei ira e na o, meda lai sota kei Jisu (Master) e macawa lala; meda sa na tiko tawamudu kei na Turaga (Yahweh).

1 Cesalonaika 4:16-17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
260	September 17	Ecclesiates 1-3	2 Corinthians 9

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).