Eda Na Kilai Yahuwe Taucoko. (We Will All Know YHWH)

Thought: YHWH Will Place His Torah In Our Hearts And Minds!!

 .............

Serving For Yom Rishon, [Fifth Month] Av 14, 5773

 MAI NA NEVI’IMI AKARONIMI (FROM THE NEVI’IM ACHRONIM)

Ia oqo, na veisiga sa lako tiko mai, e kaya o Yahuwe (YHWH), au na kaburaka kina e na vale i Yisira'yili kei na vale i Ya'huda, na itei ni tamata (human) kei na itei ni manumanu. 27(28) E na gauna oya, me vaka au dau vakaraici ira, e na inaki niu na  veicavuivuvutaki, basubasu sobu, veitalaraki, veivakacacani ka veivakamavoataki; ia qo au sa na vakaraici ira meu qai tara cake [tale]  ka tea, e kaya o Yahuwe (YHWH). 28(29) Ni sa yaco mai na gauna oya, era sa na sega tale ni kaya, O ira na qase era a kania na vuanivaini wiwi, ia na batidra na luvedra qai rara kina. 29(30) Ia e na yaco, [na tamata] yadua e na dui mate ga e na vuku ni nodra dui ivalavala ca; o ira kece era kania na vuanivaini wiwi, e na rara ga kina na batidra o ira vakataki ira. 30(31) Ia qo; sa roro tiko mai na siga, e kaya o Yahuwe (YHWH), au na bulia kina e dua na veidinadinati vou vata kei na vale i Yisira'yili ka vaka kina kei na vale i Ya'huda. 31(32) E na sega ni tautauvata kei na veidinadinati au a cakava kei ira na tamadra e na gauna au a tubera kina na ligadra, au qai kauti ira laivi mai na vanua o Ijipita; baleta o ira, mai na nodra yasana, era a vakawaletaka na noqu veiyalayalati oya, e dina ga ni o au, e na noqu yasana, au dua na watitagane (husband) vei ira, e kaya o   Yahuwe (YHWH). 32(33) Baleta oqo na veidinadinati au na vakaduria vata kei ira na lewe ni vale i Yisira'yili, ni oti na veisiga oya, e kaya o Yahuwe (YHWH), Au na biuta na noqu Toraa e lomadra, ka vola e na   uto ni nodra vakasama; o au, au na  nodra Kalou (Mighty One); ia o ira era na noqu tamata. 33(34) E sa na sega tale vakadua me dua vei ira me vakatavulica e dua vei ira na lewe ni nodra isoqosoqo, se tacina, Kilai Yahuwe (YHWH); baleta [o ira] kece era na kilai i au, mai vei koya e lailai duadua vei koya e levu duadua; baleta au sa na vosota na nodra ivalavala vakasisila, kau sa na sega ni  nanuma tale tiko na nodra  ivalavala ca.

34(35) ¶ Oqo na ka e kaya o Yahuwe (YHWH), o koya e a solia na matanisiga me vu ni rarama e na siga, o koya e virikotora na lawa ni vula kei na kalokalo me solia na rarama e na bogi, o koya e yavalata na waitui, me yacova ni sa vakuru na kena veibiau;  o Yahuwe ni lewevuqa (YHWH-Tzva'ot) na yacana:  35(36) Kevaka ga era na takali mai vei au na veilawa oqo, e kaya o Yahuwe (YHWH), ia o ira na kawa i Yisira'yili sa na tini na nodra dua na matanitu, e mataqu me tawamudu. 36(37) Oqo na ka e kaya o Yahuwe (YHWH), Ke rawa ni vakarautaki na lomalagi mai cake, ka katumi na yavu kei vuravura e ra, ia au sa na  vakanadakui ira na kawa i Yisira'yili kecekece, e na vuku ni veika kece era a cakava, e kaya o Yahuwe (YHWH). 37(38) Raica, na veisiga sa roro mai, e kaya o Yahuwe (YHWH), ni na taravou tale kina na korolevu e na vuku i Yahuwe (YHWH), mai na valecere mai Hanana'yili me yacova na Matamata e na Tutu. 38(39)Na wa ni vakavakarau e na dodo vakadodonu sara i na Dela i Qareva qai vuki vaka i Qo'aa. 39(40) Na buca taucoko ni yagomate kei na dravusa, bau kina na vanua me yaco sara i  na Soniwai na Kidroni, qai dodo i na tutu ni Matamata ni Ose e na tokalau, e na wasei tani e na vuku i Yahuwe (YHWH); [qori] e na sega ni cavuivuvutaki se vakacacani tale vakadua.

Yiremeyahu (Jeremaia) 31:27-39

NA IVAQA NI BULA (FOOD FOR THE SOUL)

Na nona gagano e dua na tamata e na ka ni madua vua, ia na tamata dravudravua e vinaka cake [vakaoti] mai vua e dua e daulasulasu. 23 ¶ Na rerevaki i Yahuwe (YHWH) e veituberi i na bula (life); o koya e tiko vua qo, e na vakacegui ka tu vinaka baleta ni na sega ni yaco vua na ca.

Mishlei (Vosa Vakaibalebale) 19:22-23

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu! E dua na same i Dawide.  2(1) E na vakacava na kena dede, i Yahuwe (YHWH)? Oni na guilecavi au beka me tawamudu? E na vakacava na kena dede na nomuni tabonaka tiko na matamuni mai vei au?  3(2) E na vakaevei na kena dede na noqu na tarogi au tiko vakataki au, se cava meu cakava, ni sa tu ga na vutugu e vuniyaloqu e veiveisiga taucoko? E na vakacava na kena dede na nona rawai au tiko  na kequ meca? 4(3) Raica, qai sauma mai vei au i Yahuwe (YHWH) noqu Kalou (Mighty One)! Vakararamataka na yaloka ni mataqu, deu na qai moce e na moce ni mate; 5(4) De lakolako era qai kaya na kequ meca, A sa rawa vei au meu rawai koya; o ira na kequ meca era na qai mamarau baleta na noqu lutu. 6(5) Ia o au, au nuitaka tu ga na nomuni yalololoma, na vuniyaloqu e na mamarau ni oni sa kauti au meu lai taqomaki.  6 Au na lagasere vei Yahuwe (YHWH), baleta o koya e solia vei au vakayauyau, na veika e sivia na noqu gagadre.

Tehillim (Same) 13:1-6

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 302 in 5773 (Total 2029)	July 21, 2013
Reading	Hebrew Date
Yesha’yahu (Isaiah) 29-30	M #5: Av 14, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Kau Lesu Tale O Yisra’yili (Yisra’yl Will Be Brought Back)

Thought: Prosperity Is On The Card For Yisra’yl, Per Kind Favor Of YHWH

................... 

Serving For Yom HaShishi, [Fifth Month] Av 12, 5773

 MAI NA NEVI’IMI AKARONIMI (FROM THE NEVI’IM ACHRONIM)

Oqo na ka e kaya o Yahuwe (YHWH), O ira na tamata era a drobula mai na seleiwau, era sa kune loloma e na vanua liwa, oya o Yisira'yili e na gauna a lako kina meu lai solia vei ira na vakacegu. 2(3) Mai na dua na vanua yawa, o Yahuwe (YHWH) a basika vei au [qai kaya], Au taleitaki iko e na dua na loloma e tawamudu; o koya oya, e na noqu loloma, au na toroi iko kina vakavoleka mai vei au. 3(4) Me vakadua tale, au na tarai iko cake; o iko o na tara vou tale; kemuni na tabutagane i Yisira'yili. E na yaco  tale, ni oni na taura na nomuni taborini, oni qai lako yani moni lai veimeketi vata kei ira era caka soqo ni marau. 4(5) E na yaco tale, ni oni na tea na veivaini e na veidelana mai Shomorono, ia o ira era teitei era na vakayagataka na kena vuata. 5(6) Baleta e dua na siga sa roro mai e na lako mai kina na ivakatawa mai na Ulunivanua o Ifiraimi qai kaci, Lako mai, laiva meda mai cabe cake i Zaiyoni vei Yahuwe (YHWH) na noda Kalou (Mighty One). 6(7) Baleta qo na ka e kaya o Yahuwe (YHWH); Laga sere e na mamarau e na vuku i Ya'akove! Kaila e na vukudra na na turaga ni veimatanitu! Kacivaka, na nomuni vakavinavinaka, moni kaya, I Yahuwe (YHWH)! Oni sa vueti ira na nomuni tamata, o ira na vo vo kei Yisira'yili. 7(8) Raica! Au sa kauti ira sobu tiko mai, mai na veivanua mai na vualiku, meu vakasoqoni ira vata mai na iyalayala yawa duadua kei vuravura; e na kedra maliwa o ira na mataboko kei na lokiloki, na yalewa era susu gone tiko, kei na yalewa era taratara tiko; ni ra wili vata kece, qo e dua na iwiliwili vakaitamera era sa lesu tiko mai i ke. 8(9) Era na lako tagitagi mai ka masumasu tiko mai, niu sa kauti ira lesu mai. Au na tuberi ira mai e yasa ni wai drodro, e na gaunisala logaloga vinaka, me ra kakua kina ni tacaqe. Baleta o au, au tama vei Yisira'yili, ia o Ifirayimi na noqu ulumatua.

9(10) ¶ Kemuni na veimatanitu, rogoca na vosa i Yahuwe (YHWH)! Lai tusanaka e na [veibaravi] kei na veiyanuyanu ciri yawa. Kaya, o koya e a ceburaki ira laivi na Yisira'yili, sa vakasoqoni ira vata tale tiko, ka vakatawani ira tiko me vaka na ivakatawa ni sipi, e taqomaki ira tiko na nona qelenisipi. 10(11) Baleta o Yahuwe (YHWH) sa sauma na ivoli kei Ya'akove, ka sa vueti koya mai ligadra era kaukaua cake vua.  11(12) Era na lako mai, era na qai mai seresere e na veidelana cecere mai Zaiyoni, ka vakasisisi sobu i na yalovinaka i Yahuwe (YHWH), i na witi, na waini, na waiwai ni olive, na lalai ni qelenisipi, kei na qeleni bulumakau. O ira vakataki ira era na vaka e dua na iteitei vakasuasuataki vakavinaka, me ra kakua ni biu laladidi tu ga. 12(13) Oti era na qai danisi e na mamarau o ira na tabutagane, o ira na cauravou vata kei ira na turaga qase; baleta au na vukica na nodra vakaloloku me yaco na mamarau, na veivakacegui  ka vakamarautaki ira ni sa mai tini na nodra rarawa.

Yiremeyahu (Jeremaia) 31:1-12

NA IVAQA NI BULA (FOOD FOR THE SOUL)

Kuitataka na luvemutagane ni se toka na inuinui, ia kakua ni cudru tale vakalevu de o qai vakamatei koya! 19 ¶ Na tamata dau ivalavala kaukaua e na totogitaki; ia kevaka o via vakabulai koya, o na vakavuna ga me qai cacalaivi sara vakalevu.

Mishlei (Vosa Vakaibalebale) 19:18-19

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. Maivei Dawide. Vei Yahuwe (YHWH) au kunea na noqu taqomaki. Qori e na rawa kina vakacava mo kaya vei au, Dro me vaka na manumanu vuka vakatabana i na veiulunivanua? 2 Raica mada ni o ira na ca era sa loveca  tiko na nodra dakaititi, ka vakarautaka na gasau me ra dreta na kena wa, me ra vanaa mai na kedra iyaloyalo na tamata yalodina. 3 Kevaka me vakacacani na yavu, na cava e rawa ni ra cakava o ira na yalododonu?

4 ¶ O Yahuwe (YHWH) e tiko e na nona vale tabu. Na idabedabe vakatui nei Yahuwe (YHWH) e tiko mai lomalagi. Na matana e raica ka vakatovolea na kawatamata. 5 O Yahuwe (YHWH) e vakatovolei ira na yalododonu; ia o koya e sevaki ira era ca kei ira era taleitaka na ivalavala kaukaua. 6 O koya e na vakatauca sobu vei ira na ca, na koala katakata; na bukawaqa, na salafa kei na cagilaba dauveivakamai e na soli vei ira me ra gunuva.7 Baleta o Yahuwe (YHWH) e yalododonu; ka taleitaka na ivalavala dodonu; o ira na dodonu era na raica na matana.

Tehillim (Same) 11:1-7

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 300 in 5773 (Total 2027)	July 19, 2013
Reading	Hebrew Date
Yesha’yahu (Isaiah) 25-26	M #5: Av 12, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakasoqoni Tale O Yisira’yili (Yisra’yl Re-gathered )

Thought: Having Removed Yisra’yl, YHWH Will Regather Them To Their Land

........................ 

Serving For Yom Chamishi, [Fifth Month] Av 11, 5773

 MAI NA NEVI’IMI AKARONIMI (FROM THE NEVI’IM ACHRONIM)

1(2) Oqo na ka e kaya o Yahuwe (YHWH), O ira na tamata era a drobula mai na seleiwau, era sa kune loloma e na vanua liwa, oya o Yisira'yili e na gauna a lako kina meu lai solia vei ira na vakacegu. 2(3) Mai na dua na vanua yawa, o  Yahuwe (YHWH) a basika vei au [qai kaya], Au taleitaki iko e na dua na loloma e tawamudu; o koya oya, e na noqu loloma, au na toroi iko kina vakavoleka mai vei au. 3(4) Me vakadua tale, au na tarai iko cake; o iko o na tara vou tale; kemuni na tabutagane i Yisira'yili. E na yaco  tale, ni oni na taura na nomuni taborini, oni qai lako yani moni lai veimeketi vata kei ira era caka soqo ni marau. 4(5) E na yaco tale, ni oni na tea na veivaini e na veidelana mai Shomorono, ia o ira era teitei era na vakayagataka na kena vuata. 5(6) Baleta e dua na siga sa roro mai e na lako mai kina na ivakatawa mai na Ulunivanua o Ifiraimi qai kaci, Lako mai, laiva meda mai cabe cake i Zaiyoni vei Yahuwe (YHWH) na noda Kalou (Mighty One). 6(7) Baleta qo na ka e kaya o Yahuwe (YHWH); Laga sere e na mamarau e na vuku i Ya'akove! Kaila e na vukudra na na turaga ni veimatanitu! Kacivaka, na nomuni vakavinavinaka, moni kaya, I Yahuwe (YHWH)! Oni sa vueti ira na nomuni tamata, o ira na vo vo kei Yisira'yili. 7(8) Raica! Au sa kauti ira sobu tiko mai, mai na veivanua mai na vualiku, meu vakasoqoni ira vata mai na iyalayala yawa duadua kei vuravura; e na kedra maliwa o ira na mataboko kei na lokiloki, na yalewa era susu gone tiko, kei na yalewa era taratara tiko; ni ra wili vata kece, qo e dua na iwiliwili vakaitamera era sa lesu tiko mai i ke. Ni ra wili vata kece, qo e dua na isoso tamata vakaitamera era sa lesu tiko mai i ke. 8(9) Era na lako tagitagi mai ka masumasu tiko mai, niu sa kauti ira lesu mai. Au na tuberi ira mai e yasa ni wai drodro, e na gaunisala logaloga vinaka, me ra kakua kina ni tacaqe. Baleta o au, au tama vei Yisira'yili, ia o Ifirayimi na noqu ulumatua.

9(10) ¶ Kemuni na veimatanitu, rogoca na vosa i Yahuwe (YHWH)! Lai tusanaka e na [veibaravi] kei na veiyanuyanu ciri yawa. Kaya, O koya e a ceburaki Yisira'yili laivi, sa vakasoqoni ira vata tale tiko, ka vakatawani ira tiko me vaka na ivakatawa ni sipi, e taqomaki ira tiko na nona qelenisipi.10(11) Baleta o Yahuwe (YHWH) sa sauma na ivoli kei Ya'akove, ka sa vueti koya mai ligadra era kaukaua cake vua. 11(12) Era na lako mai, era na qai mai seresere e na veidelana cecere mai Zaiyoni, ka vakasisisi sobu i na yalovinaka i Yahuwe (YHWH), i na witi, na waini, na waiwai ni olive, na lalai ni qelenisipi, kei na qeleni bulumakau. O ira vakataki ira era na vaka e dua na iteitei vakasuasuataki vakavinaka, me ra kakua ni biu laladidi tu ga.

Yiremeyahu (Jeremaia) 30:13-25

NA IVAQA NI BULA (FOOD FOR THE SOUL)

O koya e dau yalololoma vei ira na dravudravua e soli dinau tiko vei Yahuwe (YHWH); o koya e na qai vakaicovitaki e na vuku ni nona ivalavala vinaka.

Mishlei (Vosa Vakaibalebale) 19:17

LOMANI YAHUWE NA NOMU KALOU (LOVE YHWH YOUR MIGHTY ONE

Matacake i Yahuwe (YHWH)! Kemuni na Kalou (Yl) laveta cake na ligamuni! Kakua ni guilecavi ira era malumalumu. 13 Na cava beka era sevaka kina na Kalou (Mighty One) o ira na ca, era qai kaya e vuniyalodra, E na sega ni beitaki vei au! 14 Oni sa raica; baleta oni dau dikeva na vakacaca kei na rarawa, me rawa ni oni cakava e dua na ka e ligamuni; o ira na dravudravua era kabiti kemuni; o kemuni oni dau vukei ira e sega na tamadra. 15 Muduka na gauniligana na ca! Ia me baleta na tamata ca, vakadeuca cake mai na nona ivalavala ca me yacova ni sega ni dua e vo.16 O Yahuwe (YHWH) e tui me tawamudu ka sega ni mudu! Na veimatanitu era na kawaboko mai nona vanua. 17 I Yahuwe (YHWH), oni sa rogoca na nodra gagadre na dravudravua; oni dau vakayaloqaqataki ira, ka dau vakatudaliga vei ira; 18 Moni vakatauca vei ira, e sega na tamadra kei ira era vakasaurarataki, na  lewa dodonu me kakua kina ni dua e vuravura e samuta e na veika vakadomobula.

Tehillim (Same) 10:12-18

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 299 in 5773 (Total 2026)	July 18, 2013
Reading	Hebrew Date
Yesha’yahu (Isaiah) 23-24	M #5: Av 11, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Siga Ni Leqa I Ya’akove (The Day Of Ya’akov’s Troubles)

Thought: The Day of Ya’akov’s Trouble Is A Habinger To Better Times!

 .......................

Serving For Yom Shlishi, [Fifth Month] Av 9, 5773

 MAI NA NEVI’IMI AKARONIMI (FROM THE NEVI’IM ACHRONIM)

Na vosa oqo a yaco vei Yiremeyahu maivei Yahuwe (YHWH): 2 Oqo na veika e kaya o Yahuwe (YHWH) na nodra Kalou (Mighty One) na Yisira'yili: Vola na veivosa kece sara au sa tukuna tiko vei iko e na dua na ivola [vivigi]. 3 Baleta sa roro mai na siga, e  kaya o Yahuwe (YHWH), au na vakalesuya kina na nodra kauvakavesu na noqu tamata, o ira na Yisira’yili kei ira na Ya'huda, e kaya o Yahuwe (YHWH). Au na vakavuna vei ira me ra lesu mai i na vanua au a solia vei ira na nodra itubutubu, era na qai mai taura me ra taukena tale. 4 Oqori na vosa a tukuna o Yahuwe (YHWH) me baleti ira na Yisira'yili kei ira na Ya'huda. 5 Oqo na ka e kaya o Yahuwe (YHWH); Eda sa rogoca e dua na domo ni tagi ni  domobula, ni nuiqawaqawa, sega ni [domo ni] tiko veisaututaki. 6 Taroga mai e na gauna oqo qai raica: E rawa beka vei ira na tagane me ra vakasucumi ira na gonelalai? Ia na cava na vuna, au raici ira tiko kina na tagane kecekece ni ra tara cake tu na tolodra me vaka na yalewa e taratara tiko, ka sa vulaci vakadua tu na matadra? 7 E na wacava na kena vakadomobula na siga oya! E se bera vakadua ni bau dua me vaka kina: na gauna ni nona leqa o Ya'akove; ia o koya e na qai vueti mai kina. 8 E na siga oya, e kaya o  Yahuwe ni lewevuqa (YHWH-Tzva'ot), au na  musuka tani kina na ivua mai domomu, au na drutia na kemu ivesu senicodo.[O ira na] vulagi era sa na sega vakadua tale ni vakabobulataki koya. 9 Ia era sa na qaravi Yahuwe (YHWH) ga na nodra Kalou (Mighty One) vata kei Dawide na nodra tui, o koya, au na vakatura cake e na vukudra.

10 ¶ O koya oqori mo kakua kina ni nuiqawaqawa, i Ya'akove, na noqu dauniveiqaravi, e kaya o Yahuwe (YHWH); se mo taqaya, i Yisira'yili: baleta, o au, au na vakasukai iko mai na vanua yawa, kei ira na nomuni kawa, mai na vanua era sa lai tu vakavesu tu kina. O Ya'akove sa na mai toka vagagalu tale, me cegu; ka sega ni dua e na vakataqayataki koya. 11 Baleta o au, au na tiko kei iko, meu vueti iko, e kaya o Yahuwe (YHWH), Au na vakaoti ira kece na veimatanitu e na veivanua au a ceburaki kemuni laivi kina. Ia, o kemuni, au na sega na vakaoti i kemuni laivi, ia [au na] veitotogitaki  ga me veiraurau kei na veika oni a cakava; au na sega ni vakawabokotaki [kemuni] vakadua, 12 Baleta qo na ka e kaya o Yahuwe (YHWH), Na nomuni mavoa sa sivi na gauna e rawa ni mavo kina,  na nomuni mavoa e a rui waromisa;

Yiremeyahu (Jeremaia) 30:1-12

NA IVAQA NI BULA (FOOD FOR THE SOUL)

E dua na luvetagane (son) lialia e vu ni  nona rogo ca o tamana; ia e dua na yalewa dau babamatua, e vaka e dua na turu e na tuturu tiko ga. 14 ¶ Na vale kei na iyau e ivotavota mai vei ira na itubutubu; ia e dua na yalewa vakawati yalomatua, e ilesilesi mai vei Yahuwe (YHWH).

Mishlei (Vosa Vakaibalebale) 19:13-14

LOMANI YAHUWE NA NOMU KALOU (LOVE YHWH YOUR MIGHTY ONE

Lagasere ni vakamolimoli vei Yahuwe (YHWH), o koya e tiko mai Zaiyoni; tusanaka na nona cakacaka e kedra maliwa na tamata. 13(12) Baleta o koya e dau veisausaumitaka na dra, e nanumi ira; o koya e sega ni guilecava na nodra tagi na vakalolomataki. 14(13) Ni lomani au, i Yahuwe (YHWH)! Raica na noqu vakararawataki mai vei ira era sevaki au;  o kemuni oni a kauti au cake vakatikitiki mai na matamata ni mate; 15(14) Meu rawa ni tusanaka na nomuni  vakamolimolitaki e na nodra matamata na luveyalewa i Zaiyoni; ka mamarau e  na nomuni veivueti oqo. 16(15) Na veivanua era sa lomoci e na qara era a kelia, corita na yavadra o ira vakataki ira, e na lawalawa era a  birika vakavuni. 17(16) O Yahuwe (YHWH) e vakatakilai koya vakataki koya, qai vakatauca na lewa; o ira na vakasisila era qai coko e na cakacaka sara ga ni ligadra i ira vakataki ira. Hiqayoni; (Selaa) 18(17) Na daunicakaca e na lesu i She'ola, o ira kece na veimatanitu era sa guilecavi Yahuwe (YHWH). 19(18) Baleta o ira na dravudravua era na sega ni dau guilecavi tu ga, se rusa tawamudu na nodra inuinui na malumalumu. 20(19) Matacake i Yahuwe (YHWH)!  Kakua ni vakalaivi ira na bula vakaiyalayala me ra qaqa! Laivi ira na veivanua me ra vakatulewataki e matamuni. 21(20) Samuti ira e na domobula, i Yahuwe (YHWH)! Laivi ira na veimatanitu me ra kila ni o ira era  tamata ga. (Selaa)

Tehillim (Same) 9:12-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 297 in 5773 (Total 2024)	July 16, 2013
Reading	Hebrew Date
Yesha’yahu (Isaiah) 19-20	M #5: Av 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Tawani Tale Na iVotavota (Land Will Be Re-Occupied)

Thought: Yisra’yl Will Return To Re-occupy His Promised Land

................... 

Serving For Shabbat, Iyar 10, 5773

(Count The Days Towards Shavu’ot: Today Is Day 22 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Oqo na veika e kaya o Yahuwe (YHWH), o koya na iVakabula i Yisira'yili, na nona Yalosavasava Ledua vei koya e dau sevaki, ka ra dau vakasisilataka na veimatanitu, o koya e dauniveiqaravi vei ira na dau ivalavala kaukaua: E na gauna era raici iko kina o ira na tui, era na tucake; o ira na ravouvou era na cuva sobu, baleta o Yahuwe (YHWH), o koya e yalodina, o koya na Yalosavasava Ledua i Yisira'yili e a digitaki iko. 8 Oqo na veika e kaya o Yahuwe (YHWH), E na gauna au na digitaka, au na qai sauma vei kemuni; e na siga ni veivueti au a vukei kemuni. Au a taqomaki kemuni [tiko mai], kau sa lesi i kemuni moni [dua] na yalayala vei ira na tamata, moni laveta cake na vanua, moni vakasuka lesu mai na vanua, ka wasewasea tale na ivotavota era sa rusa tu vei ira na kena itaukei, 9 Moni qai kaya vei ira na kaivesu, Toso mai! Ia vei ira era sogobutu tu,   Vakaraitaki kemuni mai! Era na kana e na batibati ni gaunisala, e na qai nodra bai ni ikanakana  na veidelana cecere. 10 Era na sega ni walokai se karamaca; e na sega talega ni kati ira na cagi katakata se [na todra ni] matanisiga me samuti ira; baleta o koya e dau lomani ira e na mai tuberi ira,  me kauti ira i na bati ni veiwai tovure. 11 Au na taya na veiulunivanua kece me ra gaunisala, ia na noqu  veigaunisala lelevu era na vakaceretaki. 12 E keya era na lako mai kina, eso mai na veivanua yawa, eso mai na vualiku, eso mai na ra, kei na so mai na vanua nei Sainimi.

Yeshayahu (Aisea) 49:7-12

NA IVAQA NI BULA (FOOD FOR THE SOUL)

Na vakasama matau e kauta mai na yalololoma; ia na nodra sala na dau lawaki ca e vakadomobula.16 ¶ Na tamata kece era dau qaqarauni era cakava na ka e na dela ni kilaka, ia na sesewa e na tuvana me laurai na nona lialia.

Mishlei (Vosa Vakaibalebale) 13:15-16

LOMANI YAHUWE NA NOMU KALOU (LOVE YHWH YOUR MIGHTY ONE

E dua na vucu ni veivakatavulici nei ‘Eitana kei Ezaraki. 2(1) Au na seretaka na itukutuku ni  yalololoma i Yahuwe (YHWH) me sega ni mudu: e na gusuqu au na vakarogoya na nomuni yalodina i na veitabatamata kece sara; 3(2) Baleta au a kaya, Na yalololoma a  tara cake me rawa ni tawamudu; mai lomalagi sara ga oni vakataudeitaka kina na nomuni yalodina. 4(3) Oni a kaya, Au a cakava e dua na veiyalayalayati vata kei koya na ledua au a digitaka, au a bubului vei Dawide na noqu dauniveiqaravi, 5(4) Au na vakataudeitaki ira na nomu kawa me sega ni mudu, kau na tara cake na nomu idabedabe vakatui e na veitabatamata kece sara. (Selaa)

6(5) ¶ Laiva na veilomalagi me ra vakacaucautaka na mana, i Yahuwe (YHWH) na nomuni yalodina talega e na nodra isoqosoqo na mala'akimi. 7(6) Se o cei mai lomalagi e rawa ni vakatautauvatataki kei Yahuwe (YHWH)?  O cei vei ira na mala’akimi (elohim) e rawa ni vakatauvatani kei Yahuwe (YHWH)? 8(7) Na Kalou (Mighty One) e rerevaki vakaoti e na nodra isoqosoqo na digitaki; ka rerevaki vei ira era tu wavolivoliti koya? 9(8) I Yahuwe ni lewevuqa, na Sau  (Sovereign YHWH-Tzva’ot)! O cei e kaukaua vakataki kemuni i Ya? Na nomuni yalodina era tu vakavolivoliti kemuni? 10(9) Oni lewa na seuseua ni waitui; ni tubu cake na kena veibiau oni na vakamaravutaka. 11(10) Oni a butuqaqi i Rahava me vaka e dua na yagomate; e na gauniligamuni oni ceburaki ira laivi na kemuni meca. 12(11) Na veilomalagi era nomuni, kei na vuravura talega e nomuni; oni a tauyavutaka na vuravura kei na veika kece era tu kina.13(12) Oni a bulia na vualiku kei na ceva; o Tavo kei Heremoni e rau mamarau e na yacamuni.14(13) Na gauniligamuni (arm) e vakaitamera, na ligamuni e kaukaua, na ligamuni imatau e dulaki tu i cake.

Tehillim (Same) 89:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 211 in 5773 (Total 1938)	April 20, 2013
Reading	Hebrew Date
D’varim (Na iVakarua) 27-28:14	M #2: Iyar 10, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yisira’yili Kei Vuravura (Yisra’yl And The World)

Thought: The Salvation of Yisra’yl Will Benefit The Entire World!

................... 

Serving For Yom HaShishi, Iyar 9, 5773

(Count The Days Towards Shavu’ot: Today Is Day 21 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Kemuni mai na veibaravi, vakarorogo mai vei au; vakatudaliga talega mai o kemuni mai na veivanua yawa; o Yahuwe (YHWH) a kacivi au mai na katonigone, niu sebera ni sucu; o koya a sa cavuta na yacaqu. 2 O koya e sa cakava na gusuqu me vaka e dua na seleiwau gagata, e na gauna vata e vunitaki au tiko kina e na iyaloyalo ni ligana; o koya e sa cakava meu vaka e dua na gasau [ni dakaititi] vagatai, e na gauna vata e vunitaki au tiko kina e na loma ni nona taga ni gasau [ni dakaititi]; 3 E kaya vei au o koya, O iko na noqu dauniveiqaravi, i Yisira'yili, vei iko au na vakaraitaka na noqu lagilagi. 4 Ia au a qai kaya, Au sa cakacaka tu ga vakarairai, au vakayagataka na noqu kaukaua e na veika e sega na betena ka tawayaga. Ia e dina beka ga ni noqu vakadonui e tikoga vei Yahuwe (YHWH), kei na noqu icovi e tiko vata kei na noqu Kalou (Mighty One). 5 Ia oqo, sa qai kaya o Yahuwe (YHWH), o koya e a buli i au mai na katonigone meu mai nona dauniveiqaravi, meu na qai kauti Ya'akove lesu mai vua, ka vakasoqoni Yisira'yili vata tale mai vua; meu na rawa ni vakalagilagitaki e na mata i Yahuwe (YHWH) na noqu Kalou (Mighty One) ni sa yaco me noqu kaukaua o koya,6 O koya e sa kaya, E ka lailai wale na nomu na mai noqu dauniveiqaravi mo vueti ira cake na veimataqali i Ya'akove, ka vakalesui ira mai na kawa i Yisira'yili; Au sa solia talega kina vei iko mo na nodra rarama na veimatanitu, mo qai yaco mo vu ni veivueti e na vukuqu, i na iyalayala kei vuravura.

Yeshayahu (Aisea) 49:1-6

NA IVAQA NI BULA (FOOD FOR THE SOUL)

Na inuinui e berabera tiko mai, e na cakava me tauvimate na vuniyalo, ia na gagadre e vakacegui e dua na vunikau ni bula. 13 ¶ O koya e dau sesevaka na vosa [ni ivakasala] e na qai sauta na kena veileqaleqa; ia o koya e rerevaka na ivakaro e na drobula. 14 ¶ Na nona ivakavuvuli e dua na tamata vuku, e ivurevure ni bula (life), e rawa kina vua e dua me levea na tudai e veivakamatei.

Mishlei (Vosa Vakaibalebale) 13:12-14

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere. E dua na nodra same na luvetagane i Koraka. E na vukuna na iliuliu. Laga e na ilagalaga ni “Na mate e Vu ni Rarawa”. E dua na vucu ni veivakatavulici (maskil) mai vei Heimani na Ezaraki. 2(1) I Yahuwe (YHWH) na Kalou (Mighty One) na noqu vakabulai, niu dau tagi yani vei kemuni e na bogi, 3(2) Laiva na noqu masu me basika sara yani i matamuni; vakala mai na daligamuni i na noqu kere veivuke! 4(3) Baleta sa vuabale vei au na leqaleqa, ka sa tosoi au voleka sara i na bati i She’ola. 5(4) Au sa wili vata kei ira era sa lako sobu tiko i loma ni qara, me vaka e dua na tamata sa na sega ni vukei rawa, 6(5) Meu biu tu vakataki au e na kedra maliwa na mate, me vaka [e dua sa] vakamatei ka sa koto no e na ibulubulu, o kemuni oni sa guilecavi ira; era sa muduki laivi mai na nomuni veiqaravi. 7(6) Oni sa comolaki au i botoni qara, e na loma ni tikina butobuto, vakadua i na tikina titobu. 8(7) Na nomuni leva sa bikai au  vakabibi, na nomuni biau sa taubi tiko mai i delaqu, me tabaki au sobu tiko. (Selaa) 9(8) Oni sa wasei au tani mai vei ira na noqu icaba voleka, oni sa cakava meu vakasisila vei ira; au sa sogobutu tu yani i loma, e na sega kina [ni rawa] na drobula. 10(9) Na [yaloka ni] mataqu sa tekivu me buwawa, mai na ilevu ni rarawa, au qai dau kaci yani vei kemuni i Yahuwe (YHWH) e veiveisiga; au dulaka tu yani na ligaqu vei kemuni.

11(10) ¶ Oni na vakayacora beka na cakacaka veivakurabuitaki vei ira na mate? E rawa beka vei ira na yalodra o ira era sa mate tu, me tucake me vakavinavinaka vei kemuni?  (Selaa) 12(11) Na nomuni yalololoma beka e na tusanaki e na ibulubulu, se na nomuni yalodina e na tikina ni veivakarusai (Abaddon). 13(12) E na vakilai beka na nomuni veivakurabuitaki e na loma ni butobuto, se na nomuni yalododonu  e na loma ni vanua [e guilecavi kina] na veika kece? 14(13) Ia au tagitagi yani vei kemuni, i Yahuwe (YHWH); na noqu masu e tau yani i matamuni e na mataka lailai. 15(14) Na cava beka na vuna, i Yahuwe (YHWH) oni vakanadakui i au kina? Na cava beka na vuna oni vunitaka kina na matamuni mai vei au? 16(15)  Mai na gauna sara au se gone tiko kina, au a sa dau rarawa tu ga, kau sa voleka tu ga ni mate; au sa nu nu e na noqu colata tiko na nomuni vakadomobula. 17(16) Na nomuni leva cecekia sa rawai  au, na nomuni rerevaki sa vakavuna meu waqoqo mai. 18(17) Era seuseua vakavolivoliti au e loma ni veisiga me vaka na dobui; era sa sogolati au mai veiyasana kece sara. 19(18) Oni sa vakavuna vei ira na noqu itau kei ira na noqu icaba me ra vakanadakui i au; o ira na tamata au kilai ira era sa vunitaki ira mai vei au.

Tehillim (Same) 88:1-19

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 210 in 5773 (Total 1937)	April 18, 2013
Reading	Hebrew Date
D’varim (Na iVakarua) 25-26	M #2: Iyar 9, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yahuwe Kei Ya’akove (YHWH And Ya’akov)

Thought: Move Closer To YHWH and Listen Carefully To What He Says!

..................... 

Serving For Yom Chamishi, Iyar 8, 5773

(Count The Days Towards Shavu’ot: Today Is Day 20 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

Ia e na vukuni kequ irogorogo, au na vakadaroya na noqu leva; e na vuku ni noqu vakacaucautaki au na vosoti kemuni tiko kina, meu kakua kina ni muduki kemuni laivi. 10 Raica, au sa vakadaumakataki kemuni oti, ia e sega so ga ni waromisa sara me vaka na [vakasavasavataki ni] siliva, au a vakatovolei kemuni e na lovo katakata ni veivakararawataki 11 E na vukuqu au na cakava, io e na vukuqu o au vakataki au. Au na sega ni vakalaiva na kequ irogorogo me vakadukadukalitaki; au na sega ni sorova na noqu dokai vua e dua tale. 12 Vakatudaliga mai vei au o iko i Ya'akove; kei iko talega i Yisira'yili na noqu kacivi: o au o koya e imatai; o au talega na iotioti. 13 Na ligaqu a vakotora na yavu kei vuravura, na ligaqu imatau a dedeka na lomalagi; e na gauna au kacivi ira vata kina, era qai matacake vata kece mai ni ra sa kabula. 14 O kemuni kecekece, ni sosoqoni vata mai, ka vakatudaliga; o cei vei kemuni a vakatakila taumada na veika era sa lako tiko mai oqo? Na icaba i Yahuwe (YHWH) era na vakayacora na nona gagadre me saqati Bavela, ka vakayagataka na gauniligana vei ira na Kasidimi. 15 O au sara ga, au a vosa, o au, au a samanitaki koya, au a kauti koya cake mai, ia o koya e na qai rawata vinaka sara.

16 ¶ Toro voleka mai vei au, qai rogoca mada oqo; mai na kena itekivu au a sega ni dau vosa vakavuni, mai na gauna sara era se qai tekivu kina na veika oqo, o au, au a tiko kina; ia qo sa qai talai au mai o Yahuwe (YHWH) na Kalou (Mighty One) e na yalona, qori au lako tiko mai kina oqo.17 Oqo na veika e kaya o Yahuwe (YHWH), na dauveivueti (redeemer) na Yalosavasava Ledua i Yisira'yili; o au o Yahuwe (YHWH) na nomuni Kalou (Mighty One), o koya e vakatavulici kemuni tiko e na vuku ni nomuni vinaka, ka  tuberi kemuni tiko e na sala e dodonu moni bula muria. 18 Kevaka wale ga moni a vakarorogo vakavinaka i na noqu ivakaro! Qori ga e na qai drodro kina vaka uciwai na nomuni vakacegu (peace) kei na nomuni   yalododonu me vaka na biau ni wasawasa.19 Na nomuni kawa era na lewe levu me vaka na mataninuku kei  ira na nomuni kawabula [mai na yagomu] era na sega ni wili rawa me vaka na mataniwiti (grain).  Na yacadra e na qai sega ni muduki laivi se vakarusai mai mataqu. 20 Toso vagalala mai Bavela! Drotaki ira na Kasidimi! E na domo ni mamarau, kacivaka ka tusanaka! Vakauta na [kena] itukutuku i na iyalayala kei vuravura! Kaya, O Yahuwe (YHWH) sa vueti ira na nona tamata o Ya'akove:  21 Era a sega ni karamaca, e na gauna a tuberi ira kina e na loma ni vanua dravuisiga; e a cakava me drodro mai na wai e na vukudra, ni sea na uluvatu qai coka mai kina na wai.  22 Ia e sega ga na vakacegu, e kaya o Yahuwe (YHWH), vei ira na dau ivalavala ca (wicked).

Yeshayahu (Aisea) 48:9-22

NA IVAQA NI BULA (FOOD FOR THE SOUL)

Na iyau e rawa vakatawadodonu e na seyavu laivi; ia o koya soqona e na cakacaka kaukaua e na vakalevutaka.

Mishlei (Vosa Vakaibalebale) 13:11

LOMANI YAHUWE NA NOMU KALOU (LOVE YHWH YOUR MIGHTY ONE

E dua na nodratou same na luvetagane i Koraka; E dua na sere: E na nona ulunivanua  [e toka kina] na yavu [ni korolevu], 2 O Yahuwe (YHWH) e taleitaka vakalevu cake na matamata mai Zaiyoni, mai vei ira kecekece na nona itikotiko o Ya'akove. 3 Na veika dokai e dau cavuti me baleti iko, o iko na korolevu ni Kalou (Mighty One). (Selaa) 4 Au wiliki Rehava kei Bavela, e na kedra maliwa o ira era kilai au; baleta rau kila na noqu lewa (power); me baleti Pe'lesete, Zora kei Iciopia [era na kaya]; O koya oqo e a sucu eke. 5 Ia me baleti Zaiyoni e na kainaki, O koya oqo kei koya oya e a sucu e loma, baleta o koya sara ga e Cecere Cecekia e a tauyavutaka. 6 E na gauna era na tabaki ira kina vakaivola na tamata o koya, o Yahuwe (YHWH) e na vakaraitaka, O koya oqo e a sucu mai keya. (Selaa) 7 O ira  na daunisere kei na daunimeke era na kaya vata, Vei au, o kemuni na vurevure ni veika kece.

Tehillim (Same) 87:1-7

 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 209 in 5773 (Total 1936)	April 18, 2013
Reading	Hebrew Date
D’varim (Na iVakarua) 23-24	M #2: Iyar 8, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.