Na Noda Vuravura (Our World)

Thought: YHWH The Powerful Will Renew The Heavens And The World

..................... 

Serving For Yom HaShishi, Iyar 16, 5773

(Count The Days Towards Shavu’ot: Today Is Day 27 out of 50)

(See Vwayikra 23:15-16)

 MAI NA NEVI’IMI AKARONIMI FROM THE NEVI’IM ACHARONIM)

O au, io o au, o koya e a vakacegui kemuni! Na cava o taqayataki ira kina na tamata, o ira e dodonu me ra na mate; [mo rerevaki ira] na tamata o ira era na malai laiva me vaka na co? 13 Oni sa guilecavi Yahuwe (YHWH) [o koya] e a buli i kemuni, o koya a dedeka na lomalagi, ka vakotora na yavu kei vuravura. Ia oni qai domobula tiko e loma ni veiveisiga kecekece, e na vuku ni nodra dau leva o ira era dau veivakasaurarataki ni ra vakavakarau me ra veivakarusai!  Ia evei sara mada na nodra domobula o ira era dau veivakasaurarataki? 14 O ira na bobula era sa na voleka sara ni sereki; o koya e na sega ni mate me lako sobu i She'ola; e sega, na ivurevure ni kena kakana sa na vakataudeitaki.15 Baleta o au o Yahuwe (YHWH) na nomuni Kalou (Mighty One), o koya e dau vakaseuta na wasawasa, o koya e cakava me vavadugudugu na veibiau; o Yahuwe ni lewevuqa (YHWH-Tzva'ot) na yacaqu. 16 Au sa biuta na noqu vosa i gusumu, ka ubi i iko e na iyaloyalo ni ligaqu, [meu] rawa ni tea vou na veilomalagi, vakotora vou na yavu kei vuravura, meu qai kaya vei  Zaiyoni, O kemuni oni noqu tamata.

Yeshayahu (Aisea) 51:12-16

NA IVAQA NI BULA (FOOD FOR THE SOUL)

Na ivakadinadina yalodina e na sega ni lasu; ia na ivakadinadina lasulasu e na kaya na ka lasu e na nona icegu taucoko. 6 ¶ Na tamata dau veibeci e na vaqara na vuku, e na dela ni vakarairai; ia na kilaka e lako mai vakarawarawa vua na dua e kune vua na yalomatua.

Mishlei (Vosa Vakaibalebale) 14:5-6

LOMANI YAHUWE NA NOMU KALOU (LOVE YHWH YOUR MIGHTY ONE

O Yahuwe (YHWH) e veiliutaki tiko vakatui, e daramaka toka na nona Sau (Sovereignty); O Yahuwe (YHWH), e vakasulumi ka oro tu e na nona kaukaua; na vuravura talega sa vakatikori dei, sa na sega kina ni yavalati. 2 Na nomuni idabedabe vakatui a se duri makawa sara mai liu; o kemuni oni vura mai na tawamudu. 3 I Yahuwe (YHWH), na titobu sa tubu cake tiko, na titobu sa laveta cake tiko na domona, na titobu sa laveta cake tiko na nona veibiau seuseua. 4 O Yahuwe (YHWH) mai cake e kaukaua vakaoti cake sara mai na domo ni wai e vuqa, io, mai na veibiau lelevu ni veiwasawasa. 5 Na nomuni ivakavuvuli era donu vinaka vakaoti; na yalosavasava e veiraurau kei na nomuni vale i Yahuwe (YHWH), e na veitabagauna kece era se roro tiko mai.

Tehillim (Same) 93:1-5

Kemuni na Kalou (Mighty One) ni veisausaumi, i Yahuwe (YHWH)! Kemuni na Kalou (Mighty One) ni veisausaumi basika mai! 2 Vakatakilai kemuni mai ni o kemuni na daunilewa kei vuravura! Veisausaumi lesu vei ira na viavialevu me veiraurau kei ira! 3 E na vakacava  na kena dede vei ira era ca, i Yahuwe (YHWH); e na vakacava na kena dede na nodra qaqa tiko o ira na qaciqacia? 4 Era sovaraka tiko mai na vosa ni veibeci, ka ra ia tikoga na nodra vosa vakadokadoka, o ira kece na daucaka ca oqo. 5 Era bikai ira na nomuni tamata, i Yahuwe (YHWH) era vakasaurarataki ira na nomuni ivotavota. 6 Era vakamatei ira na yada kei ira na vulagi, ka labati ira [na luveniyali] e sega na tamadra. 7 Ia era qai kaya, O Yahuwe (YHWH) e sega ni rai [tiko mai], na Kalou (Mighty One) i Ya'akove e na sega ni galele mai. 8 Galele mai o kemuni vakataki kemuni, o kemuni na sesewa e na kedra maliwa na tamata! Kemuni na lialia, e na gauna cava oni na qai yalomatua kina? 9 O koya beka e a tokara na daliga, e  sega ni rogo [rawa]? O koya beka e a bulia na mata, e sega beka ni rai [rawa]? 10 O koya beka e dau vunauci ira na veimatanitu, e sega ni vakadodonutaki ira [rawa]? O koya beka na ivakavuvuli ni kawa tamata e na sega beka ni kila? 11 O Yahuwe (YHWH) e kila vinaka tu ni vakasama ni tamata e vaka wale e dua na bati ni cagi.

Tehillim (Same) 94:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 217 in 5773 (Total 1944)	April 26, 2013
Reading	Hebrew Date
Y’hoshua (Joshua) 3-4	M #2: Iyar 16, 5773
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Tui Mai Na Vualiku Kei Na Ceva (Kings Of The North And The South)

Thought: Humans Will Be Used By YHWH To Fulfill His Plans

...................... 

Serving For Shabbat, Kishlev 7, 5772

E na imatai ni yabaki i Darayavesi na Midi, e a tucake kina na mala’aka me mai vakayaloqaqataki au meu kaukaua. 2 A qai kaya o koya, Qo au sa na vakatakila vei iko na dina. Raica, e na basika tale mai e tolu na tui mai Perisia; ia na kena ikava e na vutuniyau vakalevu cake sara mai vei iratou kecekece: ia ni sa tubu me kaukaua o koya, e loma ni nona vanua, e na qai yavalata na matanitu kece sara mai Qirisi. 3 E dua na tui kaukaua e na qai tubu cake mai, o koya e na ka levu na ilevu ni nona matanitu, ka na vakayacora ga na veika e via cakava. 4 Ni sa tubu cake o koya, na nona matanitu e na qai musumusulaki, qai ceburaki vaka i na matanicagi e va ni lomalagi; ia e na sega ni tete lesu i na kena iyalayala e liu se tautauvata tale kei na veimatanitu a dau lewa tu e liu; baleta na nona matanitu sa na cavuivuvutaki, ka sa na sega ni dua tale na matanitu vakavo ga na iwasewase ni matanitu oqo.

5  ¶ Ia na tui mai na ceva kei ira na nona ravouvou era na qaqa; o ira na tamata era na qai muri i koya; o koya e na qai vakavulewa e na dua na matanitu levu. 6 Ni oti e  vica na yabaki, era na qai vakadeitaka e dua na veidinadinati, na luvenayalewa na tui mai na ceva e na lako vua na tui mai na vualiku me rau lai cakava e dua na veivakameautaki; ia e na sega ni cakava rawa na nona inaki baleta na nuiqawaqawa; sa mani soro vata kei ira era a kauti koya mai, o ira na yada, kei ira na nona ito e na gauna oya. 7 Ia e dua e itaukei vakaiwasewase mai na nona kawa, e na qai tubu mai me lewa na  vanua, o koya e na qai lako mai vata kei na nona mataivalu kei ira na qaqa, me ra mai saqata na tui mai na vualiku, o koya e na qai mai saqati ira ka rawai  ira. 8 O Koya e na qai mai colati ira laivi i Ijipita, vata kei ira na nodra matakau, kei na nodra iyau siliva kei na koula;  o koya e tu me saqata na tui mai na vualiku vakadua se vakarua tale. 9 Oti, na tui mai na ceva e na qai mai kaba na nona veikoro taqomaki na tui mai na vualiku, qori e na qai lesu kina i na nona vanua ga o koya vakataki koya. 10 Ia o ira na luvena era na qai yavalati, era na qai vakasoqona vata e vica vata na mataivalu lelevu; era na kabai koya, era qai kaba yani na vanua, era na qai lesu mai ni ra vakacaca yani me yaco sara i na nona veikoro lelevu taqomaki vakaivalu.11 Na tui mai na ceva e na qai yalokatakata, e na qai lako mai me mai vala vata kei na tui mai na vualiku; na tui mai na vualiku a qai vakasoqona e dua na mataivalu vakaitamera, ia na mataivalu oya a qai soli i ligadra na kena meca. 12 Ni sa vakadruka oti na mataivalu o koya na kena na meca, a qai vakalevulevui na vuniyalona; e na qai vakarusa e levu na tamata, ia e na sega ga ni lai veirawai kina o koya. 13 Baleta na tui mai na vualiku e na lesu qai lai soqona vata e dua tale na mataivalu e vakaruataki na kena e ilevu mai na kena eliu; qai lesu tale ni oti e vica vata na yabaki vata kei na dua na mataivalu vakaitamera, bau kina e dua na kena iwasewase kaukaua era dau ni vodo ose. 14 E na gauna oya e le levu era na saqata na tui mai na vualiku; o ira talega na tamata ca mai vei ira na nomu tamata era na vakalevulevui ira vakataki ira me ra ivakayaco ni raivotu; ia era na tini rawai ga. 15 Na tui mai na vualiku e na qai lako mai, me mai vakaduria na suva, qai rawata mada ga kina na veikorolevu vakabai ni ivalu kaukaua vakaoti; ia na yaragi mai na ceva e na sega ni sabaya rawa, baleta e sega na kena kaukaua me sasabai kina; o ira mada na digitaki mai vei ira na lewenivanua era na duri cake mai, ia era na sega ga ni sasabai rawa baleta e sega ga na nodra kaukaua ni sasabai. 16 Ia o koya e lako mai me mai valuti koya, e na vakayacora na lomana o koya vakataki koya, ia e na sega ga ni dua e rawa ni mai tu e matana; o koya e na kaba na vanua o Isira'yili, e na qai soli kina i ligana. 17 E na qai lewa o koya me sa vakanamata me lai kaba na veivanua vakabai ni ivalu e loma ni matanitu, era qai toso vata kei koya o ira na tamata kece era to tiko mai kei koya; e dua na luvenayalewa e dua na tamata e na qai soli vua, me rawa ni vakarusai koya o yalewa, ia e na sega ga ni yaga, e na sega talega ni taura na yalewa me nona o koya vakataki koya. 18 Ni oti oqo, e na vukica na matana i na veiyanuyanu, ka na rawa e levu; e kauta laivi e dua na daunivakavulewa, e a vakalialia koya, qai vakasuka vua na nona veivakalialiai. 19 Oti qai vagolea na matana o koya i na veivanua taqomaki vakaivalu e vuravura; ia e na qai rawai o koya ka lutu, qai sega tale ni laurai. 20 E na qai tubu taravi koya mai e dua na daunivakavulewa gogo kei na dua na isoso matanitu taqomaki, ia e na dua ga na gauna lekaleka e sa na vakarusai, sega mai na veilecalecavi se e na ivalu.

Taniela (Dani’yl) 11:2-35

O koya e sevaka na veivakadodonutaki ka dau vakadomoqataki koya vakataki koya e na vakarusai vakasauri, baleta ni sa sega tale na kena iwali.

Vosa Vakaibalebale (Mishlei) 29:1

Au a marau ni tukuni vei au, Laiva meda lako i na vale nei Yahuwe (YHWH). 2 Na yavaqu sa na tucake e loma ni nomu matamata, i Yerushalayimi. 3 O Yerushalayimi e a tara me vaka e dua na korolevu e viribaiti e na bailalaga, 4 Era dau lako cake kina na veimataqali i Yahuwe (YHWH), me ivakadinadina vei Isira’yili, me ra lai soli vakavinavinaka i na yaca i Yahuwe (YHWH). 5 Baleta e keya e tu kina na idabedabe vakatui ni lewadodonu kei na idabedabe vakatui ni vale i Dawide.

6 ¶ Kidavaki Yerushalayimi e na sautu; era na vakaiyautaki o ira era lomani iko.   7 Na sautu e na tiko e loma ni nomu bai kei na iyau e na loma ni nomu veivale vakatui. 8 E vukudra na taciqu kei na noqu icaba au na kaya oqo, Na vakacegu me tiko e lomamu. 9 E na vuku ni vale i Yahuwe (YHWH) na noda Kalou (Mighty One) au na vakasaqara ga na nomuni vinaka.

Same (Tehellim) 122:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
336 Blog No. 1448	December 3, 2011.
Reading	Hebrew Date
Taniela (Dani’yl) 1-2	Kishlev 7, 5772
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Parofisai Nei Yo’yili. (Prophesy by Yo’yl).

Thought: Yahweh Saves Y’hudah and Isra’yl At The End Time

..................... 

Serving For Shabbat, Sivan 15, 5771

UVUCA na biukila mai Saiyoni, vakatagica na alamu e na Noqu ulunivanua tabu; laivi ira era tawavanua me ra sautaninini;  baleta na Siga i Yahuwe (YHWH) sa yaco mai; 2 E na siga ni butobuto kei na rarawa bibi sa voleka, na siga ni o kei na butobuto vavaku, me vaka na o ni mataka e kovuta na veiulunivanua; e na yaco mai vei ira e dua na mata tamata kaukaua ka vakaitamera; era se bera ni bau laurai vakadua eliu, ka  na sega talega ni laurai tale e muri, e na veitabayabaki ni veitabatamata. 3 Na bukawaqa e vakamakama yani e matadra; ia mai dakudra talega e caudre tiko e dua na yameyame ni bukawaqa: na vanua e na vaka na iteitei o ldeni e matadra, ia e dakudra, e na vaka e dua na veikauloa laladidi; e na sega  ni dua na ka me na drobula mai mai vei ira. 4 Na kedra irairai e vaka na irairai ni ose; ka vaka na dauvodoose ni ra cici. 5 Me vaka na rorogo ni qiqi ni valu, e ladeva tubu na dela ni ulunivanua, me vaka na rorogo ni yameyame ni bukawaqa ni yameca na veivunisila madu, era vakataki ira na qa-qa era sa tuvani tu vakaivalu.  6 E matadra, na tamata era na sautaninini; na mata kece era na taqaya ka veilecayaki. 7 Era na cici me vaka na tamata qa-qa; era na kabata na bai lalaga me vakataki ira na tamata ni ivalu; era na qai tayabe na tamata kece e na kena ivalavala rakorako, era na sega ni toso laivi mai na nodra ituvatuva.

Joeli (Yo’yl) 2:1-7

Raica, na siga i Yahuwe (YHWH) sa tadu tiko mai, na nomuni itoki e na qai veivotayaki, e na kemuni maliwa 2 Baleta Au na vakasoqoni ira vata na veimatanitu me ra mai valuti Yerushalayimi; e na qai rawai na korolevu,  butakoci na kena veivale, kucuvi na yalewa, ka veimama na lewe ni korolevu era na kau vakabobula, ia na vo ni tamata e veimama, era na sega ni vakarusai  mai na korolevu. 3 E na qai lako o Jiova, me lai valuti ira na veimatanitu oya, me vaka a cakava o koya e na siga ni vala. 4 Na yavana e na duri e na Ulunivanua ni Veiolive, e toka veibasai kei  Yerushalayimi vaka i na tokalau, ia na ulunivanua ni Veiolive e na kavida rua, e veimama i na tokalau ia na veimama kadua i na vuaira, e na qai toka e na levu; e dua na veimama ni Ulunivanua e na sudra vaka i na vualiku, kei na kena veimama kadua vaka i na ceva.

Sakaraia (Z’kharyah) 14:1-4

 

Read The Scriptures (Tanakh) in a Year
Siga (Day)/Blog	Tikinisiga (Date)
169/Blog No. 1309	June 18, 2011.
Reading		Hebrew Date
Niemaia (Nechmeyahu) 7-5		Sivan 16, 5771
Click The Bible Text To Read It In Gateway In Another Language Or Version

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sa Lako Tiko Mai Na Mesaia (The Messiah is Coming) .

This is the last of the 2008 series of Bible readings. Tomorrow I begin the new 2009 series. I hope you have a Prosperous New Year.

---------------------------------------------------------------------------

Serving for the 31st December, 2008

“Raica, au na lako yani vakatotolo; e kalougata o koya e galeleta na vosa ni parofisai e na ivola oqo.”
Vakatakila 22: 7

“Raica, Au sa lako yani, ka sa tiko vei Au na Noqu icovi, meu lai veisoliyaka vei ira kece, ia me veiraurau kei na nodra dui cakacaka. 13 “O au na Alefa kei na Tau, na ivakatekivu kei na ivakataotioti, na imatai kei na imurimuri. 14 “Me ra kalougata o ira era vakayacora tiko na Nona ivakaro, me rawa ni ra taura na nodra dodonu i na vunikau ni bula, ka me ra curu talega e na veimatamata ni korolevu. 15 “Baleta e tuba, era na vo tu kina na koli, na dauvakatevoro, na dauveidauci, na daulaba, na daulotutaki matakau kei koya e taleitaka me dau lasulasu.
16 ¶ O Au, o Jisu (Yahshua), Au a talai ira yani na Noqu agilosi me ra lai vakadinadinataka na veika oqo vei kemuni na lewe ni isoqo­soqo. O Au na waka kei na kawa i Tevita, na rarama cecekia ni kalokalo volasiga.” 17 Ia na Yalo vata kei na yalewavou rau qai kaya, “Lako mai.” Ia laivi koya e rogoca me kaya, “Lako mai!” Ka laivi koya e karamaca me lako mai. Ia o koya ga e gadreva, laivi koya me mai taura wale na wai ni bula.
Vakatakila 22:12-17

Ia o koya e ivakadinadina ni veika oqo e kaya, “E dina au sa lako tiko yani.” Emeni. Lako mai Turaga Jisu (Sovereign Yahshua)!
21 ¶ Na yalololoma ni noda Turaga o Jisu (Master Yahshua) na Mesaia me tiko kei kemuni kecekece, o kemuni oni savasava. Emeni.
Vakatakila 22: 20-21









Also Read If Possible (Wilika Talega Ke Rawa)
Psalms 1:37; Matthew 16:24-27; Luke 12:35-40; 1 Thesalonians 4:13-5:11;

Revelation 1:1-3.

Na Siga Ni Lewa (The Day of Judgment).

Serving for the 30th December, 2008

Au qai raica na idabedabe vakatui vulavula vakaitamera, vata kei Koya e dabe toka kina; mai na kena iserau ga, rau a dro kina na vuravura kei na lomalagi; qai sega ni kune tale e dua na tikina me nodrau. 12 Au qai raici ira na mate, lelevu kei na lalai, ni ra duri tu e na mata ni idabedabe vakatui; na ivola kece era a dola tu; oti qai dola e dua tale na ivola, oya na ivola ni bula; o ira na mate era qai veilewaitaki e na veika e volai tu e na ivola me veirauraua kei na nodra cakacaka. 13 Na wasawasa a qai sereki ira mai era mate tu kina; o mate kei na ibulubulu a sereki ira mai era mate tu kina. Era qai veilewaitaki yadudua me veiraurau kei na nodra dui cakacaka. 14 Ia o mate kei na ibulubulu rau a qai vakalutumi i na drano buka­waqa. Oqo na ikarua ni mate oya na drano bukawaqa. 15 O koya ga e sega ni kune ni volai tu e na ivola ni bula, era na vakalutumi i na drano bukawaqa.
Vakatakila 20:11-15;

Au qai raica e dua na lomalagi vou kei na dua na vuravura vou; na imatai ni lomalagi kei na imatai ni vuravura rau sa takali oti; ka sa sega vakadua na wasawasa. 02 Oti, au qai raica na korolevu tabu o Jerusalemi Vou, ni sobu tiko mai lomalagi mai Vua na Kalou (Elohim), sa vakarau tu mai me vaka e dua na yalewavou, sa uku tu e na vukui watinatagane. 03 Au qai rogoca e dua na domo rogo levu mai lomalagi ni kaya, “Raica, na itikotiko ni Kalou (Elohim) sa kau vei ira na tamata, o Koya sa na lai vakaitikotiko kei ira, me ra sa Nona tamata; ia na Kalou (Elohim) vakataki Koya sa na lai vakaitikotiko vata kei ira, me nodra Kalou (Elohim). 04 “Ia o Koya, e na qai qusia laivi na wainimata kece mai matadra, sa na sega tale vakadua na mate, se na rarawa, se na tagi; ka sa oti vakadua na vutugu baleta na veika makawa era sa takali vakadua.”
Vakatakila 21:1-4

Also Read If Possible (Wilika Talega Ke Rawa)
Isaiah 65:17-25; 66:22-24; Daniel 12:1-3;
John 1:14-18; 2 Peter 3:1-14

O Ira Na Digitaki Kei Setani. (The Called and Satan)

Serving For The 29th December, 2008

Oti au qai raica e dua na agilosi ni sobu mai lomalagi, ka taura tiko mai e ligana na idola ni qara sega ni vakabotona, vata kei na dua na senicodo vakai­tamera. 02 O koya a qai vesuka na gata damu vakadomobula, o koya vata ga na gata mai na gauna makawa, na Dauveitemaki o Setani, o koya e a vakacalai vuravura raraba, qai vesuki koya me duanaudolu na yabaki; 03 oti qai kolotaki koya i loma ni qara sega ni vakabotona, ka sogoti koya laivi yani, oti qai vakabita e dua na idregati vua, me kakua ni vakacalai ira tale na matanitu, me yacova ni sa sivi e dua na udolu na yabaki; oti me qai sere me dua na gauna vakalekaleka.
04 ¶ Au qai raica na idabedabe vakatui, vata kei ira era dabeca toka, ni a nuitaki vei ira na vakatulewa; vata kei ira, na nodra bula o ira era a kuna baleta na nodra a vakadinadinataki Jisu (Yahshua) vata kei na vosa ni Kalou (Elohim), oya o ira era a sega ni qarava na manumanu kila se na kena ivakatakarakara, ka sega ni ciqoma na nona ivakatakilakila e yadredra se e ligadra, ni ra a bula ka veiliutaki tiko vata kei na nodra Mesaia me duanaudolu na yabaki; 05 Oqo na imatai ni veivakaturi mai na mate. 06 E kalougata ka yalosavasava o koya e vakaitavi e na imatai ni veivakaturi mai na mate. Vei ira oqori, na ikarua ni mate e na sega ni kaukaua vei ira, ia era sa na bete vua na Kalou (Elohim) vata kei na Nona Mesaia, me ra veiliutaki kei Koya me duanaudolu na yabaki. 07 Ia ni sa cava na duanaudolu na yabaki, o Setani e na qai sere mai na nona valeniveivesu, 08 ka na lako sara me lai vakacalai ira na veimatanitu e na tutu ni vuravura va va, bau kina o Qoqo kei Moqoqo, me soqoni ira vata i na ivalu; na kedra iwiliwili e vaka na mataninuku mai waitui. 09 Era tayabe kosova na bucabuca kei vuravura, era qai lai tuva vakavolivolita na nodra keba na digitaki kei na korolevu daulomani; ia qai lidiki ira na yameyame ni bukawaqa mai Vua na Kalou (Elohim), mai lomalagi ka tilomi ira. 10 Ia na tevoro, o koya e a vakacalai ira, a qai vakalutumi i loma ni drano bukawaqa kei na salafa, na vanua rau sa tiko kina na manumanu kila kei na parofita vakailasu. Eratou na qai vakararawataki kina, e na siga kei na bogi, me tawamudu ka sega ni mudu.
Vakatakila 20:1-10





Also Read IF Possible (Wilika Talega Ke Rawa)
Genesis 3:1-15; Ezekiel 38-39; 1 Corinthians 6:1-6; Revelation 12-13; 17-19

Na Matana E Vaka Na Matanisiga. (His Face is Like the Sun)

Serving For The 28th December, 2008

O au o Joni, na tacimuni ka nomuni itokani e na veivakararawataki kei na inuinui vei Jisu (Yahshua) na Mesaia; au a tiko mai na yanuyanu o Patimo, e na vukuni vosa ni Kalou (Elohim) kei na ivakadinadina nei Jisu (Yahshua) na Mesaia. 10 Na Yalo ni parofisai a lako mai vei au e na siga ni Turaga (Master); au qai rogoca mai dakuqu e dua na domo rogo levu, me vaka e dua na davui ni kaya 11 “Na ka o raica, mo vola e na dua na ivola, qai vakauta vei ira na isoqosoqo e vitu; i Efeso kei Sumuena, ka vaka kina i Peqamosi kei Tayataira kei Sadisi, kei Filatelifia vata kei Leiodisia.” 12 Au qai vuki meu raici koya e vosa tiko mai vei au. Ia niu sa vuki, au qai raica e vitu na itutu ni kadrala koula, 13 ia e kedra maliwa na itutu ni kadrala koula e vitu, au raica e Dua, e vakataka na Luve ni tamata, e vakaisulu tu e na isulu balavu qai oro toka na serena e na ioro koula. 14 Na uluna kei na drauniuluna o Koya e vulavula me vaka na vutinisipi, ka vulavula kata me vaka na uca cevata; na matana e vaka na yameyame ni bukawaqa; 15 Na yavana e vaka na parasa totoka ni Lepanoni, me vaka e vakamai e na lovo bukawaqa; ia na domona e vaka na rorogo ni wai drodro e vuqa. 16 E a taura toka e Ligana imatau e vitu na kalokalo; mai gusuna e dodo tiko mai kina e dua na iseleiwau batirua gagata, ia na kena irairai taucoko o Koya e vaka na matanisiga ni todra kaukaua tu. 17 Niu sa raici Koya, au qai dokoulu yani i yavana, me vaka au sa ciba. Ia qai vakotora mai vei au na Ligana imatau, qai kaya, “Kakua ni domobula; o Au na imatai vata kei na iotioti. 18 “O Au ga o Koya e a bula tu, Au qai mate, ia raica, Au sa bula tu oqo me sega ni mudu, Emeni. E tiko vei Au na idola ni mate kei na ibulubulu (Sheol). 19 “Vola na veika kece o sa raica, na veika era sa tu kei na veika era na yaco ni oti oqo.
Vakatakila 1:9-19






Also Read If Possible (Wilika Talega Ke Rawa)
Psalms 149; Daniel 7; 2 Timoci 3; Hebrews 4:12-13;
Revelation 2-11; 19:11-21.

Raica Ni Lesu I Jerusalemi Na Lagilagi, O Isikeli. (Ezekiel Saw The Glory Return to Israel)

Serving for the 27th December, 2008

Sa qai kauti au i na matamata ni koro e vakanamata tu vaka i na natuicake. 02 Ia raica, na lagilagi no Kalou (Elohim) i Isireli e a rairai tiko mai na yasana i Natuicake, na domona a vaka na domo ni waidrodro e vuqa, ka ramase tu na vuravura e na kena iserau ni nona lagilagi. 03 Na raivotu au raica e tautavata kei na raivotu au a raica e na gauna au a lako mai kina meu mai kacivaka na vakarusai ni korolevu, ka tautauvata kei na raivotu a raica e na bati ni uciwai Kipa; au qai lutu sobu vakatoboicu. 04 Ia na lagialgi i Jiova (Yahweh) a qai cila basika i loma ni Valenisoro, mai na na matamata. 05 Sa qai tuberi au cake na yalo qai kauti au i loma ni loqi tabu dredre, ia raica ni sa vakasinaita tu na loma ni valenisoro na lagilagi i Jiova (Yahweh) 06 Au qai rogoca e dua ni vosa tiko mai vei mai loma ni valenisoro, ia na tamata; sa duri tu e yasaqu.
07 ¶ Sa qai kaya mai vei au, “Luve ni Tamata, oqo na vanua ni noqu i dabedabe vakatui, kei na vanua ni qeteqete ni yavaqu, na vanua au na vakaitikotiko kina e na kedra maliwa na luve i Isireli me tawamudu; ia na vanua o Isireli sa na sega ni vakacacani tale vakadua; o ira se o ira na nodra tui; e na vukuni ni nodra dauveidauci se e na yagodramate na nodra tui vata kei na nodra dui matakau. 08 Baleta era a dau tara na nodra matamata e na yasa ni noqu matamata, na ilago ni nodra katuba e na yasa ni ilago ni noqu katuba, sa qai dua ga na lalaga e duri tu e na keirau maliwa, o au vata kei ira; ia era qai vakacacana ga na Yacaqu tabu, e na valavala vakasisila era dau vakayacora: qori au qai vakarusai ira kina e na noqu leva cecekia. 09 Ia laiva me ra biuta tani mada na nodra dauveidauci kei na yagomate ni nodra tui me kau yawa mai mataqu, Au na qai tiko vata kei ira me tawa mudu.
Isikeli 43:1-9







Also Read If Possible (Wilika Talega Ke Rawa)
Ezekiel 1; 3; 8-11; Zachariah 14; Revelation 21:1-4.

Na Lomalagi Vou kei na Vuravura Vou (A New Heaven and A New World).

Serving For The 26th December, 2008

Raica, Au na bulia na lomalagi vou kei na vuravura vou; ia na veika makawa sa na sega ni nanumi lesu, se vure mai na vakasama. 18 O ira na noqu tamata era na reki ka marau me sega ni mudu, baleta au sa bulibuli tiko; baleta raica, Au na buli i Jerusalemi me taleitaki, kau na mamarau e loma. 19 Au na dau marau mai Jerusale­mi, ka rekitaki ira na noqu tamata; na domo ni tagitagi sa na sega ni rogo e loma, ka vaka kina na domo ni qoqolou. 20 “Sa na sega vakadua ni kune tale mai keya, me dua na gone me mate ni se dramidrami, se dua na qase me sega ni otiva na nona yabaki ni bula; baleta na gone e na qai mate ni sa yabaki duanadrau; ia o koya e dau valavala ca, ni sa yabaki duanadrau, e na kainaki ni tamata kalouca.
Aisea 65:17-20

Era na sega ni mate wale e na cakacaka, se vakasucu gone era qai mai sotava na ka rarawa; baleta era kawatamata sa vakalougatataki oti tu mai Vua na TURAGA (Yahweh), ruarua o ira vata kei ira na luvedra. 24 E na qai yaco, ni ra sebera ni kaci, Au sa na tama; ni ra sebera ni vosa, Au sa na rogoci ira. 25 Na wolifa kei na lami, rau na kanakana vata; kei na laione e na kana co me vaka na bulumakau ia na kuvu ni soso e na kena kakana na gata. Era sa na sega ni veivakamavoataki se veivakarusai e na noqu uluni­vanua tabu kece sara,” e kaya na TURAGA (Yahweh) .
Aisea 65:23-25





Also Read If Possible (Wilika Talega Ke Rawa)
Genesis 3:1-14; Isaiah 66:22-24; 2 Peter 3:1-14;
Revelation 21:1-5.