Na Nodra iLoloma Na Yisira’yili (All the Gifts of the Yisra’yl).

Thought: The Gifts Were Always Meant To Fullfil A Practical Purpose

 .....................

Serving For Yom Chamishi Adar 21, 5772

MAI NA TORAA (FROM THE TORAH)

Oqo na isolisoli mai vei ira na ravouvou kei Yisira'yili, me baleta na vakatabui ni icabocabo ni soro, e na siga a lumuti kina; e tinikarua na dari siliva, e tinikarua na bilo siliva, e tinikarua na itaki koula, 85 Na dari siliva yadua e duanadrau  tolusagavulu na shekele na kedra dui bibi; kei na bilo yadua e vitusagavulu (na shekele). Na iyaya siliva taucoko e ruanaudolu vanadrau na shekele na kedra bibi, e na ivakarau ni  shekele ni valetabu. 86 Na itaki koula e tinikarua na kedra ilevu taucoko, era sinai tu mai e na kau ni ivakaboi kamica, era a tauyatini na shekele (na kedra dui bibi), e na ivakarau ni shekele ni valetabu; na kena bibi taucoko a duanadrau ruasagavulu na shekele. 87 Na okisi tagane era isorokama, e tinikarua na okisi, e tinikarua na sipitagane, e tinikarua na lamitagane yabaki yadua vata kei na kedra isoro laukana; vata kei na luvenime me ra isoro ni valavala ca, e tinkarua. 88 Na okisi taucoko era isoro ni tiko veisaututaki e ruasagavulu na katagane, na sipitagane e onosagavulu, na luvenime e onosagavulu, na lami yabaki yadua e onosagavulu, oqo na isolisoli a cabori me baleta na kena vakatabui na icabocabo ni soro e na gauna a lumuti oti kina, 89 E na gauna kece e dau curu kina o Moshe i loma ni valelaca ni veitavaki, me lai vosa vua na Kalou (Mighty One)) o koya e na dau rogoca na domo ni na vosa tiko mai vua, mai na idabedabe ni loloma e toka e na dela ni kato ni veidinadinati, mai na kedrau maliwa na ke'ruvimi e rua; Qori na sala e dau vosa kina vua na Kalou (Mighty One).

Mai Lekutu (B’midbar) 7:84-89 

NA IVAQA NI BULA (FOOD FOR THE SOUL)

O koya e beca na wekana vakaitikotiko e lailai vua na yalomatua; ia na tamata vakasama matau e na dau bula e na vakacegu. 13 Na dauveisaqa e na vakaraitaka na veika vuni; ia o koya e yalodina vakayalo e na vunia tiko ga.

Vosa Vakaibalebale (Mishlei) 11:12-13 

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E na ilagalaga ni Kakua ni Vakarusa (Do not destroy). Maivei Dawide, na nona vakabauta vuni (Mikhtam). 2(1) O kemuni beka oni dau vosa e na yalododonu? O kemuni beka oni dau vakatulewa vakadodonu, kemuni na luve ni tamata? 3(2) Raica, o kemuni kece oni dau vosa ga e na veika vakasisila e vuravura; na ligamuni sa vakadukadukalitaki tu e na vakatulewa vakatawadodonu; 4(3) O ira na tawadodonu era se kilai sara mai loma ni katonigone; era se lako sese sara mai na gauna ga era sucu oti kina, baleta na vosa lasulasu. 5(4) Na nodra gaga e tautauvata kei na weli ni gata (serpent); era vaka na gata (adder) didivara, e sogota na daligana; 6(5) E na sega ni via rogoca na domona o koya e vakasolokakana, se rogoci ira era dau veivakalasai se vei ira era vuku.

7(6) ¶ Vorolaka na batidra e loma ni gusudra kemuni na Kalou (Mighty One); cavuta laivi na bati sika ni laione, i Yahuwe (YHWH). 8(7) Laiva me ra besetaki me vaka na wai sa vakadukari, Laiva na Kalou (Mighty One) me vanataka tiko na nona gasau ni dakaititi me yacova ni ra sa rusa na dau caka ca. 9(8) Me vaka na kadrala e waicala qai titiri e na yame ni buka; laivi ira me ra vakarusai; na bukawaqa sa lulutu mai lomalagi era qai sega ni raica; na rarama ni dina sa soli oti, era sega ni kilakasamataka. 10(9) Laiva na votodra me vakalevutaki, kei na domobulataki ni leva waromisa me yavalati ira vakaukaua sara. 11(10) O koya e yalododonu e na marau ni raica na veisausaumi, e na savuya na ligana e na nodra dra na dau caka ca. 12(11) Qori e na qai kaya kina e dua na tamata, E dina ga ni tiko e dua na icovi me nona o koya e yalododonu; e ka dina ni tiko e dua na Kalou (Mighty One) o koya e dau vakatulewa e vuravura.

Same (Tehellim) 58:1(0)-12(11) 

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 075 o/o 1535	March 15, 2012
Reading	Hebrew Date
Na iVakarua (D’varim) 26-27	Adar 21, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

E Ka Levu Duadua Na Loloma (Love is the Greatest)

Serving for the 14th February, 2008

Kevaka meu dau vosataka na veimataqali vosa ni tamata vata kei na agilosi, ia qai sega vei au na loloma, au sa yaco meu vaka na lali parasa kosakosa, se na veleti parasa karakaraivesa. 02 Kevaka e tiko vei au na isolisoli ni parofisai, kau kila na veika tawamacala, qai levu na noqu kilaka; kevaka talega me tiko vei au na vakabauta kece, meu rawa kina ni toso ulunivanua, ia qai sega vei au na loloma, au na sega ga ni dua na ka. 03 Kevaka au mani solia na noqu iyau kece me ra vakani kina na dravudravua, au qai solia na yagoqu me lai vakamai; ia qai sega vei au na loloma, e na sega ni dua na kena yaga vei au. 04 Na loloma e dau vosovosota vakadede ka dau yaloyalovinaka, na loloma e sega ni dauvuvu, na loloma e sega ni dauvakarairai, ka sega ni dauveivakalevulevui; 05 e sega ni dau vukivuki vakaviavialevu, e sega ni dau vaqara na ka me nona ga vakataki koya, e na sega ni vakacudrui ka sega ni lomaca; 06 e sega ni taleitaka na ivalavala ca, ia e dau marautaka ga na dina; 07 e colata na veika kece, e vakabauta na veika kece, e nuitaka na veika kece, ka vorata na veika kece. 08 Na loloma e na sega ni cala. Ke mani tu na parofisai, qori e na cala, ke tu na veimataqali vosavosa qori e na tini yani, ke tu na kilaka qori e na seyavu yani.

- I Korinica 13:1-8

E daidai sa tiko na ka tolutolu oqo, na vakabauta, na inuinui kei na loloma; ia e cecere duadua vei iratou oqori na loloma.
I Korinica 13:13

Sitabataki au me vaka na samuqawe e lomaseremuni, io, me vaka na samuqawe e tabamuni; baleta na loloma e kaukaua me vaka na mate; na kena yalovuvu e na tatakube toka me vaka na i bulubulu. Na kena koala, e koala ni bukawaqa, ka waromisa na kena yameyame. 07 Na wai e vuqa e na sega ni bokoca rawa na loloma, e na sega talega ni kuitaka laivi rawa na ualuvu, Ke dua na tamata e mani solia, na i yau kece mai loma ni nona vale e na vukuni loloma, e na vakaitamera na kena vakamelei.
Sere i Solomoni, 8:6-7


Kemuni na tagane vakawati, lomani ira na dui watimuni, me vaka ni a lomana na isoqosoqo lotu o Karisito (Messiah), qai soli i Koya kina vakataki Koya vua;
Efeso 5:25



Wilika Talega Ke Rawa
Deuteronomy 6:1-5, Psalms 136, John 15:9-17, I John 3

Na Loloma Soliwale (The Gift of Love)

Serving for the 13th February, 2008

O cei me na tawasei keda mai na loloma nei Karisito (Messiah)? Na veileqa lelevu beka, na yaluma beka, se na veivakacacani beka, se na dausiga, se na luvawale, se na veika vakarerevaki beka, se na iseleiwau beka? 36 Me vaka sa volai tu,
“E na vuku­muni, keimami sa vakamatei tiko kina e loma ni siga taucoko,
Keimami sa mai wili kina vaka na sipi sa vakarautaki tiko me vakamatei.”
37 E sega! E na veika kece, eda sa dau veirawai tiko vakaoti e na Nona veivuke o Koya e dau lomani keda. 38 Baleta au sa kila matua, ni na sega ni rawata na mate se na bula, o ira na agilosi se o ira na veimataqali iliuliu se o ira na qaqa, na veika e tu e daidai, se na veika e se tu mai muri; 39 se na veika cere se lolovira, se na veikabuli tale eso, me na rawa ni tawasei keda mai na loloma ni Kalou (Elohim), e kune vei Jisu Karisito (Yahshua Messiah), na noda Turaga (Master).
- Roma 8:35-39


O keda eda vakabauta, eda kila na loloma e vure mai Vua na Kalou (Elohim) e na vukuda. Na Kalou (Elohim) ga na loloma, ia o koya e bula tiko e na loloma, e bula tiko kei na Kalou (Elohim) 17 ¶ Eke e na vakausivitaki kina na nona loloma vei keda; me rawa ni da na doudou e na siga ni lewa; me vakataki Koya ga, o keda talega eda vakataki Koya e na vuravura oqo.18 E sega na ravarava e na loloma; baleta na loloma uasivi e talaca laivi na ravarava; na ravarava e vu ni nuiqawaqawa. O koya e dau ravarava, e se bera ni vakauasivitaki e na loloma. 19 Eda lomana na Kalou (Yahweh), baleta o Koya e a lomani keda taumada eliu.
- I Joni 4:16-19


Also Read If Possible

Deuteronomy 7:7-11, 10:14-15, John 3:16-19,

Romans 5:8-11, Ephesians 2: 4-10