Na Leqa Ni Talaidredre (The Problem with Disobedience)

Thought: Commit Yourself To Serve Yahweh With Undivided Attention

.............................................

Serving For The 26^th September, 2009

32 Ia qo, kemuni na neimami Kalou (Elohim), cecere, kaukaua ka Kalou (Elohim) savasava, o koya e dau maroroya na veiyalayalati kei na dina; laiva me kakua ni vunitaki mai matamuni na veika dredre sa yaco tiko vei keimami, vei ira na neimami tui, vei ira na neimami ravouravou, vei ira na neimami bete kei ira na neimami parofit, vei ira na tama i keimami, ka vaka kina vei ira na tamata kecekece, me tekivu mai na nona veisiga na nodra tui na kai Asiria, me yacova mai na siga nikua 33 Ia veitalia ga, o kemuni oni dodonu tiko ga e na veika kece sa yaco tiko qo vei keimami; baleta ni donu ga na ka oni a cakava; o keimami ga kemuni a caka ca. 34 E sega ni dua na neimami tui, se ravouvou, se bete, se tama i keimami e bau talairawarawa mada ga i na nomuni lawa se vakatudaliga e daligadra i na nomuni ivakaro kei na nomuni ilesilesi; qori oni rawa kina ni vakadinadinataka na veika baleti ira. 35 Era a besetaka na nomuni matanitu, kei na veivakalougatataki levu oni a solia vei ira, kei na vanua vinaka ka bulabula oni a solia vei ira; era sega ni qaravi kemuni ka sega talega ni saumaki mai na nodra ivalavala ca. 36 Qori keimami se veiqaravi tu ga kina me yacova mai na siga nikua; ia na qele oni a solia vei ira na tama i keimami me keimami dau kania na kena vuata, kei na kena veika vivinaka; raica keimami se bobula tikoga e loma. 37 Na kena vuata era dau mai kauta o ira na tui oni a lesi ira me ra mai lewai keimami baleta na neimami ivalavala ca; qo era sa dau lewa talega na yago i keimami ka lewai ira na neimami bulumakau, me vakatau ga e na nodra gagadre, ka keimami sa bula tu ga qo e na dredre.

Nihemaia 9:32-37

20 ¶ Na Kalou (Elohim) ni veisaututaki, o Koya e a vakatura mai na mate na noda Turaga o Jisu (Master Yahshua), na ivakatawa levu ni sipi, e na dra ni veiyalayalati tawamudu, 21 me vakadaumakataki kemuni e na cakacaka vivinaka moni vakayacora na Nona inakinaki kei na Nona cakacakataka e lomada na veika e dau talei e matana, e na vuku i Jisu (Yahshua) na Mesaia, ka me Nona na lagilagi e veiveigauna kece me tawamudu. Emeni.

Iperiu 12:20-21

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
269	September 26	Isaiah 7-9	Galatian 4

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Masu Nei Nihemaia (Prayer of Nehemiah)

Thought: Praying Is Important, But Work Is Also Crucial

...................................................

Serving For The 22^nd September, 2009

05 ¶ Au kaya, Au masuti kemuni, i Jiova na Kalou (Yahweh Elohim) ni lomalagi, na Kalou (Elohim) cecere, vakaitamera dau dokai, o koya e maroroya na dina kei na loloma me nodra o ira era lomani koya ka dau vakayacora na nona ivakaro; 06 laiva na matamuni me tadola, kei na daligamuni me vakatudaliga, moni rogoca na masu ni vakatakekere ni nomuni dauniveiqaravi; au sa masu tiko yani qo e matamuni, e na siga kei na bogi, meu tusanaka na nodra ivalavala ca luvei Isireli, era sa valavala ca tiko e matamuni; ka vakakina o yau kei ira na lewe ni matavuvale nei tamaqu, keimami dau valavala ca e matamuni. 07 Keimami sa sega ni vakayacora tiko na nomuni ivakaro taucoko, kei na lawa, kei na ivunau oni a vakarota vei Mosese na nomuni dauniveiqaravi. 08 Ni vakasamataka lesu na ivakaro oni a vakarota vei Mosese na nomuni dauniveiqaravi, Kevaka oni talaidredre vei au, au na cemuri kemuni tani moni tayana yani e loma ni veimatanitu. 09 Ia kevaka oni qai vuki mai vei au, moni maroroya na noqu lawa ka bulamuria; e dina ga ni ra sa tayana tu e na veiyasana yawa kei lomalagi o ira era a cemuri; au na lai vakasoqoni ira tale mai keya, au na qai kauti kemuni i na vanua au sa nakita meu biuta kina na Yacaqu. 10 Ia qo o ira na nomu dauniveiqaravi kei ira na nomu tamata, oni sa vueti ira mai e na nomuni kaukaua vakaitamera kei na ligamuni qaqa.

Nihemaia 1:5-10

12 ¶ Me tekivu qo lako yani, kemuni na noqu daulomani, baleta ni oni a dau talatalai rawarawa e veiveigauna, sega walega niu tiko kei kemuni, ia vakalevu cake niu sega ni tiko, cakacakataka na nomuni dui vueti i na bula, e na yalo ni veidokai kei na rere. 13 Baleta ni Kalou (Elohim) e vakauqeta tiko vei kemuni na yalo moni via cakacakataka na veika vivinaka, oni dau gadreva moni cakava.

Filipai 2:12-13

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
265	September 22	Song of Solomon 4-5	2 Corinthians 13

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Lesu i Jerusalemi (Return toJerusalem).

Thought: It is useless to know more, if one does not do anything about what one knows already.

.......................................................

Serving For The 21^st September, 2009

06 O Esera qo e dua vei ira na iliuliu a lako cake mai Beibeloni; o koya e dua na vunivola sa buta vinaka tu e na lawa i Mosese e a solia vua o Jiova (Yahweh) na nodra Kalou (Elohim) na Isireli: a qai vakadonuya na nona kerekere vua na tui, me dau veitosoyaki, me vaka e lomana e na veiyavu ni lawa nei Jiova (Yahweh). 07 Era a lako cake i Jerusalemi eso na luve i Isireli, vata kei ira na bete kei ira na Livai, kei ira na dauveiqaravi, kei ira na ivakatawa ni katuba, kei ira na Necinaiti kei ira era lako taumada mai Jerusalemi, e na ikavitu ni yabaki ni veiliutaki nei Atakisesite na tui. 08 Era a yaco i Jerusalemi e na ikalima ni vula, oya e na ikavitu ni yabaki ni nona veiliutaki na tui. 09 E na imatai ni vula, era a tekivu biubiu kina mai Beibiloni, era qai yaco i Jerusalemi e na imatai ni siga ni ikalima ni vula, e na veituberi ni liga ni Kalou (Elohim); o koya a sa dau yalo vinaka tiko vei ira. 10 Baleta o Esera a sa nakita tu e vuniyalona me na vakaqara na lawa i Jiova (Yahweh), me vakayacora ka vakatavulica e IsIreil na kena vei ilesilesi kei na lewa.

Esera 7: 6-10

14 ¶ Ke dua na tamata e kaya ni tiko na nona vakabauta; na cava na betena oqori, kemuni na taciqu, ke sega ni cakacakataki? E rawa beka ni vakabulai koya na vakabauta? 15 Ke dua na tacimuni se ganemuni e luvawale tu, qai sega vua na kakana ni veisiga, 16 oti me qai dua vei kemuni e kaya vua, “Lako yani e na vakacegu, mo qai vakatakatataki ka vakamamautaki”; ia ni oni sega ni solia vua na veika e gadreva na yago; na cava beka na kena yaga oqori? 17 E tautauvata oqori, ni toka duadua, na vakabauta, e sega ni cakacakataki e ka mate.

Jemesa 2:14-17

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
264	September 21	Song of Solomon 1-3	2 Corinthians 12

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Tini Vinaka O Moadekai (Good Ending for Moadecai)

Thought: Yahweh Works For The Betterment of Those Who Love Him

...................................................

Serving For The 20^th September, 2009

Oti qai lavaka o Akashirasi na tui e dua na ivakacavacava e loma ni vanua raraba vata kei na yatu yanuyanu vaka i wasawasa. 02 Ia na vatuka ni nona cakacaka kece mai na nona lewa kei na nona kaukaua, vata kei lagilagi ni nona kaukaua ni vakavulewa nei Moadekai, e a toroi koya cake kina na tui, qori era sa volai tu e na ivola ni nodra veitabagauna o ira na tui mai Media kei Perisia? 03 Baleta o Moadekai na Jiu a sa tu taravi tui Akashirasi sara ga, a qai yaco kina me nodra iliuliu na Jiu, ka dau vaqara ga na ka me ra na vinaka kina na nona tamata, ka sa dau vosa tiko o koya e vukudra o ira na nona kawatamata.

Esiteri 10:1-3

E dina ni sebera ni se, ka sa sega tu na drau ni vaini, e dina ni sa leqa na vuata ni veiolive, na buturara ni samusamu sa sega ni rawata na vua ni witi, na sipi era sa ta laivi mai na qelenisipi, ka sega na bulumakau e na kena lomanibai; 18 Ia au na reki ga vei Jiova (Yahweh) Au na kune marau Vua na Kalou (Elohim) na noqu ivakabula.

Habakuki 3:17-18

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
263	September 20	Ecclesiates 10-12	2 Corinthians 11:16-33

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

O Moadekai kei Hamani (Modecai and Haman ).

Thought: Only Yahweh is Worthy of Worship

…………………………………………

Serving For The 18^th September, 2009

01 Ni oti na veika oqo a qai vakacerei Hamani na luvei Hamadata, na Aqaqaiti, tagane, o Akashirasi na tui, ni a toroya cake na nona itutu, me sa dabeca na idabedabe ni veiliutaki vei ira era cakacaka tu vata kaya kei koya. 02 O ira kece na dauniveiqaravi ni tui era a dau tiko e na matamata ni tui, era a dau cuva me ra vakarokorokotaki Hamani; baleta e a vakarota na tui me caka vakakina vua. Ia o Moadekai e a sega vakadua ni via cuva vua, me vakarokorokotaki koya. 03 Era mani tarogi Moadekai, o ira na dauniveiqaravi ni tui era tiko e na matamata ni tui, Na cava o talaidredre tiko kina e na nona ivakaro na tui? 04 A qai yaco, ni oti e vica vata na siga na nodra vosa tiko va qo vua, ia qai sega tiko ga ni vakarorogo vei ira, ni ra a lai tarogi Hamani, me ra kila se dina na vosa a kaya o Moadekai: baleta ni a kaya vei ira o koya ni o koya e Jiu. 05 Ia ni sa qai raica o Hamani ni sega ni dau cuva vua o Moadekai, se vakarokorokotaki koya, e a qai curumi Hamani e dua na yalokatakata levu ena vukui Moadekai. 06 Sa qai vakasamataka o koya ni sega ni dua na ka, ke tarai Moadekai duadua ga; baleta sa vakatakilai oti vua, o ira na tamata nei Moadekai; qori a qai vaqara kina o Hamani, me vakarusai ira kece vakadua na Jiu era vakaitikotiko e na loma ni matanitu taucoko nei Akashirasi, oya o ira na tamata nei Moatekai.

Esiteri 3:1-6

03 Kakua ni ukutaki kemuni e na iukuuku e taudaku, me vaka na tali ni drauniulu, na daramaki ni iyaya ni sasauni koula, se na sulumi ni isulu sau lelevu, 04 ia laiva me ukutaki ga na tamata e tiko vuniyalomuni, e na yalomanoa e sega ni rusa rawa kei na iukuuku e talei e mata ni Kalou (Elohim). 05 Baleta oqori na mataqali ivakarau, e kune mai liu, vei ira na marama lotu era sa tekia tu na nodra inuinui vua na Kalou (Yahweh), oya ni ra dau yalomalumalumu vei ira na dui watidra:

1 Pita 3:3-5

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
261	September 18	Ecclesiates 4-6	2 Corinthians 10

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).