Me Nodra Tui Na Vunikau (To Be A King For Trees)

Thought: Lack of Integrity Often Take Its Toll, When Truth Begins To Emerge

............... 

Serving For Yom HaShishi, Tammuz 2, 5772

MAI NA NEVI’IMI RISHONIMI (FROM THE NEVI’IM RESHONIM)

E na gauna era tukuna kina vei  Yotame, a qai lako o koya me lai tu mai na dela ni ulunivanua o Qi'risimi, qai laveta cake na domona me kailavaka me kaya vei ira, Rogoci au mai, kemuni na matua ni She'kehema, me rawa ni rogoci kemuni na Kalou (Mighty One). 8 Tikotiko kina e na dua na gauna, ni ra a lako yani na veivunikau me ra lai lumuta e dua na tui me liutaki ira; era qai kaya vua na vuniolive; Mai veiliutaki vakatui vei keimami. 9 Ia qai kaya vei ira na vuniolive, E dodonu beka meu biuta na kequ yaga, ka niu dau vakayagataki me vakarokorokotaki kina na Kalou (Mighty One) kei ira na tamata, meu lai vakalolomataki vei ira na vunikau?  10 Era mani kaya na vunikau vua na vunilolo, O iko, lako mai mo mai veiliutaka vakatui vei keimami. 11 Ia na vunilolo a qai kaya vei ira, Au na sega vakadua ni biuta na kequ kamica kei na vuaqu vivinaka, meu lai veidretaki niu veiliutaki tiko vakatui vei ira na vunikau. 12 Oti era mani kaya na veivunikau vua na vunivaini, Lako mai o iko mo mai veiliutaki vakatui vei keimami. 13 Ia qai kaya na vunivaini vei ira, au na sega ni biuta na noqu waini e dau vakamarautaka na vuniyalodra na  iliuliu kei ira na tamata, meu lai veidretaki vei ira vunikau?  14 Oti era qai kaya na veivunikau vua na vunisoni, lako mai o iko mo mai veiliutaki vakatui vei keimami. 15 Kaya na vunisoni vei ira na vunikau, Kevaka oni lumuti i au dina meu nomuni tui, ia ni lako mai moni mai vakaruru e na kequ iyaloyalo; ia ke sega, laiva na bukawaqa me caudre mai na vunisoni me tiloma na veisitari kece ni Le'vanoni 16 O koya oqo, kevaka oni sa cakava tiko e na yalodina kei na yalododonu; kevaka talega oni sa cakava vakavinaka oti vei Yeruba'ala kei na nona lewe ni matavuvale, ka sa dolei vua me veiraurau kei na cakacaka kece ni ligana; 17 (Baleta o tamaqu a vala e na vukumuni, ka vakayagataka na nona bula, me vueti kemuni kina mai ligadra na  Midiyani, 18 Ia nikua oni sa matacake oni qai saqata na matavuvale i tamaqu, ka vakamatei ira na luvena tagane, e vitusagavulu, e na dela ni dua na vatu, oni qai buli i Avimeleki na luvetagane ni nona vada, me tui e She'kehema, baleta o koya e tacimuni;) 19 Ia kevaka oni sa yalodina ka yalododonu vakaidina vei Yeruba'ala kei ira na lewe ni nona matavuvale, ia moni rekitaki Avimeleki sara, ka laivi koya me rekitaki kemuni talega; 20 Ia ke sega, laiva me caudre maivei Avimeleki na bukawaqa, me tilomi ira na matua e She'kehema kei na iliuliu kei Milo; qai laiva talega na bukawaqa me caudre mai  vei ira na matua mai She'kehema, kei ira na matua mai Milo, me tilomi Avimeleki. 21 O Yotame, a qai lako vakatotolo me dro i Bi'ari, me lai vakaitikotiko mai keya, baleta na nona domobulataki  Avimeleki na tuakana.

Dauniveilewai (Shof’tim) 9:7-21

NA IVAQA NI BULA (FOOD FOR THE SOUL)

Na vuniyalo mamarau e dau vakabulabulataka na yago; ia na vuniyalo ni sa kavoro e vakamamacataka na sui.

Vosa Vakaibalebale (Mishlei) 17:22

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na Same maivei Dawide. 2(1) Vueti au i Yahuwe (YHWH) mai vua na tamata ca; taqomaki au mai na tamata ivalavala kaukaua; 3(2) Era dau vakavurea na vakacaca e vuni yalodra; era dau vakatubu ca e veiveigauna. 4(3) Era sa vagatara tu na yamedra me vaka na gata; na weli gaga ni ada (gata) e toka e daku ni tebenigusudra. 5(4) Maroroi au, i Yahuwe (YHWH), mai ligadra na daucakaca; taqomaki au mai vei ira na tamata ivalavala kaukaua; era sa nakita tiko me ra vakadaroya na noqu ilakolako. 6(5) O ira na viavialevu era sa birika vuni tu na dai me rawai au; na dali ni nodra lawalawa era sa vakotora tu e na noqu gaunisala; era sa birika tu na kequ tudai. 7(6) Au kaya vei Yahuwe (YHWH), O kemuni oni noqu Kalou (Mighty One), rogoca na domo ni noqu vakamamasu, i Yahuwe (YHWH). 8(7) I Yahuwe (YHWH) na noqu ivakabula vakaitamera, o kemuni na isasabai ni uluqu e na siga ni vala.

9(8) ¶ Kakua ni vakadonuya, i Yahuwe (YHWH), na nodra gagadre o ira na ca; kakua ni bukana na nodra vere; kakua ni laivi ira me ra rawata na nodra inakinaki. 10(9) Laiva na inaki duka ni tebenigusudra me sauti ira tale. 11(10) Laiva na qilaiso waqawaqa me lutuki ira; laivi ira me ra caroba i loma ni bukawaqa, me ra kakua ni mata cake tale. 12(11) Kakua ni laiva e dua na daunivosa ca me tauyavu e vuravura; na ca me na vakasasataki ira na tamata ivakarau kaukaua me vakarusai ira. 13(12) Au kila ni o Yahuwe (YHWH) e na taqomaka na nodra sasaga na vakalolomataki kei ira na dravudravua. 14(13) E na dina ni o ira na yalododonu era na solia na vakavinavinaka i na yacamuni; o ira na yalododonu, era na vakaitikotiko e matamuni.

Same (Tehellim) 140:1(0)-14(13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 173 o/o 1633	June 22, 2012
Reading	Hebrew Date
Yirmeyahu (Jeremaia) 22-23	Tammuz 2, 5772
Click The Bible Text To Read It In Gateway In Another Language Or Version

            

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Lesi O Ira na Dauveilewai (Shof’tim – Judges- Appointed).

Thought: The Judges Were To Help Isra’yl See YHWH, But They Refused

................ 

Serving For Shabbat Sivan 19, 5772

MAI NA NEVI’IMI RISHONIMI (FROM THE NEVI’IM RESHONIM)

NA mal’aka i Yahuwe (YHWH) a lako cake mai Qiliqali i Bokihimi, qai kaya vei ira na luve i Yisira'yili, Oqo na ka e kaya o Yahuwe (YHWH), Au a kauti kemuni cake mai Ijipita, au qai kauti kemuni i na vanua au a bubuluitaka vei ira na tamamuni; niu a kaya, Au na sega (vakadua) ni voroka na noqu veidinadinati vata kei kemuni. 2 O kemuni moni kakua ni vakaduria  na veiyalayalati kei ira na lewe ni vanua oqo; ia moni na talaraka sobu (vakadua) na nodra icabocabo ni soro; ia oni qai sega ni  muria na noqu vosa. Na cava na vuna oni cakava kina na ka oqo? 3 Qo na vuna au a kaya kina, Au sa na sega tale ni vakarusai ira mai matamuni; ia era na yaco me ra qaciqacia, kei na nodra kalou (elohim) era na yaco me ra itatacaqe vei kemuni. 4 E na gauna sa kaya kina na mala'aka i Yahuwe (YHWH) vei ira na luve i Yisira'yili na vosa oqo; o ira kece na tamata era qai laveta cake na domodra era qai taba!aka na tagi. 5 O ira na tamata era qai vakatoka me yaca ni vanua oya o Bokihimi; era qai vakacabo i soro e keya vei Yahuwe (YHWH).

6 ¶ E na gauna a vakatalai ira kina na tamata o Ye'hoshua, era a qai dui lako o ira na Yisira'yili i na nodra dui ivotavota me ra sa taukena na vanua. 7 O ira na tamata (e na gauna oya) era a qaravi Yahuwe (YHWH) e na gauna kece a bula voli kina o Ye'hoshua, kei na nodra veisiga kece na matua era bula sivi i Ye'hoshua, oya o ira era a raica na cakacaka lelevu kecekece a kitaka o Yahuwe (YHWH) e na vukudra na Yisira'yili. 8 O Ye'hoshua, na luve i Nani na italai i  Yahuwe (YHWH), e a mate e na gauna e yabaki duanadraukatini kina. 9 Era a qai buluti koya e na loma ni iyalayala ni nona ivotavota mai Timina-Heresi, e na ulunivanua i Ifira'yimi, e na yasana i na vuaicake ni ulunivanua o Qa'asha. 10 Na itabatamata kece oya era a qai soqo yani vei ira na nodra qase; oti qai tubu muri i ira cake mai e dua tale na itabatamata, era sega sara ga ni kilai Yahuwe (YHWH), ka sega talega ni kila na veika lelevu a cakava o koya vei Yisira'yili. 11 O ira na luve i Yisira'yili era a cakava na veika vakasisila e na mata i Yahuwe (YHWH) e na nodra qaravi Ba'ala; 12 Era a vakanadakui Yahuwe (YHWH), na Kalou (Mighty One) ni nodra qase, o koya e a kauti ira laivi mai na vanua o Ijipita; era qai vakamuri i ira na kalou (elohim) tani, na nodra kalou (elohim) na tamata era bula vakavolivoliti ira tu, qo era a vakacudrui Yahuwe (YHWH) kina. 13 O ira era a qai vakanadakui Yahuwe (YHWH), era qai qaravi Ba'ala kei 'Ashetaroti. 14 Na leva (waromisa) i Yahuwe (YHWH) a qai saqati ira na Yisira'yili, a qai soli i ira kina o koya i na ligadra na dauvakacaca, o ira (qori) era qai vakacacani ira, ka soli i ira i ligadra na kedra meca era tu wavolivoliti ira, me yacova sara ga ni ra sega ni rawa ni tu tale e matadra na kedra meca. 15 Na vanua cava ga era lako kina, na liga i Yahuwe (YHWH) e a saqati ira tikoga me vakacacani ira, me vaka sa kaya oti o Yahuwe (YHWH), me vaka talega sa bubuluitaka oti vei ira o Yahuwe (YHWH); era a vakalolomataki sara ga vakalevu. 16 O Yahuwe (YHWH) a qai vakatuburi i ira cake na dauveilewai (Shof'tim), e na kedra maliwa na luve i Yisira'yili, o ira era qai dau vueti ira mai vei ira era dau vakacacani ira. 17 Ia era sega ga ni vakarorogo vei ira na nodra dauveilewai, baleta ni ra sa muri sese tu vei ira na kalou (elohim) tani, ka ra sa dau sokalou vei ira; era  a saumaki laivi sara vakatotolo mai na sala era a dau muria o ira na tamadra, o ira era a dau talairawarawa i na ivakaro i Yahuwe (YHWH); ia o ira qo era sa sega ni bau cakava vakakina.

Dauniveilewai (Shof’tim) 2:1-17

NA IVAQA NI BULA (FOOD FOR THE SOUL)

Na tamata yalovakatani e segata me vakatanitaki na dina, ka na veilewaitaka vakailasu na wekana vakaitikotiko. 29 ¶ E dua na tamata ivakarau ca e na temaka na wekana vakaitikotiko qai vakayarayrataki koya i na sala e sega ni vinaka. 30 ¶ E na vakamatadua, qai navuca na veika ca; e veivakayarayarataki e na tebenigusuna, me rawata kina na inaki ca.

Vosa Vakaibalebale (Mishlei) 16:28-30

LOMANI YAHUWE NA NOMU KALOU (LOVE YHWH YOUR MIGHTY ONE)

E dua na sere ni cabecabe. Maivei Sholomo. Vakavo ga ke tara na vale o Yahuwe (YHWH), e ka ga ni vakarairai na nodra cakacaka o ira era tara tiko; vakavo ke yadrava na korolevu o Yahuwe (YHWH), e ka ga ni veivakacalai na nodra yadra tiko o ira na ivakatawa. 2 E veivakacalai o koya e dau sou vakamataka, me vakadaroya na nona lai moce, baleta ni cakacaka tiko vakaukaua, me rawata na nodratou bula; baleta o koya e na vakarautaka na veika me baleti ira na nona daulomani, e na gauna era se dui moce  tu kina. 3 Raica, o ira na gonelalai era isolisoli nei Yahuwe (YHWH); na vua ni katonigone e dua na icocovi. 4 Me vaka na gasau ni dakaititi e ligana e dua na tamata qaqa; era vaka kina o ira na lalai era sucu (vei ira) e na nodra gauna ni (nodra) uabula. 5 E kalougata na tamata e tawani ira vakalevu e na nona bola ni gasau; o koya e na sega vakadua ni madua ni veileti kei ira era kena meca, e na matamata (ni korolevu).

Same (Tehellim) 127:1-5

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 160o/o 1620	June 9, 2012
Reading	Hebrew Date
Yesha’yahu (Aisea) 58-59	Sivan 19, 5772
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Saula Na Tui. (King Saul)

Thought: Israel Resented the Rule of King, Do We Recent Yahweh too?

............................................................

Serving For The 6^th March, 2009

Ni sa raici Saula o Samuela, o koya e sa digitaka o Jiova (Yahweh), Raica qori na tamata au a tukuna vei iko! Na tamata oqo me na veiliutaki vakatui vei ira n na matamata o Saula.

18 ¶ Sa toro sara mai vei Samuela e na matamata qai kaya vua, Tukuna mada mai vei au, se evei na nona vale na daurairai. 19 Sauma o Samuel vei Saula qai kaya O au na daurairai; liu cakeyani i na tikina cecere; baleta o iko o na kana vata kei edaidai, e na mataka au na qai biuti iko mo lako, ia au na tukuna vei iko na veika kece e tiko e lomamu. 20 Ia me baleta na nomu asa era a yali e na tolu na siga sa sivi, kakua ni leqataki ira baleta era sa kune tale; Vei cei beka e toka kina na nodra inuiniu na vale nei Isireli? E sega beka ni no vei iko kei ira lewe ni vale nei tamamu? 21 Sauma o Saula qai kaya vei Samuela Raica, o au e dua na vei ira na kawa nei Penijamini, na mataqali lailai duadua e na loma ni vale nei Isireli ia na noqu matavuvale, e lolovira duadua vei ira na matavuvale ni mataqali Penijamini. Na cava mo mai vosa kina vaka oqori vei au? 22 Sa qai kauti Saula kei na nona dauniveiqaravi o Samuela, me kauti rau i loma ni vale, vakatikori rau e na tikina vakaturaga vei ira era sureti, oya e rauta na le tolusagavuluna tamata.

1 Samuela 9:17-22

“Kevaka dou lomani Au, muria na Noqu ivakaro.

Joni 14:15

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
96.	Epereli 6	Dauveilewai 18-19	Luke 10: 25-42

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

Mate o Samisoni (Samson’s Death)

Thought: Yahweh is the Elohim of Second Chance

............................................................................

Serving For The 5^th April, 2009

A qai yaco ni sa tubu sara tu ga na reki ni yalodra, era qai kaya, Kacivi mai o Samisoni me mai vakalasalasa mada vei keda. Era qai kacivi Samisoni mai vale ni veivesu; sa qai mai vakalasai ira, ia era vakaduri i koya tu e na maliwa ni veiduru ni vale. 26 Kaya o Samisoni vua na cauravou e dau tubera na ligana, Tuberi au mada meu lai vakayamoca tu mada na duru e tabeya cake tu na vale, meu rawa ni ravi tu mada kina. 27 Na vale era sa osota tu na tagane kei na yalewa; o ira kece na nodra iliuliu na kai Filisitia era a tiko kina; e na dela ni vale era tiko kina e rauta na tolunaudolu na tagane kei na yalewa, me ra saravi Samisoni ni vakalasalasa tiko vei ira. 28 E kacivi Jiova (Yahweh) sara o Samisoni, qai kaya, I Jiova na Turaga (Yahweh Elohim), nanumi au mai, au masuti kemuni, vakaukauataki au tale vakadua e na gauna qo, Kemuni na Kalou (Elohim), meu rawa ni sauma lesu vei ira na kai Filisitia na yali ni mataqu ruarua. 29 Oti sa qai taura o Samisoni na duru rau tabeya cake tu na vale, mai loma donu, ravita yani me taura e dua e na ligana i matau, ka dua tale e na ligana i mawi. 30 Sa qai kaya o Samisoni Laiva meu mate vata kei ira na kai Filisitia. Oti qai dre e na nona i gu taucoko; qai kabasu kina na vale ka ovaci ira vakadua na iliuliu kei ira na tamata kecekece era a tiko e keya. O ira e a vakamatei ira o Samisoni, e na gauna a mate kina, era lewe levu cake mai na iwiliwili a vakamatei ira o koya e na gauna a bula voli kina. 31 Era qai lako sobu mai o ira na tacina kei ira kece na weka i tamana, era qai mai colati koya ka kauta me ra lai buluti koya e na kedrau tadrua o Sedari vata kei Esitaoli, e na loga ibulubulu nei Manoa na tamana. O koya e a dauniveilewai tu vei ira na Isireli me yabaki ruasagavulu.

Dauniveilewai 15: 25-30

Io, Au na vakaisosomitaka vei kemuni na veiyabaki era a kanilaka na vodre, na vodre dauqasi, na ulo meca ni kauvuata, na ulo meca ni kaudraudrau, kei na noqu mataivalu vakaitamera Au talai ira yani me ra lai saqati kemuni. 26 Oni sa na qai kana e na sautu, oni qai mamau ka vakacaucautaka na yaca ni TURAGA (Yahweh) na nomuni Kalou (Elohim), o Koya e dau vakayacora na veika vivinaka vei kemuni; na noqu tamata era sa na sega ni biu tale me ra vakamaduataki.

Joeli 2: 25-26

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
95.	Epereli 5	Dauveilewai 15-17	Luke 10:1-24

Na Kato Ni Kalou (The Ark of Yahweh)

Thought: When Faith In Yahweh Wavers, Faith In Inanimate Things Soars.

...........................................................................

Serving For The 4^th April, 2009

O ira na kai Filisitia era qai taura na kato ni Kalou (Elohim) ka kauta i na Vatu ni Veivuke mai Asitoti. 02 Oti era qai taura tale na kato i Jiova (Yahweh) na kai Filisitia, era qai kauta i na burekalou nei Deiqona, ka vakatikora e na yasa i Deiqona. 03 Ni ra yadra mai e na mataka o ira na itaukei kei Asitoti, era qai kunei Deiqona ni sa bale vakatoboicu tu e na buturara e na mata ni kato i Jiova (Yahweh). Era mani laveti Deiqona, ka vakaduria tale e na kena itutu. 04 Ia ni ra yadra tale mai e na mataka caca ni siga ka tarava, era qai raica ni sa baci bale tale tu vakatoboicu e na buturara o Deiqona, e na mata ni Kato i Jiova (Yahweh); na ulu i Deiqona kei na ligana ruarua rau a kamusu laivi e na ilago, na toloi Deiqona ga sa qai vo tu. 05 O koya qo, e sega kina ni dua vei ira na bete nei Deiqona se o ira era dau curuma na burekalou nei Deiqona, era na butuka na ilago nei Deiqona mai Asitoti me yacova mai na siga nikua.

06 ¶ Ia na liga i Jiova a qai tau bi tiko vei ira na itaukei kei Asitoti, ni a vakarusai ira, ka vakaleqai ira e na bo, ruarua o ira mai Asitoti kei na veiyasana wavolivolita. 07 Ni ra sa raica na tagane mai Asitoti na ka sa yaco tiko, era qai kaya, Na Kato ni Kalou (Elohim) nei Isireli, me sa kakua ni tiko vata kei keda; baleta na Ligana sa rui tau bi sara tiko ga vei keda vata kei Deiqona na noda kalou (elohim).

1 Samuela 5:1-7

E na vakabauta, eda kila kina ni a buli na vuravura e na vosa ni Kalou (Yahweh), me qai rawa kina vei ira na veika era laurai votu, me ra a buli mai na veika e sega ni laurai.

Iperiu 11:3

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
94.	Epereli 4	Dauveilewai 12-14	Luke 9: 37-62

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh(YHWH).

Kacivi o Samuela (Yahweh Calls Samuel)

Thought: Your prayers will produce results that you never dreamed possible!

......................................................................

Serving For The 3^rd April, 2009

E na gauna qo, o Samuela a sebera kina ni kilai Jiova (Yahweh), ka sa bera tale ga ni vakatakilai na vosa i Jiova. 08 A baci kacivi Samuela tale e na ikatolu ni gauna o Jiova (Yahweh). Tucake tale o Samuela lako vei Ilai qai kaya: O au ga oqo; baleta o iko o kacivi au tiko. Sa qai kilakasamataka o Ilai ni o Jiova (Yahweh) e a kaciva tiko na gonetagane. 09 Ekeri sa qai kaya vei Samuela o llai, Lesu lai davo sobu; e na qai yaco kevaka e kacivi iko tale o Koya; mo qai tama, Ni vosa mai Jiova (Yahweh); baleta na nomuni dauniveiqaravi sa rogoci kemuni. Lesu o Samuela, qai lai davo sobu e na nona tikina. 10 Ia qai lako mai o Jiova (Yahweh) me mai tu, sa qai kaci vakarua, Samuela! Samuela! Kaya o Samuela, Vosa mai Jiova (Yahweh), baleta na nomuni dauniveiqaravi sa rogoci kemuni.

11 ¶ Kaya o Jiova vei Samuela, Raica, Au sa na cakava eso na ka e Isireli, e na vakavuna me ra vakatudaliga, o ira era na rogoca na kena itukutuku.

1 Samuel 3:7-11

Oqo na inuinui eda vaka­raravi tiko kina Vua, oya ni da kerea Vua e dua ga na ka, e veidutai kei na Nona inakinaki, e na rogoci keda o Koya. 15 Kevaka eda kerei koya me rogoci keda e na veika eda kerea vua, eda sa na kila dei ni da sa ciqoma oti mai vua na veika eda gadreva.

1 Joni 5:14-15

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
93.	Epereli 3	Dauveilewai 10-11	Luke 9: 1-36

May the Names of Yahweh Elohim of Avraham, Yitzach and Ya'akov be freely published in the world today, so that people will learn that there is only one Elohim called Yahweh (YHWH).

Na iTalanoa Kei Samisoni (The Story of Samson)

Thought: Samson’s Downfall Was His Carelessness about His Power Given To Him By Yahweh.
.........................................
Serving for the 2nd April, 2009

O Samisoni a qai lako sobu i Timinaca qai raica kina e dua na yalewa mai Timinaca vei ira na luvedra yalewa na Kai Filisitia.02 Ni sa lesu tale, a qai lai vosa vei tamana kei tinana ka kaya, Au a raica e dua na yalewa mai Timinaca vei ira na luvedra yalewa na kai Filisitia; drau kauti koya mada mai i ke me sa mai watiqu. 03 Rau kaya vua o tamana kei tinana, Sa sega sara beka ga na yalewa vei ira na luvedra yalewa na weka i tamamu se vei ira kece na nomu tamata, o sa vinakata kina mo lai taura mai e dua na watimu mai vei ira na kai Filisitia tabuteve? Kaya o Samisoni vei tamana, Kauti koya mai vei au, baleta e talei sara ga vakalevu vei au o koya. 04 Ia o tamana kei tinana rau sega ni kila ni vakavuna tiko qo o Jiova, me rawa ni sausaumi lesu kina vei ira na kai Filisitia; baleta e na gauna oya o ira na kai Filisitia era a lewai ira tu na kai Isireli. 05 Rau mani lako sobu vata kei Samisoni o tamana kei tinana i Timinaca; ratou a qai yaco i na loga ni veivaini mai Timinaca; ia raica, ni kudruvi koya mai e dua na laione gone. 06 Ia qai sobuti koya mai vakaukaua na Yalo i Jiova (Yahweh), qai basuraka na laione o koya, me vaka ni basuraka tiko e dua na luve ni me, ia a sega ni dua na ka e taura tiko e ligana: a sega ni tukuna vei tamana se vei tinana na ka a cakava. 07 Ratou qai lako sobu, ratou qai vosa vua na yalewa; sa qai taleitaki koya ga vakalevu o Samisoni.
Dauniveilewai 14:1-7


Me tekivu qo, sa na vinakati vei ira na dauniveiqaravi nuitaki me ra yalodina.
1 Korinica 4:2

Read The Bible in a Year (Wilika Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi (Evening)
92.	Epereli 2	Dauveilewai 8-9	Luke 8: 22-56

Na Kaukaua Nei Isireli E Vuravura (Israel a World Power

Thought: The Rise Of Israel’s Power Came From Yahweh through Obedience

.......................................................................

Serving For The 30^th March, 2009

Sa qai lagasere o Tepora kei Baraka na luve i Epinoami, e na siga oya ni rau laga, 02 E na veisausaumi o Isireli sa saumi lesu; vakamuduo vei Jiova (Yahweh) e na dua na sere me baleta na veisausuami vei Isireli. 03 Ni vakarorogo kemuni na tui vakatudaliga kemuni na ravouvou An na laga sere vei Jiova (Yahweh); Au laga na sere ni vakamuduo vei Jiova na Kalou (Yahweh Elohim) nei Isireli. 04 Jiova (Yahweh), ni oni biuti Sieri mai mo tayabe i na rara mai Itomi, e a sakure na vuravura ka lutu na lomalagi, na o a vakatauca na uca. 05 Na veiulunivanua era a waicala e na mata i Jiova (Yahweh) io o Saineai sara ga mai na mata i Jiova na Kalou (Yahweh Elohim) ni Isireli.

06 ¶ E na veisiga nei Shamaqa na luve i Anaca, e na gauna nei Yanaela; na veigaunasala lelevu era a qai sogo laivi; o ira na veilakoyaki era a dau taubale e na gaunisala lelevu, era sa tini vakasaurarataki me ra taubaletaka na veisalatu lalai veiveveyaki.

Dauniveilewai 5:1-6

Na mataqu e na mau toka ga vei ira na yalodina e loma ni vanua, me ra rawa ni na mai tiko vata kei au: o koya e muria na ivalavala dodonu e na qaravi au.

Same 101:6

Read The Bible in a Year (Wili Na iVola Tabu E Na Dua na Yabaki).
Siga (Day)	Tikinisiga (Date)	Mataka (Morning)	Yakavi(Evening)
89.	March 30	Dauniveilewai 1-2	Luke 7:1-30